15/12/2023
"AZA MATAHOTRA AN'IZAY ZAVATRA MITRANGA EO AMIN'NY MANODIDINA ANAO FA AOKA IANAO HIFIKITRA AMIN'NY TENIN'ANDRIAMANITRA"
Raha mahatsiaro ianao fa misy zavatra mampatahotra anao na mahatsapa ianao fa tandindomin-doza dia tsarovy fa mahatoky amin'ny teniny ANDRIAMANITRA ary ny Tanany dia ampy hiaro sy hamonjy anao.
Raiso ny Tenin'ANDRIAMANITRA ho AMPINGA sy FIAROVAN-TRATRA ho anao.
Raiso ny SALAMO 91: 1-11,
Ary na hoy ary ianao hoe mbola tsy tena haiko ny mivavaka dia averimbereno ary raiso amin'ny finoana ity Salamo ity fa MAHERY NY TENIN'ANDRIAMANAITRA ARY TSY MAINTSY MISY FIANTRAIKANY.
"Ny mitoetra ao amin'ny fierena izay an'ny Avo Indrindra.
Dia monina eo ambanin'ny aloky ny Tsitoha.
Izaho hilaza an'Jehovah hoe: Fialofako sy batery fiarovana ho ahy Izy.
Ary Andriamanitro Izay hitokiako.
Fa Izy no hanafaka anao amin'ny fandriky ny mpihaza sy ny areti-mandoza.
Ny volon'elany na anaronany anao, Ary ao ambany elany no hialofanao;
Ho ampinga kely sy ampinga lehibe ny fahamarinany.
Tsy hatahotra ny horohoro nony alina ianao.
Na ny zana-tsipika manidina nony andro,
Na ny areti-mandringana mandeha amin'ny maizina,
Na ny fandringanana mandripaka amin'ny mitataovovonana.
Na dia hisy arivo aza lavo eo anilanao sy iray alina eo ankavananao,
Dia tsy hihatra aminao izany.
Hijery maso fotsiny ianao,
Ka ho hitanao ny hamaliana ny ratsy fanahy.
Satria hoy ianao: Jehovah o, Ianao no aroko,
Sady nataonao ho fonenanao ny Avo Indrindra,
Dia tsy hisy loza hanjo anao,
Na aretina hanakaiky izay lainao.
Fa Izy handidy ny anjeliny ny aminao
Mba hiaro anao eny amin'izay rehetra alehanao."
