https://www.facebook.com/103378102653855/

Mg Naw Zat Aung "Spiritual Message", 2/183. Thayatkone, Hlegu, Yangon (2026)

22/08/2023

ကိုယ့်အလှည့်ရောက်ရင် (When your turn)

ဒီအတွေးမျိုးမှမရှိရင် လူတွေကိုအကောင်းဘက်ကိုရွေ့လာအောင်ဦးဆောင်ဖို့ဆိုတာလွယ်မယ်မထင်ဘူး။ ကိုယ့်အလှည့်ရောက်ရင်တော့ ဘယ်အရာတွေကိုပြုပြင်လိုက်မယ် ဘယ်အရာတွေကတော့ဆက်ပြီးသယ်သွားရမယ်။ ဘယ်အရာတွေကတော့လုံးဝဖြတ်တောက်ရမယ့်အကျင့်တွေ ယိုပေါက်တွေဆိုတာနားလည်ထားရမယ်။ တစ်ချို့သော ကိုယ့်အလှည်ရောက်ရင်တွေက ကလဲ့စားချေဖို့အတွက် တေးထားတာတွေဖြစ်နေတတ်ပါတယ်။ အဆိုးကိုအဆိုးနဲ့ ထပ်ပြီးအကျိုးဆက်ဖို့ကိုတော့ ကျနော်အားမပေးပါ။

ဘာမှကြိုးစားအားထုတ်နေခြင်းမရှိပဲ အခွင့်အရေးကိုပဲ ထိုင်စောင့်နေတဲ့ အခွင့်အရေးသမားမဖြစ်သင့်ပေမယ့် အမှတ်တမဲ့ပဲဖြစ်ဖြစ် တည့်တည့်မတ်မတ်ပဲဖြစ်ဖြစ် ကိုယ်မျှော်လင့်စောင့်ဆိုင်းနေတဲ့ အခွင့်အရေးရလာခဲ့ရင်တော့ လက်မလွတ်လိုက်ပါနဲ့။ ထိုအချိန်ဟာ သင့်အချိန်ပါပဲ။
အမိအရဆုပ်ကိုင်ပြီး သင် ဆိုတာ ဘာလဲ ဘုရားသခင်ဘယ်လိုတွေပြုပြင်ထားပြီလဲ ဘုရားဘုန်းအဖို့ ဖော်ပြလိုက်ပါတော့။

ရိုးရိုးစင်းစင်း ကျနော့်အတွေးလေးတွေကိုပဲ
ထပ်ရေးပြချင်ပါတယ်။

"ကိုယ့်အလှည့်မရောက်ခင်ကတည်းက အရာရာကိုအဆင်သင့်ဖြစ်အောင် ကြိုတင်ပြင်ဆင်ထားပါ"

ကျနော်ကဘောလုံးအတော်လေးဝါသနာပါပါတယ်။ တကယ့်ပွဲတွေကန်ခွင့်ရခဲ့တဲ့အခါ အနိုင်ရလဒ်ရခဲ့ဖူးသလို အရှုံးနဲ့လည်းရင်ဆိုင်ဖူးပါတယ်။ ဒါပေမယ့် မနက်ဖြန်ပွဲကန်ရတော့မယ်ဆိုရင် ဒီညကတည်းက အိပ်ယာပေါ်မှာ ရင်ခုန်ခြင်းအပြည့်နဲ့ ကိုယ့်ခြေထဲဘောလုံးရောက်လာရင် ကိုယ်ဘာလုပ်ရမလဲဆိုတာ အမြဲတွေးနေတတ်ပါတယ်။ ကိုယ့်အလှည့်ရောက်ရင် ကိုယ့်အသင်းအတွက် အကောင်းဆုံးဘယ်လို ပံ့ပိုးမလဲပေါ့။ အမှားအယွင်းမရှိအောင်ကစားမယ်လို့အမြဲအားယူပြီး စိတ်ဓါတ်ခိုင်ခိုင်မာမာထားပြီး ပြင်ဆင်ပါတယ်။ အဲ့လိုတွေးထားရင်းတောင် team workပိုင်းအားနည်းချက်၊ နားလည်းမှုလွဲသွားတဲ့အရာ၊ကြံ့ခိုင်မှုနဲ့ပြင်ဆင်မှုလိုအပ်တဲ့ အမှားဆိုတာဖြစ်ကိုဖြစ်လာပါသေးတယ်။

