AFAFI FET Madagasikara - AP MEJ Madagascar

02/04/2026

🟠 Mahatsiaro manokana ny namoronan'i Jesoa ny 𝔼𝕠𝕜𝕒𝕣𝕚𝕤𝕥𝕚𝕒, ilay 𝐢𝐯𝐨𝐦-𝐩𝐢𝐚𝐢𝐧𝐚𝐧𝐭𝐬𝐢𝐤𝐚 𝐀𝐅𝐀𝐅𝐈-𝐅𝐄𝐓, isika anio.

🟠 Marihintsika amin'ny alalan'ny fandraisana anjara mavitrika amin'ny Sorona Masina, mendrika ny maha-AFAFI-FET antsika ity andro anio ity.

⭐️⭐️⭐️Mirary 𝚑𝚊𝚝𝚎𝚕𝚘𝚊𝚗'𝚗𝚢 𝙿𝚊𝚔𝚊 𝚏𝚎𝚗𝚘 𝚏𝚊𝚑𝚊𝚖𝚊𝚜𝚒𝚗𝚊𝚗𝚊 ho antsika rehetra!

Ifampizarao eo ambany 👇👇ny hiainanao/niainanao ity andro ity.

01/04/2026

🗓 𝔸𝕡𝕣𝕚𝕝𝕪: "𝐇𝐨 𝐚𝐧’𝐢𝐫𝐞𝐨 𝐏𝐫𝐞𝐭𝐫𝐚 𝐦𝐚𝐧𝐝𝐚𝐥𝐨 𝐟𝐨𝐭𝐨𝐚𝐧-𝐭𝐬𝐚𝐫𝐨𝐭𝐫𝐚"

🙏Mba hahita ny fanampiana ilainy anie ireo pretra mandalo fotoan-tsarotra amin’ny famaliany ny antson’Andriamanitra, ary hanohana azy amin’ny alalan’ny fihainoana sy ny vavaka ny ankohonam-piainana misy azy.

𝔽𝔸ℕ𝔸ℤ𝔸𝕍𝔸ℕ𝔸 𝕊𝕐 𝔽𝔸ℕ𝔼ℕ𝕋𝔸ℕ𝔸ℕ𝔸

Nʏ ꜰᴀɴᴀᴍʙɪɴ’ɴʏ ᴢᴀɴᴀᴋ’ᴏʟᴏᴍʙᴇʟᴏɴᴀ (ᴅéꜰɪ ᴅᴇ ʟ’ʜᴜᴍᴀɴɪᴛé): Mba ho afaka mamaly tsara ny fiantsoan’Andriamanitra azy sy mitazona ny anjara toerany eo anivon’ny ny Eglizy sy ny fiaraha-monina ireo pretra.

Nʏ ᴀꜱᴀ ꜰᴀɴɪʀᴀʜᴀɴᴀ ᴛᴀɴᴛᴇʀᴀʜɪɴ’ɴʏ Eɢʟɪᴢʏ (ᴍɪꜱꜱɪᴏɴ ᴅᴇ ʟ’Eɢʟɪꜱᴇ): Fanohanana ireo pretra mandalo fotoan-tsarotra amin’ny alalan’ny fihainoana sy ny fanohanana azy ireo ary ny vavaka.

𝗟𝗔𝗛𝗔𝗥𝗔𝗠-𝗣𝗔𝗛𝗔𝗠𝗘𝗛𝗔𝗡𝗔 𝗙𝗔𝗛𝗔 𝟰: Toy ny fiainana kristianina rehetra dia tsy mijanona amin’ny famaliana ny antso any am-boalohany ihany ny fiainana maha pretra fa mitaky fanavaozana mandrakariva. Ny pretra, toy ny olona rehetra ihany, na dia eo aza ny fiofanana nataony sy ny andram-piainana niainany, dia mety hahatsapa ho irery sy tratran’ny fikorontanana ary vizana. Mety noho ny fahosany izany, nefa koa mety noho ny fahasarotana atrehiny any amin’ny sehatr’asa anirahana azy izay mitaky ezaka lehibe kanefa mety tsy ho ampy ny fanohanana sy fanampiana azy. Ny Eglizy miara-dia dia Eglizy miahy sy manohana ny fiantsoan’Andriamanitra ho pretra, manampy azy ireo ho tsara kokoa, ho mpiandry ondry tsara sy ho mpiray tampo mahafatra-po.

𝗡𝗬 𝗙𝗔𝗠𝗣𝗜𝗔𝗡𝗔𝗥𝗔𝗡’𝗡𝗬 𝗘𝗚𝗟𝗜𝗭𝗬 𝗠𝗢𝗠𝗕𝗔 𝗜𝗭𝗔𝗡𝗬:
Nandritra ny fihaonany tamin’ireo eveka sy pretra ary ny relijiozy tany Manila (Philippines) tamin’ny 2015, ny Papa Fransoa dia nanafatra azy ireo mba tsy hitokantokana rehefa mahatsiaro kivy fa hanaiky hoampiana. Tsy natao handeha irery ny pretra hoy izy. Tokony hahatsapa mandrakariva ny pretra fa tsy vahiny na olon-kafa satria miombona ao anaty tambajotram-pifandraisana anjakan’ny firahalahiana sy fifankatiavana (Lahatenin'ny Papa François ho an'ireo mpandray anjara tamin'ny fivoriambe feno tao amin'ny Dikastera ho an'ny mpitondra fiangonana (6 jona 2024).

