21/02/2026
ပဋ္ဌာန်းတစ်လ အဓိဌာန်ဝင်နည်း
🏵🏵🏵🏵🏵🏵🏵🏵🏵
တောင်းဆိုထားတဲ့အတွက် တင်ပေးလိုက်ပါတယ်ရှင့်
🙏
No.1 ( သြကာသ ကန်တော့ချိုး )
************************
နမောတသရွတ်ဆို၍ဘုရားရှိခိုးပါ...
ငါးပါးသီလခံယူပါ...
No.2 ( အဓိဋ္ဌာန်ပြုပါ )
*****************
ဘုရားတပည့်တော်သည် ( စရွတ်သည့်နေ့ ) စ၍ နေ့စဉ်မပြတ် တစ်လတိတိပဋ္ဌာန်းဒေသနာတော်များ ရွတ်ဆိုပြီး
မြတ်စွာဘုရားကိုပူဇော်ပါမည်ဟုအဓိဋ္ဌာန်ပြုပါသည်
အရှင်ဘုရား
🙏
ထိုကဲ့သို့ တစ်လအဓိဋ္ဌာန်ပဋ္ဌာန်းရွတ်ဖတ်ပူဇော်ရာတွင်
ယနေ့အဓိဋ္ဌာန်အဖြစ် ယခုအချိန်မှစ၍ ပဋ္ဌာန်းဒေသနာတော်များကိုရွတ်ဖတ်ကာမြတ်စွာဘုရားအားပူဇော်ပါတော့မည်အရှင်ဘုရား
🙏
No.3 ( နတ်ပင့် )
************
No.4 ( မေတ္တာသုတ် ရွတ်ဆိုခြင်း )
************************
No.5 ( ခွင့်တောင်း )
***************
No.6 ( တရားနာဖိတ် )
****************
No.7 ( ဖယ်ရှား )
***********
No.8 ( ရွတ်ဖတ် )
*************
နမောတသသုံးကြိမ်ရွတ်ဆိုပါ။
ပစ္စယုဒ္ဒေသ အစချီ၍ ပဋ္ဌာန်းအကျဉ်းနှင့်တကွပဋ္ဌာန်းအကျယ်ကို အသံထွက်မှန်မှန်နှင့်ဖြည်းဖြည်းရွတ်ဖတ်ပါ...
No.9 ( ပြန်လည်ခေါ်ယူ )
*******************
No.10 ( မေတ္တာပို့ / အမျှဝေ )
***********************
No.11 ( နတ်ပို့ )
*************
No.12 ( ဆုတောင်း )
***************
ယခုအခါတွင်ဘုရားတပည့်တော်မသည်တစ်လအဓိဋ္ဌာန်ရွတ်ဖတ်ပူဇော်ရာတွင်ယနေ့အဓိဋ္ဌာန်အဖြစ် မြတ်စွာဘုရားအားပူဇော်ပြီးပါပြီ 🙏
ဤသစ္စာစကားကြောင့်လည်းကောင်း
ဤပဋ္ဌာန်းဒေသနာတော်၏တန်ခိုးရှိန်စော်အာနုဘော်
တို့ကြောင့်လည်းကောင်း
ဤပဋ္ဌာန်းဒေသနာတော်ကိုရွတ်ဆိုရသောကောင်းမှုကုသိုလ် နာကြားရသောကောင်းမှုကုသိုလ်တို့၏ တန်ခိုးတေဇော်အာနုဘော်တို့ကြောင့် လည်းကောင်း
ပဋ္ဌာန်းဒေသနာတော်ကိုရွတ်ဆိုပီးတိုင်းတပည့်တော်နှင့်ထပ်တူထပ်မျှရစေဖို့ အမျှပေးဝေရတဲ့ ကောင်းမှူကုသိုလ်
ဝမ်းမြောက်နုမောသာဓုခေါ်ဆိုရတဲ့ကောင်းမှူကုသိုလ်တို့၏တန်ခိုးတေဇော်အာနုဘော်တို့ကြောင့်လည်းကောင်း
တပည့်တော်သည် ( လိုရာဆုတခုထဲသာ တစ်လတိတိဆုတောင်းပါ ) ပြည့်ရပါလို၏ဘုရား
🙏🙏🙏
#မှတ်ချက်
အဓိဋ္ဌာန်ဝင်သည့်ရက်များတွင်
သက်သက်လွတ်စားနိုင်လျှင်ပိုကောင်းပါတယ်...
