FJKM Morarano Fiderana - Pejy Ofisialy

FJKM Morarano Fiderana - Pejy Ofisialy « ... toy izany koa isika, na dia maro aza, dia tena iray ihany ao amin'i Kristy, ary samy miara-momba ny tena isika rehetra. » (Romana 12:5)

🍃🏮𝗠𝗢𝗙𝗢𝗡𝗔𝗜𝗡𝗔 ANIO: « Ry mpianakavin’ny finoana »🏮🍃ALAKAMISY, FAHA 17 SEPTAMBRA 2026🌟Salamo 129 / Hira 643 / Vavaka / Mofo...
17/09/2026

🍃🏮𝗠𝗢𝗙𝗢𝗡𝗔𝗜𝗡𝗔 ANIO: « Ry mpianakavin’ny finoana »🏮🍃

ALAKAMISY, FAHA 17 SEPTAMBRA 2026

🌟Salamo 129 / Hira 643 / Vavaka / Mofonaina:

➖JAKOBA 5, 7 - 11➖

« 7 [Toky ho an'ny Kristiana azom-pahoriana, sy anatra samy hafa] Ary amin'izany dia mahareta tsara, ry rahalahy, mandra-pihavin'ny Tompo. Indro, ny mpiasa tany miandry ny voka-tsoa amin'ny tany ka maharitra amin'izany mandra-pahazony ny ranonorana aloha sy aoriana. 8 Mahareta koa ianareo, mampahereza ny fonareo, fa efa mby akaiky ny fihavian'ny Tompo. 9 Aza mifampimonomonona, ry rahalahy, fandrao hohelohina ianareo; Indro, ny Mpitsara efa mitsangana eo anoloan'ny varavarana. 10 Ry rahalahiko, aoka ny mpaminany izay niteny tamin'ny anaran'ny Tompo no halainareo ho fianarana ny fandeferam-pahoriana sy ny faharetana. 11 Indro, ataontsika fa sambatra izay efa naharitra. Efa renareo ny faharetan'i Joba ary efa hitanareo ny faran'ny nataon'ny Tompo taminy, fa miantra indrindra ny Tompo sady be famindram-po. »

🚩 Ry mpianakavin’ny finoana!

1- Mahareta tsara

Misy ireo mpiasa izay mitaraina noho ny ataon’ny mpifikitra tafahoatra amin’ny harena. Tafiditra any amin’ny Tompon’ny maro ny fitarainan’izy ireny (Jak 5, 4). Misy ireo tsy afa-manoatra amin’ny ataon’ireo mpampahory azy (Jak 5. 6). Mila manana faharetana manoloana ireo tsy rariny samihafa iainany ny mpino. Faharetana tsara no baiko azontsika ho fiatrehana izany.

2- Ho avy ny Tompontsika

Misy fetra ny fijaliana sy ny fihafiana. Tsy vahaolana ny taraina lava, ny mifampimonomonona (and 9). Misy ny fiainana tsara lavitra noho izao iainana ankehitriny izao. Ho avy eny amin’ny rahon’ny lanitra ny Tompontsika handray ireo olom-boavonjy. Manantena lanitra vaovao sy tany vaovao ny mpino, miandry « Ilay mpampakatra ». Izay mino an’i Jesoa Kristy Tompo no hifaly sy ho ravoravo.

3- Miantra indrindra Izy sady be famindram-po

Maro ireo mpanompon’Andriamanitra izay nandalo sedra mafy. Tao ny lafaoro mahamay, ny liona noana, ireo zava-tsarotra samihafa toy izay nihatra tamin’i Joba. Noho ny fiantrana sy ny famindrampon’ny Tompo, ireo rehetra izay niorina tamin’ny finoana, nanana fahatokiana sy faharetana dia samy nivoaka mpandresy avokoa.

👉 Fanontaniana:
Inona no tokony hatao eo am-piandrasana ny Tompo?

