Département de la Communication FMN

20/12/2025

FAHASALAMANA ADVENTISTA: NIFARANA TETO ANTSIRANANA NY FIOFANANA NAHARITRA EFATRA ANDRO

Antsiranana, 20 Desambra 2025 — Nifarana androany Sabata teto Antsiranana ny fiofanana natokana ho an’ireo mpiantsehatra amin’ny fahasalamana sy ireo liana amin’izany, nokarakarain’ny Departemantan’ny Fahasalamana Advantista Ranomasimbe Indiana. Naharitra efatra andro ny fiofanana ary niarahana tamin’ny Professeur RAKOTOVAO Hanitrala Jean Louis, tompon’andraikitra ao amin’ny Departemantan’ny Fahasalamana Advantista ao amin’ny Ranomasimbe Indiana.

Nandritra ny fiofanana dia nohazavain’ny Professeur ireo tombontsoa sy andraikitra lehibe sahanin’ny fahasalamana eo anivon’ny Fiangonana Advantista Mitandrina ny Andro Fahafito. Nampisongadina izy tamin’ny fanontaniana fototra hoe: “Nahoana ireo Advantista mitandrina ny andro faha-7 no liana amin’ny fahasalamana?” Araka ny fanazavany, ampahany manan-danja amin’ny iraka sy fanompoan’ny fiangonana ny asa fitsaboana sy fanasitranana, satria mikendry ny fanompoana ny olona manontolo izany: ara-batana, ara-tsaina ary ara-panahy. Noho izany, sehatra ivon’ny fiangonana ny fahasalamana, satria mifamatotra akaiky amin’ny finoana sy ny fanompoana an’Andriamanitra.

Nankasitrahana manokana ny Professeur RAKOTOVAO Hanitrala Jean Louis tamin’ny anaran’ny Federation Madagascar Nord, araka ny fanambarana nataon’ny Tonia Mpanatanteraka, Pasteur MBOLATIANA Tsilavina David. Nambarany fa tombony lehibe ho an’ny Distrikan’i Antsiranana mitambatra ity fiofanana ity, ary nasehony ihany koa ny fanirian’ny mpitantan’asa hanohizana sy hanaparitahana izao fiofanana izao any amin’ireo distrika hafa ao anatin’ny federasiona ho fampiroboroboana ny fahasalamana sy ho fanamafisana ny iraka ara-panahy eo anivon’ny fiangonana sy ny fiarahamonina.

15/12/2025

FIVORIAMBE FIHEVERANDRAHARAHA SY ARA-PANAHIN’NY FEDERATION MADAGASCAR NORD

Tontosa tam-pilaminana tanteraka ny fivoriambe fiheveran-draharaha sy ara-panahin’ny Federation Madagascar Nord (FMN), izay notanterahina nandritra ny telo andro teto Antsiranana. Nandritra ity fotoana ara-panahy manan-danja ity no tsapa manokana ny fitarian’ny Fanahin’Andriamanitra, ka nahafahana nanatanteraka soa aman-tsara ny fandaharam-potoana manontolo. Ity fivoriambe faha-4 izay nifidianana ireo mpitantan’asa telo mirahalahy, sy ireo talen’ny departemanta miisa folo ary tale mpanampy roa, izay hiara-hiasa handrafitra sy hitantana ny Federation Madagascar Nord. Samy naneho fahavononana hitondra avo ny federasiona izy ireo, ho fampandrosoana ny asan’Andriamanitra sy ho fanafainganana ny fiandrasana ny fiverenan’ny Tompo fanindroany.

SABATA 13 DESAMBRA: FANOSORANA PASTORA

Ankoatra ny fifidianana, Pastora telo no voahosotra tamin’ny Sabata famaranana ny fivoriambe:
Pasteur LEHONARY Dadone, miandraikitra ny distrikan’i Bealampona;
Pasteur RAHARINIRINA Diary Mitoetra, miandraikitra ny distrikan’i Sahamazava;
Pasteur RANDRIANANDRASANA Augustin, miandraikitra ny distrikan’i Amboangimbe.
Marihina fa misy dingana maro tsy maintsy lalovan’ny Pastora iray vao tonga amin’ny fanosorana. Aorian’ny fahazoana ny mari-pahaizana Baccalauréat dia manohy fianarana teolojia mandritra ny telo taona, mahazo diplôme Licence en Théologie, ary mandalo amin’ny sehatra maro toy ny Pastora Mpamaky Lay, Pastora Stagiaire ary Pastora Autorisé. Rehefa vita izany dia misy fanombanana (évaluation) miainga avy amin’ny fiangonana ifotony ka hatrany amin’ny federation sy ny foibe, vao tanterahina ny fanosorana. Araka izany dia niampy telo ireo Pastora voahosotra eo anivon’ny Fiangonana Advantista maneran-tany ankehitriny.

SABATA TOLAKANDRO

Nitohy tamin’ny fampahafantarana ny andraikitra sy ny vina hoentin’ireo departemanta vaovao voafidy ato amin’ny FMN. Nisy ihany koa ny fandraisan’anjaran’ireo talen’ny departemanta avy amin’ny Ranomasimbe Indiana, izay nizara traikefa sy zava-baovao mikasika ny asan’ny departemanta tsirairay.