ငါးပါးသီလလုံလျှင်လည်းပိုကောင်းပါတယ်...
အချိန်အတိအကျနေရာအတိအကျတွင်
ရွတ်နိုင်လျှင်ပိုကောင်းပါတယ်...
ဆုတခုမပြည့်မချင်းရွတ်လျှင်လည်းရပါသည်..
ကိုယ်ရွတ်ချင်သလောက်တစ်လပီးတစ်လရွတ်နိုင်ပါသည်..
ယုံယုံကြည်ကြည်ဖြင့်ပူဇော်ပေးပါ...
အကယ်လို့အဓိဌာန်မဝင်ပဲ
******************
ပဋ္ဌာန်းရွတ်ဖတ်ပူဇော်မည်ဆိုပါလျှင်လည်း
No.2 နဲ့ No.12 ကိုသာဖြုတ်၍ဆိုရပါမယ်
ဒါမှသာပြီးပြည့်စုံသောပဋ္ဌာန်းရွတ်ဖတ်ပူဇော်ခြင်း
ဖြစ်ပါလိမ့်မယ်ရှင့် ..
🙏🙏🧘♀️🙏🧘♀️🙏🧘♀️🙏🙏
ပဋ္ဌာန်းတရားကို စနစ်တကျ တစ်လ အဓိဌာန် ပူဇော်နည်း
https://www.facebook.com/share/p/1JpoqfUdth/
စိတ်ဓာတ်ကျပြီး အနာဂတ်မရှိသလို ခံစားရရင်
https://www.facebook.com/share/p/181dtdGtYD/
နှုတ်စွမ်းအား တက်တယ်
https://www.facebook.com/share/p/16zyVcEfhX/
ဘဝမှာ အခက်အခဲ အကြပ်အတည်းများရင်ဆိုင်နေရရင်
https://www.facebook.com/share/p/183eqzKLKZ/
ပဋ္ဌာန်းရွတ်ပွားခြင်းအကျိုး
https://www.facebook.com/share/p/1NPrZj4HQC/
တလအဓိဋ္ဌာန်ဖြင့် ရွတ်ဖတ်ပူဇော်လိုသူမိတ်ဆွေများရှိရင် ပူဇော်နိုင်ဖို့ရာ ပြန်လည်ကူးယူဖော်ပြပါသည်....
မူရင်းရေးသားသူအား လေးစားစွာဖြင့်
ကုသိုလ်ယူမျှဝေပေးလိုက်ပါတယ်ရှင့်
🙏
ပြန်လည်မျှဝေသည်။
credit: : original uploader
🙏🙏🧘♀️🙏🧘♀️🙏🧘♀️🙏🙏
#ပဌာန်းရွတ်ပွားခြင်းအကျိုး
😇🙏🙏🙏😇
ပဋ္ဌာန်း မှန်မှန် ၊ နှစ်ရှည် ရွတ်ခြင်း၏ အကျိုးများကို ယုတ္တိ သဘောဖြင့် ဆင်ခြင်ကြည့်ခြင်း …
ပဋ္ဌာန်းရွတ်တယ် ဆိုတာ ပဋ္ဌာန်း ပစ္စယ ဥဒေသ နဲ့ ပစ္စယ နိဒေသ တို့ ကို ရွတ် ဆိုတာ ကိုဆိုလိုပါတယ်။
မြတ်စွာဘုရား ဟောကြားခဲ့တဲ့ ပဋ္ဌာန်းဒေသနာကို အရှင်သာရိပုတ္တရာ က မကျဉ်းမကျယ် ပြန် ဟောထားတဲ့ ပဋ္ဌာန်း ၅ ကျမ်းကိုတော့ မြည်သံမစဲ ပဋ္ဌာန်းပွဲ ဆိုပြီး ရွတ် ဆိုကြတာလည်းရှိပါတယ်။
ကိုယ့် တစ်နိုင်တစ်ပိုင်ကတော့ ပဋ္ဌာန်း ပစ္စယ ဥဒေသ နဲ့ ပစ္စယ နိဒေသ ကို ပဲ ရွတ်ကြပါတယ်။
အသံမှန် နဲ့ ရွတ်ရင် နာရီ ဝက်လောက် အလုပ်လုပ်ရပါတယ်။
အသံထွက်ပြီး ရွတ်ရပါတယ်။
အဓိပ္ပါယ် နားမလည်ခင်ပဋ္ဌာန်းရွတ် တဲ့အခါ ….