🌟Vavaka / Hira 295🌟

📍Sampana Sekoly Alahady Foibe

🌐 https://www.fjkm.mg/fampianarana/ny-teninao-no-fahamarinana/mofonaina/ry-mpianakavinny-finoana/

17/09/2026

🔹🌹 𝐅𝐚𝐧𝐢𝐥𝐨 ho an’ny ankizy - 𝑒𝓃 𝒻𝓇𝒶𝓃ç𝒶𝒾𝓈 🌹🔹

Jeudi 17 SEPTEMBRE 2026

➖MATTHIEU 13.47-52➖ ♦️Q.7♦️

🚩 ESPOIR

Le royaume des cieux est comme la pêche. Lorsqu'un pêcheur attrape un poisson, il ne le mange ni ne le vend immédiatement, mais il prend le temps de distinguer les bons des mauvais. Il y a une sélection similaire lors de la venue du royaume des cieux : il ne s'agit pas seulement d'entrer par désir. Si vous avez bien compris la leçon jusqu'ici, qui entre au royaume des cieux ? Toutes les formes de mal n'y entrent pas, seuls les justes y entrent. Examinez-vous pour voir s'il y a encore en vous une part de mal que Dieu désapprouve, mais que vous êtes tenté de commettre. La Parole de Dieu nous révèle sa volonté. Continuez à le suivre et lisez le livre de l'Apocalypse.

17/09/2026

🍃🌺 𝐅𝐚𝐧𝐢𝐥𝐨 - 𝒽𝑜 𝒶𝓃’𝓃𝓎 𝒶𝓃𝓀𝒾𝓏𝓎 🌺🍃

Alakamisy 17 SEPTAMBRA 2026

➖MATIO 13.47-52➖ ♦️F.7♦️

🚩 FIFANTENANA

Tahaka ny fanjonoana ny fanjakàn’ny lanitra eto. Rehefa nahazo trondro ny mpanjono dia tsy avy hatrany dia mihinana na mivarotra fa mbola manavaka ny tsara sy ny ratsy amin’ireo trondro azony. Misy fifantenana torak’izany ihany koa amin’ny fihavian’ny fanjakàn’ny lanitra fa tsy hoe izay te-hiditra dia miditra. Raha azonao tsara ny lesona hatramin’izay, iza no miditra any amin’ny fanjakan’ny lanitra ? Ny endrim-paharatsiana rehetra tsy miditra any fa ny marina ihany. Diniho ny tenanao sao mbola misy ratsy tsy tian’Andriamanitra kanefa hataonao. Ny tenin’Andriamanitra no mampahafantra antsika ny sitrapony sy ny tsy sitrapony. Tohizo hatrany àry ny famakiana ny Fanilo.

17/09/2026

🌷🌿 𝗠𝗔𝗡𝗔 𝗜𝗦𝗔𝗡’𝗔𝗡𝗗𝗥𝗢 🌿🌷

ALAKAMISY 17 SEPTAMBRA 2026

➖SALAMO 122.1-9➖ ♦️F. 6♦️

🎶 : https://ti1ca.com/bh9k85b-mana-septambra-17-Salamo-122_1-9.mp3.html

🚩 FIFALIANA MIAKATRA AN’I JEROSALEMA

Notantanan’Andriamanitra mahatoky foana ireto Zanak’Israely, notarihin’i Davida ireto, raha namakivaky ny havoana hiakatra an’i Jerosalema (Salamo 121). Ankehitriny, migadona eto am-bavahadin’ny tranon’i Jehovah izy ireo (Salamo 122).

Fiombonana feno fifaliana (1-5). “Faly aho” (1), hoy i Davida mitarika ny hira amin’ny feo misandratra avo. Akory ny hafaliany raha notaomin’ireto namany izy, hiara-hirona sy hiombona hanandratra an’i Jehovah. Tsy nihafahafa, tena niseho ho iray amin’ireto vahoaka izy. Azo hitarafana antsika Kristianina rehefa miombom-bavaka, fa tena rantsam-batan’i Kristy tokoa, tena iray ao amin’ny Tompo. Mifampitaona: “andeha isika” (1a), “ny tongotray efa migadona eo am-bavahadinao ry Jerosalema” (2-DIEM). Tena miray fo sy mifaly tokoa rehefa tonga ao amin’ny tanàna masina. Noredoniny tamim-pifaliana ny maha tanàna voatokana hivavahana an’i Jerosalema.

