ZCLS

Directions Website

ZCLS "Ama' Tongdam Gua bang Hinna" - Matthai 4:4

08/10/2026

NILAINI OCTOBER 7
PHILIPPI 3:17-21
Eite i hihleh i inntekna mun pen vantung hi a, tua dinmun panin Honpa khat, T**a Jesu Khris, lawptak i ngak hi. [PHILIPPI 3:20]

JESU’ HONG PAIKIK DING LAWP
ယေရှုပြန်ကြွလာခြင်းကို တောင့်တခြင်း
LONGING FOR JESUS RETURN

Ka neulai-in Chick-fil-A a kici ansai pai ding ka lawp mahmah hi. Ka gol ciangin mun dangah kituahin tua takah Chick-fil-A sai om vetlo hi. Innkuan khualzinna ding a om ciangin Chick-fil-A ansai omna lam tawn dingin ka geel tangtang uh hi. Mailamah inn tawh kinai-in khat beek hong om nadingin ka lamen uh hi.

Mihingte in lunggulh thu, lawp thu, kineitek hi. Khatveivei ciang i lunggulhte pen (gentehna, ansai minthang bang ahihleh) i kisappen zong hitektek khollo hi. A langkhatah i lawpna i lunggulh cih pen i sungtawnga a thukzaw lunggulhna khat hong dawkkhia na hithei hi.

Paul in Philippi pawlpite’ kiang lai a khakna ah a lawppen thu tawh kituakin a nuntak nadingun phawng a, (PHILIPPI 3:20), tua pen Khris hong paikik ding leh a k*mpigam dimtakin hong tangtun nading thu hi a, amah hong paikik ciangin na khempeuh a cingtaak suaksakin thu umte amah tawh kisunin kikheelsak ding hi (tg.21).

Paul in tawntung lungkimna hong pia theilo thute lunggulh pong cihte dan hilo-in thu umte in “lawptak a ngak” ding pen hih hong tangtung taktak ding thu ahi, gimthuakna citeng a bei hun, maitang kituaha Jesu tawh i kimuh ni ding hun ahi hi (tg.20).

Ni khat ni ciangin i lunggulhna kicing ding hi cih theihtelna in nisimin Khris’ ading i nuntakzawh nadinga i kisap lametna hong guan hi (tg.12-14).

Nungdeuhin ka inn gei uhah Chick-fil-A ansai khat hong kihong hi. Tua pen kei’ adingin tua sanga a lianzawtham ka lunggulhna ni khat ni ciang kicing ding cih hong phawksak thu khat ahi hi. Tua bangin hong tun masiah i ngak ding hi.
LISA. M SAMRA

Jesu in bangci nam thumaan sem dingin lunggulh na hiam? Jesu tawh kisai, na mailam’ ading bang lamenpen na hiam?
Kong it Jesu aw, nong paikik ding hun ka ngak laitak lametna tawh hong kidimsak ta in.

KUMTAWN LAI SIANGTHO|ISAIAH 28-29; PHILIPPI 3

23/09/2026

PITHAINI AUGUST 18
MARK 10:13-16
Pasian’ k*mpigam i cih hih bang mite’ a ahi hi. [MARK 10:14]
NAUPANGTE PASIAN’ IT BANGIN IT
ကလေးများကို ဘုရားသခင်ချစ်သကဲ့သို့ ချစ်ခြင်း
LOVING CHILDREN AS GOD DOES
Khuakhal bup ka innnung vua inn a, naupangte pen a luai uhah sawtveipi kiluai uh hi. Tua luai kivei-a gamlumna leh a luai mahmah gingngatngata gamlumna in ni tam simsim a luai uh hangin naupangte in phamawh sa lo uh hi. Ka pasal kiangah a nu leh pate in zong a luai uh bangcia sathau nuhlo uh a hitam ci-in ka phun kawmin ka d**g hi. Ahi zong, tua vai-in thu ka ngetteh ka lungsim kikhel hi. Naupangte nuihna leh gualnopna pen amau’ huan sunga lungmuanna leh a gei nai-ah a nu leh pate om cihna pana piang ahihlam ka mu thei hi.
Jesu in zong naupangte’ thu a genna ah tua dan lungmuanna thu gen hi. Nu leh pate in Jesu’ thupha piaktheih dingin a tate uh paipih uha nungzuite in nawngkaisa-in a nu leh pate uh taai-in mawhsak uh hi (Mark 10:13).
Hih thupiang Khris in a muh ciangin “a hehsuak hi” (tg.10). Jesu in amaute’ kiangah “Naupangte ka kiangah hong paisak un” ci-a “Pasian’ k*mpigam i cih, hih bang mite’ a ahi hi” ci hi. Tua banah “Naupang khat bangin Pasian’ k*mpigam a sang lo peuhmah tua sung lutkha ngeilo ding hi” ci hi (tg.14-15).
Hih thu pen nungzuite amau’ lakah kua lianpen cih a kinial lai-un a hilhsa ahi hi. A mun dangkhat ah Jesu in naupang khat tawi kawmin “Hih bang naupang khat keima’ min tawh a sang peuhpeuh kei hong sang hi” ci hi (tg.37). Tua thu mah genkikin “naupangte’ tung ah khut nga-in thupha pia hi” (Mark 10:16). Naupang bangin Jesu i muan nading hong phawksak thute ahi hi. PATRICIA RAYBON
Naupangte’ lungdamna a bang pen paktadeuh na hiam? Khatveivei na lungsim hong nawngkaisakte bangci itsawm ding na hiam?
A om tawntung itna Pasian, midangte hong itzosak ta in.
KUMTAWN LAI SIANGTHO | LATE 100-102; 1 CORINTH 1

