05/02/2019
တိမ်တွေပေါ်က လိမ့်ကျခြင်း(၁)
ဇမ္ဗူဒီပါလက်ျာတောင်ကျွန်းသည် မြန်မာပြည်ကိုခေါ်သလားမသိ။
ငယ်ငယ်က မြင်းမိုရ်တောင် ဘယ်နိုင်ငံမှာရှိတာလဲဟု ဆရာမကို မေးမိရာ ထိပ်ခေါက်ခံရသည်။ အဖြေကားမရ။
သားသားကြီးရင် ဘာလုပ်မလဲဟု အမေက မေးသောအခါ အာကာသယာဉ်မှူးလုပ်မည်ဟု ဖြေဖြစ်သည်။ နတ်ပြည်ကို တက်ကြည့်ချင်သည်ကိုး။
အိမ်ရှေ့က အဝီစိတွင်းကြောင့် ငရဲပြည်တွင် ချိုးရေ သုံးရေ သောက်ရေ အလျှံအပယ်ရှိလိမ့်မည်ဟု အယူမှားမိပြန်သည်။
အိမ်ကဘုရားစင်သည် ကျွန်တော့်မုန့်ဖိုးထက်ပို၍ အကုန်အကျများ၏။ အမေသည် ဘုန်းဘုန်းကြွလာသောအခါ နံနက်စောစောထ၍ ချက်ပြုတ်ထားသော ဆွမ်းကိုကပ်၏။ သီလရှင်များလာသောအခါ ကန်တော့ပါသေးရဲ့ဟု ဆို၏။ gender ခွဲကြောင်း ဝေဖန်မိ၍ အမေက မျက်စောင်းခဲ၏။
မနက်တိုင်း ကြေးစည်ထု၍ ဘုရားရှိခိုးသောအဘွားထံတွင် ဘုရားရှိခိုး ပါဠိစာသားများ၏ အဓိပ္ပာယ်ကို ကျွန်တော်မေးကြည့်၏။ အဖွားက ကုသိုလ်ရတယ်လူလေးရဲ့ဟုသာ ပြောတတ်ရှာလေသည်။
ဘုရားဆွမ်းတော်ကို အမက သူစားချင်သောသစ်သီးများ ဝယ်၍ တစ်နေ့တစ်မျိုး မရိုးအောင်ကပ်၏။ ဘုရားကား သူ့အကြိုက်ကို လိုက်နေရ၏။ ဘုရားပန်းများကိုကား ရက်ခြားလွှင့်ပစ်ရသဖြင့် အမရယ် နင်ပန်ဖို့ ဝယ်တာဆိုလည်း တော်သေးတယ်။ အခုဟာက ဘုရားက ပန်လို့လားဟဟု မေးခဲ့ရာ နားရွက်လိမ်ဆွဲခံရပြန်သည်။
အဖေသည် တစ်ရက် ထူးထူးဆန်းဆန်းစကားကို ဆို၏။ ပုဂံ ညောင်ဦး ပုပ္ပား ဘုရားဖူးသွားမည်တဲ့။ ရှိစုမဲ့စု စုထားသော ငွေကလေးကို ကျွန်တော့်အတွက် စက်ဘီးဝယ်ပေးလိမ့်မည်ဟု ထင်မှတ်မှားနေခဲ့ဖူးသည်။ ယခုမူ ဘုရားဖူးစရိတ်တဲ့။ အဖေ့သူငယ်ချင်းသည် အရက်ဆိုင်ဖွင့်ထားသည်။ ချဲဒိုင်လည်း ကိုင်သည်။ ဘုရားဖူးလုပ်ငန်းလည်း ကားတွေထောင်ထားပြီးလုပ်သည်။ ရွာတွင် အလှူအလုပ်ဆုံး ပုဂ္ဂိုလ်ဖြစ်သည်။
ကျွန်တော်အဖေ့ကို မေးမိသည်။ အဖေ အိမ်ကဘုရားက ဖူးရတာ ရိုးသွားလို့လားဟု။
အဖေက အခုသွားဖူးမယ့် ဘုရားတွေက တန်ခိုးကြီး ဘုရားတွေ ဆုတောင်းပြည့်ဘုရားတွေတဲ့။
ဂေါဓမမြတ်စွာဘုရား၏ ဆင်းတုတော်တို့သည် အိမ်တွင်ထား၍ ကိုးကွယ်လျှင် တန်ခိုးအာနိသင်လျော့နည်းကြောင်း နှင့် ကြီးကြီးထုဆစ်ထားသော ဆင်းတုတော်တို့သာ တန်ခိုးကြီးကြောင်းကို ထိုစဉ်ကမှ ကျွန်တော် သိလိုက်ရသည်။ ဟုတ်ပေမည်။ အိမ်က ဆင်းတုတော်လေးသည် ဖုန်တက်သည်ကိုပင် သူ့ဘာသာသူ မသုတ်သင်နိုင် ရှာတော့ပေ။ နောက်ပြီး သောက်တော်ရေနှင့် ဆွမ်းတော် လည်း နေ့တိုင်းကပ်လှူပသရသည်။ ဘုရားရှင်သည် ပရိနိဗ္ဗာန် စံတော်မူပါလျက် စားခြင်းသောက်ခြင်းမကင်းနိုင်သေး။ အိမ်ဘုရားမဟုတ်ဘဲ အများကိုးကွယ်သည့် ဘုရားဆင်းတုကြီးကြီးများတွင်မူ ဆွမ်းစားရန်မလို။ စားခြင်း သောက်ခြင်းမရှိ။ တန်ခိုးကြီးလိုက်ပါပေ့။
အဖေ့ညီမ ကျွန်တော့်ဒေါ်လေးသည် အတော်လေး ကျန်းမာရေးဖောက်ပြန်နေရှာ၏။ အဖေ့ထံ ဒေါ်လေးသမီး ကျွန်တော့်အမဝမ်းကွဲက ငိုယို၍ ငွေကြေးအကူအညီလာတောင်းသည်။ အဖေက ဘုရားဖူးရန်စုထားသောပိုက်ဆံများ ပဲ့မည်ဆို၍ အထိမခံ။ ငါ့မှာ ငွေပိုမရှိတော့ဘူးဟု ပြောလွှတ်သည်။ တန်းခိုးကြီးဘုရားတွေမှာ ဒေါ်လေးအတွက်အလှူပြုကာ ဆုတောင်းပေးမည်ဖြစ်ကြောင်း ဖြောင့်ဖျပြောဆိုသဖြင့် အမဖြစ်သူသည် ငိုမဲ့မဲ့မျက်နှာနှင့် ပြန်သွားရရှာလေ၏။
သို့နှင့် ကျွန်တော်လည်း ဘုရားဖူးလိုက်ပါခဲ့ရ၏။ မြန်မာပြည်တွင် တောင်းစားနေသော သူတောင်းစား ပေါများကြောင်းကို ဘုရားစောင်းတန်းအနီးတွင် တွေ့ရမှ ကျွန်တော်သိ၏။ ဘုရားတွင် ကပ်လှူထားသော ရွှေပြားများသည် ထိုသူတောင်းစား လူမွဲဖွပ်ဘိုးအေများကို လှောင်ပြနေသကဲ့သို့ဖြစ်၏။
ဘုရားသည် ၇ရက်သားသမီးများကို တစ်ပြိုင်နက်ဆုတောင်းပူဇော်ခြင်းမခံလိုပေ။ ကျွန်တော်၏ ကလေးအတွေးလည်း ဖြစ်ကောင်းဖြစ်မည်။ အဖေက သောကြာထောင့်တွင် သွားရောက်ပူဇော်ဆုတောင်း၏။ အမေက အင်္ဂါထောင့်တွင် သွားရောက်ပူဇော်ဆုတောင်း၏။ ဘုရားသည် အာရုံမများအောင် ကိုယ်ခွဲ၍ တာဝန်ခွဲယူထားပုံရသည်။
