PCM Tahan Hmarveng CRT

31/10/2021

CRT RAWNGBAWLNA REPORT
September – October

Thangmawia, CRT Secretary

September thla chhunga rawngbawlna

September thla chhungin dam lo mi 17 tanpui an ni. Thla hmasa lam ang bawkin dam lote hi oxygen concentrator leh oxygen bur bunsak an ni a, an mamawh dan azirin Step-Up bunsak an ni a; dam lo hri vei nia inringhlelte test an ni bawk.

September ni 7 khan kan kohhran (Synod) pastor mi 9 leh kohhran dang pastor mi 2, an vaiin mi 11 te chu Moreh-ah CRT kal tlangin Indian vaccine (Covishield) chiu an ni a; driver 3 leh CRT volunteer member 1 te breakfast, lunch senso leh motor 3 petrol tumsak a ni.

Pu Lalruatsanga (S/o Rev. Ralkunga) leh Pi Vanlalmalsawmdawngkimi (PCM, Tahan Venglai) ten CRT volunteer-te tan Covishield valve 2 min pe (donate) a; kan CRT Leader Pu Charles Zothangpuia leh CRT-in valve 1 lei belhin September ni 22 khan mi 35-in Covid-19 vaccine an inchiu. Covishield min petu Pu Lalruatsangate nupa chungah kan lawm hle a ni.

September ni 29 khan kan kohhran Phai Synod-a office staff mi 6 chu Moreh-ah CRT kal tlangin Indian vaccine (Covishield) chiu an ni a. Moreh lama lo buaipuitute hnenah CRT-in thingpui man (love gift) a pe.

September 20 khan CRT rawngbawlnaa hman tur motor (Caldina Car) lei a ni. Rawngbawlna atana motor kan nei thei hi kan lawm hle a ni. September 28 khan khawsik tehna Termometer pangngai 2 leh chal kaha khawsik tehna 1 lei a ni bawk.

October thla chhunga rawngbawlna

Dam lo mi 3 oxygen concentrator, oxygen bur leh Step-Up te bunsaka tanpui an ni. Dam lo mahni inringhlel 8 test an ni a; chung zinga pathum chu an positive a; Pathian zarah an dam tha leh thuaiah kan lawm hle. Tunah hian dam lo mi 1 oxygen concentrator leh Step-Up bunsakin kan tanpui mek.

October 24 khan Tahana kan Synod pastor mi 9 leh kan kohhran (PCM, Tahan Hmarveng) Upa mi 5 hnenah Face mask (KF 94) 10 theuh sem a ni a; October 25 khan Pu Lalruatsangate nupa min pek (donate) Indian Covid-19 vaccine (Covishield) valve 2 leh Pu Charles Zothangpuia leh CRT lei belh valve 1 hmangin mi 35 te chu vaccine vawi hnihna chiu an ni. Pu Lalruatsangate nupa min pek vaccine valve 4 hi tun lai vaccine mana chhutin cheng tam tak man a ni a; kan lawm hle a, hemi ni hian CRT hmingin lawmthu sawina citation hlan a ni. CRT hmingin vaccination card siam a ni a; 30 October 2021 khan card sem chhuah a ni a; vaccine min chiu-tu leh vacination card-a hming min sign saktu doctor hnenah lawmthu kan sawi mawlh mawlh a ni.

October thla chhungin kan kohhran member dam lo mi 2-te chu CRT motor-a hospital kalpui an ni a; hetianga kohhran member dam lo kan tanpui thei hi kan lawm hle.

22/09/2021

16/09/2021

Covid Vaccines နဲ့ Covid-19ရောဂါ

Covid ဖြစ်ပြီးပေမဲ့ နေကောင်းကျန်းမာနေပြီဆို စိတ်ချရတဲ့ဆေးရပြီဆိုတာနဲ့ ထိုးသင့်ပါတယ်

👇🏻👇🏻👇🏻👇🏻👇🏻

ကိုဗစ် ပိုးဝင်ပြီးနောက် COVIDကာကွယ်ဆေးထိုးဖို့ ဘယ်အချက်တွေကို လိုက်နာရမလဲ?
WHO နဲ့ CDC က ဘယ်လို အကြံပေးထားလဲ?.................................................………………..

ခုတလော လူတော်တော်များများက ကိုဗစ်ပိုး ၀င် ပြီး ပြန်ကောင်းနေကြပြီ။
ဒါပေမယ့် အခုသူတို့တွေ စိတ်ထဲမှာ မသေချာတာက ကာကွယ်ဆေး ထိုးဖို့လိုသလား ၊ ဘယ်အချိန်ထိုးရမလဲ ၊ မထိုးပဲ နေလို့ရလား ဆိုပြီး ဖြစ်နေကြပါတယ်။

💉ကိုဗစ်ပိုး၀င်ပြီး COVID Vaccine ကာကွယ်ဆေး ထိုးဖို့လိုမလားဆိုတာကတော့ ထိုးရပါမယ်။

WHO ကပြောကြားချက်အရဆိုရင်တော့
ကိုဗစ်ပိုး ၀င်ပြီးရင် ပေါ်လာတဲ့ Immunity ကိုယ်ခံအား က ခန့်မှန်းခြေ ၃ လမှ ၆ လထိ ကြာနိုင်တယ် လို့ သတ်မှတ်ထားပေမယ့်
တိကျတဲ့ research တော့မရှိသေးပါဘူး။
တချို့ လူတွေမှာ Reinfection ထပ်မံ ပိုး၀င်ရောက် မှုတွေ တွေ့ရပါတယ်။

Vaccine ကာကွယ်ဆေးထိုးခြင်းက Covid ပိုး တကြိမ် ၀င်ရောက် ပြီးတဲ့သူတွေမှာလည်း ကိုယ်ခံအားကို ရရှိ‌ စေနိုင်ပါတယ်။

⏱ ကိုဗစ်ဖြစ်ပွားပြီး ဘယ်အချိန် မှာ ထိုးရမှာလဲ?

American CDC ကပြောထားတာကတော့
ကာကွယ်ဆေး ရနိုင်တယ် ဆိုရင် သာမာန် လက္ခဏာ Mild Symptoms သို့ Asymtonmatic လက္ခဏာ မရှိသူတွေကတော့ သတ်မှတ်ထားတဲ့ Quarantine အချိန်ကျော်သွားရင် ထိုးလို့ရပါတယ်။
ပြင်းထန်အဆင့် ရှိတဲ့သူတွေက ၂၈ ရက်ကျော်ရင် ထိုးလို့ရပါပြီ။

သွေးရည်ကြည် ကုထုံး Convalescent Plasma (သို့ ) ပဋိဇီဝဆေး Monoclonal Antibody ကုသမှုခံယူထားတဲ့သူတွေကတော့ ဆရာဝန်နဲ့ သေချာ တိုင်ပင်ပြီး မှ ကာကွယ်ဆေး ထိုးရပါမယ်

လောလောဆယ် ကာကွယ်ဆေးထိုးဖို့မလွယ်ကူသေးရင်တော့ ကိုဗစ်ဖြစ်ပွားပြီး ၃ လ အတွင်းမှာတော့ ထိုးဖို့လိုပါတယ်။

👨‍🔬COVID ပိုး ၀င်ပြီးရင်လည်း ဘာလို့ Vaccine ကာကွယ်ဆေး ထိုးဖို့ လိုအပ်တာလဲ ??