Ny Papa Benoà XVI kosa, tamin’ny taratasiny ho fanokafana ny taonan’ny pretra (16 jona 2009), dia nilaza fa tsy natao ho an’ny tenany ny pretra fa lasa mpanompon’i Kristy sy ireo mpiray tampo aminy noho ny fahasoavana noraisiny tamin’ny fanamasinana azy. Manana ny fahosany koa ny pretra, hoy izy, ary mila ny famindram-po sy ny fihainoana, tsy avy amin’Andriamanitra ihany fa avy amin’ireo mpiray tampo aminy ara-pinoana ihany koa (Toriteny famaranana ny taon’ny pretra, 11 jona 2010). Ny fananana toetra mahatoky sy tsy mivadika amin’ny antson’Andriamanitra dia tsy vokatry ny herintsika fa vokatry ny fanolorantena feno fitokisana amin’Andriamanitra tsy mivadika (Taratasy ho an’ny seminarista, 18 oktobra 2010). Ary tamin’ny Fanentanana apôstôlika taorian’ny Sinaody Sacramentum Caritatis (22 febroary 2007) dia nanambara izy fa mila ankohonam-piainana manohana azy ny pretra, mila fiainam-panahy velona, firahalahiana sy fifankatiavana azo tsapain-tanana miaraka amin’ireo rahalahiny ao amin’ny fiainam-boatokana.

Hamafisin’ny Papa Joany Paoly II izany tamin’ny Fanentanana apostolika taorian’ny Sinaody Pastores Dabo Vobis (25 martsa 1992) raha nilaza izy fa ny pretra, ao anatin’ny fahosany, dia olona miaina ny fahasoavan’Andriamanitra ary manovo ny heriny amin’ny fiombonany amin’ireo rahalahiny sy amin’ny vavaka ataon’ny vahoakan’Andriamanitra. Na dia ao anatin’ny havizanana sy ny fahamainana aza ny pretra dia antsoina hanavao ny “Eny” isan’andro. Tsy irery izy fa miara-dia aminy i Kristy sy ny ankohonam-piainana misy azy ary omban’ny vavaky ny Eglizy (Taratasy ho an’ny pretra tamin’ny Alakamisy masina, 9 aprily 1998).

𝗡𝗬 𝗧𝗢𝗘-𝗣𝗢 𝗜𝗟𝗔𝗜𝗡𝗔:
Tsy maintsy tohanana am-pitiavana sy am-pahitsiana ny pretra, indrindra ireo mandalo fotoan-tsarotra, mba hahafahany manampy sy manohana ny vahoakan’Andriamanitra. Mila ny fandraisantsika ny pretra mizotra amin’ny lalan’ny fahamasinan-tena. Tokony hangoraka sy hanampy azy ireo isika fa tsy hiala andraikitra. Ny ankohonam-piainana mitondra ao am-po sy mahatsiaro am-bavaka ny pretrany dia manampy azy ireo hahatsapa mandrakariva fa ny fiantsoan’Andriamanitra ho pretra dia fanomezana manokana omban’ny fahasoavan’Andriamanitra sy tohanan’ny vahoakan’Andriamanitra.

𝗜𝗥𝗘𝗢 𝗧𝗢𝗘-𝗣𝗔𝗡𝗔𝗛𝗬 𝗜𝗟𝗔𝗜𝗡𝗔:
𝓣𝓸𝓮-𝓹𝓪𝓷𝓪𝓱𝔂 1 : 𝗠𝗶𝘃𝗮𝘃𝗮𝗸𝗮 𝗶𝘀𝗮𝗻’𝗮𝗻𝗱𝗿𝗼 𝗵𝗼 𝗮𝗻’𝗻𝘆 𝗽𝗿𝗲𝘁𝗿𝗮
Afaka misafidy pretra iray ao anatin’ny herinandro, ohatra, ary mivavaka ho azy, sady tononina ny anarany no tsaroana an’eritreritra izy.

𝓣𝓸𝓮-𝓹𝓪𝓷𝓪𝓱𝔂 𝟐: 𝗠𝗶𝗵𝗮𝗶𝗻𝗼 𝗮𝘇𝘆 𝗶𝗿𝗲𝗼 𝗮𝗺𝗶𝗺-𝗽𝗼 𝗺𝗮𝗻𝗴𝗼𝗿𝗮𝗸𝗮
Raha misy pretra mifampizara ny havizanany na ny manahirana azy dia tokony hihaino azy am-pitiavana fa tsy hitsaratsara na hiampanga azy.

𝓣𝓸𝓮-𝓹𝓪𝓷𝓪𝓱𝔂 3: 𝗠𝗶𝘀𝗼𝗿𝗼𝗸𝗮 𝗶𝗿𝗲𝗼 𝗳𝗶𝘁𝘀𝗶𝗸𝗲𝗿𝗮𝗻𝗮 𝗺𝗮𝗻𝗶𝗺𝗯𝗮
Avadika ho vavaka ny fitsikerana. Tsy fantatra mantsy ireo tolona anaty mety iainan’ny pretra.

𝓣𝓸𝓮-𝓹𝓪𝓷𝓪𝓱𝔂 4: 𝗠𝗮𝗻𝗮𝗸𝗮𝗶𝗸𝘆 𝗮𝘇𝘆 𝗶𝗿𝗲𝗼 𝗮𝗺𝗶𝗻’𝗻𝘆 𝗺𝗮𝗵𝗮 𝗮𝗻𝗸𝗼𝗵𝗼𝗻𝗮𝗺-𝗽𝗶𝗮𝗶𝗻𝗮𝗻𝗮 𝗳𝗮 𝘁𝘀𝘆 𝗺𝗮𝗻𝗮𝗹𝗮𝘃𝗶𝘁𝗿𝗮
Fankaherezana lehibe ho an’ny pretra ny resadresaka sy ny hafatrafatra atao, ny fitsidihina sy ny fiaraha-misakafo ary fifampizarana ataontsika.

