13/08/2024
(၁)
ကျမ်းစာဖတ်ခြင်းသင်ခန်းစာ။ငယ်စဉ်ကသီဆိုခဲ့သောသီချင်းတပုဒ်ရှိပါသည်။(ကျမ်းစာအုပ်ကိုခင်၊ကျမ်းစာအုပ်ကသင်၊ကျမ်းစာအတိုင်းရှင်၊ဒို့အောင်မြင်ခြင်းပင်။)ငယ်စဉ်ကလေးဘဝကတည်းကအလွတ်သီဆိုခဲ့သောသီချင်းကိုအရင်ကလေးဘဝတုန်းကသေသေချာချာနားမလည်ခဲ့ပါ။လေ့လာဆည်းပူးရသမျှကိုဝေငှ ဖေါ်ပြပါမည်။
ကျမ်းစာဆိုသည်မှာ?
သမာကျမ်းစာ၊နှုတ်ကပတ်တော်၊ဘုရားစကား၊စသဖြင့်အမျိုးမျိုးခေါ်တတ်ကြပါသည်။သမာကျမ်းစာ၏အဓိပါယ်ကိုဆာလံဆရာကသေသေချာချာရှင်းပြထားပါသည်။ဆာလံ၁၁၉ ကိုသေသေချာချာဖတ်ရှုလေ့လာသောအခါသမာကျမ်းစာ၏အဓိပါယ်နှင့်သမာကျမ်းစာ၏အမှုတော်လုပ်ငန်းကိုလေ့လာတွေ့ရှိရပါသည်။
သမာကျမ်းစာသည်ထာဝရဘုရား၏တရားလမ်း (The Law of God)ဖြစ်ပါသည်။ရှေးဘိုးဘေးများတို့သည်ဘုရားသခင်ပေးသနားတော်မူသောတရားလမ်းအတိုင်းအသက်ရှင်ခဲံ့ကြရသည်။ သမာကျမ်းစာသည်သက်သေခံတော်မူချက်များ (Testimonies)ဖြစ်ပါသည်။ဘုရားသခင်သည်ဣသရေလလူမျိုးတော်ကိုမည်ကဲ့သိုခေါ်ယူရွေးကောက်စေခိုင်းလမ်းညွှန်ခဲ့သည်များကိုသက်သေခံနေသောသမိုင်းမှတ်တမ်းများဖြစ်ပါသည်။သမာကျမ်းစာသည်ထာဝရဘုရားသွန်သင်သောအသက်ရှင်ရာလမ်းခရီး(The Ways of the Lord)ဖြစ်ပါသည်။ဒုစရိုက်ကိုရှောင်နိုင်အောင်ဘုရားသခင်ညွှန်ပြသောလမ်းခရီးအတိုင်းရှေးဘိုးဘေးများသည်အသက်ရှင်နေထိုင်ခဲ့ကြပါသည်။သမာကျမ်းစာသည်ဘုရားသခင်၏ဩဝါဒများ (Precepts)ဖြစ်ပါသည်။လူသားတို့ကြိုးစာကျင့်ကြံနေထိုင်လိုက်လျောက်ရန်ဘုရားသခင်ပေးသောဆုံးမစကားများဖြစ်ပါသည်။သမာကျမ်းစာသည်ရှေးဘိုးဘေးများတို့မည်သို့မည်ပုံအသက်ရှင်နေထိုင်ပြုမူဆက်ဆံခဲ့သည်ဓလေ့ထုံးစံ၊အထုံးအဖွဲ့များ(Statues) ဖြစ်ပါသည်။သမာကျမ်းစာသည်ဘုရားသခင်မိန့်မှာတော်မူချက်များ(Commandment of God)ပညတ်တော်များဖြစ်ပါသည်။ဣသရေလလူမျိုးများဆောင်ရန်၊ရှောင်ရန်များကိုထာဝရဘုရားသည်မိန့်တော်မူခဲ့သည့်များကိုကျမ်းစာ၌မှတ်တမ်းတင်ထားပါသည်။သမာကျမ်းစာသည်ဘုရားသခင်၏ဖြောင့်မတ်စွာစီရင်ချက်များ (Righteous Judgements of God)ဖြစ်ပါသည်။ဖြောင့်မတ်မှန်ကန်သောဘုရား၏စီရင်ချက်များသည်သမာကျမ်းစာတွင်မှတ်တမ်းတင်ထားပါသည်။အချုပ်ကား၊ သမာကျမ်းစာသည်ဘုရားသခင်၏နှုတ်ကပတ်တော်၊(The Word of God)နှုတ်တော်ထွက်စကားများဖြစ်ပါသည်။ဘုရားသခင်၏အလိုတော်၊အကြံစည်တော်များကိုနှုတ်ကပတ်တော်အားဖြင့်လူသားတို့နားလည်လက်ခံရပါသည်။ဆာလံဆရာသည်သမာကျမ်းစာ၏အဓိပါယ်ရှစ်မျိုးကိုဆာလံ၁၁၉တွင်ဖေါ်ပြထားပါသည်။
