Ambassador for Christ Kalaymyo

Ambassador for Christ Kalaymyo Mah hi page ahhin thawngtha chimnak a phun phun le bible ca cawnnak tampi in kan vun thlah cang lai.

10/07/2023

Pathian hi kan herh ti kan i hngalh lo lio zongah kan rak herh peng ko. Kan herh ti kan vun i hngalh i kan hlam caan khi cu amah loin kan um khawh ti lo caan khi a rak si tawn. Sihmanhsehlaw, lunglawm tein a kan cohlan thiam ko.

30/10/2020

Chin Miphun le Chin K*mthar

Chin Miphun Thawhkehnak: Miphun pakhat si ve ding cun thawhkehnak a um hrimhrim a herhmi a si. Zei miphun hmanh hi thawhkehnak ngei loin a hung um khomi an um lo. Miphun vialte kan i thawhkehnak cu a hmasa bik ah cun akan sertu Pathian a si ko. “Minung pakhat chungin miphun vialte kha a ser hna i vawlei cungah hin khua a sak ter hna. A hlankan in an caan le an umnak hmun kha a khiahpiak hna” tiah Lamkaltu 17:26 ah fiang tein kan hmuh. Chin miphun kan i thawhkehnak le Chinram kan hung phaknak hi Chinna ram in a rami kan si tiah tuanbia tialtu le chimtu tampi nih an chimmi a si. Ral tuknak ruang ah Tibet ram ah kan zam i Tibet ram in ral ruang theu ah Kawlram chungah rak lut in Chin Dwin tiva kapah khua kan rak sa. Shan ral tih in Kalay Kabaw ah kan i thial hnu ah a tu kan ram Chin State, kan ram teah kan rak um hi a si.

Chin miphun le Chinram: A tu kan umnak Chinram te hi Pathian nih kan umnak ding caah a rak kan serpiakmi ram Pathian sinin kan hmuhmi ro sunglawi, kan ngeihchun kan ram, “Chin Ram”a si. Hi ram ah khua akan saktertu le a hlankan tein kan umnak ding ah arak kan khiahpiaktu cu kan biakmi kan Pathian a si. Kan chimcia bang Chin miphun hi BC 2100 hrawng in BC 2 tiang khi Chinese ram ah kan rak um hnu ah Tibet ram ah kan rat zam hi si dawh a si. Tibet ram in Kachin ram le Kalay Kabaw ah AD 770 hrawng ah kan rak um hnuah Kalay Kabaw in Chinram ah kan rak kai hi AD 1400 hrawng ah a si tiah tuanbia ah kan hmuh khawh. Tuanbia ning a si ahcun Chin State chungah khua kan hung saknak hi k*m 600 hrawng a si cang tinak a si. Tuluk ram in Chin Ram tiang kan rak ratnak k*m le caan hi a sining taktak in kan va theih khawh ti lo zongah a fiang bakmi cu Pathian tinhmi nile caan ah Tuluk ram in Pathian pekmi kan ram teah hin kan ra ti cu a fiangmi a si.

Miphun tling pakhat le ram pakhat nih ngeihmi k*mcaan rel ning: Miphun tling pakhat sinak ding tahfung ah hin ram an ngei hrimhrim lai. Cupinah uktu le uknak phung tha tein an ngei lai. Nunphung siseh caholh siseh an ngei hrimhrim lai i anmah tein k*mcaan relnak an ngei lai timi tahfung vialte hi Chinmi nih kan ngeih dih. Vawlei cungah philh awk a tha lomi Israel miphun hna zong hi, Pathian nih anmah hringsortu Abraham sinah “Na ram chuahtak law, miphun nganpi ah kan ser lai. Ram kan pek lai” tiah bia a kamh lio ah khan ram nan ngeih hlanah na tefe hna cu k*m 400 chung mi ramdang ah sal ah an tang lai a rak ti. Genesis chung ah hin Israelmi nih nile thla k*mle caan an rel ning pakhat hmanh a cuang lo. A ruang cu miphun an si rih loh i ram an ngeih rih lo caah k*mcaan rel ning zong an ngei rih lo. Egypt ram ah sal ah an um caah an umnak ram le nunphung le khuacaan relning nih khan an rak i hrawm ko.Sal in an chuah bak in, Exous 12 ah lanhtakpuai an tuah laiah k*mle caan le nile thla rel ning Pathian nih a chimh hna. Israelmi hna caah thla hmasa bik cu Abib or Nisan thla a si lai tiah Pathian nih a ti. Ram tiam Canan an panh cang caah uknak phunglam le nile thla le k*mle caan rel ning zong ramcar i k*m 40 an um chung ah Pathian nih Moses hmang in a pek dih hna. Cuhna cu Nisan, Iyyar, Sivan, Tammuz, Ab, Elul, Tishri, Marchesvan, Chislev, Tebeth, Shebat le Adar hna an si. Nihin vawleipi nih kan hmanmi k*mcaan relnak hi Rom nih an sermi a si caah anmah Rommi hna nih an biakmi pathian hna min siseh anzumh ning siseh langhtertu hna an si. Nika pathian ‘Sun god’ biakni cu ‘Sun Day’ an ti. Lai miphun zong Pathian nih miphun tling pakhat ah a kan ser caah Ram, Uknak phung le kan biakmi le nunphun hoih in kanmah k*mcaan rel ning zong tha tein kan ngei ve. Tangkhawng, Nohrawng, Vaute, Vaupi, Biangreithlep, Pur, Chiapa, Zing, Tho, Sikpar le Dipa hna an si. Hi kan nile thla rel ning nih hin kan biakmi le kan nuncan sining siseh kan pawcawmnak nungphung tiang fiang tein a langhter.