စိတ်ထဲ မှာ ရှိနေသင့်တာက …
အော် …….. မြတ်စွာဘုရား ဟောခဲ့ တဲ့ တရားကို ငါလိုက်
ဆိုနေတာပါလား။
တရားဓမ္မကို ရွတ်ဖတ်ခြင်း ဖြင့် ဘုရား ကို ဓမ္မဖြင့် ငါ ပူဇော် နေတာပါလား ဆိုတဲ့ အသိ တရား (သတိတရား) နဲ့ ရွတ်ကြပါတယ်။
ရွတ်ဆိုနေရာမှာ လည်း အသံထွက် မမှားရအောင် ၊ တရားအစီအစဉ် မလွဲရအောင် ၊ တလေးတစား နဲ့ ရွတ်ရပါတယ်။
နေ့စဉ်မှန်မှန်ရွတ်တော့ ဘာအကျိုးရှိသလဲ ဆိုတာ ယုတ္တိ သဘောနဲ့ ဆင်ခြင် ကြည့်တော့ …
(၁) နေ့စဉ် ကောင်းမှု ကုသိုလ် တစ်ခု ကို အာစိန္နကံ အားထုတ် ရာရောက်ပါတယ်။ နေ့စဉ် တစ်လ နှစ်လ လောက်ရွတ် ယုံနဲ့ မထူးခြားပေ
မယ့်.. နေ့စဉ် မှန်မှန် ၁၀ နှစ် အနှစ် ၂၀ ရွတ် လာတဲ့ လူအတွက် ကျတော့ …. ကုသိုလ်တွေစုမိသလို ဖြစ်လာပါတယ်။
(၂) နေ့စဉ် မှန်မှန် နှစ်ချီ ရွတ်လာတော့ အလေ့အကျင့် ဖြစ်လာပါတယ်။ ကျင့်သားရနေတော့ အရေးအကြောင်းဆို ပါးစပ်က ပဋ္ဌာန်းဒေသနာ ကို အလိုလို ရွတ် မိလျှက်သား ဖြစ်နေတတ်ပါတယ်။ လောကဒဏ် နဲ့ မမျှော်လင့်ပဲရင်ဆိုင်ရတဲ့ အခါမှာ … ကြောက်ရွံ့ခြင်း၊
ဒေါသ ဖြစ်ခြင်း စတာတွေ ထက် ….
ပဋ္ဌာန်းတရား ပေါ် အာရုံရောက်သွားပြီး၊ အကုသိုလ် ဖြစ်ရမယ့်နေရာမှာတောင် ကုသိုလ် ဖြစ်ဖြစ် နေတတ်ပါတယ်။
(၃) တစ်နေ့ တစ်ခါ ရွတ် ဆိုနေကျကို …
တစ်နေ့ရွတ်ဆိုပြီးသွားတိုင်း …..
