Any Am-parany Any

11/01/2025

Ilay fanambarany ny faminaniana!

07/01/2025

Mialatsiny ho an'izay mbola tsy nahazo ny boky nangatahana.

⭐ Fizarana ny boky "ANY AMPARANY ANY" version PDF 📕
👉 Misy amin'ny teny MALAGASY 🇲🇬 ary amin'ny teny FRANÇAIS 🇫🇷.

Raha liana ianao dia manorata ao amin'ny commentaire hoe :
🖋🖋🖋 LIANA + MALAGASY na LIANA + FRANÇAIS.

30/06/2020

TOKO 1
FOTOAN-TSAROTRA FARANY

MIJERY IREO TOE-JAVATRA HO AVY ARAKA NY TENA IZY
✔ Tsy afaka isika, amin’izao fotoana izao, ny hamariparitra mazava izay ho fisehon’ireo zavatra hitranga eto amin’izao tontolo izao amin’ny ho avy, fa ny zavatra fantatsika kosa, dia izao no fotoana izay tsy maintsy hiambenantsika amim-bavaka fatratra, satria efa mby eo anatrehantsika ny andro lehiben’i Jehôvah - 2SM 35 (1901). {LDE 17.1}.
✔Ny mariky ny bibidia dia tsy mivaona amin’izay efa nitoriana sy nanambarana azy hatrizay. Tsy mbola, ary tsy ho azo amin’ny faha-fenoany avokoa tsy akory ny momba io resaka io raha tsy efa misokatra manontolo ny horonan-toe-javatra mirakitra azy. -6 T 17(1900). {LDE 17.2}
✔Maro ireo izay hampiala ny fijeriny amin’ny adidiny ankehitriny, amin’ny fiadanana sy ny fitahiana amin’izao fotoana izao, ka efa miaina sahady ny fotoan-tsarotra ho avy. Fanasarotan-javatra mialoha ny fotoana sahady izany, ka tsy handray fahasoavana avy amin’ny famo-ronana fotoan-tsarotra mialoha toy izany isika. -3 SM 383, 384 (1884). {LDE 17.3}
✔ Misy fotoan-tsarotra tokoa avy manatona ny vahoakan’Andria-manitra, kanefa tsy tokony havela hifantoka ao an-tsain’ny olona mandrakariva izany, ka hofehezintsika ao anatin’ny fotoan-tsarotra mialoha ny fotoana izy ireo. Hisy fihozongozo-nana tokoa eo anivon’ny vahoakan’Andriamanitra, kanefa tsy izany no fahamarinana ankehitriny hovoizina eo amin’ny fiangonana - 1SM 180 (1890). {LDE 17.4}.

18/06/2020

Mitohy hatrany ny fizarana ny boky ANY AMPARANY ANY version pdf 📕
>>>Misy amin'ny teny MALAGASY🇲🇬 ary misy amin'ny teny FRANÇAIS🇫🇷
Raha liana ianao dia manasa anao hanoratra eo amin'ny commentaire hoe 🖋🖋🖋LIANA + MALAGASY na FRANÇAIS.
Tsy mila adresse mail tsony fa MP ihany no andefasana azy📪

03/06/2020

Salama daholo isika izay mpanaraka ny pejy Any Am-parany Any

Maro isika no nangataka ity boky ity tao amin'ny MP

KOA ISIKA IZAY TE HANANA IZANY BOKY IZANY DIA IANGAVIANA MBA HANORATRA NY 👉🏻ADRESSE MAIL👈🏻 AO AMIN'NY COMMENTAIRE MBA AHAFAHANA MANDEFA AZY

Misaotra tompoko

01/06/2020

Miarahaba antsika rehetra mpanaraka ny pejy ANY AM-PARANY ANY

Efa misokatra koa ny pejy HERY MIFANANDRINA ka asaina ianao mba hitsidika izany pejy izany

Book

28/05/2020

TOKO 1
FOTOAN-TSAROTRA FARANY ETO AN-TANY(tohiny 7)

