Mingalar MegGin

03/07/2024

နှ လုံး သား ထဲ မှာ
မ ကြိုက် တာ နဲ့
တွေ့ တိုင်း တွေ့ တိုင်း
ဒေါ သ မ ဖြစ် အောင်
က ရု ဏာ ပွား ရ မယ်။

ဆရာတော်
#ဘဝနှင့်စိတ်ပိုင်းဆိုင်ရာအတွေးအမြင်များ

17/02/2023

14/01/2023

ပါမောက္ခချုပ်ဆရာတော်ပေးသောဩဝါဒ
--------------------------------------------------------------

ယနေ့လူတွေက ရုပ်ကိုပြင်ကြတယ်၊ တစ်ချို့ နိုင်ငံခြားတောင်သွားပြီးပြင်ကြတယ်။ ဘယ်လိုပဲပြင်ပြင် ရုပ်က ပျက်ဘက်ကိုသာ ဦးတည်တယ်၊ ခဏသာ ပြင်လို့ရမယ်၊ နောက်ဆုံး ဂူသွင်း မြေမြှုတ် မီးဖုတ်မှာသာ အဆုံးရှိတာပဲ။ နောက်ဘဝကြ ရုပ်ကအသစ် ပြန်စရတာ။

တကယ် ပြင်ရမှာက စိတ်ဖြစ်တယ်၊ စိတ်က ဒီဘဝပြင်ရင် နောင်ဘဝအထိ ကောင်းတယ်၊ စိတ္တသန္တတိ- စိတ်အစဉ်က နောင်ဘဝ အဆက်ဆက်ထိ လိုက်တယ်။ မြတ်စွာဘုရား ပါရမီဖြည့်တယ် ဆိုတာ စိတ်ကိုအမြင့်ဆုံးရောက်အောင် ပြုပြင်သွားတာလို့ ပြောချင်တယ်။

ဥပမာ..ပုထုဇဉ်လူသားတိုင်း သန္တာန်မှာ လိုချင်မှု လောဘရှိတယ် မဟုတ်လား၊ လိုချင်စိတ်နေမှ ပေးချင်စိတ် ပြောင်းပေးခြင်းဟာ ဒါနပေါ့။ ပစ္စည်း ဝတ္ထုကို ပေးရာမှ ဇနီး မယား သမီးသားကိုပါ ပေးနိုင်အောင်။ နောက်ဆုံး ကိုယ့်ရဲ့ အင်္ဂါ ခြေလက်အပြင် အသက်ကိုပါတောင် ပေးနိုင်အောင် စိတ်ကိုပြောင်းယူကာ ဒါနပါရမီကို ဖြည့်သွားတာ။

