KYESE Myanmar - ကြေးစည်မြန်မာ

KYESE Myanmar - ကြေးစည်မြန်မာ Catholic Religious Conference of Myanmar Community

24/08/2026

၂၅ ဩဂုတ် ၂၀၂၆ အင်္ဂါနေ့
(၂၁)ကြိမ်မြောက်သာမန်သီတင်းပတ်
မာတေဦး ၂၃:၂၃-၂၆
ကျမ်းစာဝေမျှသူ- Padre Pietro, MSP
"စစ်မှန်သောသန့်ရှင်းခြင်းသည် အတွင်းစိတ်မှ စတင်သည်။"
ယနေ့ ဧဝံဂေလိကျမ်းတွင် ယေဇူးသခင်သည် ကျမ်းတတ်ဆရာများနှင့် ဖာရီဇေဦးများကို ပြင်းပြင်းထန်ထန် ဝေဖန်တော်မူတယ်။ သူတို့သည် ဘာသာရေးဆိုင်ရာ ကျင့်စဉ်များကို အလွန်ဂရုတစိုက် လိုက်နာကြပြီး အသေးအဖွဲအရာများမှပင် ဆယ်ဖို့
တစ်ဖို့ ပေးကြသော်လည်း ပို၍အရေးကြီးသောအရာများဖြစ်သည့် တရားမျှတခြင်း၊ သနားကြင်နာခြင်းနဲ့ ယုံကြည်ခြင်း တို့ကို လျစ်လျူရှုကြတယ်။
ယေဇူးသခင်သည် ဘာသာရေးဆိုင်ရာ ကျင့်စဉ်များ
မလိုအပ်ဟု မဆိုလိုပါ။ ထိုအစား ကျွန်ုပ်တို့၏ အပြင်ပန်း ဘာသာရေးဆိုင်ရာ လုပ်ဆောင်ချက်များသည် ရိုးသားစစ်မှန်သောနှလုံးသားမှ မွေးဖွားလာရမည် ဟု သွန်သင်တော်မူခြင်းပါ။
ကျွန်ုပ်တို့သည် ဆုတောင်းနိုင်တယ်၊ မစ္ဆားတရားတက်နိုင်တယ်၊ ပူဇော်သက္ကာများ ဆက်ကပ်နိုင်တယ်၊ ဘာသာရေးဆိုင်ရာ စည်းမျဉ်းများစွာကို လိုက်နာနိုင်တယ်။ သို့သော် ကျွန်ုပ်တို့သည် ကရုဏာမရှိ၊ တရားမျှတမှုမရှိ၊ ချစ်ခြင်းမရှိ၊ ယုံကြည်ခြင်းမရှိလျှင် ကျွန်ုပ်တို့၏ ဘာသာရေးကိုင်းရှိုင်းမှုသည် အပြင်ပန်း
ပြသမှုတစ်ခုသာ ဖြစ်သွားနိုင်တယ်။
ယေဇူးသခင်က အလွန်ထိမိသော ဥပမာတစ်ခုကိုလည်း ပေးတော်မူရာမှာ။ “ခွက်ဖလားနဲ့လင်ပန်း၏ အတွင်းကို ရှေးဦးစွာဆေးကြောလော့။
ထိုအခါ အပြင်ပလည်း သန့်ရှင်းစင်ကြယ်လာလိမ့်မည်” ဟု မိန့်တော်မူတယ်။ ဤစကားက စစ်မှန်သော ပြောင်းလဲခြင်းသည် ကျွန်ုပ်တို့၏ အတွင်းစိတ်မှ စတင်ရမည် ဟု ဆိုလိုလိုက်ခြင်းပါ။ ကျွန်ုပ်တို့၏နှလုံးသားထဲတွင် အဓမ္မသိမ်းယူခြင်း၊
ဒေါသ၊ မာန၊ မနာလိုမှု၊ မုန်းတီးမှု၊ သို့မဟုတ် ကိုယ်ကျိုးရှာမှုတွေ၊ မစင်ကြယ်ခြင်းတို့အပြည့်ရှိနေပါက အပြင်ပန်း အသွင်အပြင်ကောင်းရုံဖြင့် ကျွန်ုပ်တို့ကို အမှန်တကယ် သန့်ရှင်းမြင့်မြတ်စေမည် မဟုတ်ပါ။
ထို့ကြောင့် ယနေ့ ကျွန်ုပ်တို့ကိုယ်ကို မေးရမည့်မေးခွန်းမှာ “ငါသည် ကောင်းသောခရစ်ယာန် တစ်ဦးကဲ့သို့
တူနေသလား” သို့ မဟုတ်
“ငါရဲ့နှလုံးသားအတွင်း၌ ဘာတွေ ဖြစ်ပေါ်နေသလဲ” ဟူသော မေးခွန်းဖြစ်တယ်။
သခင်ဘုရားထံ ကျွန်ုပ်တို့၏နှလုံးသားများကို သန့်ရှင်းစင်ကြယ်စေတော်မူရန် ဆုတောင်းကြပါစို့။ ကျွန်ုပ်တို့၏ ဆုတောင်းခြင်းသည် ချစ်ခြင်းမေတ္တာသို့ ပို့ဆောင်ပါစေ။ ကျွန်ုပ်တို့၏ ယုံကြည်ခြင်းသည် ကရုသနားကြင်နာခြင်းသို့ ပို့ဆောင်ပါစေ။ ကျွန်ုပ်တို့၏ ဘာသာရေးဆိုင်ရာ ကျင့်စဉ်များသည် နှိမ့်ချသောစိတ်ဖြင့် အခြားသူများကို အစေခံခြင်းသို့ ပို့ဆောင်ပါစေ။

