https://www.facebook.com/115791881455360/

Manako isan'andro, AVB 69 Itaosy, Antananarivo (2026)

17/06/2026

Lioka 18.9-14 (Tapany faha-2)
Ilay Fariseo sy ilay mpamory hetra

❎Mitodika 'ny mpivavaka indray i Jesoa eto. Samy tonga tao amin'ny tempoly izy roa lahy. Samy nivavaka. Samy nitodika tany amin'Andriamanitra. Kanefa tsy nitovy ny zavatra nentiny teo anatrehany.
⏩Fariseo :
Nitondra ny fahamendrehany. Nitanisa ny zava-bitany. Nirehareha t@ezaka nataony. Nampitaha ny tenany t@hafa. Nihevitra ny tenany ho marina. Raha tsorina dia toa ny tenany ihany no tena nojereny tao nataony.

⏩Mpamory hetra :
Nahatsapa ny fahotany, niaiky ny tsy fahamendrehany ary tsy nanana afa-tsy fangatahana iray: "Andriamanitra ô, mamindrà fo amiko fa mpanota aho." Tsy nitondra ny zava-bitany izy. Tsy nitondra fanamarinana ny tenany. Tsy nitady hampiseho ny maha-tsara azy fa niankina tanteraka t@Andriamanitra. Fantany fa ny hany azony ianteherana dia ny famindram-pon'Andriamanitra. Ary io no fototry ny vavaka marina. Noho izany dia ilay mpamory hetra no nody voamarina fa tsy ilay Fariseo.

🙏Ny vavaka dia :
❌❌Tsy toerana anehoantsika hoe mendrika isika.
❌❌Tsy toerana itanisantsika ny ezaka nataontsika mba hahazoantsika ny fitahiany.
❌❌Tsy toerana hampitahantsika ny tenantsika amin'ny hafa.

Fa toerana ahatsapantsika indray hoe iza Andriamanitra ary iza isika eo anatrehany.
❎Ny vavaka marina :
⏩Tsy mitodika amin'ny tenantsika na amin'ny zava-bitantsika, fa mitodika amin'Andriamanitra.
⏩Tsy mampiseho ny halehiben'ny herintsika izy io, fa mampiseho ny halehiben'Andriamanitra sy ny filantsika Azy.

❎Eo no ahatsiarovantsika fa Andriamanitra no Mpitsara marina rehefa mila rariny isika. Izy no Ray be famindram-po rehefa mila famelan-keloka isika. Izy no Mpamonjy satria tsy mahavonjy ny tenantsika isika. Ary Izy no manamarina ny mpanota izay manatona Azy amin'ny finoana@alalan’i Jesoa Kristy.

❎Noho izany, ny faharetana asehon'ilay mpitondra-tena t@fanoharana voalohany sy ny fanetren-tena asehon'ilay mpamory hetra eto dia tsy toetra roa samihafa, fa samy mipoitra avy amin'ny zavatra iray ihany: fo iray izay mahalala fa mila an'Andriamanitra.

⏩Arakaraka ny ahafantarantsika ny filantsika Azy no hahatonga antsika hanatona Azy matetika kokoa.
⏩Arakaraka ny ahafantarantsika ny fahasoavany no hahatonga antsika tsy hiantehitra amin'ny tenantsika.
⏩Ary arakaraka ny ahitantsika ny halehiben'ny famindram-pony no hahatonga antsika hiala amin'ny fireharehana sy ny fampitahana tena amin'ny hafa.

Satria eo anatrehan'Andriamanitra,
❌❌Tsy ny olona matanjaka indrindra no voamarina,
❌❌Tsy ny olona mendrika indrindra no ekena, fa izay manaiky manatona Azy am-paharetana sy am-panetren-tena, amin'ny finoana sy ny filàna Azy.
"Fa izay rehetra manandra-tena no haetry; ary izay manetry tena no hasandratra." (Lioka 18.14)

Fanontaniana ho saintsainina:
⏩Mbola maharitra mivavaka ve aho rehefa tsy mbola hitako ny valiny?
⏩Mivavaka amim-pinoana ve aho sa mora kivy?
⏩Mifantoka amin'Andriamanitra ve ny vavako sa amin'ny fahamendrehako sy ny zava-bitako?
⏩Sao dia variana mijery ny hafa aho ka manadino fa ny famindram-pon'Andriamanitra ihany no iankinako?