ကျမ်းစာကိုဖတ်ရှုလေ့လာခွန်အားယူခြင်းအားဖြင့်ကျွန်ုပ်တို့၏အသက်တာကိုမည်ကဲ့သို့ပြောင်းလည်းသက်ဝင်စေကြောင်းကိုလည်းဆာလံဆရာကဆက်လက်သွန်သင်ထားပါသည်။
ဘုရားသခင်၏နှုတ်ကပတ်တော်ကိုအစဉ်အမြဲဖတ်ရှုလေ့လာခွန်အားယူရန်လိုအပ်ပါသည်။ထိုနှုတ်ကပါတ်တော်သည်ဖတ်ရှုသူတို့၏စိတ်ဝိညာဉ်နှင့်အသက်တာကိုဆေးကြောသန့်ရှင်းစေသောတန်ခိုးရှိပါသည်။လူသည်မိမိသွားသောလမ်းကိုနှုတ်ကပတ်တော်အားဖြင့်သာသန့်ရှင်းစေနိုင်သည်ဟုဆာလံဆရာကရဲရင့်စွာသက်သေခံထားပါသည်။နှုတ်ကပါတ်တော်ကိုဖတ်ရှုခွန်အားယူပါမိတ်ဆွေ၊ထိုနှုတ်ကပါတ်တော်သည်ကျွန်ုပ်တိုဘက်မှခုခံကွယ်ကာပေးသောအရာဖြစ်ပါသည်။ကျွန်ုပ်တို့သည်နှူတ်ကပတ်တော်ကိုကိုးစားသည်ဖြစ်၍ကဲ့ရဲ့သောသူ၏စကားကိုချေစရာအကြောင်းရှိရပါလိမ့်မည်ဟုဆာလံဆရာကသက်သေခံနေပါသည်။ယနေ့ခဲယဉ်းဆိုးယုတ်သောကပ်ဆိုးအချိန်ကာလမှာဘုရားသခင်၏နှုတ်ကပါတ်တော်ကိုပို၍ဖတ်ရှုခွန်အားယူသင့်ပါသည်။ဆင်းရဲခြင်းကိုခံစဉ်တွင်ထိုနှုတ်ကပါတ်တော်သည်အကျွန်ုပ်သက်သာစရာအကြောင်းဖြစ်ပါ၏ဟုဆာလံဆရာကသက်သေခံပါသည်။ကျမ်းစာဖတ်ပါမိတ်ဆွေ၊ဘုရားသခင်၏နှုတ်ကပါတ်တော်စကားများသည်ကျွန်ုပ်တို့ကိုနှစ်သိမ့်မှုပေးပါသည်။ဝမ်းနည်းခြင်းခက်ခဲခြင်းများကြားထဲမှဘုရားသခင်၏နှစ်သိမ့်ခြင်းကိုနှုတ်ကပါတ်တော်အားဖြင့်ရရှိပါသည်။ထိုနှုတ်ကပါတ်တော်သည်ကျွန်ုပ်တို့၏အသက်တာလမ်းခရီးကိုအလင်းကဲ့သိုညွှန်ပြလျက်ရှိကြောင်းဆာလံဆရာကသက်သေခံထားပါသည်။အကျွန်ုပ်ခြေရှေ့မှာမီးခွက်ဖြစ်၍အကျွန်ုပ်လမ်းခရီးကိုလင်းစေပါ၏ဟုဆာလံဆရာသည်ရဲ့ရင့်စွာချီးမွမ်းသက်သေခံလျက်ရှိပါသည်။မှောင်မိုက်လျက်ဝေဝါးနေသောကျွန်ုပ်တို့၏အနာဂတ်လမ်းခရီးသည်နှုတ်ကပါတ်တော်အားဖြင့်သာလျင်ရှင်းလင်းထင်ရှားစွာမြင်တွေ့လိုက်လျောက်ရွေးချယ်အသက်ရှင်နိုင်ကြမည်ဖြစ်ပါသည်။တရားတော်ကိုနှစ်သက်သောသူတို့၌ကြီးစွာသောငြိမ်ဝပ်ခြင်းရှိပါ၏ဟုဆာလံဆရာသည်ကြွေးကြော်လျက်ရှိပါသည်။မိတ်ဆွေ၊ ကပ်ဆိုးရောဂါကိုရိုနာ၏လွှမ်းမိုး၊ခြိမ်းခြောက်မှုအောက်မှာတည်ငြိမ်စွာရင်ဆိုင်အသက်ရှင်နိုင်ဖို့ရန်အတွက်ကျမ်းစာတော်မြတ်ကိုအစဉ်ခွန်အားယူလျက်ဖတ်ရှုပါ။ဘုရားသခင်၏ကွယ်ကာလမ်းပြမှုကိုနှုတ်ကပါတ်တော်မြတ်အားဖြင့်ကျွန်ုပ်တို့ခံယူရရှိကြပါသည်။ထာဝရာဘုရား၏တရားတော်၌မွေ့လျော်၍တရားတော်ကိုနေ့ညမပြတ်ဆင်ခြင်အောက်မေ့သောသူသည်မဂ်လာရှိသောသူဖြစ်ကြောင်းကိုခွန်အားယူလျက်သမာကျမ်းစာကိုဖတ်ရှုဆင်ခြင်လိုက်လျောက်အသက်ရှင်သူများဖြစ်အောင်ကြိုးစားကြပါစို့။ဖတ်ရှုသူများကိုဘုရားသခင်ကောင်းကြီးပေးပါစေသော်၊အာမင်
ကျမ်းစာဖတ်ခြင်းသင်ခန်းစာ(၂)။
ကျွန်ုပ်တို့ခွန်အားယူဖတ်ရှုနေသောသမာကျမ်းစာမည်ကဲ့သို့ဖြစ်ပေါ်လာခဲ့ကြောင်းကိုလူတိုင်းသိထားသင့်ပါသည်။
Every scripture is inspired by God and is useful for, teaching, for showing mistakes, for correcting, and for training character.(II Tim 3:16)
တမန်တော်ကြီးရှင်ပေါလု သတိပေးခဲ့သောကျမ်းစကားဖြစ်ပါသည်။ သမာကျမ်းစာသည်ဘုရားသခင်ဖွင့်ပြတော်မူခြင်းအားဖြင့်သာလူသားတို့ရရှိခဲ့ပါသည်။သမာကျမ်းစာရရှိလာရန်အတွက်အချက် ၃ချက်ကိုသတိပြုရမည်ဖြစ်ပါသည်။
၁။ Revelation-- From God to human beings.
ကျမ်းစာသည်ဘုရားသခင်ဗျာဒိတ်တော်ပေးသောကြောင့်၊ဘုရားသခင်သည်လူသားတို့ကိုဖွင့်ပြတော်မူသောကြောင့်လူသားတို့သိရှိခွင့်၊ကြားနာခံယူခွင့်ရရှိပါသည်။ ဘုရားသခင်၏ဖွင့်ပြတော်မူခြင်း Revelaiton မရှိလျှင်လူသားများသည်ဘုရားနှင့်စပ်ဆိုင်သောဖေါ်ပြချက်များကိုမသိရှိ၊မရရှိနိုုင်ပါ။ထို့ကြောင့်ဘုရားသခင်၏ဖွင့်ပြတော်မူခြင်းသည်သမာကျမ်းစာ၏ အရင်းအမြစ်ဖြစ်ပါသည်။
၂။ Inspiration--From human being to paper.
ယနေ့လူသားတို့လက်ခံရရှိသောဘုရားသခင်၏ဗျာဒိတ်တော်များ၊ဘုရားသခင်၏ဖွင့်ပြတော်မူချက်များကိုမှတမ်းတင်ရန်အတွက်လူသားတို့သည်ဘုရားသခင်၏နှိုးဆော်တိုက်တွန်းမှု၊သန့်ရှင်းသောဝိညာဉ်တော်ဘုရား၏နှိုးဆော်ခွန်အားပေးမှုကြောင့်သာဖြစ်ပေါ်လာရပါသည်။သမာကျမ်းစာကိုမှတ်တမ်းတင်ရေးသားပြုစုခဲ့ကြသောရှေးသန့်ရှင်းသူဘိုးဘေးများ (၄၀ကျော်ခန့်ရှိပါသည်) သည်သန့်ရှင်းသောဝိညာဉ်တော်၏နှိုးဆော်ခွန်အားပေးမှုကြောင့်သာစာပေများအဖြစ်မှတ်တမ်းတင်နိုင်ခဲ့ကြခြင်းဖြစ်ပါသည်။
၃။ Illumination-- From paper to heart.
