https://www.facebook.com/704815293040597/

Amboaram-peo Fehizoro, Andraisoro, Antananarivo (2026)

23/07/2023

💖Lioka 6 : 12 - 16💖
➡ Jesoa naharitra nivaka sy ny nifidianay ny mpianatra 12lahy.
▶ Ny fiatrehan'i Jesoa ny fanenjehan'ny fariseo.
✔ Niharitra nivavaka nandritry ny alina tany an-tendrombohitra Jesoa.
✔ Ataovy laharapamehana ny fivavahana.
✔ Jesoa ary zanak'Andriamanitra naharitra nivavaka maika fa isika olona maleny sy farofy.
✔ Hevero ny fifidian'ny Tompo anao.

▶Indro niatrika ireo mpianatra marobe Jesoa.
✔ Nifidy ireo 12lahy no mpiaramiasa Aminy Jesoa araky ny fitarihan'ny Fanahy Masina Azy.
✔ Nofidian'i Jesoa koa ianao, tsy noho ny fahamendrehanao na ny fahalalana sy fahaizana anananao fa noho ny lahatr'Izy Ray.
✔ Na dia tsy mendrika aza ianao dia nofidiny satria mendrika anao izany.
✔ Hevero ny fifidianan'ny Tompo anao.

▶Voafidy ny 12lahy ka nomeny anarana hoe Apostoly.
✔ Ny Apostoly dia midika hoe mpiaramiasa.
✔ Tonga mpirahalahy, miara-mihinana amin'i Jesoa ireo mpianany ireo.
✔ Isika ihany koa dia nofidiny hiarahiara aminy, hanao ny asany.
✔ Maniraka antsika hitory ny filazantsara Kristy.
✔ Nofidiany ho fanasina eto amin'izao tontolo izao Kristy.
✔ Hitondra famonjena ho an'ity Nosy ity no nanirrahany antsika.
✔ Hevero ny fifidianan'ny Tompo Anao.

🙏🏻 Manàna fiainam-bavaka mirindra sy akaikin'Anriamanitra, mahareta mivavaka sy mangataka ny asan'ny Fanahy Masina. Tadidio fa efa nifidy anao tahaka ny nifidianany ny 12lahy Jesoa, zava-dehibe izany satria nofidiany hitondra ny famonjeny isika.🙏🏻

28/05/2023

💖Asan'ny Apostoly 2: 1 - 11💖
➡ Ny Pentekosta Kristiana.
▶Fanehoan'Andriamanitra fa tsy maintsy tanteraka ny teny fikasana efa nambarany.
✔ Fahatanterahan'ny teny nataon'i Joela ny Pentekosta.
✔ Tanteraka ihany koa ny teny fikasan'i Jesoa ny amin'ny handrenesan'ny olombelona rehetra ny filazantsara tamin'ny teniny avy.
✔ Vakio And 28.
✔ Ity Soratra Masina ity dia mampiseo fa manana ny hevitra iheverany antsika tsirairay Andriamanitra.
✔ Mampatsiahy antsika rehetra ny Pentekosta fa tsy maintsy tanterak'Andriamanitra ny teny fikasany.
✔ Mamelona ny fanantenantsika hatrany izany.
✔ Raha misy Kristiana manaiky tarihin'Andriamanitra dia miasa amin'ny Tanintsika hatrany Andriamanitra ka hanatanteraka ny teny fikasany.
✔ Mitaky faharetana sy fiharetana avy amintsika ny fahatanterahana ny teny fikasany.

▶ Fanehoan'Andriamanitra fa tena Andriamanitra miasa amin'ny isam-batanolona tokoa ny Fanahy Masina.
✔ Nilatsaka tamin'ny Apostoly tsirairay avy ny Fanahy Masina. Niseho tamin'ny endrika miavaka izany.
✔ Nataon'Andriamanitra izany mba ho hita amin'ny endrika hita maso ny fiasan'ny Fanahy Masina.
✔ Manaitra antsika mba tsy hatory na ho rendremana izany, mba havitrika sy hazoto amin'ny asan'Andriamanitra.
✔ Niteny tamin'ny tenim-pirenena saihafa ireto mpianatra rehefa nilatsahan'ny Fanahy Masina.
✔ Mampianatra antsika ny zavatra izay mbola tsy haintsika akory aza ny Fanahy Masina.
✔ Tsy tokony hisy Kristiana tsotra izany rehefa ao anatiny ny Fanahy Masina fa Kristiana miasa.

