FTP Aumônerie Militaire Saint Joseph Androva Mahajanga

20/12/2025

Hafaliana sy fiadanana!

Hitantsika @ Evanjely androany ny fomba niavian'ny Famonjena tamin’i Maria, izay naneken’ny anjely ny fitondrana ny Zanak'Andriamanitra. Na dia gaga tamin'ny tenin’ny anjely aza, i Maria dia niaraka tamin’izay ny fanekeny sy ny finoany nanatanteraka ny vinan’Andriamanitra. Ny herin'ny faharesen-dahatra sy ny fahavononana hanaraka ny sitrapon’Andriamanitra no nipoitra tamin'ny fomba fandraisana an'i Jesoa ho tonga nofo.

Amin'ny vakiteny voalohany, dia nambaran'ny mpaminany Isaia ny fahaterahan’ny Zaza avy amin’ny virjiny ho famantarana lehibe ho an’ny olombelona. Izany no mampahatsiahy antsika fa ny famonjena dia avy amin’ny fahasoavan’Andriamanitra, izay manatanteraka ny fanekena sy ny fikasana maha-olona ho an’ny rehetra.🙏

FTP Aumônerie Militaire Saint Joseph Androva Mahajanga

09/12/2025

Mbolatsara!

Ny fahatongavan'ny Tompo dia fahasoavana lehibe ho an'ny fiainantsika. Jesoa, Mpamonjy tonga amin'ny heriny, mitondra fahazavana sy fanantenana ho an'ny vahoakany. Raha misy olana, dia manan-kery ny vavaka sy ny fanantenana amin'ny fahatongavany. Izy no mandrava ny ratsy sy mitondra fiainana mandrakizay.

Amin'ny fanompoana sy fitiavana, mitarika antsika i Jesoa ho amin'ny fahamarinana. Mampirisika antsika hifankatia sy hiandry Azy amin'ny fanantenana. Raha misy fahadisoana, dia hahita fiainana vaovao isika amin'ny fitiavany. Jesoa no ho avy, miandry Azy isika amin'ny heriny. Mifampivavaka 🙏

FTP Aumônerie Militaire Saint Joseph Androva Mahajanga

08/12/2025

Mbolatsara!

Notontosaina ny Alahady faha-07 Desambra, tamin’ny 09 ora maraina, ny Sorona Masina narahina fitsofan-drano ny Grotte tao amin’ny Chapelle Militaire Saint Joseph Androva – Mahajanga.

Ny lanonana dia notarihin’i Son Excellence Monseigneur Zygmunt Robazschevtz, Evekan’i Mahajanga.

🙏 Fankasitrahana an’Andriamanitra noho izao fotoana feno fahasoavana izao.
🤍 Ho tahin’Andriamanitra anie ny Chapelle sy ny mpino rehetra.
FTP Aumônerie Militaire Saint Joseph Androva Mahajanga

30/11/2025

Miarahaba.

Amin’ity Alahady voalohany amin’ny Avent ity, ny Evanjely (Mt 24, 37-44) dia mampahatsiahy antsika teny tsotra iray: mifohaza, miambena. Tsy hampitahotra antsika izany, fa hampifoha ny fontsika. Hoy i Jesoa: « Miomàna tsara ianareo ». Ny Fiangonana, amin’ny fisafidianany ity Evanjely ity, dia mampahafantatra antsika fa tsy fotoanan’ny fitsaharana ny Avent fa fotoanan’ny “tolona” hiadiana amin’ny ratsy izay manimba ny fiainantsika, ny fiarahamonina… ary lalana mankany amin’ny fiainana maha zanak’Andriamanitra. Ary i Jesoa dia manonona ny andron’i Noa mba hampieritreritra ireo mpihaino Azy. Mampalahelo fa mbola miseho ankehitriny izany raha jerentsika ny zava-mitranga manodidina antsika. Tahaka ny tamin’ny andron’i Noa, misy olona miaina toy ny tsy misy Andriamanitra. Eo no loza: fandraisan-dratsy loatra amin’ny raharaha sy adidy, indrindra amin’izao fotoanan’ny krizy izao, ka hadinointsika ny tena zava-dehibe.