ဖြည်းဖြည်းချင်း တရားပလ္လင်ပေါ်လည်း ကျေးဇူးတော်အားဖြင့် တရားများစွာဝေငှခွင့်ရခဲ့ပါပြီ။ ဟိုအရင်ကတည်းက ဆရာ့ဆရာတွေရဲ့တရားကိုလည်း တနင်္ဂနွေအပတ်တင်မကပါဘူး အခွင့်အရေးရရင် ရသလို ဖုန်းနဲ့ပဲဖြစ်ဖြစ် စာအုပ်တွေထဲက တရားဟောချက်တွေကိုလည်း အမြဲနားထောင်ဖတ်ရှုခံယူခဲ့ပါတယ်။ ကိုယ်ဝေငှခွင့်ရခဲ့ရင် ဘယ်လိုတွေပြင်ဆင်ပြီးဝေငှမယ် ဘယ်လိုပုံဥပမာသုံးမယ် ဘယ်လိုစကားလုံးတွေကိုတော့ချန်ထားခဲ့မယ်။ အချိန်အတိုင်းအတာဘယ်လောက်အတောအတွင်းပြီးမြောက်အောင် ဘုရားအမှုထမ်းမယ်ဆိုပြီး အမြဲ တရားဝေငှခွင့်ရဖို့လည်း ရင်ခုန်စိတ်လှုပ်ရှားစွာ အကြိမ်ကြိမ်အသင့်အနေအထားပြင်ဆင်ထားမိခဲ့ပါတယ်။ အဲ့ဒီလို ပြီးပြည့်စုံအောင်ပြင်ဆင်ထားရင်တောင် တစ်ခါတလေ အလွဲလေးတွေပါလာတတ်ပါသေးတယ်။

ရိုးသားစွာဝန်ခံရရင် ပြည့်စုံမှုမရှိသေးပေမယ့် ကိုယ်အိမ်ထောင်ပြုခဲ့ရင် ကိုယ့်ဇနီးမယားနဲ့သားသမီးကို ဘယ်လိုတွေတည်ဆောက်မယ် အထူးသဖြင့် ဘုရားသခင်ကိုဦးထိပ်ထားတဲ့အသက်တာထဲ ဘယ်လိုတွေဆွဲခေါ်မယ်။ဝိညာဥ်ရေး၊ ပညာရေး၊ ကျန်းမာရေး ကစပြီး ကိုယ့်ပေါက်ဖွားခွင့်ရခဲ့တဲ့မိသားစုဆီမှာရှိတဲ့အားနည်းချက်မစုံလင်မှုတွေကို ထဲက ဘယ်လိုဖောက်ထွက်မလဲ အမြဲတွေးနေတတ်ပါတယ်။ စိတ်ကူးယဥ်တာထက်ပိုပိုသာသာလေး အခက်အခဲအကြပ်အတည်းတွေ နဖူးတွေ့ဒူးတွေ့ကြုံလာခဲ့ရရင် ဘယ်လိုကျော်လွှားမလဲ ပြင်ဆင်လျှက်ရှိနေပါပြီ။ အဲ့ဒီလို စိတ်ကော ကိုယ်ကော အိမ်ထောင်မှုအတွက် ပြင်ဆင်ထားရင်တောင် စင်းလုံးချောကြီးဖြစ်လာမယ်မဟုတ်ဘူးဆိုတာဘေးဘယ်ညာက အိမ်ထောင်မိသားစုတွေကိုကြည့်ပြီး စိတ်သောက အတော်လေး လျှော့ချထားနိုင်ပါပြီ။

လမ်းမကြီးပေါ် မဆင်မခြင်မောင်းတဲ့ကားသမားတွေ့ရင် ကိုယ့်အလှည့်ရောက်ရင် စည်းကမ်းတကျမောင်းမယ်ဆိုပြီး အတွေးရလာပါတယ်။

သူများတကာ မွေးနေ့ပွဲတွေလုပ်ရင် မိသားစုနွေးထွေးမှုတွေ သားသမီးတွေခံစားရတဲ့ ကြည်နူးမှုလေးတွေကြည့်ပြီး ကိုယ့်အလှည့်ရောက်ရင်လည်း ဒီအရာကိုတော့ မရှိရှိတဲ့အထဲက လုပ်ပေးရမယ်ပေါ့

မူးယစ်ဆေးဝါးသမားတွေနဲ့ နေ့စဥ်ထိတွေ့ဆက်ဆံ နှုတ်ကပတ်တရားနဲ့ပြုပြင်ပေးနေရသူ ကိုယ်တိုင်ဖြစ်နေတော့ ကျနော်တို့ကျောင်းမှာနေစဥ်ကာလတော့ သိပ်ကောင်းကြတာပေါ့ အနေအထိုင်အပြောအဆိုကအစလေ ဒါပေမယ့် ကိုယ့်ရပ်ကိုယ့်ရွာကိုယ့်ဌာနေပြန်ရောက်ရင် ဇာတိပြပြလာတာ ၁၀၀%မှာ ၇၀%ဆိုတော့ ဒီကတည်းက ကျနော်ပြောပြလေ့ရှိတဲ့အရာက ခု ခေါင်းစဥ်လေးပဲ ရှေ့က နောင်တော်ကြီးတွေလိုပဲ တွေ့မယ့် စုံစမ်းခြင်း ထောင်ချောက်ကို ကိုယ်ခုဒီကျောင်း ဒီစာသင်ခန်းထဲ ရှိစဥ်ကတည်းက ဘယ်လိုကျော်လွှား အောင်မြင်အောင် ရင်ဆိုင်မလဲဆိုတာကို အမြဲပြင်ဆင်ထားဖို့ ခွန်အားပေးပါတယ်။

