Kristy Fiainantsika

25/08/2026

🗓️ Talata, 25 Aogositra 2026

📰 Olona mahatoky azo ampiandraiketina asa lehibe ve ianao?

📖 dia notendreko Hanany rahalahiko sy Hanania, lehiben'ny tao an-dapa, hitandrina an'i Jerosalema, fa lehilahy mahatoky izy sady matahotra an'Andriamanitra mihoatra noho ny maro. - Nehemia 7:2 [MG1865]

✨ Ifandrombahana ny toerana ambony eo amin'ny sehatra maro. Ben'ny tanana, lehibem-pokotany, lehibe amin'ny sampan-draharaha ambony, fiangonan-dehibe, birao foibe, filohan'ny sampana na fikambanana. Hita ihany fa misy olona tsy mahatoky amin'ny asany tafasisika amin'ireny andraikitra ireny. Fitiavan-tena, fitiavam-bola sy tombotsoa no nanery azy. "Ny olona tsy vanona no vonona" hoy ny mpandinika. Lasan'ny olona tsy vanona ny andraikitra saro-pady. Nehemia kosa eto dia nanendry lehilahy mahatoky sy matahotra an' Andriamanitra mihoatra noho ny maro. Mila fahendrena sy olon-kendry ny andraikitra ambony.

Vavaka: Jesoa ô! Tefeo izahay mba ho olom-banona, ho vonona hanao asa tsara sy lehibe ho Anao. Amen!

✍️ Nosoratan'i Pasitera RANDRIAMALALA Emmanuel mivady

🔗 Lire sur notre siteweb :

https://kristyfiainantsika.com/meditations/olona-mahatoky-azo-ampiandraiketina-asa-lehibe-ve-ianao-2026-08-25

🎧 Spotify :

https://open.spotify.com/show/033oAmzqAKV6tDKE4dx97V

▶️ YouTube :

https://www.youtube.com/

👇 Laissez un commentaire ou abonnez-vous

📧 Abonnez-vous ici :

https://kristyfiainantsika.com/about?tab=2?prefill=onlineAlert

24/08/2026

🗓️ Alatsinainy, 24 Aogositra 2026

📰 Aza tapenana amin'ny vola ny mason' Andriamanitra

📖 Ao aminao misy mandray kolikoly handatsa-drà; maka zana-bola sy tombony ianao sady manao an-keriny mandroba ny an'ny namanao ka manadino Ahy, hoy Jehovah Tompo - Ezekiela 22:12 [MG1865]

✨ Aza manao fangalam-piery amin' Andriamanitra. Miverimberina eto amin'ity Ezekiela.22 [https://www.bible.com/bible/96/EZK.22.1.MG1865] ity ny teny hoe "ao aminao", mitanisa ireo karazam-pahotana tena mahatsiravina ataon'ireto olom-boafidin' Andriamanitra ireto. Anisan'izany ny fanaovana kolikoly, famonoana olona, fanaovana an-keriny, fankana zana-bola sy tombony mihoatra. Hitan' Andriamanitra avokoa izany rehetra izany. Ahoana loatra no nampihanaka izany habibiana izany? "Manadino Ahy" ny oloko hoy Andriamanitra. Mivavaka be anie ry zareo e! Marina izany kanefa ny fitiavam-bola, "mamôna" no manapaka eo amin'ny seza fiandrianan'ny fony dia mirongatra ireo asa ratsy. Vola maloto avy amin'ny asa ratsy sy fanamparam-pahefana ary ny fanaovana an-keriny ve no atolotra an' Andriamanitra? Azo tampenana vola angaha ny mason' Andriamanitra? Raha mihaiky ny fahotantsika isika dia mamela heloka ny Tompo.

Vavaka: Mba Hianao tokoa anie Jesoa no mandidy ny manapaka ny fiainanay. Amen!