𝓣𝓸𝓮-𝓹𝓪𝓷𝓪𝓱𝔂 5: 𝗠𝗮𝗻𝗼𝗺𝗲 𝗹𝗮𝗻𝗷𝗮 𝗻𝘆 𝗺𝗮𝗵𝗮 𝗼𝗹𝗼𝗺𝗯𝗲𝗹𝗼𝗻𝗮 𝗮𝘇𝘆 𝗶𝗿𝗲𝗼
Tsy mitaky ny fahalavorariana amin’ny pretra. Mila ny fihainoana sy ny fanokanantsika fotoana ary ny fitiavana avy amintsika izy ireo.

Manana adidy amin’ny fandraisana an-tanana ny fiantson’Andriamanitra azy ny Pretra sy ireo olom-boatokana ary manana adidy amin’ny fiahiana sy fanohanana azy ireo koa ny ankohonam-piainana misy azy, na ny ankohonam-piainan-drelijiozy sy ankohonam-piainan’ny pretra izany na ny ankohom-painana kristianina eo anivon’ny eglizy misy azy. Ireo no pretrantsika miezaka mamaly ny antson’Andriamanitra hanompo Azy amin’ny fomba manokana, misehatra amin’ny fampivoarana ny olona manontolo, ny fianankaviana ary ny fiaraha-monina; mandray anjara amin’ny fanatsarana ny fiainam-pirenena sy izao tontolo izao. Isika koa miombona anjara amin’ny asam-pamonjena. Mitoetra ao anatintsika i Kristy ary efa teo Aminy hatrany am-boalohany isika (jr. Jo 15,27), ka ny Fon’i Jesoa mangoraka no ao am-pontsika mpianany sy entintsika manohana ny pretrantsika sy ireo iray ankohonam-piainana amintsika.

𝘗. 𝘡𝘈𝘒𝘈𝘝𝘌𝘓𝘖 𝘑𝘰𝘴é 𝘊𝘩𝘳𝘪𝘴𝘵𝘰𝘱𝘩𝘦, 𝘴𝘫
𝘛𝘢𝘭𝘦 𝘯𝘢𝘴𝘪ô𝘯𝘢𝘭𝘪𝘯’𝘯𝘺 𝘛𝘢𝘮𝘣𝘢𝘫𝘰𝘵𝘳𝘢𝘮-𝘗𝘪𝘷𝘢𝘷𝘢𝘩𝘢𝘯’𝘯𝘺 𝘗𝘢𝘱𝘢 𝘔𝘢𝘯𝘦𝘳𝘢𝘯-𝘵𝘢𝘯𝘺 (𝘛𝘗𝘗𝘔)

25/03/2026

FAMPAHAFANTARANA
Manomboka ny talata 31 marsa hatramin'ny zoma 10 aprily 2026 dia tsy hisokatra ny Foibe nasionaly TPPM/AFAFI -FET.
Ny talata 14 aprily kosa dia hiverina hiasa toy ny mahazatra.

NB: Hisy fisokafana manokana ny alatsinainy 30 marsa.

Dia samy hahavita soa ny herinandro masina sy hahatratra ny Paka aby isika rehetra.
Entintsika am-bavaka manokana ireo AFAFI -FET rehetra hanao fihaonana any amin'ny distrika na diosezy rehetra any.

" Ho ela velona ao am-pontsika anie Jesoa"

Afitema.

07/03/2026

“𝙼𝙸𝚅𝙰𝚅𝙰𝙷𝙰 𝙼𝙸𝙰𝚁𝙰𝙺𝙰 𝙰𝙼𝙸𝙽’𝙽𝚈 𝙿𝙰𝙿𝙰”

ＶＡＶＡＫＡ ＨＯ ＡＮ’ＮＹ ＶＯＬＡＮＡ ＭＡＲＴＳＡ ２０２６
Ry Andriamanitra Tompon’ny Aina ô,
Ianao no namolavola ny olombelona tsirairay
hitovy endrika Aminao sy hanahaka Anao,
Mino izahay fa noharianao ho amin’ny fiombonana izahay
fa tsy ho amin’ny ady,
ho amin’ny fihavanana fa tsy ho amin’ny fifanimbana.

Ianao niarahaba ireo mpianatrao nanao hoe:
“Ho aminareo anie ny fiadanana”;
omeo ho fanomezana ho anay ny fiadananao
sy ny hery hanatanterahanay izany eo amin’ny tantara.

Asandratray anio ny vavakay
ho an’ny fiadanana eo amin’izao tontolo izao.
Mitalaho aminao izahay: enga anie ireo firenena
hamela ny fitaovam-piadiana ary hisafidy
ny lalan’ny fifanakalozan-kevitra sy ny diplaomasia.

Esory ao am-ponay ny fankahalana sy ny lolom-po
ary ny tsy firaharahiana ny hafa,
mba ho fitaovana mampihavana izahay.
Ampio izahay hahatakatra fa ny tena fiarovana ho anay
dia tsy avy amin’ny ny fifehezana ny zava-misy
noho ny tahotra ny hafa, fa avy amin'ny fahatokisana
sy ny fahamarinana ary ny firaisankinan’ny vahoaka.

