https://www.facebook.com/219589607902791/

Christian Fellowship Church, Wah Net Chaung, Hmawbi (2026)

08/09/2026

💒 " #ဘုရားကျောင်းအသစ်ဆက်ကပ်ပွဲ”🎉

🙏 #ဘုရားသခင်၏ ကျေးဇူးတော်ကြောင့် ယနေ့ ဘုရားကျောင်းအသစ် ဆက်ကပ်ပွဲ အောင်မြင်စွာ ပြုလုပ်နိုင်ခဲ့ပါပြီ။
#အရာရာအတွက် ဘုရားသခင်အား ကျေးဇူးတင်ချီးမွမ်းပါသည်။ 🙏
❤ #ထိုဆက်ကပ်ပွဲတွင် ကိုယ်တိုင်လာရောက်၍ ပါဝင်ပေးကြသော သမ္မာမိတ်ဆွေများ၊ ညီအစ်ကိုမောင်နှမများနှင့် အားပေးကူညီပေးကြသူများအားလုံးကို အထူးကျေးဇူးတင်ရှိပါသည်။
#ဤဘုရားကျောင်းသည်_ဘုရားသခင်၏ ဘုန်းတော်ထင်ရှားရာ၊ လူများကယ်တင်ခြင်းရရှိရာနှင့် ဘုရားသခင်၏ နှုတ်ကပတ်တော် ပြန့်ပွားရာနေရာတစ်ခု ဖြစ်ပါစေ။

❤ #အားလုံးအပေါ် ဘုရားသခင်၏ ကောင်းကြီးမင်္ဂလာ အစဉ်အမြဲရှိပါစေ။ 🙏🙏🙏

...September 8 Tuesday, 2026
...Wah Net Chaung Village.
...Wah Net Chaung Moravian Church.

26/04/2026

💐

- Sayar Wai Maung

- 9: 30 AM
- 26, April, Sunday
Net ChaungFamilyChurch

15/04/2026

💐
#ဘုရားရဲ့ကျေးဇူးတော်ကြောင့်_ပြီခါနီပိ ❤

12/03/2026

လူအများစုက သတိမထားမိတဲ့ သင်းအုပ်ဆရာရဲ့ဘ၀

သင်းအုပ်ဆရာတစ်ယောက်ရဲ့ ဘဝဟာ စင်မြင့်ပေါ်က ဝတ်လုံဖြူဖြူထက် ပိုမိုလေးလံတဲ့ ဝန်ထုပ်ဝန်ပိုးတွေ ရှိနေတတ်ပါတယ်။ သင်းအုပ်ဆရာနဲ့ သူ့ရဲ့ မိသားစုဟာ အမြဲတမ်း လူအများရဲ့ စောင့်ကြည့်ခြင်းကို ခံနေရပါတယ်။ သူတို့ရဲ့ ဝတ်စားဆင်ယင်မှု၊ သားသမီးတွေရဲ့ အပြုအမူ၊ ဇနီးမောင်နှံ ဆက်ဆံရေးကအစ စံပြဖြစ်နေရမယ်ဆိုတဲ့ ဖိအားက အရမ်းများပါတယ်။ သာမန်လူတစ်ယောက် မှားရင် "လူပဲလေ" လို့ ခွင့်လွှတ်တတ်ကြပေမဲ့ သင်းအုပ်ဆရာမှားရင်တော့ ဝေဖန်မှုဒဏ်က ပြင်းထန်လေ့ရှိပါတယ်။ လူအများစု သတိမထားမိတဲ့ အခက်အခဲ (၁၀) ချက်ကို သင်းအုပ်ဆရာအားလုံး ကိုယ်စားမျှဝေလိုပါတယ်။

၁။ အဆုံးမရှိသော ဝေဖန်မှုဒဏ် (Non-stop Criticism)
သင်းအုပ်ဆရာရဲ့ တရားဟောချက်၊ အသုံးပြုတဲ့ စကားလုံး၊ ဝတ်စားဆင်ယင်မှုကအစ အသင်းသားတွေရဲ့ ဝေဖန်မှုအောက်မှာ ရှိနေပါတယ်။ အားလုံးကို စိတ်ကျေနပ်အောင် လုပ်ဖို့ဆိုတာ မဖြစ်နိုင်ပေမဲ့ လူတိုင်းရဲ့ အမြင်ကို ဂရုစိုက်နေရတာက စိတ်ပင်ပန်းစရာပါ။ "မှန်လုံအိမ်" ထဲက ဘဝ (The Fishbowl Effect) ဖြစ်နေပါတယ်။