TOKONY HAFANTOKA AO AN-TSAIN’NY OLONA MANDRAKARIVA ITY LOHA HEVITRA ITY
✔Maro be ny olona izay tsy mahazo izay tian’ny faminaniana mikasika izao andro izao hambara ka tsy maintsy hazavaina izy ireny. Adidin’ny mpitily sy ny olon-tsotra ny mampaneno tsara ny anjomara –Ev. 194, 195 (1975). {LDE 16.2}.
✔Aoka ireo mpitily hanandratra amin’izay ny feony ka hampita ny hafatra, izay fahamarinana ankehitriny ho an’izao vanim-potoana izao. Aoka hasehontsika ny olona hoe aiza ho aiza amin’ny tantara ambaran’ny faminaniana moa isika izao -5T 716 (1989). {LDE 16.3}.
✔Misy andro izay efa notendren’Andriamanitra ho amin’ny fiafaran’ny tantaran’ity izao tontolo izao ity: “ Ary ho toriana amin’izao tontolo izao ity filazantsara ny fanjakana ity ho vavolombelona amin’ny firenena rehetra, dia vao ho tonga ny farany.” Mat 24:14 . Mizotra ho amin’ny fahatanterahana faingana ny faminaniana. Be dia be, Tena mbola be dia be no tokony holazaina mikasika ireo loha hevitra tena goavana ireo. Efa mby an-koditra izao ny fotoana hamaritra ho mandrakizay izay ho anjaran’ny fanahy rehetra (…) {LDE 16.4}.
✔Misy ezaka lehibe tokony hatao mba hihazonana mandrakariva ireo loha hevitra ireo ao an-tsain’ny olona. Tsy ny olon’izao tontolo izao fotsiny ihany no tokony hanehoana izanyu zava-misy miezinezina izany fa ny fiangonantsika ihany koa, ka tokony hampahafantarana azy fa ho avy tampoka, tsy ampoizina ny andron’ny Tompo. Natao ho an’ny fanahy tsirairay avy mihitsy ny fampitandremana mampivarahontsana avy amin’ny faminaniana. Aoka tsy hisy olona hihevi-tena fa voaaro aminn’ny loza tampoka ho avy izy. Aoka ny fanazavan’ny olona ny hevitry ny faminaniana tsy hanaisotra ao an-tsainao ny fahalalana ireo toe-javatra izay manaporofo fa efa tomotra dia tomotra ilay toe-javatra lehibe –FE 335, 336 (1995). {LDE 16.5}.

19/05/2020

TOKO 1
FOTOAN-TSAROTRA FARANY ETO AN-TANY(tohiny 6)
DINIHO MANOKANA NY BOKIN’I DANIELA SY NY APOKALIPSY

✅Ilaina indrindra ny handinihana akaikikaiky kokoa hatrany ny tenin’Andriamanitra; indrindra fa ny Daniela sy ny Apokalipsy, dia tokony hifatohan’ny saina bebe kokoa noho ny tamin’izay lasa izay. (…) Ny fanazavana avy amin’Andriamanitra izay noraisin’I Daniela dia nomena indrindra ho an’izao andro farany izao –TM 112, 113 (1896). {LDE 15.3}

✅Aoka isika hamaky sy handinika ny Daniela 12. Fampitandemana ilaina ho azontsika rehetra tsara io, mialoha ny fotoana hahatongavan’ny farany -15 MR 208 (1903). {LDE 15.4}

✅Boky farany ao amin’ny Testameta Vaovao ao amin’ny Soratra Masina dia feno fahamarinana izay ilaina ho takantsika –COL 133 (1900). {LDE 15.5}.

✅Tsy ho ela intsony dia ho to ireo faminaniana izay mbola tsy tanteraka anatin’ny bokin’ny Apokalipsy. Tsy maiintsy dinihin’ny vahoakan’Andriamanitra amim-pahazotoana amin’izay io faminaniana io ankehitriny ary tokony ho azo tsara izay tiany hambara. Tsy manafina ny fahamarinana velively izy; fa mampiomana mazava mialoha, ary manambara amintsika izay tranga amin’ny ho avy – 1 NL 96 (1903). {LDE 15.6}.

✅Natao hihazona ny toerana voalohany indrindra ao antsain’ny vahoakan’Andriamanitra ireo hafatra miezinezina nalefa araka ny filaharany ao amin’ny bokin’ny Apokalipsy ireo -8T 302 (1904) {LDE 16.1}.