Tompo ô, hazavao ireo mpitondra firenena,
hananany herim-po tsy hanohy ireo teti-pamonoana
sy hampitsahatra ny fifaninanana ara-pitaovam-piadiana,
ary hijery manokana ny fiainan'ireo marefo indrindra.
Enga anie tsy hamaritra intsony ny hoavin'ny olombelona
ny fandrahonana ara-nokleary.

Fanahy Masina ô, ataovy mpanorina ny fiadanana
mahatoky sy tia karokaroka isan'andro izahay:
ao am-ponay, ao amin'ny fianakavianay
sy ny ankohonam-piainanay, ary eo amin’ny tanànanay.

Enga anie ireo teny feno hatsaram-panahy
sy ireo fihetsika mampihavana rehetra
ary ireo safidy hifanakalo hevitra rehetra,
ho voa afafy hiteraka tontolo vaovao.

Amen.

𝙿𝚊𝚙𝚊 𝙻é𝚘𝚗 𝚇𝙸𝚅

07/03/2026

🙏⭐⭐Hiaina ao anaty 𝘃𝗮𝘃𝗮𝗸𝗮 𝗺𝗶𝗮𝗿𝗮𝗸𝗮 𝗮𝗺𝗶𝗻'𝗻𝘆 𝗣𝗮𝗽𝗮 isika manomboka izao, ao anatin'ilay horonan-tsary "𝕄𝕚𝕧𝕒𝕧𝕒𝕙𝕒 𝕞𝕚𝕒𝕣𝕒𝕜𝕒 𝕒𝕞𝕚𝕟'𝕟𝕪 ℙ𝕒𝕡𝕒".

Maka fotoana manokana izay mety amintsika tsirairay 𝙝𝙞𝙫𝙖𝙫𝙖𝙝𝙖𝙣𝙖 𝙢𝙞𝙖𝙧𝙖𝙠𝙖 𝙖𝙢𝙞𝙣'𝙣𝙮 𝙋𝙖𝙥𝙖.

Ireto misy 𝐭𝐨𝐫𝐨𝐥𝐚𝐥𝐚𝐧𝐚 sy 𝐝𝐢𝐧𝐠𝐚𝐧𝐚 atolotra antsika hiombonam-bavaka amin'ny Papa:
1️⃣ Miomana tsara
2️⃣ Mipetraka eo anatrehan'ny Tompo
3️⃣ Miaina fahanginana
4️⃣ Manao ny Vavaka isam-bolana [jereo ny 𝘝𝘢𝘷𝘢𝘬𝘢 𝘪𝘴𝘢𝘮-𝘣𝘰𝘭𝘢𝘯𝘢 ho an'ny volana diavina]
5️⃣ Faranana amin'ny vavaka avy aminao manokana.

Ny "𝕄𝕚𝕧𝕒𝕧𝕒𝕙𝕒 𝕞𝕚𝕒𝕣𝕒𝕜𝕒 𝕒𝕞𝕚𝕟'𝕟𝕪 ℙ𝕒𝕡𝕒" dia tsirin-kevitra iray atolotry ny Tambajotram-Pivavahan'ny Papa Maneran-tany (TPPM), izay ifampizaran'ny Papa Ray Masina ny vavaka fangatahana ampanaoviny isam-bolana: anasany antsika hivavaka ho an'ny fanambin'ny zanak'olombelona sy ny iraka sahanin'ny Eglizy, amin'ny alalan'ny"𝐕𝐢𝐝é𝐨 𝐝𝐮 𝐏𝐚𝐩𝐞".

01/03/2026

🗓 𝕄𝕒𝕣𝕥𝕤𝕒: "𝐇𝐨 𝐚𝐧’𝐧𝐲 𝐟𝐚𝐦𝐞𝐫𝐚𝐧𝐚 𝐧𝐲 𝐟𝐚𝐦𝐩𝐢𝐚𝐬𝐚𝐧𝐚 𝐧𝐲 𝐟𝐢𝐭𝐚𝐨𝐯𝐚𝐦-𝐩𝐢𝐚𝐝𝐢𝐚𝐧𝐚 𝐬𝐲 𝐧𝐲 𝐟𝐢𝐚𝐝𝐚𝐧𝐚𝐧𝐚."
🙏Mba hirotsaka an-tsehatra tanteraka amin’ny famerana ny fitaovam-piadiana, indrindra ny fitaovam-piadiana nokleary, anie ireo firenena, ary hisafidy ny fifanakalozan-kevitra sy ny diplaomasia, fa tsy ny herisetra, ireo mpitondra eran-tany.