Ny miambena dia midika hoe mametraka an’Andriamanitra ho ivon’ny fiainantsika isan’andro: amin’ny asantsika, ny fihaonantsika, ny vavaka ataontsika, ny safidintsika… Tsy hoe manao zavatra betsaka kokoa, fa miaina amin’ny fo mitodika amin’Andriamanitra. Tsy amin’ny tabataba no iavian’Andriamanitra, fa ao anatin’ny fiainana andavanandro, ao anatin’izay heverintsika ho tsotra. Ary ilay endriky ny mpangalatra? Matetika ny Tompo no tonga tampoka: ao anatin’ny antso iray, olona iray mila vonjena, famelan-keloka tokony hatao. Noho izany rehetra izany, azontsika lazaina fa mangataka amintsika fotsiny Andriamanitra mba hanome toerana ho Azy ao am-pontsika… endrey re ny fanetren-tenany! Vonona ve isika hanolotra ny fontsika handraisana Ilay ho avy: i Kristy ary koa ny mahantra izay sendraina amintsika?

Soa ihany fa tsy irery isika “eny an-dalana mankany amin’ny Noely” sy amin’ny “tolona hiadiana amin’ny ratsy”. Eo i Jesoa ary manaraka sy manampy antsika Izy. Mirary fiomanana tsara sy masina ho amin’ny Noely amin’izao fotoanan’ny Avent izao. Mirary taom-piangonana vaovao sambatra sy masina, Taona A, Taonan’i Matio. Mirary fety sambatra sy masina ho an’izay rehetra mitondra ny anarana hoe André. 🙏

29/11/2025

Mbolatsara!

Nifampitaona teny Berivotra indray ny FTP Aumônerie Militaire Saint Joseph Androva Mahajanga , androany Sabotsy 29 Novambra 2025. Koa eto dia tsy hay ny tsy hisaotra antsika tanora rehetra, tamin’ny asa fambolen-kazo nataontsika androany, asa feno fanantenana sy fitiavana ny tontolo iainana. Ny mamboly hazo dia toy ny mamboly aina, fa ny tanatsika anio no miaro ny ain’ny taranaka. Tanora mandray andraikitra isika, manangana ho avy maitso sy mamelona fanantenana ho an’ny fiaraha-monina. Tahaka ny hazo mafy faka, enga anie isika haharitra amin’ny soa sy ho modely amin’ny asa tsara.

Isaorana manokana koa ireo Pretrantsika, Père Joseph sy Père Tolotra, sy ny Filohan’ny Filan-kevitra noho ny fanohanana sy fitarihana nomeny anay tanora. Tsy hadinoina koa ireo choral Chapelle Militaire Afa Choral niara-namboly hazo nanamafy ny firaisankina. Nampamirapiratra ny hetsika ny fiaraha-mientan’ny rehetra, ka nahatonga azy ho andro tsy hay hadinoina. Enga anie hitondra vokatra maharitra sy fitahiana maro ho antsika rehetra ity asa soa ity.

“Ny marina dia ho tahaka ny hazo nambolena teo amoron’ny rano, izay mamoa amin’ny fotoanany.” (Salamo 1:3)

23/11/2025

👉KRISTY MPANJAKA🙏💌🎉✨
👉Anio alahady faha 23 novembre 2025💒
👉"IRAY FO, ,MIARA MIASA HAMPANDROSO NY FITORIANA NY EVANJELY."💓💌

