Fiangonana Loterana Malagasy

15/07/2026

"Efa nahita ny Tompo aho" Jaona 20:18b

Zaikabe FBL - faha XVIII - SPFT ( Toliara)Hafatra sy Fanentanana avy amin'ny Tonia Nasionaly FBL.

11/07/2026

Hira faneva - Zaikabe faha III - FD FLM 2026

11/07/2026

"Sambatra ny miantra; fa izy no hiantrana. " Matio 5:7 - Zaikabe faha III FD FLM

Efa vonona ny fanomanana rehetra, fa miandry antsika rehetra ho tonga aty Fianarantsoa.

06/07/2026

Tafika Masina 2026 - Tatitra sy Fisaorana

" Koa mandehana ianareo, dia ataovy mpianatra ny firenena rehetra," Matio 28:19

Ho voninahitr'Andriamanitra irery ihany

30/06/2026

Ry havana vehivavy kristiana malala,
Amin-kafaliana lehibe no anasana antsika rehetra hanatrika ny Zaikabe faha-18-n’ny Fikambanam-Behivavy Loterana (FBL).

📍 Toerana : SPFT, ao @ kianja maître Kira
📅 Daty : 10 – 16 Aogositra 2026

Fotoana lehibe hiarahana mivavaka, hidera an’Andriamanitra, hifampahery ary handinihana ny asan’ny Tompo eo amin’ny fiainan’ny vehivavy kristiana izao Zaikabe izao.

Faneva :
“Efa nahita ny Tompo aho” (Jao 20:18b)

Koa manasa antsika rehetra hiara-hivory amim-pinoana sy fanantenana, mba handray fitahiana sy hery vaovao avy amin’ny Tompo. Aoka tsy hisy ho diso anjara amin’izao fihaonana lehibe izao.

Tongava maro, Samia hotahin’ny Tompo.

30/06/2026

𝗭𝗔𝗜𝗞𝗔𝗕𝗘 𝗙𝗔𝗛𝗔 𝗜𝗜𝗜 𝗙𝗗𝗙𝗟𝗠
𝗛𝗔𝗧𝗔𝗢 𝗔𝗢 𝗔𝗠𝗜𝗡´𝗡𝗬 𝗦𝗣𝗔𝗳 𝗡𝗬 𝟬𝟰 - 𝟬𝟵 𝗔𝗼𝗴𝗼𝘀𝗶𝘁𝗿𝗮 𝟮𝟬𝟮𝟲

"𝑺𝒂𝒎𝒃𝒂𝒕𝒓𝒂 𝒏𝒚 𝒎𝒊𝒂𝒏𝒕𝒓𝒂, 𝒇𝒂 𝒊𝒛𝒚 𝒏𝒐 𝒉𝒊𝒂𝒏𝒕𝒓𝒂𝒏𝒂" 𝑴𝒂𝒕 5:7

Akory aby!!!

Manasa antsika rehetra amin’ny fanatrehana ny Zaikabe faha 3 FDFLM hatao eto Fianarantsoa, Synodam-Paritny Afovoany.
Manantena ny fifanotronana ho tahian’i JESOSY.

24/06/2026

SEFAFI - Tombontsoa Antsirabe

Lanonana telo sosona androany no notanterahina tao amin'ny Sekoly Fambolena sy Fiompiana Tombontsoa.
Tao anatin'izany , ny fizarana ireo "certificat de Vaccination" ho an'ny mpiofana, ao koa ny Fanomezana ny mari-pankasitrahana (Medail du travail) ho an'ireo Mpiasa nahavita be tao amin'izany Sekoly izany, ary ny farany dia ny Fanomezana ny 'Certificat" ho an'ireo ankizy mpianatra andiany 'Mamoa' izay nahavita ny fiofanana "Formation Professionel Qualifiante" FPQ.

Isan'ny nanatrika izany, ireo Solotena maro avy amin'ny FIangonana Loterana izay notarihin'ny Filohan'ny Synodam-Paritany Avaratrimania ary tao koa ireo Sampam-draharaha ara-panjakana misy eto vakinankaratra toy ny Ministère du Travail, de l’Emploi, de la Fonction Publique et des Lois Sociales - Ministere de l'Enseignement Technique et de la Formation Professionnelle ary ireo solotenan'ny Olom-boafidy.