"ကိုယ့်အလှည့်ရောက်ရင်" ဆိုတဲ့ အကောင်းဘက်ကို ရွေ့နိုင်ဖို့ပြင်ဆင်မှုရှိရင်လည်း အမှားအယွင်း ဆိုတာဖြစ်နေတာပဲ ပြင်ဆင်မှုမရှိထားရင်လည်း အမှားအယွင်းဆိုတာဖြစ်နေတာပဲ ဘာထူးလဲလို့ မေးလာရင်
ပြင်ဆင်မှုမရှိခြင်းက ဖြစ်လာတဲ့ အမှားအယွင်းက အတွေ့အကြုံကောင်း သင်ခန်းစာကောင်းဘယ်တော့အခါမှဖြစ်မလာပါဘူး။

ခုမင်းလုပ်အုပ်ချုပ်နေတဲ့ အာဏာရှင်တွေကိုကြည့် ကိုယ့်အလှည့်ရောက်ရင် ပြည်သူပြည်သားတွေကို ဘယ်လိုတိုးတက်အောင် ချောင်ချိအောင် အကျိုးပြုမလဲဆိုတာ တစ်စက်ကလေးမှ တွေးထားပုံမရဘူး ကိုယ့်အလှည့်ရောက်ရင် ကိုယ့်အသိုင်းအဝိုင်းသေးသေးလေးပဲ ဘယ်လို အဓမ္မနည်းနဲ့ကြီးပွားအောင်လုပ်ယူမလဲပဲ တွေးထားတော့ တစ်တိုင်းပြည်လုံး ညည်းတွားနေရပါပြီ

စိတ်ချထားဖို့ က စေတနာရှင်ဘုရားက စေတနာကင်းမဲ့သူတွေကို တိုင်းပြည်ကိုအပ်မှာမဟုတ်သလို တရားသောဘုရားက မတရားအဓမ္မလူတစ်စုကို ရှေရှည်ကာလကြာမြင့်စွာ တိုင်းပြည်ကို လုံးဝအပ်မှာမဟုတ်ပါဘူး။

အဆုံးသတ်အနေနဲ့
ဆင်းရဲချမ်းသာလည်း တစ်ယောက်တစ်လှည့်ပဲ
ငိုခြင်းရယ်ခြင်းသည်လည်း တစ်ယောက်တစ်လှည့်ပါပဲ
သေခြင်းသည်လည်း တစ်ယောက်တစ်လှည့်ပါပဲ
လူအများစုပြင်ဆင်ဖို့မေ့နေတဲ့ သေခြင်းတရားကို ကျနော်ကတော့ ယေရှုခရစ်တော်ကို ယုံကြည်ခြင်းအားဖြင့် ပြင်ဆင်ထားပါပြီ အသင်လည်း အရာရာကို သတိပညာကြီးစွာ ကိုယ့်အလှည့် များစွာမှာ သမိုင်းကောင်းတွေ ရေးထိုးနိုင်ခဲ့ဖို့ မဆိုစလောက်လေး မျှဝေချင်ပါတယ်။

၂၁.၈.၂၀၂၂
မောင်နော်ဇက်

25/07/2023

" မုသာစကားတစ်ခွန်းပြောမိလျှင် ထိုမုသာစကားသည်
မည်သည့်အချိန်တွင်ပေါ်လာလိမ့်မည်နည်းဟူသော
ကြောက်စိတ်က ကျွန်တော်တို့၏နောက်သို့ တရိပ်ရိပ်လိုက်
နေလိမ့်မည်။ "

ဧပိကုရပ်(စ်)
ဂရိအတွေးအခေါ်ပညာရှင်

05/07/2023

ကျမ်းစာကိုလွန်ပြီး လူကိုမရိုသေအပ်ပေမယ့်
ကျမ်းစာနဲ့အညီ လူကိုရိုသေရပါမယ်

ယားတတ်သောနားမရှိစေပဲ
ကြားတတ်သောနားရှိပါစေ

ကျဥ်းမြောင်းသောနှလုံးသားလား
ကျယ်ဝန်းသောနှလုံးသားလား ဆန်းစစ်တတ်စေ

ဆာငတ်တဲ့ သဘောနဲ့
လုပ်ရိုးလုပ်စဥ်သဘော ကွဲပါစေ

ဘဝမမေ့ဖို့လိုသလို
အောက်ခြေမလွတ်ဖို့လည်း အထူးလိုပါတယ်

ကိုယ့်ကိုဆွဲခေါ်ခဲ့သူကိုသိဖို့လိုသလို
ကိုယ်ဆွဲခေါ်ရမယ့်သူကိုလည်း သိဖို့လိုပါတယ်

ကျေးဇူးပြုခြင်းခံခဲ့ဖူးသလို
ကျေးဇူးဆပ်တတ်ဖို့လည်း မမေ့ဖို့လိုပါတယ်

သွားရမယ့်လမ်းကိုသိနားလည်ပြီး
ထားခဲ့ရမယ့်ဝန်ကိုလည်း သံယောဇဥ်မတွယ်မိပါစေနဲ့

အချိန်ဟာ ရွှေ ပဲ ၊ ဘဝဆိုတာ ရုန်းကန်ခြင်းတဲ့
နုပျိုခြင်းနဲ့အချိန်ရှိနေသေးသရွေ့ ကြိုးစားလို့ရသေးတယ်

