08/10/2025
☘️✞︎ သင်မသိသေးသော စိန့်ဖရန်စစ်အကြောင်း ✞︎☘️
အောက်တိုဘာ ၄ရက်....
သူဌေးသားလေး ဖရန်စစ်ကို အီတလီနိုင်ငံ အစီစီမြို့မှာနေထိုင်တဲ့ ပိုးကုန်သည်ကြီးပီတာဘာနဒုန်းနဲ့ ပီကာတို့ရဲ့ သားဖြစ်ပါတယ်....။ဖေဖေကုန်သည်ကြီး ခရီးသွားနေချိန်မှာမွေးဖွားတာမို့ မေမေက ဂျွန်လို့ ဆေးကြောခြင်းပေးခဲ့ပေမယ့် ဖေဖေဟာ ဖရန်စစ်ရယ်လို့နာမည်ပြောင်းစေခဲ့တယ်...။"France"ဆိုတဲ့ပြင်သစ်နိုင်ငံကြောင့် ချမ်းသာလာသူမို့ ဖေဖေဟာ ဖရန်စစ်ကိုလို့မှည့်ခဲ့တာပါ..
🖤စစ်သူကြီးဖရန်စစ်နဲ့ ဘုရားရဲ့ခေါ်သံ
ချမ်းသာစည်းစိမ်တွေအကုန်ခံစားနေတဲ့ သူဌေးလေး ဖရန်စစ်ဟာ....စစ်သူကြီးဖြစ်ချင်ပြန်တော့ ပီရူးဂျီးယားကို သွားခဲ့တာပေါ့။..အဖမ်းခံရပြီး အဖေက ငွေနဲ့ပြန်ရွေးတယ်။....နောက်တစ်ခါသွားပြန်တယ်..။လမ်းမှာဖျားပြီး ရူပါရုံအိမ်မက်တစ်ခု ရခဲ့တယ်...။"ဖရန်စစ်...မင်းက ငါ့ဆီက လာတဲ့အရာတွေကို အစေခံမှာလား....။ငါ့ကိုအစေခံမှာလား.......။.....ဒီလိုနဲ့ စိန့်ဒေးမီးယန်းဆိုတဲ့ ဘုရားကျောင်းပျက်လေးထဲ သွားတဲ့အချိန်မှာ...ကရူးစူးတိုင်က အသံတော်ကို ကြားရပြန်တယ်...။"ဖရန်စစ် ပျက်စီးနေတဲ့ ငါ့အသင်းတော်ကို ပြုပြင်ပါ...."
ဒီဘုရားကျောင်းကို ပြန်ဆောက်ရမယ်လို့ထင်ပြီး အဖေ့ရဲ့ပိုးထည်တွေကိုရောင်း၊ငွေထုပ်ကြီးပိုက်ပြီး ဘုန်းကြီးကိုပြန်လာပေးတယ်..။ဘုန်းကြီးကလဲ လက်မခံပါဘူး..ဒီလိုနဲ့ တခါဘုရားကျောင်းသွားတက်တော့.."သင့်ရဲ့ပိုင်ဆိုင်ရာတို့ကို ဆင်းရဲသားတို့အားပေးကမ်း၍ ငါ့နောက်သိုလိုက်လော့...." ဆိုတဲ့ ကျမ်းစာကိုနာယူမိတယ်..။ဖရန်စစ်ဟာ အဖေ့ရဲ့ပိုးထည်တွေ၊စည်းစိမ်တွေအကုန် ပေးကမ်းပစ်တော့တယ် ဖေဖေသူဌေးကြီး ဒေါသူပုန်ထပြီပေါ့။ဆရာတော်ကို သွားတိုင်တယ်..။(အဲ့ဒီခေတ်က မြို့တွေကို ဆရာတော်ကြီးတွေက တရားစီရင်ရတာကိုး). .တရားခွင်မှာ ဖရန်စစ်ဟာ အင်္ကျီတွေကို ချွတ်လိုက်တယ်..။"ယခုမှစ၍ ကောင်းကင်ရှိ အဖကိုသာ အဖေလို့ခေါ်ပါတော့မယ်..."😇😇...