--------
Laharam-pahamehana ho an’ny Eglizy maneran-tany ny fampanjakana ny fiadanana. Ity volana martsa ity no anentanan’ny Papa Léon XIV antsika hivavaka manokana mba hirotsaka an-tsehatra tanteraka amin’ny famerana ny fitaovam-piadiana, indrindra ny fitaovam-piadiana nokleary, anie ireo firenena, ary hisafidy ny fifanakalozan-kevitra sy ny diplaomasia, fa tsy ny herisetra, ireo mpitondra eran-tany.
Tsy mety voafehy ny ady sy ny voka-dratsiny, ny fahafatesan’ny olona sy ny fahasimbana eo amin’ny fiaraha-monina izay tsy hain’olombelona arenina intsony matetika. Mitombo ny famokarana fitaovam-piadiana sy ny fahafahana mitazona izany. Tsy voafehin’ny saina sy mandrahona ary mandringana ny zanak’olombelona ny teknôlôjia ara-nokleary; toa mamaritra hoavy tsy fantatra sy mampanahy.
Tanjona kendrena, na dia toa nofinofy aza, ny fampitsaharana tanteraka ny fifandonana sy ny fampiharana tetik’asa fampihenana haingana ny fitaovam-piadiana. Betsaka ny fanambarana atao kanefa vitsy ny fanatanterahana. Manan-tsaina ihany ny olombelona, kanefa tsy mety tanteraka ny fifanakalozan-kevitra. Ny diplaomasia aza tsy afa-mamaha olana akory fa toa mifampitazana sy manao jery vilana fotsiny ary tsy sahy mitady lalana hikatsahana ny soa ho an’ny andaniny sy ny ankilany, satria manakona ny mangarahara sy manohitra ny zon’olombelona. Te hanjaka amin’ny firenena mahantra na amin’izy samy izy, indrindra ara-toe-karena, ny firenena matanjaka; hany ka mibirioka mandrakariva any amin’ny ady sy ny fanafihana, ny fanenjehana noho ny antony ara-piaviana sy ara-pivavahana, hatrany amin’ny fanoherana ny hasina maha olona.
Mpivahinin’ny fanantenana tsy mahalala vizana ny Eglizy mampita hafatra amin’ny fampianarana ataony, indrindra isaky ny fankalazana ny Andro Iraisam-pirenena ho an'ny Fandriampahalemana. Ny fahaiza-mihaino no lalana atoron’ny Eglizy, ary izany dia miorina amin’ny fandraisana ny Tenin’Andriamanitra sy ny fihainoana an’Andriamanitra izay mampisokatra antsika amin’ny fihainoana ny hafa izay akantsika tahaka an’Andriamanitra mihaino ny fitarainan’ny vahoakany, indrindra ireo marefo indrindra. Tsy maintsy atomboka ao am-po, raha tiana ho tanteraka sy haharitra, ny fanafoanana ny fitaovam-piadiana izay fepetra hisian’ny fiadanana. Tsy ara-teknika na ara-pôlitika ihany izany fa adidy ara-môraly mihitsy.
Tsy vitan’ny teti-panorona ara-tsaina ny fifehezana ny fitaovam-piadiana sy ny fifanakalozan-kevitra fa mila toe-po manokana. Ny tena fandriampahalemana dia avy amin’ny fo mihavana. Manomboka amin’ny fiainana ny fandriampahalemana isan’andro ny famafazana ny fiadanana eo amin’izao tontolo izao. Miainga amin’ny fialana amin’ny herisetra ao anatin’ny tsirairay ny tsy fampiasana fitaovam-piadiana. Ilaina ny manapa-kevitra hisafidy ny lalan’ny fiainana sy handà izay rehetra mitarika any amin’ny fahafatesana. Io toe-po io no ananana fijery miabo mandrakariva sy mampisy ny fanantenana. Misy ireo toe-panahy manampy hiaina izany:
Toe-panahy 1. Mitandrina ny teny atao isan’andro: tsy tokony mampiasa ireo teny mandratra sy mahery setra ary mamono, ny fanesoana, ny fifosafosana, ny tsikera manimba, ny fanendrikendrehana ary ny fitsaratsarana olona; ary misafidy teny mitondra fitoniana sy mitsodrano ny hafa ary mampiombona.
Toe-panahy 2. Misafidy ny fifanakalozan-kevitra: Tokony miezaka mahazo ny hafa rehefa misy fifandirana fa tsy manery ny hafa handray ny fomba fijerin’ny tena.
Toe-panahy 3. Miala amin'ny herisetra madinika isan'andro: mazoto manao fandinihan-tena momba ny tsy fananana faharetana, ny fanamavoana ny hafa ary ny fitsarana henjana loatra.
Toe-panahy 4. Mijery ny zava-misy sy mivavaka ho an'ny fandriampahalemana eran-tany: misafidy faritra iray izay misy korontana ary mivavaka ho azy mandritra ny herinandro.
Toe-panahy 5. Manao ny marina amin'ny fiainana andavanandro: Ny fandriampahalemana dia tsy hoe tsy fisian'ny ady ihany, fa fisian’ny fifandraisana ao anatin’ny fahamarinana, manaraka ny rariny sy ny hitsiny.

Ny fanazarantena amin’ny fifehezana ny fahazotoan-komana amin’ny alalan’ny fifadian-kanina izay mahakasika ny vatana anie hanampy antsika hanavaka sy handrindra izay mety ho karazana “fahazotoan-komana” rehetra, na amin’ny hevitra na amin’ny teny na amin’ny atao, toy ny faniriana, ny fahalianana ary fankafizana rehetra mampikombona sy tsy mahasoa ny fanahy, na ara-kolontsaina na ara-toekarena na ara-pôlitika na ara-pivavahana; ka hiezahantsika hampitodika izany any amin’Andriamanitra mba hamelona ny finoantsika sy hanafaka ny fontsika amin’ireo tahotra ny hafa sy ny tebiteby ary izay manelingelina azy isan’andro, araka ny hafatry ny Papa ho an’ny Karemy. Ny lalan’ny Karemy dia lalan’ny fo, lalan’ny fihainoana, lalan’ny fibebahana ary lalan’ny fanafahana iantsoana ny eglizy fototra sy ny fianakaviana ary ny ankohonam-piainana rehetra.

