24/09/2026
🙏🌹 ကျေးဇူးတင်ခြင်းနှင့် မေတ္တာဖြင့် အမှတ်တရ 🌹🙏
“ကျွန်ုပ်တို့သည် ခရစ်တော်၏ ကိုယ်ခန္ဓာတစ်ခုတည်းဖြစ်ကြပြီး အချင်းချင်း အင်္ဂါအစိတ်အပိုင်းများ ဖြစ်ကြသည်။” (ရောမ ၁၂:၅)
စိန်ဖရန်စစ်ဇေးဗီးယား သာသနာအုပ်စုတွင် သြဂုတ်လ ၂၉ ရက်နေ့မှ စက်တင်ဘာလ ၈ ရက်နေ့အထိ စည်းလုံးညီညွတ်စွာ ကျင်းပပြုလုပ်ခဲ့သော ဗေလန်ကန်နီ ကျန်းမာခြင်း မယ်တော်ပွဲတော် အား အောင်မြင်စွာ ကျင်းပနိုင်ရန်အတွက် မိမိတို့၏ အချိန်၊ အင်အား၊ ပစ္စည်းနှင့် စေတနာများကို မျှဝေကာ ပါဝင်ဆက်ကပ်ပေးခဲ့ကြသူအားလုံးကို မယ်တော်၏ မေတ္တာဖြင့် အထူးပင် ကျေးဇူးတင်ရှိပါသည်။ ❤️
🍚 နံနက်ဆွမ်းနှင့် ညဆွမ်း လှူဒါန်းပေးခဲ့ကြသော အလှူရှင်များ၊
🥤 အအေးအလှူ ဖြင့် ပါဝင်ပေးခဲ့ကြသော အလှူရှင်များ၊
🍛 စတုဒီသာအလှူ ဖြင့် ဘုရားဖူးလာသူများအား မေတ္တာဖြင့် ဧည့်ခံကျွေးမွေးပေးခဲ့ကြသူများ၊
🙏 အကျိုးတော်ဆောင်အဖွဲ့ဝင်များနှင့် တာဝန်ရှိသူများ၊
🤝 ပွဲတော်အတွင်း ကဏ္ဍအသီးသီးတွင် တာဝန်ယူဆောင်ရွက်ပေးခဲ့ကြသူများ၊
❤️ ထို့အပြင် မိမိတို့၏ အချိန်နှင့် လုပ်အားကို အားမနာတမ်း ပေးဆပ်ကာ ကျရာနေရာ၊ ကျရာတာဝန်တွင် စိတ်အားထက်သန်စွာ ပါဝင်ဆက်ကပ်ခဲ့ကြသော သာသနာအုပ်စုအသီးသီးမှ လူငယ်မောင်မယ်များ၊ လူငယ် အဖွဲ့ အားလုံးကို အထူးပင် ကျေးဇူးတင်ရှိပါသည်။
ပွဲတော်တစ်ခု အောင်မြင်စွာ ကျင်းပနိုင်ခြင်း၏ နောက်ကွယ်တွင် မြင်တွေ့ရသော အရာများသာမက မမြင်တွေ့ရသော ဆုတောင်းခြင်းများ၊ ပေးဆပ်မှုများ၊ အချိန်များ၊ လုပ်အားများနှင့် စေတနာများ များစွာ ပါဝင်နေပါသည်။
လူငယ်တစ်ဦးချင်းစီမှစ၍ အလှူရှင်များ၊ အကျိုးတော်ဆောင်များနှင့် တာဝန်အသီးသီးကို ထမ်းဆောင်ခဲ့ကြသူများအထိ အားလုံး၏ စည်းလုံးညီညွတ်မှု၊ မေတ္တာနှင့် ပူးပေါင်းဆောင်ရွက်မှု တို့သည် ဤပွဲတော်၏ အလှတရားတစ်ရပ် ဖြစ်ခဲ့ပါသည်။ 🙏
ကျွန်ုပ်တို့၏ လုပ်အားသည် ဆုတောင်းခြင်းဖြစ်ပြီး၊ ကျွန်ုပ်တို့၏ ဆုတောင်းခြင်းသည် မေတ္တာဖြင့် ပြုသော လုပ်အားဖြစ်ပါသည်။
ဗေလန်ကန်နီ ကျန်းမာခြင်း မယ်တော် ၏ အစွမ်းထက်သော ဆုတောင်းမေတ္တာတော်အားဖြင့် ပါဝင်ဆက်ကပ်ခဲ့ကြသူအားလုံး၊ အလှူရှင်များနှင့် မိသားစုဝင်များအားလုံး ကိုယ်စိတ်နှစ်ဖြာ ကျန်းမာချမ်းသာ၍ ဘုရားသခင်၏ ကောင်းချီးမင်္ဂလာများ အစဉ်အမြဲ ခံစားရရှိကြပါစေ။ 🌹🙏
Our Lady of Health of Vailankanni, Pray for Us.
Saint Francis Xavier, Pray for Us. 🙏❤️
အားလုံးကို မေတ္တာနှင့် အထူးကျေးဇူးတင်ရှိပါသည်။
Rev; Fr. Alphones အောင်ကိုလတ်
ကျောင်းထိုင် ဘုန်းတော် ကြီး
စိန်ဖရန်စစ်ဇေးဗီးယားသာသနာအုပ်စု
မန္တလေးမြို့
#𝐦𝐝𝐲 #𝐕𝐞𝐥𝐚𝐧𝐤𝐚𝐧𝐧𝐢