24/08/2026

Passaparola
24 August 2026

စစ်မှန်သည့် ဆက်ဆံရေးများကို တည်ဆောက်ပါ။

‘ကြည့်လော့၊ ငါသည် တံခါးရှေ့၌ ရပ်၍ ခေါက်လျက် နေ၏။ ငါ့အသံကိုကြားပြီး တံခါးဖွင့်သောသူထံသို့ ငါသည်ဝင်၍ သူနှင့်အတူ စားသောက်မည်။ သူသည်လည်း ငါနှင့်အတူ စားသောက်ရလိမ့်မည်။’ (ဗျာ ၃း၂၀)

“တနေ့တာ အလုပ်စသည့်အခါ သို့မဟုတ် ခက်ခဲသည့် အလုပ်တစ်ခုကို စိတ်နှစ်ပြီး အလုပ်လုပ်သည့် အခါ ‘ကိုယ်တော့်ကို ထိုအခြေအနေရှိ ထိုသူများထံတွင် တွေ့လိုပါ၏။ ကိုယ်တော့်ကိုသာလျှင် ကျွန်ုပ်၏ နှလုံးသားတံခါးကို ဖွင့်ပေးလိုပါ၏’ ဟု ပြည့်ဝသော ယုံကြည်ခြင်းဖြင့် သခင်ယေဇူးကို ပြောခြင်းသည် လုံလောက်ပါသည်။ ထိုသို့ပြုပါက ကျွန်ုပ်တို့ ပြောဆို သို့မဟုတ် လုပ်ဆောင်သည့်အရာသည် သခင်ယေဇူးက လျို့ဝှက်စွာ သူ၏ရှိနေခြင်း၏ ချိုမြိန်ခြင်းနှင့် အလင်းကျေးဇူးတို့ ပြည့်နေသော လုံးဝထူးခြားသည့် ရှုထောင့်အသစ်၊ ‘အရသာ’ ကို ရရှိစေပါလိမ့်မည်။ အမှန်တွင် သခင်ယေဇူးက ကျွန်ုပ်တို့အား ဤကျမ်းချက်ကို အသက်ရှင်နိုင်ရန်အတွက် လူတိုင်းထံတွင် ကိုယ်တော်ရှိနေသည် ဟူသည်ဟူသော သူ၏ လျို့ဝှက်နည်းလမ်းကို ပြသခဲ့ပါသည်။ ထို့ကြောင့် ကျွန်ုပ်တို့ဆုံတွေ့သမျှ နီးစပ်သူ တိုင်းသည် ကိုယ်တော့်ထံသို့ရောက်နိုင်သော တံခါးဖွင့်နိုင်ရန် နှင့် ကိုယ်တော့်ကို ဆက်သွယ်နိုင်သော အခွင့်အရေးဖြစ်ပါသည်။”

Costruire relazioni autentiche
Build authentic relationships

‘Listen! I am standing at the door, knocking; if you hear my voice and open the door, I will come in to you and eat with you, and you with me.’ ( Rev 3:20 ).

“It is enough that when we begin our day of work, or when we have to dedicate ourselves to something difficult (…), we tell Jesus with complete trust: ‘I want to meet you in those persons, in that situation. It is to you, to you alone, that I want to open the door of my heart!’ If we do this, that conversation or that task will take on a totally new dimension, a different ‘flavour’, that of an encounter with Jesus who, in secret, fills us with the sweetness and light of his presence. In fact, Jesus has revealed to us his own way, his ‘secret’ to help us live this Word of Life, which is that he is present in every person. Therefore, every neighbour we meet gives us the opportunity ‘to open the door’ to him and communicate with him.”

