တရားတော် - Tayartaw

10/12/2024

ဘဝမှာ လိုတမျိုး၊ မလိုတမျိုး အပြောင်းအလဲ မြန်တဲ့သူတွေလည်း တွေ့နေရမှာပါ။ ဒါဟာ ရှောင်လွှဲလို့မရတဲ့ လောကဓံတမျိုးပါ။

လိုတဲ့အချိန်မှာ ပုံစံအမျိုးမျိုးနဲ့ ရောက်လာကြမယ်။ မလိုတော့တဲ့အခါ အကြောင်းပြချက်အမျိုးမျိုးနဲ့ ရှောင်သွားကြမယ်။

ဒီအတွက် သိပ်မခံစားပါနဲ့။ ကိုယ်က သူတို့ကို ခေါ်ထားတမှ မဟုတ်တာ။

သူတို့ လိုလို့ရောက်လာတာ။ မလိုတော့ ကိုယ့်ကို ဖယ်သွားမှာပဲ။

လိုလိုက် မလိုလိုက် သူတို့ဘာသာဖြစ်နေတာ။

သူတို့ဘာသာပြောင်းနေတာကို ကိုယ်က ဘာလို့ လိုက်ခံစားနေမှာလဲပေါ့။

သူတို့ လိုခြင်း မလိုခြင်းထက် ကိုယ့်အပြစ်တွေ ပိုခြင်း မပိုခြင်းကသာ ပိုအရေးကြီးပါတယ်။

ဒါကြောင့် လိုခြင်း မလိုခြင်းဟာ သူ့အပိုင်း ၊

အပြစ်မပို အနှစ်မလိုဖို့က ကိုယ့်အပိုင်းပါပဲ။

ကိုယ့်သမိုင်း ကိုယ်ရေးရင်း လူတွေကြား တို့တွေ မရိုင်းမိကြဖို့ပဲ လိုပါတယ်။

အရှင် ဝိစိတ္တ

#တရားတော်

09/12/2024

ကိုယ့်ကိုကိုယ် ငါ ဘာမှ မဟုတ်ဘူး၊

ငါ့ ပိုင်ဆိုင်မှုဆိုတာလည်း အမြဲ မရှိဘူး၊

ငါ့ ဘဝရဲ့ ဖြစ်တည်မှုဆိုတာလည်း ဘာမှ အကြာကြီး မဟုတ်ဘူးဆိုတဲ့ ခံယူချက်နဲ့ သတိပေးနေရပါတယ်။

ကိုယ့်ရဲ့ အတ္တမာနက သူတပါးအပေါ် အရိုအသေပြုတတ်တဲ့ ဂါရဝတရား၊ ကိုယ့်ကိုကိုယ် နှိမ့်ချတတ်တဲ့ နိဝါတရားတွေကို ဖုံးလွှမ်းသွားရင် အကျဘက်ကို ဦးတည်စေတော့တာပါပဲ။

မဟုတ်ရင် ကိုယ့်ရဲ့ အရှိတရားကို အကြောင်းပြုပြီး ကိုယ့်ကိုကိုယ်အထင်ကြီးကာ မာနတွေက နေရာယူတတ်လို့ပါ။

လူဟာ ကိုယ့်ကိုကိုယ်အထင်ကြီးနေပြီဆိုရင် သူတပါးကို အလိုလိုအထင်သေးလာတတ်ပါတယ်။

ဘာမှ အကြာကြီးမဟုတ်တဲ့ လောကကြီးမှာ ဘာကြောင့် အထာကြီးတွေနဲ့ မာနတွေကြီးနေကြမှာလဲပေါ့။

တကယ်ဆိုရင် အားလုံးဟာ သေကြရဦးမှာပဲ မဟုတ်လား။

ပနာမဒါယီ အရှင်ဝိစိတ္တ

#တရားတော်

07/12/2024

အောင်ခြင်း ၈ ပါး ဂါထာတော်

ကိုယ်တွေ့ ထူးခြားချက်အနေဖြင့် စာရေးသူ မပြုလုပ်ခထားသော အရာတခုအတွက် အမှုအခင်းရင်ဆိုင်နေရချိန် ညစဥ်ညတိုင်း ဘုရားရှေ့မှာ ဆီမီး သပ္ပါယ်ပြီး ဤဂါထာတော်ကို ပုတီး သက်စေ့ စိပ်ခဲ့ပါတယ်။

ပုတီးစိပ်ရာမှာ ဂါထာတပုဒ်ကို ပုတီးတလုံးနဲ့ မိမိကို တရားစွဲဆိုထားသောသူ၏ မျက်နှာကို အာရုံပြုခဲ့ပါတယ်။

ယုံယုံကြည်ကြည်နဲ့ ညတိုင်း ဝတ်ပြု ပုတီးစိပ်ခဲ့ရာမှာ ၇ ရက်မြောက်နေ့ မနက်မှာတင် စာရေးသူကို အဆိုပါ တရားစွဲထားသူမှ ကိုယ်တိုင်ကိုယ်ကျ လာရောက် တောင်းပန်ပြီး အမှု ပိတ်သိမ်း ကျေအေးခဲ့ပါတယ်။