𝐏. 𝐙𝐀𝐊𝐀𝐕𝐄𝐋𝐎 𝐉𝐨𝐬é 𝐂𝐡𝐫𝐢𝐬𝐭𝐨𝐩𝐡𝐞, 𝐬𝐣
𝘛𝘢𝘭𝘦 𝘯𝘢𝘴𝘪ô𝘯𝘢𝘭𝘪𝘯’𝘯𝘺 𝘛𝘢𝘮𝘣𝘢𝘫𝘰𝘵𝘳𝘢𝘮-𝘗𝘪𝘷𝘢𝘷𝘢𝘩𝘢𝘯’𝘯𝘺 𝘗𝘢𝘱𝘢 𝘔𝘢𝘯𝘦𝘳𝘢𝘯-𝘵𝘢𝘯𝘺 (𝘛𝘗𝘗𝘔)

06/02/2026

Mɪᴠᴀᴠᴀʜᴀ ᴍɪᴀʀᴀᴋᴀ ᴀᴍɪɴ'ɴʏ Pᴀᴘᴀ !
🇫​​🇪​​🇧​​🇷​​🇴​​🇦​​🇷​​🇾​ 2️⃣0️⃣2️⃣6️⃣

Amin'ny anaran'ny Ray sy ny Zanaka sy ny Fanahy Masina. Amen.

Jesoa Tompo ô,
Ianao Ilay namihina ny ankizy madinika
sy nitso-drano azy tamim-pitiavana,
Entinay eo Aminao anio ireo ankizy voan’ny aretina tsy hay sitranina.

Famantarana ny fisianao eo anivonay ny vatan’izy ireo marefo
ary manambara ny Fanjakanao ny tsikiny ao anaty fanaintainana.
Mivavaka Aminao izahay, ry Tompo,
mba hahazo mandrakariva ny fitsaboana ilainy anie izy ireo,
ny fiahiana araka ny maha olona sy feno fitiavana,
ary ny fanohanana avy amin’ny ankohonam-piainana
izay manampy azy am-pitiavana.

Tohano amin’ny fanantenana ny fianakavian’izy ireo
ao anatin’ny havizanana sy ny ahiahy,
ary ataovy vavolombelon’ny finoana
mihamatanjaka hatrany ao anatin’ny fahoriana.

Tahio ny tanan'ireo dokotera, ny mpitsabo mpanampy
ary ny mpikarakara mba haneho fangorahana
mavitrika mandrakariva ny asan’izy ireo.
Hanazava azy ireo anie ny Fanahinao
amin’ny fanapahan-kevitra sarotra rehetra
ary hanome azy ireo faharetana sy halemem-panahy
hanompoany amim-pahamendrehana.

Tompo ô,
Ampianaro izahay hahita ny endrikao ao amin’ireo ankizy mijaly.
Hanaitra ny fangorahana ao anatinay anie ny toetrany marefo,
hanosika anay hiahy sy hanampy ary ho tia
amin’ny fihetsika mivaingana maneho firaisankina.

Ataovy Eglizy velomin’ny fitiavana ao amin’ny Fonao
ary entanin’ny vavaka sy ny asa fanompoana izahay,
hahay manohana ireo osa amin’ny fahosany
sy ho loharanon’ny fanalana alahelo eo anivon’ny fahoriana,
ho voa afafin’ny fanantenana ary hanambara ny fiainam-baovao.

Amen.
𝘗𝘢𝘱𝘢 𝘓é𝘰𝘯 𝘟𝘐𝘝

04/02/2026

𝗙𝗔𝗡𝗚𝗔𝗧𝗔𝗛𝗔𝗡𝗔 𝗔𝗠𝗣𝗔𝗡𝗔𝗢𝗩𝗜𝗡’𝗡𝗬 𝗣𝗔𝗣𝗔 𝗛𝗢 𝗔𝗡’𝗡𝗬 𝗩𝗢𝗟𝗔𝗡𝗔 𝗙𝗘𝗕𝗥𝗢𝗔𝗥𝗬 2️⃣0️⃣2️⃣6️⃣: 𝖧𝖮 𝖠𝖭’𝖨𝖱𝖤𝖮 𝖠𝖭𝖪𝖨𝖹𝖸 𝖵𝖮𝖠𝖭’𝖭𝖸 𝖠𝖱𝖤𝖳𝖨𝖭𝖠 𝖳𝖲𝖸 𝖧𝖠𝖸 𝖲𝖨𝖳𝖱𝖠𝖭𝖨𝖭𝖠
𝗠𝗯𝗮 𝗵𝗮𝗵𝗮𝘇𝗼 𝗳𝗶𝘁𝘀𝗮𝗯𝗼𝗮𝗻𝗮 𝘀𝘆 𝗳𝗮𝗻𝗼𝗵𝗮𝗻𝗮𝗻𝗮 𝗶𝗹𝗮𝗶𝗻𝘆 𝗮𝗻𝗶𝗲 𝗶𝗿𝗲𝗼 𝗮𝗻𝗸𝗶𝘇𝘆 𝘃𝗼𝗮𝗻’𝗻𝘆 𝗮𝗿𝗲𝘁𝗶𝗻𝗮 𝘁𝘀𝘆 𝗵𝗮𝘆 𝘀𝗶𝘁𝗿𝗮𝗻𝗶𝗻𝗮 𝘀𝘆 𝗻𝘆 𝗳𝗶𝗮𝗻𝗮𝗸𝗮𝘃𝗶𝗮𝗻𝘆, 𝗮𝗿𝘆 𝗵𝗮𝗵𝗲𝗿𝘆 𝗺𝗮𝗻𝗱𝗿𝗮𝗸𝗮𝗿𝗶𝘃𝗮 𝘀𝘆 𝘁𝘀𝘆 𝗵𝗼 𝘃𝗲𝗿𝘆 𝗳𝗮𝗻𝗮𝗻𝘁𝗲𝗻𝗮𝗻𝗮.

