Sekoly Alahady Loterana Malagasy SALoMa

Sekoly Alahady Loterana Malagasy SALoMa Contact information, map and directions, contact form, opening hours, services, ratings, photos, videos and announcements from Sekoly Alahady Loterana Malagasy SALoMa, Lutheran Church, Antananarivo.

« AZA MATAHOTRA »“Aza matahotra, fa momba anao Aho” (Isaia 41:10)Ry havana malala ao amin’ny Tompo,indraindray ny fiaina...
25/05/2026

« AZA MATAHOTRA »

“Aza matahotra, fa momba anao Aho” (Isaia 41:10)

Ry havana malala ao amin’ny Tompo,
indraindray ny fiainana dia feno fahoriana, fahadisoam-panantenana, olana, tebiteby, ary ranomaso.

Misy fotoana koa ianao mahatsiaro ho reraka ara-panahy, kivy, very fanantenana, na miady irery amin’ny fiainana. Kanefa amin’izany indrindra no itenenan’Andriamanitra amintsika hoe: “Aza matahotra ianao, fa momba anao Aho; Ary aza miherikerika foana, fa Izaho no Andriamanitrao; Mampahery anao Aho sady mamonjy anao; Eny, mitantana anao amin'ny tanana ankavanan'ny fahamarinako Aho.'' — Isaia 41 : 10

Ny Baiboly dia mampiseho antsika fa tsy mamela ny zanany irery Andriamanitra, ary na dia mandalo fahoriana aza ny mpino dia mbola eo ambany fitarihan’ny Tompo ihany.

Andeha ho jerentsika ireo teboka manaraka ireto :

1. MISY ANTONY NY FITSAPANA

Indraindray isika manontany hoe: “Nahoana no izaho?” “Nahoana Andriamanitra no mamela izao?” “Nahoana no sarotra ny fiainana?”
Fa hoy ny Tenin’Andriamanitra: “Fantatsika fa ny zavatra rehetra dia miara-miasa hahasoa izay tia an’Andriamanitra.” — Romana 8:28

Mety tsy azontsika ankehitriny ny antony, fa Andriamanitra mahita ny ho avy, mahalala ny adintsika, ary afaka mampiasa ny fahoriana hanamafisana ny finoantsika.
Tadidio fa ny fitsapana dia sekoly ampiasain’Andriamanitra hanadiovana sy hanomanana ny zanany ho amin'ilay fiainana mandrakizay.

2. TSY IRERY IANAO AMIN’NY ADINAO

Jesôsy koa dia nitomany, nalahelo, nolavina, nijaly.
Noho izany dia hainy tsara ny fanaintainantsika.

''Fa isika tsy manana mpisoronabe izay tsy mahay miara-mitondra ny fahalementsika, fa Izay efa nalaim-panahy tamin'ny zavatra rehetra tahaka antsika, kanefa tsy nanana ota.'' — Hebreo 4 : 15

Ry havana, rehefa mitomany ianao dia hitan’Andriamanitra izany, rehefa reraka ianao dia fantany izany, rehefa mahatsiaro irery ianao dia mbola eo akaikinao Jesôsy.

3. MBOLA MIASA ANDRIAMANITRA NA DIA MANGINA AZA

Misy fotoana toa mangina Andriamanitra, tsy mbola mamaly vavaka, tsy mbola misokatra ny varavarana, mbola tsy miova ny toe-javatra.

Kanefa tsy midika izany fa nandao anao Izy.
''Fa hoy ny Soratra Masina: Tsy ho menatra izay rehetra mino Azy (Isaia 28:16).'' — Romana 10 : 11

Matetika Andriamanitra dia miasa mangina, manomana zavatra tsara kokoa, miaro antsika amin’ny zavatra tsy hitantsika.

4. MIFANTOHA AMIN’NY FANANTENANA LEHIBE

Ny Baiboly dia milaza amintsika fa, ny fanantenantsika lehibe indrindra dia ny fiavian’i Jesôsy fanindroany.
Amin'izay fotoana izay dia ''hofafany ny ranomaso rehetra.” — Apokalypsy 21:4

Ho avy ny andro tsy hisy alahelo, tsy hisy aretina, tsy hisy fahafatesana, tsy hisy ranomaso intsony.
Izany no fanantenana omen’i Kristy antsika.

FAMARANANA

Ry havana malala, na mafy aza ny lalana hizorantsika dia aza kivy, aza very finoana, aza miala amin’Andriamanitra.
Mbola eo ny Tompo. Mbola mihaino vavaka Izy. Mbola mitarika ny fiainanao Izy.