ယနေ့ကျွန်ုပ်တို့ဖတ်ရှုခွန်အားယူနေသောသမာကျမ်းစာ၏နက်နဲသောအဓိပါယ်များကိုသိရှိနားလည်းရန်အတွက်သန့်ရှင်းသောဝိညာဉ်တော်၏ဖွင့်ပြခြင်း၊အလင်းပေးခြင်းလိုအပ်ပါသည်။ထိုဝိညာဉ်တော်သည်ရောက်လာသောအခါ၊သမာတရားကိုသင်တို့အားအကြွင်းမဲ့သွန်သင်ပြလိမ့်မည် (ယော ၁၆း၁၃)ဟုသခင်ယေရှုကိုယ်တော်မိန့်ကြားထားပါသည်။ယနေ့ ကျွန်ုပ်တို့သည်သမာကျမ်းစာ၏နက်နဲသောသွန်သင်မှုများကိုနှလုံးသားထဲသို့ရောက်ရှိအောင်လမ်းညွှန်ဖေါ်ပြအလင်းပေးသောသန့်ရှင်းသောဝိညာဉ်တော်၏ခွန်အားကိုတောင်းခံရန်လိုအပ်ပါသည်။
# # # ကျမ်းစာနှင့်သက်ဆိုင်သောအချက်အလက်တချို့ကိုဖေါ်ပြပေးချင်ပါသည်။
သမာကျမ်းစာသည်
၁။စာရေးသူပေါင်း လေးဆယ်ကျော်
၂။ နှစ်ပေါင်း၁၆၀၀ အတွင်း
၃။ဘာသာစကားသုံးမျိုး(ဟေဗြဲ၊ဟေလသ၊အာရမစ်)ဖြစ်ရေးသားခဲ့ပါသည်။
၄။ ဓမဟောင်း စာစောင်(၃၉)၊အခန်းကြီးပေါင်း(၉၂၉)၊အခန်းငယ်စုစုပေါင်း၂၃၁၄၅။အရှည်ဆုံးစာစောင်- ဆာလံ၊အတိုဆုံးစာစောင်-ဩဗဒိ
၅။ဓမ သစ်စာစောင်(၂ရ)၊အခန်းကြီးပေါင်း(၂၆၀)ခန်း၊အခန်းငယ်စုစုပေါင်း ၇၉၅၇။ အရှည်ဆုံးစာစောင်-တမန်တော်၊အတိုဆုံးစာစောင်-၂ယော
သမာကျမ်းစာတွင်အခန်းကြီးစုစုပေါင်း၁၁၈၉ခန်း၊အခန်းငယ်စုစုပေါင်း ၃၁၁၀၂ ပါရှိပါသည်။(ခရစ်နှစ်၁၂၅၀)နောက်ပိုင်းမှသာအခန်းခွဲခြင်းရှိခဲ့ပါသည်။
# # ယနေ့တွင် ဘာသာစကား၆၉၈ခုဖြင့်ကျမ်းစာအစအဆုံးကိုဘာသာပြန်ဆိုထားပြီးဖြစ်ပါသည်။ နောက်ထပ်ဘာသာစကား၁၅၄၈ဖြင့်ဓမသစ်ကိုဘာသာပြန်ဆိုထားပြီးဖြစ်ပါသည်။နောက်ထပ်ဘာသာစကား၁၁၃၈ဖြင့်ကျမ်းစာပုံပြင်များ၊ရွှေကျမ်းချက်များကိုဘာသာပြန်ဆိုထားပြီးဖြစ်ပါသည်။
မိတ်ဆွေများ၊ ကျမ်းစာဖတ်ပါ။ ပြီးရင်ဆုလက်ဆောင်ရမည်ဆိုတဲ့စိတ်နှင့်မဖတ်ပါနှင့်၊ဘဝအတွက်ဖတ်ပါ။ဆုတောင်းပြီးဖတ်ပါ။ တမန်တော်ကြီးရှင်ပေါလုက သမာကျမ်းစာသည်ကျွန်ုပ်တို့ကိုသွန်သင်ပေးပါသည်၊အမှားများကိုညွှန်ပြပြီးပြုပြင်ပေးပါသည်။ကျွန်ုပ်တို့၏စာရိတအမူအကျင့်များကိုလေ့ကျင့်ပေးပါသည်ဟုသွန်သင်ခွန်အားပေးထားပါသည်။။စိတ်ခွန်အား၊ဝိညာဉ်ခွန်အားများကိုသမာကျမ်းစာဖတ်ရှုခွန်အားယူခြင်းအားဖြင့်ရရှိပါသည်။မိတ်ဆွေများ၊ကျမ်းစာဖတ်ပါ၊ဆုတောင်းပြီးဖတ်ပါ၊ဘုရားသခင်သင့်ကိုစကားပြောပါလိမ့်မည်။
ဖတ်ရှုခွန်အားယူသူများကိုဘုရားသခင်ကောင်းကြီးပေးပါစေ၊အာမင်။
ကျမ်းစာဖတ်ခြင်းသင်ခန်းစာ(၃)။
