တန္ခိုးေတာ္အနႏၲျမတ္ဗုဒၶ ေစတီေတာ္ေက်ာင္း

03/03/2026

#သံဝေဂ

မနေရလို့ သေရသောခါ

ကိုယ့်နောက်ကို ဘာများပါမှာ

ပြုခဲ့သမျှ ကောင်းဆိုးအမွေတွေသာ

ပါစမြဲ ပါမြဲ ဓမ္မတာ

#တိုတောင်းလှတဲ့_လူ့ဘဝ

30/01/2026

🙏🙏🙏 ကျေးဇူးရှင် ဆရာတော်ဘုရား
ယနေ့ဝိဇာတမင်္ဂလာမှစ၍ အသက်ဆုံးတိုင်
စိတ်ဆင်းရဲကင်းပါစေ
ကိုယ်ဆင်းရဲကင်းပါစေ
ကျန်းမာချမ်းသာ ကိုယ်ခန္ဓာ ကောင်းစွာဆောင်ရွက်စောင့်ရှောက်နိုင်ပါစေ
သာသနာအကျိုး အများအကျိုး မိမိအကျိုးကို ဆထက်တိုး
ပို၍ရွက်ဆောင်နိုင်ပါစေဘုရား🙏🙏🙏

ဘုရားတပည့် ဤရောက်ရာနေရာမှ ဝတ်ပြုဆုတောင်း
မေတ္တာပို့ပါ၏ဘုရား🙏🙏🙏

Find local businesses, view maps and get driving directions in Google Maps.

07/01/2026

🚐 🚐 🚐

Find lokale virksomheder, se kort og få rutevejledninger i Google Maps.