Vaccine ကာကွယ်ဆေးထိုးထားတဲ့သူတွေဟာ Covid ပိုး ၀င်ပြီး Antibody ရပြီးတဲ့ သူတွေထက်ပိုပြီး ကာကွယ်မှု Protection ရတယ်ဆိုတဲ့ လေ့လာမှုတွေ ရှိပါတယ်။

COVID Vaccine ထိုးခြင်းက နောက်တကြိမ် ကိုဗစ်ပိုး ၀င်ရောက်တဲ့အခါ ရောဂါပြင်းထန်မှု Severity နဲ့ Mortality ကို လည်း လျော့ချပေးနိုင်ပါတယ်။

Two doses Vaccine နှစ်ကြိမ်ထိုးရတဲ့ ကာကွယ်ဆေး တွေက ဒုတိယ အကြိမ်ထိုးပြီး နှစ်ပတ်အကြာမှ antibody တွေစ‌ ပေါ်လာမှာပါ

ကာကွယ်ဆေး ထိုးပြီးရင်လည်း Universal Precaution ဖြစ်တဲ့
😷Mask တပ်ခြင်း
🤗လက်ဆေးခြင်း
⛔ခပ်ခွာခွာနေထိုင်ခြင်း စတာတွေကို ဆက်လက် လုပ်ကိုင်နေဖို့ လည်း လိုအပ် နေပါ ‌‌ သေး တယ်လို့ American CDC က ပြောထားပါတယ်။

Credit

02/09/2021

PCM TAHAN HMARVENG COVID-19 RESPONSE TEAM
RAWNGBAWLNA REPORT
(August 2021)

Thangmawia, CRT Secretary

Pathian kaihhruaina zarah CRT chuan Covid-19 hri veia damlote a tanpui chhunzawm ve thei zel a – thla hnih chhung damlo tanpui rawngbawlhna a thawk ve ta reng mai le. August thlaah chuan boruak tlemin a veng deuh a; July thlaa Tahan leh a chhehvela hri leng dinhmun nena khaikhin chuan kan zia tawh ang reng hle. Hri avanga thi zat a hniam hret hret a; Kawlkulh Covid-19 Center leh Kawlpui lama Aar-man Covid-19 Care Center te pawh khar a ni ta nghe nghe. Amaherawhchu, hri veia damlo, mahni ina inenkawl eng emaw zat an la awm a; chhungkua-a mahni ina damlo khum bet tanpui ngai erawh an la awm nual bawk si a ni.

August thla chhunga CRT rawngbawl dan tlangpui

CRT member-te chu thla hmasa (July thla) ang bawkin zing atangin biak inah ni lengin an duty a; damlo mahni ina inenkawlte choka mamawh an bazar-sak a, damlo an test a, damlo inchiu duh leh drip inkhai duhte tan home nurse kohsakin nurse kal tlangin doctor an rawnpui a, damdawi an leisak a, oxygen mamawhte inah oxygen bur leh oxygen concentrator-te an bunsak a, electric power nei tha lote hnenah Step-up leh Generator an bunsak nghal bawk. Home nurse koh kal man, nurse hak tur hri invenna thuam famkim (PPE, cap, glove, mask, faceshield, etc.) leh Rapid Antigent Test Kit te CRT-in a tumsak a, damlo chhungkuate dinhmun azirin damdawi man a tumsak bawk; bazar man pawh a tul angin an lo tum lawksak a, a remchangte erawh chuan mahniin an intum thung. Heng bakah hian damlo mahnia in-test duhte hnenah Rapid Antigent Test Kit a thlawnin a pe chhuak a; a thlawnin damlote oxygen level tehna oximeter leh Thisen thlum test-na khawlte a hmantir bawk.

Damlote tanpuia rawngbawlna

August thla chhungin CRT-in damlo leh in-test duhte hnenah a thlawnin Rapid Antigent Test Kit 43 a pe chhuak a; volunteer member-te leh home nurse kaltlangin mi 38 test an ni a; chu’ng zinga mi 24-te chu hri veite an ni. Damlo hri veite chu an dinhmun azirin bazarsak, damdawi leisak leh home nurse kal tlangin doctor rawihsak an ni a; thisen en fiah (test) ngai an nih chuan doctor emaw nurse thisen lak chu CRT-ten clinic leh hospital lamah an va dah a; test result an lamsak bawk thin. Damlote an lo dam that thlengin ni tin an tul mamawh phone-a ngaihvenin an pui thin. Damlo mi 24 bakah hian damlo dang (hri vei) CRT-a rawn in-report te chu an dinhmun leh CRT resource neih enin tanpui an ni a; khual khua atanga Tahana damdawi rawn tlan (damdawi ina mu lut) oxygen mamawh mi thahnem takte chu oxygen bur leh oxygen concentrator hmanga tanpui an ni.

Oxygen mamawhte hnena rawngbawlna

CRT chuan mi vophal tak tak mi mal, chhungkua leh tuipui rala pawlho leh kohhranho hnen atangin rawngbawlpuina sum a dawng ve zel a; chu’ng sum tling khawm atang chuan August thla chhungin oxygen bur 25 (40 lit. bur 20 leh 15 lit. bur 5) a lei belh a; tunah hian oxygen bur 47 lai a nei ve ta a ni. August thla chhunga oxygen bur hmanga damlo a tanpui zawng zawng chu mi 12 an ni a; khaw hrang hrang 6, kohhran 9-a lawite an ni. Oxygen bur hmanga damlo 12-te hnena oxygen a pek chhuah belhkhawm chu lit. 1,422 a ni.

Ram pawn (Mizoram leh ram dang)-a thian tha (mi mal) te, thianzaho te pawlho te leh kohhranho te rawngbawlpuina sum tling khawm atangin current hmang oxygen hip theihna oxygen concentrator khawl 12 (10 lit. 9 leh 5 lit. 3) lai a neih belh theih hlauh mai a; tunah hian oxygen concentrator khawl 18 lai a nei ve ta a ni. CRT chuan sum petu, sum zawnsaktu (fund raiser) leh khawl petu zawng zawngte chungah lawmthu a sawi mawlh mawlh a; Lalpan a let tam takin malsawm rawh se, tih hi a tawngtaina a ni. August thla chhunga oxygen concentrator hmanga damlo a tanpui zawng zawng chu mi 18 an ni a; khaw hrang hrang 9, kohhran 12-a lawite an ni a; Buddhist 1 a tel bawk. Khawl hi oxygen an mamawh chhung zawng bunsak an ni a; khawl chawlh chhunga invenna tur oxygen bur chhawpsak an ni bawk. Concentrator filter silfai ngaite chu a hunbi-ah an tihfaisak thin bawk a ni. Damlo 18-te oxygen level (oxygen flow-meter) hman dan leh khawl an hman rei dan atanga chhuta chawhrualin damloten concentrator hmanga oxygen an hip zat chu lit. 9,825 hu ang vel a ni.