သမာတရားနှုတ်ကပါတ်တော်သည်ကျွန်ုပ်တို့ခရစ်ယာန်အသက်တာယုံကြည်ခြင်းတည်တံ့ခိုင်မြဲကြီးထွားလာစေသောအဓိကကုန်ကြမ်းဖြစ်ပါသည်။သမာကျမ်းစာကိုဖတ်ရှုခွန်အားယူလျက်လောကကြီးကိုရင်ဆိုင်ကြရပါသည်။ခက်ခဲသောဘဝ၏နေ့ရက်များတို့ကိုလည်းနှုတ်ကပါတ်တော်ခွန်အား၊ညွှန်ကြားမှုများအားဖြင့်ကျော်လွန်ဖြတ်သန်းခဲ့ကြရပါသည်။သမာကျမ်းစာထဲ၌ဘုရားသခင်၏နှုတ်ကပါတ်တော်ကိုကိုယ်စားပြုဖေါ်ပြသောသင်ကေတ(Symbols of the Scripture) များပါရှိပါသည်။၎င်းတို့အထဲမှအချို့ကိုအဓိပါယ်နှင့်တကွရှင်းပြပါမည်။
၁။ Mirror မှန် (ယာ၁း၂၃-၂၅)
တရားကိုမကျင့်ဘဲနာရုံမျှသာပြုသောသူမည်သည်ကား၊မှန်၌မိမိပကတိမျက်နှာကိုကြည့်သောသူနှင့်တူ၏။အကြောင်းမူကားကိုယ်ကိုကိုယ်ကြည့်ပြီးမှအခြားသို့သွား၍မိမိအဆင်းသဏ်ဌါန်ကိုချက်ခြင်းမေ့လျော့တတ်၏။
ဘုရားသခင်၏နှုတ်ကပါတ်တရာတော်သည်မှန်နှင့်တူပါသည်။ ယနေ့ကျွန်ုပ်တို့သည်မှန်ကြည့်ခြင်းအားဖြင့်ကျွန်ုပ်တို့၏မျက်နှာ ၌ဖြစ်ပေါ်နေသောလိုအပ်ချက်များ၊အားနည်းချက်များကိုထင်ရှားစွာမြင်နိုင်ကြပါသည်။ထိုအခါကျွန်ုပ်တို့သည်လိုအပ်သည်ပြုပြင်ပြောင်းလဲမှုများကိုမှန်ကြည့်ပြီးနောက်လုပ်ဆောင်လေ့ရှိပါသည်။မှန်ကြည့်ပြီးနောက်ပြုပြင်ခြင်းကိုမပြုလုပ်သောသူသည်မိမိ၌လိုအပ်နေသောကွက်လပ်ကိုပြုပြင်ရန်လစ်လျူရှုနေခြင်းသာဖြစ်ပါသည်။နှုတ်ကပါတ်တရားကိုနာကြားခံယူပြီးနောက်ကျွန်ုပ်တို့သည်အသက်တာကိုပြုပြင်ရမည်ဖြစ်ပါသည်။ထာဝရဘုရား၏နှုတ်ကပါတ်တော်သည်မှန်ကဲ့သို့ကျွန်ုပ်တို့၏လိုအပ်ချက်အားနည်းချက်များကိုမြင်တွေ့စေပါသည်။မှန်ကြည့်ပြီးနောက်ပြုပြင်သကဲ့သို့တရားနာပြီးနောက်မှာအသက်တာကိုပြုပြင်ပြောင်းလည်းရန်လိုအပ်ကြောင်းရှင်ယာကုပ်ကသွန်သင်ထားပါသည်။နှုတ်ကပါတ်တော်သည်ထာဝရဘုရား၏စိတ်သဘောတော်၊အလိုတော်ကိုဖေါ်ပြနေပါသည်။ထို့ကြောင့်ကျမ်းစာဖတ်လျက်ဘုရားသခင်၏အလိုတော်ကိုလိုက်လျောက်အသက်ရှင်ဖို့ကြိုးစားရန်လိုအပ်ပါသည်။
၂။ Seed မျိုးစေ့ (၁ပေ ၁း၂၃)
သင်တို့သည်ဖောက်ပြန်ပျက်စီးတတ်သောမျိုးစေ့အားဖြင့်ဖြစ်ဘွားသည်မဟုတ်၊မဖောက်ပြန်မပျက်စီးတတ်သောမျိုးစေ့တည်းဟူသောအသက်ရှင်၍အစဉ်အမြဲတည်တော်မူသောဘုရားသခင်၏နှုတ်ကပါတ်တော်အားဖြင့်ဖြစ်ဘွားသောကြောင့်ညီအစ်ကိုများကိုချစ်ယောင်မဆောင်၊အမှန်ချစ်ခြင်းအလို့ငှါ၊စိတ်ထဲမှာသမာတရားကိုနားထောင်လျက်၊ကိုယ်စိတ်နှလုံးကိုစင်ကြယ်စေပြီးသည်နှင့်အညီစင်ကြယ်သောစိတ်နှင့်အချင်းချင်းအားကြီးသောချစ်ခြင်းမေတာရှိကြလော့။