17/06/2026

Lioka 18.1-14 (tapany voalohany)
MAHARETA @ FIVAVAHANA

Mampianatra antsika haharitra hivavaka amim-pinoana sy amim-panetren-tena Andriamanitra
Fanoharana roa samy miresaka vavaka no hita eto :
⏩Ny mpitondra-tena sy ny mpitsara tsy marina(Lioka 18.1-8)
⏩Ny Fariseo sy ny mpamory hetra (Lioka 18.9-14).

Fanoharana samy mampiseho sy mametraka fanontaniana lalina ho antsika :
⁉Manao ahoana ny toe-poko rehefa mivavaka sy manatona an'Andriamanitra?

1⃣Ilay mpitondra-tena (Lioka 18.1-8)
⏩Tsy ny faharetan’ilay mpitondra-tena fotsiny no asongadin’i Jesoa eto, fa koa ny fahatokisany fa misy olona afaka manome ny rariny ilainy. Tsy nanana hery hiaro tena izy, tsy nanana fahefana, tsy nanana vahaolana hafa. Izany indrindra no nanosika azy hiverimberina manatona ilay mpitsara. Na dia fantany aza fa tsy natahotra an'Andriamanitra ilay mpitsara ary tsy niraharaha olona, dia tsy nitsahatra izy nitalaho mandra-pahazoany rariny.

⏩Toy izany koa ny vavaka. 🙏Tsy mifantoka na ny fahombiazantsika, na -mitranga manodidina antsika fa amin'ny fahatsapantsika fa mila an'Andriamanitra isika. Mivavaka isika satria mahatsapa fa tsy hary ho voafehintsika na hary ho vitantsika avoka ny zavatra rehetra, eny na dia mety manana hery sy fahefana araka ny fijerin’izao tontolo izao ihany aza isika. Misy ady mety tsy voafehintsika, misy ratra tsy vitantsika sitranina, misy fanontaniana tsy hain'ny saintsika valiana.

🙏🙏Ny vavaka dia fankatoavana fa tsy ampy ny tenantsika ary misy Andriamanitra Mahefa sy Mifehy ny zavatra rehetra tia antsika sy azontsika atonina.

⏩⏩Izany no antony ampahatsiahivan'i Jesoa antsika fa Andriamanitra dia tsy tahaka ilay mpitsara tsy marina.
❌Raha ilay mpitsara aza nony farany nanome rariny noho ny faharetan'ilay vehivavy, dia mainka fa Andriamanitra izay tsara, Mpitsara Marina, tia sy miahy ny olony.
❌Tsy mila resena lahatra Andriamanitra vao mihaino antsika. Tsy leo ny antson'ny zanany Izy. Tsy manelingelina Azy ny fitaraintsika. Afaka mitaraina Aminy andro aman'alina isika satria fantany ny zavatra ilaintsika ary miahy antsika Izy.
❌Ny olana matetika dia tsy ny fahavononaNy hihaino, fa ny fahasarotantsika matoky Azy rehefa mangina Izy na rehefa toa tara ny valiny.

⏩Izany no ametrahan'i Jesoa ilay fanontaniana mampieritreritra: "Kanefa raha avy ny Zanak'olona, moa hahita finoana etỳ ambonin'ny tany va Izy?"
Satria ao anatin'ny fiandrasana no miseho matetika ny tena toetry ny finoantsika. Mora ny matoky rehefa mazava ny valiny; sarotra kokoa ny mitohy manatona an'Andriamanitra rehefa mbola tsy hitantsika izay ataony.

13/06/2026

Lioka 17: 20 - 37
NY MOMBA NY FANJAKAN'A/TRA SY NY FIVERENAN'I JESOSY KRISTY

1⃣Fanotanian'ny fariseo momba ny fanjak' Andriamanitra:
📖And 20 - 21 " tsy misehoseho no fihavian'ny fanjak Andriamanitra....., fa indro ny fanjak Andriamanitra dia ao anatinareo"

⏩Maro tamin'ireo jiosy, indrindra fa ny Fariseo no nanantena fa ny fahatongavan'i Mesia dia hanafaka azy ireo amin'ny fanjanahan'ny Romanina.❌❌

⏩Tao ihany koa no nieritreritra fa hanorina fanjakana matanjaka eto an-tany ny Mesia ka hamerina indray ny voninahitr'Israely.