Oxygen hi a thlawna pek a ni a; damlo mamawh dan azirin CRT volunteer-ten damlo inah oxygen bur leh oxygen concentrator an bunsak a; bur ruak leh khawl senghawi lamin mawhphurhna an la thin a ni. Damlo zingah oxygen bur leh oxygen concentrator hmanga thuang hniha a tanpui an awm nual a; August thla chhunga oxygen ngaihtuahsaka damlo a puih zawng zawng belhkhawm chu mi 19 an ni a; oxygen a pek (a sem chhuah) zawng zawng belhkhawm chu lit. 11,247 vel a ni.

Tlangkawmna

Ni tin mahni hna kalsana ni sa leh ruahsur pawh pawisa loa damlote tanpui tura pen chhuak thin CRT member-te inpekna hi a ropui hle a; dam taka rawng an bawl chhunzawm zel theih nan tawngtaipuina an mamawh hle. Kar khatah vawi khat an in-test thin a; Pathian zarah thla 2 chhungin hri kaia dam lo an awm lo a, a lawmawm tak zet a ni. Hri doa pen chhuak an nih angin an mamawh damdawi (vitamin) pek an ni a; eiin tuituahsakin leh chaw chhun buatsaihsak an ni bawk. Duty-te tana eiin chi hrang hrang leh he rawngbawlna a kal chhunzawm zel theih nana sum thawhtu ram chhung leh ram pawna mi vophal tak tak mi mal, chhungkua, thianzaho, pawlho leh kohhranho chungah CRT-in lawmthu a sawi mawlh mawlh a; phal taka sum thawhtu zawng zawngte Lalpan a let tam takin malsawm rawh se.

26/08/2021

အော်.... made-in-kalay ဆိုက်တွဲလေးနှင့် အကူအညီ လိုအပ်နေသူ လူနာဆီသို့အရောက် ..... O2 အိုး နှင့် စက်
နေပူ၊ မိုးရွာမရှောင် ပေးပို့နေတဲ့
CRT ပရဟိတအသင်းမှ အခမဲ့ငှါးရမ်းပို့ဆောင်ပေးနေတဲ့ ဒီနေ့ပုံရိပ်တစ်ချို့
----------
Kalay Tahan vela fit chawp, Saih-țuai (sidecar) pakhat an neih chhun te chu hawl chhuakin Oxygen bur leh a khawlte chu damlote puih nan an ina hunsak turin a thlawna hawhtir leh phurhsak vekin an han inphur bawr laih a. An tlan chhuak ve leh nel nel zel a. An chuti ni tin ta mai a.
A thlawnin:
- Damlo an test a. An lo positive chuan
- An bazarsak a
- bazarna man an tumsak lawk thei bawk a.
- Oxygen an mamawhin an zawnsak bawk a
- Oxygen lei tur a awmin an lei khawl a.
- Mamawh an awmin a thlawnin an sem leh a.
- An hip reng a tulin Concentrator an bunsak.
- Khawl chhawkna tur a bur an hunsak leh a.
- An lo damin an senghawisak leh vek bawk a.
- Damlote dinhmun hriat nan an phone zui reng
- Phone kal tlangin an la tawngtaisak zui a
- Damlote an lo damin lawmthu an inhrilh tawn
- Damlo an chhan theih lohvin pawi an ti thin
- Kohhranhote chu an rinchhan a.
- An rinna leh thiltih chu Damlo tanpui ngaiteah
- Kohhran, Sakhua, leh Hnam an thliar thiang lo
Kan lo dam tlan zel theih nan...

18/08/2021

နေ့တိုင်းနေ့တိုင်း အောက်စီဂျင်စက်များကို
ဆိုဒ်တွဲ​မောင်းနှင်ပြီး လူနာအိမ်အထိ အရောက်ပို့ ဝင်တပ်ဆင်ပေးနေတဲ့ CRT အဖွဲ့သားများ၏ အခမဲ့ ငှားရမ်း၊ဝန်ဆောင်မှူပေးနေပုံများ

လိုအပ်သူထံလိုရာအရောက်
မတတ်နိုင်သူထံ မျှဝေလျက်
ပြည်သူမှပြည်သူသို့
ဒို့မြို့ကလေး ကွယ်ကာ ရိုင်းပင်းကူညီရင်း
တန်ဖိုးမဖြတ်ထိုက်တဲ့ အခမဲ့
သူတို့ရှင်ဖို့အရေး
"Help them Breathe"

13/08/2021

⚠️ကလေးမြို့နှင့် အနီးတဝိုက်မှ Oxygen လိုအပ်နေသူများနှင့် နေမကောင်း/မကျန်းမာသောသူများအတွက်⚠️
☣️ဆေးရုံတတ်နေသောသူများသော်လည်းကောင်း၊ မိမိအိမ်မှာကုသနေကြသောသူများသော်လည်းကောင်း Oxygen နှင့် အခြားသောအကူအညီလိုအပ်နေသောသူများကို ကူညီနိုင်ရန်အတွက် Oxygen Concentrator စက် ၁၁ လုံးအား အခမဲ့ ငှားပေးနေပါတယ်။ အသည်းအသန်နေမကောင်းသူများအတွက် Nebulizer (Atomization) ပါဝင်သော 10 Ltr စက် ၅ လုံးကိုလည်း အခမဲ့ငှားရမ်းပေးနေပါတယ်။
☣️နေမကောင်းသူများအတွက် နေအိမ်သို့အရောက်ပို့ဆောင်ပေးနေပြီး စက်သန့်ရှင်းရေးလုပ်ပေးခြင်း၊ filter လဲပေးခြင်းများကိုလည်း တပါတည်းဆောင်ရွက်ပေးနေပါတယ်။ အသုံးပြုနည်းနှင့် ဆောင်ရန်ရှောင်ရန်များကိုလည်း ရှင်းပြပေးပြီး EPC မီးအားနည်းခြင်းကြောင့် ဗိုဒ်အားနည်းနေသောနေရာများတွင်လည်း Transformer(Stepup) ပါ တပါတည်းတပ်ဆင်ပေးနေပါတယ်။ မီးမလာသောအချိန်များတွင်လည်း အသုံးပြုနိုင်ရန် Generator မရှိသောသူများအတွက် Generator ကိုပါ တပါတည်းဆောင်ရွက်ပေးနေပြီး Concentrator အနားပေးသောအချိန်တွင် ခေတ္တအသုံးပြုရန် Oxygen Cylinder များလည်း ပံ့ပို့ပေးနေပါတယ်။
☣️ငွေရေးကြေးရေးအခက်အခဲဖြစ်နေသောသူများ၊ မိသားစုအဆင်မပြေမှုကြောင့် ဆေးရုံမတတ်နိုင်သောသူများကိုလည်း Nurse ခေါ်ပေးခြင်း ဆရာဝန်များနှင့်တိုင်ပင်ပေးခြင်းများကိုလည်း ဆောင်ရွက်ပေးပါတယ်။ Antigent, Antibody နှင့် ဆီးချို၊ သွေးချိုစစ်ရန် လိုအပ်လာလျှင်လည်း လူနာအခြေအနေအရ စီစဉ်ပေးပါတယ်။ Oximeter နှင့် Flowmeter မရှိသောသူများကိုလည်း ငှားပေးနေပါတယ်။
☣️ယခုလို နိုင်ငံရေးအခြေအနေနှင့် ရောဂါအခြေအနေများကြောင့် ကလေးမြို့နှင့် အနီးတဝိုက်မှာရှိတဲ့ နေမကောင်းမကျန်းမာသောသူများကို PCM Tahan Hmarveng အသင်းတော်မှ လျစ်လျူရှုမနေနိုင်ပါဘူး။ အကူအညီလိုအပ်ပြီး စိတ်ပင်ပန်းနေသောသူများကို ဘုရားသခင်ရဲ့နာမတော်အားဖြင့် မိမိတို့တတ်စွမ်းသလောက်ကူညီပေးဖို့က CRT အဖွဲ့ရဲ့ ခိုင်မာတဲ့ ရည်ရွယ်ချက်ပဲဖြစ်ပါတယ်။