𝕋𝕖𝕟𝕪 𝕗𝕒𝕟𝕖𝕟𝕥𝕒𝕟𝕒𝕟𝕒:

Manentana antsika ny Papa Léon XIV mandritra ity volana febroary ity / hivavaka sy hiahy manokana ireo ankizy voan’ny aretina tsy hay sitranina. Mba hahazo fitsaboana sy fanohanana ilainy anie izy ireo sy ny fianakaviany, ary hahery mandrakariva sy tsy ho very fanantenana.

Firifiry tokoa moa ny ankizy izay vao manomboka ny fiainany / no mizaka fijaliana tsy eran’ny aina noho ny aretina / na any amin’ny toeram-pitsaboana samihafa any sy any an-tokantrano any! Mampientam-po ny zava-misy ary tokony hanaitra ny fangorahana ao anatintsika izay toe-po tokony hananantsika. Ao ireo mpitsabo sy ireo ankohonam-piainana izay resy lahatra sy miara-dia akaiky amin’ireny ankizy marary ireny sy ny fianakaviany. Tena vavolombelona manome lanja ny hasina maha olona izy ireny sy mitondra fanantenana manoloana ny fiainana marefo izay iombonantsika olombelona. Ny ankizy marary anankiray dia mahakasika ny olombelona rehetra mihitsy; ary vavaka ataontsika arahina fihetsika sy asa mivaingana dia maneho fa isika dia fitaovana mitondra fankaherezana sy fanalana alahelo ary fanantenana. Tsy manafoana tanteraka ny fijaliana akory ny fitiavana sy ny finoana asehontsika, saingy manova ny fijaliana kosa ho lalan’ny fanavotana sy ny fiombonana.

Tamin’ny fitsidihina nataon’ny Papa Fransoa tao amin’ny hôpitalin’ny ankizy anankiray tao Rôma, tamin’ny 2019, dia nilaza izy fa ny hoavy izay banjinintsika sy ny ampitso izay omanintsika dia fitambarana tantaram-piainan’ankizy sy fahazazana maro nandalo sedra isan-karazany; ka ny ezaka ataontsika miara-dia amin’ny ankizy dia manazatra antsika hibanjina ny hoavy. Azo lazaina tokoa fa ny ankizy, na ao amin’ny fianakaviantsika izany na ao amin’ny fiaraha-monina misy antsika, no toy ny lehibe mibaiko ny fiainantsika andavanandro. Ny fisian’ny ankizy sy ny hoaviny no manentana ny asantsika sy ireo eritreritsika, manentana ireo asa fikarohana ataontsika sy izay rehetra ataontsika. Rehefa dinihina dia ny ankizy no tokony ho hery manosika ny fihariana sy ny toe-karena ao amin’ny fianakaviana sy ao amin’ny firenena iray fa tsy rendrarendra sy ny filàna ivelambelany na ny fifaninana hampitombo ny renivola izay matetika maka fanahy hanohitra ny rariny sy hitsipaka ny soa iombonana ary hanjakazaka amin’ny hafa. Ny fijalian’ny ankizy marary no nahatsapan’ny Papa Fransoa ny maha sarobidy ny asan’ny mpitsabo, ka nitsofany rano manokana ny tanan’ireo dokotera sy ireo mpitsabo mpanampy tamin’ny hôpitaly notsidihany. Tsy mitsahatra miteny ao amin’ny feon’ny fieritreretantsika ny misterin’ny fijalian’ny ankizy sy ny fahorian’ireo ray aman-dreny. Manontany tena isika indraindray manao hoe: Fa nahoana ny ankizy no mijaly? Toa mibaby ny vokatry ny korontana eo anivon’ny zavaboary sy eo amin’izao tontolo izao! Fa inona moa ny fahotana vitan’izy ireny? Ireny fanontaniana ireny dia manosika antsika handray adidy aman’andraikitra araka izay manandrify antsika.

Ny Papa Benoa XVI, tamin’ny Andro Iraisam-pirenena ho an’ny marary faha 15, dia naneho ny fahatsapany ny fijalian’ny marary sy ny fiombonany tamin’ireo nandray anjara tamin’ny fihaonambe nandinihana ny valan’aretina tsy hay sitranina ary nankahery ireo ankohonana kristianina izay mijoro ho vavolombelon’ny halemem-panahy sy ny famindram-pon’Andriamanitra. Manohana ireo marary mafy ny Eglizy ary manentana handrafitra pôlitika ara-tsôsialy manaraka ny rariny sy manampy amin’ny fanafoanana ny fototr’ireo aretina maro. Nohamafisiny ny tokony hanohanana tsy misy fepetra ireo mararin’ny aretina tsy hay sitranina. Ilaina ny manangana pôlitika afaka mahita fomba hahafahan’ny marary mizaka ny fijaliana sy miatrika ny fahafatesana amin’ny fomba mendrika.

Ny Papa Joany Paoly II moa dia nampatsiahy fa mirakitra mistery ny fiainan’ireo ankizy marary. Ny fijaliana tsy manantsiny entin’izy ireny dia fandraisana anjara manokana amin’ny hazofijalian’i Kristy sy famantarana ilay Fitiavana nanavotana antsika izay manova ny fijaliana ho fanantenana (Hafatra ho an’ny Andro Iraisam-pirenena ho an’ny marary faha 8, 2000).

