23/04/2026
Mofonaina 23/04/26
Rom.8:31-36
Amin'izao fiainana sarotra izao dia misy ady maro izay mila toherintsina Kristiana, indrindra ady ara-panahy hanoherana an'ny satana.
Mampandresy antsika ny Tompo :
1. Momba sy mamonjy antsika Izy (and. 31-32)
- Rehefa miaraka amin'ny Tompo sy mino Azy ny olona dia tsy hahatohitra
- Mampandresy antsika ny Tompo, Raha Andriamanitra no momb antsika
- Ny Zanany Lahitokana no natolony nisolo voina antsika, miaro syolba antsika Izy
- Omeny maimaim-poana ho an'izay mino an'i Jesoa avokoa ny zavatra rehetra
- Noho izany, matokia ny fomba an'Andriamanitra antsika
- Hoy Jesoa :" Indro Izaho momba anareo mandrakariva ambara-pahatongan'ny fahataperan'izao tontolo izao" Mat.28:20
- Tsy mahavita tena irery isika olona fa tsy maintsy miaraka amin'ny Tompo.
- Aza miherikerika foana, fa halany antsika vao mandika ny didiny tsy mino Azy.
Mampandresy antsika ny Tompo :
2. Manamarina sy mifona ho antsika Izy (and. 33-34)
- Satana no miampanga ny olona marina. Tanjon'ilay ratsy ny halana baraka sy mitarika ny olona tsy hino an'i Kristy.
- Hampangain'ilay ratsy ny olom-boafidiny andeha amin'ny tsy fahamarinana, handainga sy hanota.
- Manoloana izany, dia tsy maintsy miady manohitra an'i Satana isika mpino. Fa Kristy dia miady ho antsika mba handresy tahaka Azy ny mpino
- Dingana 4 nataon'i Jesoa manamarina antsika sy mampandresy antsika and.34:
a) Jesoa no efa maty: Nanao vy very ny Ainy ny Tompo
b) Nitsangana tamin'ny maty : Velona Izy, tsy nahatana Azy ny fasana, efa resiny ny fahafatesana.
d) Mitoetra eo amin'ny tànana ankavanan'Andriamanitra : Tonga amin'ny fahefany Jesoa, manana hery sy fahefana rehetra eo anilan'ny Rainy
e) Mifona ho antsika: Tsy mitsahatra mivavaka mitondra ny fahotan'ny olona Izy, manana Mpisolo vava isika
- Jesoa no manamarina antsika, sy mamindra fo antsika ho an'izay mibebaka marina tokoa
- "Raha miaiky ny fahotantsika isika dia mahatoky sy marina Izy ka mamela ny fahotantsika sy manadio antsika ho afaka amin'ny tsy fahamarinana rehetra. Raha hoy isika : Tsy manota isika, dia mampandainga Azy, ary ny teniny tsy ato anatintsika" IJao: 9,10
Mampandresy antsika ny Tompo :
3. Aza misaraka Aminy na inona mitranga(and. 35-36)
- Inona no hahasaraka antsika amin'ny fitiavana an'i Kristy ?
- Tsy misy, zavatra mpahazo ny rehetra ireo tanisain'i Paoly ireo hoe: "Fahoriana va, sa fahantrana, sa fanenjehana, sa mosary, sa loza, sa sabatra ?.
- Na inona mitranga sy midona, tsy tokony hisy hampihemotra, na hampiala Aminy
- Ireo dia tranga mety ho fizahan-toetra ny finoana, hampandroso anao amin'ny fanoloran-tena marina.
- Ao anatin'ny fotoan-tsarotra indrindra ny Tompo no mamonjy sy manafaka antsika, raha mino sy matoky Azy antsika.
- Ianao mivavaha mandrakariva, mirosoa hatrany, aza misaraka amin'Andriamanitra na inona mitranga na inona midona.
- Fa tsy maintsy sedraina ny finoantsika mba hanehoana fa matoky Azy marina tokoa isika, ka mendrika tolorana ny fandresena.
- "Aoka ho mahatoky hatramin'ny fahafatesana ianao, dia homeko anao ny satro-boninahitra fiainana" Apok. 2:10b
- Aza kivy mahereza hatrany, na inona zava-mitranga ary na inona zava-manjo, fa tsy misy hampiala hahasaraka antsika amin'ny fitiavana an'i Kristy.
- Mazotoa mivavaka sy manompo an'Andriamanitra mandrakariva. Na iza hanenjika sy hanaratsy, fa ianao dia miorina mafy.
Ho an'Andriamanitra irery ny voninahitra