Chiara Lubich, Servant of God
Word of Life, January 1996

"ကောက်ကျစ်စဥ်းလဲခြင်းနဲ့ကင်းသော နှလုံးသား"အို စိန့်ဘာသိုလိုမေဦး( St. Bartholomew )“နာဇရက်မြို့မှ ကောင်းသောအရာတစ်စုံတစ်ခ...
23/08/2026

"ကောက်ကျစ်စဥ်းလဲခြင်းနဲ့ကင်းသော နှလုံးသား"
အို စိန့်ဘာသိုလိုမေဦး( St. Bartholomew )

“နာဇရက်မြို့မှ ကောင်းသောအရာ
တစ်စုံတစ်ခု ထွက်ပေါ်နိုင်ပါသလား”
ဟု မေးခဲ့သော်လည်း၊
ရှာဖွေလိုသော နှလုံးသားဖြင့်
ယေဇူး၏ခေါ်သံကို ကြားသောအခါ
သံသယများက ယုံကြည်ခြင်းအဖြစ် ပြောင်းလဲလာခဲ့
" လာ၍ကြည့်လော့ "ဟူသော စကားအတိုင်း
ကြည့်၍ မြင်ခဲ့သော တမန်တော်
ကောက်ကျစ်စဥ်းလဲခြင်းနဲ့ကင်းသော တမန်တော်
အရှင်မြတ်နှလုံးသားမှ အမှန်တရားကိုသိမြင်ခဲ့ကာ
“ကိုယ်တော်သည် ဘုရားသခင်၏သားတော်၊
အစ္စရာအဲလ်လူမျိုးတို့၏ဘုရင်ဖြစ်တော်မူ၏၊ ဝန်ခံ၍
လှည့်စားခြင်းနဲ့ကင်းသော နှလုံးသား၊
မာနကင်းသော ဝိညာဉ်ဖြင့်
ဂုဏ်သိက္ခာအတွက် မဟုတ်ဘဲ
ချစ်ခြင်းမေတ္တာအတွက်ကြောင့်
ယေဇူးနောက်သို့ လိုက်လျှောက်ခဲ့သူ
အို တမန်တော် - စိန့်ဘာသိုလိုမေဦး
ယေဇူးကို ရိုးသားဖြောင့်မတ်သော နှလုံးသားဖြင့်
ရှာဖွေတတ်ရန် ကျွန်ုပ်တို့ကို သွန်သင်ပေးပါ။
ကျွန်ုပ်တို့၏ သံသယများကို စွန့်လွှတ်၍
ကိုယ်တော်၏ ခေါ်သံကို ယုံကြည်တတ်စေပါ။
" လာ၍ကြည့်လော့" ဟူသောစကား အတိုင်း
ကြည့်၍ မြင်နိုင်ပါစေ၊
ယုံကြည်၍ လိုက်လျှောက်နိုင်ပါစေ၊
ကျွန်ုပ်တို့၏ဘဝတစ်ခုလုံးဖြင့်
ယေဇူးသည် ကျွန်ုပ်တို့၏သခင်၊
ကျွန်ုပ်တို့၏ဘုရင် ဖြစ်တော်မူ၏”
ဟု သက်သေခံနိုင်ပါစေ။

✍️ Celeste, MSP

23/08/2026

ဩဂုတ်လ ၂၄ ရက်၂၀၂၆ တနင်္လာနေ့
(၂၁)ကြိမ်မြောက်သာမန်သီတင်းပတ်
ယောဟန် ၁:၄၅–၅၁

ကျမ်းစာဝေမျှသူ - Padre Pietro, MSP

“လာ၍ ကြည့်လော့”
ယနေ့ ဧဝံဂေလိကျမ်းတွင် ဖိလိပုက နာသာနာအဲလ်အား “ပညတ်တရားကျမ်း နှင့် ပရောဖက်ကျမ်းတို့တွင် ရည်ညွန်း ရေးသားခဲ့သောသူကို ကျွန်ုပ်တွေ့ပြီ။ နာဇရက်မြို့သား ယေဇူးကိုငါတွေ့ခဲ့ပြီ” ဟု ပြောပါတယ်။ သို့သော် နာသာနာအဲလ်က သံသယဖြင့် “
နာဇရက်မြို့မှ ကောင်းသောအရာတစ်စုံတစ်ခု ပေါ်ထွက်လာနိုင်ပါမည်လော” ဟု ပြန်လည်မေးမြန်းခဲ့တယ်။
ဖိလိပုက သူနဲ့ အငြင်းပွားခြင်းမပြုဘဲ “လာ၍ ကြည့်လော့” ဟုသာ ရိုးရိုးရှင်းရှင်း ဖိတ်ခေါ်ခဲ့တယ်။
ဤသည်မှာ ယုံကြည်ခြင်းကို မျှဝေခြင်း၏ လှပသောနည်းလမ်းတစ်ခုဖြစ်တယ်။ အမြဲတမ်း အငြင်းပွားမှုကို အနိုင်ရရန် သို့မဟုတ် ရှည်လျားစွာ ရှင်းပြရန် မလိုအပ်ပါ။ တစ်ခါတစ်ရံ ယေဇူးကို ကိုယ်တိုင်တွေ့ကြုံခံစားနိုင်ရန် ဖိတ်ခေါ်ခြင်းသည် အကောင်းဆုံးသော သက်သေခံခြင်းဖြစ်တယ်။
နာသာနာအဲလ်သည်ယေဇူးနဲ့တွေ့ဆုံသောအခါ ယေဇူးသည် သူ့အားအစကတည်းက သိရှိနေကြောင်းသိလာ
ရတယ်။
ယေဇူက ကောက်ကျစ်စဥ်းလဲခြင်းနှင့်ကင်းသော
အစ္စရာအဲလ်အမျိုးသားစင်စစ်ကိုကြည့်လော့ " ဟု ရည်ညွန်း မိန့်တော်မူတယ်။