31/12/2025

#တန်ခိုးတော်အနန္တ_မြတ်ဗုဒ္ဓစေတီတော်ကျောင်း_၆နှစ်ပြည့်

#မှတ်တိုင်လေးတခု

လွန်ခဲ့တဲ့ ၂၀၁၉-၂၀၂၀ နှစ်တွေက တောရ ၁ မှာ

တတ်ယောင်ကားနဲ့ သူများ‌တွေကို

ဆရာသွားမလုပ်မိရင် ဒီကိုရောက်လာမှာ

မဟုတ်လောက်ဘူးထင်တယ်။

သူများတွေကို ဆရာသွားလုပ်မိတော့

ဆရာသမားက စိတ်ချရလောက်ပြီလို့ထင်ပြီး

ဒီကိုပို့တော့တာပေါ့။

ကိုယ်ကလဲဆရာသမားရဲ့ဆန္ဒကို မငြင်းချင်တာနဲ့

ယက်ကန်ယက်ကန်နဲ့ ရောက်လာခဲ့တာ

အခုထိလဲ ယက်ကန်ယက်ကန် ဖြစ်တုန်း😁

ဘာပဲဖြစ်ဖြစ် ဆရာသမားတွေ ပစ္စည်းလေးပါး

ထောက်ပံ့ကြတဲ့ ဒကာ၊ဒကာမတွေ

မိဘဆွေမျိုးတွေရဲ့ ချီးမြှောက်ထောက်ပံ့မှုတွေကြောင့်

အခုအခြေအနေအထိ ရောက်လာရတာမို့ အားလုံးကို

အထူးပဲကျေးဇူးတင်ပါတယ်။🙏🙏🙏

နောက်နှစ်တွေ အခွင့်သင့်လို့ရှိရင်တော့

ဒီကို စပြီးရောက်လာတဲ့ 1-1-2021နေ့ကို

ကျောင်းနှစ်ပတ်လည်နေ့အဖြစ်သတ်မှတ်ပြီး

အလှူပွဲလေးကျင်းပချင်သေးတယ်။

ဒီနှစ်တော့ နှစ်ဦးဆွမ်းအလှူပင့်ထားတာ

ဦးဇင်းကြီးတွေက လက်ခံထားတာနဲ့

လုပ်ခွင့်မသာတော့ မလုပ်ဖြစ်တော့ဘူး။

ရေးစရာတွေက များသား ဒါ‌ပေမယ့် မိမိတို့ရဲ့

တန်ဖိုးရှိတဲ့အချိန်ကို ပေးပြီးဖတ်ရကျိုး

နပ်အောင်လို့ ပုံမှန်ဖြတ်သန်းကြရတဲ့

အခက်အခဲလေးတွေကို မရေးတော့ပါဘူး။

အခုလိုအခြေအနေထိ ရောက်အောင် ဆရာသမားရဲ့

သြဝါဒစကားဖြစ်တဲ့

"စုစုစည်းစည်း တိုင်တိုင်ပင်ပင် ညှိညှိနှိုင်းနှိုင်း

တစိုက်မတ်မတ် အချိန်မှန်မှန် ဇွဲရှိရှိနဲ့ မပျက်မကွက်

မပျင်းမရိ လုပ်ဆောင်ရမယ်။

ကိုယ်ကျင့်သီလကို မကျိုးပေါက်အောင် စောင့်ထိန်းရင်

စောင့်ထိန်းနိုင်သလောက် ပိုအကျိုးကြီးတယ်" ဆိုတဲ့

ဆရာ့ကျင့်ထုံးလေး လက်ဆင့်ကမ်းပြီး

ကျောင်းနှစ်ပတ်လည်နေ့ရဲ့

လက်ဆောင်အဖြစ် မျှဝေလိုက်ပါတယ်။

#အားလုံးသတ္တဝါ_ဘေးရန်ကွာ_ကျန်းမာချမ်းသာကြပါစေ

#ဗုဒ္ဓသာသနံ_စိရံ_တိဌတု

30/12/2025

🙏🙏🙏

#ထွဋ်ခေါင်ဆရာတော်_ကမ္မဋ္ဌာန်း_သံပေါက်

၁။ သဗ္ဗေသတ္တာ၊ ဝေနေယျာ၊ သံသာရှည်လှပြီ။

၂။ အတည်ကျကျ၊ ဘယ်ဘဝ၊ ရကြမရှိပြီ။

၃။ ရအံ့နိုးနိုး၊ လောဘမျိုး၊ အကျိုးယုတ်လှပြီ။

၄။ သုံးပါးညီးညီး၊ လောင်မီးကျီး၊ ဖိစီးလှလေပြီ။