🙏🏼Ekeo ny fitarihan'ny Fanahy Masina, miasà amin'ny fahamarinana. Ny Fanahy Masina dia mpianatra antsika ny zavatra izay mbola tsy haintsika, azontsika hoentina mitory. Mila manana faharetana sy hafanam-po isika amin'ny asa fanompoana.🙏🏼
SOLI DEO GLORIA

23/04/2023

💖Efesiana 2: 1 - 7💖
➡ Ny faitsanganan'i Jesoa tamin'ny maty dia:
▶ Manambara ny fitiavan'Andriamanitra antsika (And 4)
✔ Vakio ny Jaona 3 : 16
✔ Maty hamonjy antsika Kristy.
✔ Vakio I Jaona 4 : 10
✔ Ny fitiavana dia ny nitiavan'Andriamanitra antsika dia ny nanolorany an'I Jesoa fa tsy ny fitiavantsika Azy.
✔ Nitsangana tamin'ny Maty Jesoa mba hahatanteraka ny famnjena.
✔ Raha tsy nitsangana tamin'ny maty Jesoa dia tsy tanteraka ny fitiavany.
✔ Ny olona no mety tsy tia anao fa Andriamanitra kosa tia anao.
✔ Tsy any amin'i Jesoa no olana fa any aminao no olana mety tsy hitiavan'i Jesoa anao.

▶ Manambara ny fahavelomantsika. (And 5)
✔ Rehefa nanota isika dia tokony ho faty.
✔ Jesoa ilay maty sy natao sorona dia ny mba tsy hahafaty intsony isika noho ny fahotantsika.
✔ Jesoa izay nitsangana tamin'ny maty dia efa natsangana ihany koa isika raha mino Azy tokoa.
✔ Amin'ny fahavelomantsika dia iza no miantoka antsika? Miantoka antsika tokoa ve Andriamanitra?
✔ Raha mahatsiaro isika fa miantoka antsika Andriamanitra dia tsy tokony hanahy isika.

▶ Manambara fiainana ho antsika.(And 6)
✔ Manome antoka ho antsika fa hanana fiainana mandrakizay isika.
✔ Efa azo antoka ny fiainantsika rahatrizay raha tena mino Azy isika.
✔ Maty antoka isika raha tsy azontsika antoka ny mandrakizaintsika kanefa isika mino an'Andriamanitra. (I Kor 15: 14 - 20)
✔ Efa natsangana Kristy ho santatry ny fahavelomantsika mandrakizay.
✔ Raha mbola tsy azonao antoka ny mandrakizainao dia teneno Jesoa hoe: "Jesoa ô! Ampioreno ato ampoko ny finoana Anao."

🙏🏻Ny herin'ny fitsanganan'i Jesoa tamin'ny maty dia manambara amintsika fa tia antsika Andriamanitra, miantoka ny fahavelomantsika Izy. Eny na miala eto amin'izao tontolo izao ary isika dia miantoka ny Mandrakizaintsika izy.🙏🏻
SOLI DEO GLORIA

16/04/2023

💖Matio 27 : 52 - 53💖
▶ Mino ny fitsanganan'i Jesoa Kristy tamin'ny maty.
✔ Mampibaribary ny nananganany ireo olony masina efa maty Jesoa.
✔ Anisan'ny foto-pijoroantsika Kristiana ny finoana ny fitsanganana amin'ny maty.
✔ Manana fanantenana mandrakariva isika raha mino an'i Jesoa fa mbola hitsangana amin'ny maty.
✔ Hain'i Jesoa izany, efa nandresy ny fahafatesana Izy ary afaka manangana antsika ihany koa.