ခါးသည်းဒဏ်ရာကို ဆေးခါးတစ်ခွက်လို
အသုံးချပြီး ဘဝကို အကျိုးပြုလိုက်စမ်းပါ ဟေ့လူ

ငိုတစ်လှည့်ရယ်တစ်လှည့် ဘာအတွက်ကြောင့်မှ
အရှုံးမပေးနဲ့ မင်းကိုယ်မင်း ပေါ့သေးသေးမတွက်ချက်နဲ့

ကောင်း၏ ဆိုး၏ ဖြတ်သန်းနေရတဲ့အရာရာတိုင်း
သခင်သည် သင့်အကျိုးအဖို့ ခွင့်ပြုပေးနေသည်။

ဘုရားသားသမီးဖြစ်နေရင်လည်း လောကဓံကို
သာမာန်လူလိုပဲ ရင်ဆိုင်ရမှာမို့
လောကကိုအောင်သောသူနဲ့ ဖြတ်သန်းတတ်ဖို့
သိပ်အရေးကြီးပါသည်

နောက်ဆုံးနားလည်လာရမှာက
Rather than desire more,pray to want less.
ပိုမို၍လိုချင်တောင့်တနေခြင်းထက်
အလိုဆန္ဒနည်းအောင်သာ ဆုတောင်းပါ။

၅.၇.၂၀၂၂
မောင်နော်ဇက်

26/06/2023

စုံစမ်းရာဖို့...

ခါနာန်ပြည်ဝင်ရောက်သွားတဲ့အခါ စစ်ပွဲတွေရပ်တန့်သွားပြီး လူမျိုးတော်တွေ ကိုယ့်တိုင်းကိုယ့်ပြည် တည်ငြိမ်တဲ့ အနေအထားနဲ့ ငြိမ်းချမ်းစွာ နေခွင့်ရသွားပါတယ်။ သို့ပေမယ့် စစ်မှုအတတ်ကိုအမြဲတတ်ထား၊သင်ယူနေရအောင် တိုက်ခိုက်အနိုင်ယူဖို့ ဖိလိတ္တိမင်းငါးပါး၊ ခါနနိလူအမျိုးမျိုး၊ ဇိဒုန်လူ၊ ဟိဝိလူတွေကို ဘုရားသခင်ပဲ ကျန်ကြွင်းစေတယ်။ မောရှေ မိန့်မာခဲ့တဲ့အတိုင်း ထာဝရဘုရားမှတစ်ပါးတည်းကိုသာ သစ္စာရှိစွာကိုးကွယ်ဝတ်ပြုသလားဆိုပြီး စုံစမ်းဖို့ရာ အခြားသောဘုရားများကိုလည်း ဘေးပတ်ချာလည်မှာ ထားထားတာတွေ့ရပါတယ်။

မောရှေ၊ယောရှု ဘုရားသခင့်လူများရဲ့ ဦးဆောင်မှုဖြင့် အာဗြံဟံ၊ဣဇာက်၊ယာကုပ်၊ ဘိုးဘေးများကို ကတိထားရာ နို့နဲ့ပျားရည်စီးဆင်းရာပြည်တော်ခါနာန်ကို ဝင်စားစေခဲ့ပါတယ်။ ကျွန်ခံရာအဲဂုတ္တုကနေ လွတ်ကျွတ်ခဲ့နိုင်ရုံသာမက မျိုးဆက်သစ်နဲ့ တိုင်းသစ်ပြည်သစ်ကို စိန်ခေါ်မှုတွေအများကြီးကြားထဲက ချောမောစွာ သက်ရှိထင်ရှား ဣသရေလလူမျိုးတွေနေထိုင်ခွင့်ရခဲ့ပါပြီ။

သို့ပေမယ့် စုံစမ်းရာဖို့ ဘုရားသခင်အခွင့်ပေးထားတဲ့ အခြားသောဘုရားကိုကွယ်မှုကို ဣသရေလလူမျိုးတွေ အနိုင်မယူနိုင်ခဲ့ကြဘူး။ ဗာလဘုရားထံဆည်းကပ်ကြတယ်။ ဘုရားအင်မတန်မုန်းတဲ့ ရုပ်တုဆင်းတုကို ဦးချဝတ်ပြုမှုတွေ သားသမီးယဇ်ပူဇော်မှုတွေ မတရားသောမေထုန်မှီဝဲမှုတွေနဲ့ လူမှုရေးဖောက်ပြားမှုတွေ ဆက်ရှိနေတာကို မြင်တွေ့ခဲ့ရပါတယ်။ မောရှေကို တိနတောင်ပေါ်မှ တစ်ဆင့် ဣသရေလလူမျိုးတွေ စောင့်ထိန်းရမယ့် ပညတ်တော်တွေကို ကျင့်ကြံမယ့်အစား အဲဂုတ္တုကပါလာတဲ့အကျင့်ဟောင်းတွေနဲ့ ခါနာန်ပြည်မှာရှိနှင့်နေပြီးတဲ့ အကျင့်တွေ၊ ကိုးကွယ်ဆည်းကပ်မှုတွေဘက်သာ အားသာနေကြပါရဲ့။

