25/08/2025
Toriteny Alahady 24 Aogositraa 2025, ivon'ny fetin'ny taranaka faha-57, FLM ANTANETIANIVO
Lioka 19 : 40-48
Pastora RASOLOFOHARILALA Zanadramahatra Benjanisoa, Zanaka Ampielezana.
Fintina :
Ny Tempolin'Andriamanitra dia natao hanomezana voninahitra An'Andriamanitra fa tsy ho filokana sns sanatria raha nandrava izany fahiny Izy. Mifanindrandalana amin'ny maha Fetin'ny taranaka faha-57 izao. Tsy hizahozahoana hanehoana dera sanatria toy ny fanaon'ny Fariseo sy Mpanoradalana fa ho fiarahamiombona sahady ny amin'ny hanaovana ny fanjakan'ny Lanitra ny fetin'ny Taranaka.
Ataovy FALY Jesosy mba tsy ho "JESOSY MITOMANY". Arakaraky ny hitan'i Jesosy ataonao no mahafaly sy mampalahelo azy.
Ny tempolin'i Jéhovah dia ny tenenao, omenao haja,... raha mbola tsy izany no tsapanao dia mibebaha amin'i Jesosy.
Fa izay rehetra manao ny sitrapon'ny Raiko no handova ny fiainana mandrakizay hoy Jesosy.
Eto dia mitodika @ maha Taranaka voafidy antsika Jesosy.
TSY NY MAHA TARANAKA ANTANETIANIVO ANAO NO HANDOVANAO NY FIAINANA MANDRAKIZAY, FA IZAY MAHA KRISTIANA, MANAO NY SITRAPON'NY RAY INDRINDRA IZAY AFAFINAO NO HOJINJAINAO.
Koa meteza ho tarihin'ny Fanahy isika mba hahafahantsika manao ny sitrapon'Andriamanitra.
Mafonja izany hafatra izany !!!
Samia ho tahian'Jesosy aby hahefa bé amin'ny fanompoana ny Tompo amin'ny misy azy avy any, nefa tsy hanadino ny fiaviana ihany koa.
Jesosy hanafy hery ny tsirairay isambatan'olona, isantokantrano manoloana ny hamafin'ny fiainana na eto an-toerana na any ampitadiavana. Hihaona ampifaliana indray isika amin'ny herintaona fetin'ny Taranaka faha-58 tahaka izao.
Mirary soa daholo Tompoko.
An'Andriamanitra irery ny Voninahitra ary amintsika ny FIADANANA. Amen!
