03/02/2025
အာဇီဝဌမကသီလဖြင့် ရုပ်နာမ်ပယ်ပုံ အပိုင်း (၅၄၈)
သာသနာတော် ပဋိစ္စသမုပ္ပါဒ်တရားတော်သည် နက်နဲခက်ခဲ၍ စာခေါင်းသိုက်ကဲ့သို့ ရှုပ်ထွေးသောတရား ဖြစ်၏ ပညာအရာဖြစ်သောကြောင့် ပညာဘူမိလည်း ဖြစ်၏
ပဋိစ္စသမုပ္ပါဒ်၌ အဝိဇ္ဇာသခ်ါရကို အတိတ်အဓွန့် အတိတ်ခန္ဓာ အတိတ်ဘဝ အတိတ်ကာလအဖြစ်လည်း ပညတ်တော်မူကြကုန်၏
ဇာတိ ဇရာမရဏကို အနာဂါတ်အဓွန့် အနာဂါတ်ခန္ဓာ အနာဂါတ်ဘဝ အနာဂါတ်ကာလအဖြစ်လည်း ပညတ်တော်မူကြကုန်၏
ဝိညာဏ် နာမ်ရုပ် သဠာယတန ဖဿ ဝေဒနါ တဏှာ(သဒ္ဓါ) ဥပါဒါန်(အဓိမောက္ခ) ဘဝ(ကမ္မဘဝ ဥပပတ္တိဘဝ)ကို ပစ္စုပ္ပန်အဓွန့် ပစ္စုပ္ပန်ခန္ဓာ ပစ္စုပ္ပန်ဘဝ ပစ္စုပ္ပန်ကာလအဖြစ်လည်း ပညတ်တော်မူကြကုန်၏
ဥပါဒါပစ္စယာ ဘဝေါ (ဥပါဒါနပစ္စယာ ကမ္မဘဝေါ ဥပပတ္တိဘဝေါ) ဥပါဒါနနိရောဓာ ဘဝနိရောဓော (ဥပါဒါနနိရောဓာ ကမ္မဘဝနိရောဓော ဥပပတ္တိဘဝနိရောဓော)သည် ပစ္စုပ္ပန်အဓွန့် ပစ္စုပ္ပန်ခန္ဓာ ပစ္စုပ္ပန်ဘဝ ပစ္စုပ္ပန်ကာလ ဖြစ်၏
ဘုရားရဟန္တာတို့၏ ခီဏံ ပုရာဏံ နဝ နတ္ထိ သမ္ဘဝံ,အရ ဥပါဒါနနိရောဓာ ကမ္မဘဝနိရောဓောကို၎င်း, နတ္ထိ ဒါနိ ပုနဗ္ဘဝေါ အရ ဥပါဒါနနိရောဓော ဥပပတ္တိဘဘနိရောဓောကို၎င်း ရအပ်သည် ဖြစ်၏
ဘုရားရဟန္တာတို့၏ ကံဟောင်းကုန်၍ ကံသစ် မဖြစ်ခြင်းဟူသည် ဥပါဒါနနိရောဓာ ကမ္မဘဝနိရောဓော ဖြစ်၏
ဘုရားရဟန္တာတို့၏ ယခုကာလ ဘဝမဖြစ်ခြင်းသည် ဥပါဒါနိရောဓာ ဥပပတ္တိဘဝနိရောဓော ဖြစ်၏
ဥပပတ္တိဘဝဟူသည် လူ့မျက်စိဖြင့် မမြင်အပ် နတ်မျက်စိဖြင့်သာ မြင်အပ်သည်လည်း ဖြစ်၏
ဥပမာအားဖြင့် ဗြဟ္မာကြီး ဗြဟ္မာကြီးဆိုတာ မြတ်စွာဘုရားပါတကား ဟူသကဲ့သို့ ဖြစ်၏
မနုဿ အတ္တ ဘာဝ ဒု လဘ - လူ့အဖြစ်သည် ရခဲ၏ဟုဆိုရာ လူ့အတ္တနှင့် (လူ့စိတ်နှင့်)ပြည့်စုံသူကိုသာ လူဟု သိအပ် မြင်အပ်သည် ဖြစ်၏
လူ့အတ္တဘောကိုဝ် လူ့အတ္တအဖြစ် လူ့စိတ်အဖြစ်နှင့် ပြည့်စုံမှသာ လူ ဖြစ်၏
