24/08/2026
🔶🔸NY FANAPAHANA SY NY FAHAMBONIAN'I KRISTY
📖Izay nataony tao amin’i Kristy tamin’ny nananganany Azy tamin’ny maty sy ny nampitoerany Azy eo amin’ny tànany ankavanana any an-danitra, ambony lavitra noho ny fanapahana rehetra sy ny fahefana sy ny hery sy ny fanjakana ary ny anarana rehetra izay tononina, tsy amin’izao fiainana izao ihany, fa amin’ny ho avy koa (Efesiana 1:20–21).
🇲🇬 RHAPSODY NY FAHAMARINANA
🗓️ Alatsinainy 24 Aogositra 2026
🔖Tsy isan'ireo manana fahefana, fanapahana na hery eto amin'izao tontolo izao Jesosy Kristy Tompontsika; ambony lavitra noho ireny Izy. Ambony indrindra amin’ny fanjakana hafa rehetra, ny fahefana, hery, fanapahana ary ny anaram-boninahitra rehetra misy amin'izao andro ankehitriny izao sy amin'ny ho avy Izy. Midika izany fa tsy misy rafitra, tsy misy singa, tsy misy anarana, ary tsy misy toerana na aiza na aiza ivelan'ny fanapahana sy ny fahambonian'i Kristy.
🔖Tsarovy fa milaza ny Baiboly hoe manana ny fanapahany Izy (Isaia 9:6) ary ny fanjakany dia miaraka amin’ny fifehezany, ny heriny, ary ny fanapahany sy ny fahefany tsy manam-petra: "Ny handrosoan'ny fanapahana sy ny fiadanana dia tsy hanam-pahataperana" (Isaia 9:7). Ny fahefany dia mihoatra ny rafitra rehetra misy eto an-tany. Izy no Loha ary isika no tenany. Ary milaza ny Baiboly fa ny fanapahana dia eo an-tsorony, izay midika hoe ny tenany
🔖Izany no antony, raha misy rafitra manohitra ny Filazantsaran'i Jesosy Kristy na mitady hanakana ny Fiangonana, dia manara-maso azy ireo isika. Manakorontana ny ezaka ataony sy mandrava ny planin'izy ireo isika. Manana fahefana hanao izany isika satria mihetsika amin'ny anarany. Satria ambony lavitra noho ny fanapahana rehetra sy ny fahefana sy ny hery sy ny fanjakan'ny maizina, dia toy izany koa isika, satria niara-natsangany isika ka niara-napetrany taminy any an-danitra (Efesiana 2:6).
🔖Tsy vetivety ny fanjakany sy ny fahamboniany fa mandrakizay. Na ankehitriny na amin'ny ho avy, dia maharitra ny fahefany. Asehon'ny Baiboly ny halehiben'ny fanjakany; eo ambany fahefany ny zava-drehetra. Hoy ny Efesiana 1:20-21 (MSG): "Avy ao amin'i Kristy izany hery rehetra izany: Andriamanitra nanangana Azy tamin'ny maty ka nametraka Azy teo amin'ny seza fiandrianana any an-danitra, mandray an-tanana ny fitantanana izao tontolo izao, ny zava-drehetra eny amin'ny vahindanitra ka hatramin'ny fanjakana, tsy misy anarana sy fahefana afa-miala amin’ny fifehezany. Ary tsy ho an'izao fiainana izao ihany, fa mandrakizay. Izy no mandray an-tanana ny zavatra rehetra, manana ny teny farany amin'ny zavatra rehetra." Isaorana anie Andriamanitra!
🔖Miainà amin'izany fahatongavan-tsaina izany. Mihetsika eo ambanin'ny fahefan'Ilay ambonin'ny zavatra rehetra ianao - dia ny Tompo Jesosy. Koa mandehana amin'ny fanapahana sy ny fahambonian'ny voninahiny sy ny heriny lehibe.
🛐VAVAKA
Ray malala ô, misaotra Anao noho ny fanapahana sy ny fahambonian'i Jesosy Kristy amin'ny fanjakana rehetra, sy ny hery, ny fahefana ary ny fanapahana rehetra ao amin'ny aizina. Mandeha amin'ny fahatongavan-tsaina ny maha-Tompo Azy aho ary mampihatra ny fanapahana amin'ny toe-javatra rehetra. Miorina mafy amin'ny Filazantsara aho, sahy sy feno finoana, satria fantatro fa miasa eo ambanin'ilay fahefana ambony indrindra, amin'ny anaran'i Jesosy. Amena.
FANDALINANA:
📖Kolosiana 2:10; Ary raha niara-maty tamin'i Kristy ianareo ka efa afaka tamin'ny abidim-pianaran'izao tontolo izao, nahoana no toa mbola velona amin'izao tontolo izao ihany ianareo ka mety hodidiana...
📖Filipiana 2:9-11; Koa izany no nanandratan'Andriamanitra Azy indrindra sy nanomezany Azy ny anarana izay ambony noho ny anarana rehetra, mba ho amin'ny anaran'i Jesosy no handohalehan'ny lohalika rehetra, na ny any an-danitra, na ny etỳ an-tany, na ny any ambanin'ny tany, sy haneken'ny lela rehetra fa Jesosy Kristy no Tompo ho voninahitr'Andriamanitra Ray.
📖Daniela 7:14; Ary nomena fanapahana sy voninahitra ary fanjakana Izy, mba hanompoan'ny fokom-pirenena sy ny firenena ary ny samy hafa fiteny rehetra Azy; ny fanapahany dia fanapahana mandrakizay ka tsy ho tapaka, ary ny fanjakany tsy ho rava.
