03/07/2026
HMC ကျမ်းစာကျောင်းရဲ့ 2026 - 2027 ဓမ္မပညာသင်နှစ်ကို 7.7.2026 (Tuesday / အင်္ဂါ) နေ့မှာ ဖွင့်လှစ်သွားပါမယ်။ ဒီနှစ်ကနေစပြီးတော့ ကျမ်းစာကျောင်းကို နေရာသစ်မှာ ပြောင်းရွေ့မှာဖြစ်လို့ ကျောင်းတက်မည့် ကျောင်းသား/သူ Junior/Senior များ ကျောင်းသို့ 6.7.2027 (တနင်္လာ) နေ့ကို ရောက်ရက်အဖြစ် အရောက်လာကြဖို့ အသိပေးကြေငြာလိုပါတယ်။
ကျောင်းဆောင်သစ် ဆောက်လုပ်ခြင်းက အကြောင်းအမျိုးမျိုးကြောင့် လက်စသတ်ဖို့ရန် ကျန်နေသေးတဲ့အတွက် ရောက်လာကြတဲ့ ကျောင်းသား/သူများအနေနဲ့ ကျောင်းဖွင့်စမှာ နေရာအခက်အခဲ ရှိနိုင်ကြောင်းလည်း ကြိုတင် အသိပေးချင်ပါတယ်။
ကျောင်းသား/သူများအနေနဲ့ ...
- ကျောင်းတက်နေစဉ်ကာလအတွင်း ကျောင်းမှချမှတ်ထားသော စည်းကမ်းများကို မလွဲ၊ မသွေ လိုက်နာကြရပါမယ်။
- အခြေခံအားဖြင့် ဥပဒေနှင့် မလွတ်ကင်းသောအရာများနဲ့ လုံးဝကင်းရှင်း ကြရမှာဖြစ်တဲ့အတွက် ရပ်ကွက် ထောက်ခံစာ၊ ရဲစခန်းထောက်ခံစာနဲ့ မိမိတို့နဲ့ သက်ဆိုင်သည့် မိခင်အသင်းတော်မှ သင်းအုပ်ဆရာရဲ့ ထောက်ခံစာများ တပါတည်း ယူဆောင်လာကြရပါမယ်။
- ကျောင်းတက်နေစဉ်အတွင်း ကျောင်းသား/သူ အချင်းချင်းဖြစ်စေ ကျောင်းတွင်း၊ ကျောင်းပြင် ရန်ဖြစ်ခြင်းများကို Warning ထပ်ပေးမည်မဟုတ်ပဲ ယခု ဤတစ်ကြိမ်တည်းဖြင့် ကန့်သတ်ထားပြီးဖြစ်ကြောင်း သတိပြုမိစေလိုပါတယ်။
- အမှုတော်ဆောင်များကို မွေးထုတ်ပေးသည့်ကျောင်း ဖြစ်သည့်အားလျော်စွာ စာရိတ္တ ပျက်ပြားမှုများအပေါ် နားလည်မှုဖြင့် ခွင့်လွှတ်ပေးမည်မဟုတ်ပါ။
- ကျောင်းသား၊ ကျောင်းသူများအနေဖြင့် သာမန်ထက် ပို၍ရင်းနှီးသော ဆက်ဆံရေးများကိုလည်း ကျောင်းတက်နေစဉ်ကာလအတွင်း အများသူငှါရှေ့ မထီမဲ့မြင်ပြုစရာဖြစ်စေနိုင်သည့် အပြုအမူမျိုးကို လုံးဝ ရှောင်ကျဉ်နိုင်ကြရပါမယ်။
- ဆရာများအပေါ် အပြောအဆို၊ အမှုအရာများနဲ့ ရိုင်းပျခြင်းများ မပြုလုပ်ကြဖို့ရန်လည်း သတိပေးပါတယ်။
- ကျောင်းက ချမှတ်ထားသော အချိန်ဇယားများအတိုင်း ဓမ္မပညာသင်နှစ်အတွင်း ဖျားနာနေသည်မှလွဲ၍ (တာဝန်ခံဆရာခွင့်ပြုမှသာလျှင်) ကျောင်းသား/သူတိုင်း ချို့ယွင်းချက်မရှိ လိုက်နာကြရမည်။
- နိုင်ငံသား စိစစ်ရေးကဒ် (မှတ်ပုံတင်) သို့မဟုတ် လျောက်ထားကြောင်း အထောက်အထားလည်း မမေ့မလျော့ပဲ ယူဆောင်လာကြရပါမယ်။
- အခြားသော တကိုယ်ရေအသုံးအဆောင် အိပ်ယာ၊ ခြင်ထောင်၊ ခေါင်းအုံး၊ စောင် (ဖြစိနိုင်လျှင် ဆောင်းတွင်းအတွက် ဆောင်အထူ လိုအပ်နိုင်သည့်အတွက်) ယူဆောင်လာခဲ့ရပါမယ်။
- ကျမ်းစာအုပ်၊ မှတ်စု၊ ဘာသာရပ် တစ်ခုစီတိုင်းအတွက် မှတ်စု ဗလာစာအုပ် များ၊ ရေးမှတ်ရန် ဘောပင်၊ ခဲတံများလည်း ယူဆောင်လာခဲ့ကြပါ။
- ကျောင်းသားများအနေနဲ့ ရှပ်အင်္ကျီအဖြူရောင်လက်ရှည်နဲ့ အမဲရောင်စတိုင်လ်ပန် (စတိုင်ဘောင်းဘီ) နှင့် ကျောင်းသူများအနေနဲ့ အဖြူရောင်ရင်ဖုံးအင်္ကျီနဲ့ အမဲရောင် (သို့မဟုတ်) နက်ပြာရောင်ထမိန်/ထဘီ တို့ကိုလည်း ကျောင်းတက်မည့်သူများ ကြိုတင် ပြင်ဆင်လာကြပါ။
- Senior ကျောင်းသား/သူများအနေနဲ့ အရှေ့နှစ်က မိမိတို့ H.M.C မှာ တက်ခဲ့စဉ် ကျောင်းမှထုတ်ဝေခဲ့သော ကျောင်း Logo ပါ ကျောင်းဝတ်စုံများကိုလည်း မမေ့မလျော့ပဲ တပါးတည်းပြန်လည်ယူဆောင်လာကြပါ။
- ကျောင်းသား/သူများအားလုံး ကျောင်းမှ ထုတ်ဝေမည့် ကျောင်း Logo ပါ ကျောင်းဝတ်စုံကိုလည်း ကျောင်းမှ ထုတ်ဝေသည့်အခါ ဝယ်ယူကြရမည်။
- တစ်နှစ်စာ ကျောင်းလခကို အနည်းဆုံးတစ်ကြိမ်၊ အများဆုံး သုံးကြိမ်ခွဲပေးနိုင်ပါတယ်။ (July, October, December)
- ကျောင်းစည်းကမ်းများကိုလည်း လိုအပ်သလို ထပ်မံဖြည့်သွင်းသည့်အခါ လိုက်နာကြရမည်မှာ ကျောင်းသား/သူ တိုင်းရဲ့ တာဝန်ဖြစ်သည်ဟု သိမှတ်ပြီး လိုက်နာကြဖို့နဲ့ စည်းကမ်းများ မလိုက်နာနိုင်ပါက ကျောင်းရဲ့ ဆုံးဖြတ်ချက်ကသာ အတည်ဖြစ်ကြောင်း သိမှတ်ထားကြရန် ကြိုတင်အသိ/သတိပေးလိုက်ပါတယ်။