၅။ လောင်မှန်းမသိ၊ မောဟဖိ၊ မိုက်မိလှလေပြီ။

၆။ ပိုးဖလံမျိုး၊ မီးကိုတိုး၊ ကိုယ်ကျိုးနဲလှပြီ။

၇။ ကာမဂုဏ်မွဲ၊ သည်မိုက်ခဲ၊ မခွဲနိုင်ကြပြီ။

၈။ မခွဲနိုင်ကြ၊ လူ့ဗာလ၊ မိုက်စသိမ်းသင့်ပြီ။

၉။ ဂင်္ဂါသဲတူ၊ ပွင့်တော်မူ၊ ဆူဆူများလှပြီ။

၁ဝ။ များအသင်္ချေ၊ ရှင်စောတွေ၊ ရှောင်သွေလွဲခဲ့ပြီ။

၁၁။ တဆူမသင့်၊ တဆူသင့်၊ ဖူးခွင့်တွေ့ထိုက်ပြီ။

၁၂။ မတော်မတလျား၊ ကျင့်ဖောက်ပြား၊ မိုက်အားကြီးလှပြီ။

၁၃။ အလိုမလိုက်၊ သည်အမိုက်၊ ပယ်ထိုက်သင့်လှပြီ။

၁၄။ မပယ်မချိုး၊ ဆင်ကန်းတိုး၊ ဟုတ်နိုးထင်လှပြီ။

၁၅။ ဟုတ်နိုးသမှု၊ ထင်တိုင်းပြု၊ ယခုတိုင်ခဲ့ပြီ။

၁၆။ တရားလက်လွတ်၊ ငှက်တောင်ကျွတ်၊ ဝဋ်နှင့်မကင်းပြီ။

၁၇။ မနုဿတ္တ၊ ဒုလ္လဘ၊ မရများလေပြီ။

၁၈။ အရတော်စွ၊ သည်ဘဝ၊ လှလှကျင့်ထိုက်ပြီ။

၁၉။ ကြုံကြိုက်တော်စွာ၊ သာသနာ၊ ရောင်ဝါထွန်းလှပြီ။

၂ဝ။ သတိရရ၊ မြတ်ပုည၊ ပြုကြ ကောင်းသင့်ပြီ။

၂၁။ တနေ့တနေ့၊ နက်ဖြန်ရွေ့၊ မမေ့ကောင်းသင့်ပြီ။

၂၂။ ငါ့ကိုယ်ငါ့သား၊ ငါ့မယား၊ ထင်မှားလှလေပြီ။

၂၃။ ထင်မှားတတ်စွာ၊ သက္ကာယာ၊ မိစ္ဆာကင်းသင့်ပြီ။

၂၄။ ငါးခုခန္ဓာ၊ ရုပ်နာမ်မှာ၊ မှန်စွာမှတ်သင့်ပြီ။

၂၅။ သမ္မသန၊ ဉာဏ်အစ၊ ထင်လှသင့်ကြပြီ။

၂၆။ နင်ဖြင့်နင့်ကိုယ်၊ ဆုံးမ, ဆို၊ နင့်ကိုယ်အမှုသည်။

၂၇။ နှလုံးဖုံဖုံ၊ ထုံတုံတုံ၊ နင့်ပုံကြော့ကြမ်းသည်။

၂၈။ နင်နှင့်နင့်ကံ၊ စီရင်ဖန်၊ အမှန်ဖြစ်တော့သည်။

၂၉။ ယခုနင့်ကိုယ်၊ နင့်အလို၊ ဘယ်ကိုပြည့်စုံသည်။

၃၀။ နင့်ကိုယ်နင်နှစ်၊ နင့်အပြစ်၊ နင်ဖြစ်ခံရမည်။

၃၁။ နင့်ကိုယ်နင့်အား၊ နင်မသနား၊ နင်မှားရှာတော့မည်။

၃၂။ နင်မဆုံးမ၊ နင့်တာပ၊ဘယ်ကခံလိမ့်မည်။

၃၃။ ဒါနသီလာ၊ ဘာဝနာ၊ နင်သာပြုသင့်သည်။

၃၄။ ဇာတိ,ဇရာ၊ မရဏာ၊ မကြာနင်တွေ့မည်။

၃၅။ မျက်တောင်တရှက်၊လျှပ်တပြက်၊ နင့်သက်သေလိမ့်မည်။

၃၆။ ဘယ်နှစ်ဘယ်လ၊ ရောက်ခါမှ၊ ကာလမရွေ့ပြီ။

၃၇။ ကြီးငယ်မဟူ၊ ကိုယ့်ရွယ်တူ၊ ခုမူသေလှပြီ။

၃၈။ အမှန်သေရိုး၊ ထိုလူမျိုး၊ ကြောက်စိုးရွံ့သင့်ပြီ။

၃၉။ မသွင်းနှလုံး၊ အထင်ရှုံး၊ ပျက်ပြုန်းလှလေပြီ။