▶ Manàna finoana fa ny herin'Andriamanitra dia afaka mamerina antsika amin'ny tena fiainana.
✔ Rehefa nivoaka tao amin'ny fasana ireo dia nakao amin'ny tanana masina ka niseo tamin'ny olona.
✔ Ny fotoana hisian'ny fitsanganana amin'ny maty dia fotoana voatendrin'Andriamanitra ihany.
✔ Voasaron'ny saritsarim-pahafatesana isika, betsaka ny maty fanahy mbola velona.
✔ Manome fanantenana antsika anefa Jesoa fa afaka manala antsika amin'izany, afaka mampandresy antsika. Tsy ilay fahafatesana ara-bakiteny ihany no lazain'Andriamanitra fa izay mety ho saritsarim-pahafatesana rehetra.

🙏🏻Miasa amin'ny fomba tsy takatry ny saina ny herin'Andriamanitra. Tian'Andriamanitra ianao hiorina amin'ny fanantenana Kristiana dia ny hoe: Maty sy nitsangana tamin'ny maty Jesoa mba hanokatra fiainana vaovao sy lalana vaovao hodiavintsika.🙏🏻
SOLI DEO GLORIA

09/04/2023

💖Lioka 24: 1 - 12💖
➡ Jesoa Kristy nitsangana tamin'ny maty.
▶Vahaolana manafaka antsika ao anatin'ny fahaverezan-kevitra maro samihafa.
✔ Rehefa tonga teo anoloan'ny fasana foana ireo vehivevy dia very hevitra. Tsy nahalala ny hoataony.
✔ Ny nampahery azy ireo dia ilay anjely niteny taminy.
✔ Niverina ny sain'izy ireo ka niverina ny sainy.
✔ Be dia be no maha very hevitra ankehitriny izay mampiasa ny saintsika olombelona.

▶ Mampatsiaro antsika ny tenin'Andriamanitra.
✔ Raha mba nahatsiaro sy nino ireo vehivavy fa efa niteny Jesoa fa hitsangana tamin'ny maty dia tsy diso finoana, tsy diso lalana ka niazakazaka nankeny amin'ny fasana.
✔ Ny P***a dia vanim-potoana iray hanaporofoin'Andriamanitra fa izay teneniny tsy maintsy tanteraka.
✔ Hainy ny manangana ny maty, hainy ny mamerina anao amin'ny tena fiainana.
✔ Manamarina antsika eo anatrehan'Andriamanitra izany finoana izany.

▶ Manala antsika amin'izay tsy araka an'Andriamanitra.
✔ Ny dian'ireto vehivavy ireto dia ny handeha hanosotra menaka manitra ny fatin'i Jesoa.
✔ Tsy sitrak'Andriamanitra anefa izany.
✔ Jesoa mbola velona anefa tsy hita izay nataon'ireto mpanaradia azy ireo. Fa noho ny maty anefa Jesoa vao tonga nitondra menaka manitra izy ireo.
✔

🙏🏻Minoa ny herin'i Jesoa Kristy fa naha ny fasana aza tsy nahatana Azy. Vahaolana amin'izay olana mahazo antsika ny herin'i Jesoa. Dieny mbola tsy tara dia ahoreno ny finoana dieny mbola tsy tara.🙏🏻
SOLI DEO GLORIA

05/04/2023

💖Lioka 22: 1 - 6💖
➡ Ny herin'ny fambonian'i Kristy.
▶ Mahatonga ny olona ho any amin'ny tahotra. (And 1-2)
✔ Nitady izay hamonoany an'i Jesoa ny Mpisorona sy mpanora-dalana izay nanana ny maha izy azy sy manam-pahefana kanefa natahotra ny vahoaka izay manara-dia an'i Jesoa Kristy.
✔ Natahotra ny vahoaka izy ireo fa tsy natahotra an'Andriamanitra.
✔ Ny antony natahorany dia ny sao hivadihan'ny vahoaka ka hitsara azy ireo.
✔ Manao ahoana kosa isika ankehitriny? Matahotra olona sa matahotra an'Andriamanitra?
✔ Tena ao aminao tokoa ve ny tahotra an'Andriamanitra?
✔ Na ny toeram-pivavahana aza indraindray tsy misy hajany.
✔ Ny fahalebiazan'i Jesoa Kristy dia mitondra tahotra ho an'izay olona tsy mino sy mivadika Aminy.