Fiombonana mampihavana. Foko maro no tafahaona manatrika izao fety firavoravoana izao. Foko maro tsy ilaozan’olana, tafahaona, miara-midera, miombona, mihavana, samy manetry tena (4-DIEM). Vahoaka miara-mifaly sy miravo, mitondra fanatitra (Deo.16.11-17). Fety firavoravoana mampitambatra ny olon’Andriamanitra. Tena endrika manantitra fa Fiangonana iray ny mpino, fihavanana manafoana ny fahasamihafàna amin’ny lafiny rehetra.

Mivavaka ho an’i Jerosalema mba ho tanàna hanjakan’ny fandriampahalemana: “fiadanana anie” (6-7). Mirary fanambinana ho an’ny mponina hitoetra ao ho voninahitr’Andriamanitra (7,8,9). Mampianatra antsika mpino izany mba hafana fo amin’ny fitondrana am-bavaka toy ny nangatahan’ny mpanao Salamo izany ho an’i Jerosalema. Mivavaka isika “nohon’ny tranon’ny Tompo Andriamanitsika” (9), dia ny hahatsara azy, hahatamàna ireo mpivahiny.

🙏 Vavaka: Tompo ô! maniry ihany koa izahay mba ho tena Kristianina miombona ao Aminao, ho feno fifaliana eo amin’ny fanatrehanao.

« Fa Izaho Jehovah Andriamanitrao no mitantana ny tananao ankavanana, dia ilay manao aminao hoe: Aza matahotra, Izaho no...
16/09/2026

« Fa Izaho Jehovah Andriamanitrao no mitantana ny tananao ankavanana, dia ilay manao aminao hoe: Aza matahotra, Izaho no hamonjy anao. »
‭‭➖ Isaia‬ ‭41‬:‭13‬ ➖

🍃🏮𝗠𝗢𝗙𝗢𝗡𝗔𝗜𝗡𝗔 ANIO: « Jesoa Kristy Tompo »🏮🍃ALAROBIA, FAHA 16 SEPTAMBRA 2026🌟 Sal. 46 / Hira 460 / Vavaka / Mofonaina:➖MAT...
16/09/2026

🍃🏮𝗠𝗢𝗙𝗢𝗡𝗔𝗜𝗡𝗔 ANIO: « Jesoa Kristy Tompo »🏮🍃

ALAROBIA, FAHA 16 SEPTAMBRA 2026

🌟 Sal. 46 / Hira 460 / Vavaka / Mofonaina:

➖MATIO 8, 23 - 27➖

« 23 Ary nony niondrana an-tsambokely Izy, dia nanaraka Azy ny mpianany. 24 Ary, indro, nisy tafio-drivotra mafy tonga tamin'ny ranomasina, ka dia efa nila ho voasafotry ny alon-drano ny sambokely; fa Izy natory. 25 Ary nanatona izy ireo, dia namoha Azy ka nanao hoe: Tompoko, vonjeo, fa maty izahay! 26 Ary hoy Izy taminy: Nahoana no saro-tahotra ianareo, ry kely finoana? Dia nitsangana Izy, ka noteneniny mafy ny rivotra sy ny ranomasina, dia tonga tony tsara ny andro. 27 Ary talanjona ny olona ka nanao hoe: Lehilahy manao ahoana re Io, fa ny rivotra sy ny ranomasina aza dia manaiky Azy! »