လူတချို့သည် မွေးနေ့အထူးအစီအစဉ်အဖြစ် ဘုရားရေသပ္ပာယ်နေကြ၏။ သက်စေ့ပူဇော်၏။ မုနိမြတ်စွာသည် ရေမွန်းလျက်နေရှာ၏။ ချမ်းတုန်နေရော့မလားဟုလည်း ကျွန်တော်တွေးမိ၏။
ဤအဖြစ်ကို ရိပ်စားမိပုံရသော လူတစ်စုသည် ဘုရားအနီးတွင် ဖယောင်းတိုင်မီး ထွန်းညှိပူဇော်၍ အနွေးဓာတ်ပေး၏။
နောက်တော့ သူတို့သည်လည်း စေတနာကြောင့်ဟုတ်မတူဟု ကျွန်တော်တွေးမိသည်။ ယတြာအရ လာရောက်ပူဇော်စီရင်နေခြင်းဖြစ်ဟန် တူ၏။ အကြောင်းမှာ ဖယောင်းတိုင်ကို အရေအတွက်အတိအကျ ပူဇော်နေသောကြောင့် ဖြစ်လောင်ကျွမ်းကုန်ဆုံးစေရုံမျှသာသည်။ အာရုံရှိနေ၏။ အမွှေးတိုင်တစ်ထုပ်လည်း ထွန်းသေး၏။ ဘုရားရှင်သည် မီးခိုးမှိုင်းတို့ဖြင့် ကျပ်တိုက်ခြင်းခံနေရရှာ၏။
ဘုရားစောင်းတန်းများတွင် ဆင်းတုတော်ထုဆစ်နေသူများကို တွေ့ရသည်။ ပန်းပုဆရာသည် သူ၏ပေါင်တွင်ဆင်းတုကို ညှပ်၍ထု၏။ ငရဲမကြီးဘူးလားဟု အဖေ့ကို ကျွန်တော်မေးကြည့်မိသောအခါအဖေက အနေကဇာမတင်ရသေးသဖြင့် ငရဲမကြီးကြောင်းဆိုသည်။ ပါဝါမတင်ရသေးသောကြောင့် တန်ခိုးမရှိ။ တန်ခိုးမရှိသောကြောင့် ငရဲမကြီး။ ဤသို့သာ ကလေးအတွေးဖြင့် ကျွန်တော်မှတ်ထားလိုက်သည်။
ကျွန်တော်ဘဝင်မကျသည့်အချက်တစ်ခုရှိသေး သည်။ ဗုဒ္ဓဘုရားရှင်ခြင်း တူပါလျက် အဘယ်ကြောင့် အိန္ဒိယမှဆင်းတုများသည် နှာခေါင်းချွန်၍ တရုတ်ပြည်မှဆင်းတုများသည် နှာခေါင်းပြားကာ ကျွန်တော်တို့ဆီတွင် ဗမာဆန်နေရတာပါလဲဟု အဖေ့ကို ကျွန်တော်မေးခဲ့သည်။
အဖေသည် ပါရမီရင့်သန်နေပုံရ၏။ ထို့ကြောင့်ရှေ့ဖြစ်ကို ဟော၏။ မင်း ဘာသာမဲ့ဖြစ်မယ့် အကောင်တဲ့။ အမေကတော့ တစ်မျိုးပြောသည်။
မိုးကြိုးပစ်မယ်သတိထားနေတဲ့။ မိုးကြိုးသည် ကျွန်တော့်အားမပစ်။ ရွာတောင်ပိုင်းက မိဘကိုလုပ်ကျွေးပြုစုနေရှာသော မောင်ကျော်ဆိုသည့် တရားသမားလေးအား ပစ်သွားသည်။ သိကြားမင်းသည် အိုပြီထင်၏။ လက်မတည့်ရှာတော့ပေ။
ကျွန်တော်တို့ ဘုရားဖူးခရီးမှ ပြန်အလာတွင် ဒေါ်လေးဆုံးရှာလေပြီ။
ဆက်ပါဦးမည်။
PK Myanmar
တိမ်တွေပေါ်က လိမ့်ကျခြင်း(၂)
ကျွန်တော်တက္ကသိုလ်ကျောင်းသားဘ၀တွင် ဦးဖိုးကျား၏ ကိုယ်တွေ့ဝတ္ထုများကို ဖတ်မိသည်။ ထိုအထဲတွင် ဘုရားဖူးသွားခြင်းဟူသော ၀တ္ထုတိုလေးတစ်ပုဒ်ပါသည်။ ဦးဖိုးကျား၏ ထိုဝတ္ထူသည် ကိုယ်တွေ့ဝတ္ထုဟုဆိုသော်လည်း လီယိုတော်လ်စတွိုင်း၏ ၀တ္ထုတစ်ပုဒ်နှင့် ဇာတ်လမ်းကျောရိုးတူနေသည်က ထူးဆန်း၏။ ကိုယ်တွေ့အမှီးဝတ္ထုလားတော့ မပြောတတ်။
ဤ၀တ္ထု၌ လူငယ်လေးက လမ်းတွင် ဒုက္ခရောက် နေသူကို ပါသမျှငွေလေးဖြင့် စိုက်ထုတ်ကူညီရင်း ဘုရားဖူး မရောက်လိုက်ပုံကို ရေးထားသည်။ ၀တ္ထုတိုတွင် ဦးဖိုးကျားပေးချင်သော message မှာ ဘုရားဖူးသွားသူထက် ဘုရားကဖြစ်စေချင်သော လူသားတွေ အပေါ် မေတ္တာထား စောင့်ရှောက် သူက ပိုမြတ်သည်ဟူသော အချက်ပင် ဖြစ်သည်။
မှန်သည်။ ကျွန်တော် ဤ၀တ္ထုကိုဖတ်ရင်း ဆုံးသွားသောဒေါ်လေးကို သတိရမိသည်။ ဒေါ်လေးနာမကျန်းဖြစ်၍ ဆေးရုံတင်ရန် ငွေကြေးအခက်အခဲဖြစ်သည်ကို အဖေမကူညီခဲ့။ ဘုရားဖူးသွားမည့်ငွေကို မသုံးရက်နိုင်ခဲ့။ ဦးဖိုးကျားဝတ္ထုထဲက ဇာတ်ကောင်နှင့် ကွာလှသည်ဟု ကျွန်တော်တွေးမိသည်။ အဖေက ဒေါ်လေးကျန်းမာရေး အတွက် တန်ခိုးကြီးဘုရားများတွင် အလှူအတန်း လုပ်ကာ မေတ္တာပို့ ဆုတောင်းခြင်း ကိုမူ ပြုခဲ့ပါသေးသည်။ အဖေပို့သသောမေတ္တာဖြင့် ဒေါ်လေးသေခဲ့ရပါပြီ။
အဖေက သေနေ့စေ့လို့ သေတာပါကွယ်ဟု ဖြေသိမ့်သည်။ အမေက သူဝဋ်ကျွတ်တာပေါ့လေ၊ သတ္တ၀ါတစ်ခု ကံတစ်ခုပေါ့ ဟု ပြေပျောက်စကားဆိုသည်။ သေတာ၊ မသေတာက သူ့အကြောင်း၊ သူ့ကံမှန်သော်လည်း သေရေးရှင်ရေး အကူအညီတောင်းတာကို ဘယ်ဆွေမျိုးမှ အားမကိုးရဘူးဟု အမ၀မ်းကွဲက စိတ်နာစကားဖြင့် အတေးအမှတ်ထားကာ မကြာမကြာစောင်းချိတ်ပြောသည်ကိုမူ ကြားထဲက ကျွန်တော် မျက်နှာပူမိပါသည်။