သင်းအုပ်ဆရာနဲ့ သူ့ရဲ့ မိသားစုဟာ အမြဲတမ်း လူအများရဲ့ စောင့်ကြည့်ခြင်းကို ခံနေရပါတယ်။ သူတို့ရဲ့ ဝတ်စားဆင်ယင်မှု၊ သားသမီးတွေရဲ့ အပြုအမူ၊ ဇနီးမောင်နှံ ဆက်ဆံရေးကအစ စံပြဖြစ်နေရမယ်ဆိုတဲ့ ဖိအားက အရမ်းများပါတယ်။ သာမန်လူတစ်ယောက် မှားရင် "လူပဲလေ" လို့ ခွင့်လွှတ်တတ်ကြပေမဲ့ သင်းအုပ်ဆရာမှားရင်တော့ ဝေဖန်မှုဒဏ်က ပြင်းထန်လေ့ရှိပါတယ်။

၂။ အသင်းတော်တွင်း နိုင်ငံရေး (Internal Politics)
အသင်းတော်ဆိုတာ ဝိညာဉ်ရေးရာနေရာဖြစ်ပေမဲ့ လူသားတွေစုဝေးရာဖြစ်လို့ ဂိုဏ်းဂဏကွဲတာ၊ အာဏာလုတာနဲ့ အုပ်စုဖွဲ့တာတွေ ရှိတတ်ပါတယ်။ ဆရာတစ်ယောက်အနေနဲ့ ဒီပဋိပက္ခတွေကြားမှာ ဘက်မလိုက်ဘဲ မျှတအောင် ထိန်းကျောင်းရတာဟာ လမ်းသွားရင်း ကြိုးတန်းလျှောက်ရသလို ခက်ခဲပါတယ်။

၃။ မိသားစု၏ ကိုယ်ပိုင်ဘဝ ဆုံးရှုံးခြင်း (Lack of Family Privacy)
ဆရာ့သားသမီးတွေဟာ "စံပြ" ဖြစ်နေရမယ်ဆိုတဲ့ ဖိအားကြောင့် သူတို့ရဲ့ ကလေးဘဝ လွတ်လပ်မှုကို ဆုံးရှုံးတတ်ပါတယ်။ ဆရာကတော် (ဇနီး) သည်လည်း အသင်းတော်ရဲ့ အလုပ်သမားတစ်ယောက်လို အမြဲတမ်း အသင့်ရှိနေပေးရတဲ့အတွက် မိသားစုတွင်း အချိန်ပေးနိုင်မှုမှာ အခက်အခဲရှိပါတယ်။

၄။ ဝိညာဉ်ရေးရာ အတိုက်အခံ (Spiritual Warfare)
ကျမ်းစာအရ သိုးထိန်းကို ရိုက်ရင် သိုးတွေကွဲလွင့်တတ်တာကြောင့် သင်းအုပ်ဆရာတွေဟာ စာတန်ရဲ့ အဓိက ပစ်မှတ်ထား တိုက်ခိုက်ခြင်းကို ခံရပါတယ်။ သာမန်လူထက် ပိုတဲ့ ဝိညာဉ်ရေးရာ ဖိစီးမှုနဲ့ စုံစမ်းနှောင့်ယှက်မှုတွေကို နေ့စဉ် ရင်ဆိုင်နေရတာပါ။

