15/12/2025
မင်္ဂလာအပေါင်းနှင့် ပြည့်စုံကြပါစေ-လို့ ဆန္ဒပြုရင်း
ကျေးဇူးတော်ရှင် မဟာစည်ဆရာတော်ဘုရားကြီး၏ “အဂ္ဂသာဝကမထေရ်မြတ်ကြီး နှစ်ပါး ကျွတ်တမ်းဝင်ခန်း (၂/၈) တရားတော်” ကို Mahasi Dhamma 24-7 YouTube Channel တွင် နာယူနိုင်ပါကြောင်း လေးစားစွာ အသိပေးအပ်ပါသည်။
https://youtube.com/live/CAzUlN9YVsQ?feature=share
အဂ္ဂသာဝကမထေရ်မြတ်ကြီး နှစ်ပါး ကျွတ်တမ်းဝင်ခန်း (၂/၈) တရားတော်
ဤ “အဂ္ဂသာဝကမထေရ်မြတ်ကြီး နှစ်ပါး ကျွတ်တမ်းဝင်ခန်း (၂/၈) တရားတော်” ကို ကျေးဇူးတော်ရှင် မဟာစည်ဆရာတော်ကြီးသည် ၁၃၂၅-ခု၊ တပေါင်းလပြည့်နေ့တွင် ရန်ကုန်မြို့၊ သာသနာ့ရိပ်သာ၊ ဖလ်ယဉ်ဓမ္မာရုံကြီး၌ “ပစလာယမာနသုတ်” (အံ၊ ၂။ ၄၆၁-၂။) ကို အခြေခံ၍ ဟောကြားတော်မူခဲ့ပါသည်။
ဤတရားတော်၌_
ဗုဒ္ဓက အရှင်မဟာမောဂ္ဂလာန် တရားအားထုတ်စဉ် ငိုက်မျဉ်းနေသည်ကို မြင်တော်မူ၍ ထိုတရားအားထုတ်ရာနေရာသို့ ကိုယ်တော်တိုင် ကြွရောက်ပြီး တရားအားထုတ်တဲ့အခါ ငိုက်မျဉ်းပါက ပယ်ဖျောက်နည်း ၇-နည်း ပါဝင်သော “ပစလာယမာနသုတ်” ကို ဟောတော်မူကြောင်း၊ ထို ၇-နည်းသည် ကမ္မဋ္ဌာနာစရိယများနှင် ယောဂီများအတွက် အထူး အသုံးဝင်ပုံ... ထို့အတူ အိပ်နည်း ၄-မျိုး၊ ဆွမ်းခံသွားသည့်အခါ ပြုကျင့်ပုံ၊ စကားပြောသည့်အခါ အငြင်းအခုန် မပြုသင့်ပုံ၊ အချို့က မိမိအရာ မဟုတ်သည့်နေရာတို့ကို ဝင်ရောက်စွက်ဖက်၍ မှားတတ်ပုံ၊ ကုသိုလ်တရားထဲတွင် အစပိုင်းကို ရှေးဦးစွာ ပြုလုပ်ရန် ဗုဒ္ဓက ဥတ္တိယအား မိန့်ကြားပုံမှစ၍ ဝိပဿနာ ရှုနည်းရှုကွက်... စသည်တို့ကို ဟောကြားထားပြီး ငိုက်မျဉ်းပယ်နည်း ၇-ပါး လင်္ကာများဖြင့် တရားတော်ကို အဆုံးသတ်ထားပါသည်။
သညာ ပြောင်းပေး၊ စာကြံတွေး၊ ရွတ်ရေး နားဆွဲလေ။
မျက်စိ ပွတ်ရန်၊ အလင်းကြံ၊ စင်္ကြံ လျှောက်ပါလေ။
ငိုက်မျည်း ပယ်ရှား၊ ခုနစ်ပါး၊ ဘုရား ညွှန်ပြပေ။
လုံးစုံ ဓမ္မ၊ အနိစ္စ၊ ဒုက္ခ အနတ္တာ။
ဤရွေ့ဤမျှ၊ ကြားဖူးက၊ သုတ လုံလောက်ပါ။
ဉာဏ်ဖြင့် ရှေးရှု၊ ရုပ်နာမ်စု၊ မှတ်ပြု သိလေရာ။
မမြဲ ဆင်းရဲ၊ သဘောပဲ၊ သိမြဲ ပိုင်းခြားကာ။
ဤ “အဂ္ဂသာဝကမထေရ်မြတ်ကြီး နှစ်ပါး ကျွတ်တမ်းဝင်ခန်း (၂/၈) တရားတော်” ကို နာယူပြီး ဝိပဿနာတရား ပွားများအားထုတ်ကာ ဒုက္ခခပ်သိမ်း ကင်းငြိမ်းရာမှန် မြတ်နိဗ္ဗာန်ကို မျက်မှောက်ပြုနိုင်ကြပါစေ။
#မဟာစည် # အဂ္ဂသာဝကမထေရ်မြတ်ကြီးနှစ်ပါးကျွတ်တမ်းဝင်ခန်း(၂/၈) #တရားတော်
ဤ “အဂ္ဂသာဝကမထေရ်မြတ်ကြီး နှစ်ပါး ကျွတ်တမ်းဝင်ခန်း (၂/၈) တရားတော်” ကို ကျေးဇူးတော်ရှင် မဟာစည်ဆရာတော်ကြီးသည် ၁...