အစွမ်းထက် ရှားပါး ဂါထာတော်ဖြစ်တာကြောင့် အခြားဉာဏ်ရှိသလို ပွားများ ကျင့်ကြံနိုင်ပါတယ်။

အရာရာ အဆင်ပြေ ကျော်လွှားနိုင်ကြပါစေ။

#တရားတော်

06/12/2024

ထူးခြား အကျိုးများသော ဝ တစ်ဆယ့်သုံးလုံး ဂါထာတော်

ဤဂါထာတော်ကို ရွတ်ဖတ်ပွားများခြင်းဖြင့်

- စည်းစိမ်ချမ်းသာရရှိနိုင်ခြင်း

- ဓါးလှံလေးမြှားနှင့် အခြား အန္တရာယ်ရှိစေနိုင်သော လက်နက်များမှ ကာကွယ်ပေးနိုင်ခြင်း၊

- မီးဘေးအန္တရာယ်မှ ကာကွယ်စေနိုင်ခြင်း

- အချုပ်အနှောင်အဖွဲ့ရန်မှ လွတ်မြောက်နိုင်စေခြင်း

စသည့် အကျိုးကျေးဇူးများအပြင် အခြား လောကီအကျိုးများကိုပါ ရစေနိုင်သော ဂါထာတပုဒ်ဖြစ်ပါတယ်။

အခုလို ရှားပါး ထူးခြား အကျိုးများသော ဂါထာတော်များကိုလည်း အမြဲ ရှာဖွေ ဝေမျှပေးသွားပါမယ်။

#တရားတော်

05/12/2024

စီးပွား လာဘ်လာဘ ပေါများစေသော ဓနသိဒ္ဓိဂါထာတော်ကြီး

#တရားတော်

04/12/2024

နိုင်ငံ့ဝန်ထမ်း တယောက်အနေနဲ့ တရားဝင် ခွင့်မယူပဲ ရဟန်းမခံသင့်

သင်ဟာ နိုင်ငံ့ဝန်ထမ်းတယောက်ဆိုရင် ခွင့်ရက် တရားဝင်ရယူပြီးမှ ရဟန်းပြုရပါမယ်။

တကယ်လို့ ခွင့်မယူပဲ ရဟန်းဝတ်တဲ့အခါ ရဟန်းပြုပေးသူ ဆရာတော်မှာ ဒုက္ကဋ် အာပတ် သင့်ပါမယ်။

ဘုရားရှင် လက်ထက်တော်ကတည်းက မင်းခစား (ဝန်ထမ်း) များကို ရဟန်းပြုပေးလျှင် ရဟန်းပြုပေးသူမှာ အာပတ်သင့်စေမယ်လို့ မိန့်တော်မူခဲ့ပါတယ်။

​နိုင်ငံ့ဝန်ထမ်းတယောက် တရားဝင် ခွင့်ယူပြီးရင်တော့ တာဝန်တွေကနေ နားထားရတာဖြစ်တဲ့အတွက် အဲဒီရက်အတွင်း ရဟန်းပြုပေးခြင်းဟာ ဝိနည်းနဲ့ ကိုက်ညီပါတယ်။

#တရားတော်

01/12/2024

#တရားတော်

28/09/2021

ယခု တရားတော်မှာတော့ နေ့စဉ် နာကြားသင့်တဲ့ စီးပွားတက် ကံမြင့် ကြည်ညိုဖွယ် ပရိတ်၊ ပဌာန်းတော်ကြီးကို အများကြည်...

11/09/2021

ယခု တရားတော်မှာတော့ ကျေးဇူးတော်ရှင် အောင်စင်္ကြာဆရာတော် အရှင်စန္ဒသီရိ ဟောကြားတော်မူသော နာမကျန်းဖြစ်သူများ၊ ရောဂါအနာရှိသူများ အမြဲနာကြားရွတ်ဖတ်သင့်ပြီး လာလတ္တံ့သော ရောဂါအပေါင်းမှ ကင်းဝေးစေနိုင်သော ဂုဏ်ထူးရှိသည့် အစွမ်းထက် ဂီရိမာနန္ဒသုတ် ပရိတ်တော်ကြီးကို အများကြည်ညိုစေရန် ဝေမျှကုသိုလ်ယူထားပါတယ်။

Share ခြင်းဖြင့်လည်း ကုသိုလ်ယူနိုင်ပါတယ်။

https://youtu.be/Sd2daz4JVhI

#တရားတော်

ယခု တရားတော်မှာတော့ ကျေးဇူးတော်ရှင် အောင်စင်္ကြာဆရာတော် အရှင်စန္ဒသီရိ ဟောကြားတော်မူသော နာမကျန်းဖြစ်သူမျာ...