ဖန်ဆင်းခံများကို စောင့်ရှောက်သူ
အညိုရောင် သင်္ကန်းနဲ့ ဖရန်စစ် တရားဟောရင် ငှက်တွေက လာနားထောင်ကြတယ်..။သီချင်းများဆိုလိုက်ရင်တော့...ငှက်တွေလဲ တေးဆိုကြပြန်ရော...။...သူရေးတဲ့သီချင်းတွေမှာ သဘာဝဖန်ဆင်းခံအရာတွေကို မောင်နှမတွေလို တင်စားတယ်.."အစ်ကိုတော် နေမင်းကြီးနှင့် ညီမတော်လမင်းတို့.... ဘုရားရှင်ကို ချီးမွမ်းကြလော့...
တနေ့မှာ..။ရွာတစ်ရွာမှ ဝံပုလွေတစ်ကောင်ဟာ အစာလုစားတယ်။လူတွေကို လိုက်ဆွဲတယ်။...လူတွေက ကြောက်လွန်းလို့ အပြင်တောင်မထွက်ရဲကြ။...ဖရန်စစ်ကြားတော့ အဲ့ရွာကိုသွားတယ်..။မြေခွေးကို ချိုသာစွာဖြောင်းဖြတယ်..။မြေခွေးဟာ ဘယ်တော့မှ ရန်မမူတော့ဘူး။လူတွေပေးကမ်းမှ စားတယ်။ရွာကိုစောင့်ရှောက်ပေးတယ်..။..အဲ့ဒါကြောင့် စိန်ဖရန်စစ်ဟာ သဘာဝကိုစောင့်ရှောက်တဲ့ ရဟန္တာဖြစ်လာတာပေါ့....
အသင်းတော်ကိုထမ်းထားသူ
စိန်ဖရန်စစ်ရဲ့နောက်လိုက်တွေများလာတာမို့...အသိအမှတ်ပြုပေးဖို့ ပုပ်ရဟန်းမင်းကြီးကို သွားတွေ့ကြတာပေါ့....။..ရောမကိုခြေလျင်လာတဲ့ ပေပွနေတဲ့ ရသေ့တွေဟာ ဝက်ခြံထဲမှာ ညအိပ်ကြရရှာတယ်...။မနက်ကျတော့🌄...ပုပ်ရဟန်းမင်းကြီးက ဝင်ခွင့်ပေးပြီး အသင်းဂိုဏ်းကိုခွင့်ပြုကာ ကောင်းချီးပေးခဲ့တာ်...။ပြီးတော့ ဖရန်စသ်ရဲ့ခြေထောက်ကို နမ်းခဲ့သတဲ့..
ပုပ်ရဟန်းမင်းကြီးက ပြောတယ်....။"ညက အိမ်မက်ထဲမှာ လူငယ်လေးတစ်ဦးဟာ ပြိုကျတော့မယ့် ဘုရားကျောင်းကြီးကို⛪ သူ့ပုခုံးလေးတွေနဲ့ ထမ်းထားတယ်..။အဲ့ဒီလူငယ်ဟာ.. ခုနက ရသေ့ပဲ.."တဲ့...
🖤 ခရစ္စမတ်တင်းကုပ်များစတင်ရာ
၁၂၂၀ခုနှစ် ခရစ္စမတ်အချိန်..။နယ်လှည့်တဲ့ စိန်ဖရန်စစ်ဟာ နွားအစစ်၊သိုးအစစ်တွေနဲ့ ခရစ္စမတ်နွားတင်းကုပ်လေးကို ပြုလုပ်ပေးခဲ့တယ်..။အဲ့ဒီအချိန်က စတင်ခဲ့တဲ့ ဓလေ့ကြောင့်...ခုချိန်ထိ ကက်သလစ်တွေဟာ ခရစ္စမတ်အချိန်ဆို တင်းကုပ်လေးတွေ ပြုလုပ်ကြစမြဲ
ငြိမ်းချမ်းရေးရဲ့တမန်တော်....🕊🕊
မူဆလင်တွေနဲ့ဖြစ်တဲ့ ခရူးစိတ်စစ်ပွဲ ငါးကြိမ်မြောက်မှာ ငြိမ်းချမ်းရေးရဖို့... အီဂျစ်ကိုသွားတွေ့ခဲ့တယ်...။သူနဲ့သူ့အဖော်ရသေ့ဟာ ခြေကျင်ခရီးနဲ့သွားရောက်ပြီး အရိုက်အနှက်တွေခံရပြီး နောက်မှာ... ဆူလ်တန်ဘုရင်ရှေ့ရောက်လာကြတယ်....။ဘုရင်ကြီးဟာ သူသိမ်းပိုက်ထားတဲ့ သန့်ရှင်းသောမြေဂျေရုဆလင်ဒေသမှာ ဖရန်စစ္စကန်များ နေထိုင်ခွင့်နဲ့ တရားဟောခွင့်ကို ပေးခဲ့တယ်..။အခုချိန်ထိ သန့်ရှင်းရာမြေကို ဖရန်စစ္စကန်တွေက ထိန်းသိမ်းနေကြဆဲ....