▶ Mitondra ny olona ho any amin'ny Kolikoly.
✔ Rehefa niditra tao amin'i Jodasy Satana dia nanatona ny mpisorona sy ny mpanora-dalana mba hanome ny fotoana hamadihina an'i Jesoa mba ahazoany vola.
✔ Faneken'ny olona iray izay nanara-dia an'i Jesoa Kristy ho ampiasain'i Satana no mahatonga azy hanao kolikoly.
✔ Rehefa nanara-dia an'i Satana Jodasy dia namadika ny marina. Niala teo amin'i Jesoa Kristy.
✔ Manao ahoana kosa ny fiainantsika ankehitriny?
✔ Tena manara-dia an'i Jesoa Kristy marina ve isika? Sao dia efa tsy I Jesoa Kristy intsony no tompointsika?
✔ Maro ny Kristiana miala tsy ho Kristiana intsony, ary misy ny miova finoana mihitsy. Inona no antony?
✔ Rehefa tsy miorina tsara ny finoantsika Kristiana dia miova ho fahaverezana.
✔ Tsy misy afa tsy I Jesoa Kristy ihany no Tompontsika.
✔ Aoka tsy ho toa an'i Jodasy isika ka hamadika ny marina amin'ny diso ho an'ny tombontsoa antsika manokana.

🙏🏻Ny fambonian'i Kristy dia mitondra tahotra amin'izay tsy mino satria tahotra olona no ao aminy fa tsy tahotra an'i Kristy. Izany dia mitondra azy ho amin'ny kolikoly ka hamadika ny marina.🙏🏻
SOLI DEO GLORIA

12/03/2023

💖LIOKA 10: 25 - 37💖
➡ Resaka nifanaovan'i Jesoa sy ilay mpahay lalàna izay naka fanahy Azy.
✔ Nanontany ity mpahay lalàna hoe inona no ataoko mba ahazoako ny fiainana mandrakizay?
✔ Namaly azy Jesoa hoe ataovy izany dia ho velona ianao.
✔ Hevero aloha izay hivelomanao sy hiainanao ny ety antany vao mihevitra ny fiainana mandrakizay.
✔ Ny fampanjakana ny fitiavana avy amin'Andriamanitra no ahazoana ny fiainana mandrakizay ety an-tany.

▶ Mila miverina ao amin'ny Soratra Masina isika.
✔ Makanesa amin'ny tenin'Andriamanitra raha maniry hanana fiainana ianao.
✔ Fantaro izay foarakitra ao amin'ny Soratra Masina fa io no mitondra antsika amin'ny fiainana .
✔ Tsy ampy ny fahaizana tsianjery ny Soratra Masina fa mila azo izay voasoratra.
✔ Mila mampiatra izay voasoratra isika raha te hanana ny fiainana mandrakizay.
✔ Betsaka ny maniry fiainana sy mahay Soratra Masina fa tsy mahay mampihatra izany.

‼Ohabolana 17: 17‼
✔ Ao anatin'ny ady sarotra no tena ahafantaranao ny tena namana.
✔ Alaivo tahaka ilay Samaritana izay tsy manan-draharaha amin'ny Jiosy kanefa nanome fitiavana sy nihatra ilay Jiosy niharan'ny fanendahana.
✔ Jesoa dia efa nampianatra hoe Tiava ny namanao tahaka ny tenanao.

🙏🏻Ny antoka ahazoana ny fiainana mandrakizay dia ny fahaizantsika mampihatra ny Soratra Masina izay efa nampianatra antsika hifankatia.🙏🏻
SOLI DEO GLORIA

05/03/2023

💖Matio 5: 43 - 48💖
➡ Ny zanak'Andriamanitra dia
▶ Mitia ny fahavalo. (And 43 - 44a)
✔ Ilay fitiavana Agapé no hambara eto, ilay fitia tsy mila valiny, ilay fitiavana tonga lafatra, ...
✔ Jesoa dia manamafy fa ny olona dia tsy tokony ho mpifahavalo mihitsy fa tokony hifankatia.
✔ Ny hany tokony ho fahavalontsika dia Satana.
✔ Romana 12 : 17 "Aza mamaly ratsy na amin'iza na amin'iza. Miomàna hanao izay mahamendrika eo imason'ny olona rehetra."
✔ Ny tanjon'i Jesoa dia ny hitondra antsika any andanitra.
✔ Mila manaraka ny didiny anefa isika raha te handova ilay fiainana mandrakizay.
✔ Nandidy antsika hamaly soa ny ratsy sy hifankatia Izy.
✔ Raha izay olona mitia anao ihany no tiavinao dia tsy misy mampiavaka anao amin'ny olona rehetra izay tsy manompo.
✔ Mifamelà heloka, manàna fo mandefitra, tiavo ny fahavalonao fa izany no mampiavaka anao.