Miphun pakhat nih ngeihmi nunphung le puai: Miphun pakhat nih kan ngeihmi kan nunphung le kan puai hna hi kan biaknak le kan pawcawnnak siseh kan zumhning siseh fiang tein a langhtertu miphun caah identity pakhat a si. Kawl nih titoih puai an tuahmi nih khin an Budish biaknak ah thluachuah hmuhnak lam le sualthiannak kong an zumh ning siseh an k*m rel ning a fian ter. Israelmi nih Lanhtak puai, Jubilee, Deuthlam puai le Remnak ni ‘Yom Kippur’ an tuahnak nih an biakmi Pathian le an miphun sinak le zumhning tampi in a fianter ve. Cubantuk thiamthiam in Chinmi nih puai kan ngeih mi Khuangcawi, Cakeifim, Chin K*mthar (Thopuai), Khuahrumdo le Hlukhla tibantuk hna nih hin k*m le caan kan rel ning le kan nunphung le sining fiang tein a langhter ve. Cucaah Pathian nih vawlei cung khuaza ram kipah aa tinhmi tlamtlin tertu ding ah a rak thimmi miphun Israelmi hna sinah k*m caan rel ning le puai tuah ning tha tein a rak chimh hna nak a ruang cu an biaknak le miphun sinak in an tlau lo nak dingah le Pathian thatnak an philh lonak hnga caah a si. Pathian nih tinhmi ngei tein puai cu a tuahter hna i, zei i a rellomi cu an phun chungin chuah ding tiang in nawlbia a pek hna.

Puai Tuah ningcang le Lungput: Pathian nih Israelmi hna cu, Lanhtak puai cu Abib thla ah tuah a si lai i sal nan tannak in luatnak an petu hna Pathian philh lonak ah a si lai. Nan techinfa le hna sin zong ah a sullam nan chimh hna lai. Abib thla cu Egypt ram in nan chuah thla kha a si. Deu thlam puai le thlaithar puai cu thluachuahnak an petu hna Pathian philh lonak caah a si lai tiah Pathian nih tha tein a chimh hna. Israelmi nih puai an tuah tikah hin Pathian thatnak le kilvennak philhlonak caah a si. Minung thng ichuahnak caah a si bal lo. Cucaah Chinmi nih laiphung in kan rak ngeihmi Chin K*mthar (Tho puai) kan tuah tik zong ah hin Pathian cu thluachuahnak petu hrampi a sinak kha kan philh lo ding cu a si. Khuahrumdo le thaithar puai hna an rak tuah tik zongah k*m hlun in k*m thar na kan phakter caah kan i lawm. K*mthar chung zong ah thlaici kan thlakmi le kan zuatkhalhmi sathil arva ah punzamnak le nun lu damnak pe kho hna tiah zingnu sinah thluachuah an rak hal tawn ti hi philh lo ding a si.

