06/09/2026
✨ ရန်ကုန်သာသနာပိုင်နယ်၊ အလငသ စုပေါင်းဝတ်ပြုကိုးကွယ်ခြင်း အစီအစဉ် ကျင်းပပြီးစီးခြင်း ✨
ရန်ကုန်သာသနာပိုင်နယ်၊ အလငသ စုပေါင်းဝတ်ပြုကိုးကွယ်ခြင်း အစီအစဉ်ကို ၂၀၂၆ ခုနှစ်၊ စက်တင်ဘာလ (၆) ရက်နေ့၊ နေ့လည် (၁:၀၀) နာရီအချိန်တွင် သန့်ရှင်းသူအပေါင်းဘုရားကျောင်း (သင်္ဃန်းကျွန်း) ၌ အောင်မြင်စွာ ကျင်းပပြုလုပ်ခဲ့ပါသည်။
⛪️ အဆိုပါ အစီအစဉ်သို့ အသင်းတော်အသီးသီးမှ အလငသ မောင်မယ် (၇၅) ဦးခန့် တက်ရောက်ကာ ဝမ်းမြောက်ဝမ်းသာ ပါဝင်ဝတ်ပြုမိတ်သဟာရဖွဲ့ခဲ့ကြပါသည်၊၊ ✝️🤝
အစီအစဉ်အကျဉ်းချုပ် 📌
🎤 ဝတ်ပြုခြင်းနှင့် ချီးမွမ်းခြင်း: အိမ်ရှင်အသင်းတော် လူငယ်များမှ ချီးမွမ်းကိုးကွယ်ခြင်း၊ အလငသသီချင်း သီဆိုခြင်းနှင့် အစီအစဉ်များကို ဦးဆောင်ပါဝင်ခဲ့ကြပါသည်။
🧩 အဖွဲ့လိုက် လှုပ်ရှားမှုများ: တက်ရောက်လာကြသော အသင်းတော်များအား အဖွဲ့ (၄) ဖွဲ့ခွဲ၍ အဖွဲ့လိုက် ဂုဏ်တော်ချီးမွမ်းခဲ့ကြပါသည်။
📖 နှုတ်ကပတ်တော်နှင့် ဆုတောင်းခြင်း: ဘုန်းတော်ကြီး စစိုင်းနောဧမှ နှုတ်ကပတ်တော် ဝေမျှဟောပြောပေးခဲ့ပြီး၊ သန့်ရှင်းသူအပေါင်းအသင်းတော်မှ ဆရာရှမွေလက အထူးဆုတောင်းကာ ဘုန်းတော်ကြီးဂျိုးဇက်နိုင်ထွန်းမင်းမှ ကောင်းချီးပေးခြင်းကို ဦးဆောင်ပေးခဲ့ပါသည်။ 🙏✨
📢 သတင်းကြေငြာခြင်း: ရန်ကုန်အလငသ အတွင်းရေးမှူး ဘုန်းတော်ကြီး မိုက်ကယ်ပြည့်ဖြိုးဟန်က လာမည့် အောက်တိုဘာလတွင် ကျင်းပမည်ဖြစ်သော (၆၆) နှစ်မြောက် အလငသနေ့ အစီအစဉ်များကို အသိပေးကြေငြာခဲ့ပါသည်။ 🗓️
🍱 ဧည့်ခံကျွေးမွေးခြင်းနှင့်မိတ်သဟာရကစားခြင်းအစီအစဉ်အပြီးတွင် အိမ်ရှင်အသင်းတော်မှ ပြင်ဆင်ဧည့်ခံသော တရုတ်ထမင်းကြော်နှင့် အအေးတို့အား အတူတကွ သုံးဆောင်ရင်း ပျော်ရွှင်ဖွယ်ကစားနည်းများဖြင့် နွေးထွေးစွာ မိတ်သဟာရဖွဲ့ခဲ့ကြပါသည်။ 🥤
အစီအစဉ်အောင်မြင်စွာပြီးဆုံးခဲ့သည့်အတွက် အဖဘုရားသခင်၏ နာမတော်ကို ချီးမွမ်းပါ၏။ 🙌
အစစအရာရာ လက်ခံကူညီပေးပါသော အသင်းတော်နှင့်အတူ ကဏ္ဍအသီးသီးမှ ပါဝင်ဆက်ကပ်ကြသော ညီအစ်ကိုမောင်နှမများအားလုံးကို အထူးပင် ကျေးဇူးတင်ရှိပါသည်။ ❤️ ဘုရားရှင်ထံမှ ကြွယ်ဝသော ကောင်းချီးမင်္ဂလာများ ဆက်လက်ခံစားရပါစေကြောင်း ဆုမွန်ကောင်းတောင်းလျက် ဂုဏ်ပြုဖော်ပြအပ်ပါသည်။ 🕊️💐
ကျေးဇူးတင်စွာဖြင့်၊
အမှုဆောင်ကော်မတီ
အလငသ (ရန်ကုန်)
#အလငသရန်ကုန် #စုပေါင်းဝတ်ပြုကိုးကွယ်ခြင်း #အသင်းတော်လူငယ်များ ✝️⛪️✨