ယနေ့မှာလည်း ကျွန်ုပ်တို့ ယုံကြည်သူတွေမှာလည်း အလွန်ပင်သတိထားရမယ့် အချိန်ဖြစ်သလို သတိထားရမယ့် အချက်တွေလည်း များစွာရှိလာပါတယ်။အေဒီ၃၀၀လောက်ကတည်းက အသင်းတော်ခေါင်းဆောင်ဆွေ မိစ္ဆာဒိဌိအယူလွှဲအနေနဲ့ သတ်မှတ်ကာ ရှိနှင့်နေပြီးသား အသစ်အဆန်းမဟုတ်သော သြဝါအမှားတွေ နှလုံးမသွင်းမိစေဖို့ရယ်၊ ယားတတ်သောနား၊ ပြစ်မှားတတ်သောနှလုံးနဲ့ နှုတ်ကပတ်သမ္မာတရားကို မချဥ်းကပ်ဖို့ သိပ်အရေးကြီးနေပါတယ်။ ဘုရားသခင် ဣသရေလလူမျိုးကို စုံစမ်းရာဖို့ ထားခဲ့တဲ့အရာ တော်တော်များများကို ဣသရေလလူမျိုးတွေ မကျော်လွန်နိုင်ခဲ့ကြပါဘူး။

သင်သမ္မာတရားဘက်တကယ် တည်နေသလားဆိုတာဟာလည်း သြဝါအမှားတွေက စုံစမ်းရာများစွာထဲက တစ်ခုပါ။မှားနေသူတွေကို မေတ္တာဖြင့်ထောက်ပြပါ။ အသင်းတော်သမိုင်းမှာ ကောင်စီ(၅)ကြိမ်ထက်မက အနှစ်နှစ်အလလခေါ်ပြီး ထောက်ပြခဲ့တဲ့ သြဝါဒအမှားများဖြစ်နေခဲ့ပါစေ ခုချိန်ထိ မနူးမနှပ်ယုံကြည်သူတွေက အာဘော်နောက်လိုက်ပြီး လက်ခံမိနေဆဲ။ သမိုင်းမသိရင် "လူအ" ဖြစ်သွားရပြီး သမိုင်းသိသူက "ပညာရှိ"ဖြစ်ကြောင်း ဆရာတစ်ပါးရဲ့စကားကို ဆင်ခြင်မိတယ်။ ခရစ်ယာန်မှန်ရင် အာဘော်ထက် သမ္မာကျမ်းစာရဲ့အခြေခံသွန်သင်ချက်နဲ့ ခရစ်ယာန်သမိုင်းကိုတော့ သိကိုသိထားသင့်တယ်။

ခုတော့ အာဘော်နောက်လိုက်မိရင်း
ကယ်တင်ရှင် ယေရှုခရစ်တော်ကိုတောင်
အစိတ်စိတ်အမွှာမွှာခွဲပြတာကိုလည်း
အဟုတ်မှတ်ပြီး မှိုင်းမိ မှိန်းမျှောစေတဲ့ထိ
အဆိပ်ငွေ့တစ်ရွေ့ရွေ့တက်လာကို
မျက်ဝါးထင်ထင်မြင်ရပါလိမ့်မည်။

ဘေးနားဝိုင်းဝိုင်းလည်နေတိုင်း
အဟုတ်မှတ်လို့မရဘူး
အပုပ်ကောင်ဘေးမှာလည်း
ယင်တွေဝိုင်းဝိုင်းလည်တတ်တာကို
သတိထားရပါမယ်။

ကိုယ်မထောက်ပြနိုင်ရင် မေတ္တာဖြင့်ချပြထောက်ပြ သြဝါဒသမ္မာတရားအမှန်ကို သွန်သင်နေသူဆရာသမားတွေအတွက် ဆုတောင်းပေးပါ။ ခရစ်ယာန်လောကထဲက သမ္မာကျမ်းစာရဲ့အခွင့်အာဏာကိုတလွှဲစွဲကိုင်ပြီး သွန်သင်တဲ့ ဆရာသမားတွေထဲကပဲ စုံစမ်းခြင်းတွေက သင်နဲ့သင့်မိသားစုအသင်းတော်ကို စာတန်က ပါးနှပ်စွာ တိုက်ခိုက်တတ်ပါတယ်။ယုံကြည်ခြင်းအခြေခံခိုင်ခံ့ထားဖို့နဲ့သမ္မာတရားကို တလွှဲမဆာငတ်တတ်ဖို့ သိပ်အရေးကြီးပါတယ်။