မိမိရဲ့ သံသယများ နဲ့ အားနည်းချက်များထက် ပိုမိုနက်ရှိုင်းစွာ မိမိကို မြင်တော်မူကြောင်း သိရှိလာတယ်။ ထို့နောက် “ရာဘီ၊ ကိုယ်တော်သည် ဘုရားသခင်၏
သားတော် ဖြစ်တော်မူပါသည်။ ကိုယ်တော်သည်
အစ္စရာအဲလ်လူမျိုးတို့၏ ဘုရင်လည်း ဖြစ်တော်မူပါသည် ” ဟု ယုံကြည်ခြင်းဖြင့် ဝန်ခံခဲ့တယ်။
ဒီနေ့ဧဝံဂေလိတရားတော်မြတ်အားဖြင့် ယေဇူးသည် ကျွန်ုပ်တို့ကို အပြည့်အဝ သိတော်မူခြင်းဖြစ်ကြောင်း ဖော်ပြပေးလိုက်ခြင်းပါ။
ကိုယ်တော်သည် ကျွန်ုပ်တို့ရဲ့ မေးခွန်းများ၊ သံသယစိတ်များ၊ ရုန်းကန်မှုများနှင့် နှလုံးသားထဲတွင် ဖုံးကွယ်နေသော ကောင်းမြတ်ခြင်းများကိုလည်း သိတော်မူပါတယ်။ ထိုအရာများအားလုံးကို ကိုယ်တော်သိတော်မူသော်လည်း ကိုယ်တော်သည် ကျွန်ုပ်တို့ကို ဆက်လက်ခေါ်တော်မူပါတယ်။
ဖိလိပုကဲ့သို့ ကျွန်ုပ်တို့လည်း အခြားသူများအား
ယေဇူးထံသို့ “လာ၍ ကြည့်လော့” ဟု ဖိတ်ခေါ်ရန်
ခေါ်ဖိတ်ခံရသူများဖြစ်ကြတယ်။ ထိုသို့ ဖိတ်ခေါ်ရာတွင် စကားလုံးများဖြင့်သာမက အထူးသဖြင့် ကျွန်ုပ်တို့၏ အသက်တာ၊ ကြင်နာမှု၊ ခွင့်လွှတ်ခြင်းနဲ့ ချစ်ခြင်းမေတ္တာတို့အားဖြင့် သက်သေခံကြရမှာဖြစ်တယ်။
ထို့ကြောင့် ယေဇူးကို ပိုမိုနက်ရှိုင်းစွာ သိမြင်နိုင်ရန်နဲ့
တပါးသူအားလည်း ကိုယ်တော်နဲ့တွေ့ဆုံနိုင်အောင် ကူညီပေးနိုင်ရန် ကျေးဇူးတော်ကို တောင်းခံကြပါစို့။ “
သင့်ဘဝအသက်တာတွင် ယေဇူးသည် မည်သို့ပြောင်းလဲပေးနိုင်သည်ကို " လာ၍ ကြည့်လော့။ " ဟူသော ဖိတ်ခေါ်မှုတစ်ခု ဖြစ်ပါစေ။

23/08/2026

Passaparola
23 August 2026
သူတပါးအတွက် သေချာသည် အထောက်အပံ့ဖြစ်ကြပါစို့။
“ကျွန်ုပ်တို့သည် ကိုယ်တော်၏ ချစ်ခြင်းမေတ္တာကို အတုယူလျက် ကောင်းကင်ဘုံမှ ခမည်းတော်၏ စစ်မှန်သော သားသမီးများအဖြစ် ပြုမူသင့်ပါသည်။ ကိုယ်တော်၏ချစ်ခြင်းသည် အခမဲ့ပေးထားပြီး လူတိုင်းထံရောက်ရှိသော ချစ်ခြင်းမေတ္တာ ဝိသေသလက္ခဏာများရှိသည်ဟု ကျွန်ုပ်တို့ အထူးအလေးပေး ဖေါ်ပြခဲ့သည်။ ထို့နောက် ရက်ရောသဒ္ဒါ၊ အားပေးကူညီမှု၊ လူတိုင်းကိုကြိုဆိုလက်ခံတတ်မှုများဖြင့် လိုအပ်နေသည့်နေရာများတွင် ပထမဦးစွာချစ်ခြင်းမေတ္တာထားသူဖြစ်ရန် ကြိုးစားကြပါစို့။ ရလဒ်ကို မျှော်လင့်မထားဘဲ ချစ်ခြင်းမေတ္တာထားကြပါစို့။ ကိုယ်တော်ထံမှ ကျွန်ုပ်တို့ရရှိထားသည့် သဘာဝ လက်ဆောင်တော်များနှင့် ကျေးဇူးတော်များကို သူတပါးအားဝေမျှခြင်းဖြင့် ဘုရားသခင်၏ အသုံးတော်ခံများဖြစ်ရန် ကြိုးစားကြပါစို့။
Essere un appoggio sicuro per l’altro
Be a sure support for the other