⏩⏩Noho ireo antony ireo no nahatonga azy ireo nanontany an'i Jesosy Kristy ny amin'ny andro hihavian'ny fanjakan'Andriamanitra.

2⃣Valin'ny nomen'i Jesosy azy ireo:
📖"Ny fanjakan'Andriamanitra dia ao anatinareo" . Fanjakana ara- panahy no tian'i Jesosy resahina eto fa tsy araka ny noeritreretin' izy ireo hoe fanjakana hita maso sy politika. " Tsy avy amin'izao tontolo izao ny fanjakako" jaona 18: 36

💡Lesona:
Ao anatintsika ny fanjakan'Andriamanitra, satria ny Fanahy Masin'Andrimanitra no nampitoeriny ao ampontsika fony vao nibebaka sy nandray an'i Kristy ho mpamonjy ny fianantsika Izy.

2⃣Ny fiverenan'ny Zanak'olona:
📖And 22 - 25" Ary hoy Izy tamin'ny mpianatra: ho avy ny andro hanirianareo hahita ny anankiray amin'ny andron'ny Zanak'olona .... Fa tsy maintsy mijaly mafy Izy aloha ka holavin'ity taranaka ity.

❌❌Nampitandrina ireo mpianany eto i Jesosy fa tsy tokony hanaraka olona milaza hoe "indro ety na indro ety Kristy " satria tsy ho miafina ny fiverenan'ny Kristy ary ho hitan'ny olona rehetra izany.

And 26-30 andron'ny Noa sy Lota:
⏩Naka ohatra tamin'ny andro ny Noa sy Lota izy eto satria tamin'izany andro izany dia mbola nisotro, nihinana , nampaka-bady ny olona , nanoy hatrany ny fiainany fiainanany andavan'andro. Tsy niomana tamin'ny fitsaran Andriamanitra. Hany ka rehefa tonga ny safondrano sy ny afo nisy solifara dia loza ny nahazo azy ireo.
Hitovy tsy misy valaka toy izany ihany koa n'y amin'ny andron'ny Zanak'olona.

💡Lesona :
⏩Mila miomana mandrakariva isika Kristianina ny amin'izany fihavian'ny Tompo izany eny fa na dia eo aza ny asa amandraharara izay fanaontsika isan'andro.
⏩Mila mihevitra mandrakariva ny momba an Andriamanitra fa tsy ny ara-nofo ihany. Sao sanatria ho isany ireo tavela fa tsy isan'ireo hiaraka hitsena an'i Tompo.

11/06/2026

Lioka 16:1-15
ILAY MPITANTANA TSY MARINA

📖And 2 ".... Manaova tatitra n'y amin'ny fitantananao ny fananako; fa tsy mahazo mitantana ny fananako intsony ianao";

❌❌Raha vakiana maimaika eto ity fanoharana nampianaran'i Jesosy Kristy ho an'i mpianatra sy ny fariseho dia toa hoatran'ny manome dera ity mpitantana tsy marina ity izy eto.

Ny tanjon'i Jesosy anefa eto dia tsy ny hankasitraka ny tsy fahamarinan'ilay mpitantana tsy marina fa ny hampianatra
⏩Ny tokony hiomanana amin'ny ho avy:.
Rehefa voaroaka tamin'ny fitantana ny harena sy ny fanan'ny tompony mantsy izy, ny tao antsainy dia ny mety hiafaran'ny fiainany. Hoy izy eto: " ny miasa tany dia tsy tratry n'y aiko, ny mangataka dia mahamenatra ahy" and 3

💡Hevitra hitany , dia nampitso sy ny nampihena ny trosan 'ireo olona anan'ny tompony trosa izy. Hevitra izay tena nideran'ny tompony azy noho ny faranitan-tsaina nananany noho mety ho avy ny fiainany.