၄၀။ ခန္ဓာကြွေလျော၊ ရှိပြန်သော၊ ပူဇောလောင်လှပြီ။

၄၁။ သွားကျိုးဆံဖြူ၊ ရှိပြန်မူ၊ ဘယ်သူမကြောက်ပြီ။

၄၂။ ဤသည်မယား၊ ဤသည်သား၊ မီးပွားမှန်တော့သည်။

၄၃။ ခယဝယ၊ ဘိဇ်ဇန၊ ပျက်ကြလှလေပြီ။

၄၄။ အပိယေဟိ၊ ပိယေဟိ၊ ဒုက္ခိကြုံလေပြီ။

၄၅။ ဒုက္ခထွေထွေ၊ တပေပေ၊ ခံနေရလေပြီ။

၄၆။ နိဗ္ဗာန်သာခေါင်၊ ဘေးမဲ့သောင်၊ ရောက်အောင်ပြုသင့်ပြီ။

၄၇။ မပြုပါဘဲ၊ နင်ရှောင်လွဲ၊ နင်ပဲမိုက်လှသည်။

၄၈။ ယုတ္တိယုတ္တာ၊ နင်ဆင်ကာ၊ နင်သာဟန်များသည်။

၄၉။ ဘုးရားသွားသွား၊ ကျောင်းသွားသွား၊ စိတ်ထားနင်မကြည်။

၅ဝ။ ဒါနသီလာ၊ နင်ပြုခါ၊ စေတနာဇောမကြည်။

၅၁။ သို့စင်ပြုလို၊ နင့်ကုသိုလ်၊ ဘယ်ကိုပေးလိမ့်မည်။

၅၂။ လောကုတ္တရာ၊ မြိုက်သြဇာ၊ နင်သာဝေးလှသည်။

၅၃။ ဇောစိတ်သန်သန်၊ ကုသိုလ်မှန်၊ နင်ကြံပြုရမည်။

၅၄။ သို့ပြုမှသာ၊ သည့်ခေမာ၊ နင်သာနီးရမည်။

၅၅။ ဤသို့စုံစေ့၊ ပြန်လှန်၍၊ စေ့စေ့နှလုံးတည်။

၅၆။ အနမတဂ္ဂ၊ သံသာရ၊ ကြာလှလေကုန်ပြီ။

၅၇။ ဂင်္ဂါဝါလု၊ ပမာပြု၊ သဲစုမကပြီ။

၅၈။ တဏှာ၏နောက်၊ တကောက်ကောက်၊ လိုက်ထောက်မသင့်ပြီ။

၅၉။ တဏှာမြစ်မ၊ ပင်လယ်ဝ၊ နစ်ကြလေကုန်ပြီ။

၆ဝ။ တဏှာလည်းပွား၊ ဒုက္ခများ၊ သွား၍မဆုံးပြီ။

၆၁။ တဏှာပို့တင်၊ ပါယ်လေးခွင်၊ လျင်စွာရောက်လေပြီ။

၆၂။ သေမင်းနိုင်ငံ၊ အဖန်ဖန်၊ လိုက်ပြန်ရလေပြီ။

၆၃။ ဝေဘူတောင်မျှ၊ ပမာပြ၊ အရိုးမကပြီ။

၆၄။ နစ်တုံပေါ်တုံ၊ သုံးပါးဘုံ၊ ကြုံပြရလှလေပြီ။

၆၅။ ချမ်းသာမငွေ့၊ ဆင်းရဲတွေ့၊ ငြီးငွေ့သင့်လှပြီ။

၆၆။ အဝိဇ္ဇန္ဓ၊ သည်မောဟ၊ ညှဉ်းဆဲလှလေပြီ။

၆၇။ နီဝရဏ၊ ဆည်းတားကြ၊ လမ်းစမဆုံးပြီ။

၆၈။ ဂတိငါးပါး၊ ဆုံလည်နွား၊ သွား၍မဆုံးပြီ။

၆၉။ ဘဝတိုင်းသေ၊ သင်းချိုင်းမြေ၊ ပွားစေလှလေပြီ။

၇ဝ။ လမ်းကောက်လည်းသွား၊ လူအများ၊ အမှားကြိုက်ခဲ့ပြီ။

၇၁။ လမ်းကြောင်းမမှန်၊ မြိုက်နိဗ္ဗာန်၊ ဧကန်လွဲခဲ့ပြီ။

၇၂။ ဘဝမဆုံး၊ ဒုက္ခတုံး၊ လုံးလုံးခံရပြီ။

၇၃။ လောကစက္ခု၊ သဗ္ဗညု၊ ယခုရှိရက်မင်း။

၇၄။ ဘုရားဖြစ်ခါ၊ သာသနာ၊ ရောင်ဝါတဝင်းဝင်း။

၇၅။ မနုဿတ္တ၊ ဒုလ္လဘ၊ ရအောင်ခဲကြမင်း။

၇၆။ ဗြဟ္မာ့ပြည်က၊ အပ်ကိုချ၊ မြေကအပ်တစ်စင်း။