23/09/2026

NILAINI SEPTEMBER 23
1 THESSALONIANS 4:13-18
'Sanggamte aw, lametna a nei lo mite bangin na dahluat loh nadingun a sisa mite’ omzia ding thu na theih ding uh ka deih hi. 1 THESSALONICA 4:13

KHITUI HONG NULSAK
မျက်ရည်များကြားက နှစ်သိမ့်မှု
COMFORT AMIDST TEARS

“Na pa’n hong nusia ta,” ci-in ka nu’n hong hopih laitakin nitak nai 9 hita hi. Hibang hun hong tung teitei ding cih thei-in ka pa zong natna thuak nawnlo ding ci-in ka ngaihsut sa hi-a, hong nusiat taktak ciangin haksa mahmah veve hi. Dahna in hong tuam cipin a kal-a sim ka kidikdik mai hi.

Ka pa hong nusiat pen ka vekpi adingin supna lianpi hi-a, thu-umlo innkuanpihte sum zawkan lai hi. Amau’ ngaihsutna uah ka pa pen a beimang ahi hi. Tua panin Jesu’ upna in hong dahpih lam ka phawkpha sem hi.

Paul in hi bangin na gen hi. “Jesuh si-in thokik hi, ci-in i up mah bangin Pasian in Jesuh hong paipih kik ciangin amah umin a si mite zong hong tonpih ding hi, ci-in i um hi (1 THESSALONICA 4:14). “Pasian’ thupiakna awging lianpi, vantungmi mangpa’ thugenna, le Pasian’ peengkul hong ging ding a, vantung panin T**a mahmah hong paisuk (n16-17),” ciangin hih thu hong tangtung ding hi. “Tua ahih ciangin note khatlekhat hih thu tawh na kihehnem un (n:18),” ci-in hong gen bangin ka Pa mai mu kik ding cih ka theihna in khitui nul kawm mahin hehnepna hong pia hi.

Lai Siangtho sungah dahna omlo supna cih bang na gen lo hi. Jesu na ngawn a hihkik sak ding a lawmpa hangin na kap hi (JOHN 11:34-44). Khatveivei i it i ngaih mite’n a sih ma-un bang thu um hiam cih theilo hi hang. T**a hangin i itte tawh ki mu kik ding cih i um-a na khempeuh Ama’ khut sungah i ap hi. SHERIDAN VOYSEY

Khris sungah lametna vang na phawk kha ngei hiam? Leitung’ mite lametna tawh bangci kilamdan na sa hiam?

Jesu aw, a paisa nang hong um ka it te na ang ah nong kep sak-a nikhat ni ciangin hong gawm kik ding na hih manin lungdam ing.