15/05/2020

TOKO 1
FOTOAN-TSAROTRA FARANY ETO AN-TANY (tohiny 5)

MITAKY ANTSIKA HANDINIKA AZY IREO FAMINANIANA MOMBA NY ANDRO FARANY
☑Dia hitako ilay anjelyn fahatelo (Apok 14:9-11). Ary hoy ilay anjely nitondra ahy hoe: “Mahatahotra ny asany. Makadiry ny asa nanirahana azy. Izy ilay anjely hanavaka ny vary sy ny tsirifary ary hanombokase na hamehy ny amboara ho ao an-tsopitry ny lanitra. Ireo zavatra ireo no tokony hihazona ny saina manontolo, ny fiheverana manontolo.” {LDE 14.2}

☑Ho voatery hijoro eo anatrehan’ireo mpitsara eto amin’izao tontolo izao isika hamaly ny fiandaniantsika amin’ny lalan’Andriamanitra, ary mba hampahafantatra ny anton’ny finoantsika. Ka ny tanora dia tokony hahazo tsara izany toe-javatra izany {LDE 14.3}.

☑Tokony ho fantatr’izy ireo ireo zavatra izay tsy maintsy hiseho mialoha ny hikatonan’ny tantaran’izao tontolo izao. Zavatra mikasika ny ho avy mandrakizay izany, ka tokony ho dinihin’ny mpianatra sy ny mpammpiatra bebe kokoa ny momba azy – 6 T 128, 129 (1900) {LDE 14.4}

☑Tokony hodinihintsika tsara ireo famatarana lehibe manambara ny vanim-potoana izay ahavelomantsika ankehitriny -4 MR 163 (1895). {LDE 14.4}.

Ireo izay mametraka ny tenany ho fehezin’Andriamanitra, mba ho tarihiny sy ho tantanany, dia hanaraka ny fizotr’ireo toe-javatra izay efa notendreny hitranga araka ny filaharany -7 T 14 (1902). {LDE 15.1}.

☑Natao hahita ny fahatanterahan’ny faminaniana eo amin’ny fizotry ny tantara isika, natao handinika ny fiasan’Andriamanitra ao anatin’ireo fihetsiketsehana fanavaozana lehibe isika, ary natao hahatsapa ny fandrosoan’ireo toe-java-mitranga ho amin’ny fanangonana ny firenena amin’ilay fifandonana farany ao anatin’ilay fifanandrinana lehibe -8 T 307 (1904). {LDE 15.2}.

13/05/2020

TOKO 1
FOTOAN-TSAROTRA FARANY ETO AN-TANY（tohiny 4）

EFA NAMBARAN’ANDRIAMANITRA IZAY TOKONY HAMPOIZINTSIKA [HITRANGA] AMIN’IZAO ANDRONTSIKA IZAO

☑Talohan’ny nanomboana Azy tamin’ny hazo fijaliana, ny Mpamonjy dia nanazava tamin’ny mpianany fa tsy maintsy vonoina ho faty Izy ary tsy maintsy hitsangana avy ao ampasana indray, ary nanatrika teo ny anjely tamin’izany mba hampitoetra tsara ny teny ao amin’izy ireo sy tao ampony (Jereo Mar 8:31,32; 9:31; 10:32-34). Kanefa fanafahana ara-nofo tamin’ny ziogan’ny romanina no notadiavin’ny mpianatra, ka tsy zakan’ny sain’izy ireo nieritreritra izany hoe hiaritra fahafatesana mahatsiravina izany Izy. Izay nametrahan’izy ireo ny fanantenany rehetra. Voafafa tao antsain’izy ireo ny teny izay nilaina ho tsarovany, ka rehefa tonga ny fotoana fitsapana dia hita fatsy voaomana izy ireo. Nampirodana tanteraka ny fanantenan’izy ireo ny fahafatesan’I Jesosy, toy ireny hoe nampiomana azy ireo ireny mihintsy Izy. {LDE 13.3}

☑Toy izany koa, ny faminaniana sokafana mazava tsara eo anoloantsika ny ho avy tahaka ny nanokafana izany teo anatrehan’ny mpianatra tamin’ny alalan’ny tenin’I Kristy. Aseho mazava tsara ireo toe-javatra mifandray akaiky amin’ny fikatonan’ny varavaram-pahasoavana sy ny asa fiomanana honamin’ny fotoan-tsarotra. Kanefa marobe no tsy manana fahalalana kely akory momba ireny fahamarinana lehibe ireny, toy ireny hoe tsy mbola naseho na oviana na oviana irreny mihintsy izany fahamarinana izany. – GC 594 (1911) {LDE 14.1}