ဒီလို မကောင်းစိတ်ကို ကောင်းသောစိတ်ဖြစ်အောင် ပြောင်းရတယ်။


ဒေါက်တာ အရှင်ဣန္ဒာစရိယ

13.1.2023

04/01/2023

🙏🏼 စိတ်‌ ကောင်း လေး ထား ပါ 🙏🏼
💐🌹🥀🌺🌷🪷🌸💮🏵️🌻🌼

အညာမြေ အရှင်သုမန YouTube Channel

27/12/2022

🙏🏼🙏🏼🙏🏼

23/12/2022

◉ ပြစ်မှားတဲ့စကားမျိုး မပြောမိအောင်
_________________________________
ဇောတိပါလ လုလင်ဘဝတုန်းက “ဗောဓိဆိုတာ အလွန်ခဲယဉ်းတာ။ ဒီလို ဦးပြည်းကတုံးတွေအနေနဲ့ ဘယ်လိုလုပ်ပြီးဗောဓိဉာဏ်ကို ရနိုင်မှာတုန်း” ဆိုတဲ့ ဒီအပြောနဲ့ ကဲ့ရဲ့စကား ပြောခဲ့သည့်အတွက်ကြောင့် လမ်းလွဲပြီးတော့ သူ့ခမျာ ကျင့်နေရတာ လွယ်လွယ်နဲ့ မရဘူး။ ဒီစကား ပြောခဲ့သည့်အတွက်ကြောင့် လွယ်လွယ်နဲ့ မရခဲ့ဘူး။ ခြောက်နှစ်ပတ်လုံး လမ်းလွဲပြီးတော့ ဘုရားအလောင်းဟာ ကျင့်ကြံကြိုးကုတ် အားထုတ်ခဲ့ရတယ်။ ပင်ပန်းဆင်းရဲစွာ အတော်နဲ့ လမ်းမတွေ့နိုင်ဘူး။ ဒါဟာ ဝဋ်ကြွေးကို ပေးဆပ်လိုက်ရတာပဲ။
___________________________________❞

တောထွက်ပြီး တရားကျင့်တဲ့ (၆)နှစ်မှာ ခက်ခက်ခဲခဲ တရားကျင့်ခဲ့ရတာ ဘာကြောင့်လဲ။ သာမန်အနေအထား မဟုတ်ဘဲနဲ့ ဘုရားအလောင်းတော်ဟာ “အနုတ္တရ သန္တိဝရပဒ”ခေါ်တဲ့ တကယ့် ထူးမြတ်တဲ့အငြိမ်းဓာတ်ကိုရှာတယ်။ ဒီလိုရှာတာဟာ မှန်ကန်တဲ့ လမ်းကြောင်းနဲ့ မရှာမိဘဲနဲ့ မှားယွင်းတဲ့ လမ်းကြောင်းလိုက်ပြီး ရှာနေတာဟာ အချိန်တွေ ဖြုန်းပြီးတော့ (၆) နှစ်နီးနီးလောက် ဖြစ်သွားတယ်။
“ဒီလို လမ်းမှားလို့ ခန္ဓာကိုယ် ပင်ပန်းပြီး ဒုက္ခရောက်ရတာဟာ ကံကြမ္မာဝဋ်ကြွေးကို ပေးဆပ် ရတာ”လို့ ဒီလို အဲဒီထဲမှာ မှတ်တမ်းတင်ထားတယ်။ အဲဒီအချိန်က စပြီးတော့ မြတ်စွာဘုရားအတွက် ကံကြမ္မာ ဝဋ်ကြွေးဟာ ပေါ်လာတာ။
မှန်မှန်ကန်ကန်နဲ့ တကယ့် တရားလမ်းကြောင်းအတိုင်း ကြည့်လိုက်မယ်ဆိုရင် ခြောက်နှစ်အထိ ကျင့်စရာ မလိုဘူး။
ဒီလောက် အပင်ပန်းခံဖို့လည်း မလိုဘူး။ မလိုအပ်ဘဲနဲ့ မှားယွင်းတဲ့ အကျင့်တွေနဲ့ အချိန်ကုန်ပြီး ခန္ဓာကိုယ်ကြီး ပင်ပန်းကာ ဒုက္ခတွေ အကြီးအကျယ် ရောက်သွားခဲ့ရတာဟာလွန်ခဲ့တဲ့ဘဝတစ်ခုမှာ ပြစ်မှားခဲ့တဲ့ ကံကြမ္မာဝဋ်ကြွေးကို ပေးဆပ်ရခြင်းလို့ ဒီလိုပြောတာ။
ဘယ်တုန်းကဝဋ်ကြွေးဖြစ်ခဲ့တာတုန်းလို့ဆိုတော့ သိပ်မဝေးခင်က ဝဋ်ကြွေး။ ဟောဒီ ဘဒ္ဒကမ္ဘာထဲမှာ တတိယမြောက်ပွင့်တဲ့ ဘုရားဟာ ကဿပမြတ်စွာဘုရား
လူတွေရဲ့ အသက် နှစ်သောင်းတမ်းမှာ ကဿပမြတ်စွာဘုရား ပွင့်တော်မူခဲ့တယ်။ အဲဒီအချိန် မှာ ဂေါတမဘုရားအလောင်းဟာ ဇောတိပါလလို့ ဆိုတဲ့ ဗေဒကျမ်းတတ်ပုဏ္ဏားဖြစ်ခဲ့တယ်။
ဗေဒကျမ်းတတ် ပုဏ္ဏားတွေဆိုတာ အလွန် မာန်မာနကြီးတယ်။ ပညာမာန်တက်တယ်။ ပညာမာန်တင်မကဘူး။
ဗြဟ္မဏဆိုတာ အဲဒီခေတ်အခါမှာ အမြင့်ဆုံးပဲ။ ကဿပဘုရားလက်ထက်နဲ့ ဂေါတမ ဘုရားလက်ထက် မတူဘူး။ ခတ္တိယဇာတ်၊ဗြဟ္မဏဇာတ်၊ဝေဿဇာတ်၊ သုဒ္ဒဇာတ်လို့ အိန္ဒိယနိုင်ငံမှာ လူတွေရဲ့ အဆင့်အတန်း ဇာတ်ခွဲခြားထားတာ (၄) မျိုးရှိတယ်။ အဲဒီ (၄) မျိုးထဲမယ် ဂေါတမဘုရား လက်ထက်မှာကျတော့ “ခတ္တိယဇာတ်”က ဦးဆောင်နေတယ်။ မင်းမျိုးတွေက ထိပ်တန်း ရောက်တယ်လို့ ဆိုတယ်။ ဗြဟ္မဏဇာတ်က ဒုတိယ အဆင့်မှာ ရှိတယ်။ ဝေဿ တို့ သုဒ္ဒ တို့ကတော့ တတိယနဲ့ စတုတ္ထပေါ့။
ကဿပဘုရားလက်ထက်မှာကျတော့ ခတ္တိယဇာတ်ထက် “ဗြဟ္မဏဇာတ်” က ထိပ်တန်းကျတယ်။ ဗြဟ္မဏဇာတ်က ပိုပြီးတော့မြင့်တယ်။ ဘာဖြစ်လို့တုန်း ဆိုတော့ကဿပမြတ်စွာဘုရား ကိုယ်တိုင်က ဗြဟ္မဏ ဇာတ်ဝင်ပဲ။ အဲတော့ ဇာတ်ကို အမှီပြုပြီးတော့လည်းပဲ မာန်မာနတွေတက်တယ်။ ဗေဒကျမ်းဂန်တွေတတ်တဲ့ ဗဟုသုတပညာကို အကြောင်းပြုပြီးတော့လည်း အဲဒီဇောတိပါလပုဏ္ဏား မာန်မာနတွေတက်ခဲ့တယ်။
ဘုရားအလောင်းနော်။

