BEE Myanmar

08/10/2026

ဘုရားသခင်ကောင်းမြတ်ပါတယ် BEE Myanmar အမှုတော်လုပ်ငန်းအပေါ်မှာ

03/10/2026

၈ နှစ်ပြည့်ကျေးဇူးတော်ချီးမွမ်းခြင်းရှိပါတယ်။ တက်ရောက်စေချင်ပါတယ်။

25/09/2026

ခေါင်းဆောင်တော့ ခေါင်းဆောင်တွေပါဘဲ ဒါပေမယ့်ဒီအဖွဲ့တွေက အစေခံခေါင်းဆောင်တွေပါ။ အိမ်မှာနှိမ့်ချပီးနေကြပေမယ့် နှိမ့်ကျသူတွေတော့မဟုတ်ပါ။
နှိမ့်ချခြင်းဟာ သခင့်လမ်းစဥ်ဆိုတာ အပြည့်ဝနားလည်ထားသူတွေပါ။ ဝိညာဥ်သဘောနဲ့ကြီးထွားနေကြသူတွေ ကျေးဇူးတော်ကိုဆက်လက်မျှဝေနိုင်ကြပါစေ။
God bless you all.

24/08/2026

၃ ရက်လောက်ကြိုပြင်ဆင်ထားတဲ့ ပစ္စည်း‌အချို့နဲ့ ကျုံပျော်မြို့နယ်က ရေတိမ်ကျေးရွာသွားဖို့ နံနက်၅နာရီကစထွက်ကြတယ်။ နေသာတော့ပျော်လိုက်တာ ရေကျပြီပေါ့။ ရန်ကုန်ကနေ ၃ နာရီလောက်မောင်းရတဲ့ခရီးက သိပ်မဝေးပေမယ့်နီး‌တာတော့လဲမဟုတ်။ ကျုံပျော်မြို့ထဲဘက်သွားတဲ့တံတားအကျော်‌‌လေးကနေ ဘယ်ဘက်ကွေ့ဝင်ပီး ရွာကိုသွားတဲ့လှေဆိပ်မှာကားထားခဲ့တယ်။စက်လှေနဲ့သွားတာတောင် မိနစ် ၂၀ လောက်တော့ကြာတယ်ထင်ရတယ်။ အိမ်‌ခြေရာနဲ့ချီတဲ့ရွာမှာ ကိုယ်‌ကူနိုင်ခဲ့တာက အိမ် ၂၀ စာ သာသာပါဘဲ။ ‌ဒါ တောင်အသင်းတော်ကယုံကြည်သူတွေစုပေါင်းလှူထားတာမို့ပေါ့။ ဓါတ်မီး၊ ငါးသေတ္တာဗူး၊ အဝတ်အစားအချို့နဲ့အတူ ဆေးဝါးလေးတွေကို အိတ်ထဲထည့်ပေးထားတာ။ အိမ်ပေါ်တက်ဖို့တောင်အဆင်မပြေတော့ လှေပေါ်ကနေလှမ်းပေးပြီးပြန်လာခဲ့ကြတယ်။ စာအိပ်ထဲမှာတော့ တအိမ်ကို ၅၀၀၀၀ ကျပ်စီလောက်အရေးပေါ်သုံးဖို့ထည့်ပေးခဲ့တယ်။ လမ်းမှာအသိညီငယ်တယောက်က သူ့ရွာဘက်လိုက်ခဲ့ဖို့ခေါ်ပေမယ့် ရေထဲလျှောက်မှရောက်မှာမို့ အဝတ်လဲဖို့လဲမပါတော့လိုက်မသွားဖြစ်တော့ဘူး။
ရန်ကုန်အပြန်လမ်း ဓနုဖြူမြို့ရဲ့နာရီစင်နားက သန့် ဆိုတဲ့ထမင်းဆိုင်လေးမှာ နေ့လည်စာဝင်စားတာ အရမ်းစားကောင်းလို့ နောက်တခါများအခွင့်ကြုံရင်ဝင်ခဲ့ဦးမယ်လို့ပြောခဲ့လိုက်တယ်။
အိမ်ပြန်လမ်းတလျောက် လေးမျက်နှာဘက်ကယ်ဆယ်ရေးသွားကြတဲ့ကားတွေကိုကြည့်ငေးရင်း သူတို့ကျော်သွားတဲ့ ရေတိမ်ရွာတွေလို ကူညီဖို့လိုနေတဲ့ရွာတွေ ရှိနေသေးတယ်လို့စိတ်ထဲကအော်ပြောနေမိခဲ့တယ်။ အမှန်တော့အဲ့ရွာလေးတွေဟာ လေးမျက်နှာဆည်ကျိုးခြင်းရဲ့ သက်ရောက်မှုကြောင့်မိုးမရွာဘဲရေတက် ရေလျှံဒဏ်ခံ‌‌ရ‌ နေကြတာကိုတွေ့ရတယ်။ရေကတော့ လူတစ်ရပ်လောက် မြှုပ်တယ်။
အိမ်ပြန်ရောက်တော့ ရွာနေတဲ့မိုးကြောင့် အဲ့ရွာကလူတွေအတွက်မိသားစုတွေနဲ့အတူ မီးမရတော့တဲ့၊ ရေလျှံတဲ့ညတွေမှာ ဘေးကင်းစွာအိပ်စက်နိုင်ကြဖို့ ဘုရားသခင်ထံဆုတောင်းဖြစ်တယ်။ အလိုတော်ရှိရင်နောက်တစ်ခေါက်သွားလှူ ဖေးကူချင်မိတယ်။
BEE Myanmar မိသားစုတို့ရေ ကူနိုင် လှူနိုင်တဲ့သူတွေရှိရင်ကူညီပေးကြပါဦးနော် ဆုတောင်းပေးကြဖို့လဲပြောချင်တယ်။
အားလုံးအပေါ်ဘုရားသခင်ကောင်းကြီးပေးပါစေ။