Lai k*mthar puai le Khrihfa zumhnak: Puai tuah hi Pathian nih a duh maw? Duh e. Duh hlah sehlaw Pathian nih Israelmi a fial hna lai lo. Israelmi sinah puai tuah ding in a fial hmasatu hna hi kan Pathian a si. Kan chim cang bang an puai hna hmanh cu an mahle ni le caan theng te ah tuah ding in a fial tawn hna. (Leviticus 23:1-44, Nam 28:16-26). Nisan thla ah langhtakpuai siseh Tishri ah ‘Yom Kippur’ nan tuah lai tiah a fial hna. Zei caahdah a ni le thla cu a biapit tuk tiah cun cu nile thla nih cun puai kan tuahnak sullam kha a fianter i a kan hngalhter than tawn caah a si. Nunphung le biaknak hi thendih awk a tha lomi thil tampi a um. Chinmi nih Khrihfa kan rak si hlan ah lai phung in kan rak ngeihmi le tuahmi nunphung puai vialte hna kha Khrihfa kan si hunah tuah than kha kan zumhnak he aa ralkah cang ti ding a si lo. Chin K*mthar (Thopuai) an rak tuah ah hin kan pupa hna nih mithi hna rawl an rak hunh tawn hna i thitimh ni le hunpi ni hnaah zupu hna an rak hunh tawn hna caah khrihfa phung he aa kalh i Chin K*mthar cu tuah ding a si ti lo tiah a ruahmi kan tam pi. Chinese ram in ka vun i kenmi zong si kawh a si. Chinese New Year zongah an tuah tawn. Tho puai an rak tuah lio ahhin an lungput taktak cu mithi rawl va hunh kha a si lo. Chinmi cu lothlawh in a paw aa cawmmi kan si caah kan lothlawhmi k*m a vui caan kha k*m dih caan lawmhnak in kan khat caan a si. Cucaah nithla kan relnak zong ah June, July le August khi cu k*m hlun chungah kan lo theipar kan zun ciami a dih lio caan le kan thlawh tharmi lorawl a vui hlan deuh a si caah ‘Pur’ kan phiar caan a si i Pur le Chiapa tiah kan rak ti. Cucaah Pur le June le Julay hna ah cun nupithih hmanh an rak duh lo. August le September cun kan lorawl theipar tete an hung za i Zingnu thawngin theipar tha kan hmuh caah Pur in kan luat tiah ‘thih kan luan cang’ tiah an rak chim tawn. Cucaah Zing Thla, Hniang Thla an rak ti i Pathian thluachuah thar tile rawl i hrawm khi hniang kan i hrawm an rak ti tawn. Rawl an tuan dih thla October thla khi Tho Thla an rak timi cu a si. Cucaah thlaithar a eimanh ve lomi k*m chungah a thimi chungkhar unau hna philh lonak ah mithi siaherhnak he thlaithar tep ve u law, lungdai tein va kal cang u. K*m hlun a dih cang i kan i philh ve cang hna lai, nannih zong nih nan sia vun herh ti hlah u tiah rawl an hunh hna bia si. Cutikah mithi zunngaimi zong an tap ve ti lo. Tho puai nih aa tinh taktak mi cu k*mhlun le k*mthar aa then cang i athimi le anungmi zong kan i then ve cang tikhi si ko. Puai poah poah cu kan tuah tik belah kan tuahnak sullam kha philh lo ding hi a biapimi a si i kan fale hna zong kan chimh hna ding a si. Chin K*mthar tuah a sual lo a tuah ning cu a biapi bik. Israelmi zong an puai tuah ning a dik ti lo caah Pathian nih Isaiah hmang in nan puai hna hi ka fih i an kan nor cang a ti phahnak kha a si. Puai tuah hi Pathian nih a duh lomi si loin a tuah ning cang tu hi Pathian duhning le Khrihfa zunh ning he aa talk in tuah ding a si.

Chin k*mthar tuah a herhnak a ruang: Zei bantuk miphun le ram zong nih hin kan sunhsak ngaimi puai cu k*mhtar hi a si. Zeicatiah kan biakmi pathian cio nih hin k*mhlun ah damnak le thluachuah an kan pek caah k*mthar kan phan kho kan ti cio caah a si. Chinese New Year cu Malaysia, Singapore le Korea hna ah cun a sunglawi taktak. Tuluk miphun an sinak hngalhter thantu puai a si caah a si. Israel miphun le Tuluk miphun hi an umnak hmun poah ah an tlau lonak cu an nunphung puai an sunhsak tuk i an kilven khawh caah a si an ti. Kawlram ah Karen nih an k*mthar puai cu Karen New Year tiah cozah pi theih in an ngeih caah official tein zung an khar piak hna. Chinmi kan k*mthar zong hi Chin miphun tling pakhat kan sinak, kanmah Chinmi sin longah siloin miphun dang tiang nih an kan theihhngalh nak ding identity pakhat a si caah tha tein cozah sin zongah chimrel i official tein hman le tuah khawh ding zong kan i zuam ding a si. 1949 Chin Affairs Council ah October 26,27,28 cu Chin K*mThar tiah cozah nih a rak theihpi cangmi a si tiah kan theih.Nunter than i zuam i Chinmi kan umnak poah ah sunglawingaiin tuah ding a si. Cucaah Tho, Khuado, Fanger, ect,,ti bantuk min tampi bunh loin Chin ah pakaht kan si ko caah Chin K*mthar tiah tuah leng mang ding a si. Chin K*m Thar kan tuahnak thawngin vawleipi le miphun dang hna nih CHIN miphun kan thei dih hna seh.

26/10/2020

US presidential Final Debate le A behbawm.

Tutan a voi hnihnak debate cu a voi khatnak nak in zoh a dawh deuh i moderator zawng thangthat a hlawh ngai. A voi khatnak debate lioah khan Trump nih faktuk in a een tuk deuh caah Trump zawng ruahnak petu nih senate seat 100 ah 35 thim dingmi le house minung thimnak ah an covo a hnursuan lai ti an phan caah ruahnak tampi an cheuh caah a si theu lai. Biden chim lioah bia a el tuk ti lo. Voikhat a mic an phih piak mi dah ti lo cu zohchian a um lo. A mic an phih piak lio hi Obama-care faktuk in ka chim lai a ti lio ah a si. Biden nihcun Obamacare cu tha tein tuah i a hlawhtlin lai caah amin hmanh hi Biden-care tiah theih a si te lai tiah a chim.