အရကောက်ကား ကုသလကမ္မပထတရား (၁၀)ပါး ဖြစ်၏
လူဟူသည် အကုသလကမ္မပထတရား (၁၀)ပါးကို ရှောင်ကြဥ်၍ ကုသလကမ္မပထတရား (၁၀)ပါးနှင့် ပြည့်စုံသည့် ပုဂ္ဂိုလ်သည်သာ လူ ဖြစ်၏
#သတ်ဖြတ်ခြင်း, ညှင်းဆဲခြင်း #ခိုးခြင်း, သူတပါးပစ္စည်းကို မတရားနည်းလမ်းဖြင့် ရယူခြင်း #အိမ်ထောင်ရေးဖောက်ပြန်ခြင်း #လိမ်ညာပြောဆိုခြင်း #သွေးခွဲစကားပြောကြားခြင်း #ကြမ်းတမ်းစွာပြောဆိုခြင်း, ဆဲဆိုခြင်း #မိစ္ဆာဒိဌိစကားပြောဆိုခြင်းမှ ကင်းစင်၍
သတ္တဝါတို့အား ချစ်ခင်ခြင်း သနားကြင်နာခြင်း, သူတပါးတို့၏ ပစ္စည်းဥစ္စာကို ခိုင်မြဲစေခြင်း တိုးပွားစေခြင်း, သူတပါးတို့၏ အိမ်ထောင်ရေး ခိုင်မြဲစေခြင်း, မှန်သောစကားကို ပြောဆိုခြင်း, လူတို့အား ညီညွတ်စေသည့်စကား စည်းလုံးစေသည့်စကားကိုသာ ပြောဆိုခြင်း, လမ္မာ ယဥ်ကျေး ချိုသာအေး၍ နားဝင်ပိယံ ဖြစ်စေသည့် စကားများကိုသာ ပြောဆိုခြင်း, သမ္မာဒိဌိဖြစ်သည့် စကားများကိုသာ ပြောဆိုခြင်း ဟူသော လူ့အတ္တ လူ့စိတ်နှင့် (လူ့အတ္တဟုဆိုအပ်သော လူ့စိတ်နှင့်) ပြည့်စုံမှသာ လူ့အတ္တဘော လူ့အတ္တကိုဝ် လူအဖြစ် လူ့စိတ်နှင့်ပြည့်စုံသည်လူ လူပီသသူ လူသားစင်စစ်ဖြစ်သူ (မနုဿပေတ မနုဿနိရယ မနုဿယက္ခ အမနုဿ မဖြစ်သူ) ဖြစ်၏ဟု ဆိုအပ်မည် ဖြစ်၏
ကာယဒုစရိုက်အမှု့ ဝစီဒုစရိုက်အမှု့ မိစ္ဆာဇီဝအမှု့များကို ကျူးလွန်သူသည် မနုဿတ္တ - လူ့အတ္တဘောနှင့်ပြည့်စုံသည့် လူမဟုတ် လူသားစင်စစ် မဟုတ်, မနုဿပေတ - လူယောင်ဆောင်ပြိတ္တာ ဥပပတ္တိပြိတ္တာသာ ဖြစ်၏, အမနုဿ - လူသားစင်စစ် မဟုတ်သူသာ ဖြစ်၏
ဘဝတဏှာ(သဿတဒိဌိ) ဝိဘဝတဏှာ(ဥစ္ဆေဒဒိဌိ) တိုးပွားရာတိုးပွားကြောင်း စကားများကို ပြောဆိုသူသည် မနုဿတ္တ - လူ့အတ္တဘောနှင့်ပြည့်စုံသည့် လူမဟုတ် - လူသားစင်စစ် မဟုတ်, မနုဿတိရစ္ဆာန - လူယောင်ဆောင် လူ့တိရစ္ဆာန် ဥပပတ္တိတိရစ္ဆာန်သာ ဖြစ်၏, အမနုဿ - လူသားစင်စစ် မဟုတ်သူသာ ဖြစ်၏