20/11/2025

⛪🇻🇦𝗩𝗢𝗔𝗗𝗜𝗗𝗜𝗡'𝗡𝗬 𝗘𝗚𝗟𝗜𝗭𝗬 𝗔𝗧𝗔𝗢 : 𝗡𝗬 𝗙𝗜𝗙𝗔𝗗𝗜𝗔𝗡-𝗞𝗔𝗡𝗜𝗡𝗔 𝗔𝗗𝗜𝗡𝗬 𝗜𝗥𝗔𝗬 𝗠𝗜𝗔𝗟𝗢𝗛𝗔𝗡'𝗡𝗬 𝗙𝗔𝗡𝗗𝗥𝗔𝗜𝗦𝗔𝗡𝗔 𝗡𝗬 𝗘𝗢𝗞𝗔𝗥𝗜𝗦𝗧𝗜𝗔 𝗠𝗔𝗦𝗜𝗡𝗔🇻🇦⛪

👉Ny fifadian-kanina 𝐚𝐝𝐢𝐧𝐲 𝐢𝐫𝐚𝐲 (1𝐡) mialohan'ny fandraisana ny Eokaristia Masina dia tsy fomba nataon'ireo kristianina fahiny fotsiny (Vatikana I), fa 𝐯𝐨𝐚𝐫𝐚𝐢𝐤𝐢𝐭𝐫𝐚 𝐧𝐚 𝐯𝐨𝐚𝐬𝐨𝐫𝐚𝐭𝐫𝐚 𝐚𝐨 𝐚𝐦𝐢𝐧'𝐧𝐲 𝐥𝐚𝐥à𝐧'𝐧𝐲 𝐄𝐠𝐥𝐢𝐳𝐲 𝐊𝐚𝐭𝐨𝐥𝐢𝐤𝐚 na hoe ao amin'ny "𝐃𝐫𝐨𝐢𝐭 𝐂𝐚𝐧𝐨𝐧" (𝐂𝐚𝐧.919 - § 1.)

👉Raha lazaina tsotra io andininy dia manambara: "𝐦𝐢𝐭𝐚𝐤𝐲 𝐧𝐲 𝐟𝐢𝐟𝐚𝐝𝐢𝐚𝐧𝐚 𝐬𝐚𝐤𝐚𝐟𝐨 𝐧𝐚 𝐳𝐚𝐯𝐚-𝐩𝐢𝐬𝐨𝐭𝐫𝐨, 𝐚𝐟𝐚-𝐭𝐬𝐲 𝐧𝐲 𝐫𝐚𝐧𝐨 𝐬𝐲 𝐧𝐲 𝐟𝐚𝐧𝐚𝐟𝐨𝐝𝐲. 𝐀𝐝𝐢𝐧𝐲 𝐢𝐫𝐚𝐲 𝐟𝐚𝐫𝐚𝐟𝐚𝐡𝐚𝐤𝐞𝐥𝐢𝐧𝐲 𝐚𝐥𝐨𝐡𝐚𝐧'𝐧𝐲 𝐡𝐚𝐧𝐝𝐫𝐚𝐢𝐬𝐚𝐧𝐚 𝐊𝐨𝐦𝐨𝐧𝐢𝐨.

👉Ao amin'ny 𝐂𝐚𝐧.919- § 2. Manoro hevitra sy manome fahafahana ny pretra afaka misakafo zavatra kely mialohan'ny lamesa faharoa na fahatelo izay tarihiny, eny na dia tsy ampy adiny iray akory ny elanelan'izany.

👉Ao amin'ny 𝐂𝐚𝐧. 919- § 3. Milaza manokana an'ireo olona antitra na marary sy ireo mikarakara azy, afaka mandray 𝐊𝐨𝐦𝐨𝐧𝐢𝐨 𝐌𝐚𝐬𝐢𝐧𝐚, na dia nisakafo tsy ampy adiny iray akory mialohan'ny fandraisana ny Eokaristia Masina.