Debate ah teitu a hoadah asi timi kong ah an chimmi le an hmuh ning aa khat cio lo nain atlangpi in tutan cu ruahlo piin Trump nih a tei a timi an tam deuh cang. The Daily Wire nihcun a zohtu minung 40000 chung in 100 ah 95 nih Trump nih a tei an ti i Biden nih a tei a titu 100 ah 4 an si. An i tluk ko titu hi 1 an si. CNN nih cun Biden hi 53% an ti i Trump cu 39% a ti thiam rih ko.Debate hmasa ahkhan Biden kha 60% ah le Trump cu 28% in a rak chim. Biden cu 32% tluk sang ah an chiah lioah tutan ah cun Biden cu 14% hrawng ah an chiah. Fox News (News Nation) nihcun Trump 74% le Biden hi 24% in an chim. Anmah le an tanhmi cio nih teinak an hmuh deuh in an chim cio ko. Trump dohtu hna cheukhat nih Biden fapa email kong ah ‘Laptop From Hell From’ tiah Trump nih biafang a hmanmi cu an soisel ngai. Hollywood minthang tampi hna nih an soiselnak an tial cio ve.

Tutan debate minute 90 chung ahhin Trump nih minute 41 le sekanh 16 bia achim i Biden nih minute 37 le sekanh 53 bia a chim ve tiah an ti. Trump hi biachim thluahmah phun rian zong hi ichiah duh lo phun tuah a duhmi poah a tuah thluahmah phun a si lio ah Biden hi cu k*m 77 a si caah maw si hnga a mitkuh cu dek si hnga. A biachim a fumdeuh ko hih. Biden nih minute 90 an i debate chung hi a rau ngai in maw a thieh hnga zeidek, a suimilam aa khihmi cu a zoh lengmang i mipi nih an soisel ngai. 1992 lio ahkhan Bill Clinton le W Bush an rak i debate lio ahkhan Bush nih hin a rak zoh bal ve cang.

Anmah le an tanhmi state cio ah cun minthanhnak an codeuh cio ko lai. National polls hnubik ah Biden cu Trump nakin poit 10 hrawng in a sang deuh an ti. Morning consult polls nihcun Florida state ah Biden cu Trump nakin 7, Michigan ah point 8, Minnesota point 9, Wisconsin point 12 in a sang deuh an ti. Trump dohtu lei nih chim ning ahcun 100 ah 56 nih Trump cu president i thimthan dingah aa tlak lo an ti i 100 ah 29 nihcun congress numbers pawl zawng thim than ding ah an i tlak lo an ti pinah 100 ah 60 nih cun house of representatives hna cu an aiawh in Washington DC ah kuat an phu rih ko an ti ve.

President thar ding ah Trump le Biden nih an i zuam cuahmah lio ahhin November 3 ah a fiang dingmi ah khin a tu hi mahtaduaih 48 leng nih vote an rak thlak chung cang. Vansang ah thlaruk chung hrawng a cam ding Keith Rubin nih cun kan umnak vawllei in Km 500 deng a hlatnak in vote a vun thlak ve. The Los Angeles Time NEWS Un-decided voter nih debate dih bak ah biahalnak an tuah hna tikah minung 8 chung ah pa 7 nihcun debate thawng in Trump vote an timh cang tiah a chim. Un-decided hna nih cun Trump pumpak cu an uar lem lo nain tutan debate i bia achim ning ahcun president si ding dirhmun bakin bia a chim tiah an uar ngai an ti.

Biden nih Trump dohnak caah miakpi phun in a hmanmi hriamnam cu covid hi si ko kaw, Trump nih le FDA FOOD&DRUG ADMISTRATION hnatlaknak in si an chuah colh lai ati caah zei p**a chim ding a um ti lo. Biden nih “Dark Winter” a muimi khuasik caa a ra lio a ti lio ah Trump nih The American Dream tlamtlinternak le communism a duhtu hna i dohnak tu a si deuh a ti. Trump nih cun keimah nan ka thimnak ahcun freedomnan duh tinak a si i Biden nan thim ahcun communism a duhtu Chinna le Russia te hna nih teinak an hmuh lai tinak a si a ti. Teinak ka hmuh ahcun America nih teinak ahmuh a si ko a ti.

Biden hi a van a chia ko rua. Hitluk in campaign ding a tam lio ah a fapa email kong ah biahaltu tamtuk a ngeih caah campaign tuah lo in a inn tang ah aa khup ko. Amah lei tang hna nihucn Trump he debate tuahank ding caah timhtuahnak a ngeihmi si tiah an rak silhnalh piak. Trump nih election campaign rally tuahnak hmun poah ah minung thonghra in thong sawmthum hrawng an chuh tawn lio ah Biden te tuahnak ahcun minung a za hmanh an chuak lo ti a si. Anmah nih cun covid zawtnak ruangah ningcang ngei tein kan tuahmi si tiah an i silhnalh than rau. US NEWS cheukhat zawng hi thil a dikmi tuah an hman ve caah anmah nih Trump hi tanh hna sehlaw mipi tampi nih Trump an tanhnak hi an thanh ko lai nain an langhter duh lo. Australia news le youtube lei tu hna ah hmuh ding a tam ngai.