▶ Mivavaka ho an'izay manenjika. (And 44b - 45)
✔ Ny mpanenjika eto dia ilay olona mpanaratsy sy tsy ahitanao filaminana mihitsy.
✔ Mivavaha ho azy ireny mba hiovany sy afahany mamela anao.
✔ Ny toetra hanan'Andriamanitra mihitsy no tokony halaintsika tahaka.
✔ Olona tanteraka no mahatanteraka ny sitrapon'Andriamanitra, olona tia mivavaka sy mitondra am-bavaka ny rehetra, eny mitondra ambavaka ny fahavalo.
✔ Ny fivavahanao ho an'ny mpanenjika anao dia mitondra azy mba hanatona an'Andriamanitra indray sy ny mba hiovany ka hitiavany ny hafa. (Jereo ny tantaran'i Saoly)

🙏🏻 Jesoa dia efa nandidy antsika mba hifankatia sy hitia ny fahavalontsika. Izany no ataovy mba hitaomanao ny fahavalonao hanatona Azy sy hanananao filaminana sy fiainam-bavaka feno.🙏🏻

26/02/2023

💖Marka 2: 1 - 12💖
➡ Ny herin'ny Tenin'Andriamanitra dia mitondra:
▶ Fahalinana
✔ Rehefa tonga teo amin'ny toerana iray Jesoa dia nahalala Azy ny olona ka nirohotra nanatona Azy.
✔ Mamboly hetaheta hiantoraka amin'Andriamanitra ny tenin'i Jesoa.
✔ Velona sy mahery ny tenin'Andriamanitra.
✔ Jesoa dia mamboly fiainana ao anatin'ny olona rehefa mihaino ny teniny ny olona iray.
✔ Mahatonga saina ny tenin'Andriamanitra.
✔ Ezahina mba hahare ny tenin'Andriamanitra avokoa ny olona rehetra mba ho liana aminizany.

▶ Fahatokiana
✔ Ilay mararin'ny paralisisa dia tsy niteny akory fa ny olona no nitondra azy teo amin'i Jesoa.
✔ Rehefa nahita ny finoan'ireo nitondra ilay marary Jesoa dia namela ny elok'ilay marary.
✔ Ny finoana an'i Jesoa dia mitondra hery ahafahana miasa.
✔ Nahavita nanongotra tafon-trano mihitsy ireto efa-dahy rehefa nanana finoana sy fahatokiana Azy izy ireo.
✔ Miasa ho anao Jesoa raha mino sy matoky Azy ianao.
✔ Afahany avokoa ny olanao sy ny haretina mahazo anao raha manana finoana ianao.
✔ Mangatà amin'ny Tompo fa mahafaka ny olanao rehetra Izy.

▶ Fanitsiana
✔ Jesoa eto dia mamaky batsilana ny heritreritra.
✔ Nanana fahadisoana lehibe ireto mpanora-dalàna naha dia efa niteny azy ireo ary Jesoa fa Izy ilay teny tonga nofo.
✔ Nateriny indray fa Izy dia tonga olona mba hanasitrana azy ireo.
✔ Ny fahamasinana dia avy amin'i Kristy Jesoa koa aza diso fiheverana ianao.
✔ Meteza hahatsiaro sy hahatakatra fa mamaky ny any an'eritreritra Jesoa.
✔ Fantatr'Izy Andriamanitra ny momba anao sy ny antsipirihan'ny tenin'Andriamanitra ary manitsy ny tsy mety rehetra ao Izy koa meteza ho hahitsiny.