13/08/2021

Tahan leh a Chhehvela Oxygen Mamawh Renga Damlo Mangangte Tan ⚠

☣ Damdawi inah a ni emaw, mahni inah a ni emaw, oxygen mamawha damlo mangang takte puih nan CRT chuan Oxygen khawl Concentrator 11 chu a thlawnin a hawh chhuahtir reng a. Damlo serious tak tanah pawh Nebulizer (Atomization) tel nghal liter 10 Dublin chhuak khawl 5 a nei a, a thlawnin a hawh chhuahtir thei reng a ni.

☣ Damlo awmnaah a phurh thlensak a. Khawl tihfai a tulin filter thlaksak pawh tihsak nghal vek thin a ni a. A hman leh control dan hre thiam lote pawh a hman dan kawhhmuh dap thin a ni a. EPC Current tha tlem tan Transformer (Stepup) a chhawpsak nghal thei a. Current awm loh changa tihnun tur Power Generator nei remchang lote tan Generator a hawh chhuahtir thei bawk a. Concentrator a sat huna a chhawk nan Oxygen bur pawh a supply thin bawk.

☣ Damlo mangang leh sumpai harsatna avang te, chhungkaw dinhmun avanga damdawi in pan remchang lo tan Nurse a kohsak thei a. Doctor pawh a rawnsak thei a. Antigent, Antibody leh Blood Sugar (thisen thlum) Test chi hrang hrang pawh damlote dinhmun enin a ngaihtuahsak thin bawk. Nei remchang lote tan Oximeter leh Flowmeter pawh a hawh chhuahtir reng a ni.

☣ He Hripui leng leh ram insorkarna tluk chhiat avanga Tahan leh a chhehvel damloh manganna tawkte hi Kohhran chuan a en liam mai mai thei lova. A theih leh tlin ang tawkin manganna tawkte tan tanpui vartu hnai reng Krista rinchhanin a theih chin chin mangangte dinpuia chhawmdawl hi a tum ber a ni.

04/08/2021

PCM, TAHAN HMARVENG COVID-19 RESPONSE TEAM
RAWNGBAWLNA REPORT

(June 30th – August 2nd, 2021)

Thangmawia, CRT Secretary cm Treasurer

Covid-19 hripui lengin June thla atangin Kalay Township leh Tamu Township min dap chhuak a ni ta ber a. Kan kohhran PCM, Tahan Hmarveng member zingah hri vei chhungkua in 10 vel leh damlo zual deuh oxygen mamawh an awm takah chuan kohhranin June 29th khan Special Meeting a ko a; hemi ni la la hian Covid-19 Response Team (CRT) committee a din ta nghal a. Chu committee chuan kohhran thalai zingah response team tana in-volunteer thei a zawng nghal a, mi 8-in hming an rawn pe a, kan lawm hle.

PCM, Tahan Hmarveng kohhran hi kohhran ding hlim, k*m khat tha awrh chauha upa a ni a, sumpai leh bungrua mamawh a la ngah hle. Chutia Covid-19 Response Team (CRT) a’n din takah chuan sum sih chhuah a lo ngai a. Kohhran hruaituten beng s***n ngun takin an ngaihtuah a. Sumpai lama mahni dinhmun hre reng chungin member-te leh khawtlangin kan hmachhawn mek hripui leng avanga kan buaina chu thlir liam mai mai chi niin a ngai lo a, kohhran member damlote hman tur oxygen 15 Lit. bur 5 leh bungraw chi hrang hrang (PPE, surgical gown, mask, hrik thahna hlo, cap, mask, adt.) a lei ta rup mai a. Kohhran hmalakna chu member-ten an thlamuanpui hle.

CRT rawngbawl dan tlangpui

CRT member (CRT committee member leh volunteer member)-te chu July ni 1-ah ko khawmin thil pawimawh hriat tur inhrilh leh zir ngaite inzirtira training pek an ni a; hmalak (rawngbawl) dan tur sawi ho a ni bawk. Ni 2 July atangin CRT member-te chu biak inah zing 7:00 – tlai lam 6:00 thleng an duty tan a. Kohhran member damlote phone kal tlangin an kan kual a; oxygen mamawhte hnenah oxygen bur an pe a; Home Quarantine-a awm damdawi leh choka mamawh leisakin an bazar-sak bawk. Ni 3 July-ah CRT chuan kohhranin Covid-19 Response Team (CRT) a din thu te, damlo thawk lama harsatna neite tan oxygen bur kohhranah a hawh theih thu te, Home Quarantine-a awmte tan hriat tur thu pawimawh te, tanpui an ngaih huna tanpui tura biak ina thalai duty an awm reng thu te leh hruaitute biak pawh theihna number te lehkhaa tichhuakin kohhran member inah a sem kual bawk.

CRT chuan kohhran member damlote oxygen bur an hawh mai bakah oxygen thun man a tumsak bawk. CRT member-te chu oxygen thunna hmunah an va intlar thin a, oxygen an thuntir a; oxygen thun khahsate chu damlo oxygen mamawhte inah an va dah thin a ni. Bazaar leh damdawi senso erawh damloten an tum thung. Kohhran member zinga damlo, ina in-test duh te, inchiu duh te leh drip in-khai duhte tan CRT-in home nurse a kohsak a; nurse hman tur PPE, mask, lukhum, kut-bun, ke-bun leh Rapid Antigen Test a tumsak a; damlo dinhmun enin nurse koh kal man (service charge) a tumsak bawk. Home nurse kal tlangin damlote tan phone/ hmanga doctor biak rawn tur a zawnsak a; phone bill leh doctor rawn man chu CRT tum a ni.

CRT-in damlote phone kal tlanga a kan kual thin bakah bialtu pastor Rev. Lalhmangaiha leh Rev. Lalriliana (AMS)-ten damlote chu an tawngtaisak thin a; CRT-in phone bill a thunsak thin a ni. 20 July 2021 khan CRT-in arsa sawhchiar khai 200 vel siamin damlo a puih mekte, Agape Hospital leh Community Covid-19 Treatment Center-a damlo leh thawktu/volunteer-te leh Zawlbuk, TMTP (Central), Chin Pawlpi (Center) leh Myohla Task Force-a volunteer-te hnenah a thlawnin a sem bawk.