၇၇။ အပ်သွားခြင်းသာ၊ ထိဘွယ်ရာ၊ ပမာမှတ်ကြမင်း။

၇၈။ နိယျာနိက၊ မြတ်ဓမ္မ၊ ကြားရခဲ၏မင်း။

၇၉။ သဒ္ဓါဗလဝ၊ ဒုလ္လဘ၊ ရအောင်ခဲကြမင်း။

၈ဝ။ အရတော်ခိုက်၊ လူတသိုက်၊ ခဲလိုက်ကြကုန်မင်း။

၈၁။ ကိုယ့်ဘို့မရ၊ သည်နောင်တ၊ ဖြစ်တတ်ကြ၏မင်း။

၈၂။ ဤသို့ဘဝ၊ ဖြစ်သမျှ၊ ရမည်ခဲ၏မင်း။

၈၃။ ထူးမြတ်စွာလှ၊ လူ့ဘဝ၊ နှမြောကြကုန်မင်း။

၈၄။ မြတ်သည်ကိုမှ၊ မသိကြ၊ ဗာလနှလုံးသွင်း။

၈၅။ ဗာလဖြစ်က၊ လူ့ပါပ၊ ကြာကြကုန်ပြီမင်း။

၈၆။ လူဖြစ်ကျိုးမှ၊ မခံရ၊ ရှုံးကြချေ၏မင်း။

၈၇။ ဘဝတိုင်းရှုံး၊ လူ့ကျောက်တုံး၊ စုန်းစုန်းမြုပ်၏မင်း။

၈၈။ စုန်းစုန်းမြုပ်ခါ၊ မပေါ်လာ၊ ကြမ္မာမှောက်၏မင်း။

၈၉။ နိဗ္ဗာန်လမ်းစ၊ ဤသို့ပြ၊ မှတ်ကြနှလုံးသွင်း။

၉ဝ။ ကလျာဏမိတ္တ၊ ပဏ္ဍိတ၊ ပေါင်းဖော်ရ၏မင်း။

၉၁။ ထိုကလျာဏ၊ ဆိုဆုံးမ၊ လိုက်နာရ၏မင်း။

၉၂။ ယောနိသောမန၊ သိကာရ၊ နေ့ညနှလုံးသွင်း။

၉၃။ သီလဓုတင်၊ ဆောက်တည်လျှင်၊ သည်တွင်အစမင်း။

၉၄။ အလောဘ၊ အဒေါသ၊ အမောဟ၊ နိက္ခမ၊ ဝိဝေက၊ နိဿရဏ၊
ဤခြောက်ဝ၊ အလိုရှိကြမင်း။

၉၅။ ရွှေပြည်သနစ်၊ သာသည်ခေတ်၊ စီစစ်ကြကုန်မင်း။

၉၆။ ရွှေပြည်ချမ်းသာ၊ စံချင်ရှာ၊ ဆိတ်ငြိမ်ရာသို့ချဉ်း။

၉၇။ အနိစ္စကောင်၊ ဒုက္ခကောင်၊ အနတ္တကောင်၊အသုဘကောင်၊
ထင်အောင်နှလုံးသွင်း။

၉၈။ အနိစ္စတုံး၊ ဒုက္ခတုံး၊ အနတ္တတုံး၊ အသုဘတုံး၊ လုံးလုံးမှတ်ကြမင်း။

၉၉။ ဤသို့ထင်မှ၊ မဂ်လမ်းစ၊ ရမည်မှတ်စင်းစင်း။

၁ဝဝ။ မဂ္ဂင်ဖောင်ကြီး၊ တက်၍စီးမှ၊ ပြည်ကြီးအမတ၊ နိရောဓ၊ ရမည်မှတ်ကြမင်း။

၁ဝ၁။ ယခုဘဝ၊ မသိကြ၊ အမတမည်ခေါ်၊ ရွှေပြည်တော်၊ အစော်မနံလျှင်း။

#ထွဋ်ခေါင်ဆရာတော်

#ဟံသာဝတီဆုံးမစာပေါင်းချုပ်

29/12/2025

#ဆရာသမားတစ်ဦးညွှန်ကြားတာလေး

#ဆန္ဒရှိသူများဆောင်ရွက်နိုင်ရန်

ဒိဝါတပတိ အာဒိစ္စော

ရတ္တိမာ ဘာတိ စန္ဒိမာ

သန္နဒ္ဓေါ ခတ္တိယော ဘာတိ

စျာယီတပတိ ဗြဟ္မဏော

အထသဗ္ဗ မဟောရတ္တိံ

ဗုဒ္ဓေါ တပတိ တေဇသာ

ဧတေန သစ္စဝဇ္ဇေန သောတ္ထိမေ ဟောတု သဗ္ဗဒါ

ဧတေန သစ္စ ဝဇ္ဇေန ဇယောမေ ဟောတု သင်္ကပ္ပေါ။

ပြာသိုလဆန်း၁၄ရက် ကြာသပတေးနေ့ နံနက်၆နာရီမှ

ည၁၀နာရီအတွင်း ၁၀၈ ခေါက်ရွတ်ပါ(ပုတီးတပတ်)

