05/08/2026
2.8.2026 တနင်္ဂနွေနေ့တွင် မင်္ဂလာဒုံ
စိန့်ဗင်းဆင်းဒီပေါလ်အသင်းမှ ထောက်ပံ့ပေးလျက်ရှိသော အဖွား ဒေါ်မေရီသည် ဘယ်ဘက်လက်နှင့်ခြေထောက် လေဖြန်းသွားကြောင်း ကြားသိခဲ့ရသဖြင့်
သူမ၏ နေအိမ်ရှိရာ လှိုင်သာယာ၊ 14 ရပ်ကွက်သို့ မင်္ဂလာဒုံ စိန့်ဗင်းဆင်းအသင်း ဥက္ကဌ၊ နာယက နှင့် အဖွဲ့ဝင်တို့ သွားရောက်ဆုတောင်းမေတ္တာပြခဲ့ကြပါသည်။
အဖွားဒေါ်မေရီအတွက် ခွန်အားရှိစေမည့် အစားအသောက်များ၊ အလှူငွေများ ပေးအပ်ကာ စိပ်ပုတီးစိပ်ဆုတောင်းပေးခဲ့ကြပါသည်။
ထို့အပြင် အဖွားဒေါ်မေရီသည် ကိုယ်တော်မြတ်ပင့်ယူလိုခြင်း၊ ကောင်းချီးခံလိုခြင်း ဆန္ဒရှိနေသည့်အတွက် လှိုင်သာယာ Infant Jesus Church မှ စိန့်ဗင်းဆင်းအသင်း၏ ဥက္ကဌဖြစ်သော ကိုဒေါမိနစ်ထွန်းထွန်းနိုင်ထံ ဆက်သွယ် အကူညီတောင်းခဲ့ပါသည်။
ကိုဒေါမိနစ်သည် စေတနာ ၊ မေတ္တာတရား ထက်သန်စွာဖြင့် ထိုနေ့ နေ့လည်ပိုင်းတွင် လှိုင်သာယာဘုရားကျောင်းမှ ဘုန်းတော်ကြီးကို ပင့်ကာ ကိုယ်တော်မြတ်ပေးနိုင်ရန် စီစဉ်ပေးခဲ့ပါသည်။
ထို့အတွက်ကြောင့် အဖွားဒေါ်မေရီအတွက် ဝိညာဉ်ရေးခွန်အား၊ ကာယခွန်အားတို့အား ဖြည့်စည်းပေးနိုင်ခဲ့ပါသည်။
ယခုကဲ့သို့ ကူညီပေးခြင်းအစီစဉ်ကို ဖြစ်မြောက်အောင်ကူညီပေးကြပါသော လှိုင်သာယာမှ စိန့်ဗင်းဆင်း ဥက္ကဌ နှင့် အဖွဲ့ဝင်များ နှင့် အလှူရှင်များ၊ ဆုတောင်းခြင်းဖြင့် ပါဝင်ခဲ့ကြသူ တစ်ဦးချင်းစီအား ကျေးဇူးအထူးတင်ရှိပါကြောင်း မင်္ဂလာဒုံ စိန့်ဗင်းဆင်း အဖွဲ့ဝင်များမှ ပြောကြားလိုပါသည်။
ဘုရားသခင်၏ ကောင်းချီးများ ပိုမို ခံစားရပါစေ။