Oxygen bur hmanga rawngbawlna

Kohhran sum theh chhuah hmanga CRT-in hma a’n lak takah chuan tual chhung kohhran member te, Tahana kan kohhranpui member te, ram chhung leh ram pawna mi vophal thian tha te leh Phai Synod atangin CRT rawngbawlpuina (sum) a lo lut ta liam liam a. Chu’ng sum tling khawm chuan oxygen bur lei belh a ni ta zel a. Pathian tanpuina zarah ni 2 August 2021 thleng khan CRT chuan oxygen bur 22 lai (40 lit. bur 8, 15 lit. 7 leh 10 lit. 7) a nei ve ta der mai.

Oxygen bur a lo pun ve takah chuan CRT chuan a rawngbawlna huang a zauh ve zel a. Oxygen neih zat leh damlo dinhmun azirin mahni kohhran member-te bakah kohhran dang damlote leh sakhaw dang biate (Buddhist-te) thlengin tlem tlemin oxygen a pe (supply) ve ta zel a. Damlo a puih tawh tawh chu an dam thlengin a tanpui a ni ber mai. Ni 2 August 2021 thlenga CRT-in oxygen bur hmanga damlo a tanpui tawh zawng zawng chu mi 36 an ni a – Kristian 34 leh Buddhist 2 an ni. Damlote hi khaw hrang hrang 14-a mite an ni a; Kristian damlote chu kohhran hrang hrang 12-a lawite an ni. CRT-in oxygen a pek chhuah tawh zawng zawng chu lit. 1,535 a ni. PCM, Yangon member zingah Covid-19 hri vei an awm nual avang te, Yangon-ah oxygen bur lei tur awm loh avang te leh apartment sang tak taka oxygen bur thiar chhoh a tul avangin ni 28 July 2021 khan Yangon lama kohhran unaute hman tur oxygen 10 lit. bur 5 thawn thlak a ni bawk.

Oxygen Concentrator hmanga rawngbawlna

CRT a din hlimin kan leader-in, “Oxygen Concentrator-te pawh kan la lei ve ang chu,” a ti a. Kan sum dinhmun enin kan leader hmathlir (vision) chu member-te tan beisei ngam chi pawh a ni vak lo. Kan tih theih awm chhun chu Pathian hnena dil a ni. Pathianin kan tawngtaina a chhang a; ram danga thian thate kal tlangin 12 June 2021 khan kan lo awh em em thin oxygen concentrator (5 lit.) khawl 2 kan nei ve ta hlawl mai a; Aizawl atanga a lo thlen tlai la la-ah damlo pahnih oxygen kan pek thinte kan bunsak nghal a; kan lawm dan chu tawngkaa sawi fiah rual a ni lo. Ram danga thian thate kal tlangin oxygen concentrator kan neih belh ta zel a; tunah hian khawl 6 (10 lit. 2 leh 5 lit. 4) lai kan nei ve ta.

CRT chuan damlote dinhmun a zir chiang hmasa te te a; a resource neih atanga tanpui theih an nih chuan hri invenna thuam inbelin damlo inah oxygen concentrator a va bunsak thin a; damdawi ina mu an nih erawh chuan nurse leh doctor-te a ring mai thin. Damlote hnena oxygen concentrator pek, bunsak leh lak let thlengin CRT-in mawhphurhna a la thin. CRT chuan sorkar electric power a awm loh chana oxygen concentrator venna tur power generator (3 KW) khawl 1 a lei a; damlote hnenah a hawh chhuak bawk. Ni 2 August 2021 thlenga CRT-in oxygen concentrator a bunsak tawh damlo zawng zawng chu mi 12 an ni a; PCM Tahan Hmarveng kohhran 1, kohhran dang 10 leh Buddhist 1 a ni. PCM, Yangon kohhran hnena oxygen bur 5 kan thawn rualin oxygen concentrator khawl 2 thawn tel a ni a; anni lamin kan bur thawn leh kan khawl thawnte chu an hmang tangkai hle mai a; CRT pawh a lawm hle.

Tlangkawmna

Pathianin kan beisei phak bakin CRT rawngbawlna mal a sawm a; CRT din hlima kan awh em em, kan beisei ngam si loh oxygen concentrator-te leh oxygen bur eng emaw zat kan nei thei a; damlote taksa mamawh bakah an rilru leh thlarau mamawh thlengin eng emaw chen kan phuhruksak thei niin kan hria a, kan lawm hle a ni.

Covid-19 hri leng do-in kohhran tinten tlawmngai pawl (NGO) hrang hrangah tanpuina sum eng emaw zat kan pe a; a ropui tak meuh meuh a. Chutih rual chuan, ngun taka kan ngaihtuah chuan rawngbawlpuina sum pek mai piah lamah kohhrante hian tih tur leh tih theih tam tak kan nei a ni. Kohhran tinte insang mar-in he hri leng hi do ila; Pathian rinchhana huaisen taka hma kan lak ngat chuan nunna tam tak suattu he hri leng chimawm tak hi kan hneh ngei ngei ang.

31/07/2021

KRISTIAN NUN DAN LEH KAN HUN TAWNG:
DAMLO MANGANGTE MAMAWH LEI LEH HRALH KAWNGAH

Kan ram, Myanmar ram tlu chhe mekah insorkarna, inenkawlna, zirna, sumdawnna bank, leh eibar zawnnate chuan mu leh mal a nei thei ta lova. Mipui kan chi-ai a. Indona leh hripui lengin min nuai mek a. Harsat manganna khur thuk lam pan mek ang kan lo ni a. A bik takin sumdawnna thil, lei leh hralh boruakah pawh hralh tur neiin mamawh dan a san ang zelin thil ret/man chu hralh tur neitute kutah a awm a. A lakna a harsat avangin a man tihto/tihsan pawha a leitu lam inchan loh dan hre rengin a ni telin thil man a sang thur thur a. Online lam atangin thil a tak la thleng/awm lo, lo thleng hnai/mai tur chauh la ni rih chu a neitu chhiar zat aia tovin an lo zuar chhawng sa ve leh zel bawk a. Han inzawh chianin thil ra-na ra-na lo chu a chin, man leh mual inhrilh fak thei mumal si lovin, dawn/ngaihventu tam leh tlem dinhmun thlir ranin a lo thlen tak tak chuan thil man kan tito chiam a. Tun leh tuna mamawh damloten mangang bak lenga hmun hran hran leh online atangtea an zawn buai hrep hnu-a an hmuh fuh changin a man thuhlaah duhthlang thei ta lovaa. Han tawn fuh chang pawhin kan lei ngam loh pawh nun chhan nan chuan “neih thinglung kheng pawhin aw” tia mittui chhing per saka lei a lo tul hial ta thin a. Hralh tur neitute lam erawh chuan a leitu turte dinhmun aiin a lak harsatna leh a van dan atanga a man to pawha lei ngamtu awm tur hre karin an zuar tawh thin si a. Thil awm reng pawh, ‘a awm tawh lo’ tia a man to zawka hralh lehna tur awm ring rana dah tha tawk pawh an awm chawk niin a lang. “A lakna a har a, a vang bawk si a, keinin lo titlawm ngawt ila, mi dangin an ti to tho tho sia lawm” tih chu a zuartu lam inhnemna a lo ni fo bawk.