အော်… ဒီနေ့တော့ ငါ ပြုနေကျ ကုသိုလ် ကောင်းမှု တစ်ခု … တစ်နေ့စာ အောင်မြင် ပြီးမြောက်ခဲ့ပြန်ပြီ ဆိုတဲ့ …
ကျေနပ်တဲ့စိတ် ၊ ဝမ်းမြောက် တဲ့ စိတ်ဟာလည်း …
ကျန်တစ်နေ့တာ လုံးကို စိတ်ထဲ လမ်းဆမ်းစေဖို့ အထောက်အကူ ပြုနိုင်ပါတယ်။
(၄) တစ်နေ့ နာရီဝက်လောက် မပျက်တမ်း နှစ်ရှည် ရွတ်လာ တာ…. ကြာတော့လည်း ….. ရေစက်ကလေးတွေ စုလာတော့ .. ရေအိုးပြည့်သလိုပါပဲ ။
ကိုယ့် သဏ္ဍန်မှာ ဓမ္မနဲ့ ပူဇော် ရတဲ့ကုသိုလ်တွေ ပြည့်နေတော့ …. ဘဝ အဆက်ဆကိက ပြုခဲ့တဲ့ အကုသိုလ်တွေ၊ယခုအ
ခါ အမှတ်တမဲ့ ပြုလိုက်မိတဲ့ အကုသိုလ်တွေ ဟာ အကျိုးပေးခွင့်အလားအလာ နည်းပါးလာပြီး။ ဘဝ အဆက်ဆက်က ပြုခဲ့တဲ့ ကုသိုလ်တွေ။ ယခု ပြုလိုက်တဲ့ တခြားကုသိုလ်တွေ ဟာ တော့ အကျိုးပေးဖို့ အခွင့်သာ လာပါလိမ့်မယ်။
(၅) သေခါ နီးပြီဆိုပါစို့ ၊ မိသားစု ထဲက တစ်ယောက်ယောက်လောက်က ပဋ္ဌာန်း ရွတ်သံကလေး ပေးလိုက်တယ် ဆိုပါစို့ ။ ကိုယ်ကနှစ်ရှည် အလေ့အကျင့်ကောင်းကောင်း ရှိထားတယ် ဆိုရင် စုတိစိတ်ဖြစ်ခါနီး ကလေး မှာ ၊စိတ်က ပဋ္ဌာန်းဒေသနာကို စွဲ ပြီး သေရတော့ … အပါယ် ကျဖို့ မဖြစ်နိုင်။ သုဂတိ ဘဝ ကိုရဖို့ က သေခြာသွားပြန်ရော။
(၆) ဒီဘဝ ပဋ္ဌာန်း နှစ်ရှည် မှန်မှန် ရွတ် ထားတဲ့ ပါရမီ ကောင်း က ရှိနေတော့ ၊နောက်ဘဝ ကျပြန်တော့ ဉာဏ်ကောင်းတဲ့ သူ ဖြစ်ပါတယ်။ ဆက်ပြီး ရွတ်ရင်း ဆင်ခြင် သုံးသတ်ပြီး အကျွတ်တရားတောင်ရနိုင်ပါတယ်။
ကံအကောင်းဆုံးလူသားများ
🔸🔸🔸🔸🔸🔸🔸🔸🔸
ပဋ္ဌာန်းရွတ်ဖတ်ပူဇော်ကြသော ဓမ္မမိတ်ဆွေများ
(၁) နိမိတ်မပြလို့
(၂) မထူးခြားလို့
(၃) ကောင်းကျိုးမပေးသေးလို့ ဆိုပြီးစိတ်ပျက်အားမငယ်ကြပါနဲ့။
အမှန်တကယ်တော့ ပဋ္ဌာန်းတရားဆိုသည်မှာ မြတ်စွာဘုရားရှင်ကိုယ်တော်မြတ်ကြီးမှ လေးအသင်္ချေနှင့်ကမ္ဘာတစ်သိန်းတို့၌
အမျိုးမျိုးသောပါရမီတို့ကို ဖြည့်ကျင့်ခဲ့ပြီး ဘုရားဖြစ်တော်မူ၍ သဗ္ဗညုတဉာဏ်တော်ကြီးဖြင့် ထိုးထွင်းထင်ထင်သိမြင်တော်မူခဲ့သော ပဋ္ဌာန်းတရားတော်ကြီးဖြစ်ပါသည်။