Iʀᴇᴏ ᴛᴏᴇ-ᴘᴀɴᴀʜʏ ᴍᴀɴᴀᴍᴘʏ ᴀᴍɪɴ'ɪᴢᴀɴʏ:

𝟭. 𝗠𝗮𝗻𝗮𝗺𝗽𝘆 𝘀𝘆 𝗺𝗮𝗻𝗼𝗵𝗮𝗻𝗮 𝗮𝗺𝗶𝗻’𝗻𝘆 𝗳𝗼: Atolory ho an’ny ankizy marary anankiray ny andronao isan’andro. Manaova hoe: “Tompo ô, izay rehetra iainako anio anie hanampy ireo izay mijaly mangina!”
𝟮. 𝗠𝗶𝗮𝗻𝗮𝘁𝗿𝗮 𝗺𝗶𝗮𝗵𝘆 𝗮𝗺𝗶𝗺-𝗽𝗶𝘁𝗶𝗮𝘃𝗮𝗻𝗮 𝗮𝗺𝗶𝗻’𝗻𝘆 𝘇𝗮𝘃𝗮𝘁𝗿𝗮 𝗺𝗮𝗱𝗶𝗻𝗶𝗸𝗮: Mazotoa miahy ireo manodidina anao amin’ny alalan’ny fihetsika madinika. Mazotoa mihaino ny hafa. Rehefa manakaiky ireo mijaly ianao dia efa manampy azy sy efa fanafody manasitrana ny fanahy.
𝟯. 𝗠𝗮𝗻𝗮𝘇𝗮𝘁𝗿𝗮 𝗻𝘆 𝗳𝗶𝗷𝗲𝗿𝘆: Aza manaiky halaim-panahy hanodina ny fijery tsy hahita ny fijalian’ny hafa. Jereo amin’ny fo mangoraka ireo misedra aretina ary mianara miresaka amin’izy ireo amin’ny fomba feno fanajana.
𝟰. 𝗠𝗶𝗲𝘇𝗮𝗸𝗮 𝗺𝗶𝗼𝗺𝗯𝗼𝗻𝗮 𝘀𝘆 𝗺𝗶𝗮𝗿𝗮-𝗺𝗶𝗮𝘀𝗮 𝗮𝗺𝗶𝗻’𝗶𝘇𝗮𝘆 𝗿𝗲𝗵𝗲𝘁𝗿𝗮 𝗮𝘇𝗼 𝗮𝘁𝗮𝗼: Mandraisa anjara amin’ireo fanentanana momba ny fanohanana na fanampiana fianakaviana sahirana, eny anivon’ny fiangonana na ankohonam-piainana misy antsika, amin’ny alalan’ny teny sy fihetsika na fanomezana atao samirery na miaraka amin’ny vondrona.
𝟱. 𝗠𝗶𝘁𝗮𝗵𝗶𝗿𝘆 𝗻𝘆 𝗳𝗮𝗻𝗮𝗻𝘁𝗲𝗻𝗮𝗻𝗮: Isaka ny mifarana ny andro izay nanaovanao ezaka, dia mivavaha manao hoe: “Tompo ô, hiala sasatra aho fa aoka Ianao hitoetra miaraka amin’ireo izay mitolona sy miady amin’ity alina ity!” Hanomana anao izany vavaka izany hanao tsaratsara kokoa rahampitso.

Koa mivavaha isika miaraka amin’ny Papa isika, miombona ao amin’ny tambajotram-pivavahana, mivavaka ho an’ireo ankizy marary sy ho an’ireo rehetra mifarimbona amin’ny fitsaboana azy ireny. I Kristy mitoetra ao anatintsika no mitarika antsika hiara-mitoetra amin’ireo marary. Ny Fon’i Jesoa ao am-pontsika mpianany no manosika antsika hangoraka ny ankizy, hanohana azy ireny sy ny fianakaviany amim-pitiavana maimaim-poana, ka vao mainka hanentana antsika hahafoy an-kafaliana ary hitondra fampandrosoana marina ny fandrenesantsika ilay fiteny mahazatra hoe: “Tsy mahavaly fitia toa zaza”.

𝘗. 𝘡𝘈𝘒𝘈𝘝𝘌𝘓𝘖 𝘑𝘰𝘴é 𝘊𝘩𝘳𝘪𝘴𝘵𝘰𝘱𝘩𝘦, 𝘴𝘫
𝘛𝘢𝘭𝘦 𝘯𝘢𝘴𝘪𝘰𝘯𝘢𝘭𝘪𝘯’𝘯𝘺 𝘛𝘢𝘮𝘣𝘢𝘫𝘰𝘵𝘳𝘢𝘮-𝘗𝘪𝘷𝘢𝘷𝘢𝘩𝘢𝘯’𝘯𝘺 𝘗𝘢𝘱𝘢 𝘔𝘢𝘯𝘦𝘳𝘢𝘯-𝘵𝘢𝘯𝘺 (𝘛𝘗𝘗𝘔)

03/02/2026

FAMPAHAFANTARANA
Afafi,
Ny Alarobia 4 Febroary maraina 8h30-11h30 sy Zoma tolakandro 6 Febroary 14h-16h ihany no misokatra ny Foibe Nasionaly amin'ity herinandro ity.
Misaotra antsika rehetra.
Afitema

13/12/2025