တစ်ချိန်က စာပေလောကတွင် အနုပညာသည် ပြည်သူအတွက်နှင့် အနုပညာသည် အနုပညာအတွက်ဟူသော အဆို ၂ ခု အပြင်းအထန် အငြင်းအခုံဖြစ်ဖူးသည်။ ကျွန်တော်ကမူ ဘာသာတရားသည် လူအတွက်လား၊ ဘာသာတရားသည် ဘာသာတရားအတွက်လားဟု debate လုပ်ချင်စိတ်ပင် ပေါ်ခဲ့ဖူးသည်။
ဘုရား၊ တရား၊ သံဃာကို ကျွန်တော်ကိုးကွယ်သည်။ သို့သော် တရားသည် အခရာဟု ထင်သည်။ တရားကို ပယ်လျှင် ဘုရားနှင့် သံဃာသည် အဓိပ္ပာယ်မဲ့၏။ တရားကို သိမြင်၍ ဘုရားကို ကိုးကွယ်ရခြင်းဖြစ်သည်။ သို့သော် ဘုရားဟောသောတရားကို မသိ၊ မကျင့်လျှင် ရုပ်တုများ ကျောက်တုံးများကို ကိုးကွယ်ဦးခိုက်နေရုံ သက်သက်၊ အကျိုးမဲ့လှသည်ဟု ကျွန်တော်ထင်သည်။ တရားမဲ့ဟောပြောသော သံဃာကို ကိုးကွယ်နေလျှင် လည်း သင်္ကန်းရုံထားသူကို လူလူချင်း ကိုးကွယ်နေသည်နှင့် မခြား။ သောနုတ္တမုဆိုးလည်း ဆဒ္ဒန်ဆင်မင်းကို သတ်ရန် သင်္ကန်းကို ခုတုံးလုပ်ခဲ့သေးသည်။ ဒေ၀ဒတ်လည်း သင်္ကန်းဝတ်နှင့် ဖြစ်သည်။
ဘုရားကို ကိုးကွယ်သည်။ ဘုရားအတွက် အလုပ်ရှုပ်ရသည်။ ဘုရားကိုယ်စား ဆင်းတု၊ စေတီများကို မှန်းဆ ကြည်ညိုကြသည်။ သို့သော် ဆွမ်းတော်၊ ပန်း၊ ဆီမီးကပ်လှူခြင်း၊ ရေသပ္ပာယ်ခြင်း၊ ရွှေသင်္ကန်းကပ်ခြင်း၊ ဌာပနာခြင်းတို့သည် ဘုရားကိုကိုးကွယ်ခြင်းကြောင့် ဘုရားကပေးသော ၀တ္တရားများလော။ ကျွန်တော် နားမလည်ပါ။
တရုတ်ပြည်က စွယ်တော်ပင့်လာသောအခါ ရွှေငွေရတနာများချွတ်၍ ရက်ရောစွာ ထည့်လှူကြသည်ကို မြင်ကြသည်။ တီဗွီတွင် တခမ်းတနားပြသည်။ မြင်တွေ့ကြားသိသူတိုင်း သာဓုအနုမောဒနာ ခေါ်ကြသည်။ ကျွန်တော်ကမူ ရိုးရိုးတွေးသည်။ စွယ်တော်သည် မည်သည့်စရိတ်စကအတွက် သုံးစွဲရန် ဤမျှအလှူရွှေငွေများ ကို လိုအပ်နေသနည်း။ စွယ်တော်က မလို။ စွယ်တော်ကို ဘန်းပြသူများအတွက် လိုသည်။ စွယ်တော်ကို ဘန်းပြ၍ မြန်မာပြည်က ရွှေငွေရတနာများကို တရုတ်ကြီးက သယ့်ယူသွားသည်။ ကောင်းလေစွ။ ကိုယ့် အားနည်းချက်နှင့် ကိုယ်ပဲကိုး။
ဗုဒ္ဓဘာသာမြန်မာတို့သည် အလှူအတန်းလွန်စွာရက်ရောကြသည်။ ၁၂ လရာသီ ဘာသာရေးပွဲတော်များသည် အလှူနှင့်သာ တည်ဆောက် ထားသည်။ အလှူခံမဏ္ဍပ်အပေါဆုံးသော တိုင်းပြည်သည် မြန်မာပြည်ဖြစ်၏။ အလှူရေစက်လက်နှင့်မကွာဟု ယူသော်ရ၏။ မြန်မာတို့၏ မွဲဆေးဟု ယူလျှင်မူ ဘုရားစူးတတ်၊ မိုးကြိုးပစ်တတ်ပါသည်။
သံဃာတော်တို့သည် အလှူအကြောင်းကို ကောင်းစွာဟောကြား၏။ သံဃာကို ဆွမ်းကပ်ခြင်းအကျိုး၊ ဘုရားတည်ခြင်း၊ ကျောင်းဆောက်ခြင်း အကျိုးကို ကောင်းစွာဟောကြား၏။ စိတ်ပြုစိတ်ပြင် တရားတို့ကို မဟော မဟုတ်။ ဟောသည်။ ဤတရားမျိုးကို တရားနာပရိသတ်မကြိုက်။ ကျင့်ရာမှာ ခက်၍ဖြစ်မည်။ ငွေရှိလျှင် လှူရခြင်းက လွယ်ကူသည်။ ဤသို့ဖြင့် ဘုရားကို ကိုးကွယ်မိ၍ ဘုရားအတွက် တစ်ဘ၀လုံးပေးဆပ်နေရသည်။ ဘုရားက ပရိနိဗ္ဗာန်ပြုလေပြီ။ ဘာအကျိုးမှ ခံစားရမည်မဟုတ်။ ဂေါပကများနှင့် အကျိုးဆောင်များကား အကျိုးများလှသည်။ သံဃာကို ကိုးကွယ်မိ၍ သံဃာကိုလည်း တစ်ဘ၀လုံး ပေးဆပ်နေရသည်။ သံဃာသည် လည်း မပေးဆပ်၍ မဖြစ်။ ဘာသာသာသနာကို ထိန်းသိမ်းစောင့်ရှောက်နေရသည်မဟုတ်ပါလော။
အလုံးစုံကို ခြုံကြည့်သော် ဘာသာတရားသည် Bussiness တစ်ခုသာဟု ကျွန်တော်မြင်မိတော့သည်။ ဘာသာတရားသည် ဘာသာတရား အတွက်သာ ဖြစ်နေ၏။ ဘာသာဝင်တို့သည် ဘာသာတရားကို ကိုးကွယ် မိသောကြောင့် ဘာသာတရားအတွက် ပြန်လည်အလုပ်အကျွေး ပြုနေကြ ရသည်ဟုသာ မြင်သည်။ ကျွန်တော့် အား လမ်းပြပေးကြပါကုန်။
တကယ်တော့ ကျွန်တော်သည် ကုသိုလ်၊ အကုသိုလ်၊ အတိတ်ကံ၊ သံသရာ၊ နိဗ္ဗာန်စသည်တို့နှင့် ဓာတ် မတည့်ရာကနေ ဘာသာတရားဆိုသည်ကိုပင် သံသယစိတ်ရှိလာခဲ့သူဖြစ်ပါသည်။ မိတ်ဆွေ ကျေနပ်မည် မဟုတ်ကြောင်း သိပါသည်။ ကျွန်တော်ရှင်းပြသည့်အခါတွင်မူ အော် ဒီလိုဆိုရင်တော့ ဟုတ်တာပေါ့ဟု ရယ်ပါလိမ့်မည်။