“Jehovah no mpiandry ahy, tsy hanan-java-mahory aho.” — Salamo 23:1

Raha nampahery anao ity hafatra ity dia manasa anao hizara izany amin'ny hafa.

🚨DINIHO KELY...!🚨Maro ny olona no mihevitra fa:👉 efa voavonjy satria efa mahalala ny Soratra Masina...!👉 Efa avotra satr...
25/05/2026

🚨DINIHO KELY...!🚨

Maro ny olona no mihevitra fa:

👉 efa voavonjy satria efa mahalala ny Soratra Masina...!

👉 Efa avotra satria “Kristianina”, mazoto miangona sy manompo..!

❗ Kanefa misy fahamarinana iray mila fantatrao :

👉 Afaka mahalala an’Andriamanitra ianao… nefa mbola ho very mandrakizay.

🔥 Raha eo am-bava fotsiny ny finoanao… (Titosy 1:16)

📖 “Tsy izay rehetra manao amiko hoe:
Tompoko, Tompoko,..” (Matio 7:21)

🔥 RAHA MAHALALA FOTSINY IANAO…
NEFA TSY MANKATÒ

➡️ DIA MAMITA-TENA.
📖 (Jakoba 1:22)

🔥TADIDIO FA:

🧨 FINOANA TSY MISY FANKATOAVANA = FINOANA MATY (Jakoba 2:17)

👉 Raha mino sy manaiky eo amin'ny vava fotsiny ianao…

❗ dia tsy mbola mihoatra ny demonia.

📖 “Ny demonia koa mba mino, ka dia mangovitra.” (Jakoba 2:19)

💥NY TENA MAMPATAHOTRA DIA ITY:

⚖️ ARAKARAKA NY FAHALALANA AZONAO
➜ NO HAMAFIN'NY FITSARANA ANAO (Lioka 12:47)

❌ Tsy ny tsy fahalalana no mampidi-doza indrindra…

❗ Fa ny fahalalana tsy misy fankatoavana

💥TANDREMO:

Raha Kristianina ianao
Nefa miaina anaty fiatsaram-belatsihy, dia:

‼️MANDOTO NY ANARAN'ANDRIAMANITRA

📖 “ ianareo no itenenana ratsy ny anaran'Andriamanitra any amin'ny jentilisa.” (Romana 2:24)

🚨 AMIN'NY FITSARANA

👉 Ny hanotaniana anao dia
Tsy hoe:

❌ firy ny andininy baiboly fantatrao

❌ firy ny toriteny efa henonao

❗ Fa hoe:

👉 Mba nankatò izay efa azonao ve ianao?❓

👉Mba novain'ny Tenin'Andriamanitra ve ny fonao
Sa niaina tao anaty fiatsaram-belatsihy fotsiny❓

🔥 ANTSO HO ANAO IZAO:

❗MIFOHAZA (Efesiana 5:14)

👉 DINIHO NY TENANAO (2korintiana 13, 5)

Raha tsy misy FANKATOAVANA ny fiainanao

❗ Dia tandindonin-doza ny fanahinao.

💬 FANTARO FA:

👉 “Tsy ny fahalalana ny marina no mahavonjy…
fa ny FANKATOAVANA .”
❤️❤️❤️❤️

🚨 ANAO NY SAFIDY..❗🚨Kristianina an-tapitrisany no miaina ao anatin'ny torimaso. Manaraka mpitarika an-jambany, ❌ Fa tsy ...
06/05/2026

🚨 ANAO NY SAFIDY..❗🚨

Kristianina an-tapitrisany no miaina ao anatin'ny torimaso.

Manaraka mpitarika an-jambany,

❌ Fa tsy mandinika izay lazain'ny Soratra Masina.

🚫Rehefa atakalo feon'olona ny feon'Andriamanitra,

👉dia ny FITAKA no manjaka !

💥 Mpitory maro no lasa "mpivarotra fampiononana".

❌Tsy mitory intsony ny Fahamarinana (Fibebahana, fahamasinana,...)

Fa mampandry ny feon'ny fieritreretana:

👉Mamadika an'Andriamanitra ho lasa mpamaly ny filàn'ny nofo fotsiny.

👉Mampanantena fahombiazana sy fahagagana.
(Tsy mitady an'Andriamanitra, fa mitady ny eo am-pelatanany)

❗Tsy dia toriana intsony ny FIBEBAHANA sy ny FAHAMASINANA

❓NAHOANA

👉 satria TSY MAHALIANA NY MARO

Kanefa ny "Business" ara-pivavahana dia mitady olona maro,

Atao manintona sy mahafinaritra ny hafatra mba hitazonana ny mpanjifa.