တမန်တော်ကြီးရှင်ပေတရု၏သွန်သင်ချက်ဖြစ်ပါသည်။ကျွန်ုပ်တို့ယုံကြည်သူခရစ်ယာန်များသည်ဘုရားသခင်၏မေတာမျိုးစေ့တည်းဟူသောနှုတ်ကပါတ်တော်၌မွေးဖွါးလာသူများဖြစ်ကြပါသည်။ထိုမျိုးစေ့သည်မပျက်စီး၊မဖေါက်ပြန်တတ်သောဘုရားထံမှလာသောမျိုးစေ့ဖြစ်ပါသည်။ခရစ်ယာန်အသက်တာသည်ဘုရားသခင်အားဖြင့်ရရှိလာသောထို မေတာမျိုးစေ့ကိုဆက်လက်ရှင်သန်သီးပွင့်စေရန်တာဝန်ရှိပါသည်။နှုတ်ကပါတ်တော်မျိုးစေ့အားဖြင့်မွေးဖွါးလာသူများသည်မေတာအသီးအပွင့်များကိုဝေဝေဆာဆာသီးပွင့်ကြရမည်ဖြစ်ပါသည်။နှုတ်ကပါတ်တော်သည်မျိုးစေ့ဖြစ်ပါသည်။မှန်ကန်ကောင်းမွန်စွာစိုက်ပျိုးထားပါက၊ကောင်းသောအသီးအပွင့်များအမှန်တကယ်သီးပွင့်လာမည်ဧကန်ဖြစ်ပါသည်။
၃။ Water ရေ (ဧဖက် ၅း၂၆)
ထိုအသင်းတော်သည်သန့်ရှင်းလျက်အပြစ်ကင်းလျက်ရှိသည်ဖြစ်၍အညစ်အကြေးတင်ခြင်း၊အရေတွန့်ခြင်းမှစသည်တို့နှင့်လွတ်လပ်သဖြင့်၊အသရေတင့်တယ်လျက်ရှိသောအသင်းတော်ကိုခရစ်တော်သည်မိမိအားဆက်သအံ့သောငှါ၊နှုတ်ကပါတ်တော်ရေနှင့်ဆေးကြောခြင်းအားဖြင့်စင်ကြယ်သန့်ရှင်းစေမည်အကြောင်းထိုအသင်းတော်အဘို့အလို့ငှါကိုယ်ကိုကိုယ်စွန့်တော်မူ၏။
ဘုရားသခင်၏နှုတ်ကပါတ်တော်သည်ရေနှင့်တူပါသည်။သန့်ရှင်းဆေးကြောနိုင်သောအစွမ်းနှင့်ပြည့်စုံပါသည်။ဝိညာဉ်ရေးရာနွမ်းနယ်နေသောလူသားများကိုလည်းပြန်လည်လန်းဆန်းစေနိုင်သောတန်ခိုးရှိပါသည်။
မိတ်ဆွေများ၊ ကျမ်းစာဖတ်ပါ၊ခွန်အားယူပါ။ထာဝရဘုရား၏တရားတော်၌မွေ့လျော်၍တရားတော်ကိုနေ့ညမပြတ်ဆင်ခြင်အောက်မေ့သောသူသည်မဂ်လာရှိ၏၊ထိုသူသည်မြစ်နားမှာစိုက်သောအပင်နှင့်တူ၏၊ပြုလေသမျှ၌အောင်လိမ့်သတည်း ဆိုသောဆာလံဆရာ၏ဆုံးမစကားကိုနားထောင်လျက်နှုတ်ကပါတ်တော်၌ပျော်မွေ့ခြင်းကောင်းကြီးမဂ်လာကိုခံယူကြပါစို့၊ဘုရားသခင်ကောင်းကြီးပေးပါစေ၊အာမင်။
ကျမ်းစာဖတ်ခြင်းသင်ခန်းစာ(၄)
လူသည်ကိုယ်ကာယကြီးထွားရန်အတွက်ကျန်းမာစေသောအစာအဟာရများကိုသုံးဆောင်ရန်လိုအပ်သကဲ့သို့၊ဝိညာဉ်ခွန်အား၊စိတ်ဓါတ်ခွန်အားရရှိရန်အတွက်နှုတ်ကပါတ်တော်ကျမ်းစာကိုဖတ်ရှုခွန်အားယူ ရန်လိုအပ်ပါသည်။သမာကျမ်းစာကိုဖေါ်ညွှန်းသောသင်ကေတများနှင့်၎င်းတို့၏အဓိပါယ်များကိုဆက်လက်ဖေါ်ပြပါမည်။
၄။ A Lamp မီးခွက်(ဆာ ၁၁၉း၁၀၅၊သု၆း၂၃)
နှုတ်ကပါတ်တော်သည်ကျွန်ုပ်ခြေရှေ့မှာမီးခွက်ဖြစ်၍အကျွန်ုပ်လမ်းခရီးကိုလင်းစေပါ၏။
အကြောင်းမူကားပညတ်တော်သည်မီးခွက်ဖြစ်၏၊တရားတော်သည်အလင်းဖြစ်၏၊အပြစ်ကိုပြတတ်သောဩဝါဒစကားသည်အသက်လမ်းဖြစ်၏။