Heng thil hi sorkar tluk chhiat vang pawhin lo ni teh reng se, ring lo mite chuan lo ti thin pawh ni se, keini ringtute, naupan lai atanga Sunday School kal thin tawhte erawh chuan kan thlentir ve loh tur thil a nih hmel a. Engkim mai a thlawn leh man tlawm zawk chuan a tih reng theih vek lo ang. Thawhhlawh phu tawk, a loh a luat ni si lovin kan kutzala thil tla chu kan thunun ve thei ngei tur a ni ang a. Mangang leh harsatna tawkte mittui kara an iptea pawisa kan phawisak dawn apiangin “An mahni ang hian hengte hi mamawh ve turin damlo mangang ve dawn ta ila…” tih vawi khat tal ngaihtuah hman thin ila, thil man ret hi kan tih theih chinah kan tisang ur ur kher lovin a rinawm.

He kan ram dinhmun hun thim leh harsatna khur thukah hian damloh manganna avanga mamawh thilte hi damloten a man phu tawk emaw, a aia tlawm hret thei turin emawa zawrh leh lei theih tur hian mimal thil ti theiten emaw, NGO leh Kohhranho leh kohhran member tinte kovah a innghat hmel a ni. Thil a man phu tawk dik taka lei tur awm thei tur pawhin ringtuten kan tih theih tawkah hma kan lak a tul ngeiin a rinawm a. Thil man to ta chiamte hi Covid-19 avanga damlo mamawh thilte bik phei chu Covid-19 kan response-na zawnah pawh hian Pawlho leh Kohhrante pawhina kan response tel tur zinga mi a nih hmel ta a. Chu chu Pawlho (NGO) ang pawhin ni se, Kohhran zirtirnaa seilian kan nih angin Kristiante inzirtirna pel nunphung leh thiltih, sumdawnna thil lei leh hralh kawngah pawh kan rinnaah rinawm takin he harsatna thuahthip tak hi mihringpui inhmangaih tawnna nena paltlang tura kan inbuatsaih ran pawh a tul hle mai.

29/07/2021

MYANMAR HRI LENG LEH KALAY PHAIA ZOHNAHTHLAK
UNAUTE DINHMUN

Tun lai hian Covid-19 hri lengin Myanmar ram a tibuai hle a, k*min May thla khan Myanmar ram khawpui 296 (90%)-ah hri hi a tai darh nia hriat a ni. Yangon Region, Mandalay Region, Ayeyarwady Region, Bago Region, Mon State leh Sagaing Region-ah a hluar zual a; July kar hnihna atang phei chuan Yangon khawpuiah ringawt pawh ni tin hri avanga thi mi 400-600 an awm a; thlanmuala mitthi ruang haltute paw’n an hal hneh lo nia hriat a ni. He thu ziakah hian Zohnahthlak (Chin) unaute bitna hmun, Myanmar ram hmarthlang lam, Sagaing Region, Kalay Township huam chhung (Tahan leh a chhehvel)-a hri leng dinhmun leh chu lai hmuna Zohnahthlak (Chin) Kristiante leh kohhranhote Covid-19 hri leng doa an hmalakna kan thlur bing ang.

Myanmar ram Covid-19 hri leng dinhmun

Sorkar hlui Ministry of Health and Sports, Myanmar-in a tar lan danin 23 March 2020 atanga 3 February 2021 thleng Covid-19 test paltlang tawh zawng zawng mi 2,422,933 an ni a; hri vei mi 140,927, dam chhuak mi 126,384 leh thi mi 3,160 an ni. Sipaiin sorkarna a pawng lak avang leh doctor leh nurse-ten nawrh huaihawta civil disobedience movement (cdm) an kalpui avangin 4 February 2021 atangin Covid-19 case report (update) a chhuak ta lo a; hri veite pawn enkawlna mumal an dawng tawh lo a ni. May thla lai hawl vel atangin Covid-19 hri leng thawh thumna-in Myanmar ram a fan tan a; ram chhung hmun hrang hrangah hri vei an awm takah chuan sipai sorkar (State Administrative Council, SAC)-in hma lain 27 June 2021 atangin ni tin Covid-19 case report (statistics) a ti chhuak veleh a. SAC report atanga a lan danin sorkarna an pawnglak atanga 28 July 2021 thlengin mi 693,518 test an ni a; hri vei mi 143,172 hmuh an ni a; thi mi 5,050 an awm a ni. SAC thu chhuah atang chuan 23 March 2020 atanga 28 July 2021 thleng Myanmar ramah Covidi-19 test tawh zawng zawng chu mi 3,116,451 an ni a; hri vei mi 284,099 an ni a; thi mi 8,210 an ni. Mahse, SAC tih chhuah statistics hian belh chian a dawl lo hle. A bik takin hri vanga thi zatah a rintlak lo zual awm e. July kar hnihna atangin Yangon khawpuiah chauh pawh ni tin mi 400-600 an thi a; thlanmuala hna thawktuten mitthi ruang an phum/hal seng lo hial a; mitthi zat hi SAC tar lan zat aia eng emaw zata a san ngei a rinawm a ni.

Myanmar ram leh Covid-19 vaccine

Mipui sorkar (NLD sorkar) khan India sorkar hnen atangin Covishield/AstraZeneca vaccine mtd. 30 lai a lei a; a thlawnin mtd. 1.5 a dawng bawk. Dr. Tun Myint, Deputy Director of Yangon Region Public Health Department, chuan 5 February 2021-ah Yangon khawpui-ah mi 380,000 aia tam vaccine chiu an ni ang tiin a sawi a; ram a buai tak avangin chiu an nih leh nih loh hriat a ni ta lo a. 2 February 2021 thleng khan health worker leh volunteer mi 103,142 ten vaccine an inchiu tawh a; sipaiin sorkarna an pawng lak tak avangin vaccine chungchanga ruahmanna a sukuk zo a; sorkarna an pawng lak atanga rei loah SAC-in mipuite vaccine inchiu turin a fuih a; amaherawhchu, mipuiin nawrh huaihawtin an inchiu duh ta lo a; vaccine leisa pawh engtia kalpui nge tih a hriat theih ta lo a ni.
The Irrawaddy-in a tar lan danin SAC-in May thla tir khan China sorkar atangin vaccine 500,000 an dawng a; 22 July 2021 khan China sorkar vek atangin vaccine 700,000 an dawng leh a; mdt. 2 dawn belh tura sawi a ni bawk. Reuters-in a tar lan danin Myanmar ramah mi 3,500,000-(3.2 %)-in vaccine an inchiu tawh a, a full-a inchiu tawh chu mi 1,527,284 an ni. SAC-in mipuite vaccine inchiu turin a nawr a; Kalay Township-ah pawh inchiu duh tan inchiu a theih thu puan a ni bawk. Mahse, mipui lamin SAC thu chhuak an zawm dawn leh dawn loh erawh hriat a la ni lo.

Covid-19 hri leng leh Kalay Township

Kalay Township population chu 348,573 (2014 census) a ni a; chumi zinga 35 % (mi 130,000 vel) chu Chin mite (Zohnahthlakte) an ni. 23 March 2020 atanga 2 February 2021 thleng Kalay Town huam chhungah hri kai mi 520 an awm a, hri veia thi erawh sawi tur an awm mumal lo a ni.