ဘုရားအလောင်းဆိုတာ အင်မတန်မှ စိတ်ကောင်းရှိပြီး ဘဝမှာ ဆည်းပူးအားထုတ်ခဲ့တဲ့ ပါရမီတွေနဲ့ အသိဉာဏ်ရှိတဲ့ပုဂ္ဂိုလ် ဖြစ်တယ်။ ဘယ်လောက်ပဲ ပါရမီတွေ ပြည့်ပြည့် ပတ်ဝန်းကျင်ရဲ့ လှည့်စားမှုကြောင့် ဇာတိမာန်တွေ တက်တယ်။ ပညာမာန်တွေတက်တယ်။
ပညာမာန်တွေ တက်ပြီးတော့ ကဿပမြတ်စွာဘုရားကို လူမထင် သူမထင် သဘောမျိုးနဲ့ သူက ပြောခဲ့တယ်။
ဘယ်လို ပြောလဲလို့ဆိုရင် ဘုရားတစ်ဆူဖြစ်ဖို့ ဗောဓိဆိုတဲ့ အသိဉာဏ်ဟာ အင်မတန်မှ ရဖို့ခဲယဉ်း တယ်။ သူတို့ဗေဒကျမ်းဂန်တွေထဲမှာလည်း ပါတာ ပေါ့။ ဒီလိုခဲယဉ်းတဲ့ အသိဉာဏ်ကို ဒီလိုကတုံး တုံး ထားတဲ့ကိုယ်တော်က ရနိုင်ပါ့မလားလို့ ဒီလိုပြောခဲ့ တယ်။ ကဿပဘုရားကို အထင်သေးပြီးတော့ ပြောခဲ့တာ။ ဒီစကားလေး ရှိတယ်ပေါ့။ "ကုတော နု ဗောဓိ မုဏ္ဍဿ" တဲ့နော်။