နောက်ထပ်
ဘယ်လောက်ကျနော်တို့တွေ ဆုတောင်းနေခဲ့ပါစေ လမ်းမကြီးဘေးဘယ်ညာတိုင်းမှာ အရက်သေစာသောက်စားပျော်ပါးရာနေရာက ပိုများလာပြီး တရားဓမ္မကျင့်ကြံအားထုတ်ရာနေရာပိုပိုရှားလာနေပါတယ်။ ဆုတောင်းလေလေ မတရားမှုက ပိုပြီးကွက်ကွင်းထင်ရှား ပေါ်ပေါ်ထင်ထင် ဘုရားမကြောက်တရားမကြောက် ပိုများလာနေပါတယ်။ခုလိုခေတ်ပျက်ကြီးထဲ ကောင်းရောင်းကောင်းဝယ်လုပ်စားကိုင်စား သမ္မာအာဇီဝနည်းနဲ့ပဲ ကိုယ့်ဘဝ၊မိသားစုအတွက်ရပ်တည်ရင် အရင်ကထက်ပိုခက်လာပါတယ်။

အများမိုးခါးရေ သောက်သလို မတရားတာမှန်သိရက်နဲ့ ခေတ္တခဏအဆင်ပြေစေဖို့ မတရားတဲ့ဘက် ဘက်ပြောင်းရပ်တည်လိုက်ကြဖို့ လုံးဝမဟုတ်ပါ။ဘုရားသခင် စုံစမ်းရာဖို့ ခွင့်ပြုထားတဲ့ အရာတွေ ကျွန်ုပ်တို့ကို အနိုင်ယူသွားဖို့မဟုတ်ပါ။ဘုရားအချိန်ရောက်ရင် မတရားမှုနဲ့မတရားသူတွေကို တရားမှုနဲ့တရားသူတွေကသာ အနိုင်ရစမြဲပါ။ ကိုယ်ကိုယ်တိုင် သမ္မာတရားလမ်းပေါ်က မချော်ထွက်သွားဖို့ကိုသာ ဂရုစိုက်ပါ။

စုံစမ်းခြင်းဆိုတာဟာလည်းကိုယ်ဖြတ်သန်းကျင်လည်ခဲ့ဖူးတဲ့အရာတွေပုံစံဟောင်းတွေနဲ့ပဲအရင်လာတတ်တာမို့ပညာသတိနဲ့ သမ္မာသတိကို နှလုံးအိမ်ထဲ အမြဲချိတ်ဆွဲထားရမယ်
ဘုရားသခင်သည် စုံစမ်းခြင်းအရာနှင့်တကွ ထွက်မြောက်ရာလမ်း၊အောင်မြင်ခြင်းအခွင့်ကို ယုံကြည်သူအသီးသီးကို အမြဲပေးထားပြီးသားပါ။

အရေးအကြီးဆုံး ဘုရားနဲ့ကွာလို့မရတာပါ
ဘုရားသခင်နဲ့ကွာရင် ကျွန်ုပ်တို့ဘာဆိုဘာမှမတတ်နိုင်ကြသူတွေပါ။ ဘုရားသခင်၌သာတည်မှီထားပြီး ကောင်း၏ ဆိုး၏ အရာရာကို ကျော်လွန်နိုင်သောသူဖြစ်ကြဖို့နဲ့ စုံစမ်းရာဖို့ ဘုရားသခင်အခွင့်ပေးထားတဲ့ အရာတိုင်းကို အောင်မြင်စွာကျော်ဖြတ်အနိုင်ယူကြပါစို့...

မေတ္တာဖြင့်
မောင်နော်ဇက်

14/06/2023

✝️ လူမည်သည်ကား ✝️
ဝေငှအစေခံသူ - ဆရာနော်ဇက်အောင်

13/06/2023

အပေါ်ယံအလှကိုသာဦးစားပေးမိရင်း
အတွင်းလူ ကိုယ်တော်နဲ့ဝေးဝေးလာခဲ့ပြီ

တခဏသာ ရုပ်ထွက်လှဖို့ကိုမက်မောရှာဖွေရင်း
အတွင်းလူ ခြောက်ကပ်မှန်းမသိခြောက်ကပ်နေခဲ့ပြီ

အပြင်လူ ကြည့်ပျော်ရှုကောင်းရှိပေမယ့်
အတွင်းသဘော ကြမ်းကြုတ်နေခဲ့တာ သတိမေ့နေခဲ့ပြီ

အပြင်သဏ္ဍာန် နေရာမှန်နေပေမယ့်
အတွင်းသဏ္ဍာန် နေရာမှားမှားနေခဲ့ပြီ

အပြင်သဏ္ဍာန်ကိုသာ အချိန်ပေး အလှဆင်ရင်း
အတွင်းလူကို အချိန်ပေးတည်ဆောက်ဖို့ မေ့နေခဲ့ပြီ

အပြင်လူအလိုရမ္မက်က အတွင်းလူဆန္ဒထက်
ဘဝခြေလှမ်းတွေကို လွှမ်းမိုးလာခဲ့ပြီ

သခင်က အတွင်းလူ ခိုင်ခံ့စေဖို့ မိန့်မာပေမယ့်
ကိုယ်က အပြင်လူကိုသာ ပံ့ပိုးနေမိပြီ

သခင် ဖာရိရှဲတွေကိုပြောပြခဲ့သလို အပြင်လူကိုပဲဆေးကြောဖြူစင်စေပြီး အတွင်းမှာတော့ မတရားမှုကိုသာ အခွင့်ပေးနေမိသလား

ကြာလာလေလေ အတွင်းသဘောကောင်းဖို့
ဦးတည်ချက်ပျောက်လာရင်း ဖမ်းဆုပ်မရတဲ့
ဂုဏ်တွေ ချီးမွမ်းခြင်းတွေ တပ်မက်မှုတွေကိုသာ
ဖော်ပြပြီး ရယူချင်နေမိခဲ့ပြီ...