💥TADIDIO:

Ny fanarahana an’i Kristy dia

❌ tsy làlan’ny fahafinaretana,

👉fa làlan’ny hazo fijaliana:
ady isan’andro amin'ny filàn'ny nofo. (Marka 8:34)

📣 FANTARO FA:

❌Andriamanitra tsy hitsara anao amin’izay nolazain’ny mpitarika anao,

👉fa amin’ny FAHAMARINANA izay efa nomeny.

🔴Raha ny toriteny no manaitra ny filan'ny nofonao,
Fa tsy mitarika ho amin'ny fibebahana

👉dia FITAKA izany.

❗Diniho ny Soratra Masina

⚖️ ANAO NY SAFIDY:

❓Hitady fampiononana sandoka mitondra ho any amin'ny fahaverezana ve,

sa hanaiky ny Fahamarinana mamotika ny avonavonao
nefa hanafaka ny fanahinao?

📖 “.. NY MARINA NO HAHAFAKA ANAREO...” — Jaona 8:32
❤️❤️❤️

🚨 ASA NA TSIKARITRAO... ❗🚨❗Diniho kely ange ny manodidina anao. Ady, korontana, loza maro samihafa... ⚡Mihorohoro izao t...
04/05/2026

🚨 ASA NA TSIKARITRAO... ❗🚨

❗Diniho kely ange ny manodidina anao.
Ady,
korontana,
loza maro samihafa...

⚡Mihorohoro izao tontolo izao amin'ny fahasimban'ity tontolo ity.

❌Tsy kisendrasendra akory izany.

👉Efa voalazan'ny baiboly mazava tsara :

"Ary handre ady sy filazana ady ianareo,...
hisy mosary sy horohorontany amin'ny tany samy hafa...
ho tafintohina ny maro, ary hifampiampanga sy hifankahala izy...
hihamangatsiaka ny fitiavan'ny maro..."
(Matio 24 : 6 - 12)

⚠️ Ny famantarana mampatahotra indrindra ny andro farany dia :

❌ tsy ny horohorontany, ady, korontana...

👉 fa ny toetry ny fon'ny olona:

➡️Manana endrika mpivavaka:

❌Nefa mangatsika ny fitiavan'Andriamanitra. (Matio 24 : 12)

➡️Mitady "Jesosy" mpampanantena fitahiana sy fahasambarana fotsiny.

❌ fa tsy Kristy mampibebaka sy mitady Fahamasinana.
(2Timoty 4, 3)

➡️Mivavaka:

❌nefa ny fo mbola tia fahafinaretana mihoatra an'Andriamanitra.
( 2 Timoty 3:1-5)

⏳ Maro ny milalao anaty fahotana
satria mihevitra fa mbola ho lava ny fotoana.

💥TADIDIO ANEFA:

❗HO TAMPOKA IZANY :
Toy ny mpangalatra amin'ny alina. (1Tesaloniana 5, 2)

❗Tsy hisy fotoana hibebahana intsony rehefa miseho Izy. (Matio 24:42)

💥FANTARO FA:

⚖️ Andriamanitra tsy tara amin'ny fampanantenany,

fa mbola miandry ANAO hibebaka Izy.

❓Raha miverina ANIO Jesosy,
aiza no hahitany anao?

❌ Ao anaty fahotana ve?

❌ Ao anaty fihatsarambelatsihy sy saritsarim-pivavahana ve?

❌ Sa ao anaty fibebahana marina sy Fahamasinana?

🔥 Ny andro farany dia:

FAHARAVANA ho an'izao tontolo izao

Fa FAHAFAHANA ho an'izay ao amin'i Kristy
📖 Lioka 21:28

📣 ANTSO HO ANAO:

Fotoana izao, aza mangataka andro:

❗MIOMÀNA

❗MIBEBAHA

❗MIHAVÀNA AMIN'ANDRIAMANITRA.

Namako ô👉Nahafinaritra ahy nahita ity lehilahy lehibe niakatra tao anaty taxi brousse hoany antsirabe ity , fa dia nanok...
17/04/2026

Namako ô
👉Nahafinaritra ahy nahita ity lehilahy lehibe niakatra tao anaty taxi brousse hoany antsirabe ity , fa dia nanokatra baiboly izy tao anatiny fiara izay nandehananay .

