FJKM Arivonimamo Maritiora Fitiavana

29/05/2026

Toa izao izahay AMAFI rehefa midera, mifaly sy mikorana.

29/05/2026

Toy ny fanao isan-taona, dia notanterahina ny Alatsinain'ny Pentekosta 25/05/26 lasa teo, teny Andranitana-Arivonimamo ny fitsangatsanganan'ny Fiangonana FJKM Arivonimamo Maritiora Fitiavana, niarahan'ny Mpitandrina mianakavy sy ireo kristiana tsy ankanavaka, tonga maro be. Natomboka tamin'ny fanompoam-pivavahana ho fisaorana an'Andriamanitra ny fotoana. Ny masoandro nody no nampalahelo, fa dia tena nahazo fahafinaretana tandrify azy ny rehetra, ary nalai-nisaraka.
Eto dia maneho fisaorana ny Mpitandrina mivady, ny biraon'ny fitandremana, ny FDL, ny sampana velona rehetra, ny vaomiera SOSIALY, sy ireo rehetra nitoto nahafotsy sy nahandro nahamasaka ny fanatontosana iny fitsangasanganana iny.
Dia amin'ny herintaona indray e!
HOAN'ANDRIAMANITRA IRERY NY VONINAHITRA

29/07/2025

"Fa izany no ikelezanay aina sy ihezahanay, satria izahay manantena an'Andriamanitra velona, izay Mpamonjy ny olona rehetra, indrindra fa izay mino" I Tim 4:10
Notanterahina ny 10 sy 13 Jolay 2025 lasa teo ny fiaraha-miobom-bavaka ho fisaorana an'Andriamanitra nohon'ny amin'ny fandraisan-tanàna ny ray aman-dreny Mpitandrina RAZAFINTSALAMA Tiaray mianakavy, izay natao tao amin'ny FJKM A.Ma.Fi. Niarahana tamin'ny Synodam-Paritany Arivonimamo Vaovao, notarihin'ny ray aman-dreny Prezidà synodaly, ny manam-pahefana: nahitana an'Atoa Solombavam-bahoaka voafidy teto amin'ny Distrikan'Arivonimamo, Rtoa Ben'ny tànanan'Ambonivohitra Arivonimamo, ny biraon'ny fitandremana, ny zanaka am-pielezana, ny sampana velona, ny fikambanana samihafa, ny sampan'asa sy ireo kristiana rehetra.
Nofaranana tamin'ny fiaraha-misakafo sy mikorana teny amin'ny Restaurant Mi'lay Morafeno ny lanonana.
"Hoan'Andriamanitra irery ny voninahitra"

05/11/2024

"Fa ianareo kosa dia taranaka voafidy, fanjaka-mpisorona, firenena masina" I Pet 2: 9a
Toy ny fanao isan-taona, dia tanterahina isaky ny ny Alahady faharoa amin’ny volana novambra ny fetin’ny Taranaka sy ny fianakaviana eto amin’ny FJKM Arivonimamo Maritiora Fitiavana,
Ny Alahady 10 Novambra 2024 ho avy izao no hanatanterahina izany, eny amin’ny tokontany malalaky ny Lycée privé FJKM Johnson eo Tsarahonenana/Arivonimamo. Miditra amin’ny 08 ora maraina ny fanompoam-pivavahana, hisy fandraisana ny fanasan’ny Tompo (miditra indray mandeha ihany ny fiangonana). Ho fandaminana dia hisy tompon’andraikitra handray ny valopy isan-taranaka eo am-pidirana. Aoka samy hiomana amin’ny seza sy ny elo.
Koa eny amin’ny lycée privé FJKM Johnson izany no fotoanantsika taranaka, ary ireo rehetra efa nandray fahasoavana teto amin’ny FJKM Arivonimamo Maritiora Fitiavana amin'ny Alahady 10 Novambra ho avy izao, hiara-hiombom-bavaka, hisaotra sy hanome voninahitra an’Andriamanitra nohon’ny amin’ny fetin’ny taraka.
Dia samia tahin’Andriamanitra

31/10/2024

Ny Alahady 27 Oktobra 2024 lasa teo, no fotoana natokan'ny FJKM A.Ma.Fi ho Alahadim-bokatry ny FIMPIZ teto amin'ny fitandremana, nitondrana am-bavaka sy nanohanana ny asa sahan'izy ireo.

