02/04/2026
ππ¬ππ’π ππ
1 Iza no nino ny teny renay? Ary taminβiza no naseho ny sandrinβi Jehovah?
2 Fa naniry teo anatrehany tahaka ny solofo Izy sy tahaka ny faka aminβny tany karankaina; tsy nanana endrika na voninahitra Izy, ka raha nijery Azy isika, dia tsy nisy hatsarana haniriantsika Azy.
3 Natao tsinontsinona sy nolavinβny olona Izy; lehilahy ory sady zatra ny fahoriana; Ary tahaka izay tsy tianβny olona hotejerena akory Izy; natao tsinontsinona Izy ka tsy mba noheverina.
4 Nitondra ny aretintsika tokoa Izy sady nivesatra ny fahoriantsika; kanjo isika kosa nanao Azy ho nokapohina sy nasianβAndriamanitra ary nampahorina.
5 Nefa Izy dia voalefona noho ny fahadisoantsika sy notorotorina noho ny helotsika; ny fampijaliana nahazoantsika fihavanana no namelezana Azy; ary ny dian-kapoka taminy no nahasitranana antsika.
6 Isika rehetra dia samy efa nania tahaka ny ondry, samy efa nivily ho aminβny lalantsika avy isika rehetra; ary nataonβi Jehovah nihatra taminy avokoa ny helotsika rehetra.
7 Nampahorina Izy, nefa nanetry tena ka tsy niloa-bava; dia tahaka ny zanakβondry entina hovonoina, sy tahaka ny ondrivavy izay moana eo anatrehanβny mpanety azy, eny, tsy niloa-bava Izy.
8 Taminβny fampahoriana sy ny fitsarana no nanesorana Azy; ary iza aminβny taranany no hisaina fa nesorina taminβny tany velona Izy noho ny fahadisoanβny oloko ka nasiana kapoka?
9 Ary nomena ny fasany teo aminβny ratsy fanahy Izy, ary teo aminβny mpanankarena taminβny nahafatesany; na dia tsy nanao ratsy akory aza Izy, ary tsy nisy fitaka teo am-bavany.
10 Nefa sitrakβi Jehovah ny hanorotoro Azy; efa nampahory Azy Izy; raha manao ny ainy ho fanati-panonerana Izy, dia hahita taranaka, ho velona ela Izy, ary ny sitraponβi Jehovah dia hambinina eo an-tanany.
11 Noho ny fahoriana niaretany dia hahita mazava Izy ka ho voky; ny fahalalany no hanamarinany ny maro, dia ny Mpanompo marina; ary Izy no hitondra ny helony.
12 Koa izany no hizarako anjara aminy aminβny lehibe, ary hiara-mizara babo aminβny mahery Izy; satria nafoiny ho aminβny fahafatesana ny ainy, ary niaraka nisaina taminβny mpanota Izy; ary Izy nitondra ny fahotanβny maro sady nifona ho anβny mpanota.