သို့သော် လောလောဆယ် မိုးရွာနေပါသည်။ သိကြားမင်းသည် ၀ရဇိန်လက်နက်ကို ချိန်ရွယ်နေ လောက်ပြီထင်သောကြောင့် ကျွန်တော်တွေးမိသမျှ အကုန်မပြောဘဲ တချို့ကိုလျှိုထားလိုက် ပါဦးမည်။ နေသာသောတစ်နေ့တွင် ဆက်ပြောပါမည်။
နောက်တစ်ကြောင်းမှာ ဆရာထင်လင်းဦးနှင့် အဖော်လုပ်ပေးရန် လတ်တလောမအားသေးပါ။
ဆက်ရန်----
PK Myanmar
တိမ်တွေပေါ်က လိမ့်ကျခြင်း(၃)
ကျွန်တော်သည် သနားစရာကောင်းလေစွ။ ဘာသာတရားနှင့်ပတ်သက်၍ သံသယစိတ်ကြီးထွားနေပေ၏။ သံသယသည် အလွန်ကြောက်စရာကောင်းသည်။ အယူလွဲမှားမှုဖြစ်စေရန် ပထမခြေလှမ်းသည် သံသယပင် ထင်၏။
ကျွန်တော့်အတွက် ကူကယ်ရာပုဂ္ဂိုလ်လိုအပ်သည်။ ထို့ကြောင့် သံသယတို့ပြေပျောက်စေရန် ကျောင်းပိတ်ရက်တွင် ရွာဦးကျောင်းဆရာတော်ထံ သိလိုသည်များကို မေးလျှောက်ရတော့သည်။
PK ။ ။အရှင်ဘုရား၊ နိဗ္ဗာန်ဆိုတာ ဘာလဲဘုရား။
ဆရာတော်။ ။ ဘ၀ချုပ်ငြိမ်းရာ၊ ဆင်းရဲခြင်းအပေါင်းကင်းရာ၊ ဘာမှမရှိတော့တာ နိဗ္ဗာန်ပဲ ဒကာလေးရဲ့။
PK ။ ။တင်ပါ့၊ အဲဒီနိဗ္ဗာန်ဆိုတာတပည့်တော်မမြင်ရလို့ ယုံလို့မရဘူးဖြစ်နေတယ်ဘုရာ့။
ဆရာတော်။ ။ ဒါတော့ဒကာရယ်၊ တို့မြတ်စွာဘုရားက ယုံကြည်မှုကို မတောင်းဆိုပါဘူး။ လေ့လာခိုင်းတယ်။ ကာလာမသုတ်မှာ-----
ဆရာတော် မိန့်ကြားသော ကာလာမသုတ်ကို ကျွန်တော်အရှည်ပြန်မပြောလိုတော့ပါ။ ဆရာတော်ကတော့ဖြင့် အသေးစိတ်ရှင်းပြသည်။ အမှန်တော့ ကာလာမသုတ်ကို ကျွန်တော်လေ့လာဖူးသည်။ ဘယ်သူ့မှမယုံဘဲ ကိုယ်တိုင်စူးစမ်းဖို့ ဖြစ်သည်။
ဆရာတော်။ ။ ---အဲဒါကြောင့် တို့ဗုဒ္ဓ၀ါဒဟာ သံသယနဲ့စပြီး သုညမှာဆုံးတယ်ဒကာ။
သံသယနှင့်စသည်ဆိုပါလား။ ကျွန်တော်အားတက်သွားသည်။ ငါ လမ်းမမှားသေး။ ယခုမှ လမ်းမှန်ပေါ် တည့်တည့်ရောက်နေခြင်း ဖြစ်သည်။ ဘာသာတရားအပေါ်သံသ၀င်မိသော ကျွန်တော်၏ စိတ်ကို ကျွန်တော်ဂုဏ်ယူလိုက်မ်ိသည်။ ဆရာတော်ကတော့စကားဆက်နေဆဲ။
ဆရာတော်။ ။ ----ဗုဒ္ဓ၀ါဒက အနတ္တ၀ါဒ။ တည်မြဲတဲ့အရာ ဘာမှမရှိဘူး။ အားလုံးအနိစ္စချည်းပဲ။ သင်္ခါရတရားကိုမလွန်မြောက်နိုင်ဘူး။
PK ။ ။တင်ပါ့၊ သူ့ဘာသာသူပျက်မယ့်ဟာကို တပည့်တော်တို့က ဘာလုပ်နေစရာလိုလဲ ဘုရာ့။
ဆရာတော်။ ။ ဘုရားရှင်ဟောတဲ့တရားက ဆင်သေကောင်နား တ၀ဲလည်လည်နဲ့ ပင်လယ်ထဲမျောပါသွားတဲ့ငှက်လို သောင်ကမ်းမမြင် ဖြစ်မှာစိုးလို့။ အဲလိုမဖြစ်အောင် ကျင့်ရတဲ့တရား။ လောဘ၊ အမိုက်၊အမျက်၊ရမ္မက်တွေခြုံလွှမ်းပြီး မမြဲတဲ့ခန္ဓာကြီးကို အဟုတ်မှတ်စွဲလန်းနေရင် သံသရာအဓွန့်ရှည်နေမှာစိုးလို့ နိဗ္ဗာန်နဲ့ဝေးနေမှာစိုးလို့ ကျင့်ရတဲ့တရား။
PK ။ ။တင်ပါ့။ သံသရာဆိုတာက ဘာလဲဘုရာ့။
ဆရာတော်။ ။ အဖန်တလဲလဲ ကျင်လည်ရာ ဘ၀ရဟတ်ဆိုပါတော့ဒကာ။ ၃၁ ဘုံရှိတယ်။------(ဆရာတော်က ၃၁ ဘုံကို အကျယ်ရှင်းသည်။)
PK ။ ။တင်ပါ့ဘုရား။ သံသရာက ဘယ်ကစလဲဘုရား။
ဆရာတော်။ ။ သံသရာရဲ့အစကို ဒကာသိလို့ ဘာအကျိုးထူးမှာလဲ။
PK ။ ။ထူးပါတယ်ဘုရား။ သံသရာမှာ အစမှတ်တော့ ရှိရမှာပါဘုရား။ အဲဒီအစမှတ်က ဘယ်ကဖြစ်သလဲဆိုတာ သိဖို့လိုပါတယ်။ အဲဒါမှ သံသရာအယူအဆဟာ ယုတ္တိရှိ၊ မရှိ တွေးချင့်လို့ရမှာပါဘုရား။ သံသရာရဲ့အစဟာ ဘယ်သတ္တ၀ါလဲ။ သူကဘယ်လိုဖြစ်လာလဲ။ သိချင်ပါတယ်ဘုရား။
ဆရာတော်။ ။ ဒကာက ကြက်ဥနဲ့ကြက်မ ဘယ်ကစသလဲဆိုတာလို ဖြစ်နေပြီ။ ဘယ်တော့မှ အဖြေမရနိုင်ဘူး။
PK ။ ။တင်ပါ့ဘုရား၊ ကြက်မက စပါတယ်ဘုရား။ ကြက်ဥဆိုတာ သန္ဓေရဲ့ထွက်ကုန်ပါဘုရား။ ကြက်မတစ်ကောင်တည်းနဲ့လည်း အဆင်မပြေလောက်ပါဘူးဘုရား။ ကြက်ဖလည်းရှိဖို့လိုပါတယ်ဘုရား။ ဥပြီးရင် ၀ပ်ပေးရဦးမှာပါဘုရား။ ဒါမှ ကြက်ပေါက်လေးတွေထွက်လာမှာပါ။