11/08/2026

ဆိုဒ်အသေးကြိုက်သူများအတွက်သင့်တော်သည်။

ကျမ်းစာအုပ်အသေးလေး ထပ်မံရောက်ရှိထားပါတယ်။

Cb (or) 09791143634 (viber)

11/08/2026

BEE Myanmar အနေဖြင့် ယုံကြည်သူများနှင့် ဓမ္မအမှုတော်ဆောင်များ သမ္မာတရား၌ကြီးထွားတိုးတက်ရေး၌ တဖက်တလမ်းမှ အထောက်အကူဖြစ်စေမည်အကြောင်း ရည်ရွယ်ပါသည်။

08/08/2026

ယုံကြည်စွာအားပေးလို့ရပါတယ် ပို့လို့ရတဲ့နေရာတိုင်းကိုပို့ပေးပါတယ်။

07/08/2026

BEE Myanmar အမျိုးသမီး Level One အဖွဲ့မှ သမ္မာကျမ်းစာလေ့လာနည်း( Hermenutics )
ဘာသာရပ်ကိုလေ့လာကြသော ဆရာမများအပေါ် ဘုရားသခင်ကောင်းကြီးပေးကာ သာ၍အသုံးတော်ခံနိုင်ကြပါစေ။

29/07/2026

BEE Myanmar ရဲ့ထာဝရကျောင်းသူများ the book of Daniel လေ့လာခြင်းအစပြုနေပါပြီ။ ဆုတောင်းပေးကြစေလိုပါသည်။

17/07/2026

Free Grace Conference
၃ ရက်တာကောင်းမွန်စွာပြုလုပ်ပြီးစီးစေသော။ ဘုရားသခင်၏ကျေးဇူးတော်ကိုချီးမွမ်းပါသည်။
ပေးလှူကြသူ၊ ဖေးကူကြသူအားလုံးနှင့်အတူ ရပ်နီးရပ်ဝေးမှသင်တန်းလာကြသူများအားလုံးကိုလဲ ကျေးဇူးတင်ပါသည်။ အားလုံးအပေါ်ဘုရားသခင်ကောင်းကြီးပေးပါစေ။