https://www.facebook.com/134301190680/

STK Za - FJKM Avaratr'Andohalo

Home
Madagascar
Antananarivo
STK Za - FJKM Avaratr'Andohalo

Sampana Tanora Kristiana Zandriny eto amin'ny FJKM Avaratr' Andohalo, Synodamparitany Antananarivo Atsinanana (SPAA 12).

Manana Rantsana 5 ny STK Za (Sampana Tanora Kristiana Zandriny):
1) Hira
2) Aim-panahy sy sosialy
3) Fanabeazana sy Teny vahiny(English club)
4) Fanatanjahan-tena
5) Famokarana (loharanom-bola maharitra)

05/06/2026

Misaona ny Sampana Tanora Kristiana Zandriny ✝️

Nodimandry ny namanay, Ny Ony, izay anisan’ireo nandray anjara mavitrika teo amin’ny fiainan’ny STK Za Avaratr’Andohalo nandritra ny taona maro.

Niditra tao amin’ny STK Za izy ny taona 2013 ary nanolo-tena tamin’ny asa fanompoana sy ny fiainam-pikambanana. Nitana andraikitra tao amin’ny Komity Rantsana Sosialy izy nandritra ny taona 2015–2016 ary ny taona 2019. Tamin’ny taona 2016 ihany koa no nananganany ny Rantsana Seho an-tsehatra sy Dihy, fanehoana ny finiavany hampivelatra sy hampanan-karena hatrany ny fiainan’ny STK Za tamin’izany.

Tsaroanay ny fanomezany lanja ny andraikitra nankinina taminy sy ny fandraisany anjara mavitrika tamin'ireo fotoana niarahana taminy.

Ny Sampana Tanora Kristiana Zandriny Avaratr’Andohalo dia miara-miombona alahelo amin’ny fianakaviany sy ireo havany ary mivavaka ho azy ireo amin’izao fotoan-tsarotra izao.

“Fa izaho no fananganana ny maty sy fiainana; izay mino Ahy, na dia maty aza, dia ho velona indray.” (Jaona 11:25)

Mandria am-piadanana Ny Ony 🤍🕊️

01/06/2026

INY LALANA INY ...

Sahanasa nokarakarain'ny Rantsana Fanatanjahantena niaraka tamin'ny Rantsana Fanabeazana sy Tenim-Pirenena tamin'ny Sabotsy 29 Mey 2026 lasa teo teny Ilafy. "Randonnée"🏃 nahafahana nampitombo ny fahalalana ara-tsoratra masina 📖, ny fahalalana ankapobeny 🧑‍🏫, ary ny fahaizana teny vahiny 🇨🇵🇺🇸 no natao tamin'izany.

Ireto misy sary vitsivitsy nanamarika iny tontolo andronay iny.

Soli Deo Gloria.

13/05/2026

✨️ PENTEKOSTA MANAVAO • PENTEKOSTA MAMPIFALY ✨️

Ho avy indray ny fotoana hiarahana am-pifaliana sy firaisam-po amin’ity Alatsinainin’ny Pentekosta 2025 ity 🌿
📍 Eny Ilaivola, mandritra ny fitsangatsanganan’ny Fiangonana.

Ireto avy no atolotry ny STK Za ho anareo (ao amin’ny sary ny andinindininy) :

🍽️ Sakafo atoandro
• Riz + Poulet aux champignons + Lasary

➡️ Azo jifaina eo an-tokontanim-piangonana
🥤 Yaourt à boire izay vokarinay manokana 0,5L na 1L

🎮 Tournoi E-sport
Ho an’ireo te handray anjara dia misorata anarana ao amin’ny hafatra miafina (message privé) 📩

“Endrey, tsara sady mahafinaritra raha ny mpirahalahy no miara-monina.” Salamo 133 : 1

Tongava maro ary hiara-hankalaza ao anatin’ny hafaliana, fifankatiavana ary ny herin’ny Fanahy Masina 🙏🔥

02/05/2026

📅 Sabotsy 02 Mey 2026

🙏 Fianarana mivarotra, Tanora Kristiana mandraharaha, fanomanana ny fihaonambe any Nosy Be 2026...
Ireo indray ary ny sahanasa notontosaina androany tao amin'ny **STK Zandriny FJKM Avaratr'Andohalo** ! 🏛️✨

Tao anatin'izany no nianarana fa **tena misy ny fenitra izay tokony harahina amin'ny maha-Kristiana** : 🌟

