Onjam-bavaka

21/06/2023

23/01/2023

Mila mifanohana hatrany isika manoloana izao zavatra sarotra izao

26/04/2022

30 ANDROM-BAVAKA.
TONGAVA AMIN'NY ALIM-BAVAKA NY ALAKAMISY IZAO. HAFA IHANY NY MIARA-MIANGONA MIVAVAKA HO AN'NY FIRENENA REHETRA.
Toerana : Fiangonana La Porte Alakamisy.
Mp izay mila fanazavana fanampiny.

04/04/2022

Mivavaha ho an'ny Ismailis
Ny Ismailis dia sekta miaraka amin’ny Silamo Shia izay manaraka ny Imam. Mpitarika ara-panahy avy amin’i Ali, zanak’olo-mpiray tam-po sy vinantolahin’ny Mpaminany Mahomet. Mpino izy ireo ary taranaka Imam fa manome tari-dàlana ara-moraly sy ara-panahy ho an’ny fiaraha-monina misy azy ireo.
Tamin’ny taonjato faha-7 dia nisy ny tsy fitovian-kevitra teo amin’ny Shia mikasika izay handimby azy. Ny Ismailis no nofanina hanaraka ny fitarihana hifandovana izay notarihin’ny mpitarika Aga Khan IV amin’izao fotoana izao.
Misy 15 tapitrisa ny Ismailis, monina any Azia Afovoany sy Atsimo, Afrika, Afovoany Atsinanana, Eoropa, Amerika Avaratra ary Aostralia. Manome lanja lehibe ny fanabeazana izy ireo, satria mino fa mahasoa ny tenany sy ny fiaraha-monina ny fikatsahana fahalalana. Ny Ismailis koa dia mikendry ny hiaina am-pilaminana miaraka amin’ny hafa ary hiasa amin’ny fananganana fiainana tsara kokoa ho an’ny vondrom-piarahamonina misy azy ireo amin’ny ankapobeny. Mibaribary matetika ny ezaka hataon’izy ireo hanampiana ny hafa. Ohatra, tamin’ny taon-dasa, ny vondrom-piarahamonina Ismailis dia nanome sakafo maraina toy ny pancake ho an’ny fikambanana Edmonton ary nanome vaksiny Covid-19 tamin’ny andron’ny Corona. Fiaraha-miasa taminy mpiray tanàna, sy ny mpitarika teo an-toerana ary ny Kristiana ho an’ireo tsy misy mpiahy.
Vitsy ny mpiasa Kristiana ao Ismailis. Mora anefa ny miresaka momba ny finoana amin’izy ireo satria liana amin’ny fianarana izy ary afaka mandray mora foana ny Soratra Masina, manaiky ny fomba fijery hafa, nefa tsy mampihatra izany ho an’ny tenany.

03/04/2022

MADAGASIKARA
8 taona amin’ity taona 2022 ity izao no nandraisan’ny Madagasikara anjara amin’ny 30 androm-bavaka ho an’ny firenena silamo. Ary miezaka hatrany izahay mandika ny tari-dalana amin’ny teny malagasy mba hahafahan’ny Kristiana maro mandray anjara amin’ny vavaka.
Misy faritra 3 azo sokajiana ho tena ahitana mpino silamo be indrindra eto Madagasikara, dia ny faritra avaratra, avaratra-andrefana ary ny atsimo-atsinana. Ny silamo sonita no tena betsaka eto, misy ihany ireo koa anefa karazana silamo hafa toy ny borah, chiite...
Misy ihany koa ireo mpihavy izay Tonga mandranto fianarana, miasa, manoro-ponenana eto, ao ireo pakistanais, comoriens, sy ireo avy any Afrika.
8 taona teo koa izay no nananay ekipa nitory tamin’ireo komoriana tonga mandranto fianarana eto Madagasikara. Tamin’ny taon-dasa dia be ireo komoriana no tsy tafody noho ny fisian’ny valana aretina COVID-19, ka sahirana ny akamaroan’izy ireo. niezaka izahay nanantona azy ireo tamin’ny alalan’ny fanomezana sakafo, vola, aro-vava orona ho azy ireo. Tsapanay fa nampifanakaiky anay bebe kokoa tamin’ireo komoriana namana, mpifanolo-bodirindrina ny fisian’ny vanim-potoana fihoboana, na dia teo amin’ny tambajotra an-tserasera aza no tena niresahana betsaka. Nanokatra fomba fiasa vaovao ihany koa ho anay iny taona lasa iny, tsy voafetra ny rindrina efatra ihany ny fitoriana filazantsara, fa manana làlana foana Andriamanitra entina mantanteraka ny teniny ao amin’ny Matio 24:14.
Iray amin’ireo Komoriana namana i Su, izay nisitraka tamin’ireo fanomezana vary sns nentinay, izany fanomezana izany no nahatonga anay nifanerasera betsaka kokoa noho ny teo aloha. Herinandro taorian’ny nanomezanay azy sakafo dia nanasa azy taty an-trano izahay mba hiaraka hisakafo aminay, tamin’izay no nizaranay ny momban’ny famonjen’i Jesosy taminy, nanasa azy zahay raha mahaliana azy mba hanaraka fandinihana soratra masina miaraka aminay amin’ny alalan’ny vondrona ao amin’ny tambanzotra serasera iray. “Miandry ny vali-teninai izahay!

02/04/2022

30 𝗧𝗮𝗼𝗻𝗮, 30 𝗮𝗻𝗱𝗿𝗼𝗺-𝗯𝗮𝘃𝗮𝗸𝗮
♦️02 Aprily 2022 ♦️ Andro voalohany
30 taona izao no efa nisy ny hetsika 30 andro hivavahana ho an’ny Silamo maneran-tany, Vavaka tontosaina mandritry ny vanimpotoanan’ny Ramadan toy izao. Betsaka ny vokatra efa hita, valim-bavaka satria maro ireo Silamo niova fo, ka tonga mpanaradia an’i Kristy, noho ny kasik’Andriamanitra. Fa tsy nitsahatra nitombo koa ireo kristiana resilahatra hivavaka, maro koa ireo nanatevindaharana ny misionera ka nanaiky ho iraka Azia, Afrika ary Amerika Latina.
Ny sarimihetsika frantsay mitondra ny lohateny hoe “Of Gods and Men”, nivoaka tamin’ny taona 2010, dia nitantara ny tantaran’ny fikambanana Kristiana Monina tany Alzeria tamin’ny taona 1990, babo teo anelanelan’ny vondrona Silamo mpampihorohoro sy ny mponina Silamo tambanivohitra. Voaantso ireo Kristiana Moanina ireo ho tia sy hikarakara azy ireo. Noho ny herin’ny vavaka dia voakasika ny fon’ilay mpitarika Islamista mahery fihetsika.
Satria maro ny Kristiana tamin’ny taona 1990 no nivavaka nandritra ny 30 andro ho an’ny Silamo mba hanana nofy sy fahitana momba an’i Isa al-Masih (Jesosy), ny tantaran’ny valin’ireo vavaka ireo dia re eran-tany.