Fjkm Ziona Famonjena Mahajanga

22/05/2026

☀️ 𝗠𝗢𝗙𝗢𝗡𝗔𝗜𝗡𝗔 𝗛𝗢 𝗔𝗡𝗔𝗢 ⛅️🥖
📆 𝗦𝗮𝗯𝗼𝘁𝘀𝘆 2️⃣3️⃣ 𝗺𝗲𝘆 2️⃣0️⃣2️⃣6️⃣
📖 𝐺𝑎𝑙𝑎𝑡𝑖𝑎𝑛𝑎 5 : 22 - 25

“ Ny vokatry ny Fanahy ”

Ao amin’ity Mofonaina ity dia milaza i Paoly Apostoly fa rehefa mitoetra ao anatin’ny olona ny Fanahin’Andriamanitra dia miseho eo amin’ny fiainany ny “ vokatry ny Fanahy ”: fitiavana, fifaliana, fiadanana, fahari-po, fahalemem-panahy, hatsaram-panahy, finoana, fahamoram-panahy ary fahononam-po.
Ry havana tsy fihetsiketsehana atao ivelany fotsiny ireo, fa famantarana hoe miara-miaina amin’Andriamanitra isika, tahaka ny hazo tsara mamoa voa tsara, ny kristiana koa dia tokony hamoa toetra tsara eo amin’ny fiainany andavanandro.
Matetika isika mora tezitra, mora kivy, na mankahala olona. Fa hoy ny and 25 “ Raha velon’ny Fanahy isika, dia aoka handeha araka ny Fanahy.” , midika izany fa avelao hitarika ny fontsika sy ny saintsika ary ny fihetsitsika ny Fanahy Masina.
Koa anio ry havana, andeha isika hangataka amin’Andriamanitra mba hanova ny fontsika, mba hiseho bebe kokoa eo amin’ny fiainantsika ny vokatry ny Fanahy satria ny olona feno ny Fanahy dia mitondra hazavana sy fiadanana amin’ny manodidina azy. Na i Jesoa anie ry havana mba nangataka ny Fanahy Masina e, vao maika isika, isika izay mpanota ka mankatoava tahaka an'i Jesoa isika.

Ho Azy irery anie ny Voninahitra fa ho antsika kosa izany teny izany. Amen.

🗣️ Flavienne Noam Josephah , Mpitoriteny

22/05/2026

𝗣𝗘𝗡𝗧𝗘𝗞𝗢𝗦𝗧𝗔 2️⃣0️⃣2️⃣6️⃣

" 𝑅𝑎𝑖𝑠𝑜 𝑛𝑦 𝐹𝑎𝑛𝑎ℎ𝑦 𝑀𝑎𝑠𝑖𝑛𝑎 " - Jaona 20 : 22

📅 Alahady 2️⃣4️⃣ Mey 2️⃣0️⃣2️⃣6️⃣
🕡 0️⃣6️⃣ : 3️⃣0️⃣ maraina
📌 Fjkm Ziona Famonjena Mahajanga

22/05/2026

𝗛𝗘𝗥𝗜𝗡𝗔𝗡𝗗𝗥𝗢𝗡'𝗡𝗬 𝗙𝗔𝗡𝗔𝗛𝗬 𝗠𝗔𝗦𝗜𝗡𝗔 2️⃣0️⃣2️⃣6️⃣

📅 Zoma 22 mey 2026
🕡 06ora sy sasany hariva

21/05/2026

☀️ 𝗠𝗢𝗙𝗢𝗡𝗔𝗜𝗡𝗔 𝗛𝗢 𝗔𝗡𝗔𝗢 ⛅️🥖
📆 𝗭𝗼𝗺𝗮 2️⃣2️⃣ 𝗺𝗲𝘆 2️⃣0️⃣2️⃣6️⃣
📖 𝐼 𝑀𝑝𝑎𝑛𝑗𝑎𝑘𝑎 3 : 22 - 28

Ho aminareo anie Tompo.
" Miasa ao amin'ny mino ny Fanahy Masina. "