ဆရာတော်။ ။ အင်း ဒကာကဘယ်ဘက်ကို စိတ်ယိမ်းနေပြီဆိုတာ ဦးဇင်းသဘောပေါက်ပြီ။ ဒကာက ဆင့်ကဲဖြစ်စဉ်ကို လက်ခံချင်တာလား။ ဖန်ဆင်းရှင်ဝါဒကို လက်ခံချင်တာလား တစ်ခုခုပဲ။ ဘာကြောင့်၊ ဘယ်သူ့ကြောင့်ဖြစ်လာတယ်ဆိုတာကို ရှာနေလို့ကတော့ အချိန်ကုန်တာပဲ အဖတ်တင်မယ်ဒကာ။ အဖြေရမှာ မဟုတ်ဘူး။ မြတ်စွာဘုရားက ကမ္မ၀ါပါကော- ကံ၏အကျိုးပေးပုံကို ကြံစည်ခြင်းမပြုအပ်၊ လောကောစိန္တာလို့ခေါ်တဲ့ လောကတည်ပုံကို ကြံစည်ခြင်းလည်းမပြုအပ်လို့ တားမြစ်ထားတယ်ဒကာရဲ့။ ကြံစည်ရင် ရူးသွပ်ခြင်း၊ ဆင်းရဲခြင်း၊ ပင်ပန်းခြင်းဖြစ်မယ်လို့ အင်္ဂုတ္ထိုရ်ပါဠိ စတုက္ကနိပါတ်မှာ လာတယ်ကွဲ့။
PK ။ ။ဘုရားက သဗ္ဗညုတ သိစပ်မြင်နှံ့တဲ့ ဉာဏ်တော်ကို ရထားပြီးတော့ ဒါလေးတောင် မပြောခဲ့ဖူးလားဘုရား။
ဆရာတော်။ ။ အေး၊ ဘုရားရှင်က မြားမှန်နေတဲ့သူကို မြားအရင်နှုတ်ပြီး ဆေးကုမလား။ မြားလာရာကို ရှာမလားတဲ့။
PK ။ ။မြားလာရာကို ရှာရပါမယ်ဘုရား။ ဘုရားအလောင်းဆဒ္ဒန်ဆင်မင်းက မြားမှန်တော့ မြားလာရာကို ရှာပါတယ်ဘုရား။ မဟုတ်ရင် မြားတွေက ဘယ်ကမှန်းမသိဘဲ ထပ်ထပ်လာနေဦးမှာပါဘုရား။ ဆဒ္ဒန်ဆင်မင်းက မြားပစ်သူသောနုတ္ထိုရ်ကိုတွေ့တော့ ရန်ငြိုးကြီးတဲ့ သုဘဒ္ဒါလွှတ်လိုက်တာမှန်း သိရပါတယ်ဘုရား။ လောင်စာရန်ညိုး မီးဆက်မပျိုးနိုင်အောင် စွယ်တော်ကို ကိုယ်တိုင်ဖြတ်ပြီး လှူလိုက်တာမဟုတ်လားဘုရား။ ဘုရားအလောင်း ဆဒ္ဒန်ဆင်မင်းရဲ့ အရေးအပါဆုံးဘ၀မှတ်တိုင်က ဒီအချက်ပါဘုရာ့။ ဘုရားရှင်ကလည်း ဒီဂုဏ်ကို ဖော်ထုတ်ချင်လို့ ဒီဇာတ်ကို ဟောတယ်လို့ နားလည်ပါတယ်ဘုရာ့။ ဒါကြောင့် မြားလာရာကိုသိဖို့ ဘယ်လောက်အရေးကြီးသလဲဆိုတာ အထင်းကြီး၊ အရှင်းကြီးပါဘုရာ့။
ဆရာတော်။ ။ အမလေး၊ မောင်တတ်ပရယ်။ ဟားဟားဟား။ မင်းနဲ့တော့မလွယ်ဘူး။ စဉ်းစား စဉ်းစား ရူးသွားလိမ့်မယ်ကွ သိလား။
PK ။ ။တင်ပါ့ ဒါဆိုလည်း တပည့်တော် သံသရာကနေ လွတ်ဖို့ ဘာလုပ်ရမလဲဘုရာ့။
ဆရာတော်။ ။ သံသရာကနေလွတ်ဖို့ လောကီ ကာမဂုဏ် တဏှာခြုံကနေ ရုန်းထွက်ရမှာပေါ့ဒကာ။
PK ။ ။တောထွက်ရမှာလား ဘုရား။
ဆရာတော်။ ။ ထွက်နိုင်ရင်တော့ အကောင်းဆုံးပေါ့ဒကာ။
PK ။ ။ဗုဒ္ဓဘာသာဝင်အားလုံးတောထွက်ကြရင် ဆွမ်းကို ဘယ်သူချက်ကျွေးမှာလဲဘုရာ့။ ဘာသာခြားတွေဆီမှာ ဆွမ်းခံရမှာလား။
ဆရာတော်။ ။ ကတ်သီးကတ်သတ်ဒကာရယ်။ လူတိုင်းတောထွက်ကြပါဆိုရင်တောင် ထွက်မယ်ထင်သလား။
PK ။ ။ မထင်ပါဘူးဘုရာ့။ ဒါဆိုတောထွက်သူနဲ့ မထွက်တဲ့သူ၊ သာသနာ့ဘောင်ဝင်သူနဲ့ မ၀င်တဲ့သူ ဘယ်သူက အလင်းဘက်မှာရှိပြီး ဘယ်သူကအမှောင်ဘက်မှာ ရှိနေတာလဲဘုရာ့။
ဆရာတော်။ ။ ဒါက အရှင်းကြီးပါဒကာရယ်။ လောဘ၊ ဒေါသ၊ မောဟ၊ တဏှာတွေကြားမှာ လောကီအာရုံကပ်ငြိကျင်လည်နေသူတွေက သာသနာ့ဘောင်ကို မခိုဝင်နိုင်သေးသရွေ့ အမှောင်ဘက်ခြမ်းမှာ ရှိနေတာပေါ့။
PK ။ ။တင်ပါ့၊ ဒါဆို အလင်းထဲက သူတော်ကောင်းတွေက အမှောင်ထဲက ငမိုက်သားတွေကို မှီခိုပြီး သူတို့ရှာဖွေလှူတန်းတာကို ဘုဉ်းပေးပြီး ကိုယ်လွတ်ရုန်းသလို ဖြစ်မနေဘူးလားဘုရား။ ဒီတရားကို တစ်ကမ္ဘာလုံး ကျင့်သုံးရင် မလွယ်လောက်ဘူးထင် တယ်နော့ဘုရား။
ကိလေသာတွေ၊ သမုဒယနှောင်ကြိုးတွေ၊ ဃရာဝါသကိစ္စတွေ---အင်း ဒါတွေဟာ ဘုရားအလိုအရ နိဗ္ဗာန်နဲ့ဝေးမယ့်ကိစ္စတွေမဟုတ်လားဘုရား။ ဘုရားရှင်တောင် ညီတော်အာနန္ဒာကို လက်ထပ်မယ့်ဆဲဆဲကနေ ရဟန်းဘောင်ဝင်ဖို့ ဆွဲခေါ်ထုတ်သွားသေးတာပဲ။
ဒီတရားကို လူတွေအားလုံးကျင့်သုံးရင် လူတွေမျိုးတုန်း ကုန်မှာ သေချာတယ်ဘုရား။ အားလုံးအိမ်ထောင်မပြုရင် တခြား နတ်ဘုံ၊ ဗြဟ္မာ့ဘုံ၊ တိရစ္ဆာန်ဘုံတွေက သူတို့ဘယ်လောက်ကုသိုလ် ကောင်းမှုတွေလုပ်ပြီး ကြိုးစားကြိုးစား လူဖြစ်မှာ မဟုတ်တော့ဘူးဘုရား။ လူတွေလည်း ထပ်မမွေးလို့ လူတွေက မျိုးတုန်း၊ အခြားဘုံလောကသားတွေက လူ့ပြည်လာဖို့ ပါမစ်မရတော့ ကျန်ဘ၀တွေမှာပဲ ကျင်လည်။ လူမဖြစ်ကြတော့နိဗ္ဗာန်နဲ့ ပိုဝေး၊ သံသရာအဓွန့်ရှည်၊ နောက်ပွင့်မယ့်ဘုရားကလည်း လူ့ပြည်မှာ အိမ်ထောင်သားမွေး မပြုကြ၊ ဘုရင်ဆိုတာလည်းမရှိ၊ အားလုံးတောထွက်ပြီး ကိလေသာတွေ စွန့်နေကြတော့ ဘယ်မိဖုရားဗိုက်ထဲမှာ ၀င်စရာမရှိလို့ ပွင့်ခွင့်ရရှာမယ်မထင်ပါဘူးဘုရား။