၅။ စိတ်ပျက်အားငယ်မှုနဲ့ အထီးကျန်ခြင်း (Depression & Loneliness)
အသင်းသားတွေရဲ့ ပြဿနာတွေကို နားထောင်ပေးပေမဲ့ ဆရာ့မှာ အခက်အခဲရှိရင် ဖွင့်ပြောဖို့ လူမရှိတာမျိုး ဖြစ်တတ်ပါတယ်။ "သင်းအုပ်ဆရာမှာ သူငယ်ချင်းမရှိဘူး" လို့တောင် တချို့က ဆိုကြပါတယ်။ ဘာကြောင့်လဲဆိုတော့ အသင်းသားတစ်ယောက်ကို ရင်းနှီးလွန်းရင် "မျက်နှာလိုက်တယ်" လို့ အပြောခံရနိုင်ပါတယ်။ မိမိရဲ့ အားနည်းချက် ဒါမှမဟုတ် သံသယတွေကို အသင်းသားတွေကို ဖွင့်ပြောလိုက်ရင် ဝိညာဉ်ရေးရာ အားနည်းတယ်လို့ အထင်ခံရမှာ ကြောက်ရပါတယ်။ ဒါကြောင့် အခက်အခဲရှိရင် တစ်ယောက်တည်း ကြိတ်မှိတ်ဖြေရှင်းရတာများပါတယ်။

၆။ ဆုံးဖြတ်ချက်ချရခြင်း၏ ဝန်ထုပ်ဝန်ပိုး (Decision Fatigue)
အသင်းတော်ရဲ့ အရေးကြီးတဲ့ ကိစ္စရပ်တိုင်းမှာ နောက်ဆုံး ဆုံးဖြတ်ချက်ပေးရသူ ဖြစ်ပါတယ်။ ထိုဆုံးဖြတ်ချက် လွဲချော်သွားရင် ခံရမယ့် ဒဏ်ကို တစ်ယောက်တည်း ရင်ဆိုင်ရတာကြောင့် ညပေါင်းများစွာ အိပ်မပျော်တဲ့ ဖိစီးမှုတွေ ရှိတတ်ပါတယ်။ သင်းအုပ်ဆရာဆိုတာ အသင်းသားတွေရဲ့ သောကတွေကို သိမ်းဆည်းပေးရတဲ့ "အမှိုက်ပုံး" လို ဖြစ်နေတတ်ပါတယ်။

တစ်အိမ်တက်ဆင်း သွားပြီး နာရေး၊ ဖျားနာမှု၊ အိမ်ထောင်ရေးပြဿနာ၊ စီးပွားပျက်ကွက်မှုတွေကို နားထောင်ပေးရပါတယ်။ သူတစ်ပါးရဲ့ ဝမ်းနည်းမှုကို ကိုယ်ချင်းစာပေးရလွန်းလို့ ကိုယ်တိုင် စိတ်ဓာတ်ကျခြင်း (Depression) နဲ့ Burnout ဖြစ်ခြင်းတွေကို ခံစားရတတ်ပေမဲ့ ဘယ်သူ့ကိုမှ ပြန်ပြောပြလို့မရတဲ့ အခြေအနေမျိုးပါ။

၇။ သစ္စာဖောက်ခံရခြင်းနှင့် စိတ်ဒဏ်ရာ (Betrayal & Relational Pain)
နှစ်ပေါင်းများစွာ ချစ်ခင်ပြီး သွန်သင်ပေးခဲ့တဲ့ အသင်းသားတွေက ဆရာ့ကို အထင်လွဲပြီး ထွက်သွားတာ ဒါမှမဟုတ် တိုက်ခိုက်တာမျိုး ကြုံရတဲ့အခါ ခံစားရတဲ့ စိတ်ဒဏ်ရာက အလွန်နက်ရှိုင်းပါတယ်။

၈။ ၂၄ နာရီ တာဝန်ကျခြင်း (Always On-Call)
သန်းခေါင်ယံမှာ ဖျားနာသူရှိရင် သွားရပါတယ်၊ မင်္ဂလာဆောင်၊ နာရေး၊ ကလေးကင်ပွန်းတပ် စတဲ့ လူမှုရေးကိစ္စတွေ အားလုံးမှာ မရှိမဖြစ် ရှိနေပေးရပါတယ်။ အနားယူချိန် (Vacation) ယူဖို့ဆိုတာ သင်းအုပ်ဆရာတစ်ယောက်အတွက် အလွန်ခဲယဉ်းတဲ့ အရာပါ။