Sipaiin sorkarna a pawng lak avangin sorkar Health Department a tlu sawp a, inenkawlna mumal a awm ta lo a, Covid-19 thawh thumna avanga Kalay Township-a thi zat (statistics) dik tak pawh chiang taka hriat theih a ni lo. May thla nawi atangin Covid-19 thawh thumna-in Kalay Township a tuam tan a; May thla nawi, June thla leh July kar hnihna chhunga thite erawh finfiah ni chiah lo mah se, a tam zawkte chu hri avanga thia ngaih a ni. June thla chhungin hri vei leh rinhlelha thi mi 270 an awm a. Ni 10 (1-10 July) chhung lekin Kalay thlanmualah hri vanga thi mi 287 vui liam an ni leh a – ni 40 chhungin mi 557 an thi tihna a ni. He data hi social media-a lang pha chin a ni a; khaw te-a thi, social media-a lang pha lo eng emaw zat an awm ngei ang. Kalay khawpui chhehvela khaw tete chuan mahni thlanmual an nei theuh a; mitthite pawh anmahni thlanmualah an phum mai thin a. Chuvangin, ni 40 chhunga Kalay Township huam chhunga hri avanga thite chu 557 aiin an tam daihin a rinawm.

1-10 July chhunga thi, mi 287 zinga mi 145 (50.52 %) chu Kristian an ni. Kalay Township huam chhunga Kristiante hi Chin mite vek an nih avangin July thla tir khan ni 10 chhung lekin Chin mi 145 an thi tihna a ni. Tin, 1 January 2021 – 6 July 2021 thleng khan Kalaymyo bial chhunga Covid-19 avanga thi rawngbawltu (Evangelist/Pastor) mi 35 an awm a ni. Zalen Media chuan June thla leh July thla tir Kalay biala Covid-19 hri veia thite hi oxygen kham loh vanga thite niin a tar lang.

Tlawmngai pawl (NGO)-te hmalakna

Sorkar-in hmalakna mumal a neih theih loh avangin Kalay Town huam chhunga tlawmngai pawl hrang hrangin Covid-19 do-in theih tawp chhuahin hma an la a; Kalay Volunteer-ah pawl aiawha tlawmngai thei an intir a; hri vei leh mitthi ruang phurh, ruang sawngbawl leh ruang phum mawhphurhna an la a. Kalay Volunteer bakah Kalay Town huam chhunga khawtlang (society) huap tlawmngai pawl hrang hrangten mitthi ruang phur leh phum hna an thawk bawk.

Kalay Town (khawpui) huam chhungah tlawmngai pawl 15 vel an awm a; chu’ng pawl hrang hrang te, mi mal, company, Buddhist monastery leh kohhranhoten an theih ang angin hma an la a. Tahan bikah Tahan Mizo Thalai Pawl - TMTP (Central) te, Zawlbuk te, Chin Pawl Pi (CPP) te, Tahan Zomi Youth Association (TZYA) ten oxygen an refill a; Sanmyo-a San Pan Ein-ah te, Taung Za Latt-a Chin Pawl Pi (Central)-ah te, Tat Oo Thida-a LCEC-ah te, Kawlpui lama mi mal company-ah te, Buddhist tlawmngai pawl pali-ah te leh Buddhist monastery pali velah oxygen refill theih a ni bawk. He’ng oxygen refill-na hmuna a tam zawkte chuan a thlawnin mipuite oxygen an refill-sak a ni.

Kalay Township huam chhunga khaw hrang hrang Hmungtha, Myohla, Sehkan, Kawlkulh, Pinkhung, Varpui, Vaphai (Segyi), Letpanchaung leh khaw dang dangah Covid-19 dotu pawl din a ni bawk. Khua leh khawtlang huap tlawmngai pawlte hian mitthi ruang hlawm, ruang phum, a thlawna oxygen bur (cylinder) hawh chhuah leh refill mai bakah Rapid Antigen Test an tih-sak bawk. Sorkar damdawi in (General Hospital) innghahna tlak a nih loh avang leh inenkawlna hmun dang a awm loh avangin hri vei tam zawk chu mahni inah inkharkhip (home quarantine)-in mahniin an inenkawl a; Kalay Town huam chhungah tlawmngai pawl leh sorkar Health Department inkawpin chuan Kawlkulh-ah Covid-19 Center pakhat an hawng a; tlawmngai pawl insuih khawmte huaihawtnain Taungphila-ah Community Covid-19 Treatment Center hawn a ni bawk.

Kristiante leh kohhranhote hmalakna

Tahanah kohhran din damdawi in pathum a awm a; chu’ngte chu Methodist Kohhran din Wesleyan Hospital, Presbyterian Kohhran din Agape Hospital leh Wesleyan Kohhran din Bethany Hospital te an ni. Doctor indaih lohna avangin Bethany Hospital chu khar a ni a; room, facility, nurse leh doctor indaih loh avangin Agape Hospital-in Covid-19 hri veite an admit thei lo a; Wesleyan Hospital chauhin Covid-19 hri veite a enkawl thei a ni.

Tahan leh a chhehvela khawtlang leh khaw huapa Covid-19 dotu pawl (tlawmngai pawl)-te chu Kristian vek an ni a; an hmalakna chu Kristiante hmalakna tiin a sawi theih awm e. Kristian tlawmngai pawlte bakah Kohhran hrang hrangten theih tawp chhuahin hma a la a; kohhranin tlawmngai pawl leh Center-te hman tur oxygen bur te, PPE te, Rapid Antigen Test Kit te, damdawi te leh sum te an pe a. Kohhran thenkhatin nurse leh doctor-te ruaiin khawtlang mipuite a thlawnin Covid-19 test an neihsak a; Tahana kohhran thenkhatin tual chhung, District leh Conference huapin Covid-19 Response Team an din a, an member-te hman tur oxygen bur leh oxygen concentrator an lei a; an member home quarantine-a awmte damdawi leh mamawh leisak-in an bazar-sak bawk.

Tahana Mizo (Duhlian) tawng hmang kohhran hrang hrang, Presbyterian Kohhran (Phai Synod), Methodist Kohhran (Tahan District & Conference Head Quarter), Nazarene Kohhran (Tahan District), EFCM Kohhran (General Conference), Wesleyan Kohhran (National Conference), Calvary Kohhran, Presbyterian Kohhran (Tahan Hmarveng) leh Tahan Kohhran Tangrual (TKT) ten tlawmngai pawl hnena PPE, Rapid Antigen Test Kit, oxygen bur leh sum bakah an member-te hman tur Rapid Antigen Test Kit, oxygen bur leh oxygen concentrator lei nana an senso belh khawm ringawt pawh Ks. 90,000,000 chuang daih a ni a; he’ng kohhran bakah hian kohhran dangte leh kohhran hnuai-a department/unit/association hrang hrangten khawtlang tlawmngai pawlte hnenah sum eng emaw zat an thawh bawk. Tahan leh a chhehvel-ah Covid-19 hri leng do-a kohhranho te hmalakna a ropui hle.