“We should act as true children of the heavenly Father, imitating his love, especially in the characteristics that we have highlighted, namely that it is freely given and reaches everyone. Then let us try to be the first to love, being generous, supportive, open to everyone, especially wherever there might be a void that needs to be filled with love. Let us love without expecting any results. Let us make the effort to become instruments of God’s generosity, sharing with others the gifts of nature and grace that we have received from him.”

Chiara Lubich, Servant of God

၂၂ ဩဂုတ်လ၂၀၂၆ စနေနေ့၊ နံနက် ၉:၀၀ တွင် စိန်ပီတာ- စိန်ပေါလ် ဘုရာကျောင်း၊ အင်းစိန်၊ ရန်ကုန်ကက်သလစ်ဂိုဏ်းချုပ်သာသနာတွင် Sis...
23/08/2026

၂၂ ဩဂုတ်လ၂၀၂၆ စနေနေ့၊ နံနက် ၉:၀၀ တွင်
စိန်ပီတာ- စိန်ပေါလ် ဘုရာကျောင်း၊ အင်းစိန်၊ ရန်ကုန်ကက်သလစ်ဂိုဏ်းချုပ်သာသနာတွင်
Sisters of Our Lady of Consolation အသင်းဂိုဏ်းမှ
Sr. Bernadette Myo Pan, NSC
Sr. Helen Zin Mar Kyi Lwin, NSC တို့၏ ရာသက်ပန် ကတိသစ္စာခံယူခြင်းအခမ်းအနား နှင့် မစ္ဆားတရားတော်မြတ်ကို ရန်ကုန်ကက်သလစ်ဂိုဏ်းချုပ်သာသနာမှလက်ထောက်ဆရာတော် Raymond ဝေလင်းထွန်း မှ
ဦးဆောင်ပြီး ဆရာတော် Noel Saw Naw Aye နှင့်
ရဟန်းတော်များပါဝင် ပူဇော်ပေးခဲ့ကြပါသည်။
ဆင်းရဲသားတို့အား ဝမ်းမြောက်စရာသတင်းကောင်းကို ပြောကြားခြင်း နှင့် နှလုံးကြေကွဲသူတို့အား နှစ်သိမ့်ပေးခြင်း၊ ချုပ်နှောင်ခံရသူတို့အား လွတ်မြောက်ခြင်း ပေးရန် ကျွန်ုပ်တို့အား စေလွတ်တော်မူတယ်။ ကျွန်ုပ်တို့သည် ကျွန်ုပ်တို့ကိုယ်တိုင်ရရှိခံစားရသော နှစ်သိမ်းခြင်းကျေးဇူးကို အတိဒုက္ခရောက်သူတို့အား ပြန်လည်ဝေမျှပေးကြရန်ဖြစ်ပါတယ်။ နှစ်သိမ့်ပေးခြင်း
( Consolation ) ရဲ့အဓိပ္ပါယ်က ကောင်းသောဆာမာရီတန် ဖြစ်ပါတယ်။ နီးစပ်သောပုဂ္ဂုလ်၊ အကူညီလိုအပ်သူအား အကူညီပေးခြင်းအားဖြင့် စိတ်နှစ်သိမ့်မှုကိုပေးကြရမှာဖြစ်ပါတယ်။
နှစ်သိမ့်ခြင်း၏ သခင် အသင်းဂိုဏ်းမှ စစ္စတာရ်များက ပညာရေး၊ကျန်းမာရေး၊လူမှာရေးလုပ်ငန်းများ၊
တမန်တော်လုပ်ငန်းများတွင် ပါဝင်လုပ်ကိုင်နေကြခြင်းက လူတွေကို နှစ်သိမ့်မှုနေကြတာပါ။ ဟု ဆရာတော် Raymond ဝေလင်းထွန်းမှ တရားရေအေးမြွက်ကြား
ခဲ့ပါတယ်။