Amen

KUMTAWN LAI SIANGTHO: SOLOMON LA 1-3; GALATIA 2

22/09/2026

PIZINGNI SEPTEMBER 21
1 SAMUEL 16:6-12
T**a in mihingte’ muh bangin mu lo hi. Mihingte in a pualam a kilangte en a, ahih hangin T**a in a lungsim en hi,” a ci hi. 1 SAMUEL 16:7

THU LAIGIL
အရေးကြီးဆုံးအရာ
THE HEART OF MATTER

Moscow ah laihilh in ka zin lai-in sunan nek ciangin meileng tuan ding ka khensat hi. Meileng ka ngak kawmin khuahun lah nuamin ka laihilhna nuam sa-in huihhut ka tum hiaihiai hi. Ka kiim-a mi om te’n a hai bangin hong en uh hi. Sang ka tun kik ciangin zum nasem khat kiangah mite pen lungkham lungkia lua-in ka singsit nangawn hong hai-muh keei uh ci’n ka gen hi. Siamtakin hong hilh kik-a, “Mite’ nuntakna haksa tek mah e. Ahizongin hong salh gege-na pen tua hang hi lo hi. Huihmuk tumpen mipi lakah haivai kisa hi.” hong ci hiau hi.

I thukaihzia te pen a puatham muhna pan hiden a, tua pen a thu-om taktak na hilo thei hi. Hih thu i telna dingin Israel k*mpi dingin David a kitelna thu-in hong huh ding hi. Kamsang Samuel in Jesse tapa upen a muh ciangin “T**a’ sathau nilh pa ama mai-ah om taktak hi (1 SAMUEL 16:6),” ci-in a ngaihsun hi. Ahizongin Pasian in Samuel kiangah, “A tungtham hitaleh a tun sanna hitaleh en kei in. Bang hang hiam cih leh amah ka nolh hi. T**a in mihingte’ muh bangin mu lo hi. Mihingte in a pualam a kilangte en a, ahih hangin T**a in a lungsim en hi,” a ci hi (n7).

A puatham etna tawh khensatna pen kikhial thei tawntung hi. Tua manin Pasian mah thu khen sak ding ahi hi. Amah in thu laigil taktak mu thei hi. BILL CROWDER

Nang tawh kisai a manlo pi-in hong kimuh ciang bang na ci hiam? Banghangin midangte thu olno takin ki upmawh sansat pahpah hiam?

A pil ka Pa aw, mite’ ngaihsut theilo pi-in amau zia ding ka khensat tawmzel hong maisak in. Tua bang thukhenna na kong ap tawntung ding hong huh in.

Amen

KUMTAWN LAI SIANGTHO: THUHILHNA 7-9; CORINTH NIHNA 13

19/09/2026

NINO NI_SEPTEMBER 19
PIANCILNA 3:8-15
Amah in na lutang hong sunim ding a, nang in ama khetul na sunim ding hi,” a ci hi.
PIANCILNA 3:15

PASIAN HONG HOTKHIAT ZIA
ဘုရားရှင်၏ကယ်တင်ခြင်းအစီအစဉ်
GOD'S RESCUE PLAN

Tembawpi dawl lina panin a tanu a kiatsut a zak ciangin a pa zong pi 40 panin tui sungah zuan suk pah hi. Tembaw honkhia belpawlte a tun masiah a pa in a tanu tuitungah a laam dingin na tawi gige hi. A tanu in lauhuaina tuak cih a theih phetin a pa in a nuntakna khempeuh tawh kipia-in honkhia hi.

Mawhna sungah i tumcip loh nadingin i van Pasian’ itna in eite hon khia dingin hong paina Lai Siangtho sung khempeuh kimu thei hi. Amasa in Eden huanah Pasian in eite hong hotkhiat zia ding na tangko hi. Gulpi’ khemna-ah Adam le Eve pukin a mawh ciangin Pasian in, “'Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim ding a, nang in ama khetul na sunim ding hi (PIANCILNA 3:15),” ci-in gulpi siamsia hi. Pasian’ tate leh Satan kikal-a kha lam kidona thu leh a hun a tun ciangin a sihna leh a thawhkikna tawh leitung mite hong honkhia ding a Tapa Jesu hong paisak zia ding thu a genna ahi hi.

Ama hunna i kisap lam i phawk theih ma pekin Pasian pen hong honkhia dingin na kigin khin ta hi. Mawhna tuipi sungah a tum bangin i kingaihsut hun ciangin Jesu pen eite honkhia pa ahi lam phawkin tha la hi. Ama’ kiangah i kiko nak leh hong honkhia in hong zuun ding hi.
NANCY GAVILANES

Pasian’ maisakna na ngah kha ta hiam? Hong it lam na phawk ciangin bang na ci hiam?

Vantung Pasian aw, hong it-in nong hotkhiat manin lungdam ing.

