22/08/2026
ယ့ၫၡုၬကအီၪဖျဲၪထၪ့နီၪ, ဆၧဘိၭဘၪၥ့ၪယၫအဂဲး.(စလုကၭ(၁:၂၆-၃၈)
--------------------------------------------------------------
လၩဎူၫဘံၪ့လဘံၪ့အဖၧၩ့နီၪ, ယွၩအၥီၫ့ဂၫဘြံလၭ လ့ၩလၧဒိၩ့လဖျိၪ့လၧဂၫလလံၫအဖၧၩ့ ကိၭဝ့ၫအမံၩ့ လၧနၭဇရ့ၭ, လၧၦမုၪနၩ့လၧအဘၪအဲၪတၩ့လၧ ၦလၧစဒၫဝံၭအဂံၪ့ဖၧၩ့လဂၩအမံၩ့ မွဲစယိၥၭအအီၪ တၭ, ၦမုၪနၩ့နီၪအမံၩ့မွဲနးမၫရံၫလီၫ.- အၥီၫ့လ့ၩနုၬလၧအအီၪတၭ, စံၭဝ့ၫ,ၦလၧအဘၪဆၧအခိးအတၩ အၪလဂၩဧ့, ယွၩအီၪလၧနၥိၭလီၫ. လၧၦမုၪအကျၩနီၪ,နဘၪဆၧဆိၪဂ့ၩဝ့ၫလီၫ. ထီးအဝ့ၫနီၪဒၪဘၪဝ့ၫတၭ,အၥုၪ့ခိအၥၭဝီၩလၧအဆၧချဲၩ့အကၠီၩ့နီၪ, မွဲဆၧချဲၩ့ဒုၪ့ဝ့ၫဘဲၫၥ့ၪလဲၪဘဲၫၥ့ၪလဲၪနီၪ, ဆီၫ့မီၪ့ဝ့ၫဒၪလီၫ. အၥီၫ့နီၪစံၭဝ့ၫ, နးမၫရံၫဧ့,ၥၭမဲၪဆၧလဂ့ၩ, အဂဲးဘဲၫယီၩနဘၪဆၧအခိးအတၩလၧယွၩလီၫ.- ယိခွါ,နမိ ဒၧၩ့ထၪ့လၧနဒၧၩ့လးဖၧၩ့တၭ, နမိအီၪဖျဲၪန့နဖိၪခွၫနီၪ နမိဘၪဖျိၬအမံၩ့ယ့ၫၡုၬလီၫ. အဝ့ၫဒၪနီၪမိကဲၪထၪ့ လၧၦအဒိၪတၭ, ဆၧမိကိၭဝ့ၫလၧဆၧထီၫထုၬ အဖိၪခွၫလီၫ.ကဆါယွၩမိဖ့ၪလၫ့ဝ့ၫ လၧအဖါစဒၫဝံၭ အလးဆီၩ့ဆီတၭ, အဝ့ၫဒၪမိ စ့ၩရၫ့စယၫကူၭအ ဂံၪ့အဆိၩဆိၩအကၠၪကၠၪတၭ, အဘၩ့အမုးနီၪ အထုၬအီၪအ့ၬ.
နမၫရံၫစံၭအၥီၫ့နီၪ, မွဲယလၥ့ၪယၫဘၪ ၦခွၫတၭ, ဆၧယီၩမိမၩအၥၭဘဲၫၥ့ၪလဲၪ.- အၥီၫ့နီၪချဲၩ့ဆၧၫ့ဆၧတၭ, လီၩဘၪဝ့ၫ, ၥၭမုဆံၫ့ဎံၪမိဂဲၫလၩ့လၧနလီၩ့တၭ, ဆၧထီၫထုၬအစီၩ့အမၩ့ မိကဒုၩဘၪနၧၩလီၫ. မၩအၥၭဘဲၫနီၪတၭ, ဆၧဆံၫ့ဎံၪလၧနမိအီၪဖျဲၪန့ဝ့ၫနီၪ ဆၧမိကိၭဝ့ၫလၧယွၩအဖိၪခွၫနီၪဆ့လီၫ. ယိခွါ, ၦထၧၫ့ဘူၭထၧၫ့ထံးလၧနၧၩ နးအလံၭစဘ့ၭလဂၩလၧ အၥၭၡါက့ၭယူၭနီၪ, ဒၧၩ့ထၪ့န့အဖိၪခွၫဆ့ယူၭတၭ, ဘိၩ့နဲၪ့ယီၩ, ၦလၧဆၧကိၭအဝ့ၫဒၪလၧ ၦထူၬဖိၪလဂၩနီၪ အီၪယူၭဝ့ၫလၩဎူၫဘံၪ့ယူၭ.- အဂဲးဘဲၫယီၩဆၧလၧယွၩမၩလၥ့ၪဘၪနီၪအီၪနးမံၩ့အ့ၬ.- နးမၫရံၫစံၭဝ့ၫ,ယိခွါ,ကဆါအခ့ၫအၡၩမုၪတၭ, မွဲဆၧမၩ ဒၪဝ့ၫအၥၭလၧယၧၩ ဘဲၫနလူအၥိၭနီၪဆံၭ. အၥီၫ့နီၪစဲၪ့ထၪ့ခွံၬလၧအအီၪလီၫ.