သင်းအုပ်ဆရာမှာ ရုံးပိတ်ရက်ဆိုတာ မရှိသလောက်ပါပဲ။ ညသန်းခေါင်မှာ အသင်းသားတစ်ယောက် နေမကောင်းဖြစ်ရင် သွားကြည့်ရပါတယ်။ မိသားစုနဲ့ အပန်းဖြေနေရင်း ဖုန်းလာရင်လည်း ကိုင်ရပါတယ်။ ကိုယ်ပိုင်အချိန် (Private Time) နဲ့ အမှုတော်လုပ်ငန်း (Ministry) ကို ခွဲခြားဖို့ အလွန်ခက်ခဲပါတယ်။ "တရားဟောစင်ပေါ်က မိနစ် ၃၀ ဟောပြောချက်နောက်ကွယ်မှာ... သင်းအုပ်ဆရာရဲ့ နာကျင်မှု၊ မျက်ရည်နဲ့ အနစ်နာခံမှုပေါင်းများစွာ ရှိနေတတ်ပါတယ်။"

၉။ ဘဏ္ဍာရေးဆိုင်ရာ ဖိအား (Financial Struggles)
အသင်းတော်အများစုဟာ ဆရာ့ကို လုံလောက်တဲ့ ထောက်ပံ့ကြေး မပေးနိုင်ကြပါဘူး။ "အမှုတော်ဆောင်ဆိုတာ ဆင်းရဲရမယ်" ဆိုတဲ့ မှားယွင်းတဲ့ အယူအဆကြောင့် ဆရာတွေဟာ မိသားစုစားဝတ်နေရေးအတွက် တိတ်တဆိတ် ရုန်းကန်နေရတတ်ပါတယ်။ သင်းအုပ်ဆရာအများစုဟာ အသင်းတော်ကပေးတဲ့ ထောက်ပံ့ကြေး (Honorarium) အပေါ်မှာပဲ မှီခိုရတာပါ။

အသင်းတော် အခြေအနေမကောင်းရင် ဒါမှမဟုတ် အသင်းသားတွေနဲ့ အဆင်မပြေရင် မိသားစုစားဝတ်နေရေးက ချက်ချင်း ထိခိုက်နိုင်ပါတယ်။

"ဘုရားသခင် ပြင်ဆင်ပေးမှာပါ" ဆိုတဲ့ ယုံကြည်ခြင်းနဲ့ အလုပ်လုပ်နေရပေမဲ့ လက်တွေ့ဘဝရဲ့ ကုန်ဈေးနှုန်းနဲ့ မိသားစုလိုအပ်ချက်တွေကြားမှာ စိတ်ဖိစီးမှု ဒဏ်ကို ခံကြရပါတယ်။

၁၀။ အောင်မြင်မှုကို တိုင်းတာရန် ခက်ခဲခြင်း (Difficulty Measuring Success)
စီးပွားရေးသမားက အမြတ်ကို ကြည့်ပြီး အောင်မြင်မှု တိုင်းတာလို့ရပေမဲ့၊ သင်းအုပ်ဆရာကတော့ လူတွေရဲ့ "စိတ်နှလုံး ပြောင်းလဲမှု" ကို ကြည့်ရတာပါ။ ရလဒ်က ချက်ချင်းမပေါ်တဲ့အတွက် ငါလုပ်နေတာတွေ အကျိုးရှိရဲ့လားဆိုတဲ့ ကိုယ့်ကိုယ်ကိုယ် သံသယစိတ် (Insecurity) နဲ့ အမြဲတိုက်ပွဲဝင်နေရပါတယ်။

သင်းအုပ်ဆရာတစ်ယောက်ဟာ လူသားတစ်ယောက်သာ ဖြစ်ပါတယ်။ သူတို့မှာလည်း နာကျင်တတ်တဲ့ နှလုံးသားရှိကြောင်း နားလည်ပေးဖို့ လိုအပ်ပါတယ်။

#သင်းအုပ်ဆရာကိုဘယ်လိုပံ့ပိုးမလဲ
သင်းအုပ်ဆရာတစ်ယောက်ဟာ အသင်းသားတွေအတွက် ဝိညာဉ်ရေးရာ အစာကျွေးမွေးသူဖြစ်သလို၊ အပြန်အလှန်အားဖြင့် အသင်းသားတွေရဲ့ မေတ္တာနဲ့ ပံ့ပိုးမှုကိုလည်း လိုအပ်တဲ့ လူသားတစ်ယောက်ဖြစ်ပါတယ်။ သူတို့ကို ခွန်အားပေးပြီး ကူညီပံ့ပိုးနိုင်မယ့် လက်တွေ့ကျတဲ့ နည်းလမ်း (၇) ချက်ကို အကြံပြုပေးလိုက်ပါတယ်။