ကာယသုစရိုက်အမှု့ ဝစီသုစရိုက်အမှု့ သမ္မာအာဇီဝအမှု့များကို ပြုလုပ်အားထုတ်ခြင်း မရှိသူသည် မနုဿတ္တ - လူ့အတ္တဘောနှင့်ပြည့်စုံသည့် လူမဟုတ် - လူသားစင်စစ် မဟုတ်, မနုဿနိရယ - လူ့ငရဲသား ဥပပတ္တိငရဲသားသာ ဖြစ်၏
ပစ္စုပ္ပန်ဘဝခန္ဓာဖြစ်သော ဥပပတ္တိဘဝကြီး (၉)ပါး၌ ကာမဥပပတ္တိဘဝသည် ပါဝင်၏ ကာမဥပပတ္တိဘဝ၌ အပါယ်လေးပါးသည် ပါဝင်၏
လောဘကြောင့် (ဝါ) ကာယဒုစရိုက်စမှု့ ဝစီဒုစရိုက်အမှု့ မိစ္ဆာဇီဝအမှု့များကို ကျူးလွန်ခြင်းကြောင့် ဥပပတ္တိပြိတ္တာ ဖြစ်၏
ဒေါသကြောင့် (ဝါ) ကာယသုစရိုက်အမှု့ ဝစီသုစရိုက်အမှု့ သမ္မာအာဇီဝအမှု့များကို ပြုလုပ်အားထုတ်မှု့ မရှိခြင်းကြောင့် ဥပပတ္တိငရဲသား ဖြစ်၏
မောဟကြောင့် (ဝါ) သဿတဒိဌိ(ဘဝတဏှာ) ဥစ္ဆေဒဒိဌိ(ဝိဘဝတဏှာ) တိုးပွားရာတိုးပွားကြောင်း စကားများကို ပြောဆိုခြင်းကြောင့် ဥပပတ္တိတိရစ္ဆာန် ဖြစ်၏
လောဘဒေါသမောဟကြောင့် (ဝါ) အကုသိုလ်ကြောင့် သုဂတိရောက်သည်ဟူ၍ ဓမ္မတာထုံးစံ မရှိသည် ဖြစ်၏
သီလသမာဓိပညာကြောင့် (ဝါ) ကုသိုလ်ကြောင့် အပါယ်ကျသည်ဟူ၍ ဓမ္မတာထုံးစံ မရှိသည် ဖြစ်၏
သာသနာတော်၌ လောဘဒေါသမောဟဟုဆိုအပ်သော အကုသိုလ်ကိုသာ ပယ်အပ်၏, သီလသမာဓိပညာဟုဆိုအပ်သော ကုသိုလ်ကိုကား မပယ်အပ်သည်သာ ဖြစ်၏
လောဘဒေါသမောဟသည် (ဝါ) အကုသိုလ်သည် အပါယ်၌သာ ဖြစ်စေသည် ဖြစ်၏
မောဟသည် (ဝါ) မိစ္ဆာဒိဌိသည် ဥပပတ္တိတိရစ္ဆာန် အဖြစ်၌ ဖြစ်၏
လောဘ ဒေါသ မောဟ သုံးပါးအရ အပါယ်သည် သုံးဘုံသာရှိသင့်ပါလျှက် အဘယ့်ကြောင့် အပါယ်လေးဘုံဟူ၍ တဘုံပို၍ ရအပ်ပါသနည်း
ထေရဝါဒ၏ မောဟ(မိစ္ဆာဒိဌိ)သည် နတ္ထိ ဒိန္နံ အစရှိသည့် ဒိဌိ (၁၀)ပါး ဖြစ်၏
ဗုဒ္ဓသါသနာ၏ မောဟ(မိစ္ဆာဒိဌိ)ကား သဿတဒိဌိ(ဘဝတဏှာ) ဥစ္ဆေဒဒိဌိ(ဝိဘဝတဏှာ) ဖြစ်၏, အကျယ်အားဖြင့် မိစ္ဆာဒိဌိ (၆၂)ပါး ဖြစ်၏