အဲဒီလို တစ်ကမ္ဘာလုံး ကိုးကွယ်ကျင့်သုံးနာခံလိုက်ရင် ကမောက်ကမတွေဖြစ်ကုန်နိုင်ခြေရှိနေတာကိုက တပည့်တော်ရဲ့ သံသယတွေ မကျေပျက်နိုင်တဲ့ အကြောင်းပါပဲဘုရား။
ဒါနဲ့အရှင်ဘုရား။ နောင်ပွင့်မယ့်ဘုရားက အိုမန်၊ ဆော်ဒီနဲ့ ဆွဇ်ဇာလန် ၃ နိုင်ငံထဲက တစ်နိုင်ငံမှာ ပွင့်လိမ့်မယ်လို့ တပည့်တော်ထင်တယ်ဘုရား။ အဲဒီ ၃ နိုင်ငံပဲ ဘုရင်စနစ်ပြည့်ပြည့်၀၀ကျင့်သုံးတာ ကျန်လို့ပါ။ အရိမေတ္တေယျဘုရားက ဘုရင့်သားတော်ဖြစ်မယ်လို့ ဗျာဒိတ်ရှိရဲ့မဟုတ်လားဘုရား။ ဘာပဲဖြစ်ဖြစ် ဘုရင်စနစ်ပူးတွဲရှိနေတဲ့ နိုင်ငံတွေကိုပါ တပည့်တော်ရှောင်မယ် ဘုရား။ ဦးပုညရဲ့ တူတူပုန်း မေတ္တာစာထဲကလို ဘုရားပွင့်မယ်ကြားရင် တပည့်တော်ပြေးပုန်းပါမယ်ဘုရား။
သံသယနဲ့စပြီး တစ်ခုခုရတာကို တပည့်တော် လိုချင်ပါတယ်ဘုရား။ သံသယနဲ့စပြီး သုညမှာ ဆုံးတာကြီးကတော့ မနိပ်ဘူးထင်ပါတယ်ဘုရား။ ကုသိုလ်အကျိုးဆိုတာ ဘဏ်မှာ ငွေစုတာနဲ့တူပါတယ်ဘုရား၊ နိဗ္ဗာန်ရောက်တဲ့ နေ့ဟာ ဘဏ်ဒေ၀ါလီခံတဲ့နေ့ပဲထင်ပါတယ်ဘုရား။ ဒါမှမဟုတ် အိမ်ပြောင်၊ အိုးပြောင်၊ ရှိသမျှပြောင်ပြီး ချဲထိုးလိုက်တာ ပေါက်တော့မှ ဒိုင်ထွက်ပြေးလို့ မိမွေးတိုင်း ဖမွေးတိုင်းကျန်ခဲ့တဲ့ အဖြစ်မျိုးနဲ့ တူပါတယ်ဘုရား။
ဒါနဲ့တပည့်တော် အလုပ်လေးရှိလို့ ပြန်ပါဦးမယ်ဘုရား။
သည်လိုနှင့် ကျွန်တော်သည် ပြောချင်ရာကို ဇွတ်တရစပ်ပြောပြီး ဆရာတော့ကို ဦးချကန်တော့ကာ နှုတ်ဆက်ပြန်ခဲ့လိုက်ပါသည်။
ဆရာတော်က ကြွ ကြွ ဒကာ။ နို့မို့ဆို ငါပါ စက်ကွင်းမလွတ်ဖြစ်တော့မယ်။ ကြွပါတော့ဟု အားရ၀မ်းသာခွင့်ပြုလိုက်လေသတည်း။
ဆက်ပါဦးမည်။
PK Myanmar
တိမ်တွေပေါ်က လိမ့်ကျခြင်း(၄)
ကာလာမသုတ်သည် ကျွန်တော်၏ စူးစမ်းဝေဖန်တတ်သည့်အကျင့်နှင့် ပနံတင့်လှ၏။ ထို့ကြောင့်ပင် မြတ်ဗုဒ္ဓအား အလွန်တရာကြည်ညို မိ၏။ ကျွန်တော်လေ့လာမိသော ဗုဒ္ဓဝါဒသည် ဘာသာတရားတစ်ခုဟု ကျွန်တော်မမြင်။ ကျင့်စဉ်တစ်ရပ် ဒဿနတစ်ခုမျှသာဖြစ်သည်။
ဗုဒ္ဓသည် ကိုးကွယ်ခံလိုသည့် အရိပ်အယောင်မရှိ။ မိမိသိသောတရားကို ဝေမျှလိုစိတ်သာ ရှိသည်။ ကျင့်မှရမည်။ ကိုးကွယ်နေ၍ မရနိုင်။ကျင့်ရန်ဟုဆိုရာတွင်လည်း မိမိတရားသာ အကောင်းဆုံးဟု အာမခံချက် တန်းမပေး။ လေ့လာဦးလော့။ ဆင်ခြင်ဦးလော့ ဟုသာ နှပ်ကြောင်းပေးသည်။
တရားကို အသေဆုပ်ကိုင်ခြင်းကိုလည်း အားမပေး။ တရားကို ဖောင်ကဲ့သို့ ကျင့်စေသည်။ အသုံးချပြီး မလိုတော့က စွန့်ရန်သာ သွန်သင် သည်။ မြက်ထုံးသယ်သော လူ ၂ ဦး အနက် တစ်ဦးသည် ဝါဂွမ်းကို ပြောင်းသယ်ခဲ့ကြောင်း ကျန်တစ်ဦးမှာ မြက်ထုံးကို သည်အထိ အပင်ပန်းခံ သယ်လာခဲ့ပြီမို့ မစွန့်ပစ်ဘဲ ဆက်သယ် ကြောင်း ပို၍ တန်ဖိုးရှိသော ဝါဂွမ်းကို ပြောင်းသယ်သူကဲ့သို့ တရားကို ပိုကောင်းရာဖြင့် အစားထိုးပြောင်းလဲ ရန် တပည့်သားရဟန်းတို့ကို မြတ်ဗုဒ္ဓ အလင်းပြခဲ့ဖူးလေသည်။
ကျွန်တော်သည် မြတ်ဗုဒ္ဓအလိုကျ တရားအသစ်ကို ရှာဖွေရတော့မည်ဟု တွေးမိသည်။ သာသနာသည် ၂၅၀၀ သက်တမ်းတွင် ဘုရားသာသနာ ကုန်ဆုံး၍ သိကြားသာသနာသို့ ချဉ်းနင်းဝင်ရောက်လာပြီ ဖြစ်ကြောင်း မုနိမြတ်စွာ ကိုယ်တော်တိုင်မဟော သော်လည်း ပညာရှင်တို့က ပိဋကတ်တော်မှ ထုတ်ယူဆင်ခြင်သော နည်းဖြင့် expire date ကို တံဆိပ်ကပ် သတ်မှတ်ကြလေပြီ။
သင်္ခါရနယ်တွင် သာသနာလွတ်စေဟု မြတ်ဗုဒ္ဓလည်း ခြွင်းချက်ဖြင့် ဟောမသွား။ မတည်မြဲမည့်အရာကို ကိုယ်တိုင်အသေဆုပ်ကိုင်ထားလျှင်လည်း ပင်ပန်းမည်။ သူတစ်ပါး လက်မမြဲမည်ကို တွေးပူနေလျှင်လည်း သောက မောဟများရုံသာ အဖတ်တင်မည်။
လူသည် မိဘကို ပြန်ပြင် ပြန်ပြောင်း လုပ်မရသော်လည်း တစ်ကိုယ်ရည်ဘဝခရီးအတွက် ယုံကြည်ကိုးကွယ်မှုကို ပြောင်းလဲနိုင်သည်။ အနော်ရထာကို ဗမာဟုဆိုလျှင် အရည်းကြီးရဟန်းတို့ကို ကိုးကွယ်စဉ်က အနော်ရထာသည် လူမျိုးခြားမဟုတ်ခဲ့။ လူမျိုးသည် ပြောင်းလဲပြင်ဆင်၍ မရ။ ယုံကြည် ကိုးကွယ်မှုကိုကား ပြောင်းလဲ ပြင်ဆင်၍ ရသည်။