SABATA FAMARANANA

Tamin’ny Sabata famaranana dia niarahaba sy nirary soa ho an’ny filohan’ny Federation vaovao sy ireo mpiara-miasa aminy i Pasteur Floret Ramamonjisoa, filoha nitantana ny FMN nandritra ny enin-taona, ho fitohizan’ny asa sy ny fitahian’Andriamanitra amin’ny andraikitra vaovao hiandry azy ireo.

Izany fivoriambe izany dia heverina ho dingana lehibe eo amin’ny fiainan’ny Federation Madagascar Nord, ho fanamafisana ny firaisankina sy ny fanompoana ho voninahitr’Andriamanitra.

11/12/2025

FIVORIAM-BE FIHEVERAN-DRAHARAHA SY ARA-PANAHY FMN: VOAFIDY NY MPITANTAN’ASA

Voafidy androany 11 Decembre 2025 ireo mpitantan’asa vaovao hitantana ny Fédération Madagascar Nord (FMN) mandritra ny 3 taona.
Ka voafidy ho filohan’ny FMN Pasteur SAMIZARA Samuel Tsiafa izy dia Aumonier tao amin’ny Hoptal Advantista Andapa talohan’ny nahavoafidy azy izao, ny Tonia Mpanatanteraka dia Pasteur David MBOLATIANA Tsilavina izy dia Departemantan’ny Tanora/PCM FMN talohan’ny nahavoafidy azy ary voafidy fanintelony ho Mpitantana ara-bola eo anivon’ny FMN kosa Frère Seraphin RAMINOSON. Ity no fifidiana tsy nisy fanamarihana na dia iray aza izay manamarika fa afa-po tanteraka tamin’ny asan’ny vaomiera mpanendry ny delegué rehetra tonga namonjy izao fivoriambe sy ara-panahy izao.
Taorinan’ny fanambarana ofisialy ireo mpitantan’asa ireo dia niverina nanohy ny asany amin’ny fifidianana ireo departemanta samihafa ireo vaomiera mpanendry, arak’izany dia ho fantatra rahampitso zoma ny anaran’ireo departemanta tsirairay izay hiara hiasa akaiky amin’ireo mpitantan’asa ireo.

Mino sady manantentana izahay fa mivavaka mandrakariva amin’izao fiheveranan-ndraharaha ara-panahy izao ianao ary mangataka anao hitondra am-bavaka hatrany.

10/12/2025

FIVORIAMBE FIHEVERAN-DRAHARAHA SY ARA-PANAHY FMN

Nanomboka tamin’ny fomba ofisialy androany 10 Desambra 2025 ny Fivoriambe fiheveran-draharaha sy ara-panahy faha-4 ataon'ny Fédération Madagascar Nord (FMN) . Izay eo ambany fitarihan’ny Filohan’ny fivondronam-ben'ny Fiangonana Advantista ato amin'ny Ranomasimbe Indiana (IOUC) Pasteur Bijoux Michael, sy ny Filohan’ny FMN, Pasteur RAMAMONJISOA Floret, izay aharitra 3 andro (10-13 Décembre 2025)

Vavaka, diabe, ary toriteny fampaherezana nentina Pasteur Bijoux Michael Président IOUC. Taorian'ny fampaherezana dia tatitry ny asa vita nandritra ny 3 taona nataon'ireo mpitantan'asa telo mirahalahy:
Pasteur Floret RAMAMONJISOA, Filohan’ny FMN
Pasteur Kissinger RAMANANTSOA, Sekretera
Frère Séraphin RAMINOSON, Mpitahiry volan'ny FMN izay narahana fanontaniana maro samihafa napetrak'ireo mpizaika.

Ny tolakandro dia natokana ho an’ny famaliana fanontaniana sy fanehoana ny tatitry ny departemantan'ny ASAFI, SeSa, Mission Global, ary ny Departemantan’ny Tanora, PCM ary Aumônier, izay samy notohizan’ny fanotaniana maro ihany koa.

Tsiahivina fa ao anatin’ity fivoriambe ity no hifidianana mpitantan’asa vaovao sy ireo departemanta handrafitra ny rafitra FMN amin’ny taom-piasana manaraka.

Fampaherezana sy vavaka 'no namaranana ny tapany tolakandro izay nentiny Pasteur Mory Rija talen'ny AWR. Hotohizana rahampitso 11 Desambra 2025 ny fivoriambe fiheverandraharaha sy ara-panahy.
Manasa hanao hitondra am-bavaka hatrany.

23/10/2025

Fivoriambe fiheverandahraha ara-panahy FMN
Tohano am-bavaka mandrakariva

Partager

Naman Arlin

26/09/2025

11/09/2025

Tohanantsika am-bavaka ireo talen'ny departemanta vaovao izay voafidy hitarika mandritran'ny 5 taona manaraka ato anatin'ny Fivondronamben'ny Fiangonana Advantista mitandrina ny andro faha fito anatin'ny Ranomasimbe Indianina.

Mirary soa hoan'izy ireo

11/09/2025

Mivavaka hoan'ireo mpitantan'asa vaovao ato anatin'ny Fivondronamben'ny Fiangonana Advantista Ranomasimbe Indianina izay hitantana mandritran'ny 5 taona manaraka.

Isaorana ny Tompo nohon'ny fitantanany🙏