ထို့ကြောင့် နတ္ထိ ဒိန္နံ အစရှိသည့် မိစ္ဆာဒိဌိ (၁၀)ပါး၌ ဆောက်တည်သူကို ဥပပတ္တိတိရစ္ဆာန် အဖြစ်၎င်း,
သဿတဒိဌိ(ဘဝတဏှာ) ဥစ္ဆေဒဒိဌိ(ဝိဘဝတဏှာ)၌ ဆောက်တည်သူကို ဥပပတ္တိအသူရကာယ် အဖြစ်၎င်း ဆောင်ယူအပ်မည် ဖြစ်၏
ပရမတ္ထမဂ္ဂင်ရှစ်ပါး အကျင့်တရားဖြစ်သော မဂ်လေးတန် ဖိုလ်လေးပါး နိဗ္ဗာန်တရားဖြင့် ဘုရားရဟန္တာဖြစ်သည့် သဥပါဒိသေ အဓိမာနခီဏာသဝ ဘုရားရဟန္တာသည် လောဘဒိဌိကို အကြွင်းမဲ့မပယ်အပ်သည် - ဘဝတဏှာဟုဆိုအပ်သော သဿတဒိဌိ, ဝိဘဝတဏှာဟုဆိုအပ်သော ဥစ္ဆေဒဒိဌိကို မပယ်အပ်သည် ဖြစ်၏
သဿတဒိဌိ ဥစ္ဆေဒဒိဌိသည် မောဟအသင်းဝင် ဖြစ်သဖြင့် ဥပပတ္တိတိရစ္ဆာန်အဖြစ်၌ ဖြစ်အပ်မည် ဖြစ်၏
ထို၌ သဥပါဒိသေသ ဘုရားရဟန္တာကို ဥပပတ္တိတိရစ္ဆာန်အဖြစ်၌ အလိုမရှိမူ၍ ဥပပတ္တိအသူကာယ်၌သာ အလိုရှိအပ်၏ ဆိုအပ်မည် ဖြစ်၏
ထို့ကြောင့် အပါယ်သုံးပါးမှသည် အပါယ်လေးပါးသို့ဟု ဆိုအပ်မည် ဖြစ်၏
သဥပါဒိသေသ အဓိမာန ဘုရားရဟန္တာတို့၏ ခေတ္တယာယီ ခန္ဓာထားရာဘုံသည် သုဒ္ဓါဝါသဘုံဖြစ်ကြောင်း မိန့်ဆိုတော်မူကြကုန်၏
ဥပါဒါနပစ္စယာ ဥပပတ္တိဘဝေါ၌ ရအပ်သည့် အသုရကာယ်ဘုံ သုဒ္ဓါဝါသဘုံ စသည်တို့သည်ကား သေပြီးနောက်ဘဝ၌ ရအပ် ယူအပ်သည့် ဘုံဘဝများ မဟုတ်ပေ, ပစ္စုပ္ပန်ဘဝခန္ဓာ၌ ဘုံဖွဲ့အပ် ဘဝဖွဲ့အပ်သော ဘုံဘဝများ ဖြစ်၏
ဘဝပစ္စယာ ဇာတိ၌ ဘဝအရ ဖွဲ့အပ်သော ဘုံဘဝတို့သည် ပစ္စုပ္ပန်ဘဝခန္ဓာ၌ ဘုံဘဝ ဖွဲ့အပ်သည် ဖြစ်၏
ဇာတိအရ ဖွဲ့အပ်သော ဘုံဘဝတို့သည် သေပြီးနောက်ဘဝ၌ ဘုံဘဝဖွဲ့အပ်သည် ဖြစ်၏
သာသနာတော်၌ လောဘဒိဌိသည် သေပြီးမှ (နောက်ဘဝရောက်မှ) ပယ်ရမည် မဟုတ်သကဲ့သို့ လောဘဒိဌိကြောင့်ဖြစ်သည့် အကုသိုလ်ကုသိုလ်ကံဟု ဆိုအပ်သော ကမ္မဘဝသည်၎င်း, ကာမဥပပတ္တိဘဝ ရူပဥပပတ္တိဘဝ အရူပဥပပတ္တိဘဝဟုဆိုအပ်သော ဥပပတ္တိဘဝသည်၎င်း သေပြီးမှ (နောက်ဘဝရောက်မှ) ချုပ်ရမည်ကား မဟုတ်သည်သာ ဖြစ်၏
သဗ္ဗေသတ္တာ ကမ္မဿကာ, အဝေရါ ဟောန္တု,
(ဆက်ရန်)