✍️ Nosoratan'i Pasitera RANDRIAMALALA Emmanuel mivady

🔗 Lire sur notre siteweb :

https://kristyfiainantsika.com/meditations/aza-tapenana-amin-ny-vola-ny-mason-andriamanitra-2026-08-24

🎧 Spotify :

https://open.spotify.com/show/033oAmzqAKV6tDKE4dx97V

▶️ YouTube :

https://www.youtube.com/

👇 Laissez un commentaire ou abonnez-vous

📧 Abonnez-vous ici :

https://kristyfiainantsika.com/about?tab=2?prefill=onlineAlert

23/08/2026

🗓️ Alahady, 23 Aogositra 2026

📰 Fampiraisan'ny fitiavam-bola! Tandremo

📖 Ny mpifehiny mitsara hahazoany kolikoly, Ary ny mpisorony mampianatra hahazoany karama, Ary ny mpaminany manao fankatovana hahazoany vola; ... - Mika 3:11a [MG1865]

✨ Mampianatra hahazoany karama ny mpisorona. Mba hahazoana vola bebe kokoa, tsy izay mahafinaritra sy metimety amin'ny olona ihany no lazainy? Azo atao daholo ny zavatra rehetra, tsy mampaninona an' Andriamanitra na mangalatra sy manao kolikoly, ny rakitra sy fanomezana atao betsaka! Tahian'ny Tompo foana ianao! Mitady mpitondra fivavahana mamela azy hanatanteraka ny filan'ny nofo, ny filam-bola sy ny fanaon'izao tontolo izao ny kristiana maro. Tafaray ny tia sy ny manina. Miray hina sy mifankatia hono, nefa fiaraha-miombona amin'ny ota. Tandremo!

Vavaka: Hohamasinana eo amin'ny asa sy fitondran-tenan'ny kristiana anie ny anaranao. Amen

✍️ Nosoratan'i Pasitera RANDRIAMALALA Emmanuel mivady

🔗 Lire sur notre siteweb :

https://kristyfiainantsika.com/meditations/fampiraisan-ny-fitiavam-bola-tandremo-2026-08-23

🎧 Spotify :

https://open.spotify.com/show/033oAmzqAKV6tDKE4dx97V

▶️ YouTube :

https://www.youtube.com/

👇 Laissez un commentaire ou abonnez-vous

📧 Abonnez-vous ici :

https://kristyfiainantsika.com/about?tab=2?prefill=onlineAlert

22/08/2026

🗓️ Sabotsy, 22 Aogositra 2026

📰 Hitady loza? mibebàha dieny izao!

📖 Ary izay manamarina ny meloka noho ny kolikoly sy manala ny rariny amin'ny marina! - Isaia 5:23 [MG1865]

✨ Faly ery nahavita trano, ny sasany aza manana tranobe maromaro, manana fiara tsara tarehy, manao fialan-tsasatra hatrany am-pitandranomasina, tsy manan-java-mahory! Fa avy amin'ny alahelom-bahoaka! Mihitsoka any am-ponja an-taona maro ny sasany; namidy ny tany sy fananana mba hahazoan-drariny. Mitsiriritra izany toa fiadanana izany ny hafa dia mba manao koa; "manamarina ny meloka, manala ny rariny amin'ny marina".

Fa ahoana hoy Andriamanitra? Loza! Soa ihany fa mamerimberina izany ny tenin' Andriamanitra mba hibebahan'izay diso lalana. Afa-doza izay miala amin'ny ratsy fanaony.