Ny mpino iasan'ny Fanahy Masina dia:
1. TSY TIA TENA:
Raha arahintsika tsara ny tantara eto dia afaka nanaiky ny hizarana roa an'ilay zaza kanefa dia nekeny ny hanomezana azy an-drainy satria tiany ho velona ilay Zaza na dia tsy eo anilany.
Ahoana ny fampiharana an'izany eo amin'ny fiainantsika?
• Tiavo ny namanao : hizarao fitiavana feno izy
• Mandefera : tsy resy akory isika raha mandefitra, fa izany no mahasoa ny rehetra
• Manaraha fandaminana : asehoy fa olon'ny filaminana hatrany ianao

1. MITSARA MARINA
Tsara loatra ny toetra nentin'ny mpanjaka nananatra ny ray aman-drenin'ity Zaza ity sy ny vahoaka nanatrika. Ny tiana ambara ry havana dia izao :
• Raha misy namantsika efa hitantsika mivily làlana de sahia mijoro; ahitsio izy, aza menatra miteny raha izany no hahavelona azy
• Aza manaiky mandray kolikoly.

Fehiny:
Ny Fanahy Masina de miteny aminao hatrany ka ekeo. Nanolotra ny ainy ho antsika i Jesoa satria tiany isika, andeha hianatra an'izay koa isika ry Havana.

Ho an'Andriamanitra irery anie ny Voninahitra. Amen

🗣️ Flavienne Noam Josephah , Mpitoriteny

21/05/2026

Anio no farany fisoratana anarana ry Fjkm Ziona Famonjena Mahajanga

𝗙𝗜𝗧𝗦𝗔𝗡𝗚𝗔𝗧𝗦𝗔𝗡𝗚𝗔𝗡𝗔𝗡'𝗡𝗬 𝗙𝗜𝗔𝗡𝗚𝗢𝗡𝗔𝗡𝗔
🗓️ 𝐴𝑙𝑎𝑡𝑠𝑖𝑛𝑎𝑖𝑛𝑦 2️⃣5️⃣ 𝑚𝑒𝑦 2️⃣0️⃣2️⃣6️⃣
📍 𝑇𝑒𝑒𝑛 𝑀𝑖𝑠𝑠𝑖𝑜𝑛'𝑠 𝐴𝑚𝑏𝑜𝑟𝑜𝑣𝑦

Toerana iaingana : Fjkm Ziona Famonjena Mahajanga
Ora fiaingana: 0️⃣7️⃣ : 0️⃣0️⃣ maraina (tsy diso)
Saram-pisoratana anarana : 1️⃣0️⃣0️⃣0️⃣ Ariary isan'olona (any amin'i Tatie Angela Rakotozafy )