👉Lesona azoko taminy dia tenin'Andriamanitra hoe ;📖 FANILO TONGOTRO SY FANAZAVANA LALAKO NY TENINAO📖 Salamo 105/9

👉. ASA ROA INDRAY MIARAKA NO VITAN'NY TENIN'ANDRIAMANITRA ETO
🕯️Mitsilo lavitra ary manazava ny eo akaiky ao anatiny haizina .
Misaotra anao raiman-dreny fa anisany asa fitorina filazantsara izao nataonao izao

👉Izay miaradalana mandrakariva amin'ny tenin'Andriamanitra dia tsy manana ahiahy namako 🙌
AMEN.

Ireo vokan-tsoa 09 azo avy amin'ny Vavaka 🙏1) Ny vavaka dia miaro antsika2) Ny vavaka manova zavatra3)Ny vavaka dia mita...
13/12/2025

Ireo vokan-tsoa 09 azo avy amin'ny Vavaka 🙏
1) Ny vavaka dia miaro antsika
2) Ny vavaka manova zavatra
3)Ny vavaka dia mitarika antsika ho amin'ny sitrapon'Andriamanitra
4) Ny vavaka dia mahatonga antsika hanakaiky an'Andriamanitra bebe kokoa.
5) Ny vavaka dia manome fifaliana ho antsika
6) Ny vavaka no hanana-tsika fanantenana
7) Ny vavaka no mahatonga antsika tsy ho tia tena loatra
8) Ny vavaka dia manasitrana antsika amin'ireo ratra mahazo
9) Ny vavaka no mahatonga antsika miha-matanjaka hatrany

Noho izany mampahery anao hatrany aho ho tia vavaka sy hazoto ivavaka 🙏🙏

Raha vao mbola ny ahatanteraka ny filànao sy ny fanirianao na ny hivahan'ny olanao no antony anarahanao ny Tompo dia mbo...
12/12/2025

Raha vao mbola ny ahatanteraka ny filànao sy ny fanirianao na ny hivahan'ny olanao no antony anarahanao ny Tompo dia mbola tsy tena azo antsoina hoe Mpianany ianao. ‼️🙏

Ny tena mpianatra sy mpanara-dia Azy dia ireo izay tena vonona sy manolo-tena ho Azy, tsy teren'ny filàna sy tombon-tsoa fa tena fitiavana 🤍✨. Raha vao mbola misy hoe hivavaka aho MBA… dia hevero kely aloha sao efa tsy ilay tena fanompoana intsony no ao anatinao fa fitadiavana tombon-tsoa amin'ny alalan'ny fivavahana fotsiny. Lasa atao filan-tsy mahita sy vonjy tavan'andro Andriamanitra .

Be dia be ny diso fangataka, ary ny ankamaroan'ny olona dia tsy mahay mangataka afa-tsy ny zavatry ny nofo. Adinony fa ny zava-panahy no lehibe indrindra sy maharitra mandrakizay ✨🙌. Raha vao mbola ny nofo no mibaiko anao hanantona an'Andriamanitra dia tsy tena ao anatinao ilay fanompoana. Hevero foana alohan'ny hangataka zavatra Aminy 🙏. Sao dia noho ny olana sy ny fahaterena eo amin'ny ara-nofo fotsiny no antony anakaikezanao an'Andriamanitra.

Ianareo ve tsy mahatsikaritra hoe ny olona iray matoa mandalo olana be ka nivaha ny olany dia olona nahay namotsotra? Namela tanteraka an'ilay hita maso sy ilay olana fa nitodika tamin'Andriamanitra aloha 🤲✨. Nanova ny toe-po sy ny tao anaty rehetra, hatramin'ny fomba fijery aloha ️❤️, dia avy eo nanaraka ho azy ny ambiny. Tadidio fa Andriamanitra tsy mijery ivelany fa ny fo no jereny ❤️👑. Hitany ny fonao, hitany foana ny intention-anao ao anaty vavaka 🙏✨.

Ary ny olana lalovanao tsy voatery ho vahainy fa ny toe-ponao miatrika Azy no amboariny 🤍🔥. Aza maika hanala olana eo aminao fa ataovy occasion hanakaikezana an'Andriamanitra iny olana iny ✝️✨. Tsy noho ny fahaporetana anefa, hoe: hanantona aho mba hivaha ny olako… fa tena noho ny fitiavanao an'Andriamanitra 💛.

Ny tena tia dia tsy mijery tombon-tsoa manokana ho an'ny tenany fa mitsinjo ny fifandraisany amin'ilay tiany 🤍✨.

Address

Antananarivo

Website

Alerts

Be the first to know and let us send you an email when Sekoly Alahady Loterana Malagasy SALoMa posts news and promotions. Your email address will not be used for any other purpose, and you can unsubscribe at any time.

Shortcuts

Share

Category