07/08/2024

Alahady 04 Aogositra 2024, FJKM A.Ma.Fi, alahadin'ny Mpitandrina sy fanateram-bokatry ny zanaka am-pielezana.
Ary Jehovah niteny tamin'i Mosesy ka nanao hoe: Mitenena amin'ny fiangonana, dia ny Zanak'Isiraely rehetra, hoe: Aoka ho masina ianareo, satria masina Aho, Jehovah Andriamanitrareo. Samia matahotra ny reninareo sy ny rainareo, ary tandremo ny Sabatako: Izaho no Jehovah Andriamanitrareo. — Levitikosy 19 : 1 - 3
Ho an'Andriamanitra irery ny voninahitra.

20/07/2024

18/07/2024

"Fa ny fahasoavan'Andriamanitra no nahatoy izao ahy; ary tsy foana ny fahasoavany ato amiko; fa efa niasa fatratra mihoatra noho izy rehetra aho, nefa tsy izaho, fa ny fahasoavan'Andriamanitra no niara-niasa tamiko" I Kor 15: 10
Alahady 14 Jolay 2024, FJKM AMaFi, fanompoam-pivavahana ho fisaorana an'Andriamanitra, fanokanana sy fandraisan-tanàna ireo Loholona sy Diakona voafidy indray hanao ny asa fanompoana mandritra ny 04 taona.
Ho an'Andriamanitra irery ny voninahitra.

01/07/2024

"Hitahy anao anie Jehovah ka hiaro anao; Hampamirapiratra ny tavany aminao anie Jehovah ka hamindra fo aminao; Hanandratra ny tavany aminao anie Jehovah ka hanome anao fiadanana". — Nomery 6 : 24 - 26
Mirary soa rankizy, dia mahavità be.

18/06/2024

"Enga anie ka homba anao Jesoa !" Fih FFPM 731
Mahavità be rankizy, homba sy hitahy anareo anie Jehovah. Mivavaka sy mirary soa ho anareo. Eo koa ianareo Ray aman-dreny mahereza, samia tahin'Andriamanitra.

10/11/2023

Noho ny famindrampon’Andriamanitra dia mbola nahatratra ny Alahady faharoa amin’ny volana Novambra indray isika taranaka sy fianakaviana eto amin’ny FJKM Arivonimamo Maritiora Fitiavana. Ny Mpitandrina mivady sy ny Biraom- piangonana ary ny fiangonana manontolo dia faly manasa ny ankohonana, fianakaviana, taranaka rehetra nandalo teto amin'ny FJKM AMAFI hiara- miombom- bavaka, hisaotra sy hidera ary hanome voninahitra an'Andriamanitra isika amin'ny Alahady 12 Novambra 2023 ho avy izao. Miditra in- droa toy ny mahazatra ihany ny fanompoam- pivavahana amin’ny 6 ora sy sasany sy amin’ny 9 ora sy sasany. Samy hisy fandraisana ny fanasan’ny Tompo. Io ihany koa no alahadin’ny taranaka sy fianakaviana iarahantsika mankalaza amin’ny Mpitandrina RANARIJAONA Jean Jacques mivady mialoha ny handehanan’izy ireo misotro ronono. Hery lehibe ho an’ny fiangonana ny fahatongavantsika maro.
"Amin’ny zavatra rehetra dia mampiseho ny tenanay ho mpanompon’Andriamanitra izahay". 2Kor.6/4'