‼️ 🛑 Fara-fisoratana anarana : Alakamisy 21 mey 2026 🛑‼️

21/05/2026

𝗛𝗘𝗥𝗜𝗡𝗔𝗡𝗗𝗥𝗢𝗡'𝗡𝗬 𝗙𝗔𝗡𝗔𝗛𝗬 𝗠𝗔𝗦𝗜𝗡𝗔 2️⃣0️⃣2️⃣6️⃣

📅 Alakamisy 21 mey 2026
🕡 06ora sy sasany hariva

20/05/2026

☀️ 𝗠𝗢𝗙𝗢𝗡𝗔𝗜𝗡𝗔 𝗛𝗢 𝗔𝗡𝗔𝗢 ⛅️🥖
📆 𝗔𝗹𝗮𝗸𝗮𝗺𝗶𝘀𝘆 2️⃣1️⃣ 𝗺𝗲𝘆 2️⃣0️⃣2️⃣6️⃣
📖 𝐽𝑒𝑟𝑒𝑚𝑖𝑎 3 : 1 - 6

Ny Fanahin'Andriamanitra no hanapaka am-pontsika. Amen
Nihoarin'Andriamanitra amin'ny vehivavy nijangajanga ny fiodinan'ny vahoakan'Israely taminy ary mbola nilaza tamin'ireto farany indray Izy hoe “Miverena amiko ihany.”
Zavatra roa loha ry havako no isarihana ny saintsika eto.
1. Mahita ny ataonao Andriamanitra
Tahaka ny nahitan’Andriamanitra ny fivadihan’ny Isiraely no ahitany ny fontsika koa ankehitriny. "Aza ny lohasaha mangina no jerena fa, Andriamanitra ao antampon'ny loha" hoy isika Malagasy. Hitan'Andriamanitra io, koa misafidia ny làlana tsara ndrao mahita ny ataonao ny olona ka hiala satria takona i Jesoa.

Kanefa tadidio fa:
1. Mamindra fo aminao Andriamanitra
Na dia nivadika aza ny vahoaka dia mbola nantsoiny hiverina Aminy. Amin'izao vanim-potoana hiainantsika izao dia mety maro ny karazan-javatra atakalontsika an'Andriamanitra toy ny : ny Voninahitra, ny vola, ny laza... Kanefa jereo anie ny eo amin'ny and.4 "Moa tsy hitaraina amiko va ianao amin'izao sisa izao hoe : Raiko o, Ianao no nahazatra ahy, hatry fony aho mbola tanora?"

Famaranana:
Aza mety ho loharanon'ny fahatafintohinana ka avy aminao no handoto ny tany fa meteza ho modely hatrany tahaka an'i Jesoa. Ary raha mahatsapa fa efa nihodina taminy ianao dia mibebaha, angataho ny Fanahy Masina hanamasina anao fa hamindra fo aminao Andriamanitra.

Ho an'Andriamanitra irery ny voninahitra. Amen.

🗣️ Flavienne Noam Josephah , Mpitandrina

20/05/2026

𝗛𝗘𝗥𝗜𝗡𝗔𝗡𝗗𝗥𝗢𝗡'𝗡𝗬 𝗙𝗔𝗡𝗔𝗛𝗬 𝗠𝗔𝗦𝗜𝗡𝗔 2️⃣0️⃣2️⃣6️⃣

📅 Alarobia 20 mey 2026
🕡 06ora sy sasany hariva

19/05/2026

☀️ 𝗠𝗢𝗙𝗢𝗡𝗔𝗜𝗡𝗔 𝗛𝗢 𝗔𝗡𝗔𝗢 ⛅️🥖
📆 𝗔𝗹𝗮𝗿𝗼𝗯𝗶𝗮 2️⃣0️⃣ 𝗺𝗲𝘆 2️⃣0️⃣2️⃣6️⃣
📖 𝐸𝑓𝑒𝑠𝑖𝑎𝑛𝑎 4 : 1 - 6

Ho aminareo anie Tompo.
Amin'izao herinandron'ny Fanahy Masina izao ry havana dia tsy sasatra Ilay Andriamanitra Fanahy mampahantatra antsika ny tokony hiainantsika miaraka Aminy satria ny olona feno ny Fanahy Masina dia:
1. Olon'ny FITIAVANA
Araka ny hitantsika eo amin'ny and.2 io ry havana, ny fiainan'olona manana ny Fanahy Masina : manetry tena, malemy Fanahy, maharim-po, mandefitra...

Ahoana ny fampianarana izany eo amin'ny fiainantsika??
✓ Mifamelà heloka : tsy mitana alahelo amin'ny namana
✓ Mifampitondrà toy ny mpirahalahy : raha misy zava-manjo ny namana dia miaraka aminy na fahoriana, na fifaliana, na tsy fisiana
✓ Asehoy amin'ny namanao fa tianao izy amin'ny lafiny rehetra : fo, saina, fanahy