#ဘေးရန်ကင်းကွာ_ကျမ္မာချမ်းသာ_လိုအင်ဆန္ဒပြည့်ဝပါစေ

27/12/2025

ုနှစ်ရဲ့_နောက်ဆုံး_ကိုးစနေ

#မြစိမ်းတောင်တောရအမှတ်_၁၅

ရည်ရွယ်ထားသလို လုပ်ဆောင်ရန်

အခွင့်မသာခဲ့ပေမယ့်

ဆရာသမားကတော့ အခွင့်ရှိသလောက်

ချီးမြှင့်လုပ်ဆောင်ပေးသွားခဲ့တာလေးတွေပေါ့

#အားလုံးသတ္တဝါ_ဘေးရန်ကွာ_ကျန်းမာချမ်းသာကြပါစေ

#ဗုဒ္ဓသာသနံ_စိရံ_တိဌတု

17/12/2025

စိတ်ကို ချီးမြှောက်သင့်တဲ့အခါ ချီးမြှောက်ပေးရမယ်တဲ့

အခန့်မသင့် ဖြစ်နေတဲ့စိတ်ကို ကာမဂုဏ်အာရုံတွေနဲ့ ချီးမြှောက်လို့တော့

မသင့်တော်ဘူးလေ

တရားနာယူခြင်း ၊ တရားရွတ်ဖတ်ပူဇော်ခြင်း ၊ တရားစာပေလေ့လာခြင်း

ဝေယျာဝစ္စပြုလုပ်ခြင်း ၊ ဆင်ခြင်နှလုံးသွင်းခြင်း ၊ ဒါနပြုတာ

သီလဆောက်တည်တာ ၊ သမထ ဝိပဿနာပွားတာ အစရှိသဖြင့်

ကုသိုလ်ရေးတွေနဲ့ ချီးမြှောက်ပေးမှ နည်းလမ်းမှန်ပေမပေါ့

မြတ်စွာဘုရားက နည်းလမ်းပေးတာပဲတတ်နိုင်တာ မိမိတို့က လက်တွေ့

ကျင့်ကြံကျိုးစား အားထုတ်ပြုလုပ်ကြရမှာ

လူ့ဘဝဆိုတာ သမုဒ္ဒရာထက်ကို တက်လာတဲ့ ရေပွက်လေးပမာလိုပဲ

ခဏလေးရယ် အဲ့တော့ မိမိတို့ကြုံတွေ့နေရတဲ့ စိတ်အခန့်မသင့်မှုလေးတွေဟာ

မပြောပလောက်တဲ့ ခဏလေးပဲပေါ့

လူ့ဘဝဟာ ခဏလေးဆိုပေမယ့် ကြုံတွေရမယ် စိတ်ဆိုး စိတ်ညစ်

စိတ်အလိုမကျတာတွေက ခပ်များများပဲ အဲ့ဒါတွေကို ရင်ဆိုင်နိုင်ဖို့ကိုတော့

မြတ်စွာဘုရား သီတိဘာဝသုတ်မှာဟောထားတဲ့ စိတ်ဆုံမနည်းတွေကို

အချိန်ပေး‌ လေ့လာသင်ယူထားသင့်တယ်

#2025နှစ်ရဲ့နောက်ဆုံးလကွယ်နေ့အမှတ်တရ

15/12/2025

ဦးရှမ်းကိုလိုက်ပို့တုန်းက

၂လပိုင်းလောက်သွားလည်ချင်သေးတယ်

https://www.facebook.com/share/p/17XmfYohST/?mibextid=wwXIfr

11/12/2025

မိဘဆိုတာမျိုးက သူတို့သားသမီးတွေကို

အမြဲကလေးလို့ပဲထင်ကြပြီး

သူတို့ကိုယ် သူတို့လဲဘယ်တော့မှ

အသက်မကြီးဘူးလို့ သူတို့စိတ်ထဲထင်နေကြတုန်းပဲ

ဘေးကနေ ကူပြောပေး ကိုယ်တိုင်မလုပ်ဖို့ပြောလဲမရ

လုပ်နိုင်တယ်ပဲ ပြောပြီးလုပ်နေတာပဲ

သူအတွက် ဘာဘာညာညာ လှူတန်းပေးကမ်း

စားချင်တာလေးဝယ်စားဖို့ အိမ်ကိုပြန်မပေးနဲ့လို့

ပေးထားတာကို သိမ်းထားပြီး သူ့ခြံစည်းရိုးက

ဝါးတွေခုတ်ရောင်းပြီး သိမ်နုတ်ဖို့လုပ်နေတော့

သုံးစရာမရှိမှာစိုးလို့ဆိုပြီး ပြန်လာပေးသွားတယ်

ဘာပြောရမှန်းတောင်မသိဘူး ပြန်စဉ်းစားပြီး

သူ့အတွက်သူလုပ်တာပဲလို့ နှလုံးသွင်းပြီး

ထည့်လှူပေးလိုက်တော့မယ်…

ဪ …မိဘမေတ္တာ…မိဘမေတ္တာ