“Trump campaign ah a auhla cu ‘if I win America win, if Biden win Chinna and communism win” a ti. Polls an lahnak poah ah Biden nih a tei le campaign tuahnak minung tam poah ah Trump nih a teinak hi polls a latu hna hi Biden a tanhtu hna an si caah a si ko. Keimah nih cun mualpho taktak in Trump nih a tei ko lai tiah ka zumh ko hih. US main stream media hna nih Chinna le corona virus kong a chiatnak an chim duhlo mi hrim hi tuluk nih hin a hnu lei in a control hna le si lai ti hi a fiang ko. Biden nih teinak a hmuh ahcun China cu a hnar chung lit chauh piak bantuk a si ko lai. Thlacam lawng kan tuah khawhmi a um.

“Teinak cu Bawipa ta a si”

23/10/2020

Pa Raltha Trump Part 2
(Four more years)

Kawlram democracy thimnak cu a ho nih president a tuan lai zawng theih khawh a si lo caah a fiang deuhmi US lei vun bih rih ko hna u sih. A caan lio a si le umhar phen le theih kauhnak ah si seh awh. Mah le ram cio nih thimnak ah phung an ngeih dih caah US lei thimnak phung ka fian ning in ka vun tial lai i ka palh sual si le comment ah na vun fianter te lai. US lei hi popular vote a tam bik nih president an tuan lem lo. 2016 lio zawng ah popular vote ah cun Hilary nih tamtuk in a tei ko nain electoral vote tam deuh a hmutu nih tei a si caah Trumh nih a teinak kha a si.

US ram ahkhin state 50 le territories hna nih minung an tlawm tam ning in an ngeihmi electoral vote khi a biapi taktak ve mi a si. Sate chungah khin district an i thenthan tikah district pakhat nih electoral vote pakhat an ngei. State a ngan deuhmi le minung tamdeuhnak le district tammi nih cun vote tamdeuh an ngei ve lai tinak si. Trump le Biden nih an si khawh tawk in campaign antuah lai i electoral vote 270 a hmu hmasa poah nih president sinak pi cu an co ko lai. A tam deuh ahmumi nih a tlawm deuh nih hmuhmi zawng ani lak chih ko cang lai hih. Jesuh nih pei a ngeimi cu chapchih an si lai a rak ti ve ko kha.

Kan i fian dingmi cu state cheukhat cu Biden a tanh dihtu state an si ko hnga i an dihlak in vote an thlak ko zawng ah electoral vote ah pakhat lawng an ngeih ko caah vote tamdeuh poah nih tei a si lo kan tinak cu a si. Mah hi 2016 ah Hilary nih mipi vote tamdeuh a hmuh an ti tawnnak kha a si. Polls an lakmi he hin aa khat ko kan ti ahcun afiang men lai. California ah vote tam ngai a hmuh caah a si an ti. Hi bantuk in president thimnak an rak thawk hi 1800 hrawng ahhin lam le sul pehtlaihnak a rak that tuk ve rih lo caah mi zapi khuapi ah vakal riangmaang in vote thlak ahar deuh caah mipi aiawhtu dingah state kip nih president thimtu ding an rak thim hnanak hi a si an ti.

Hi ruang ahhin polls ah Biden nih a tei lengmang rih nak hi a si lai. 2016 polls zoh tikah a dik lotuk mi nihhin tanh hlei ngei in an tuah ti cu a fiang ngai. Polls hi campaign ning phukhat si ve le mu. Trump hi NEWS le polls latu hna nih hin an tanh bal lo. 2016 ah khan Trump nih vote mahtaduiah 59 leng le electoral vote 290 a hmuh i Hilary nih vote mahtaduaih 60 le electoral vote 228 a hmuh. Popular vote ahcun Hilary nih tinghnih leng in a tei ko. Cucaah electoral vote hi a biapi taktak mi si. Zei dang kong cu kan zoh than te lai i tutan ahcun ramdangmi nih Trump maw an vote lai Biden ti deuh kan vun zoh hnih hna lai. Indians le Minak.

Biden nih keimah nan ka vote lo ahcun minak nan si lo tinak asi tiah an vote duh ah bia aa chim sual i a nehhnu ah ngaihthiam a hal than hna a herh diam ai. 2016 lio ah khan minak 100 ah 88 nih Hilary an vote i Trump hi 100 ah 8 lawng nih an vote nain 2020 ah cun 100 ah 20 nih Trump vote an timh cang ti thawng theih a si. Minak tampi lakah khrihfa tha tampi an um ve ti hi theih a herhmi si cang. Liberal lei nih Khrihfa zumhning zeiah an rel ti lomi hi an lung afak ngai cang. 2016 lio ah khan mipeem hna nih hin 100 ah 65 nih Hilary an vote i Trump hi 100 ah 35 lawng nih an rak vote ti a si. 2020 ah cun Trump vote tu an karh hrimhrim lai.

Biden nih Indians vote hmuh duh ah India thisen aa nehmi Kamala cu vp ah a thim ko. US ummi India mi nih hin atlangpi in Democrat hi an vote deuh tawn. Sihmanhsehlaw Trump te party zawng an um sawh vel oh i India President le Trump hmanthlak an I thlakti mi hna tar in, rian tampi an tuan caah an dirhmun a tha deuh nagi cang. Biden nih aa thimmi Kamala kha India nih an rak uar tuk lem lo. India le Pakistan, Kashmir buainak lio hna ah India tanhin bia chim loin ca hna a rak tialtu asi caah an uar lem lo. Cuhlan i Democrat le Indians Americans an ti tawnmi cu si dawh asi ti lo.

