01/04/2026
Pathian hnen ah lungawi thusimnak
A hmaisabik ah Kawhhran k*m (25) kim tiang lam in hruaitu Pathian hmin kan thangthat.
2001, April thla ihsin Falam Baptist Church ih blessing pek nak in Kawhhran dinthok asi.
Ziangvek dinhmun khal ah Pathian in in thlauthla lo, lam in hruai, harsat nak lakah in um pi. Hmuntin ih um Kawhhran sungtel zate sawm aw kan duhmi cu tu ih kan ton rero mi harsatnak le buainak hin kan thazang in pelhsolh ter ih kan zumnak tiang tumsuk ih umtu siloin Pathian rinsan ih zumnak ah hngetkhoh zet ih a dingtu, nitin nun nak ah Christian ziaza tuahsernak thawn a mil aw mi nun a neitu si cio hram uh. Pathian mithmai tha hawl in kan tuah kan tuan mi kip hi a hmin sunlawinak hrangah si hramseh. K*m (25) kim tiang rinumten lam in hruaitu cun hmailam a ralai dingmi caan khal ah mangbangza zet in lam in hruai ding. Ramsung le ramleng ih um Kawhhran sungtel zate parah Pathian in a thlawsuah famkim a thar in thum hramseh.
Kan ram boruak ruangah laihlum thei kan silo, mah le remcang nak ciar ih um kan si. Cuti a si ruangah mah le um nak ciar in Pathian hnenah lungawi thusim cio ding kan lo sawm.
Tufang dinhmun ah Kalaymyo le Hakha (Kalay center le Hakha center tii in kan ko)ahcun thlakhat ah voi hnih Pathian biakkhawmnak kan nei tlang thei. April 12, 2026( Nipi ni) ah hih center pahnih ah Kawhhran k*m 25 kim Pathian sunloih thangthatnak nei ding kan si.
Thlaza camsak aw nak in kan cingmang aw dingih Pathian in hmunkhat teah tonkhawm aw sal nak in pek dingih Amah thangthat tlangin lungawi thu diriamten kan sim tlang ding.
Nan zate parah Pathian thlawsuah thleng hramseh