Vavaka: Ampandreneso ny fampitandremanao izahay mba tsy ho jamban'ny vola dia ho afa-doza! Amen

✍️ Nosoratan'i Pasitera RANDRIAMALALA Emmanuel mivady

🔗 Lire sur notre siteweb :

https://kristyfiainantsika.com/meditations/hitady-loza-mibebaha-dieny-izao-2026-08-22

🎧 Spotify :

https://open.spotify.com/show/033oAmzqAKV6tDKE4dx97V

▶️ YouTube :

https://www.youtube.com/

👇 Laissez un commentaire ou abonnez-vous

📧 Abonnez-vous ici :

https://kristyfiainantsika.com/about?tab=2?prefill=onlineAlert

21/08/2026

Finaritra daholo ô👋✨

Ialana tsiny indrindra fa nisy fifandisoana kely ny "audio" ho an'ny Mifamotoana amin'i Jesoa Kristy sy Kristy Fiainantsika Isan'andro androany. 🙏

⚙️ Efa voalamina sy voaitsy izany izao, ary efa afaka henoina amin'ireto rohy ireto :

🌐 Tranonkala (Site web) :
👉 Kristy Fiainantsika : https://www.kristyfiainantsika.com/meditations/mahatoky-amin-ny-kely-fahazarana-tsara-ankasitrahan-ny-tompo-2026-08-21
👉 Mifamotoana : https://www.kristyfiainantsika.com/mifamotoana/mifamotoana-21-aogositra

🎧 Spotify :
👉 https://open.spotify.com/show/033oAmzqAKV6tDKE4dx97V
👉 https://open.spotify.com/show/033MssJ8iOhzRrwlrYxM7w

▶️ YouTube :
👉 https://www.youtube.com/watch?v=GaZXUuIVl_0
👉 https://www.youtube.com/watch?v=6IYjyNwK2wM

💡 Fanamarihana : Raha sendra mbola ilay audio teo aloha no mivoaka henonao ao amin'ny site, aza misalasala manao "actualiser" (rafraîchir) ny pejy.

Misaotra indrindra amin'ny fanamarinana avy aminareo mpihaino rehetra fa tena ilaina be izany. Aza misalasala manoratra aminay raha misy fanamarihana hitanao na tinao hozaraina.

Mijanona miaraka Amiko fotoana vetivety. Tena manan-javatra holazai...

21/08/2026

🗓️ Zoma, 21 Aogositra 2026

📰 Mahatoky amin'ny kely! fahazarana tsara ankasitrahan'ny Tompo

📖 ... Tsara izany, ry mpanompo tsara sady mahatoky; nahatoky tamin'ny kely ianao, dia hotendreko ho mpanapaka ny be; midìra amin'ny fifalian'ny tomponao - Matio 25:23 [MG1865]

✨ Zahana toetra amin'ny kely isika. Asa kely! Fa vitanao tsara ve? Fahaizana kely! Ampiasainao ve? Famerim-bola kely ! Fa averinao ve? Tsy mampaninona anao ve raha tara kely, miteny ratsy kely, mangalatra kely, mandainga kely, misoatra toaka kely? Manàna fahazarana tsara, ny kely tokony atao dia atao tsara ary ny kely tsy azo atao dia ajanona tanteraka. "Ka na dia kely aza no niandohanao, dia ho lehibe indrindra no hiafaranao" - Joba.7.8 [https://www.bible.com/bible/96/JOB.8.7.MG1865]. Aza maika ny ho lehibe fa maro ny lehibe tsy mahatoky sady tsy marina, mpangalatra. Mianara ho mahatoky sy marina amin'ny kely tsy hitan'ny olona dia asandratry ny Tompo ianao.

Vavaka: Ampianaro izahay mba ho mahatoky sy marina amin'ny kely anananay sy ataonay. Amen!