“မုဏ္ဍဿ” ဆိုတာ ဦးဗျည်းကတုံးဆိုတဲ့ အဓိပ္ပာယ်ကို ပြောတာ။
“ဗောဓိ ပရမဒုလ္လဘာ”ဗောဓိဆိုတဲ့ သဗ္ဗညုတဉာဏ်ကြီးဟာ အင်မတန်မှ
ရဖို့ခဲယဉ်းတယ်။ ရခဲတယ်။ အဲဒီရခဲတဲ့ သဗ္ဗညုတ ဉာဏ်ကြီး သူလိုလူ ရနိုင်ပါ့
မလား၊ မရနိုင်လောက်ဘူး လို့ အထင်
သေးပြီးတော့ ပြောခဲ့တဲ့စကား ရှိခဲ့တယ်။
ဘုရားအလောင်းပေမယ့်လို့ ဘုရားကို
မကြည်ညိုဘူး ဆိုတာ သတိထားဖို့ လိုအပ်တယ်။
ကဿပဘုရားပြီးရင်ပွင့်မည့်ဘုရားအလောင်းက ဘုရားကို မကြည်ညိုဘူး။ ဒါကြောင့် ကိုယ့်ကိုယ်ကို သိပ်ပြီးတော့ အထင်မကြီးနဲ့။ ဒီဘဝမှာ ဗုဒ္ဓဘာသာ ဖြစ်နေပေမယ့်လို့ နောင်ဘဝမှာ ဗုဒ္ဓ
ဘာသာ လူမျိုးတွေ ကြားမှာ မဖြစ်ဘဲနဲ့ တခြားလူမျိုး တခြားဘာသာဝင်တွေရဲ့ကြားမှာ ဖြစ်မယ်ဆိုရင် တခြားဘာသာဘက် ရောက်သွားမှာပဲ။ ဒါကြောင့် ကိုယ့်ကိုယ်ကို အသိဉာဏ် ခိုင်မာအောင်လုပ်ဖို့ အင်မတန်မှ အရေးကြီးတယ်။ ဒီလို ဘုရားအလောင်းကြီးတောင်မှပဲ ဘုရားကို ကြည်ညိုနိုင်စွမ်း မရှိဘူး။