2016 lio ahkhan Hilary nih Indians votes 77 a co ti a si. Trumh nih 16 lawng a rak hmuh. 2012 lio ahkhan 82 bak Obama an rak vote baal cang. Atu tiang ning ahcun Indians 66 nih Biden vote an timh i 28 nih Trump vote an timh tiah AIPP nih a thanh nain a dik bak lai ti hngalh khawh a si lo. India le China karlak ral ruang ah India nih Trump aa bochan lai I 100 ah 35 tiang hrawng cu a phan te lai tiah an zumh. Biden le Kamala nih Kashmir buainak ah India an rak thangchiatmi nih khan an vote a tumter lai dah an ti. Indians vote a sunlawi tuk venak cu Florida, Pennsylvania, Georgia, Michigan, North Carolina state ahhin Biden le Trump hi an i tluk ngai caah a si. Indians vote a hlawm in a kalnak poah cu a tling dingmi ah ruah khawh ding a si hnga. Taxsas lei zawng ah Indians vote hi 160000 hrawng aum ti si.

Biden nih minak pawl nih an ka uar ngai lai tiah aa zuam ngainak cu hlawh tlin dawh a si lem lo. BLM buainak vialte cu an vun hlat tikah anmah lei nih ahun in chak an rak renghmi le an control mi a si ti an hngalh ngai cang. Minak vote hmuh duh ah Hollywood minthang tampi sawm in campaign an tuah len nain biaknak thitha hmanh ngeilo le anmah ah zeihmanh ruahchan ding taktak aum lo ti an hngalh than cang. Africans-America pawl sin in vote hmuh aa timh lio ah VP a thimmi nih le anmah lei a si hoi tung lo. African minak tal rak thim sehlaw tha hnga nain an ti. Liberal zumhnak nih US an rolungphun Pathian kan i bocahn timi hmanh hrawh an duh timi le Khrihfa zumhnak an doh i ngeihkhat umti khawhnak ruang ah pastor hna thongah an rak htlakmi hna ruang hrim ahhin minak vote hi Trump lei ah tutan hi tamdeuh a kal theu lai. Trump nih atuan chung ah minak mi hna rian tamtuk a pek khawhmi hrim nih vote tampi ahmuh ter theu lai.

“Khah vote nak nawlkan ngeive tung lo le. Four more years Trump” ding cun thlacam lawng si ko”

22/10/2020

Pa raltha Donald Trump (Four more years)

Kawlram thimnak lawng kan bih i kan ruahnak zawng a bi chin lengmang ve rua. International deuh ah vun kal tuah hna u sih. US lei ah cun an president thar ding ah an duhmi cu vote thlak zawng an thawk cuahmah ko cang. President a tuan ni in nihin ni tiang dohnak le thangchiatnak siseh, a rian tiang in thumh ding ah dohnak le soiselnak nikhat hmanh a dai bal lomi Trump. An thlak khawh lo pinah minthatnak a co chin lengmang ti usihlaw kan plah theng leem lai lo. Vawlei cung president vialte lakah Trump tluk in dohnak atongmi an um lai lo nain Trump tlukin thlacampiaktu a ngeimi zawng an um ve hlei lai lo.

Miraltha Donald Trump: Trump cu politician a silo nain miphun le ram a dawtu a si ve. Chawlehnak ah minthang le mirum pakhat nih US ah president a tuan te lai tihi an rak ruat lem lai lo nain profet pakhat nih cun biaphuan in a rak chim chung cang an rak ti ve. A tuan hlan k*m 40 ah America chanhchuahtu ding ah president Trump timi a chuah te lai a rak ti an ti cu teh. (A phuan lio ah ka um lo hi mu. An chimmi ka chim chinmi si) Aa chuahsual te lai tiah an ruah nain aa chuahsual rih lo. Mi dang hohmanh nih an tuah ngam lomi a tuahmi kan vun zoh hnik hna lai.
1. Khrihfa le nguakhual luatnak. US ram ah Liberal pawl nih Khrihfa bu a ngan deuhmi hna cu an rak hlen hna i tax kan i olh hna lai. Cucaah nan nih cu politics ah cun i tel duh hlah u tiah an rak ti hna i thimnak kong ah zeihmanh chim lo ding phun in an rak hlen khawh hna. Candidate dingmi caah mitha hmanh an chuahpi ngam hna lo. Kan rian asilo tiah an rak ruah. Trump a tuan hnu ah US phunghrampi chungah Church cu tax pe lo ding in covo an rak ngeihmi an vun theih than tikah Trump thawng in church nih luatnak le covo le ralthatnak tampi an hmuh than.(Nule nu, pale pa I umh a duhmi hna zawng an hung con deuh ngai)

2. Minih hngalhkhawh lomi Trump: Trump hi a zia hngalh awk a tha lo. A hrut rua tiah afim, a fimrua tiah a hrutmi a lawnh caan a tampi. A biachimmi nih mikip lung alwmhter lem lai lo nian tuah a duhmi cu a tuah bak. NEWS le midang nih a kong an ceihnak nih aa tinhmi a tlonhter in abuai ter bal lo. Amah phaisa tein president si kho ding in campaign a tuah kho tu a si mi hi khuaruahhar pakhat a si ve. ‘Wall’ a sermi hi tuanbia taktak a si.