နှုတ်ကပါတ်တော်သည်မီးခွက်နှင့်တူပါသည်။ကျွန်ုပ်တို့၏ဘဝလမ်းခရီးလင်းစေဖို့ရန်နှုတ်ကပါတ်တော်၏အလင်းလိုအပ်ပါသည်။အလင်းတည်းဟူသောနှုတ်ကပါတ်တော်အားဖြင့်ကျွန်ုပ်တို့သည်မည်သည့်နေရာ၌ရှိနေကြသည်ကိုသိမြင်နားလည်စေပါသည်။နှုတ်ကပါတ်တော်ဖေါ်ပြသွန်သင်ခြင်းအားဖြင့်ကျွန်ုပ်တို့ဘယ်ကဲ့သို့အသက်ရှင်ရမည်၊ဘာတွေကိုဆက်လုပ်ရမည်၊ဘာတွေကိုရှောင်ကြဉ်ရမည်ကိုနားလည်သိမြင်လာပါသည်။နှုတ်ကပါတ်တော်၏အလင်းအားဖြင့်မှားယွင်းခြင်းလမ်းကိုသိမြင်ပြီးနောက်၊လမ်းမှန်ပေါ်သို့ပြန်လျောက်နိုင်အောင်အလင်းခွန်းအားကိုရရှိစေပါသည်။သမာကျမ်းစာသည်ကျွန်ုပ်တို့ကိုလမ်းညွှန်မှုပေးသောဘုရားသခင်ပေးထားသောGPS လမ်းပြမြေပုံလမ်းညွှန်ဖြစ်ပါသည်။
၅။Sward သန်လျက်၊ဓါး (ဟေ ၄း၁၂) (ဧဖက်၆း၁ရ)
ဘုရားသခင်၏နှုတ်ကပါတ်တရားတော်သည်အသက်ရှင်ခြင်း၊တန်ခိုးနှင့်ပြုပြင်ခြင်း၊သန်လျက်တကာတို့ထက်ထက်ခြင်းနှင့်ပြည့်စုံသည်ဖြစ်၍၊အသက်နှင့်စိတ်ဝိညာဉ်ကို၎င်း၊အရိုးဆစ်နှင့်ခြင်ဆီကို၎င်းပိုင်းခြား၍ထုတ်ခြင်းခွင်းတတ်၏။စိတ်နှလုံးအကြံအစည်များကိုလည်းသိမြင်တတ်၏။
ကယ်တင်ခြင်းတည်းဟူသောသံခမောက်လုံးကို၎င်း၊ဘုရားသခင်၏နှုတ်ကပါတ်တည်းဟူသောဝိညာဉ်တော်၏ဓါးကို၎င်းယူကြလော့။
ဘုရားသခင်၏နှုတ်ကပါတ်တော်ကိုဓါးဖြင်းခိုင်းနှိုင်းပြောဆိုလေ့ရှိကြပါသည်။ထိုးထွင်းသိမြင်နိုင်စွမ်းသည်နှုတ်ကပါတ်တော်အားဖြင့်သာဖြစ်ပါသည်။သမာသတိရှိခြင်း၊မှန်ကန်စွာဆုံးဖြတ်သိမြင်နိုင်ခြင်း၊မိမိ၏မှန်ကန်သောယုံကြည်ခြင်းကိုခုခံကာကွယ်နိုင်ခြင်းအစွမ်းသတိများသည်နှုတ်ကပါတ်တော်အားဖြင့်သာရရှိနိုင်ပါသည်။ထိုးထွင်းသိမြင်ခြင်းနှင့်မှန်ကန်စွာခုခံနိုင်ခြင်းအစွမ်းသတိရှိရန်အတွက်၊အထူးသဖြင့်အမျိုးမျိုးသောယုံကြည်မှုဝိဝါဒကွဲပြားနေသောအချိန်ကာလ၌စစ်မှန်သောနှုတ်ကပါတ်တော်ကိုသေသေချာချာဖတ်ရှုလေ့လာလျက်မှားယွင်းသောအယူဝါဒများကိုခုခံနိုင်ရန်ပြင်ဆင်ရပါမည်။
၆။ Precious Metals တန်ဘိုးရှိသောကျောက်မျက်ရတနာများ(ဆာ၁၉း၁၀၊၁၁၉း၁၂၇၊၁၂း၆)
ရွှေထက်မကများစွာသောရွှေစင်ထက်နှစ်သက်ဖွယ်ဖြစ်၍ပျားရည်ထက်မကပျားလဘို့ထက်ချိုကြ၏။
ထာဝရဘုရားမိန့်တော်မူချက်တို့သည်သန့်ရှင်းခြင်းရှိ၍မြေနှင့်ကင်းစင်စေခြင်းငှါ၊မိုက်၌ခုနှစ်ကြိမ်စစ်သောငွေကဲ့သို့ဖြစ်၏။
