Rantsana Fanantenana FJKM Tanjombato Maritiora

04/05/2026

Ma.Ma.F
Mitsangana💪
Mihazavà 💥
Mahefà @ asa hatao😇...
🎀FJKM Tanjombato Maritiora 💒

03/04/2026

Lioka 23 : 44-49 🙏

".......Ary niantso tamin'ny feo mahery Jesoa ka nanao hoe: Raiko o, eo an-tananao no atolotro ny fanahiko ary rehefa niteny izany Izy, dia afaka ny ainy. ......."

30/03/2026

Lioka 6 :32-36

30/03/2026

1 Kor 11:27
"Mihinana sy misotro...amin'ny fanahy tsy mendrika"

1. Tsy tonga lafatra isika

2. Fa miezaka ho marina eto

3. Tsy kilalao ny zava-panahy

29/03/2026

Ary raha nanakaiky Izy ka nahita ny tanàna, dia nitomany azy
Lio 19:41
🪴Alahadin'ny sampan-drofia 🌾

25/03/2026

🙏MIVAVAHA KA AZA MITSAHATRA 🙏

MIVAVAHA 🙏

MIVAVAHA na mandiso fanantenana anao aza ny fiainana.

MIVAVAHA na mandiso fanantenana anao aza ny fiaraha-monina.

MIVAVAHA na mandiso fanantenana anao aza ny namana...

MIVAVAHA fa TSY handiso fanantenana anao Andriamanitra.

Dr IRAKO ANDRIAMAHAZOSOA Ammi, Mpitandrina ✍️


.........................
Manasa anao hanaraka hatrany ny pejy ❣️

23/03/2026

Sal 71:7
"Tonga toa zava-mahagaga eo imason'ny maro aho, nefa Ianao no fiarovana mafy ho an'ny aiko"

1. Manana finoana, toetra ve isika, anatin'ny sarotra ?

2. Ny Tompo no niavian'izany.

3. Misaotra Jesoa !

22/03/2026

"Fa izay miandry an'i Jehovah dia mandroso hery kosa;
Elatra no hiakarany tahaka ny voromahery;
Hihazakazaka izy, nefa tsy ho sasatra;
Handeha izy, nefa tsy ho reraka"
🙏isa 40:31 🙏

5 mn ho an'ny Tanora sy ny Ankizy

AKANY : FIAINGANA HIATRIKA NY HOAVY

Akany efa tsara omana no hahatongavan'ny zana-boromahery ety an-tany. Ny volon'ny ray aman-dreniny efa toy ny kidoro mitondra hafanana ho azy. Ny fiarovana amin'ny fahavalo dia tena azo antoka. Ny sakafo moa dia mandray vonona.

Fa amin'ny fotoana iray, dia esorin'ny voromahery avokoa ireo "confort" teo aminy ireo. Alainy ireo volo, ka karaobato sy tsilo no hitan'ny zana- boromahery.

Ilay " confort" izao io, dia mety ho fefy tsy hivoarana amin'ny hoavy. Dia atosiky ny voromahery ireo zanany hisedra ny fiainana. Fa eo foana izy tsy manary ny zanany.

TSY MAHAY MANIDINA SY HAHERY ISIKA, RAHA NY "CONFORT" ANKEHITRINY NO IFIKIRANA.

SOA FA ESORIN'NY TOMPO IRENY INDRAINDRAY, MBA HAHA VOROMAHERY MAHALEO TENA ANTSIKA.

"Fa izay miandry an'i Jehovah dia mandroso hery kosa. Elatra no iakarany tahaka ny voromahery" (Isa 40:31)

Andriamampianina Zaka, Mpitandrina

19/06/2025

Mofonaina anio
Alakamisy 19 Jona 2025
An' ny Tompo ny Fahefana
Deoteronomia 20 : 1 - 4

Ny amin'ny miaramila sy ny tafika

Raha mivoaka hanafika ny fahavalonao ianao ka mahita soavaly sy kalesy ary olona maro noho ianao, dia aza matahotra azy; fa Jehovah Andriamanitrao kosa, izay nitondra anao niakatra avy tany amin'ny tany Egypta, no momba anao. Ary rehefa hanafika ianareo, dia hanatona ny mpisorona ka hiteny amin'ny olona hoe: Mihainoa, ry Isiraely o, fa efa hanafika ny fahavalonareo ianareo anio; koa aza ketraka ny fonareo ary aza matahotra, na mikorapaka foana, na mangorohoro noho ny tahotra azy; fa Jehovah Andriamanitrareo no miara-mandeha aminareo hiady ho anareo amin'ny fahavalonareo mba hamonjy anareo. — Deoteronomia 20 : 1 - 4

Mirary soa sy fitahian'Andriamanitra ho antsika hatrany 🥰🙏

18/06/2025

Mofonaina anio
Alarobia 18 Jona 2025
An' ny Tompo ny Fahefana
Genesisy 1 : 1 - 13

Ny namoronan'Andriamanitra izao tontolo izao

Tamin'ny voalohany Andriamanitra nahary ny lanitra sy ny tany. Ary ny tany dia tsy nisy endrika sady foana; ary aizina no tambonin'ny lalina. Ary ny fanahin'Andriamanitra nanomba tambonin'ny rano. Ary Andriamanitra nanao hoe: Misia mazava; dia nisy mazava. Ary hitan'Andriamanitra fa tsara ny mazava; ary nampisarahin'Andriamanitra ny mazava sy ny maizina. Ary Andriamanitra nanao ny mazava hoe andro; ary ny maizina nataony hoe alina. Dia nisy hariva, ary nisy maraina, andro voalohany izany. Ary Andriamanitra nanao hoe: Misia habakabaka eo anelanelan'ny rano; ary aoka hampisaraka ny rano amin'ny rano izy. Ary Andriamanitra nanao ny habakabaka ka nampisaraka ny rano ambanin'ny habakabaka tamin'ny rano ambonin'ny habakabaka; dia nisy izany. Ary Andriamanitra nanao ny habakabaka hoe lanitra. Dia nisy hariva, ary nisy maraina, andro faharoa izany. Ary Andriamanitra nanao hoe : Aoka hiangona ny rano eny ambanin'ny lanitra ho eo amin'ny fitoerana iray, ary aoka hiseho ny maina; dia nisy izany. Ary Andriamanitra nanao ny maina hoe tany; ary ny rano tafangona nataony hoe ranomasina. Ary hitan'Andriamanitra fa tsara izany. Ary Andriamanitra nanao hoe: Aoka ny tany haniry ahitra sy anana mamoa ary hazo fihinam-boa izay mamoa, samy araka ny karazany avy, ka manam-boa ao aminy, eny ambonin'ny tany; dia nisy izany. Ary ny tany naniry ahitra sy anana mamoa samy araka ny karazany avy, ary hazo mamoa izay manam-boa ao aminy, samy araka ny karazany avy. Ary hitan'Andriamanitra fa tsara izany. Dia nisy hariva. ary nisy maraina, andro fahatelo izany. — Genesisy 1 : 1 - 13

Mirary tontolo andro mahafinaritra ary mirary soa ho antsika rehetra 🥰🙏