3. A dohtu ek an I ceh: Mi pakhat nih misual a timi kha fungfek in faktuk in ka tu a ti tikah a mah lehlam nih a ek aa ceh an ti tawn bantuk in Trump a dohtu poah hi an hlawh tling rih lo. BLM pawl an cawlcanghnak vialte cu caan nih avun phuan tikah left wing pawl nih an rak chuahpi mi buainak a si zia le conference hna an vun tuahve i Hollywood minthang hna biachim an sawm ve hna nain an khuallian hna nih le biaknak hmnah thathi in angei lomi a tak zawng silo mi lemcan sawhsawh in min thangmi an si tikah zeihmanh an si lo zia anmah lila nih an hngalh than hna. Trump a thlithup in a rak ngiathlaitu FBI pawl tiang in an mual apho hui. Atu ah Nancy Pelosi nih le mual pho ding in a um than. Biden nih le eihmuar a hman ning a hung lang than. Hilary kha 2016 thim lai ah secret email arak kuatmi ruangah a sung ti khawh a si. A tuah Biden nih le a fapa computer hard-drive ruangah buainak achuah than. Pathian tinhmi hna si hnga dek maw? Russia bawmhnak thawng in president a tlingmi a si tiah an puh mi cu k*m hnih hnu ah an mual a pho than. K*m 4 chung hi dohnak longin a khat ko.

4. A ralthat maw si a hrut hme? Thil a tuah dingmi achim poah ah a hrut tuk tiah aa ti lengmnag mi le a tuah ahcun vawlei pi hi abuai lai tiah an rak ti tawnmi atuah tikah buainak pakhat hmanh aum lomi le teitu asi mi hi khuaruahhar taktak cu a si. USA ah hin dai tein a hodah apalh timi tha tein thil sining a rak zohtu an tampi ve ko.

a. Obama le Joe Biden VP te nih k*m 8 chung ah rian an chuahpimi nak in Trump nih hi tluk in Covid nih buainak a chuahpi lio zong ah Trump nih rian a chuahpi mi hi a let tamtuk a si caah minak hna ca hmanh ah rian tambik chuahpi tu a si cang.

b. US buainak ruangah mipi nih police pawl mit aunak thei lo in an tuah hna lio ah a thangthat zungzal hna i thazang a pek peng hna.

c. Tuluk cozahpi covid kong ah siseh, chawlehnak kong ah siseh langhngan bakin a doh ngam i a eihmurnak le a diklonak vialte a chim ngam.

d. Ram tampi ah kahdohnak ah teinak a humh i US ralkap cu an mah ram teah hnangam tein a um ter khawh hna. ISIS pawl daidup in atuah ko hna. Minih an rak tih ngaimi hna North Korea le Iran hna cu an hngawng ah hri in sau nawn in a khih hna i a hren ko hna.

e. US president hmasa hna nih tongh zarh ah an rak ruahmi ralpi a chuahpi lai tiah an rak ruahmi hna cu a tuah dih ko.

i. Jerusalem khuapi cu Israel khualipi ah a ser ko. Arab tangti pawl nih an doh te rua lai tiah an tihtuk lio ah chiahdeih hmai ah cun an mei an khumh dih ko.
ii. Iran ralbawi Kamir Solemani zong US ser meiphok in akah i ral dohnak a chuak rua lai an ti lio ah ral a dai diam ko.
iii. Ngunkhuai a tumh ciammaan i US chawlehnak a rawk rua lai an ti lio ah tax a san tuk ruangah US ram a chuahtak cangmi hna nih an rak kir i company an vun dirhthan tikah rian atam than.
iv. Israel khualipi ah Jerusalem cu a nemhngeh ruang ah Arab lei an thin hung tuk lai ti lioah United Arab Emirate (UAE) le Israel cozah karlak ah remnak an tuah khawhmi hi a mak ngaimi a si. Four more years si ko seh.

13/10/2020

US Vice presidential Debate (Mike Pence & Kamala Harris )
Part 2

Tutan VP debate ah Moderator a tuanmi Susan Page hi a thiam rumro tiah an ruah cio theu lai. Naiah atuanmi Chris kha a biachim a sua. Bia anchim lio ah rak chim ve a hmang. Tanhhlei angei deuh tiah anruah cio caah US lei News cheukhat nih cun tuan tlak a si lo tiah an ti cio nain tutan atuanmi Susan hi cu a bia atam lo. Tutan ah biahalnak antuahmi hna hi USA Today nih biahal ding 9 an chuahpimi chungin a si i biahalnak pakhat ah minute 10 lengmang in leh ding a si. Michim nih bia an rakchim karlak ah rak buai tuk ti zong aum len lo.