04/04/2020

TOKO 1
FOTOAN-TSAROTRA FARANY ETO AN-TANY(tohiny 3)

NAMPITANDRINA NY AMIN’NY FITSARANA HO AVY HATRANY ANDRIAMANITRA

✅Andriamanitra dia nandefa fampitandremana ho an’ny olona foana ny amin’ny fitrsarana ho avy. Ireo izay nino ny hafatra natao ho an’ny vanim-potoana niainany, ka naneho ny finoany tamin’ny fankatoavana ireo didy, dia afaka nandositra ireny fitsarana nihatra tamin’ireo izay tsy nakato ireny {LDE 13.1}
✅ Tonga tamin’I Noa ny teny hoe: “Midira ao anaty sambofiara hianao mbamin’ny ankohonanao rehetra, satria hianao no hitako fa marina eo anatrehako.” Nankato [ noho ny finoany] I Noa ary voavonjy. Tonga tamin’I Lota koa ny hafatra hoe: “ Miaingà, mialà amin’ity tanàna ity; fa ho ravan’I Jehovah ity tanàna ity”. (Gen 7:1 ; Gen 19:14). Nitoetra teo ambany fiarovan’ireo mpitondra hafatra ny lanitra I Lota ary dia voaavotra. Toy izany koa no nanomezana fampitandremana ireo mpianatry Jesosy ny amin’ny faharavan’i Jerosalema. Ireo izay nandinika ny famatarana ny fotoana hahatongavan’ny fandravana, dia nandositra niala ny tanàna, ary dia afaka tamin’ny fandringana. Izao koa isika dia nomena fampiomanana ny amin’ny fiavian’I Kristy fanindroany sy ny fandringanana hihatra amin’izao tontolo izao. Ireo izay mandray ny fampitandremana no ho voavonjy. - DA 634 (1898). LDE {13.2}.

04/04/2020

TOKO 1
FOTOAN-TSAROTRA FARANY ETO AN-TANY (tohiny 2)

FOTOAN-TSAROTRA HO TONGA TSY HO ELA

✅ Efa antomotra dia antomotra ny fotoam-pahoriana izay tsy hitsaha-mitombo mandram-pahattongan’ny farany. Tsy manam-potoana hariana isika. Hetsikatshin’ny toe-tsaina lian’ady izao tontolo izao. Efa mby ho tonga amin’ny fahatanterahany ny faminaniana ao amin’ny Dan 11 – RH 04 Nov 1904 {LDE 12.1}
✅Fotoan-tsarotra izay tsy mbola nisy toy izany hatrizay nisian’ny firenena (Dan 12:1) no efa mby eo amintsika kanefa isika dia tahaka ireo virijina resin-tory. Tsy maintsy mifoha isika ary mangataka amin’I Tompo Jesosy hanohana antsika hamakivaky ny fotoampitsapana eo anoloantsika. – 3 MR 305 (906) {LDE 12.2}
✅Miroso amin’ny [toetra] tsy ara-dalana hatrany izao tontolo izao. Tsy ho ela dia hiseho ny zavan-tsarotra any amin’ny firenen-drehetra – dia zavan-tsarotra izay tsy hitsahatra intsony mandram-piavin’i Jesosy – RH 11 Feb 1904 {LDE 12.3}
✅Mijoro am-pototry ny fotoan-tsarotra isika, ary manoloana antsika ireo fahaverezan-kevitra izay tsy takatry ny saina vinavinaina akory – 9 T 43 (1909) {LDE 12.4}
Mijoro eo an-tokonam-baravaran’ny vanim-potoan-tsarotra mbola tsy nisy toy izany hatrizay hatrizay isika. Amin’ny fomba haingana dia haingana no hifanesisesen’ireo fitsarana avy any amin’Andriamanitra – ny afo, ny tonan-drano, sy ny horohorontany izayy arahan’ady sy fandatsahan-dra – PK 278 (c. 1914) {LDE 12.5}
✅Eo anoloantisika nyny fotoanan’ny tafiotra, kanefa aoka tsy ho isika no handrenesanteny mitory tsy finoana sy hakiviana- ChS 136 (1905). {LDE 12.6}.