နှစ်သိမ့်ခြင်းအသင်းဂိုဏ်း၏ အကြီးအကဲ
Sr. Carmen Villalón Letelier, NSC မှလည်း
ပရောဖက်ဟေရှာယ၏ စကားတွေကိုဘယ်သောအခါမှမမေ့ကြပါနဲ့ ဘာဖြစ်လို့လည်းဆိုတော့၊ ပရောဖက်ရဲ့စကားတွေက ကျွန်မတို့အသင်းဂိုဏ်း၏ဝိညညဥ်ရေးရာကျင့်စဥ်/ဝိညညဥ်ရေးရအထူးဆုကျေးဇူတော် ( Charism ) နှင့် ဘုရားသခင်ထံ မိမိကိုယ်ကိုဆက်ကပ်အပ်နံခြင်း၏ အနှစ်သာရဖြစ်သောကြောင့် ပရောဖက်၏စကားဖြစ်သောငါ၏လူတို့ အား နှစ်သိမ့်စေကြလော့၊ နှစ်သိမ့်စေကြလော့။ လူတို့၏နှလုံးသားကို တို့ထိစေမယ့်သကားကိုပြောကြားကြရမည်ဖြစ်တယ်။
အသင်းဂိုဏ်း၏ကိုယ်စားလှယ်အဖြစ်မြန်မာန်ုင်ငံသို့ထပ်မံလာရောက်ခွင့်ရရှိပြီး ဘုရားရှင်ပေါ်၌ရာသက်ပန်ကတိသစ္စာပြုကြသော စစ္စတာရ်တို့နှစ်ပါး၏အခမ်ူအနားတွင်ပါဝင်ခွင့်ရရှိသောကြောင့်အထူဝမ်းမြောက် ဂုဏ်ယူမိပါတယိ။ စစ္စတာရ်တို့ရဲ့ဆက်ကပ်အပ်နှံမှုအတွက်လည်းကျေးဇုတင်ရှိပါကြောင်းပြောကြားခဲ့ပါတယ်။

22/08/2026

ဩဂုတ်လ ၂၃ ရက် ၂၀၂၆
(၂၁)ကြိမ်မြောက် သာမန်တနင်္ဂနွေနေ့
မာတေဦး ၁၆:၁၃–၂၀
ကျမ်းစာဝေမျှသူ- Padre Pietro, MSP

“သင်တို့မူကား ငါ မည်သူဖြစ်သည်ဟူ၍ ဆိုကြသနည်း”

ဒီနေ့ ကျမ်းစာတော်မြတ်တွင် ယေဇူးက တပည့်တော်
တွေအား အလွန်အရေးကြီးသော မေးခွန်းတစ်ခုကို မေးတော်မူတယ်။ “လူအေပါင်းတို့သည် လူသားကို မည်သူဖြစ်သည်ဟူ ၍ဆိုကြသနည်း” ဟု မေးပြီးနောက် “သင်တို့က ငါ့ကို မည်သူဖြစ်သည်ဟူ၍ ဆိုကြသနည်း” ဟု မိမိကိုယ် နဲ့ သက်ဆိုင်သော မေးခွန်းကို ဆက်လက်မေးတော်မူတယ်။
သူတို့ကလည်း အချို့က ယောဟန်ဘတ္တဇံ၊ အချို့က
ဧလိယ၊ အချို့က ဂျေရမိယ၊ သို့မဟုတ် ပရောဖက်တစ်ပါးပါးဖြစ်ကြောင်း ပြောဆိုကြတယ်ဆိုပြီး၊
ယေဇူးအပေါ် မြင်သော မတူညီသော အမြင်တွေကို ပြောကြတယ်။
သို့သော် စီမွန် ပေတရုက ယုံကြည်ခြင်းဖြင့် “ကိုယ်တော်သည် အသက်ရှင်တော်မူသည့် ဘုရားသခင်၏ သားတော်တည်းဟူသော
ခရစ်တော် ဖြစ်ပါသည်” ဟု ဖြေကြားတယ်။
ဤအဖြေသည် ယေဇူး၏ အမည်နာမနှင့် ကိုယ်ရေးအချက်အလက်ကိုသာ ပြောဆိုခြင်းမဟုတ်ဘဲ ယုံကြည်ခြင်းကို ထုတ်ဖော်ဝန်ခံခြင်းလည်း ဖြစ်တယ်။ ပေတရုကယေဇူးကို ထူးချွန်သောဆရာတစ်ဦး သို့မဟုတ်
ပရောဖက်တစ်ဦးမျှသာ မဟုတ်ဘဲ
မက်ဆီးယား၊ ဘုရားသခင်၏သားတော် ဖြစ်တော်မူကြောင်း အသိအမှတ်ပြုလိုက်ခြင်းပါ။
ထို့နောက် ယေဇူးက ယောန၏သားစီမွန် “သင်အား
ငါဆိုသည်မှာ သင်သည် ပေတရုဖြစ်၏။ ဤကျောက်ပေါ်တွင် ငါ၏အသင်းတော်ကို ငါ တည်ဆောက်မည်” ဟု မိန့်တော်မူတယ်။
ယေဇူးက ပေတရုအား မိမိ၏အသင်းတော်ကို ခိုင်မာစေရန် နဲ့ လမ်းညွှန်ရန် အထူးတာဝန်ကို ပေးအပ်တော်မူတယ်။ ဤအချက်က အသင်းတော်သည် လူတို့ရဲ့ အာဏာ သို့မဟုတ် ဉာဏ်ပညာပေါ်တွင် တည်ဆောက်ထားခြင်းမဟုတ်ဘဲ ခရစ်တော်အပေါ်၌သာ ယုံကြည်ခြင်းဖြင့် တည်ဆောက်ထားခြင်းဖြစ်ကြောင်း ကျွန်ုပ်တို့အား သတိပေးခြင်းပါ။
ယနေ့ ယေဇူးက ကျွန်ုပ်တို့တစ်ဦးစီအားလည်း ထို
“သင်မူကား ငါ မည်သူဖြစ်သည်ဟူ၍ ဆိုသနည်း။" ဟူသောမေးခွန်း ကိုပင် မေးတော်မူတယ် ။