💰 Ireo mpitantana fanany ireo mantsy teo amin'ny firenena jiosy dia tena nanana fahefana lehibe tamin'ny fanany tompony eny fa na dia tsy tompony mivantana izy ireo.

💰Izy ireo no manangona ny vola, harena sy hofatany ary ny trosan'ny tompony.
Mbola izy ihany koa no mitahiry sy mizara vokatra (varimbaza , menaka oliva sns ...)
Fa indrindra manao fifanarahana ara-barotra amin'ny anaran'ny tompony.

⏩Tokony hampiasa ny harena amin'ny fomba tsara ( and 9 -13):
Ny harena ara nofo dia fitaovana nomen Andriamanitra ary mandalo sy miserana ihany izy ireny, ka tokony tsy hiateherana. Fa kosa fitaovana azo ampiasaina mba hanaovana ny soa sy ny fifandraisana tsara izy ireny.

Ireo fariseo:
📖" Ary ireo Fariseo izay fatra- pitia vola, raha nadre izany rehetra izany, dia naneso an'i Jesosy. Dia hoy Jesosy tamin'ny : mpanamarin-tena eo anatrehan'ny olona ianareo, nefa Andriamanitra mahafantatra ny fonareo" and 14-15

Ny hafatra tian'i Jesosy ho hampitaina ho an'ireto Fariseo ireto ihany koa dia n'y amin'ny fomba fitantana'izy ireo n'y vahoaka jiosy izay. Nomen Andriamanitra andraikitra hitarika sy hampianatra ny lalana izy ireo, kanefa tsy izay no tena ataon'izy ireo fa ny tombotsoany no tena trandrahany manokana.

⏩Tsy fantany anefa fa mpitantana fotsiny izy ireo fa tsy tompony n'y fahefana izay ananany
⏩Mbola tsy maintsy hampamoahan Andriamanitra n'y andraikitra izay notantanany, tahak'ilay mpitantana tsy marina teo.

❎Lesona ho antsika ihany koa:
⏩Tena mila miomana ny ho avy ara -panahy isika. Eto ilay mpitantana tsy marina, nanomana ny fiainana ho avy , eny fa na dia ny fiainana antany aza no nomaniny. Maika fa isika zanak Andriamanitra, mila tena manomana izany mandrakariva.
⏩Mila mahatoky tanteraka ny amin'ny fitantanana ny harena sy ny fananana izay omen'Andriamanitra antsika ( vola, harena, fotoana , fahasslamana sns...)
⏩Hampiasa izany , ho fanatsarana ny fifandraisana amin'ny hafa sy ho fampiroboroboana ny fanjakan Andriamanitra.

10/06/2026

Lioka 15.1–10 (Tapany faha-2)
FA TSY MISY MARINA NA DIA IRAY AZA

Efa hitantsika teo aloha teo fa tsy ny olombelona no mifidy an’Andriamanitra fa Andriamanitra no mitady sy mamonjy ny Azy. Mitondra inona ho an’ny olona ary ny fahafantarany fa very izy?

1⃣Fahadisoan’ny fiheveran-tena ho marina:
Raha mbola tsy mahalala sy miaiky isika olombelona fa “very sy mila an’Andriamanitra” dia mety hitondra tena toy ireto Fariseo sy mpanora-dalàna izay mihevi-tena ho marina ireto, hany ka maneho toe-panahy mampitaha tena @ hafa.

Saingy ny Baiboly dia milaza mazava :
⏩“Fa samy efa nanota izy rehetra ka tsy manana ny voninahitr’Andriamanitra.” (Romana 3.23)

Noho izany, tsy misy “marina amin’ny tenany” isika olombelona eo anatrehan’Andriamanitra. Ny fahamarinana dia azo amin’ny fibebahana sy ny finoana. (Romana 5.1)

⏩Tsy valin’ny fahamendrehantsika ny famonjena FA HETSIKA AVY AMIN’ANDRIAMANITRA ALOHA. Tsy valin’ny ezaka nataontsika. Fa fitiavan’Andriamanitra antsika mialoha, fitiavana mitady, fitiavana tsy miandry hahita fahamarinana vao miasa fa Izy Andriamanitra mihitsy no miditra an-tsehatra hamonjy antsika mpanota.