ထို့ကြောင့်လည်း အနော်ရထာသည် ထေရဝါဒ ဗုဒ္ဓသာသနာကို အလွယ်တကူ ကူးပြောင်းသက်ဝင်နိုင်ခဲ့သည်။ အရည်းကြီးတို့သည် အနော်ရထာအား အမျိုးသားသစ္စာဖောက်ဟု ရိုးစွပ်ခဲ့ကြလေမည်လားမသိ။ အရည်းကြီးသာသနာအတွက် အမျိုး ဘာသာ သာသနာစောင့်ရှောက်ရေး အဖွဲ့များ ရှိခဲ့လေမည်လား။ အရည်းကြီးတို့က မိမိတို့ယုံကြည်ကိုးကွယ်မှုကို အိမ်ရှင်ဘာသာတရားဟုဆိုကာ ထေရဝါဒဗုဒ္ဓဘာသာကို ဧည့်သည်ဘာသာတရားဟု ဆိုခဲ့ကြသေးသလားမပြောတတ်။
ရှင်အရဟံကိုအကြောင်းပြု၍ မင်းနှင့်ပြည်သူတို့ ထေရဝါဒသို့ ကူးပြောင်းနှုန်းများခဲ့လေရာ အရည်းကြီးရဟန်းတို့သည် မျိုးစောင့်ဥပဒေများတော့ ပြဋ္ဌာန်းနိုင်ခဲ့ပုံမရပေ။ နောက်ဆုံးတော့ အရည်းကြီးသာသနာသည် သင်္ခါရသဘောကို မလွန်မြောက်နိုင်သောကြောင့် တိမ်ကောပပျောက်ခဲ့ရပေပြီ။
သာသနာပျောက်သော်လည်း ဗမာ သို့မဟုတ် မြန်မာတို့သည် ဘာသာတရားအသစ်စက်စက်ဖြင့် စိတ်သစ် လူသစ် သစ်လွင်တောက်ပ လာခဲ့ကြပါသည်။
ကျွန်တော့်အဖို့ မြန်မာတို့၏ ထိုအပြုအမူသည် မြတ်ဗုဒ္ဓဟော တရားနှင့်အညီ အဟောင်းကို ပယ်ပစ်၍ အသစ်ကို တွယ်ချစ်ခဲ့ကြသည်ဟုသာ မြင်သည်။
အနော်ရထာခေတ်သည် နှစ်တစ်ထောင်နီးပါး ကြာခဲ့ပေပြီ။ ဗုဒ္ဓ၏ တရားတော်တို့သည်လည်း နှစ် ၂၅၀၀ ကျော်ခဲ့ပေပြီ။ ကျွန်တော်လည်း ဗုဒ္ဓအဆုံးအမနဲ့အညီ တရားသစ်ကိုရှာမည်ဟု စိတ်ပိုင်းဖြတ်လိုက်သည်။
နတ်တို့ဖန် ရေကန်အသင့် ကြာအသင့်ဟု ဆိုရမည်ထင်၏။ သူငယ်ချင်းတစ်ယောက်ကား ခရစ်တော်နှင့် ပတ်သက်သည့် သတင်းကောင်းများကို ကျွန်တော်ထံ သယ်ဆောင်လာလေ၏။
ဆက်ပါမည်။
PK Myanmar
တိမ်တွေပေါ်က လိမ့်ကျခြင်း(၅)
ကျွန်တော်သည် သတင်းကောင်းကို သယ်ဆောင်လာသော သူငယ်ချင်းကို အကြောင်းပြု၍ ခရစ်ယာန် ဘာသာကို စတင်လေ့လာဖြစ်၏။ ဆန်းဒေးစကူးကို စွဲမြဲလာသည်။ ဘုရားကျောင်းတက်ရသည်ကို ကျွန်တော် ပျော်လာသည်။ ဓမ္မတေးသံတို့သည် စိတ်နှလုံးကို သိမ်းကျုံးညှို့ငင်နိုင်စွမ်းရှိသည်။ ဆည်းလည်းသံလွင်တို့သည် ကြည်နူးစိတ်ကို ယိုဖိတ်စေကာ သန္တရသကို ပေး၏။ ခရစ်စမတ်ပွဲတော်သည် ကျွန်တော့်အတွက်ပို၍ သက်ဝင် လှပလာသည်။ ချစ်ခြင်း၊ ယုံကြည်ခြင်းနှင့် မျှော်လင့်ခြင်းတို့ကို နက်ရှိုင်းစွာ သင်ယူခဲ့သည်။ ခရစ်တော်၌ ယုံကြည်ခြင်းဖြင့် အပြစ်တို့ဆေးကြောခံရမည်ကို တွေးမိတိုင်း အိမ်သစ်တစ်လုံးကို ပိုင်ဆိုင်ရသကဲ့သို့ ကျွန်တော်ပျော်၏။ ခရစ်တော်၌ အိပ်ပျော်ရန်မူကား တွေးမိတိုင်း ပျော်အောင်မအိပ်နိုင်သေးပေ။
ကျွန်တော်သည် ၂.၄ ဘီလီယံရှိသော မိသားစုအသိုက်အမြုံကြီးတွင် အပါအ၀င်တစ်ယောက်ဖြစ်လိုခဲ့သည်။ ခက်သည်က စောဒက၀င်တတ်သောညဉ်ဆိုးသည် ကျွန်တော့်အတွက် မကောင်း။ ဘယ်အသိုင်းအ၀ိုင်းနှင့်မှ အံဝင်မည်မဟုတ်တော့ပေ။ ယခုလည်း ကျွန်တော်သည် ထာဝရဘုရားသခင်ကို ယုံကြည်သူတစ်ယောက်ဖြစ် လာစေရန် နှစ်ခြင်းခံသင့်သလော၊ ဖြန်းခြင်းခံသင့်သလော မဝေခွဲနိုင်ပေ။ သရဏဂုံမှသည် ဗတ္တိဇံဆီသို့ အကူးအပြောင်းတွင်ပင် ကျွန်တော်က ကညာစစ်နေမိသေးသည်။
ခရစ်တော်သည် သားတော်ဟုဆိုရာ၌ တင်စားသည်ဟူသော အယူကို လက်ခံရမည်လော။ ခရစ်တော်သည် ဘုရားသခင်၏ သားတော်အစစ်လော။ သုံးပါးတစ်ဆူလော။ တစ်ပါးတည်းဝါဒလော။ ဘုရားသခင်သည် လူ့ဇာတိခံသလော။ လူအသွင်ဖြင့် ဘုရားသခင်သည် လက်ဝါးကပ်တိုင်တင်ခံရလေသလော။ ခရစ်ယာန်ဟု ခံယူပြီးနောက် အယူအဆများ ကြီးမားစွာကွဲပြားနေရခြင်းသည် ကျွန်တော့်အတွက် ရှုပ်ထွေးမှုကို ဖြစ်စေနိုင်ပါသည်။ Baptists သည် အမှန်လော။ Roman Catholics သည် အမှန်လော။ Orthodox လော။ Protestants လော။