ထိုပဋ္ဌာန်းတရားတို့အား ယခုဓမ္မမိတ်ဆွေများ နာကြားကြရတယ်၊ရွတ်ဖတ်ပူဇော်ကြရပါတယ်။ ထိုကုသိုလ်ထူးသည်ပင်အနန္တဖြစ်ပါတယ်။ ထိုကဲ့သို့ နာကြားရဖို့၊ ရွတ်ဖတ်ပူဇော်ဖို့ဆိုရာတွင်----
၁။လူဖြစ်ဖို့ရန်မလွယ်ပါ🔸
မြတ်စွာဘုရားရှင်ဟောကြားထားသည်မှာလူဖြစ်ဖို့အာတွက် သမုဒ္ဒရာထဲတွင်မျှောပါနေသော လှည်းထမ်းပိုးရဲ့အပေါက်နှင့် အနှစ်တစ်ရာမှတစ်ခါပေါ်သော လိပ်ကန်းရဲ့ဦးခေါင်းတို့စွပ်မိနိုင်ခြင်းထက်ပင်ခက်ခဲ့သည်ဟု ဟောကြားထားလေသည်။
၂။ဘုရားသာသနာနှင့်ကြုံဖို့မလွယ်ပါ🔸
ဗုဒ္ဓမြတ်စွာဘုရားရှင်က သတ္တဝါတို့၏သံသရာအစသည်များပြားလွန်းအားကြီး၍ အစပင်မမြင်နိုင်လောက်အောင် ရှည်လျားလွန်းလှပါသည်ဟုဟောကြားထားလေသည်။ ဖြစ်လေရာဘဝများစွာတို့သာသနာနှင့်မကြုံခဲ့သော ဘဝများစွာရှိခဲ့ကြပေမည်။
၃။ဗုဒ္ဓဘာသာဝင်ဖြစ်ဖို့မလွယ်ပါ🔸
ကမ္ဘာမှာလူဦးရေသန်း၉ထောင်ကျော်ရှိပါတယ်။ ကမ္ဘာပေါ်မှာအဓိကဘာသာကြီး ၄ ခုရှိပါတယ်။ ခရစ်ယာန်၊မူစလင်၊ဟိန္ဒူ၊ ဗုဒ္ဓဘာသာ ဆိုပြီး ၄ခုထဲမှာ ဗုဒ္ဓဘာသာက သန်း(၆၀၀)ကျော်ပဲရှိပါတယ်။ ထိုထဲမှာမှ ထေရဝါဒစစ်စစ်က သန်း(၁၆၀)လောက်ပဲရှိပါတော့တယ်။
သာသနာတော်သုံးရပ်လုံးရဲ့အဓိကတာဝန်ကိုယူထားရတာက မြန်မာတစ်နိုင်ငံပဲရှိပါတယ်။
၄။တရားဓမ္မများနာကြားရွတ်ဖတ်ရန်မလွယ်ပါ🔸
ဗုဒ္ဓဘာသာဝင်အများစုသည် ဗုဒ္ဓ၏တရားများရှိသော်လည်းမလိုက်စားကြ။ တရားတော်များ ကျင့်ကြံ၊အားထုတ်၊ရွတ်ဖတ်ချင်သော်လည်း မကျမ္မာကြ။ ကျမ္မာသော်လည်း ခန္ဓာရဲ့ချွတ်ယွင်းချက်များရှိကြပြန်ပါတယ်။
ထိုမလွယ်တာတွေများစွာကို ပိုင်ဆိုင်ထားကြသော ဓမ္မမိတ်ဆွေတို့သည်
ကံအကောင်းဆုံးလူများဖြစ်နေကြပါပြီ။
ပဋ္ဌာန်းရွတ်ဖတ်ပူဇော်သောသူများသည် ဗုဒ္ဓမြတ်စွာဘုရားရှင်၏ ဂုဏ်တော်များ၊ တန်ခိုးတော်များ၊ ဉာဏ်တော်များကို စိတ်မှာရည်သန်လျှက် စေတနာ၊ သဒ္ဒါတရားထက်သန်စွာဖြင့် ရွတ်ဖတ်ပူဇော်ကြစေချင်ပါသည်။
ထိုကဲ့သို့ရွတ်ဖတ်ပူဇော်ရခြင်းသည်ပင် ကုသိုလ်အနန္တရရှိနေကြပါပြီ။ နတ်ကောင်းနတ်မြတ်တို့ရဲ့စောင့်ရှောက်မှုကိုလည်းခံယူနေကြရပါတယ်။ ရွတ်ဖတ်ပူဇော်ပြီးချိန်၌ ငါဟာဘုရားရှင်ရဲ့ တန်ခိုးအရာလွန်ကြီးမားတဲ့ ပဋ္ဌာန်းတရားတော်ကြီးကို ရွတ်ဖတ်ပူဇော်ခဲ့ရပြီ၊ အမွန်မြတ်ဆုံးသော ကုသိုလ်ထူးကို ပြုလုပ်ခဲ့ရပြီဟု စိတ်နှလုံးရွှင်လန်းပြီး ဝမ်းသာဂုဏ်ယူလိုက်ကြပါ။