2⃣Fifalian’Andriamanitra @ fibebahana:
📖Ny Lioka 15 dia mifarana amin’ny teboka manan-danja: fifaliana any an-danitra rehefa misy mpanota iray mibebaka.

Eto dia aseho fa sarobidy amin’Andriamanitra ny olona tsirairay, na dia iray monja aza.

⁉Ny fanontaniana apetraNy amintsika dia tsy hoe: “manao ahoana ny fahamarinanao?”, fa hoe: “efa nanaiky ve ianao fa very?” Satria raha mbola mihevitra ny tenantsika ho mahitsy isika, dia mbola tsy mahita Ilay mitady. Fa rehefa miaiky fa very, vao mahita Ilay tsy mitsahatra mitady antsika : Andriamanitra.

⏩Ary rehefa hitaNy isika, dia tsy entiNy ho toy ny olona tsy mendrika intsony, fa entiNy am-pitiavana mody — toy ny ondry eo an-tsoroky ny mpiandry, toy ny zavatra sarobidy tazonina am-pifaliana feno.

⏩OmeNy lanja sy voninahitra eo anatrehaNy sy eo anatrehan’ny hafa koakoa ny mpanota miaiky ny fahotaNy noho ny olona “mihevi-tena ho marina”. Toy ilay ondry sy farantsa nifalian’ny tompony imason’ny namany.

📖Hafatra:
⏩Very ny olona raha tsy Andriamanitra no mitady azy
⏩Sarobidy amin’Andriamanitra ny mpanota iray mibebaka
⏩Tsy ezaka na fitsarana no fototry ny famonjena, fa fitiavan’Andriamanitra antsika voalohany izay mitady sy mamonjy; eny na fony mbola malemy sy mpanota aza isika
⏩Andao tsy hihevitra ho afaka mamonjy tena
⏩Andao tsy ho variana mitsara ny hafa na variana mampitahy ny tenantsika amin’ny hafa
⏩Miantso antsika i Jesoa hibebaka fa Andriamanitra no efa mitady antsika ary hino fa Izy no mamonjy sy manamarina antsika ’I Jesoa Kristy Ilay Hany Marina
⏩Aoka isika hiara-mifaly amin’ny asan’Andriamanitra mamonjy ny oloNy

Ny kristiana koa dia antsoina “handrehitra jiro” — izany hoe hitondra ny fahazavan’i Kristy hitady ny very, tahaka ny nataon’Andriamanitra tamintsika.

“Izaho no fahazavan’izao tontolo izao.” hoy I Jesoa (Jaona 8.12)

10/06/2026

Lioka 15.1–10
ANDRIAMANITRA MPITADY NY VERY (Tapany voalohany)

Vao avy nampianara sy nananatra mafy mahakasika ny fanoloran-tena feno amin’Andriamanitra sy ny toetra maha-mpianatra tamin’ny vahoaka maro i Jesoa teto (Lioka 14). Tsy nampihemotra ny vahoaka anefa izany fa vao maika nandrisika azy ireo hanatona Azy am-pahatsorana.

1⃣Toe-javatra sy fifanoherana ara-panahy:
⏩Ny Lioka 15 dia manomboka amin’ny fifandirana ara-pomba fijery: manatona an’i Jesoa ny mpamory hetra sy ny mpanota, kanefa mimenomenona ny Fariseo sy ny mpanora-dalàna satria mihevitra fa tsy tokony hiaraka amin’ny “tsy marina” Izy.

⏩Jesoa dia mamaly izany amin’ny alalan’ny fanoharana momba ny ondry very sy ny farantsa very.

2⃣Ny fahaverezan’ny olombelona
⏩Misy zavatra lalina asehon’i Jesoa eto. Zavatra mety tsy tian’ny fon’olombelona ekena mora foana. Satria tsy milaza Izy hoe “miverena na miezàha mitady an’Andriamanitra”, fa mampiseho aloha Izy hoe: very ny olona, ary tsy mahavita miverina irery amin’Andriamanitra TompoNY sy Mpiandry azy.