Araka ny lahateny nataon'i Talen'ny Tombontsoa, Dr Monsieur RASOLOSON Lala Hajanirina, fa ny SEFAFI dia Sekoly anankiray miady amin'ny tsy fanjarian-tsakafo eto Madagasikara ary manabe ny Olona ihany koa mba hanana ny asa fivelomany sy fandraisana anjara amin'ny fampandrosoana ny Fiangonana sy ny Firenena.

18/06/2026

08/06/2026

✨Koa mandehana ianareo dia ataovy mpianatra ny firenena rehetra
Matio 2️⃣8️⃣➖1️⃣9️⃣🅰️
🔔Andro manatantara ny 3 Jona 2026, izay nanombohana ny fanorenana ny Toby Pouru Saint Remy, France
Ny Taona 1️⃣9️⃣8️⃣0️⃣ Mama Nenilava no nanome ny teny fikasana ny hanorenana ity Toby ity, izay hany Toby tokana no voalohany aty ampian- dranomasina, izay hifandovan’ny taranaka.
✅Ny tantara sy ny faminaniana dia tsy tarihin'ny kisendrasendra, fa tarihin'ny fotoana efa voalahatra ao amin'ny drafitra mandrakizain'Andriamanitra
✅Tsy tara ny Tompo amin’ny teny fikasany na dia lava ny fotoampiandrasana
✅Tsy manadino koa Izy ary tsy ho very ny faminaniana. Koa tsy asa fanorenana trano fotsiny izao ataontsika izao fa fahatanterahan'ny fotoana
voatendrin'Andriamanitra hatry ny ela.
✨Alao hery ary fa isika no atao hoe taranaka mpanatanteraka sy hampaharitra ny teny fikasana ny amin’ny fiorenan’io Toby io.
✅Isaona isika izay efa nanolotra sy ho an’izay vonona hanolotra fanomezana ho an’ny asa fanorenana ny Toby Pouru Saint Remy.
✅Mbola mitaona antsika Jesosy ka maniraka antsika araka ny Hagay 1️⃣➖8️⃣ ✨ary ataovy ny trano, dia hankasitrahako izany✨
Asa lehibe no hataon'Andriamanitra eto amin’ity Toby izay:
🟢Hananganana mpanompo.
🔵Hanasitranana fanahy maratra.
🔴Hampiverina ireo very lalana.
🟡Hampiray ny taranaka vaovao sy ny taloha.
🟣Hampielezana ny Fifohazana
manerana an'i Eoropa.
✅Ny datin’ny 3 Jona 2026 dia tsy fanombohana fanorenana trano fotsiny fa fahatanterahan'ny
tenin'Andriamanitra nambara 46 taona lasa.
✅Koa dia nanapa -kevitra ny Komitin’ny Toby Pouru Saint Remy, izay nivory tamin’ny 24/01/2026 fa hatomboka ny asa fanorenana, na dia tsy ampy sy tsy feno aza ny vola eo am-pelatanana hamitana ny asa satria:
✅3 taona ihany no manankery ny permis de construire izay azo,
✅mitombo isan-taona ny farim-piainana ka hitombo miaraka amin’ izany koa ny vola ahavitana ny asa.
Alao hery ary fa maniraka antsika hiasa Jesosy ary maika ny asa ka mila ny fanohanantsika.
Ento am- bavaka ny fanorenana ity Toby Saint Remy ity
Ento am- bavaka ny Fiangonantsika.

30/05/2026

"Koa mandehana hianareo, dia ataovy mpianatra ny firenena rehetra". Matio 28:19a

Ry havana ! Araka ny fanao mahazatra antsika.
Ny Alahadin'ny Trinité dia nataokantsika ho Alahadin'ny Foibe FLM, noho izany io fotoana io no itondrana am-bavaka ny asan'ny foibe , sy anaovantsika ezaka koa ho fanohanana azy ireo.
Isaorana sahady ny Fiangonana tsirairay hanatanteraka izany.
Ho voninahitr'Andriamanitra irery ihany.