Amen

KUMTAWN LAI SIANGTHO: THUHILHNA 1-3; CORINTH NIHNA

18/09/2026

LAITHAINI SEPTEMBER 18
MATTHEW 6:25-34
Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi. MATTHEW 6:33

PASIAN’ UKNA ZONZIA
ဘုရားသခင်၏နိုင်ငံတော်ကို ရှာဖွေခြင်း
SEEKING GOD'S KINGDOM

Ka innthak uah cikmah hun-a a lup ngeinailohna lupna tungah ka tupa hong giak hi. Ama’ a dinga ka bawlsak dinosaur buknuai-ah lai ka sim pih khawng nuam samahmahin nuikulhkulh hi. Ahizongin lup hun ciangin a ihmut suaklo mawkin teisesa keei mawk hi. “Zan ciangin ka kisapna khat peuh om leh ken nang koi-ah hong zong ding,” hong ci hi. Kei zong ka bizu sunga letsong tunna khau limkhat la-in ama’ lupna pan kei lupna d**gah ka tupa tawh khung phei-in “Patau kei o maw. Na kisap khat peuh a om leh hih khau hong zui leh cin kei kiang hong tung pah ding,” ka ci hi. Amah zong lungkim takin hong sang hi.

Matthew 6 ah Jesu in i lungkham pih ahi i nek ding i dawn ding leh i pumpi ading bang silh ding cih vaite tangtakin nong na gen khin hi. “Lungkham” cih a greek laimal ah ngatna namnih pha cihna hi-a, upna lam leh mihing kimuanna lam hih nih ahi hi. Aneu 33 ah “Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi,” ci-in lungkhamna i nawk zia ding hong hilh hi. Ama’ lungtang hong tung ding lampi tel-a i zui ding pen i khensat ding thu ahi hi.

I lungkham hun ciangin i kisap khempeuh hong s*k, Ama’ omna Pasian’ ukna mun hong tun ding “khau” zui in i pai ding hi. ELISA MORGAN

Sunlezan in Ama’ ompih hong pia cih na theihna in na lungkham hun ciangin hong koici huh ding hiam? Tuni Pasian’ omna mun zuat nading ‘Khau’ na koici zuih ding hiam?

Pasian aw, ka kisapnate nong huh nop lam a theikawmsa-in nisim Nangma’ Ukna a zong dingin hong huh in.

Amen

KUMTAWN LAI SIANGTHO: PAUNAK 30-31; CORINTH NIHNA 11:1-15

17/09/2026

NILAINI SEPTEMBER 16
TUNI SIMDING: JOHN 11:17-27
'A nungta a kei hong um mite si ngei nawn lo ding hi. Hih thu na um hiam?” a cih ciangin JOHN 11:26

PASIAN TAWH ON TAWNTUNG
ဘုရားသခင်နှင့်အတူရှိရမည့် ထာဝရကာလ
ETERNITY WITH GOD

England leitaw lam tuipi dungah Kate kici min kibang a nei numei nih om a, Coffin club kici hankuan pawl kipawlna khat phuan uh hi. Mite a sih cianga a hankuan dinguh a lungkim dan, a deihdanin a gel a bawl theih nading munkhat a vaihawm uh ahi hi. K*m 13 a phak-a a pa a sih lai-in Kate in, “Dah huai kisa lua in sihna pen kua mahin gen nuamlo uh hi,” ci hi. Nikhat ni ciangin i tuah veve ding thu pen a lamdangpi, a dahhuaipi hilo-a a ngeina hilel cih phawk theihn ading kipawlna ahi hi.

Sihna pen mi khempeuh tuah ding ahih manin ‘pian ngeina’ hi thei mah hi. Ahizongin A sanggampa a sih lai-a Jesu leh Martha kihona i mu bangin Jesu itin a na’ semin a umte in ahih leh laulo takin sih hun ding kigin khol thei uh hi. Jesuh in Lazarus “thokik ding hi (JOHN 11:23),” ci-in Martha kamciam na pia hi. “Amah pen thawhkikna leh nuntakna” hi-in “Amah a um mite in nuntakna ngah dinghi. Nungta a kei hong um mite si ngei nawn lo ding hi (n25-26),”cih zong na gen lai hi. “Jesu pen Messiah, Pasian’ tapa” ci-in Thuciamthak sungah a tam hetlo thugil khat tawh Martha in na d**g hi. Ama’h zong um hi.