🚩 Jesoa Kristy Tompo

1- Mpandresy ny tahotra

Tojo tafio-drivotra mafy ny mpianatra. Nisy fiantraikany tamin’ny sambokely nandehanan’izy ireo izany. Voasoratra fa « nila ho voasafotry ny alon-drano ny sambokely » (and 24). Mazava araka izany fa raha mifantoka amin’ireo olana, ireo vato misakana, ireo tafiotra samihafa izay mitranga isika, dia hanjaka ny tahotra sy ny fanahiana. Tsy fantatry ny mpianatra akory ny lanjan’ny fanatrehan’i Jesoa Tompo miaraka aminy. Ho anao izay manahy ny ampitso àry, ho anao izay saro-tahotra lava, fantatrao marina ve ny herin’i Jesoa Ilay mpamonjy sy mpanafaka anao? Matokia an’i Jesoa ianao dia ho tsapanao ny fiarovany sy ny famonjeny.

2- Mahafantatra ny toetry ny finoantsika

Nametraka fanontaniana amin’ireo mpianatra i Jesoa. Ambaran’i Jesoa mazava ny hakelin’ny finoan’ireto mpianatra ireto. Izay mbola variana amin-javatra hafa, tsy « mijery an’i Jesoa Tompon’ny finoantsika » (Heb 12,2) dia ambara fa « kely finoana ». Toy izany koa no nihatra tamin’i Petera: « Fa raha nahita ny rivotra izy, dia natahotra ary raha vao nilentika izy, dia niantso hoe: Tompo ô, vonjeo aho! » (Mat 14, 30). Efa mba misy fahasahiana ihany fa tapaka an-tenantenany. Tena tsy vahaolana ny mitanondrika sy mifantoka amin’ny olana. Ny toetra faka tahaka niombonan’izy ireo kosa anefa dia ny fangatahana famonjena tamin’ny Tompo. Na eo aza ny fetra eo amintsika dia maneho ny voninahiny ny Tompo.

👉 Fanontaniana:
Inona no tokony hatao manoloana ireo tafiotra samihafa?

🌟 Vavaka / Hira 627 🌟

📍Sampana Sekoly Alahady Foibe

🌐 https://www.fjkm.mg/fampianarana/ny-teninao-no-fahamarinana/mofonaina/jesoa-kristy-tompo-8/

16/09/2026

🔹🌹 𝐅𝐚𝐧𝐢𝐥𝐨 ho an’ny ankizy - 𝑒𝓃 𝒻𝓇𝒶𝓃ç𝒶𝒾𝓈 🌹🔹

Mercredi 16 SEPTEMBRE 2026

➖MATTHIEU 13.44-46➖ ♦️Q.7♦️

🚩 CHOSES PRÉCIEUSES

Dans un film, le « trésor » est un trésor caché. La « pierre précieuse » est une pierre très précieuse car très chère. Lorsque l'homme découvre le trésor caché et la pierre précieuse, il vend tous ses biens pour se les procurer. Il a su choisir ce dont il avait vraiment besoin. De même, le royaume des cieux est plus précieux que tout. Le royaume des cieux n'est pas seulement le lieu que Dieu nous prépare au ciel, mais surtout le royaume de Dieu dans nos cœurs, qui est le véritable trésor. Possédez-vous déjà ce précieux trésor dans votre cœur ?

16/09/2026

🍃🌺 𝐅𝐚𝐧𝐢𝐥𝐨 - 𝒽𝑜 𝒶𝓃’𝓃𝓎 𝒶𝓃𝓀𝒾𝓏𝓎 🌺🍃

Alarobia 16 SEPTAMBRA 2026

➖MATIO 13.44-46➖ ♦️F.7♦️

🚩 ZAVA-TSAROBIDY

“Trésor”, amin’ny sarimihetsika no hahitana io, zavatra sarobidy nafenina. “Vatosoa”, vato tena sarobidy satria tena lafo vidy. Rehefa nahita ilay harena nafenina sy vatosoa ilay lehilahy teto dia nivarotra ny fananany mba hahazoana ireo. Nahay nisafidy izay tena ilainy eo amin’ny fiainany izy. Tahaka izany ny fanjakan’ny lanitra, sarobidy mihoatra noho ny zavatra hafa rehetra aza. Tsy ilay toerana omanin’Andriamanitra ho antsika any an-danitra fotsiny akory ny fanjakàn’ny lanitra fa indrindra ilay fanjakàn’Andriamanitra ao am-pontsika, izany no tena harena. Efa manana an’io harena sarobidy io ao am-ponao ve ianao?