✅ Eo amin'ny kalitaon'ny akora ampiasaina sy ny vokatra azo avy eo
✅ Eo amin'ny fivarotana — ao anatin'ny tsikitsiky hatrany 🤝
✅ Eo amin'ny fandraisana ireo sosokevitra fanatsaràna rehetra📈

💡 Ireo rehetra ireo dia tena tsara ampiharina amin'ny fiainana andavanandro — tsy eo amin'ny sehatry ny varotra ihany, fa amin'ny zavatra rehetra atao ho voninahitr'Andriamanitra ! 🙌
🏝️ Sady ho fanohanana ny amin'ny fandehanana any Nosy Be amin'ny Aogositra 2026 e!

Koa dia manentana anareo rehetra 📣 hanjifa ny vokatra misy ato aminay, amin'ny alalan'ny tapakila / billets 🎟️, azo alaina any amin'ireo mpikambana !

🙏 Ho an'Andriamanitra irery ny voninahitra ! 🕊️

20/04/2026

Misaotra an' Andriamanitra lehibe izahay fa vita soa aman-tsara indray ny sahanasa nokarakarain'ny Rantsana Fanabeazana sy Tenim-pirenena niaraka tamin'ny Rantsana Fanatanjahantena. Tamin'ny Sabotsy 18 Aprily 2026 lasa teo no nanaovana izany tao amin'ny CEG Avaradrova.

"INNER JOY WITH JESUS" na "Fifaliana anaty miaraka amin'i Jesoa" no lohahevitra nifantohana tamin'izany. Nisy ny fampianarana narahina fampiharana izay niarahana tamin'ny Peace Club Madagascar ka toy izao no tsara ifampizaràna mba hiainana izany fiainam-pifaliana araka ny sitrapon'i Jesoa izany:
👉 Giving (manome, fitiavana mizara amin'ny hafa)
👉 Positive speech (fiteny miabo, fitenenana zavatra tsara amin'ny hafa)
👉 Helpful (fitiavana manampy ny hafa)
👉 Consistency (fitozoana amin'izay zavatra atao)

Rehefa faly isika dia afaka mitondra hafaliana ho an'ny manodidina antsika ihany koa. 😊 Taorian'ny fampianarana dia nilalao basketball izahay. 😄⛹️

Dia toy izay ny Sabotsinay farany teo ... 😁

Ho Azy Tompo irery hatrany ny voninahitra.

05/04/2026

" Fa rehefa mitafy ny tsy fahalovana ity mety lo ity ary mitafy ny tsy fahafatesana ity mety maty ity, dia ho tanteraka ny teny voasoratra hoe: Ny fahafatesana noresena ka levona." (I Korintiana 15, 54)

Ny Sampana Tanora Kristiana Zandriny eto amin'ny FJKM Avaratr' Andohalo dia faly miarahaba sy mirary soa ny mpanaraka ny pejy noho ny fahatrarana izao P***a 2026 izao. Samia hotahian' Andriamanitra, ry havana. 😇

16/03/2026

Sabotsy 14 Martsa 2026: "TEAM BUILDING"

Isaorana an' Andriamanitra lehibe ny fahatanterahan'ny sahanasa voalohany tamin'ity taona ity. Tsy inona izany fa ny "Team building" izay nokarakarain'ny Rantsana Aim-Panahy sy Sosialy niaraka tamin'ny Rantsana Famokarana sy Fanatanterahana ny Asa. Teny amin'ny "Les Chalets" Soavinimerina no nanaovana izany tamin'ny Sabotsy 14 Martsa lasa teo.

Nafantoka tamin'ny I Korintiana 12, 27 ny tontolo andro: "Ary ianareo no tenan'i Kristy, ka samy momba ny tenany avokoa araka ny anjaranareo avy." Ny Mpitandrina RAKOTOMAHANDRY Hajasoa no nitondra ny fampianarana ka toy izao no hafatra ifampizaràna:

1) Tsy azo sarahina izay rehetra momba ny tenan'i Kristy. Izany hoe tokony hiara-hiasa hatrany ny olona rehetra ao amin'ny fiangonana, mpikambana rehetra ao amin'ny Sampana.
2) Samy manana ny anjarany na ny andraikiny avy ny olona tsirairay ao amin'ny tenan'i Kristy (fiangonana/ Sampana) ary mifameno izy ireo.
3) Manome voninahitra an' Andriamanitra izay rehetra momba ny tenan'i Kristy. Izany hoe kendrena mba ho voninahitr' Andriamanitra hatrany ny asa rehetra izay ataontsika mpino Azy.