🔸Misy tanjona maromaro io fitsipika io:
👉Voalohany, manampy ny mpino hiomana amin’ny fandraisana an’i Kristy ao amin’ny Eokaristia, ka hanehoana tena fanajana azy ao amin'ny Eokaristia Masina.
👉Faharoa, manampy antsika hahatsapa ny maha sarobidy ny Vatan’i Kristy ary hanatona azy amin’ny fo misokatra sy vonona.
👉Fahatelo, manasa antsika hiala amin’ny filantsika ara-nofo sy ny faniriantsika mandritra ny fotoana fohy mba hifantoka amin’ny ara-panahy sy ny fiombonana amin’i Kristy.

🔸Fanampin'izany, ny Katesizin'ny Eglizy Katolika dia manolotra torolàlana momba ny fandraisana ny Eokaristia araka ny tokony ho izy. "Mba hiomanana araka ny tokony ho izy, ny mpino izay handray ny Eokaristia dia tsy maintsy mitandrina ny fifadian-kanina voafaritry ny Fiangonana" ( jereo 𝐂𝐄𝐂 1387). Ny fifadian-kanina mialohan'ny Eokaristia dia heverina ho toetra ilaina mba hanatonana ny Eokaristia amim-panajana fatratra.

👉Izany hoe, raha tsy mitandrina an-tsitrapo io fifadian-kanina adiny iray mialohan’ny handraisana ny Kômonio masina ny mpino, araka ny fampianaran’ny Eglizy, dia mandika ny lalàn'ny Eglizy izany hoe manota. Ny fahotana dia heverina ho fandikana an-tsitrapo sy am-pahibemaso ny didy sy ny fitsipika napetrak’Andriamanitra sy ny Eglizy. Amin'ity tranga ity, amin'ny tsy fitandremana ny fifadian-kanina mialohan'ny handraisana ny Eokaristia, dia 𝐭𝐬𝐲 𝐦𝐚𝐧𝐤𝐚𝐭ò fitsipika ara-pivavahana natao hanampiana antsika hiomana amin'ny fandraisana an'i Kristy ao amin'ny Eokaristia isika.

👉Raha ohatra ka mahatsapa fa tsy nitandrina ny fifadian-kanina adiny iray farafahakeliny mialohan'ny fandraisana ny Kômonio ianao dia tokony tsy mandeha mandray ny Eokaristia Masina. Ankoatra izany dia fahotana, raha tsy nahavoatandrina izany ka mila mangataka ny famelan-keloka amin'ny alalan'ny Sakramentan'ny Konfesy. Voalaza ao amin'ny Katesizin'ny Eglizy Katolika (𝐂𝐄𝐂 1387), ny tokony hiomanana tsara mialohan'ny fandraisana ny Eokaristia Masina. (𝐂𝐄𝐂 1415).
👉𝗠𝐢𝐞𝐳𝐚𝐤𝐚 𝐚𝐫𝐲 𝐢𝐬𝐢𝐤𝐚 𝐦𝐚𝐧𝐤𝐚𝐭𝐨 𝐢𝐳𝐚𝐧𝐲.
===============================

✍️ Katolika Info.

14/11/2025

OLOMASINA MPIARO NY JMJ MADA XI TOAMASINA

Manana Olomasina 5 isika nosafidiana ho mpiaro ny JMJ Mada XI any Toamasina, dia i 𝙈𝙖𝙨𝙞𝙣𝙖 𝙈𝙖𝙧𝙞𝙖 Mpanjakavavin'ny fiadanana, 𝙈𝙙 𝙅𝙤𝙨𝙚𝙛𝙖 izay mpiaro ny Diosezin'ny Toamasina, 𝙈𝙙 𝙅𝙤𝙖𝙣𝙮 𝙋𝙖𝙤𝙡𝙮 𝙛𝙖𝙝𝙖-𝙄𝙄 ilay Papa namorona ny JMJ ary i 𝙈𝙙 𝘾𝙖𝙧𝙡𝙤 𝘼𝙘𝙪𝙩𝙞𝙨 sy i 𝙈𝙙 𝙋𝙞𝙚𝙧 𝙂𝙞𝙤𝙧𝙜𝙞𝙤 𝙁𝙧𝙖𝙨𝙨𝙖𝙩𝙞 izay Olomasina tanora ohatra ho antsika, nasandratra ho Olomasina tao Roma tamin'ny volana Septambra lasa teo tamin'ny Eokaristia notarihin'ny Papa Leon XIV.