🙏🏻Makanesa eo anatrean'i Jesoa, mihainoa ny teniny mba hitombo amin'ny finoana ianao. Mangatà amin'ny Tompo dia hiasa ho anao Izy. Meteza ho hahitsy fa mamela ny elokao Izy.🙏🏻
SOLI DEO GLORIA

19/02/2023

💖EKSODOSY 20: 18 - 26💖
➡ Ny Fahefan'ny tenin'Andriamanitra.
▶ Mitaona antsika hatahotra Azy.
✔ Nasain'Andriamanitra niomana ny olona nanomezany ny didy folo.
✔ Rehefa nakany an-tendrombohitra Mosesy dia nanompo sampy ny zanak'Israely.
✔ Noho nahita izany Mosesy dia tezitra ka nanimba izany.
✔ Niteny tamin'ny zanak'Israely Andriamanitra noho izany.
✔ Tsy nanampo izany izy ireo ka natahotra sy torak-hovitra.
✔ Nilaza azy ireo Mosesy mba hatahotra an'Andriamanitra ka tokony hanaja Azy.
✔ Noho ny tahotr'izy ireo anefa dia Mosesy ihany no nasain'izy ireo hiresaka amin'Andriamanitra.
✔ Ny didy 4 voalohany dia milaza an'Andriamanitra ary ny didy 6 farany dia milaza antsika samy holombelona.
✔ Jesoa dia tonga hanatanteraka ny didy fa tsy handrava izany.
✔ Mbola ilaina hatrany noho izany ny didy.

▶ Mitaona antsika hanamasina ny fanompoana Azy.
✔ Fahavetavena eo imason'Andrimanitra ny fanopoan-tsampy.
✔ Fanaovana tsinontsinona Azy.
✔ Eto dia atoron'Andriamanitra ny fomba hanompoana Azy, eny hatramin'ny endriky ny alitara aza.
✔ Koa hamasino ary ny fanompoanao an'Andriamanitra.
✔ Ekena fa tsy misy intsony ankehitriny ny manompo sampy mivantana toy ny mpisikidy, ny mpanompo doany, kanefa tandremo fa izay hitoeran'ny fonao no mety ho sampy ho anao indray.
✔ Hamasino aloha ny tenanao mba hanamasina ny fanompoanao.
✔ Ny fanatanterahanao ny didiny ihany no hahatanterahanao izany.

🙏🏻Matahora an'Andriamanitra, Tandrovy ny didiny mba tsy hahatonga antsika ao anatin'ny vela-pandrik'i Satana. Andao isika hanatanteraka izany, hangataka fifonana Aminy. Ataovy izany hahamasina ny tenanao ary mba hahamasina ny fanomponao Azy Andriamanitra.🙏🏻
SOLI DEO GLORIA

05/02/2023

💖Zakaria 1: 1 - 6💖

➡ NY TENIN'ANDRIAMANITRA.

▶ Miantso olona hiverina Aminy. (And 3)
✔ Miverina indroa eto ny teny hoe: Miverena!
✔ Rehefa tafaverina tao Babilona ny zanak'Isiraely dia mbola nanohy ny fomba ratsiny ihany.
✔ Efa zanak'Andriamanitra ny Israely talohary rehefa nety ny fiainany dia niala tamin'Andriamanitra izy ka nanompo andriamani-kafa.
✔ Tonga bo anefa izy ireo.
✔ Tonga tao amin'i Zakaria anefa ny tenin'Andriamanitra manao hoe: "Miverena aty Amiko ianareo, dia mba hiverina aminareo kosa Aho."
✔ Raha tsy miverina amin'Andriamanitra izany isika ka mihavao isan'andro dia tsy miverina amintsika ihany koa Jesoa.
✔ Ianao izay mahatsapa fa alavitra an'Andriamanitra ny fonao, ianao izay mahatsapa fa tsy mahazo aim-panahy rehefa mivavaka, ianao izay mahatsapa fa fahazarana ny mivavaka dia mahatapà tena hiverina Aminy sy hanavao ny finoanao.