Hankuang vai a kin zong om ding, a kinlo zong om ding hihang. Ahizongin Jesu hong piak hotkhiatna muangin Pasian sungah lametna tawh sih hun ding i kigingkhol thei hi. I sih khit nungah nungta lai ding cih upna in daihna, lungnopna leh lametna hong guan hi. Jesu pen ei hong hon ding Messieah hi ci-in Martha upna i up pih ding hi.
AMY BOUCHER PYE

“Hankuang bawlkholh vai na koici muh hiam? Pasian tawh om tawntung in nuntak ding tuni’n na koici kigin ding hiam?

Jesu aw, Messiah na hi hi. Tu leh a tawntung nang kong up ding hong huh ing.

Amen

KUMTAWN LAI SIANGTHO: PAUNAK 25-26; CORINTH NIHNA 9

16/09/2026

PITHAINI SEPTEMBER 15
TUNI SIMDING: EPHESUS 4:1-6
'Kiniamkhiatin, thunemin, lungduai-in om tawntung un. Khatlekhat kihuhna tawh na ki-itna uh kilangsak un.
EPHESUS 4:2

LUNGDUAI-IN
သည်းခံပါ
BE PATIENT

Khatvei thu a manggilh thei khanggamte a kikepna innah Shiro Oguni va hawh hi. Mipi lak panin tua banga kituam koih pen hi sa theilo-in lamdang om ding ci-in ngaihsun hi. Tua bang lunggeel siamna panin “the Restaurant of Mistaken Orders” kici A kivaikhak Khial Ansai ci-in sai nasemte pen a mangngilh thei cipcip vive tawh a kivaihawm ansai khat hong piang khia hi. Ansai cih pen khuakhoih na ciapteh a hat mahmah mite’ na sepna hi-a, hih ansai tak-a nasemte pen na a ciamteh theilo te hi bilbel hi. Adang ansai nasepte tawh enkak leng hih sai-a na kivai khak 100 ah 37 bang vaikhak khial ci hi. Ahizongin sai a pai te’n zong tua bang bilbial teng mah a theisa in hong pai uh ahi hi. A khialh lam a kiphawk uh ciangin khatlekhat kithum kimai sakin maitai sa tekin sai pan ciat khia uh ci hi.

Paul in “Na lungduai-un (EPHESUS 4:2),” ci’n a genna a thu-in hoih kisa tek napi gamtatna ah kimu khia lo hi. Ahangin lungduai cih pen kikhualna, kitelsiamna, kipanpihna, kimaisakna cih thu tampi na kihel khawm ahi hi. Kammal dang khat tawh gen leh sepkhiat kul hi. Mihing zia tawh a kileh bulh Pasian’ itna tawh hipeuh leh vakgikpi suaklo in a nuam mahmah nuntakzia hong suak ding hi. Hih lungduai nuntakna zia cih pen na nget nangah loh hangin mi khempeuh i kisap ahi, “A kilawm a kituak nuntakna (n1),” i ngah ciangin lungkim theihna hi zaw hi.
JOHN BLASE

Na lungduai zawh loh mi nihte pen kuate hi ding hiam? Tu kal sungah tua mi nihte tungah na koici lungduai ding hiam?

Jesu aw, lungduaina lunggullh ing. a lungduai’ lohnate-ah hong huh in.

Amen

KUMTAWN LAI SIANGTHO: PAUNAK 22-24; CORINTH NIHNA 8

16/09/2026

PIZINGNI SEPTEMBER 14
TUNI SIMDING: PAIKHIATNA 2:23-25; 3:7-10
Israel mite a salsuahna sung uhah amau’ kikona Pasian kiang tung hi. PAIKHIATNA 2:23

HONG HUH PASIAN
ကူညီမစတော်မူသောဘုရားသခင်
THE GOD WHO HELPS

A camp bawlna dinguah k*m 9 a pha a tapa kha-in a pai laitakin lam khial kha-a California a Sierra Nevada mual singlak tengah a mawtaw uh awk sawmsawm hi. A GPS leh a phone te lak kizang thei nawnlo-a, a kileh kikna lampi man thei nawnlo-in nai 24 val gammangin gamlakah giah uh hi. Khe tawh a pai kawmkawmin, “Kei leh ka tapa, gam mang in 911 lah kisam theilo ahih manin hong huh un,” ci-in ciamtehna nusia kawikawi uh hi. A hunin camp ah a tun lo ciangun mizong pawl te’n zon kipah uh-a, a mawtaw uh mu-in a lai nusiatte uh tawh a sawtlo in nutate honkhia thei uh hi.