မသဲ ၂၃:၂၈
သင်တို့သည် အပြင်၌လူတို့ရှေ့မှာဖြောင့်မတ်ဟန်ရှိ၏။
အတွင်း၌ကား လျှို့ဝှက်ခြင်း၊မတရားသဖြင့်ကျင့်ခြင်းနှင့်
ပြည့်လျက်ရှိ၏။

၁၃.၆.၂၀၂၂

05/06/2023

#မထီမဲ့မြင်ပြုခြင်းကိုခံရသောအခါ

ကျနော်တို့တတွေဟာ သမ္မာတရားကိုဆုပ်ကိုင်ပြီး
သမ္မာတရားကိုအကြွင်းမဲ့ ချပြနေချိန် ရှိရှိသမျှအားလုံးသောသူတွေနာခံမှုအပြည့်၊ လေးစားသမှုနဲ့ ရိုရိုသေသေ တရားနာပြီးကျင့်ကြံလိုက်လျှောက်လာကြမယ်လို့
မျှော်လင့်ခဲ့ဖူးတယ်။

မျှော်လင့်ထားတာထက် တစ်ခါတရံ ဗောရှသီးလို့ပြောရမယ့် ကိုယ်ဘေးက ဆရာကိုပိုလေးစားပြပြီး ကိုယ့်ကိုမထီမဲ့မြင်ပြုတဲ့ အပြုအမူလည်း ရင်ဆိုင်ကြုံတွေ့ဖူးပါတယ်။ တခါတလေ ကိုယ့်ကို အသေကပ်ပြီး ကိုယ့်ဘေးက လုပ်ဖော်ဆောင်ဖက်ကို မထီမဲ့မြင်ပြုဖို့ ကြံရွယ်သူတွေကိုလည်းတွေ့ဖူးပါတယ်။တွေ့တိုင်း ပြတ်သားတဲ့ နှုတ်ကပတ်စကားနဲ့ ထိုသူတွေကို ထိုအကျင့်တွေကို ပြင်ဖို့ သတိပေးလေ့ရှိတယ်။

ကိုယ့်အသက်အရွယ်ကြောင့် သူတစ်ပါးကိုယ့်ကို မထီမဲ့မြင်မပြုစေဖို့ ရှင်ပေါလု သွန်သင်ထားခဲ့တာကိုအမြဲ နှလုံးသွင်း ဆန်းစစ်မိတယ်။ တစ်ဆက်တည်းမှာ စကားပြောတာတွေ၊ ကျင့်ကြံပြုမူတာတွေ၊ ကစပြီး ဝိညာဥ်သဘောနဲ့ ပုံသက်သေနဲ့အသက်ရှင်ဖို့ တိုက်တွန်းထားတာကို (၁တိ ၄:၁၂)မှာ မြင်တွေ့ရပါမယ်။ ကိုယ့်အနေအထားကလည်း အရမ်းလိုအပ်ပါတယ် သူတစ်ပါး မထီမဲ့မြင်ပြုချင်စရာကောင်းလောက်အောင် မနေထိုင်ဖို့လည်း အရေးကြီးပါတယ်။

မထီမဲ့မြင်ပြုခံရရာမှာ
(၁) ပုံသက်သေမရှိလို့ ပြုခံရတာ
(၂) ပုံသက်သေရှိလျှက်နဲ့ကို ပြုခံရတာ ၂မျိုးအကြမ်းဖျင်းနားလည်ရပါတယ်။

ဘယ်လိုပြုခံရပြုခံရ ကိုယ့်ကိုကိုယ်ပဲ ပြန်တည်ဆောက်လိုက်တာ ကောင်းပါတယ်။ ကိုယ့်အနေအထား သမ္မာတရားနဲ့ မလွဲချော်ဖို့ တည့်မတ်ရပါမယ်၊ တည်ကြည်ရပါမယ်။ ဂရုမစိုက်ခြင်းအနုပညာကလည်း ကောင်းတဲ့နေရာမှာ ကောင်းသလို ၊ တစ်ခါတရံ ကိုယ့်အမှားကို အမှားမှန်းသိပြီး ပြုပြင်နိုင်ဖို့လည်း ဂရုစိုက်ခြင်း အနုပညာကို သူ့နေရာနဲ့သူ အသုံးပြုတတ်ရပါမယ်။ တည်ကြည်တယ်လို့ ပြောတဲ့အခါ ဘေးလူရဲ့ တုံ့ပြန်မှုနဲ့မဆိုင်ပဲ ကိုယ့်ရပ်ရမယ့်နေရာ ရှိရမယ့်အနေအထားမှာ ရှိနေခြင်းကိုဆိုလိုပါတယ်။

