31/03/2026
✝️ Kahtawlik Nawku Hpung Hta Hpa Majaw Chyoi Pra Ai Laban Bat Gaw AHkyak Dik Htum Rai na Nawku Dawjau ai lam hta Mung Lak Lai Nga A TA?
Chyoi pra ai laban bat hta Madu Yesu a (Human Incarnation) ngu ai ding hta a Sak a prat shing n rai Shinggyim hk*m Shan sa dagraw la ai a hpang Ja htum nhtoi hku nna Myit Dum ( Commemoration) hku n na galaw ai lam rai nga ai. Dai hta Memorial hku na n rai nga ai.
Madu Yesu Hkristu a nni nkri lam, Si Hkam ai lam, Hkung Rawt ai lam ni gaw Anhte hkristan ni a Makam kri madung rai nga ai.
🕊️ Chyoi Pra Ai Laban Bat Hpa Majaw Ahkyak ai ngu hpe num daw mali hku na chye na mai nga ai.
1. Karai Kasang Rai nga Ai Madu gaw shi a ( Divine Being) ngu ai Karai A rawng sadang
Hpe tawn da nna Yubak Mara hte hpring ai Anhte shinggyim masha ni hpe Myit Masin Hk*m hkrang yawng machyi Hkam let shagrit shanem ai hte Wudang ntsa hta si Hkam ai du hkra Anhte hpe Tsawra ai hte Mara a Ning sin hta na hkye hkang la ai. Shi Madu a
Nni nkri lam ni hpe myitdum Hkam sha lawm ai lam mung rai nga ai. Ndai lam yan gaw Madu Karai a Tsawra myit hte Sak jaw ap nawng daw Jau ai lam hpe madun ya ai lam mung rai nga ai.
2. Chyoi pra ai Laban bat gaw (Palm Sunday) ngu ai Kungla shaman poi hte hpang nna Madu Yesu a Hkung Rawt ai Poi hta Jahtum ai rai nga ai. Madu Yesu Lawze zawn let Jerusalem de Shang wa ai lam gaw Myit Htoi Zachriah 9:9 Hpe Shadik ya ai lam rai nga ai.
Lawze gaw sim sa ai lam hte Shagrit shanem ai lam a k*m la rai nga ai.
Wa Sarabyin Francis (2020) Kungla shaman poi Hta “ Madu Yesu gaw Mungkan a a rawng sadang hte hpring ai hkaw Hkam hku na Hkap tau Hkam na matu Jerusalem de du Shang wa ai n re ai. Zingri zingrat hkrum nna si Hkam na matu du Shang wa ai” nga na shi a mung ga hta tsun lai wa sai.
Shawa ni gaw Kungla lang let “ Hosana” “ Hosana” Nga marawn let Hkap tau la ma ai.
Hosana ngu ai gaw Hebrew ga hkaw “ Hoshia’na” ngu ai kaw na sa wa ai rai nga ai. Lachyum gaw “ Anhte hpe Hkye hkang la rit Madu” ngu ai lam rai nga ai.
Kungla lap ni gaw Awng Dang ai lam a kung ra rai nga ai raitim Madu Yesu gaw Wudang Hta Awng Dang ai lam hku nna madun ya ai.
Isaraela masha ni gaw Shanhte hpe Roma ni a Roi rip zingri zingrat di ai lam, Hparishe ni , Hkingjawng agyi ni a Woi awn woi sa ai hta ningra ai lam, N ta ra ai, n teng n man ai lam ni hta na shalawt la na hpe myit mada nga ai.
Raitim Madu Yesu gaw Mara hte Si Ai Myu kaw na hkye hkang la na she du sa ai.
Shi Madu gaw Sim Sa lam a Hkaw Hkam rai nga ai( Isiah 9:6) . Shi a mung dan gaw Anhte dinghta ga na hte b**g ai Mung dan n rai nga ai.( Jn 3:6)
Shalai Wa ai Poi ngu ai ( Easter) ngu ai Pasaka Poi hpe Madu Yesu Si Du hpe Dang nna Hkung Rawt ai Poi Rai nga ai. Shani shagu na Missa hkung ni gaw Ndai Pasaka Poi hpe Madi madun ya AI lam rai nga ai.
N dai Pasaka Poi a marang e sha Anhte hkristan ni a Makam gaw lachyum rawng ai Manu dan ai Makam masham byin tai wa ai. Dai Majaw n dai gaw n pawt n hpang makam mung rai nga ai.
3. Anhte A makam masham hpe n nan bai Jasu jahprang ya ai lam rai nga ai. Mai kaja ai de galai shai wa na matu htap htuk ai ten mung rai nga ai. Ndai Chyoi Pra ai Laban bat hta Grau nna Kyu hpyi shakut ra nga ai. Tinang a prat hpe Grau na myit sumru yu ra nga ga ai. Shut Shai lai mat sai Mara ni a matu shada hpyi nem Tawng ban hkat ra ai zawn Madu Karai Sang kaw shut hpyi Mara ni a matu myit yawn myit malai let Mara raw hpyi nem Tawng ban ra ai.