Sal a tanna Egypt gamah nasia takin kibawlsia a hih manin T**a tungah Israelte nakpi takin kiko uh hi (PAIKHIATNA 1:11-12). Suksia takin na semsak uh a, “Israel mite’ sepna khempeuhah amaute in a gim mahmahin semsak uh hi (n13-14).” Hih gitlohna sungah a suakta dingin Israelte ki-um ngamlo phial ding uh hi. Ahizong a kikona uh Pasian in za-in a honkhia dingin Moses khangsak hi (3:4-10). Amah zangin Egypt gam panin a mite Pasian in paikhiatpih hi (PAIKHIATNA 14-15).

Gammang in hong kibawlsia zongin Pasian ei tawh nai takin hong om-a huhna i nget ciangin a bil hong ngat tawntung hi. Ama’ min leh ama’ zia tawh i kisam huhna Ama’h hong puak ding hi.
ANNE CETAS

Naô kitangsap mahmah huhna Pasian’ kiangah na koici nget ding hiam? Tu laitakin bang huhna ka kisam hiam?

Itna Pasian aw, na thukhualna kisam den ing. Hong huh tawntung in. Ka lungsim vangik teng tu-in na kiangah kong puak hi.

Amen

KUMTAWN LAI SIANGTHO: PAUNAK 19-21; CORINTH NIHNA 7

16/09/2026

NIIPINI | SEPTEMBER 13
TUNI SIMDING: PAUNAK 16:20-25
'Hoih hi, ci-in i ngaihsut thu khat pen sih theih nading thu na hi zawsop thei hi.
PAUNAK 16:25

SIHLAWH THEIH TELKHIALHNA
အန္တရာယ်ဖြစ်စေသည့် ဝေခွဲမရဖြစ်မှု
DEADLY CONFUSION

Sang inndei tawlet panin a ngaih mahmah khat hong ging vat hi. Sang naupang teng tawh ka kilat liang uh hi. Hong ging leuleu hi. Vasa khatin a lutang tawh tawlet limlang a phu nahi hi. Tua bangin k*msimin tawlet limlang phu-in vasa tampi si-a US gam bekbek ah k*msimin awntul bang si ci-in lai sungah ka simkha hi. Banghang tua bangin limlang phukha hiam cih leh tua limlang sunga anteh theipuam a kileng pen an taktak sa-in a bawh ahi ci uh hi. Khatveivei amau’ lim mah vasa dang khat sa-in a tu ahi ci uh hi. Vasa lam pan kician mahmah napi’n a telkhia himawk uh hi.

Sunglam nuntakna man a nei bangin i kimu khak zel pen a lauhuai mahmah ahi hi. A taktakin a lauhuai telkhialhna pi tawh nungta in thei i kisak pen mun nangawn buaina lianpi na hizaw den mawk hi. Paunak ah, “'Hoih hi, ci-in i ngaihsut thu khat pen sih theih nading thu na hi zawsop thei hi (16:25),” na ci hi. A man a dik a mu mah ih kisa-a tua pen i telkhialh na himawk hi. I tualbualpih thu khat nangawn a telkhial gige i hi thei mawk hi. A siang penpen i muhna nangawn mei’ liah bangin a himilmialpi na hithei hi.

Tua manin Pasian’ pilna a kisam ihi hi (n20-21). Thuman hong lak ding leh tua munah hong tunpih dingin Amah bek mah i kisam den hi. Sihtheih telkhialhna panin hong honkhia ding leh a kidim nuntakna i ngah nadingin Amah i kisam den hi.
WINN COLLIER

A khial ngaihsutna hangin na telkhialh bang teng om hiam? Pasian’ pilna in koici bangin hong huh thei ding hiam?

T**a aw, nang pilna ka kisam pha hi. Telkhhialhna pan hong honkhia in nuntakna ah hong kha ing.

Amen

KUMTAWN LAI SIANGTHO: PAUNAK 16-18; CORINTH NIHNA 6

Address

Bogyoke Street
Kalemyo
02091

Opening Hours

Monday 09:00 - 16:00
Tuesday 09:00 - 16:00
Wednesday 09:00 - 16:00
Thursday 09:00 - 16:00
Friday 09:00 - 16:00

Website

Alerts

Be the first to know and let us send you an email when ZCLS posts news and promotions. Your email address will not be used for any other purpose, and you can unsubscribe at any time.

Shortcuts

Share

Category