20/01/2026
24-25 janoary, andron'ny Tenin'Andriamanitra
📣 FANAZAVANA MAHAKASIKA NY LOGO OFISIALIN'NY ANDRON'NY TENIN'ANDRIAMANITRA
🔥 IREO MPIANATRA
"Ary nisy mpianatra roa nandeha (ho any Emosy)"(📖 Lioka 24, 13)
Teo amin'ireo mpianatra roa ireo, i Lioka no naneho ny endrik'ireo mpino. Ny fifantohana amin'ny fifamenaon'ny lahy sy ny vavy, izay hita taratra amin'ireo fitantaran'i Lioka, no nahatonga ireo mpandinika sasany, hanambara fa olon-droa ireo. Ilay mpianatra tsy voalaza anarana ary ny vadin'i Kléofasy.
---------------------------
🔥 NY HAZAVANA
Raha toa ka hilentika ny masoandro tamin'izay fotoana izay, dia nisy hazavana hafa iray kosa nanafàna ny fon'ireo mpianatra : ny hazavan'ny tenin'Andriamanitra. Ao anatin'ny fihetsika eokaristia, io hazavana io dia mahatratra ny fahafenoana, ary mampahafantatra ny fiombonana miaraka amin'ny Tompo : "Niaraka tamin'izany, nisokatra ny mason'izy ireo, ary nahafantatra ny Tompo izy ireo" (📖Lioka 24, 29)
---------------------------
🔥 IREO TONGOTRA
Namindra toy ny famindran'ny olona ilay nitsangana tamin'ny maty, ary ny herin'ny tenin'Andriamanitra no nanondro ho azy ireo ny lalana tsara satria "Ny tenin'Andriamanitra no hazavan'ny saiko, izy no fanilon'ny lalako" (📖Salamo 119, 105). Izany no nahatonga ireo mianatra "tamin'izay fotoana izay, nitsangana ary niverina tany Jerosalemna." (📖 Lioka 24, 23)
---------------------------
🔥 ILAY NITSANGA-KO VELONA
Mangingina (tsy re tsaika), indro Jesoa mipoitra eo amin'ny lalantsika, "mijoro eo afovoany" mba hitoetra eo amin'ny tantarantsika, sy ny hetahetantsika. Miantso ary mihaino, na izay maneho ny fahadisoam-panantenana Izy, na izay mitazona azy am-pahanginana ao am-pony. "Jesoa izy tenany mihitsy no nanatona, ary niara-dia tamin'izy ireo" (📖Lioka 24, 15)
---------------------------
🔥 NY KINTANA
Notondroin'ilay nitsangako velona, ny kintana dia manabara ny fampielezana ny Evanjely. "Notantarain'izy ireo izay niseho taminy sy ny nahafantaran'izy ireo ny Tompo tamin'ny famakiana ny m**o" (📖Lioka 24, 35)
---------------------------
🔥 NY HORONAN-TARATASY
Ny misterin'ny Famonjena dia ambaran'ny fifamalian-teny (resaka) eo amin'ny Testamenta taloha sy ny Testamenta vaovao : "Novoasany tamin'izy ireo ny voalaza hatramin'i Moizy sy ny mpaminany rehetra izay nanambara azy ao amin'ny Sorona masina" (📖Lioka 24,27)
---------------------------
🔥 NY TEHINA
Malemy sy tsy azo ianteherana, toy ny fandriam-paleman'ny olombelona, ny tehina dia maneho ny halemen'ireo mpianatra izay "niato noho ny alahelo" (📖Lioka 24, 17) . Ilay nitsangako velona no nankahery azy ireo tamin'ny tenin'Andriamanitra, "velona, mahery vaika, ary tena maranitra toy ny sabatra roa lela ... ; Teny mitsara ny fikasana sy ny fisainana ny fo" (📖Hebreo 4, 12)
(Boky miavaka)