Shing rai yang sha Karai Sang wa hte Grau na ni htep ai hku Hkawm sa Lu na rai nga ai. Anhte nang Ngai a part Grau na sim sa ngwi pyaw Awng dang wa na rai nga ai.
4. Wa Sarabyin Pius 12th gaw shi a (Encyclical Mediator Dei) Karai Sang a Shangun ma ( Jau , Sara Daw ) ni hpe Shana Shabra ai ndau Laika hta “ Chyoi Pra ai Laban Bat na Nawku daw Jau ai lam ni gaw Myit dum galaw ai lam sha n re ai Anhte a Hkye hkang la ai mung sung hpe ta tut shabyin shatai ai lam rai nga ai” Nga na tsun da ai hpe chye Lu ai.
Gin chyum dat ga nga yang
🍀Kungla shaman poi Laban ( Palm Sunday) gaw Madu Yesu Jerusalem de du Shang ai. Mung Kan masha ni mu ai Gum Shem ai du magam n re ai sha Sim sa ai, Shagrit shanem ai, Hpyen wa hpe Tsawra ai hkaw Hkam hku na du sa ai.
🍀Chyoi Pra ai Mali ya ( Maundy Thursday) Madu Yesu a hpang jahtum Shana na Daw sha Poi.
Dai Shana gaw Madu Yesu Sape ni a la gaw gashin ya ai. Dai gaw Tsawra ai lam hte shada da jaw jau hkat na lam hpe shadum sharin ya ai mung rai nga ai.
Chyoi Pra hk*m hpe shabyin taw da ya ai. Dai Majaw Chyoi Pra ai mali ya gaw Jau ni a poi nhtoi mung rai nga ai. Jau Shatai Sacramentu a n pawt mung rai nga ai. Ndai Shani Chyoi Pra ai Sau Shaman ai ( Chrism Mass) mung rai nga ai. Dai Chyoi Pra ai Sau ni gaw
1. (Oleum Infirmorum) ngu ai Machyi makaw hkrum ai ni hpe chya ai ya ai - Nam man chya Sacramentu jaw ai Hkan sung lang ai.
2. ( Oleum Catechumenorum) ngu ai Kashin kamun Sacramentu jaw ai Hkan Sung lang ai.
3. ( Santum Chrisma) ngu ai Ning gun shaja , Deacon, Jau , Sara Daw Shatai ai Sacramentu hte Nawku Htingnu Ning Nan shaman ai kaw sung lang ai Sau ni rai nga.
Ndai Chrism Missa hkung ga hta Sara Daw Hku na Woi Awn, Shang lawm ra nga ai.
🍀Chyoi Pra ai Manga ya ( Good Friday) gaw
Missa hkungga a lak mi rai na n galaw ai. Madu a Mung ga madat ai.
Hpung magam gun ni, Houng masha ni, Kashin kamun n Lu ai ni, Hkam la na hkyen taw ai ni, Hkrsitan Ni Wuhpung langai hta pawng Hpawm wa na matu, Karai sang hpe n kam n sham ai ni a matu a kyu hpyi ai lam hpe Tsaw dik htum ( Solemly) galaw ai.
Dai hpang Madu Yesu a sum la lawm ai ( Crucifix) hpe Hkung ga shakawn a pup Manam ai lam galaw ai.
Chyoi Pra hk*m shabyin Shatai ai lam n galaw ai raitim Holy Thursday day hta shabyin Shatai da ai Chyoi Pra hk*m hpe Hkam la ai. Madu Yesu Shi Karwari Bum nsta de Shi a Wudang hpai lung wa let Mung Kan masha ni a Mara a matu Jen Noi si Hkam ya ai.
Chyoi Pra ai Kru ya ( Holy Saturday) Gaw Madu Yesu Nlung hta tawk waw da ai Lup wa lung pu kaw Sim sa ai hte hkring taw nga ai hpe Myit dum let Ndai Shana gaw A Zim sha nga nna tinang a prat hpe bai nhtang sumru let Myit malai ai hte a kyu a ra hpyi let Madu Yesu Hkung Rawt na hpe à la taw ai.
Pasaka ( Easter) Shalai wa ai poi ngu na Laban ya Shani gaw Si Du hpe dang ai. Mara hpe dang ai Madu Yesu Hkristu Bai Hkung Rawt wa ai. Anhte mung kan masha ni hpe htani hta na a Sak Ning Htoi jaw ya sai.
🌿
Madu hte rau Hkawm nna Nni nkri , Ru yak tsin yam jam jau jam Hkau kaw nna Madu jaw ai prat Ning nan hpe gaw gap Hkawm sa na matu Anhte hpe Saw shaga nga ai.
Shut shai ai lam hpe shading sharai
Ngun jaw la na hpe myit mada ai.
📖🖊️ La Ring ( Numle)