မဖြစ်တော့ချေ။ ကျွန်တော်သည် ကျမ်းစာကို အသေအချာလေ့လာမှဖြစ်မည်။ သမ္မာကျမ်းစာကို စ၍ စေ့စေ့ငုငုလေ့လာကြည့်သောအခါ ကမ္ဘာဦးကျမ်းမှာတင် ကျွန်တော်ပြဿနာတက်နေတော့ သည်။ ဘုရားသခင်သည် ကမ္ဘာကြီးကို ၆ ရက်နှင့်ဖန်ဆင်းသည်။ ၇ ရက်မြောက်နေ့တွင် ဘုရားသခင်ငြိမ်ဝပ်စွာ နားနေတော်မူ သည်။ ထိုခုနှစ်ရက်သည် လက်ရှိကမ္ဘာ၏ ရက်သတ္တပတ်နှင့် တူလေစွ။
ပထမနေ့တွင် ဘုရားသခင်သည် အလင်းကိုလည်းကောင်း၊ နေ့နှင့်ညကိုလည်းကောင်း ဖန်ဆင်းတော်မူ သတတ်။ တတိယနေ့တွင် မြက်ပင်၊ စပါး၊ သီးနှံပင်တွေပေါက်စေသည်။ စတုတ္ထနေ့တွင် နေ့ရက်၊ နှစ်အပိုင်းအခြားတို့ ဖြစ်စေဖို့ ကောင်းကင်မှာ အလင်းအိမ်ကို ဖန်ဆင်းသတဲ့။ နေ့ကို အုပ်စိုးတဲ့ အကြီးတစ်လုံး(နေ)၊ ညကို အုပ်စိုးတဲ့ အငယ်တစ်လုံး(လ)နှင့် ကြယ်တွေကို ဖန်ဆင်းသတဲ့။ ကျွန်တော် ချာချာလည်ပေပြီ။
စတုတ္ထနေ့မှ နေနှင့်လကို ဖန်ဆင်းပြီး ပထမနေ့ကတည်းက အလင်းဘယ်ကရပါသနည်း။ နေ့နှင့်ည ဘယ်လိုဖြစ်ပါသနည်း။ နေကို ကမ္ဘာလှည့်ပတ်ပြီးမှ နေ့နှင့်ည ဖြစ်ပေါ်သည်မဟုတ်ပါလော။ ဒုက္ခော။
စတုတ္ထနေ့မှ နေနှင့် လကို ဖန်ဆင်းပြီး သစ်ပင်တွေက တတိယနေ့မှာ ဘယ်လိုရှင်သန်ပေါက်ရောက်ပါသလဲ။ နေရောင်ခြည်မရှိဘဲ သစ်ပင်တွေမရှင်သန်နိုင်ကြောင်း သိပ္ပံအချက်အလက်ကို ယနေ့ခေတ် ကလေးကအစ သိကြသည်ပဲ။
ဘုရားသခင်သတ်မှတ်သော ရက် ၇ ရက်သည် နေ့နှင့်ညပေါင်း တစ်ရက်တဲ့။ ၂၄ နာရီတစ်ရက်လား။ နေ့နှင့်ည ပေါင်းစပ်ပါဝင်သည့်တစ်ရက်သည် ကမ္ဘာ၏ ရက်သတ်မှတ်ပုံ မဟုတ်ပါလော။ ဘုရားသခင်သည် စကြ၀ဠာ နေအဖွဲ့အစည်းတစ်ခုလုံးနှင့် မသက်ဆိုင်ဘဲ ကမ္ဘာနှင့်သာသက်ဆိုင်သည့် ကမ္ဘာပေါ်က ဘုရားသခင်လော။ စတုတ္ထနေ့တွင် နေကို ဖန်ဆင်းပြီး စတုတ္ထနေ့အဖြစ်သတ်မှတ်ရေတွက်နိုင်သော နေ့နဲ့ညအပေါင်း ရက် အပိုင်းအခြားသည် နေမရှိဘဲ မည်သို့ ဖြစ်ပေါ်ပါသလဲ။
ကျွန်တော်သည် သမ္မာကျမ်းစာကို ဉာဏ်ခါးတောင်းကျိုက်၍ မနည်းလိုက်ဖတ်ရသော်လည်း ဘ၀င်ကျသည့် အဖြေကိုကား မရခဲ့ပေ။ ဘုရားသခင်၏စကားတွင် လူ၏အရေးအသားများ စွက်ဖက်ပြင်ဆင်မှုများနှင့် ၀င်ရောက်ခြေထိုးခံထားရသလော။ သို့တည်းမဟုတ် တင်စားချက်များလော။ ဘာသာစကားသည်လည်း တစ်ခါတစ်ရံရှုပ်ထွေးတတ်သည်မဟုတ်လော။
ကျွန်တော်သည် ချစ်ခွင့်ပန်ထားမိသောမိန်းကလေးထံမှ အဖြေရလုဆဲဆဲတွင် ထိုမိန်းကလေး နောက်ကြောင်း မရှင်းသည့်သတင်းကို ရလိုက်မိသကဲ့သို့ ဆုပ်လည်းဆူးစားလည်းရူးမည့်ကိန်း ဆိုက်ခဲ့တော့သည်။ သမ္မာ ကျမ်းစာသည် ဟီးဘရူး၊ အာရမိုက်၊ ဂရိ၊ အင်္ဂလိပ် အဆင့်ဆင့်ဘာသာပြန်ယူထားကြောင်းသိရသဖြင့် ဘာသာစကားတစ်ခုနှင့်တစ်ခု အကူးအပြောင်းတွင် ဤသို့ဖြစ်ကုန်သည်လော။
တကယ်တော့ ဘာသာစကားရှုပ်ထွေးမှု၏ တရားခံသည်လည်း ဘုရားသခင်သာလျှင် ဖြစ်သည်။ ဗာဗုလုန်မြို့ ဖြစ်တည်ခြင်း သမိုင်းအစကို ပြန်ရှုပါလော့။ လူတို့သည် တစ်ချိန်က ဘာသာစကားတစ်မျိုးတည်းကိုသာ ပြောဆိုကြ၏။ နောဧခေတ် ရေလွှမ်းမိုးပြီးနောက် ကျန်ရစ်သော လူသားမျိုးနွယ်သည် စည်းလုံးကာ မြို့သစ်တည်၍ မိုးကောင်းကင်အထိတက်နိုင်သော ရဲတိုက်ကို ဆောက်၏။ ဘုရားသခင်သည် မြို့နှင့်ရဲတိုက်ကို ကြည့်ရှုရန်ဆင်းလာ၏။ ဘုရားသခင်သည် သိစပ်မြင်နှံ့သူမဟုတ်တုံလော။ ဆင်း၍ကြည့်ရသည်ဆိုပဲ။ လူသားသည် လူမျိုးတစ်မျိုးတည်း ဘာသာစကားတစ်မျိုးတည်းဖြစ်သောကြောင့် ဤသို့ ကြံစည်စွမ်းဆောင်နိုင် ကြသည်ကို ဘုရားသခင်လိုလားပုံမရ။ လူတွေအကွဲကွဲအပြားပြားဖြစ်ကာ ဘာသာစကားလည်း ရှုပ်ထွေး စေအောင် ဘုရားသခင်က အမိန့်ပေးခဲ့သည်ဟူ၏။ (ကြည့်- ကမ္ဘာဦးကျမ်း၊ ၁၁း ၁-၉)။
ထို့ကြောင့်လည်း ဘုရားသခင်၏ ကျမ်းစာအပေါ် ကျွန်တော်သည် ဘုရားသခင်အလိုကျ ရှုပ်ထွေးကာ ဆိုလိုရင်းနားမလည် ဖြစ်နေဟန်ရှိပါသည်။
မဖြစ်တော့ချေ။ ကျွန်တော်သည် သမ္မာကျမ်းစာကို အလုံးစုံနားလည်ဖို့ နှစ်ပေါင်းများစွာ ကြိုးစားရပေဦးမည်။ လောလောဆယ်တွင် ယေရှုကိုယ်တော်၏ မေတ္တာတရားနှင့် ဘုရားသခင်အကြောင်းကိုသာ စူးစမ်းလေ