▶ Maharitra mandrakizay (And 6)
✔ Teo amintsika ny mpitory ny filazantsara, efa maro no niasa sy nitondra ny tenin'Andriamanitra tamintsika. Moa ve mbola velona izy ireny?
✔ Ny olombelina dia mandalo ihany fa ny tenin'Andriamanitra dia maharitra mandrakizay.
✔ Ny tenin'Andriamanitra dia eo amintsika mandrakariva
✔ Ny tenin'Andriamanitraia Jesoa Kristy Velona.
✔ Rehefa miaina sy manaiky an'i Jesoa Kristy isika dia velona ao amintsika ny tenin'Andriamanitra.
✔ Jeso Kristy ilay maharitra mandrakizay, lalana sy fahamarinana ary fiainana.
✔ Mandalo ihany ny zavatra rehetra izay hitan'ny masontsika, mandalo ihany izaho sy ianao, mandalo ihay ny tenin'olombelona. Fa ny tenin'Andriamanitra dia maharitra mandrakizay.
✔ Koa hitoky amin'ny inona ary isika?? Hitoky amin'olona sa hitoky amin'ny tenin'Andriamanitra?

🙏🏻 Ataovy izay hanakekezanao an'Andriamanitra, ankatoavy sy iaino ny teniny. Tandremo ny teniny mba tsy hanotana Aminy. Mandalo ihany izao rehetra izao, mandalo ihany koa ny tenin'olombelona fa ny tenin'Andriamanitra dia maharitra mandrakizay. Manana fahefana afaka manova ny fiainanao ny Tenin'Andriamanitra. 🙏🏻

29/01/2023

💖Lioka 17: 11-19💖
➡ Ny takiana amin'ny olona mitady famonjena.
▶ Mila mino an'i Jesoa. (And 12-13)
✔ Rehefa nande namakivaky ny tanana Jesoa dia nifanena tamin'ny boka 10lahy nila famonjena tamin'i Jesoa.
✔ Mino izy ireo fa Jesoa dia mpanadio sy moanasitrana.
✔ Mahatsiaro sahirana ireo boka ireo satria tsy afaka manao ny fanaon'ny olona ary tsy afaka miaina tahaka ny olona rehetra.
✔ Naniraka azy ireo ho any amin'ny mpisorona Jesoa satria ny mpisorona ihany no afaka manamarina fa boka ny olona iray.
✔ Jesoa irery ihany no afaka manasitrana anao, Izy irery no afaka manala anao amin'ny fahoriana izay mahazo anao.
✔ Ny hany angatahiny aminao dia ny fanarahanao ny teniny sy ny finoanao Azy ary ny fanekenao fa Izy no Tompo.
✔ Aza variana mitady famojena eny rehetra eny, ireny retra ireny dia fitaovana ihany fa sahia manatona an'i Jesoa tahaka ireto boka ireto.

▶ Mahay mankalaza an'Andriamanitra. (And15 - 16)
✔ Rehefa voadio ireo boka folo dia nisy iray izay samaritana niverina nankalasa an'i Jesoa.
✔ Tsy niova ny finoan'i Samaritana io an'i Jesoa talohan'ny nahasitranany sy taorian'ny nahasitranany ary efa nitady an'i Jesoa fatratra izy io.
✔ Mendrika ankalazaina Jesoa satria mpahary Izy, Izy no Andriamanitra lehibe indrindra izay Mpanasoa anao.
✔ Rehefa mahazo soa avy amin'Andriamanitra dia aza mihafihafy midera Azy.
✔ Ampiasao izay talenta sy izay hanananao rehetra hiderana Azy.
✔ Raha misy azontsika hatao dia hampio ny hafa, mivavaha ho azy ireny fa baikon'i Jesoa izany.
✔ Ataovy ny asan'i Jesoa dia hiasa ho antsika ihany koa Izy.

🙏🏻 Misy karazany maro ny fahabokana ankehitriny, ento eo amin'i Jesoa izany rehetra izany fa Izy no hany afaka manasitrana anao. Mahaiza mankasitraka Azy ary raiso Izy ho tompo sy Mpamonjy anao ary apetrao eo an-tanany ny fiainanao rehetra fa manana lalana tsara hitondrana ny fiainanao Izy.🙏🏻
SOLI DEO GLORIA

Amboaram-peo Fehizoro

23/07/2023

28/05/2023

23/04/2023

16/04/2023

09/04/2023

05/04/2023

12/03/2023

05/03/2023

26/02/2023

19/02/2023

05/02/2023

29/01/2023

Address

Telephone

Website

Alerts

Contact The Place Of Worship

Shortcuts

Share

Category