၁။ ပုံမှန်ဆုတောင်းပေးပါ (Pray for Them Constantly)
သင်းအုပ်ဆရာအတွက် အကောင်းဆုံးလက်ဆောင်ဟာ ဆုတောင်းခြင်းပါ။ "ဆရာ့အတွက် ဆုတောင်းပေးနေပါတယ်" လို့ ပြောရုံတင်မဟုတ်ဘဲ သူတို့ရဲ့ ကျန်းမာရေး၊ မိသားစုနဲ့ ဝိညာဉ်ရေးရာ ခွန်အားအတွက် သတ်သတ်မှတ်မှတ် ဆုတောင်းပေးပါ။ ဆရာ့ကို ကိုယ်တိုင်ပြောပြပြီး ဆုတောင်းပေးခြင်းက သူတို့ကို အထီးမကျန်စေဘဲ နောက်ကွယ်မှာ ဝန်းရံသူရှိတယ်ဆိုတာ သိစေပါတယ်။

၂။ ကျေးဇူးတင်စကားကို အသေးစိတ်ပြောပါ (Express Specific Gratitude)
"တရားဟောတာ ကောင်းပါတယ်" ဆိုတာထက် "ဒီနေ့ တရားဟောချက်ထဲက ဘယ်အချက်က ကျွန်တော့်ဘဝအတွက် ဘယ်လိုအသုံးဝင်သွားတယ်" ဆိုတာမျိုးကို အသေးစိတ် ဖွင့်ပြောပါ။ ဆရာ့ရဲ့ ကြိုးစားအားထုတ်မှုက အချည်းနှီးမဖြစ်ဘူးဆိုတာ သိရတဲ့အခါ သူတို့အတွက် အကြီးမားဆုံး ခွန်အားဖြစ်စေပါတယ်။

၃။ အပြုသဘောဆောင်သော တုံ့ပြန်မှုပေးပါ (Be an Encouraging Listener)
ဝေဖန်သူထက် နားထောင်သူ၊ နားလည်ပေးသူ ဖြစ်ပါစေ။ ဆရာ့မှာ အခက်အခဲရှိနေပုံရရင် ဝေဖန်မယ့်အစား "ဆရာ ဘာများ အကူအညီလိုမလဲ" ဒါမှမဟုတ် "ဆရာ့ကို နားလည်ပေးမယ့်သူတစ်ယောက်အနေနဲ့ ကျွန်တော် ရှိနေပါတယ်" ဆိုတဲ့ အသိပေးချက်မျိုးက သူတို့ရဲ့ စိတ်ပိုင်းဆိုင်ရာ လုံခြုံမှုကို ပေးစွမ်းပါတယ်။

၄။ ဆရာ့မိသားစုကို ဂရုစိုက်ပါ (Support Their Family)
ဆရာ့သားသမီးတွေနဲ့ ဇနီးအပေါ် ဖိအားမပေးဘဲ ချစ်ခြင်းမေတ္တာ ပြသပါ။ ဆရာ့သားသမီးတွေကို မုန့်ကျွေးတာ၊ လက်ဆောင်ပေးတာ ဒါမှမဟုတ် ဆရာ့ဇနီးကို အားပေးစကားပြောတာမျိုးက ဆရာ့အတွက် ဝန်ထုပ်ဝန်ပိုးကို တဝက်သက်သာစေပါတယ်။ "မိသားစုကို ချစ်ပေးတဲ့ အသင်းသား" တွေရှိတာဟာ ဆရာ့အတွက် အလွန်အားရှိစရာပါ။