အဲဒီမှာ ကဿပမြတ်စွာဘုရားကို ပြုစုနေတဲ့ ကဿပဘုရားနဲ့ အင်မတန်မှ ရင်းနှီးတဲ့ “ဃဋိကာရ' ဆိုတဲ့ အိုးထိန်း
သည်ကြီး ရှိတယ်။ ဂေါတမမြတ်စွာ ဘုရားအလောင်း တောထွက်တဲ့အခါ သူပဲ ဗြဟ္မာကြီးအဖြစ်နဲ့ ကြာသင်္ကန်းလာကပ်တယ်၊ ကဿပဘုရား လက်ထက်တုန်းက သူက အိုးထိန်းသည်ကြီး။ မျက်စိနှစ်ကွင်းအလင်းမရတဲ့မိဘ(၂)ပါး
ကိုပြုစုလုပ်ကျွေးနေတာ သူက အနာဂါမ်
ဥပါသကာကြီး။
ဇောတိပါလဆိုတဲ့ ပုဏ္ဏားနဲ့သူက အင်မ
တန်မှ ခင်တယ်။ အင်မတန်မှ ရင်းနှီးတယ်။ ရင်းနှီးတော့ အဲဒီ ဇောတိပါလပုဏ္ဏားကို ဘုရားကျောင်းခေါ်တာ၊ ဇောတိပါလက မလိုက်ဘူး။ မလိုက်ရုံတင်မကဘူး။ “ဒီဦးပြည်းကတုံးတွေဆီ သွားလို့ ဘာအကျိုး ရှိမှာတုန်း” ဆိုတဲ့ စကားမျိုး ပြောတယ်နော်။ နောက်ဆုံးကျတော့ “ဃဋိကာရ” ဆိုတဲ့ အိုးထိန်း
သည်ကြီးက ခွန်အားဗလလည်း အင်မတန်ကောင်းတယ်။ အတင်းအကြပ် လိုက်မှာလား၊ မလိုက်ဘူးလားဆိုပြီး ဆံပင်ဆွဲကိုင်လိုက်တဲ့အခါကျတော့မှ သူလက်လျှော့တယ်၊ ဘုရားအလောင်းဆိုတာ စိတ်ကောင်းတော့ အင်မတန်ရှိတယ်။ “ဃဋိကာရ” လိုဇာတ်နိမ့်တစ်ယောက်က သူ့ဆံပင်ကို ကိုင်တာနဲ့ပဲ သူက သာမန်ပုဂ္ဂိုလ်ဆိုရင် အဲဒီနေရာမှာ သတ်ပွဲဖြစ် သွားနိုင်တယ်။ ဘုရားအလောင်းကတော့ စဉ်းစားတယ်။ “သိပ်အရေးကြီးတဲ့ကိစ္စမို့ငါ့ကိုခေါ်တါပဲ”
လို့ တွေးတယ်။ တွေးပြီးတော့ “ကဲဆံပင်ကိုတော့ မဆွဲနဲ့ လိုက်ခဲ့မယ်”ဆိုပြီး လိုက်သွားတယ်။

ဘုရားဆီရောက်တော့ တရားဟောတယ်။ ဘုရားတရားလည်း နာလိုက်ရရော “ဒါမှ တရားစစ် တရားမှန်ပဲ”ဆိုတာ ချက်ချင်းသိသွားတယ်။ စောစောပိုင်းတုန်းကတော့ ဇာတိမာန်တွေ၊ ပညာမာန်တွေနဲ့ အခုအခံ ဖြစ်နေသည့်အတွက်ကြောင့် ဘုရားအပေါ် မှာ အထင်သေး အမြင်သေး စကားတွေပြောခဲ့တယ်။ ဘုရားတရား နာလိုက်ရတဲ့အခါ အမှန်တရားဆိုတာ ဒါပဲလို့ဆုံးဖြတ်ပြီး တရားပွဲက ထတာနဲ့တစ်ပြိုင်နက် ဘုရားဆီမှာ ခွင့်တောင်းပြီး သင်္ကန်းဝတ်လိုက်တာ အိမ်မပြန်တော့ဘူး။