Ram dang atanga tanpuina

Harsatna kan tawhin hmangaihtu dik tak an lo lang thin an tih ang deuhin Chin mite chenna Kalay-Kabaw phai leh Chin State-ah Covid-19 hri lengin nunna tam tak an suat takah chuan ram hrang hranga Chin mite an awm hle hle thei ta lo a. Australia, Japan, USA, China, Singapore, Macau, South Korea, Belgium, New Zealand, etc.-a Chin mite atangin tlawmngai pawl leh kohhranho hnenah tanpuina sum eng emaw zat a lo lut a; chu’ng sum lo lute chu oxygen bur, Rapid Antigen Test Kit, PPE, glove, mask, medical facility chi hrang hrang lei nan leh a tulna apianga hman a ni a; ram chhunga awmte tan a thlamuanthlak hle. Chu bakah, Mizorama mi vophal tak tak, mi mal, chhungkua, company, sorkar mi lian (MLA), thianzaho, kohhran hrang hrang, pawlho (Tahan Welfare-Aizawl, Zofa Global Network, YMA, etc.) leh Mizoram sorkar atangin oxygen bur, oxygen concentrator, Rapid Antigen Test Kit, PPE, etc. leh tanpuina sum eng emaw zat a lo lut bawk a, a lawmawm hle. Ram buai avangin Myanmar mi eng emaw zat Mizoramah an tlan chhia a; chu’ng mite chu Mizoram sorkar, YMA leh Zoram mipuiten theih tawp chhuahin an tuam hlawm a. Hri leng avanga harsatna tawk an unau Chin mite tana ui nei hauh loin an luang chhuak leh a; Myanmar ram Chin mite hian Mizoram unaute thatna hi an theihnghilh mai maiin a rinawm lo.

Kalay Township-a mipuite harsatna – oxygen indaih lohna

Kalay Township huam chhungah Covid-19 hri veite enkawlna hmun pali chauh (General Hospital, Wesleyan Hospital, Kawlkulh Covid-19 Center leh Community Covid-19 Treatment Center) a awm a. He’ng hmunah hian room, facility, nurse leh doctor indaih loh avangin hri veite duh angin an enkawl tam thei lo a ni – Kawlkulh Covid-19 Center-ah phei chuan doctor an awm lo hrim hrim. Chu bakah, he’ng hri vei enkawlna hmunah hian oxygen indaih lohna a sang hle a, Wesleyan Hospital tih loh chuan damlote oxygen a pe (supply) thei lo a; damlo chhungte oxygen refill theihna hmun zawnga ni tin an tlan kual a ngai a ni. Oxygen refill turin refill-na hmunah zing 3:00 atanga intlar a ngai a; ni lenga beihpui thlak pawha chang lo an awm teuh thin a ni.

Kalay Township huam chhungah oxygen siam chhuahna khawl Generator pahnih a awm a; chu’ng khawlte chuan mipui mamawh oxygen an siam chhuak hneh lo a ni ber mai. Tlawmngai pawl te, damdawi in te leh oxygen refill-na dawrten an oxygen bur ruakte chu Mandalay leh Monywa khawpui lamah an thawn thla a. Mahse, khawpui lamah pawh oxygen mamawhna a san chhoh ve zel avangin refill tura bur ruak an thawn thlakte chu kar 3/4 hnuah chauh an lo let thei a; oxygen refill-na tur a van em avangin mipuite oxygen concentrator lamah an tuan leh a; mahse, oxygen concentrator pawh khawpui lamah lei tur a awm lo leh zel a; damlo oxygen hip tur nei loa thi an awm ta nual reng a ni.

July kar thumna vel atangin Kalay Township-ah Covid-19 avanga buaina a zia ta deuh a; mitthi pawh an tlem ve tial tial a. Mahse, oxygen mamawhna erawh a san ngaiin a la sang reng. 25 July 2021 khan Mizoram (Zuangtui) lama Kalay atanga oxygen 40 Lit. bur 160 vel refill tura an thawn thlak chu Tahan a lo thleng thei hlauh a; tlawmngai pawl leh dawr thenkhatten hmun pui lama an thawn thlak a lo thleng chho bawk a; ni 3/4 vel chu Kalay-ah oxygen duh khawpa refill tur a awm ve a. Mahse, ni 5 hnuah chuan harsatna ngaiah tho let leh a ngai a ni. India-Myanmar ram ri dep Zokhawtharah Oxygen Generator pakhat tal han awm hlauh se la, Chin State leh Kalay-Kabaw phaia Chin mite tan a thlamuanthlak hlein a rinawm.

Tlangkawmna

Kalay Township huam chhungah oxygen mai bakah Covid-19 kaihhnawih bungraw chi hrang hrang mamawhna a la sang hle. Rapid Antigen Test Kit tak ngial pawh sum dawngte kutah a awm tlat avangin a man a to hle a; chhungkaw harsa leh chhungkaw member tam deuh-te tan lei mai a harsa a; sum harsatna avangin tlawmngai pawl tam zawkte pawhin man tlawm zawk leh a thlawnin khawtlang mipuite an test-sak hlei thei lo a ni. Tunah hian Kawlkulh Covid-19 Center chauhin a thlawnin mipui an test-sak thei a ni.

Sorkar mumal loh avangin Myanmar mipuiten Covid-19 thawh thumna nasa takin an tuar a; Kalay phaia Chin mite chu a tuar nasa zinga mi an ni. Khawtlang tlawmngai pawl hrang hrang te leh kohhran hrang hrangten theih tawp chhuahin hri do-in hma an la a; ram pawna Chin miten (Zohnahthlak unauten) theitawp chhuahin sum (tanpuina) an rawn thawh bawk a; Pathianin pawl hrang hrangte hmalakna (rawngbawlna) mal a sawm ngei ang a; heti anga hmun hrang hranga Chin miten tawngtaina leh sum thawh khawma theih tawp chhuaha hma an lakho zel chuan chung Pathian khawngaihna zarah he harsatna (hri leng avanga buaina) hi an pal tlang ngei ang tih a rinawm.

THU LAKNA

“Covid-19 Pandemic in Myanmar.” In WiKIPEDIA.ORG, accessed on 18 July 2021.
“Myanmar’s Ethnic Shan Rebels Launch COVID-19 Vaccine Program With Chinese Jabs.” THE IRRAWADDY, 23 July 2021, https://www.irrawaddy.com/news/burma/myanmars-ethnic-shan-rebels-launch-covid-19-vaccine-program-with-chinese-jabs.html (accessed on 29 July 2021).
“Myanmar’s Third Wave of COVID-19 Spreads to Almost 90% of Townships.” THE IRRAWADDY, 10 July 2021, https://www.irrawaddy.com/news/burma/myanmars-third-wave-of-covid-19-spreads-to-almost-90-of-townships.html (accessed on 17 July 2021).
Angel, Hmue. “More Than 380000 in Myanmar Receive Covid-19 Vaccine.” In MYANMAR TIMES, 5 February 2021, https://www.mmtimes.com/news/more-380000-myanmar-receive-covid-19-vaccine.html (accessed on 29 July 2021).
Ministry of Health and Sport. The Republic of Union of Myanmar. https://www.mohs.gov.mm/Main/content/publication/2019-ncov
Nyane Khin Maung, Ye Kaung Myint Maung, Anna Vu and Samean Yun “Yangon Cemeteries Overflowing as Myanmar Struggles to Contain Third Wave of COVID-19.” In RFA.ORG, 14 July 2021, https://www.rfa.org/english/news/myanmar/coronavirus-07142021184826.html ( (accessed on 17 July 2021).
The Tahan Post. page.
ZALEN MEDIA. page.