၅။ လက်တွေ့ကျကျ ပံ့ပိုးပါ (Offer Practical Help)
အရေးကြီးတဲ့ လူမှုရေးကိစ္စတွေ၊ အသင်းတော် သန့်ရှင်းရေး ဒါမှမဟုတ် စီမံခန့်ခွဲမှုကိစ္စတွေမှာ ဆရာတစ်ယောက်တည်းကိုပဲ မလုပ်ခိုင်းပါနဲ့။ "ဆရာ... ဒီကိစ္စကို ကျွန်တော် တာဝန်ယူလိုက်ပါ့မယ်" လို့ ပြောပြီး ဆရာ့ပခုံးပေါ်က ဝန်ကို ကူထမ်းပေးပါ။ ဒါမှသာ ဆရာဟာ ဆုတောင်းခြင်းနဲ့ တရားဟောခြင်းမှာ ပိုပြီး အာရုံစိုက်နိုင်မှာ ဖြစ်ပါတယ်။

၆။ ကိုယ်ပိုင်အချိန်ကို လေးစားပေးပါ (Respect Their Boundaries)
ဆရာ့မှာလည်း မိသားစုအချိန်နဲ့ အနားယူချိန် လိုအပ်ပါတယ်။ အလွန်အရေးကြီးတဲ့ ကိစ္စမဟုတ်ရင် ညသန်းခေါင် ဒါမှမဟုတ် အားလပ်ရက်တွေမှာ ဖုန်းဆက်တာမျိုးကို ရှောင်ကြဉ်ပါ။ ဆရာ့ကို အနားယူဖို့ တိုက်တွန်းပါ၊ ခွင့်ပြုပါ။ အားပြည့်နေတဲ့ သိုးထိန်းကသာ သိုးတွေကို ပိုမိုကောင်းမွန်စွာ ထိန်းကျောင်းနိုင်မှာပါ။

၇။ ဘဏ္ဍာရေးအရ ရက်ရောပါ (Be Financially Generous)
ဆရာ့ရဲ့ လိုအပ်ချက်တွေကို မမေးဘဲ တိတ်တဆိတ် သိနားလည်ပေးပါ။ "အမှုတော်ဆောင်ဆိုတာ ဆင်းရဲရမယ်" ဆိုတဲ့ အတွေးမျိုးကို ဖယ်ဖျက်ပြီး ဆရာ့မိသားစု စားဝတ်နေရေးအတွက် သင့်တင့်လျောက်ပတ်တဲ့ ထောက်ပံ့မှုရှိအောင် အသင်းတော်ကို တိုက်တွန်းပါ (သို့မဟုတ်) ကိုယ်တိုင်လည်း ရက်ရောစွာ ပေးကမ်းပါ။

Credit #
Biblical Voice in Burmese - BVB

21/12/2025

🍂 မှာ စားခဲ့တဲ့ ပုံရိပ်များ 😍
💐 ကျွေးမွေးဧည့်ခံခြင်း ပုံများ

Christian Fellowship Church

19/12/2025

🍂 #ဘုရားရဲ့ကျေးဇူးတော်ကြောင့်_2025_ရဲ့ အကောင်းဆုံး ပြီးမြောက်ခဲ့ပါတယ်။🎉🎉
💐 #ပါဝင်ပေးတဲ့_အားလုံးပေါ်မှာ_ဘုရားသခင်ထံမှ ကောင်းချီးမဂ်လာ ပေးပါစေ။ ❤

💙

fans

18/12/2025

🍁🍂မနက်အတွက်အတွက် အဆင်သင့်ပဲနော်။ 😁
အားလုံးကို ဖိတ်ခေါ်ပါတယ်။ 💙

fans

14/12/2025

🍂 🎉🎁
We warmly invite you.❤

💌 #အားလုံးကို_ခရစ်တော်၏နာမ၌ ဖိတ်ခေါ်ပါတယ်။
⛪ #နေ့လည်စာ - ပြင်ဆင်ထားပါတယ်။

- Wah Net Chaung
- 9: 00 to 12: 00 Pm

16/11/2025

တမန်တော်များယုံကြည်ချက်(The Apostles' Creed)
Ye Ming (ပတ္တမြားမြေ)