Taorian'ny fampianarana dia nisy ny lalao samihafa izay nanamafisana ny fahaizan'ny mpikambana miray hina sy miara-miasa. Tsy hadino ihany koa ny lalao momba ny Soratra Masina sy ny fiainan'ny STK.

Dia ho an' Andriamanitra irery tokoa ny voninahitra amin'ny asa rehetra izay tanterahina eto anivon'ny STK Za.

05/02/2026

Salama daholo indray ô! 😊

Ho fanamafisana ny antso sy fanentanana izay efa natao:
Ny FIVORIAMBE VOALOHANY amin'ity taona ity dia hatao ao amin'ny FJKM, Fitandremana Avaratr’Andohalo ny Sabotsy 7 Febroary 2026 ho avy izao manomboka amin'ny 2 ora tolakandro. Koa antsoina ny MPIKAMBANA REHETRA ato amin'ny STK Za - FJKM Avaratr'Andohalo mba ho tonga hanatrika izany ary hanao ho zava-dehibe ny lahadinika izay horesahahina amin'io andro io satria iankinan'ny fiainan'ny Sampana mandritra ity taom-piasàna 2026 ity izany. Samia mifampilaza ary aza hadinoina ny misoratra anarana any amin'ny tompon'andraikitra.

"Ary mahefà be mandrakariva amin'ny asan'ny Tompo." (I Korintiana 15, 58b)

03/02/2026

Alahady 01 Febroary 2026

Notanterahina tao amin'ny Akany Ralibera Daniel Ambavadahadimitafo ny fifampiarahaban'ny STK Zandriny eto Avaratr' Andohalo noho ny fahatrarana ny taona vaovao 2026. Toy ny mahazatra dia nisy ny fandraisana tamin'ny fomba ofisialy ireo mpikambana vaovao, ny fiaraha-misakafo, ny fiarahabana ireo mpikambana nahazo fahasoavana ary ny fanomezana mari-pankasitrahana ireo mpikambana navitrika tamin'ny taona lasa (2025). Nisy ihany koa ny fifanakalozana fanomezana sy ny lalao izay niombonan'ny rehetra.

Ny STK Za - FJKM Avaratr'Andohalo dia mirary taona feno fitahian' Andriamanitra sy fahombiazana ho antsika rehetra hatrany.

29/01/2026

Faly miarahaba antsika rehetra indray e! 👋 Inona no vaovao? ☺️ Ito no vaovao avy aty aminay.

Hotanterahina amin'ny Alahady 1 Febroary ho avy izao ny fifampiarahaban'ny STK Za - FJKM Avaratr'Andohalo noho ny fahatrarana ny taona 2026.

🗓️ Alahady 1 Febroary 2026 aorian'ny fandraisana ny fanasan'ny Tompo
🏢 Ao amin'ny Akany Ralibera Daniel Ambavahadimitafo
🥙 Fandraisana anjara: 7000 Ar isan'olona
🎁 Hisy ny fifanakalozana fanomezana satria fety ny andro (3.000 Ar ka hatramin'ny 5.000 Ar). Ataovy an'ilay zavatra tianao hahatsiarovan'ny olona anao iny mihitsy an! 😅

Amin'io andro io ihany koa no handraisana amin'ny fomba ofisialy ireo olona rehetra izay mikasa hanatevin-daharana ny Sampana amin'ity taona ity. Ao anatin'izany ireo mpandray vaovao andiany VALIN'ANTSO izay natokana farany teo. Koa entano àry ny namana dia tongava maro e! 😄

Mandefasa hafatra miafina ato amin'ny pejy alohan'ny rahampitso Zoma raha hisoratra anarana fa ho avy ianao.

Mirary soa, hotahian' Andriamanitra daholo. 😇

Address

FJKM Avaratr'Andohalo
Antananarivo
00101

Website

facebook.com

Alerts

Be the first to know and let us send you an email when STK Za - FJKM Avaratr'Andohalo posts news and promotions. Your email address will not be used for any other purpose, and you can unsubscribe at any time.

Shortcuts

Want your place of worship to be the top-listed Place Of Worship in Antananarivo?