ကျွန်ုပ်တို့က "ယေဇူးအား ကိုယ်တော်သည်ဘုရားသခင်၏သားတော် ဖြစ်တော်မူသည်" ဟု
အမိကက်သလစ်ဘာသာမှ သွန်သင်ထားသောကြောင့် သို့မဟုတ် ဘုရားကျောင်းတွင် ကြားဖူးသောကြောင့် ပြောဆိုရန် လွယ်ကူပါတယ်။
သို့သော် ဒီနေ့ ယေဇူးမေးသောမေးခွန်းက
ကျွန်ုပ်တို့ရဲ့ဘဝတွင် ကိုယ်ပိုင်ယုံကြည်ခြင်းမှဖြစ်လာသောအတွေ့အကြုံ၊စိတ်ရင်း အမှန်ကို ဖော်ပြ၍ ဖြေကြားခြင်းကိုသာလိုလားတော်မူခြင်းဖြစ်တယ်။
ယေဇူးသည် ကျွန်ုပ်တို့ရဲ့ မက်ဆီးယားသခင်၊ အမှန်တကယ်ဖြစ်တော်မူလျှင် ကျွန်ုပ်တို့ ရဲ့ရှင်သန်ခြင်း၊ကျွန်ုပ်တို့ ရဲ့ခွင့်လွှတ်ခြင်း၊ တပါးသူတွေကို ကျွန်ုပ်တို့ ရဲ့ချစ်ခြင်း နဲ့ အခက်အခဲတွေကိုကျွန်ုပ်တို့ ရင်ဆိုင်ရာတို့တွင် ကျွန်ုပ်တို့ရဲ့ယုံကြည်ခြင်းက ထင်ရှားပေါ်လွင်နေရမှာပါ။
ထို့ကြောင့် ယေဇူးကို ပိုမိုနက်ရှိုင်းစွာ သိကျွမ်းနိုင်ရန်၊ ပေတရုကဲ့သို့ ကျွန်ုပ်တို့ရဲ့ယုံကြည်ခြင်းကို ရဲရင့်စွာ ဝန်ခံနိုင်ရန် နဲ့ နေ့စဉ်ဘဝတစ်ေလျှာက်တွင် ကိုယ်တော့် နောက်သို့ သစ္စာရှိစွာ လိုက်လျှောက်နိုင်ရန် ကျေးဇူးတော်ကို တောင်းခံကြပါစို့။
သခင်ယေဇူးကို ကျွန်ုပ်တို့၏နှုတ်ဖြင့် ဝန်ခံရုံမျှသာ
ဖြစ်သော ခရစ်တော်မဟုတ်ရပါ။ ကိုယ်တော်သည် ကျွန်ုပ်တို့ရဲ့ဘဝ တစ်လျှောက်လုံးမှာ ယုံကြည်သည့်အတိုင်း သက်သေခံရမယ် သခင်ဖြစ်တယ်ဆိုတာကို
အစဥ် နှလုံးသွင်းကြပါစို့။

ယေဇူးထံသို့လမ်းပြမယ်တော်အို မယ်တော်၊ ဘုရင်မ နဲ့ မိခင်၊နူးညံ့သိမ်မွေ့သော မျှော်လင့်ခြင်းရဲ့ ကြယ်၊ဘုရားသခင်အား “ကိုယ်ေတာ်၏...
22/08/2026

ယေဇူးထံသို့လမ်းပြမယ်တော်

အို မယ်တော်၊ ဘုရင်မ နဲ့ မိခင်၊
နူးညံ့သိမ်မွေ့သော မျှော်လင့်ခြင်းရဲ့ ကြယ်၊
ဘုရားသခင်အား “ကိုယ်ေတာ်၏အလိုတော်အတိုင်း ဖြစ်ပါစေ” ဟု ဆိုကာ
မိမိရဲ့ နှလုံးသားတစ်ခုလုံးကို
ကိုယ်တော်၏အလိုတော်၌ အပ်နှံခဲ့သူ၊
ယေဇူးကို မိမိရဲ့ ဝမ်းတော်၌ ဆောင်ယူခဲ့ပြီး၊
ရင်ခွင်ထဲ၌ ချစ်ခြင်းဖြင့် ပွေ့ဖက်ခဲ့သူ
လက်ဝါးကပ်တိုင်ခြေတော်ရင်းအထိ
ယေဇူးနောက်သို့ သစ္စာရှိစွာ လိုက်ခဲ့သူပါ။