1. Olon'ny FIOMBONANA
Isika Malagasy moa ry havana manana oha-pitenenana hoe " Izay mitambatra vato fa izay misaraka fasika".
Raha ny and.3 no jerena dia :
• Iray ny tena iray ny Fanahy
• Iray ny Tompo iray ny finoana, iray ny batisa
Fampiharana :
✓ N'inona n'inona zavatra ataontsika, n'aiza n'aiza alehantsika dia tokony hiray hina hatrany isika. Tsy tokony isika kristiana mihitsy hitarika ny fisaraham-bazana manomboka eo am-piangonana, fiara-monina, toeram-piasana.
✓ Jereo anie ny fampianarana navelan'i Jesoa ho an'ny Apostoly ka nampiarin'izy ireo e!! Asa 5: 12 (Ahatsanganan-javatra, antoky ny fandrosoana ny FIOMBONANA)

Fehiny:
• Hiaino ny maha olona mpanara-dia an'i Kristy anao.
• Maneke hitoeran'ny Fanahy Masina mba hahaizanao mitia sy miombona amin'ny namanao

Ho an'Andriamanitra irery ny Voninahitra. Amen

🗣️ Flavienne Noam Josephah , Mpitoriteny

19/05/2026

𝗛𝗘𝗥𝗜𝗡𝗔𝗡𝗗𝗥𝗢𝗡'𝗡𝗬 𝗙𝗔𝗡𝗔𝗛𝗬 𝗠𝗔𝗦𝗜𝗡𝗔 2️⃣0️⃣2️⃣6️⃣

📅 Talata 19 mey 2026
🕡 06ora sy sasany hariva

18/05/2026

☀️ 𝗠𝗢𝗙𝗢𝗡𝗔𝗜𝗡𝗔 𝗛𝗢 𝗔𝗡𝗔𝗢 ⛅️🥖
📆 𝗧𝗮𝗹𝗮𝘁𝗮 1️⃣9️⃣ 𝗺𝗲𝘆 2️⃣0️⃣2️⃣6️⃣
📖 𝐿𝑖𝑜𝑘𝑎 2 : 22 - 28

“ MIASA AO AMIN’NY MINO NY FANAHY MASINA ”

Eto amin’ity Mofonaina ity dia hitantsika i Simeona, lehilahy marina sy tia an’Andriamanitra. Tsy tamin’ny herin’ny tenany no nahaizany niandry sy nahafantarany an’i Jesoa fa niasa tao aminy ny Fanahy Masina.
Hoy ny Soratra Masina: “ Ary tao aminy ny Fanahy Masina. ” - Lioka 2:25
Ary mbola hoy koa: “ Notarihin’ny Fanahy nankeo an-kianjan’ny tempoly izy … ” - Lioka 2:27

Midika izany fa ny olona mino dia tsy avelan'Andriamanitra handeha irery amin’ny fiainana. Rehefa mitoetra ao anatintsika ny Fanahy Masina dia:
• manoro lalana antsika Izy,
• mampahery rehefa reraka,
• manome fahendrena rehefa very hevitra,
• ary mampitombo finoana rehefa miatrika ady.

Tahaka an’i Simeona, maro ny zavatra andrasantsika eo amin’ny fiainana: valim-bavaka, fanasitranana, fiadanana, fahombiazana, famonjena ny ankohonana.
Indraindray ela ny fiandrasana, rehefa miasa ao amin’ny mino ny Fanahy Masina dia tsy kivy izy satria fantany fa mbola miasa Andriamanitra.
Ny Fanahy Masina koa no mampahafantatra an’i Kristy amin’ny fontsika. Tsy fivavahana ivelany ihany no ilaintsika fa fiainana iarahana amin’i Jesoa isan’andro.
Hiatrika tontolo andro vaovao isika izao dia aoka hatoky fa:
• tsy irery isika,
• tsy amin’ny herintsika ihany no iainantsika,
• fa misy ny Fanahy Masina miasa ao anatintsika.

Na inona na inona sedra mety ho avy anio: aza matahotra, aza kivy satria ny Fanahy Masina dia mbola mitarika sy mampahery ary miasa ao amin’ny mino.

Ho an'Andriamanitra ny Voninahitra, fa ho ao amintsika anie ny Fanahiny. Amen

🗣️ Flavienne Noam Josephah , Mpitoriteny