ဘုရားအလောင်းတွေက ဆုံးဖြတ်ချက် အင်မတန် ပြင်းထန်တယ်။ သာမန်ပုဂ္ဂိုလ်တွေက ဒီလိုဆုံးဖြတ်ချက် သိပ်ပြီးတော့ မရှိဘူး။ ကြိုက်တော့ ကြိုက်တယ် မလုပ်နိုင်သေးဘူး။
ဘုရားအလောင်းတွေ ကျတော့အယူဝါဒ တစ်ခုကိုယူပြီ ဆိုလို့ရှိရင်လည်းလမ်းဆုံး
အောင် လိုက်တယ်။ စွန့်ပြီဆိုရင်လည်း ချက်ခြင်းစွန့်တယ်။ သူတို့က အချိန်မဆွဲဘူး။ ပြတ်သားတယ်။ ရဲရင့်တယ်။ သာမန် ပုဂ္ဂိုလ်တွေက ပြတ်သားမှု ရဲရင့်မှု အားနည်းတယ်။ သံသရာထဲမှာ အချိန်
ဆွဲနေကြတာ၊ ဟုတ်ရဲ့လား။ဘုန်းကြီးတို့တတွေ ပြတ်သားမှု၊ ရဲရင့်မှု မရှိသည့် အတွက်ကြောင့် သံသရာထဲမှာ အချိန်ဆွဲပြီး ကြာနေကြတာ။
ဇောတိပါလ လုလင်ဘဝတုန်းက “ဗောဓိဆိုတာ အလွန်ခဲယဉ်းတာ။ ဒီလို ဦးပြည်း ကတုံးတွေအနေနဲ့ ဘယ်လိုလုပ်ပြီးဗောဓိဉာဏ်ကို ရနိုင်မှာတုန်း” ဆိုတဲ့ ဒီအပြောနဲ့ ကဲ့ရဲ့စကား ပြောခဲ့သည့်အတွက်ကြောင့် လမ်းလွဲပြီး တော့ သူ့ခမျာ ကျင့်နေရတာ လွယ်လွယ်နဲ့ မရဘူး။ ဒီစကား ပြောခဲ့သည့် အတွက်ကြောင့် လွယ်လွယ်နဲ့ မရခဲ့ဘူး။ ခြောက်နှစ်ပတ်လုံး လမ်းလွဲပြီးတော့ ဘုရားအလောင်းဟာ ကျင့်ကြံကြိုးကုတ် အားထုတ်ခဲ့ရတယ်။ ပင်ပန်းဆင်းရဲစွာ အတော်နဲ့ လမ်းမတွေ့နိုင်ဘူး။ ဒါဟာ ဝဋ်ကြွေးကို ပေးဆပ်လိုက်ရတာပဲ။

ဒါကြောင့် အင်မတန်မှ မြင့်မြတ်တဲ့ ပုဂ္ဂိုလ်တွေနဲ့ ပတ်သက်ပြီးတော့ ဝစီကံမျိုး ပြစ်မှားတဲ့စကားမျိုး မပြောမိအောင် ဘုန်းကြီးတို့တတွေ ဆင်ခြင်ဖို့ လိုအပ်တယ်။ ဒီကံကြမ္မာဝဋ်ကြွေးဟာ ကိုယ်တိုင်လုပ်ခဲ့တာ ဖြစ်သောကြောင့် ကိုယ့်သန္တာန်မှာ ကြွေးအနေနဲ့ တင်ရှိနေတယ်။ ဒါကြောင့် ပေးဆပ်ရတယ်။ ခြောက်နှစ်ပတ်လုံး ဒုက္ကရစရိယာ ကျင့်ပြီးတော့ပေးဆပ်လိုက်ရတယ်။ ခြောက်နှစ်ကျင့်တဲ့အကျင့်ဟာ ဘာမှ အထောက်
အကူ မဖြစ်ဘူး။ ပင်ပန်းရုံ သက်သက်ပဲလို့ ဆိုလိုတယ်။အဲဒီ ဒုက္ကရစရိယာအကျင့်ကိုကျင့်လို့ ဘုရားဖြစ်တာ မဟုတ်ဘူး။ လမ်းလွဲပြီးတော့ လိုက်နေတာ ခန္ဓာကိုယ်ပင်ပန်းရုံပဲ။ မှန်ကန်တဲ့ လမ်းကြောင်းကို နောင်မှတွေ့သွားတာ။ အဲဒီလမ်းမှားလိုက်တာဟာ ဘာကြောင့်လိုက်ရသလဲဆိုရင် ကဿပဘုရား လက်ထက်တုန်းက မာန်မာနကြီးပြီးတော့ ပြောမှားဆိုမှား လုပ်ခဲ့သည့်အတွက်ကြောင့် အဲဒီ ကံကြမ္မာဝဋ်ကြွေးကို ပေးဆပ်ရတာ။