✍️ Nosoratan'i Pasitera RANDRIAMALALA Emmanuel mivady

🔗 Lire sur notre siteweb :

https://kristyfiainantsika.com/meditations/mahatoky-amin-ny-kely-fahazarana-tsara-ankasitrahan-ny-tompo-2026-08-21

🎧 Spotify :

https://open.spotify.com/show/033oAmzqAKV6tDKE4dx97V

▶️ YouTube :

https://www.youtube.com/

👇 Laissez un commentaire ou abonnez-vous

📧 Abonnez-vous ici :

https://kristyfiainantsika.com/about?tab=2?prefill=onlineAlert

20/08/2026

🗓️ Alakamisy, 20 Aogositra 2026

📰 Aza miray petsapetsa amin'izay andevozin'ny fitiavam-bola

📖 Ny lehibenao dia mpiodina sady naman'ny mpangalatra; Samy tia kolikoly sy fatra-nitady tambitam-by avokoa izy rehetra; ... - Isaia 1:23 [MG1865]

✨ "Mena ambanin'ny mena" hono; tsy mahazo manohitra ny baikon'ny lehibe, rehefa asainy manao kolikoly dia tsy maintsy manatanteraka. Mizara babo avy eo, ny lehibe mahazo betsaka ny kely mahazo kelikely.

"Fa maninona no manao kolikoly hianareo?". "Kely fotsiny no anjarako fa ifampizaranay rehetra ny vola !". Dia iharan'izany avokoa izay te hahazo fikarakarana. Maro amin'ireny anie no mpandray fanasan'ny Tompo, diakona, mpiandry, biraom-piangonana sy sampana. Fa iza no tena lehibenao? Inona no dikan'ny hoe nanaiky an'i Jesoa ho Tompo? Aza miray petsapetsa amin'izay andevozin'ny fitiavam-bola.

Vavaka: Omeo fahasahiana hijoro amin'ny fahamarinana izay nanaiky Anao ho Tompo. Amen!

✍️ Nosoratan'i Pasitera RANDRIAMALALA Emmanuel mivady

🔗 Lire sur notre siteweb :

https://kristyfiainantsika.com/meditations/aza-miray-petsapetsa-amin-izay-andevozin-ny-fitiavam-bola-2026-08-20

🎧 Spotify :

https://open.spotify.com/show/033oAmzqAKV6tDKE4dx97V

▶️ YouTube :

https://www.youtube.com/

👇 Laissez un commentaire ou abonnez-vous

📧 Abonnez-vous ici :

https://kristyfiainantsika.com/about?tab=2?prefill=onlineAlert

19/08/2026

🗓️ Alarobia, 19 Aogositra 2026

📰 Ankahalao ny toetra halan' Andriamanitra

📖 Tsy mba hitoetra ao anatin'ny tranoko izay manao fitaka; Tsy mba hijanona eo anoloan'ny masoko izay milaza lainga - Salamo 101:7 [MG1865]

✨ Iza no namanao? Iza no mifanerasera aminao mandrakariva? Iza no mpanolotsaina anao? Raha mpangalatra sy mpanao kolikoly no namanao any am-piasana, tsy hanao ny fanaony koa ve ianao? Tandremo fa misy mpangala-badin'olona any am-piasana any, na lahy na vavy, "ny ela maha iray ny roa", misy sekretera maro lasa vadikelin'ny lehibeny. Maro ireo tsy misotro toaka rehefa niditra tao amin'ny toeram-piasana fa noho ny tsy tsy fahasahiana mijoro dia nanao ny fanaon'ny maro. Dia ho marina sy mahatoky amin'ny asany ve izay manao izany? Aza mety asiana zioga tsy antonona hikambanana amin'ny tsy mino

✍️ Nosoratan'i Pasitera RANDRIAMALALA Emmanuel mivady

🔗 Lire sur notre siteweb :

https://kristyfiainantsika.com/meditations/ankahalao-ny-toetra-halan-andriamanitra-2026-08-19

🎧 Spotify :

https://open.spotify.com/show/033oAmzqAKV6tDKE4dx97V

▶️ YouTube :

https://www.youtube.com/

👇 Laissez un commentaire ou abonnez-vous

📧 Abonnez-vous ici :

https://kristyfiainantsika.com/about?tab=2?prefill=onlineAlert

18/08/2026

🗓️ Talata, 18 Aogositra 2026

📰 Iza marina no tompoinao, vola sa Andriamanitra?