ပုံသက်သေနဲ့ အသက်ရှင်နေတိုင်းလည်း တုံ့ပြန်မှုကောင်း
မရတဲ့အခိုက်အတန့်ရှိနိုင်ပါတယ်။ အရေးကြီးတာ တုံ့ပြန်မှုကောင်းတွေရဖို့ နှုတ်ကပတ်တော်ကို အသက်တာထဲ အခွင့်ပေးနေတာထက် ဘယ်သူတွေ ကောင်းတာပြောပြော ဆိုးတာပဲဝေဖန်ဖန် သမ္မာတရားစံကို အသက်တာထဲ တစ်စက်လေးမှမလျော့သွားစေဖို့အထူးသတိပြုပါ။

ခရစ်တော်၌သင်တို့ကျင့်သော အကျင့်ကောင်းကိုရှုတ်ချသောသူသည် ကဲ့ရဲ့ပြစ်တင်သောအခါ ကိုယ်တိုင်ရှက်ကြောက်ခြင်းရှိမည်အကြောင်း၊ သင်တို့သည် ကိုယ်ကိုကိုယ်သိသောစိတ်ကြည်လင်လျက်နေကြလော့။

ဘုရားသခင့်အလိုတော်ရှိလျှင်၊သုစရိုက်ကိုပြု၍ ဒုက္ခဆင်းရဲခံခြင်းသည် ဒုစရိုက်ကိုပြု၍ခံခြင်းထက်သာ၍ကောင်း၏။ (၁ပေ ၃:၁၆-၁၇)

အာမင်...
ခရစ်တော်၌ခံစားမျှဝေပါ၏။
မောင်နော်ဇက်
၅.၆.၂၀၂၂

17/05/2023

ဘုရားသားသမီးတို့၏ရှင်သန်ခြင်းနည်းနာများ

၁။ ဘုရားသခင်ကို နံပါတ်(၁)နေရာထားပါ။
၂။ ချစ်ခြင်းမေတ္တာတရားဖြင့်အသက်ရှင်ပါ။
၃။ အခက်အခဲထက် ဘုရားသခင်ကို ယုံကြည်စွဲမြဲနေပါ။
၄။ အမုန်းတရားကို ဘယ်တော့အခါမှ အခွင့်မပေးပါနဲ့။
၅။ သူတစ်ပါးကိုလည်း အသိအမှတ်ပြုတတ်ပါစေ။
၆။ သဘောထားကြီးခြင်းဖြင့် ဆက်ဆံရေးသင့်မြတ်ပါစေ။
၈။ အပေါ်ယံအလှအပထက် အတွင်းအလှကိုဦးစားပေးတတ်သူဖြစ်ပါစေ။
၉။ ထင်ပေါ်လိုခြင်းထက် ရိုးသားစွာ၊ ရိုးစင်းစွာရှင်သန်ခြင်းကို အလိုရှိစေ။
၁၀။ မိမိရဲ့ရှိခြင်းဖြစ်ခြင်းကို လက်ခံပြီး မှန်ကန်စွာပြောဆိုပြုမူတတ်ပါစေ။
၁၁။ လဲလျှင်ချော်လဲ ရောမထိုင်ပဲ ဖြောင့်မတ်သူတို့နည်းတူ
မြန်မြန်ပြန်ထပါ။
၁၂။ စေတနာစိတ်ဖြင့်ပေးကမ်းလှူဒါန်းပါ။
၁၃။ ရောင့်ရဲတတ်တဲ့ စိတ်ထားမွေးမြူပါ။
၁၄။ အငြိုးမထား အလျင်အမြန်ခွင့်လွတ်တတ်တဲ့ အကျင့်လည်း မွေးဖွားစေပါ။
၁၅။ လောကတပ်မက်ခြင်းနဲ့ မသွားပဲ၊ ဘုရားစကားတော်ဖြင့် ဘဝခရီးဆက်ပါ။
၁၆။ မိသားစုနဲ့အသင်းတော်ကိုတန်ဖိုးထားပါ။
၁၇။ သမ္မာတရားကို မှန်ကန်စွာပိုင်းခြားတတ်ဖို့ ဝိညာဥ်တော်ကိုခေါ်ဖိတ်လက်ခံတတ်ပါ။
၁၈။ နေ့ရက်တိုင်း ဘုရားသခင်နဲ့မိသဟာဖွဲ့ ဆုတောင်း၊ ကျမ်းစာဖတ်ပါ။

မေတ္တာဖြင့်....
မောင်နော်ဇက်
၁၇.၅.၂၀၂၂

10/05/2023

ပိုးကရင်ဓမ္မတက္ကသိုလ်
(၂၀၂၃-၂၀၂၄)ပညာသင်နှစ် ပြက္ခဒိန်

Mg Naw Zat Aung "Spiritual Message"

22/08/2023

25/07/2023

05/07/2023

26/06/2023

14/06/2023

13/06/2023

05/06/2023

17/05/2023

10/05/2023

Address

Telephone

Website

Alerts

Contact The Place Of Worship

Shortcuts

Share

Category