Miara-mivavaka amin'izy ireo isika hahatontosa amin'ny antsakany sy andavany ny JMJ izay kasaintsika atao eto amin'ny nosintsika.

13/11/2025

⛪𝗙𝗔𝗠𝗣𝗜𝗔𝗡𝗔𝗥𝗔𝗡𝗔 𝗧𝗥𝗔𝗡𝗔𝗜𝗡𝗬 𝗜𝗡𝗗𝗥𝗜𝗡𝗗𝗥𝗔 𝗡𝗬 "𝗦𝗜𝗠𝗕𝗢𝐋𝐈𝐍'𝗡𝗬 𝗔𝗣𝗢𝗦𝗧𝗢𝗟𝗬"⛪

🔸𝐌𝐢𝐢𝐬𝐚 12 ireo fehezankevitra mandrafitra ny "𝐒𝐢𝐦𝐛𝐨𝐥𝐢𝐧'𝐧𝐲 𝐀𝐩𝐨𝐬𝐭𝐨𝐥𝐲". 𝐈𝐭𝐲 𝐧𝐨 𝐟𝐢𝐞𝐤𝐞𝐦-𝐩𝐢𝐧𝐨𝐚𝐧𝐚 𝐧𝐨𝐥𝐨𝐯𝐚𝐢𝐧𝐚 𝐭𝐚𝐦𝐢𝐧'𝐧𝐲 𝐟𝐚𝐦𝐩𝐢𝐚𝐧𝐚𝐫𝐚𝐧'𝐢𝐫𝐞𝐨 𝐀𝐩𝐨𝐬𝐭𝐨𝐥𝐲 12𝐥𝐚𝐡𝐲.

🔸 𝗜𝗥𝗘𝗧𝗢 𝗔𝗩𝗬 𝗜𝗭𝗬 𝗜𝗥𝗘𝗢:

1-Izaho mino an'Andriamanitra, Ray mahefa ny zavatra rehetra, nahary ny lanitra sy ny tany.

2- Izaho mino an'i Jesoa Kristy, Zanany tokana Tompontsika;

3- 𝐍𝐨𝐟𝐨𝐫𝐨𝐧𝐢𝐧'𝐧𝐲 𝐅𝐚𝐧𝐚𝐡𝐲 𝐌𝐚𝐬𝐢𝐧𝐚, 𝐧𝐚𝐭𝐞𝐫𝐚𝐤'𝐢 𝐌𝐚𝐫𝐢𝐚 𝐕𝐢𝐫𝐣𝐢𝐧𝐲, (𝙼𝚊𝚗𝚘𝚗𝚍𝚛𝚒𝚔𝚊 𝚗𝚢 𝚕𝚘𝚑𝚊 𝚒𝚜𝚒𝚔𝚊 𝚎𝚝𝚘)

4- Nijaly faha-Pontsy Pilaty, nofantsihana tamin'ny hazofijaliana, maty dia nalevina;

5- Nidina tany ambanin'ny tany ; nitsangan-ko velona tamin'yn andro fahatelo;

6- Niakatra any an-danitra, mipetraka eo ankavan'Andriamanitra Ray mahefa ny zavatra rehetra,

7- Avy any Izy mbola ho avy hitsara ny velona sy ny maty.

8- Izaho mino ny Fanahy Masina,

9- Ny Eglizy masina Katolika, ny fiombonan'ny Olomasina,

10- Ny fanalana ny ota,

11- Ny hitsanganan'ny vatantsika ho velona,

12- Ary ny fiainana mandrakizay. Amen.

©️ Katolika Info.

10/11/2025