📖 ... Azon-kolikoly ny mpitsara, Ary ny lehibe milaza ny fitsiriritan'ny fanahiny ... - Mika 7:3b [MG1865]

✨ "Izaho dia manaiky an'i Jesoa ho Tompo". Samy manao izany fanekena izany avokoa isika na tamin'ny vavaka manokana natao na tamin'ny alalan'ny hira na teo anatrehan'ny vavolombelona maro tao am-piangonana. Mahatoky sy marina ary ve ianao tamin'izany fanekena izany? Any amin'ny asantsika no hanamporofointsika fa tsy mivadika amin'ny fanekena isika. Asa masina ny asan'ny mpitsara sy ny mpitondra ambony eo amin'ny firenena. Kristiana ve ianareo? Velona ao anatinareo ve Izy sa tahaka ny mpitsara sy mpitondra fanjakana tamin'ny andron'i Mika ihany ianareo? Ny fitiavam-bola no mibaiko fa tsy Kristy! Ny meloka nohamarinina ary ny marina helohina nefa ianao mandray ny tena sy ny ràn'i Kristy eo amin'ny fanasan'ny Tompo? Mibebaha ary amiovà

Vavaka: Mivavaka Aminao izahay ho an'ny mpiasan'ny fitsarana rehetra mba handresy ny herin'ny vola ka ny sitraponao no ataony. Amen!

✍️ Nosoratan'i Pasitera RANDRIAMALALA Emmanuel mivady

🔗 Lire sur notre siteweb :

https://kristyfiainantsika.com/meditations/iza-marina-no-tompoinao-vola-sa-andriamanitra-2026-08-18

🎧 Spotify :

https://open.spotify.com/show/033oAmzqAKV6tDKE4dx97V

▶️ YouTube :

https://www.youtube.com/

👇 Laissez un commentaire ou abonnez-vous

📧 Abonnez-vous ici :

https://kristyfiainantsika.com/about?tab=2?prefill=onlineAlert

17/08/2026

🗓️ Alatsinainy, 17 Aogositra 2026

📰 Tanteraho hatramin'ny farany ny fanekenao!

📖 Koa raha nikasa izany aho, moa nanao kitoatoa va aho? Ary izay zavatra kasaiko, moa kasaiko araka ny nofo va, mba hanaovako eny eny foana, sy tsia tsia foana? - 2 Korintiana 1:17 [MG1865]

✨ Ilaina tokoa ny manao tetik'asa sy teti-andro mialoha. Aloha sy aorian'ny fanaovana izany dia mivavaka mandrakariva. Rehefa mikatsaka ny fanjakan' Andriamanitra sy ny fahamarinany amin'ny asantsika isika dia tanterahiny eny am-panatanterahana eny koa ny teti-bola. Eto amin'ny fiandohan'ity Korintiana faharoa ity Paoly dia mitanisa ireo fandaharam-potoana sy fivezivezena samihafa amin'ny fitoriana filazantsara. Tsy manao kitoatoa, tsy nanao eny sy tsia fa vitany izay nokasainy. Tanteraho hatramin'ny farany ny asanao. Ny fahaiza-mandamina tsara no entinao miady.

Vavaka: Mba hivadika ho asa avokoa anie ny tetikasanay rehetra. Amen!

✍️ Nosoratan'i Pasitera RANDRIAMALALA Emmanuel mivady

🔗 Lire sur notre siteweb :

https://kristyfiainantsika.com/meditations/tanteraho-hatramin-ny-farany-ny-fanekenao-2026-08-17

🎧 Spotify :

https://open.spotify.com/show/033oAmzqAKV6tDKE4dx97V

▶️ YouTube :

https://www.youtube.com/

👇 Laissez un commentaire ou abonnez-vous

📧 Abonnez-vous ici :

https://kristyfiainantsika.com/about?tab=2?prefill=onlineAlert