16/09/2026

🌷🌿 𝗠𝗔𝗡𝗔 𝗜𝗦𝗔𝗡’𝗔𝗡𝗗𝗥𝗢 🌿🌷

ALAROBIA 16 SEPTAMBRA 2026

➖SALAMO 121.1-8➖ ♦️F. 1, 4♦️

🎶 : https://ti1ca.com/dbmad7-mana-septambra-15-Deoteronomia-16_1-22.mp3.html

🚩 ANDRIAMANITRA, MPIARO MAHATOKY

Tsapa ho nahatsiaro fahoriana tokoa ny mpanoratra ny Salamo teo aloha, dia ny faha-120, noho ny hetraketraky ny fiaraha-monina. Nampaherezin’Andriamanitra noho izany izy eto.

Andriamanitra loharanom-pamonjena (1-3). « Ny famonjena ahy dia avy amin'i Jehovah, Mpanao ny lanitra sy ny tany. » (2). Aiza ianao no mitodika na miherikerika mitady famonjena? Hamafiso ny finoanao, fa avy amin’Andriamanitra irery ihany ny famonjena anao! Tsy mamela anao ho azon’ny fandriky ny fahavalo Izy. Tsy avelany ho lavo ianao fa hampahatanjahiny ny tongotrao (3). Tian’Andriamanitra ho tsapan’izy ireo fa Ray be fitiavana, fialofana, sy Mpamonjy Izy.

Andriamanitra miaro ny olony (4-7). Amin’izao fotoana hanjakan’ny tsi-fandriampahalemana izao dia tsarovy fa amin’ny alina izay fatoriana, dia tsy matory ny Mpiaro anao (4): « Izaho Jehovah no mpiaro io; … Na andro na alina dia miaro azy aho. » (Isaia 27.3). Fantatry ny Ray fa mety handoro ny masoandro, eny mety hamely koa aza ny volana… Eny miaro ny olony amin’ny ratsy rehetra Jehovah (7). Inona no mety zava-dratsy hatahoranao? Matoky ve ianao fa afaka miaro anao amin’izany Andriamanitra? Fa miaro indrindra indrindra ny fanahinao koa Izy!

Tso-drano mitondra fiarovana (8). Tsy vitan’ny loharanom-pamonjena sy mpiaro fotsiny Izy, fa mikatsaka ny fahombiazan’ny olony. Zava-dehibe ho an’ny mpanara-dia an’i Jesoa Kristy ny tso-drano sy ny fitahiana omeny. Manatrika sy eo anivon’ny mpino mandrakariva Izy. Tena Andriamanitra velona manatanteraka ny teny fikasany.

🌟 Fampaherezana: « Jehovah hiaro anao, na mivoaka na miditra, Hatramin'izao ka ho mandrakizay. » (8). Amena!

« Ny famindram-pon'i Jehovah no tsy nahalany ritra antsika, fa tsy mitsahatra ny fiantrany. Vaovao isa-maraina izany; le...
15/09/2026

« Ny famindram-pon'i Jehovah no tsy nahalany ritra antsika, fa tsy mitsahatra ny fiantrany. Vaovao isa-maraina izany; lehibe ny fahamarinanao. »
‭‭➖ Fitomaniana‬ ‭3‬:‭22‬-‭23‬ ‭➖

Address

Morarano Andrangaranga Manakambahiny
Antananarivo
101

Telephone

+261332412608

Website

Alerts

Be the first to know and let us send you an email when FJKM Morarano Fiderana - Pejy Ofisialy posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to FJKM Morarano Fiderana - Pejy Ofisialy:

Shortcuts

Share

Category