ဘုရားသခင်၏နှုတ်ကပါတ်တော်သည်တန်းဘိုးရှိသောရတနာဖြစ်ပါသည်။ရွှေ၊ငွေနှင့်ခိုင်းနှိုင်းဖေါ်ပြရခြင်းမှာတန်ဘိုးထားထိန်းသိမ်းကြရန်ဖြစ်ပါသည်။နှုတ်ကပါတ်တော်သည်တန်ဘိုးရှိသောဘုရားပေးသောလမ်းညွှန်ချက်၊သွန်သင်မှာကြားချက်၊သတိပေးချက်၊အာမခံချက်၊ဆုံးမပဲ့ပြင်ချက်များ၊ဖြစ်ပါသောကြောင့်ကျွန်ုပ်တို့၏အသက်တာ၌ရတနာပစည်းများကဲ့သို့တန်ဘိုးထားထိန်းသိမ်းရန်လိုအပ်ပါသည်။ကျွန်ုပ်တို့၏လက်ဝတ်ရတနာများကိုတန်းဘိုးထားသကဲ့သို့သမာကျမ်းစာကိုတန်ဘိုးထားကြပါရန်နှိုးဆော်ပါသည်။သမာကျမ်းစာကိုမထီမဲ့မြင်မပြုမိအောင်သတိထားကြရမည်။ဘုရား၏စကားတော်များဖြစ်သောကြောင့်အဘိုးထိုက်သောရတနာများဖြစ်ကြောင်းသတိရလျက်ဖတ်ရှုခွန်အားယူတန်ဘိုးထားကြပါစို့။
၇။Food-အဟာရရှိသောအစားအစာများ(၁ပေ၂း၂၊ဟေ၅း၁၂-၁၄။ယော၆း၅၁၊)
အောက်ပါကျမ်းညွှန်းများကိုလေ့လာသောအခါနှုတ်ကပါတ်တော်ကျမ်းစာကို၊နို့၊အသက်မုန့်၊ပျားရည်၊အသား၊ စသဖြင့်ဖေါ်ပြထားပါသည်။လူကိုယ်ခနွာကိုအဟာရဖြစ်စေသောအစာများကိုစားသုံးခြင်းအားဖြင့်ကျန်းမာကြံ့ခိုင်စေနိုင်သကဲ့သို့၊လူတို့၏စိတ်ဓါခွန်အား၊ဝိညာဉ်ခွန်အားတိုးပွါးကြံ့ခိုင်လာစေရန်အတွက်နှုတ်ကပါတ်တော်အဟာရကိုသုံးဆောင်ရန်လိုအပ်ပါသည်။
၈။Hammerသံတူ(ယရမေိ၂၃း၂၉)
ငါ၏နှုတ်ကပါတ်တော်သည်မီးကဲ့သို့၎င်း၊ကျောက်ကိုထုချေသောသံတူကဲ့သို့၎င်းဖြစ်သည်မဟုတ်လောဟုထာဝရဘုရားမေးတော်မူ၏။
ဆောက်လုပ်ရေးလုပ်ငန်းများတွင်သံတူသည်အသုံးဝင်သောပစည်းတခုဖြစ်ပါသည်။သံတူသည်ဖြိုဖျက်ရာတွင်၎င်း၊တည်ဆောက်ရာတွင်၎င်းအသုံးပြုသောပစည်းဖြစ်ပါသည်။ကျွန်ုပ်တို့၏ဘဝအသက်တာတွင်မှားယွင်းသောအသက်ရှင်မှုအပြုအမူများကိုနှုတ်ကပါတ်တော်အားဖြင့်ပြုပြင်တည်ဆောက်ရန်လိုအပ်သကဲ့သို့၊ကျွန်ုပ်တို့၏အနာဂတ်ကာလနေ့ရက်များကိုမည်ကဲ့သို့အသက်ရှင်ရမည်ကိုနှုတ်ကပါတ်တော်အားဖြင့်သာလျင်တည်ဆောက်ရမည်ဖြစ်ပါသည်။
နိဂုံး။
ကျမ်းစာဖတ်ပါမိတ်ဆွေ၊ဘုရားသခင်သည်သင့်ကိုစကားပြောပါလိမ့်မည်။နှုတ်ကပါတ်တော်ကိုဆင်ခြင်ပါမိတ်ဆွေ၊သင့်ကိုသွန်သင်ပါလိမ့်မည်။ကျမ်းစာဖတ်ပါမိတ်ဆွေ၊သင့်ကိုလမ်းပြပါလိမ့်မည်၊၊ဘုရားသခင်၏နှုတ်ကပါတ်တော်တည်းဟူသောသမာကျမ်းစာကိုဖတ်ရှုလျက်ဘုရားသခင်ညွှန်ပြတော်မူသောအသက်တာလမ်းတွက်ရှင်သန်အသက်ရှင်ကြပါစို့လို့ခွန်အားပေးတိုက်တွန်းပါသည်။ဖတ်ရှုသူများကိုဘုရားသခင်ကောင်းကြီးပေးပါစေသော်၊အာမင်။
# #
စာလုံးပေါင်းများအမှားပါခြင်းကိုနားလည်ခွင့်လွှတ်ပေးပါရန်တောင်းပန်ပါသည်။
ပြန်လည်တင်ပြခြင်းဖြစ်ပါသည်။