အိုမိခင်မယ်တော်၊ ကောင်းကင်ဘုရင်မ
ကျွန်ုပ်တို့ရဲ့နှလုံးသားများ ပင်ပန်းနွမ်းနယ်တဲ့အခါ
ကျွန်ုပ်တို့ရဲ့ ခိုလှုံရာ ဖြစ်ပေးပါ။
ကျွန်ုပ်တို့ရဲ့ လမ်းခရီး မှောင်မိုက်တဲ့အခါ
လမ်းပြကြယ် ဖြစ်ပေးပါ။
ကျွန်ုပ်တို့ရဲ့ ယုံကြည်ခြင်း အားနည်းလာတဲ့အခါ
မယ်တော်ကဲ့သို့ ယုံကြည်တတ်ရန် သင်ကြားပေးပါ၊

အို မိခင်မယ်တော်မာရီယာ
ကျွန်ုပ်တို့ရဲ့ ချစ်လှစွာသော မိခင် - ဘုရင်မ၊
မယ်တော်ရဲ့ နှလုံးသားနဲ့နီးကပ်စွာ
ကျွန်ုပ်တို့ကို ပွေ့ဖက်ထားပေးပါ။
ကျွန်ုပ်တို့ကို အမြဲတမ်း
သားတော် - ယေဇူးထံသို့ ပို့ဆောင်ပေးပါ၊
မယ်တော်ရဲ့ နူးညံ့သော စောင့်ရှောက်မှုအောက်တွင်
“ကိုယ်တော်၏ အလိုတော်အတိုင်း ဖြစ်ပါစေ” ဟု
ယုံကြည်စွာပြောတတ်ရန် သင်ယူနိုင်သူများဖြစ်စေပါ။

အို မိခင်မယ်တော် -ဘုရင်မ
ကျွန်ုပ်တို့အတွက် ဆုတောင်းပေးပါ
ကျွန်ုပ်တို့နဲ့အတူ လမ်းလျှောက်ပေးပါ
တစ်နေ့တွင်
မယ်တော်၏ သားတော်
ယေဇူး၏နှလုံးသားထံသို့ ရောက်ရှိနိုင်သည်အထိ
လမ်းပြပေးတော်မူပါ။

✍️ Celeste, MSP

" ကြီးမြတ်ခြင်းကဂုဏ်ထူး၌ မဟုတ်၊ အစေခံခြင်း၌ "စကားနဲ့မဟုတ်၊ အကျင့်နဲ့ပြပါ၊ဂုဏ်မလို၊ ချစ်ခြင်းသာလို၊အမြင့်ကိုမရှာ၊ အနိမ့်မ...
21/08/2026

" ကြီးမြတ်ခြင်းကဂုဏ်ထူး၌ မဟုတ်၊ အစေခံခြင်း၌ "

စကားနဲ့မဟုတ်၊ အကျင့်နဲ့ပြပါ၊
ဂုဏ်မလို၊ ချစ်ခြင်းသာလို၊
အမြင့်ကိုမရှာ၊ အနိမ့်မှာနေပါ၊
ချီးမွမ်းသံမလို၊ ဘုရားသိရင် လုံလောက်ပြီ၊
အာဏာမကိုင်၊ ချစ်ခြင်းဖြင့် အစေခံပါ၊
ကိုယ့်နာမည်မဟုတ်၊ ယေဇူးနာမည်သာ မြင့်စေပါ၊
သူများထက်မြင့်ဖို့မဟုတ်၊ သူများအတွက်နိမ့်ချဖို့၊
နှိမ့်ချသောနှလုံး၊ မေတ္တာပြည့်သောလက်ဖြစ်ဖို့လို၊
အစေခံခြင်းထဲမှာ ကြီးမြတ်ခြင်းကို ရှာပါ၊
မိမိကိုမမြှောက်၊ အခြားသူကိုမြှင့်တင်ပါ၊
လူ့မျက်စိရှေ့မဟုတ်၊ ဘုရားရှေ့မှာ သစ္စာရှိပါ၊
ယေဇူးလိုနေ၊ ယေဇူးလိုချစ်၊ ယေဇူးလိုအစေခံပါ။

✍️ Celeste, MSP

မာတေဦး ၁- ၁၂ ကို ထောက်ရှုသုံးသပ်၍ ရေးစပ်ထား

Address

112(A), Bogyoke Aung San Road
Naypyidaw

Opening Hours

Monday 09:00 - 16:00
Tuesday 09:00 - 16:00
Wednesday 09:00 - 16:00
Thursday 09:00 - 16:00
Friday 09:00 - 16:00

Telephone

+959761293881

Website

Alerts

Be the first to know and let us send you an email when KYESE Myanmar - ကြေးစည်မြန်မာ posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to KYESE Myanmar - ကြေးစည်မြန်မာ:

Shortcuts

Share

Category