16/04/2026
၁၃၈၈ ခုနှစ်- နှစ်သစ်အတွက်ဖြည့်စွက်စာ
အမိပြည်ကြီးသည် အရင်လို ကျန်းမာရေးမကောင်းဟုယူဆရ၏, အဖက်ဖက်က ယိုယွင်းလာနေ၏။
ရေမြေ သဘာဝတောတောင် တွေပဲကြည့်ပါဦး ၊ ငလျင်, မုန်တိုင်း, ရေကြီး, အပူလှိုင်း,မီး စသည်ဖြင့် အမျိုးစုံလင်လှပေ၏။
လူသားတွေကြည့်ပြန်တော့လည်း အားလုံး လိုအပ်ချက်ကိုယ်စီရှိနေကြ၏။
အရာအားလုံးပြီးပြည့်စုံသည်ဟူ၍ မရှိနိုင်ပေ၊
အချို့က 'မေတ္တာ'မရရှိ၍ ပူလောင်နေ၏၊
ဆင်းရဲတွင်းရောက်နေသူတို့အတွက်မူ သနားခြင်း 'ကရုဏာ' တရားလိုအပ်လျက်ရှိပေ၏၊
အနည်းငယ်သောအောင်မြင်မှုအတွက် 'မုဒိတာ' ဝမ်းသာပေးမည့်သူလည်း နေရာတိုင်းမရှိနိုင်ပါ၊
အရာရာခွင့်လွတ်နားလည်ပေးသော 'ဥပေက္ခာ' နှလုံးသားပိုင်ရှင်မျိုးသည် ရှားပါးစာရင်းဝင်ဖြစ်ပါ၏။
အမိပြည်ကြီး နှင့် လူသားတွေ ညီညွတ်စွာ ရေရှည်တည်တန့်ဖိုဆိုရင်--
မေတ္တာ ကရုဏာ မုဒိတာ ဥပေက္ခာ လို့ဆိုတဲ့ ဗြဟ္မဝိဟာရ တရားတို့သာဖြစ်တော့၏။
ကိုယ်စီထားရှိနိုင်ကြပါစေ။