တမန်တော်များ၏ယုံကြည်ချက်ဆိုတာခရစ်ယာန်ဂိုဏ်းကြီး(၃)ခုဖြစ်တဲ့ရိုမန်ကာသိုလိတ်၊အရှေ့ပိုင်းအော်တိုဒေါ့နဲပရိုတက်စ်တင့်တွေ့ရဲ့အဓိကယုံကြည်ချက်တွေဖြစ်ကြပါတယ်။ခရစ်ယာန်များရဲ့အဓိကယုံကြည်ချက်ပြဒါန်းခဲ့တဲ့(၄)မျိုးထဲမှာတမျိုးအပါအဝင်ပါ။ကနဦးယုံကြည်မှုရဲ့အချုပ်အချာလဲဖြစ်ပါတယ်၊၁ရာစုနဲ့၂ရာစုကြားမှာရေးသားခဲ့တယ်လို့ပညာရှင်များကခန့်မှန်းကြပါတယ်။တချို့ကဒီတမန်တော်များ၏ယုံကြည်ချက်ဟာတမန်တော်(၁၂)ပါးကနေတယောက်တစ်ချက်စီရေးသားခဲ့တယ်လို့ပြောကြပေမဲ့သမိုင်းပညာရှင်တွေကတော့တမန်တော်တွေသေဆုံးပြီးမှဒီယုံကြည်ချက်ဟာရေးထွက်လာတာလို့ဆိုပြန်ပါတယ်။ဘယ်လိုဘဲပြောပါစေဒီယုံကြည်ချက်ဟာတမန်တော်တွေရဲ့သွန်သင်ချက်နဲ့ကိုက်ညီနေတဲ့အတွက်တမန်တော်များ၏ယုံကြည်ချက်လို့အမည်ပေးထားတာမှားမယ်မထင်ပါ။

တမန်တော်များ၏ယုံကြည်ချက်မှာခရစ်ယာန်တွေရဲ့အဓိကဖြစ်တဲ့ယုံကြည်ချက်ကိုချပြထားတာဖြစ်ပါတယ်၊အထူးသဖြင့်အဲဒီခေတ်ကလွဲမှားတဲ့အယူဝါဒဖြစ်တဲ့နော့စ်တဇီဇင်(Gnosticism)အယူကိုတိုက်ဖျက်ဖြေရှင်းခြင်းပါ။Gnosticismအယူဆိုတာလူ့ညာဏ်ပညာကိုသာအားကိုးပြီးကယ်တင်ခြင်းရနိုင်တယ်ဆိုတဲ့အယူပါ။

တမန်တော်များယုံကြည်ချက်က(၁၂)ချက်ပါဝင်ပြီးအပိုင်း(၃)ပိုင်းခွဲထားပါတယ်။ပထမပိုင်းကဖန်ဆင်းရှင်ဖြစ်တဲ့ဘုရားသခင်ကိုယုံကြည်ခြင်းဖြစ်ပြီး၊အဲဒီခေတ်ကအဓိကအယူလွဲဖြစ်တဲ့မာစီရန်(Marcion)ကိုတိုက်ဖျက်ခြင်းပါ။Marcionအယူဆိုတာဖန်ဆင်းရှင်ဟာဆိုးတဲ့သူမကောင်းတဲ့သူဖြစ်ကြောင်းအဓိကပြောဆိုသူပါ။ဒုတိယပိုင်းကတော့ယေရှုခရစ်တော်ဟာရာနူန်းပြည့်ဘုရား၊ရာနူန်းပြည့်လူဖြစ်ကြောင်းပြဒါန်းပြီးအထူးသဖြင့်အယူလွဲသုံးမျိုးဖြစ်တဲ
၁။ခရစ်တော်နဲ့ယေရှုခွဲတဲ့ Docetismအယူလွဲဝါဒ။
၂။ယေရှုကသာမန်လူဖြစ်ပြီးဗတ္တိဇံခံမှဘုရားကမွေးစားသွားတာပါဆိုတဲ့Adoptionistအယူလွဲဝါဒ။
၃။ယေရှုဟာလူဇာတိမရှိဘူး၊ဘုရားဇာတိဘဲရှိတယ်ဆိုတဲ့Monarchianismအယူလွဲဝါဒ။
ဒီသုံးမျိုးကိုတိုက်ဖျက်ခြင်းဖြစ်ပါတယ်။
တတိယပိုင်းကတော့သန့်ရှင်းသောဝိညာဉ်တော်ဘုရားကိုယုံကြည်ခြင်း၊အသင်းတော်နဲ့အပြစ်လွတ်ခံရခြင်း၊ပြန်လည်ရှင်ပြန်ထမြောက်ခြင်းကိုယုံကြည်ခြင်းဘဲဖြစ်ပါတယ်။