ကောင်းကျိုးပေးချိန်မတန်သေးလို့မပေးသေးတာပါ။
အထက်မှာရေးခဲ့သလိုပဲ သံသရာကြီးကရှည်လျားလွန်းတာကြောင့် အကုသိုလ်တို့သည်မည်မျှလုပ်ခဲ့သည်ဆိုတာမသိနိုင်ကြပါ။ ထိုအကုသိုလ်များကို ပဋ္ဌာန်းရွတ်ဖတ်ပူဇော်ရင်း ဝဋ်ကြွေးများ၊ မကောင်းသောအကုသိုလ်များ ချေဖျက်နေကြသည်ဟုမှတ်ယူကြပါ။
အနည်းငယ်မျှသောအကုသိုလ်တို့သည် ပဋ္ဌာန်းတန်ခိုးကြောင့် ပြေပျောက်ကြပါတယ်။ ကြီးမားတဲ့အကုသိုလ်တွေလည်း အနည်းငယ်မျှပေးဆပ်ရုံဖြင့် ပြေပျောက်ကြပါတယ်။ မြတ်စွာဘုရားရှင်ကိုယ်တော်မြတ်ကြီးတောင်မှ ဘုရားအဖြစ်မရောက်ခင် ခြောက်နှစ်တိုင်တိုင် ဒုက္ကရစရိယာကျင့်၍ ဝဋ်ကြွေးတော်ဆပ်ခဲ့ရပါတယ်။ ဘုရားအဖြစ်ရောက်ပြန်တော့လည်း ဝဋ်ကြွေးတော်များကိုဆပ်ခဲ့ရတာပါပဲ။
ပဋ္ဌာန်းတရားတော်မြတ်ကြီးသည်
ဓမ္မမိတ်ဆွေများအတွက် နိဗ္ဗာန်အထိရောက်အောင်ကျင့်ကြံအားထုတ်နိုင်သောတရားတော်ကြီးဖြစ်ပါသည်။ တန်ဖိုးအရာဖြင့်ပိုင်းဖြတ်၍မရနိုင်ပါ။
ထို့ကြောင့်🌷🌷🌷🌷🌷🌷
🔸ဝဋ်ကြွေးတွေကျေချင်ရင်
🔸အကုသိုလ်တွေပြေပျောက်ချင်ရင်
🔸နတ်ကောင်းနတ်မြတ်တို့ရဲ့အစောင့်အရှောက်ကိုခံယူချင်ရင်
🔸ကုသိုလ်အနန္တရချင်ရင်
🔸ကံအကောင်းဆုံးလူသားများဖြစ်ချင်ရင်တော့ဖြင့်
အဆုံးစွန်သော မဂ် ဖိုလ် နိဗ္ဗာန်ရဲ့အထောက်ပံ့ကောင်းထိရရှိနိုင်ပြီး ကြီးမားလွန်းလှသည့်အကျိုးကျေးဇူးကြီးကိုပိုင်ဆိုင်နိုင်သော တန်ခိုးအရာလွန်ကြီးမားသော
#ပဋ္ဌာန်းတရားတော်ကြီး ကို
မအိုခင်၊မနာခင်၊မသေခင်အချိန်လေးမှာ- တွေ့တုံး၊ကြုံတုံး၊ဆုံတုံးအချိန်လေးမှာ - ရွတ်ဖတ်ပူဇော် ကျင့်ကြံအားထုတ်နိုင်ကြတုံးမှာ-
ရွတ်ဖတ်ပူဇော် နာယူမှတ်သား သင်ယူ ကျင့်ကြံ အားထုတ် ပွားများကြပါလို့ မေတ္တာရှေ့ထား တိုက်တွန်းနိုးဆော်လိုက်ရပါတယ် ။
ဓမ္မမိတ်ဆွေသူတော်ကောင်းအပေါင်းတို့
🙏 ... 🙏 ... 🙏
🌷မေတ္တာဖြင့်မျှဝေပါသည်🌷
credit: :original uploader
