Fiangonana Tana City Faralaza

26/08/2026

Apokalipsy 3:3 [DIEM]
[3] Koa tsarovy izay fomba nandraisanao sy nihainoanao ny tenin’Andriamanitra ary dia tano izany ka ialao ny toe-dratsinao. Raha tsy miambina ianao, dia ho avy toy ny mpangalatra Aho, ka tsy ho fantatrao izay ora hiaviako aminao.

Ny Tompo dia mahafantantra sy mahita ny fo.
Fantany rehefa tena mitoetra marina ao Aminy ny fontsika na mody mitoetra. Raha toa ka mitoetra amin'ny modimody dia fotoana izao ialàna amin'izany ! Mangetahetà ho havaozin'Andriamanitra indray. Mibebaha - tohizo ny dia - miambena amin'ny fotoana rehetra!

Ny tenin'Andriamanitra no mampafantatra ny sitrapony ; ny tenin'Andriamanitra no manazava ny làlana handeha amin'ny Fanahy sy ny Fahamarinana.
Ny tenin'Andriamanitra no manampy antsika hibanjina an'i Jesosy Kristy, Ilay ohatra tonga lafatra!
Raiso ny tenin'Andriamanitra, hevero ny tenin'Andriamanitra.
Aoka hamela ny Teny, hanavao ny fontsika isika !
Aza avela mandalo fotsiny ny tenin'Andriamanitra izay torina aminao, aza avela handalo fotsiny ny tenin'Andriamanitra izay vakinao, fa saintsaino izany dia meteza ho eo ambanin'ny fampianarana sy ny fitarihan'ny Fanahy Masina.

Mitoera tsara :
𝐌𝐢𝐡𝐚𝐢𝐧𝐨𝐚, 𝐦𝐢𝐛𝐞𝐛𝐚𝐡𝐚, 𝐦𝐢𝐚𝐦𝐛𝐞𝐧𝐚, 𝐚𝐫𝐲 𝐦𝐚𝐡𝐚𝐫𝐞𝐭𝐚 𝐡𝐚𝐭𝐫𝐚𝐦𝐢𝐧'𝐧𝐲 𝐟𝐚𝐫𝐚𝐧𝐲 𝐫𝐲 𝐦𝐩𝐚𝐧𝐨𝐦𝐩𝐨 𝐦𝐚𝐡𝐚𝐭𝐨𝐤𝐲!

📖 Deotoronomia 17
📖 Apokalipsy 3

25/08/2026

Apokalipsy 2:2-5 [DIEM]

[2] Fantatro ny asanao sy ny fikelezanao aina ary ny faharetanao, mbamin’ny tsy fahazakànao ny ratsy fanahy; efa nozahanao toetra ireo milaza ny tenany ho apôstôly, kanjo tsiizy ary hitanao fa mpandainga ireo;
[3] ary manana faharetana ianao, ka mizaka ny mafy noho ny amiko sady tsy ketraka.
[4] Saingy izao no anomezako tsiny anao: nihemotra tamin’ilay fitiavanao tany am-boalohany ianao.
[5] Koa tsarovy izay nitoeranao fony mbola tsy lavo, dia ialao ny toe-dratsinao, ka ataovy indray ny asanao tany am-boalohany; fa raha tsy izany, dia ho avy aminao Aho, ka hanaisotra ny fitoeranjironao amin’izay misy azy, raha toa tsy ialanao ny toe-dratsinao.

• Ny atao hoe mpino Kristiana marina dia mitia an'i Jesosy Kristy amin'ny fo, saina rehetra, hery rehetra ary fanahy.
Koa ny fitondran-tena tsara, ny fahazotoana amin'ny fiarovana ny marina, na ny fifehezantena dia tsy mahasolo ny fitiavana an'i Kristy izay lasa nangatsiaka.
𝐌𝐢𝐯𝐞𝐫𝐞𝐧𝐚 𝐚𝐦𝐢𝐧'𝐧𝐲 𝐟𝐢𝐭𝐢𝐚𝐯𝐚𝐧𝐚 𝐯𝐨𝐚𝐥𝐨𝐡𝐚𝐧𝐲 !