ဆိုတော့..ငြိမ်းချမ်းရေးအတွက် မှိုင်းမတဲ့ ရဟန္တာဖြစ်လာတယ်😇
🖤ဒဏ်ရာတော်ငါးချက်ပိုင်ရှင်
စိန်ဖရန်စစ်ဟာ တောင်ပေါ်မှာ ရက်ပေါင်းလေးဆယ်အစာရှောင်ဆုတောင်းပြီးနောက်မှာ... ခရစ်တော်ရဲ့ဒဏ်ရာတော်တွေကို ရရှိခဲ့တယ်..။အတောင်ခြောက်ခုပါတဲ့ ဆေရာဗိမ်သိကြားမင်းဟာ... လှံနဲ့နံဘေးကို ထိုးဖောက်ခဲ့သတဲ့...။ဒီဒဏ်ရာတော်တွေကို သူ့ရဲ့တစ်သက်လုံး ခံထမ်းသွားခဲ့တယ်....💔💔
သီချင်းသည်ရဲ့နေဝင်ချိန်🌅🌅
ချီးမွမ်းသီချင်းရာပေါင်းများစွာကိုရေးသားခဲ့သူ အဖစိန်ဖရန်စစ်ဟာ...၁၂၂၆ခု..သက်တော်၄၄နှစ်အရွယ်မှာ ထာဝရအသက်သို့ ကူးပြောင်းခဲ့ပါတယ်...။
နောက်လိုက်တွေထဲမှာ ဘုန်းတော်ကြီးတွေရှိနေပေမယ့်...."ခရစ်တော်ရဲ့အသွေးအသားကိုဖန်ဆင်းဖို့ မထိုက်တန်ပါဘူး.."လို့ နှိမ့်ချစွာ ခံယူပြီး ဦးပဥ္ဇင်း(deacon)အနေနဲ့သာ.. .နေထိုင်ခဲ့ပါတယ်...။
ဖရန်စစ္စကင်းဂိုဏ်းမှာ အဆင့်၃ ခုရှိပါတယ်..။ပထမဂိုဏ်းကတော့...OFM,Capuchins,(သေးငယ်သောဖရန်စစ္စကင်ရဟန်းအသင်းဖြစ်ပြီး..စိန့်ပါဒြေပီးအို၊စိန့်အန်ထော်နီစတဲ့ ရဟန္တာတွေ ပေါ်ထွက်ခဲ့ပါတယ်✝
ဒုတိယအသင်းကတော့....စိန့်ကလဲသီလရှင်များဖြစ်ပြီး အိမ်ထဲမှာပဲ တရားအားထုတ်ကြပါတယ်။
တတိယအဆင့်ထဲမှာတော့ စိန်ဖရန်စစ်ကိုအတုယူတဲ့ ဂိုဏ်းအများကြီးပါဝင်ပါတယ်။...Franciscan Missionaries of Mary (FMM) စစ္စတာတွေလဲ ဒီထဲမှာပါဝင်ပါတယ်..။..😘😘နောက်ပြီးတော့ သာမန်ဘာသာဝင်တွေအတွက် OFSဆိုတဲ့ အသင်းလဲ ရှိပါတယ်။ FSAG လို့ခေါ်တဲ့ စိန့်အလွိုက်ရှက်စ် သီလရှင်တွေလဲ တတိယဂိုဏ်းထဲမှာ ပါပါတယ်...။
.... ငြိမ်းချမ်းရေး၏တမန်တော် အဖစိန်ဖရန်စစ်....
မြန်မာပြည်အတွက် ဆုတောင်းပေးတော်မူပါ