တမန်တော်များ၏ယုံကြည်ချက်ဆိုတာအသင်းတော်ထဲမှာသမ္မာကျမ်းစာပြီးရင်နေရာအပေးခံရဆုံးလဲဖြစ်ပါတယ်၊ယုံကြည်သူဖြစ်လာခါစလူတွေကိုသင်တန်းပေးပြီးလမ်းမလွဲအောင်ဒီယုံကြည်ချက်နဲ့စည်းဘောင်ခက်ပေးရပါတယ်၊တချို့အသင်းတော်တွေမှာဗတ္တိဇံခံတဲ့သူတွေကိုရွတ်ဆိုခိုင်းပါတယ်၊တချို့အသင်းတော်မှာဆိုရင်ဝတ်ပြုစည်းဝေးအစသို့မဟုတ်အဆုံးသတ်မှာရွတ်ဆိုကြရပါတယ်။ပရိုတက်စတင့်ရှေ့ပြေးဖြစ်တဲ့မာတင်လုသာကတော့ဒီယုံကြည်ချက်ထက်ရှင်းလင်းတိကျတာမရှိတော့ဘူးလို့မှတ်ချက်ပေးခဲ့ပါတယ်၊John Calvinကတော့ဒီယုံကြည်ချက်ဟာသမ္မာကျမ်းထဲကယုံကြည်မှုအနှစ်ချုပ်ဖြစ်တယ်လို့ဆိုပါတယ်။တကယ်လဲဒီယုံကြည်ချက်ပြဒါန်းမှုဟာနောင်လာနောက်သားတွေအတွက်ယုံကြည်မှုတည့်မတ်ပေးခဲ့ရုံတင်မကရှေ့လျှောက်ပြဒါန်းလာမဲ့နိစိန်ယုံကြည်ချက်(The Nicene Creed)၊ဂျာ့စ်တောင်ယုံကြည်ချက်(Chalcedon Creed)နဲ့အက်နာနေးရှင်းယုံကြည်ချက်(The Athanasian Creed)အသီးသီးတွေကိုးကားရမဲ့အဓိကယုံကြည်ချက်ဖြစ်လာပြီးအသင်းတော်သမိုင်းမှာအယူလွဲတွေကိုဖော်ထုတ်တိုက်ဖျက်ဖို့အရေးပါခဲ့ပါတယ်။

သမ္မာကျမ်းစာဆိုတာဘုရားနူတ်ထွက်စကားတွေဖြစ်ပြီး၊ဒီကျမ်းစာအားဖြင့်ဘုရားကိုသိရှိယုံကြည်ရတာပါ။တမန်တော်များ၏ယုံကြည်ချက်(၁၂)ချက်ကတော့ကျမ်းစာဖတ်ပြီးကိုယ်ဘာကိုအဓိကယုံကြည်နေတာဘာလဲဆိုတာကိုရှင်းရှင်းလေးသိအောင်ချပြထားတဲ့သဘောပါ။ဒီယုံကြည်ချက်ဟာယနေ့တိုင်ကိုယ်ဘာကိုယုံကြည်နေလဲဆိုတာရှင်းရှင်းလေးသိစေပြီးဘယ်သူတွေကအယူလွဲနေလဲဆိုတာကိုသတ်မှတ်ပေးနေတုန်းမို့ခုထိအသက်ဝင်နေပါတယ်။

ကိုယ်တိုင်ဘာသာပြန်ပြုပြင်ထားတာမို့အမှားပါရင်ကျွန်တော်ဆရာရဲမင်းရဲ့အားနည်းချက်ဖြစ်ကြောင်းဝန်ခံပါတယ်။

:
Ye Ming - RubyLand

Christian Fellowship Church

08/09/2026

26/04/2026

15/04/2026

12/03/2026

21/12/2025

19/12/2025

18/12/2025

14/12/2025

16/11/2025

Address

Telephone

Website

Alerts

Shortcuts

Share

Category

Listing takedown request