ပါမောက္ခချုပ်ဆရာတော်ကြီး သုဝဏ္ဏသျှမ် ဘုရားသော်မှပေးဆပ်ရသည့် ကံကြမ္မာဝဋ်ကြွေးများ စာဖတ်သူတစ်ယောက်၏မှတ်စုများ

(22-12-2022) ကြာသပတေးနေ့။

16/12/2022

👹တရားဆိုး (၅) မျိုး👹

မြတ်စွာဘုရားက ဒီ ခန္ဓာငါးပါးရဲ့ အပေါ်မှာ

တစ်စုံတစ်ယောက်သောပုဂ္ဂိုလ်သည် အဝိဂတရာဂဿ ၊ စွဲမက်မှု မကင်းပဲဖြစ်နေတယ်။

ရာဂဆိုတာ စွဲမက်တယ် ၊ တရားကိုယ်ကောက်ရင် လောဘပါဘဲ။

ဦးဇင်းတို့ အဝတ်ဖြူလေးတွေပေါ်မှာ တစ်စုံတစ်ရာစွန်းထင်းသွားမယ်ဆိုရင် ချွတ်ဖို့မလွယ်တော့ဘူး။

စွဲသွားတာ ၊ အရောင်တွေစွဲသွားတာ

လျှော်လို့ ဖွတ်ဖို့ သိပ်ပြီးမလွယ်တော့ဘူး။

ရာဂဆိုတာ အဲ့ဒီသဘောဘဲ အာရုံကိုစွဲသွားတာစိတ်ထဲမှာ

အဝိဂတရာဂဿ စွဲမက်မှုမကင်းဘူး ဆိုလို့ရှိရင်

အဝိဂတဆန္ဒဿ အလိုဆန္ဒတွေ မကင်းဘူးဆိုလို့ရှိရင်

အဝိဂတပေမဿ ချစ်ခင်နှစ်သက်မှုတွေ မကင်းဘူးဆိုလို့ရှိရင်

အဝိဂတပိပါသဿ ဆာလာမွတ်သိပ်မှုတွေ မကင်းဘူးဆိုလို့ရှိရင်

အဝိဂတပရိဠာဟဿ စိတ်ထဲမှာပူလောင်မှု မကင်းဘူးဆိုလို့ရှိရင်

အဝိဂတ တဏှဿ နှစ်သက်မှု တဏှာ မကင်းဘူးဆိုလို့ရှိရင်

လောဘကို ဘယ်နှစ်မျိုးလောက်ပြောတုန်း ၊ (၆) မျိုးလောက်ပြောတယ်နော်
အဲ့ဒီလို ဒီခန္ဓာရဲ့ အပေါ်မှာ

ဒီလို လောဘဓာတ်တွေ မကင်းဘဲနဲ့ စွဲမက်မှု ၊ မြတ်နိုးမှုတွေရှိနေမယ်ဆိုလို့ရှိရင်

ဒီခန္ဓာတစ်မျိုးတစ်မည် ဖောက်ပြန်ပြီ ပြောင်းလဲပြီဆိုတာနဲ့

အဲ့ဒီ ပုဂ္ဂိုလ်ဟာ သောကပရိဒေဝ ဒုက္ခဒေါမနဿ ဥပါယာသလို့ဆိုတဲ့
တရားဆိုး (၅) မျိုးကို သေချာပေါက် ရင်ဆိုင်ရလိမ့်မယ်။

#သစ္စာရွှေစည်ဆရာတော်ဟောကြားတော်မူသော