DRAFITRA FAMAKIANA BAIBOLY ERIN TAONA
1 Korintiana 9 & Salamo 128-134
DRAFITRA FAMAKIANA BAIBOLY ROA TAONA
Kolosiana 2:8-15 & Jeremia 9
📖Izay nataony tao amin’i Kristy tamin’ny nananganany Azy tamin’ny maty sy ny nampitoerany Azy eo amin’ny tànany ankavanana any an-danitra, ambony lavitra noho ny fanapahana rehetra sy ny fahefana sy ny hery sy ny fanjakana ary ny anarana rehetra izay tononina, tsy amin’izao fiainana izao ihany, fa amin’ny ho avy koa (Efesiana 1:20–21).
🔖Tsy isan'ireo manana fahefana, fanapahana na hery eto amin'izao tontolo izao Jesosy Kristy Tompontsika; ambony lavitra noho ireny Izy. Ambony indrindra amin’ny fanjakana hafa rehetra, ny fahefana, hery, fanapahana ary ny anaram-boninahitra rehetra misy amin'izao andro ankehitriny izao sy amin'ny ho avy Izy. Midika izany fa tsy misy rafitra, tsy misy singa, tsy misy anarana, ary tsy misy toerana na aiza na aiza ivelan'ny fanapahana sy ny fahambonian'i Kristy.
🔖Tsarovy fa milaza ny Baiboly hoe manana ny fanapahany Izy (Isaia 9:6) ary ny fanjakany dia miaraka amin’ny fifehezany, ny heriny, ary ny fanapahany sy ny fahefany tsy manam-petra: "Ny handrosoan'ny fanapahana sy ny fiadanana dia tsy hanam-pahataperana" (Isaia 9:7). Ny fahefany dia mihoatra ny rafitra rehetra misy eto an-tany. Izy no Loha ary isika no tenany. Ary milaza ny Baiboly fa ny fanapahana dia eo an-tsorony, izay midika hoe ny tenany
🔖Izany no antony, raha misy rafitra manohitra ny Filazantsaran'i Jesosy Kristy na mitady hanakana ny Fiangonana, dia manara-maso azy ireo isika. Manakorontana ny ezaka ataony sy mandrava ny planin'izy ireo isika. Manana fahefana hanao izany isika satria mihetsika amin'ny anarany. Satria ambony lavitra noho ny fanapahana rehetra sy ny fahefana sy ny hery sy ny fanjakan'ny maizina, dia toy izany koa isika, satria niara-natsangany isika ka niara-napetrany taminy any an-danitra (Efesiana 2:6).
🔖Tsy vetivety ny fanjakany sy ny fahamboniany fa mandrakizay. Na ankehitriny na amin'ny ho avy, dia maharitra ny fahefany. Asehon'ny Baiboly ny halehiben'ny fanjakany; eo ambany fahefany ny zava-drehetra. Hoy ny Efesiana 1:20-21 (MSG): "Avy ao amin'i Kristy izany hery rehetra izany: Andriamanitra nanangana Azy tamin'ny maty ka nametraka Azy teo amin'ny seza fiandrianana any an-danitra, mandray an-tanana ny fitantanana izao tontolo izao, ny zava-drehetra eny amin'ny vahindanitra ka hatramin'ny fanjakana, tsy misy anarana sy fahefana afa-miala amin’ny fifehezany. Ary tsy ho an'izao fiainana izao ihany, fa mandrakizay. Izy no mandray an-tanana ny zavatra rehetra, manana ny teny farany amin'ny zavatra rehetra." Isaorana anie Andriamanitra!
🔖Miainà amin'izany fahatongavan-tsaina izany. Mihetsika eo ambanin'ny fahefan'Ilay ambonin'ny zavatra rehetra ianao - dia ny Tompo Jesosy. Koa mandehana amin'ny fanapahana sy ny fahambonian'ny voninahiny sy ny heriny lehibe.
🛐VAVAKA
Ray malala ô, misaotra Anao noho ny fanapahana sy ny fahambonian'i Jesosy Kristy amin'ny fanjakana rehetra, sy ny hery, ny fahefana ary ny fanapahana rehetra ao amin'ny aizina. Mandeha amin'ny fahatongavan-tsaina ny maha-Tompo Azy aho ary mampihatra ny fanapahana amin'ny toe-javatra rehetra. Miorina mafy amin'ny Filazantsara aho, sahy sy feno finoana, satria fantatro fa miasa eo ambanin'ilay fahefana ambony indrindra, amin'ny anaran'i Jesosy. Amena.
FANDALINANA:
📖Kolosiana 2:10; Ary raha niara-maty tamin'i Kristy ianareo ka efa afaka tamin'ny abidim-pianaran'izao tontolo izao, nahoana no toa mbola velona amin'izao tontolo izao ihany ianareo ka mety hodidiana...
📖Filipiana 2:9-11; Koa izany no nanandratan'Andriamanitra Azy indrindra sy nanomezany Azy ny anarana izay ambony noho ny anarana rehetra, mba ho amin'ny anaran'i Jesosy no handohalehan'ny lohalika rehetra, na ny any an-danitra, na ny etỳ an-tany, na ny any ambanin'ny tany, sy haneken'ny lela rehetra fa Jesosy Kristy no Tompo ho voninahitr'Andriamanitra Ray.
📖Daniela 7:14; Ary nomena fanapahana sy voninahitra ary fanjakana Izy, mba hanompoan'ny fokom-pirenena sy ny firenena ary ny samy hafa fiteny rehetra Azy; ny fanapahany dia fanapahana mandrakizay ka tsy ho tapaka, ary ny fanjakany tsy ho rava.
DRAFITRA FAMAKIANA BAIBOLY ERIN TAONA
1 Korintiana 9 & Salamo 128-134
DRAFITRA FAMAKIANA BAIBOLY ROA TAONA
Kolosiana 2:8-15 & Jeremia 9