📖 Deotoronomia 16
📖 Apokalipsy 2

24/08/2026

Apokalipsy 1:8 [DIEM]
«𝐈𝐳𝐚𝐡𝐨 no 𝐀𝐥𝐟𝐚 sy 𝐎𝐦𝐞𝐠𝐚», hoy ny Tompo ankehitriny sy taloha ary ho avy, ilay Tsitoha.

𝐀𝐥𝐟𝐚 : fiandohana
𝐎𝐦𝐞𝐠𝐚 : fiafarana
Tsy misy zavatra hafa ivelan'ny fiandohana sy ny fiafarana fa mandrakizay no ao. I 𝐊𝐫𝐢𝐬𝐭𝐲 no fiandohana - I 𝐊𝐫𝐢𝐬𝐭𝐲 no fiafarana.

Izy, no Ilay 𝐀𝐥𝐟𝐚 sy 𝐎𝐦𝐞𝐠𝐚 ; tsy misy zavatra manerana an'izao hary rehetra izao ka ivelan'ny fahefaNy. Izy no mifehy ny zavatra rehetra ary Azy ny zavatra rehetra.
Koa raha ho avy ny andro izay hiverenan'i 𝐊𝐫𝐢𝐬𝐭𝐲 amin'ny voninahiNy, dia tsy hisy hahasakana sy hahatohitra izany fiverenaNy izany; satria Mpanjaka Izy ary hanjaka mandrakizay. Ary izay voasarotra rehetra ao amin'ny Teniny, dia tsy maintsy ho tanteraka avokoa. Amen !

Miorena tsara. Miadia ny ady tsara ny finoana !
Mahereza, momba antsika mandrapatongan'ny fahataperan'izao tontolo izao Ny Tompo 🙂 !

📖 Deotoronomia 15
📖 Apokalipsy 1

23/08/2026

Tiantsika ny Alahady!!!

Fintin'ny androany an-tsary...

Pre-service+Fiderana+Toriteny+AlphaJeune

22/08/2026

Salamo 42:2
Mangetaheta an’Andriamanitra ny fanahiko, dia Andriamanitra velona; Rahoviana no ho tonga aho ka hiseho eo anatrehan’Andriamanitra?

Androany! Ianao irery sy ny Tompo
Rahampitso! Isika mianakavy sy ny Tompo 😊👌

21/08/2026

ALPHA JEUNE

Liana hahalala ny finoana bebe kokoa ve ianao tanora na ny zanakao(raha ray aman-dreny ianao)? Manana baraingo maro momba ny finoana?
Hanomboka ity série ity ny tanora tsika!
Isaky ny Alahady amin'ny 11.15
Ento ny namanao!

21/08/2026

20/08/2026

Manasa anao hisoratra anarana dieny izao amin'ny seminera MITAO 2026.
"Miorim-paka ao amin' i Kristy"

Mifarana amin'ny FAMILY DAY izany seminera izany. Dieny izao misorata anarana ihany koa ho fandaminana.

Ho an'ny Batisa dia aza misalasala manatona an'i Ps Tojo na ny iray amin'ireo loholona eo anivon'ny fiangonana.

20/08/2026

Mankamamy an' Andriamanitra | Mitia ny olona... Manova ny tanàna

18/08/2026

NY TENA FITIAVANA HOY IANAO?

Indraindray isika mieritreritra fa mila manao zavatra bebe kokoa vao ho tia antsika Andriamanitra.
Saingy mampahatsiahy antsika ity andininy ity fa Andriamanitra no nanao ny dingana voalohany.

Tia antsika Izy satria nisafidy hitia antsika tsotra izao. Noporofoiny teo amin'ny Hazofijaliana mihitsy izany fitiavany anao izany. Izany no atao hoe Filazantsara!

Valiny andrasany Aminao? Aza miantehitra ny vitanao ho Azy fa mahatokia ny vitany ho anao...

Rehefa hanao zavatra ho Azy isika dia tsy hoe MANAO MBA (Ho tiaviny) fa MANAO SATRIA EFA (nahatsapa sy niaina ny fitiavany) !