Moderator hi bia tampi a chim lo. Biahal ding ah an rak timhtuah ciami 9 cu tha tein a hal hna. Duhdan a ngei lem lo tiah an ruah cio. Tuandeuh i atuanmi Chris nak cun an uar deuh cio theu lai. Kamala hi nu a si pinah Vai India (Kula) thisen aa cawh caah a si hnga dek maw, Pence nak cun biachim ah cun a nal deuh ngaingai. Pence tu hi biachim a**l tuk lo nain a duhmi cu tleng lak in duhsak tein a chimmi phun a si. Amui zoh hrim ahhin lihchim hmang ngai ding phun le mi kong ceih hmang ngai ding phun cu a lo lem lo. Trump te nih mask i hruk viar ding in nawlbia an chuah lo tiah an soiselnak hna zong, “US mipi hna nih anmah chiale tha hngalhnak fimnak le duhthimnak tein tuah ko hna seh kan tiah an duhthimnak el zalonnak kan tihzah piak hna caah a si tiah a chim. Trump nih hin US mipi hna an ngandamnak ding hi biapi bik ah achiahmi si ko” a timi hrim hi a fiang ngai. Pum pak nih kan hmuh hna ning in biachahnak cu si te dawh si ko hih.

Kamala nih “Covid ruang ah minung ting hnih an thihnak le minung tamtuk nih zawtnak an tuar caah Trump cu America president vialte lakah riantuannak ah hlawhtling lobik a si pinah hi zawtnak kong zongah zeitindah kan doh lai timi tha tein tuak le timhlamh khawhmi zong an ngeih rih lo caah US hruaitu si than ding in thim an sinak ding lam zong anmah tein an i hrawh dih a si ko cang a ti. Bdien le kannih nih cun tha tein timhtuahnak ka ngei dih cang” a ti. Pence nih a lehmi cu “Biden nih timhtuahnak a ngeihmi cu kan tuahcia mi aa zohchih mi long te si ko khah. Amah nih zeihmanh theihmi le hngalhmi ngaingai angei lo” a rak ti ve. Kamala nih cun Trump cu covid damnak si sernak kong ah bia silo le zumhtlak lomi bia tamtuk a chim lengmang mi a si. Mipi a kan hlengtu a si tiah achim. An moderator Susan nih Trump te nih an sermi si cu na hmang duh lai maw? tiah Kamala cu a hal. Kamala nih US doctor thiamsang hna nih atha ko hmang ko u an ti ahcun ka hman ko lai. Trump nih achim ruang ah si lo in tiah a chap.

US supreme court ah riantuan ding nominee thar thimnak kong ah Kamala nih thimnak hngah ding in le Trump te lei nih hin anmah duhmi long an chiah ti deuh in avun chimmi cu Pence nih zangdam ngaiin Khrihfa ngaihchiater le lungfahter ti phun um ti hlah seh tihi kan duhmi asi tiah tawifiang tein a leh. Tuluk kong ah an lan i Kamala nih Trump nih Tuluk cu chawlehnak kongah aa zuamsual tung i a ngamh than tung lo i a sung ko a timi cu Pence nih a sung na ti maw? Biden nih Tuluk cu a doh ngam bal tung hna lo. Biden tham cu communists pawl an hlawhtlinnak lawmhpi tu men a si ko cu a ti.

Minak le mirang buainak kong ah an luh than i Kamala nih cun Trump cu mirang hna vokbik deuh le an buainak kong ah mirang sual a puh ngam lotu tiah a puh. Pence nih John White a thih ning kha cu a hman lo i atha lo ngai ka ti ko nain mi dang nih dawr an hrawh i inn hna an khangh i buainak an chuahter mi kha cu thiam ka coh kho bak hna lo a ti ve. Pence nih fianghlang tein Kamala cu nangmah zong biaceihtu an si ko i mirang nakin Latin Americans le Latino hna nih nawl an buar deuh ti cu na hngalh tuk ko hme cu a ti.

Kamala nih ngunkhuai kong theu ah aluhpi than i “Trup nih tax $ dollar 75 lawng a pek an ti lio ahkhan a si lai lo an i palh le si ko lai. Ting 750 si ko lai tiah ka ti nain a rak si lo. Dollar 75 bak si ko tiah biaeng in avun chim than. Pence nih cun America mipi nih hin president chawleh thiammi rian ngeilo mi hna rian tampi aserpiak tu siseh, tax a phunphun payroll tax le property tax ti bantuk in dollar relcawk lo in a luhter zungzal i riantuan ding tampi achuahpi tiin a leh diam.

Tanhmi ngeicia in a rak zohtu hna nih cun anmah le tanhmi nih a tei an ti cio ko lai dah. Kamala siseh Pence siseh anmah an pu le thatnak tha tein an chim thiam veve mi hi fak an um ngainak cu a si. US lei poll lak ning ahhin Trump te lei hi an sung deuh peng. US media cheukhat hi Trump a rem lotu an tam deuh caah zumhthlu awk zong an tha lo. 2016 lio bantuk hna kha site hnga dek maw? a caan nih lairel te ko ne seh. Nang ho deh na zumh deh I na tanh deuh ve.

Address

Kalemyo

Telephone

00959264546702

Website

Alerts

Be the first to know and let us send you an email when Ambassador for Christ Kalaymyo posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Ambassador for Christ Kalaymyo:

Shortcuts

Share

Category