📖Ao amin’ireo fanoharana roa ireo dia aseho mazava ny toetry ny olona very:
🐑Ny ondry: Zavaboary mora very, tsy manana fahaizana mitady lalana hiverenana. Tsy misy biby mora very noho ny ondry satria sady tsy dia miasa saina firy izy ireny no tsy mahita lalana hiverenana izany rehefa very. Vao maika aza toa makany amin’ny lalana tsy izy izy. Ary raha tsy ny mpiandry ordry no manapaka hevitra hitady azy dia very any izy.

🪙Ny farantsa: Zavatra tsy misy aina, tsy manana sitrapo, tsy manana fahatsiarovan-tena akory hoe very izy. Tsy afaka mihetsika na miantso vonjy.
Asehon’i Jesoa fa tsy manana fahafahana mamonjy tena ny mpanota raha tsy ny hetsika avy amin’Andriamanitra.

3⃣Andriamanitra no mpitady, fa tsy ny olombelona:
❌Tsy vitantsika ary tsy haintsika olombelona velively ny misafidy ny tsara na manatona an’Andriamanitra, fa “Andriamanitra no mitady ny very”.

Izany dia mifanaraka amin’ny Soratra Masina hafa :
📖“Fa Andriamanitra mampiseho ny fitiavany antsika, satria fony mbola mpanota isika, dia maty hamonjy antsika Kristy.” (Romana 5.8)
📖“Fa fony mbola tsy nanan-kery isika, dia maty tamin’ny fotoanany Kristy hamonjy ny ratsy fanahy.” (Romana 5.6)

⏩Midika izany fa ny famonjena dia hetsika avy amin’Andriamanitra aloha, tsy vokatry ny ezaky ny olona.

05/06/2026

2Samoela 7:18-29
Ny vavaka nataon’i Davida
1Tan 17.16-27
18Dia niditra i Davida mpanjaka ka nipetraka teo anatrehan’NY TOMPO ary niteny hoe: Zinona moa aho, TOMPO Andriamanitra ô? Ary zinona ny fianakaviako, no novimbininao ambaraka ankehitriny aho? 19Mbola ataonao ho zavatra kely ihany aza izany, TOMPO Andriamanitra ô; fa indro, efa voalazanao koa ny amin’ny taranaky ny mpanomponao hatramin’ny mbola any aoriana lavitra aza. Ary izany no fanaon’ny olona, RY TOMPO Andriamanitra ô. 20Koa inona intsony no holazain’i Davida aminao? Fa Ianao, RY TOMPO Andriamanitra ô, no mahalala ny mpanomponao. 21Noho ny teninao sy araka ny sitraponao no nanaovanao ireo zavatra lehibe rehetra ireo, hampahalalanao ny mpanomponao. 22Koa amin’izany dia lehibe Ianao, RY TOMPO Andriamanitra! Tsy misy tahaka Anao; tsy misy Andriamanitra afa-tsy Ianao raha araka izay rehetra ren’ny sofinay. 23Ary aiza moa no misy firenena etỳ an-tany tahaka ny Israely olonao, izay nalehan’Andriamanitra mba havotana ho olony sy hanaovany anarana ho Azy, ary hanaovany zavatra lehibe ho azy sy zava-mahatahotra ho an’ny taninao teo anatrehan’ny olonao, izay navotanao ho Anao avy tamin’ny firenen’i Ejipta sy ny andriamaniny? 24Dia nampitoerinao ho olonao mandrakizay ny Israely olonao; ary Ianao, TOMPO ô, no efa tonga Andriamaniny. 25Ankehitriny, TOMPO Andriamanitra ô, ilay teny nolazainao ny amin’ny mpanomponao sy ny taranany dia ampitoero ho mandrakizay ary ataovy araka izay nolazainao. 26Aoka hohalehibiazina mandrakizay ny anaranao ka hatao hoe Andriamanitra, Tompon’izao rehetra izao, Andriamanitry ny Israely! Aoka hampitoerina eo anatrehanao ny taranak’i Davida mpanomponao. 27Fa Ianao, ry Andriamanitra, Tompon’izao rehetra izao, Andriamanitry ny Israely, efa nilaza tamin’ny mpanomponao hoe: Izaho hanome taranaka anao; koa izany no nampahasahy ny fon’ny mpanomponao hanao izao vavaka izao aminao. 28Noho izany, RY TOMPO Andriamanitra ô, satria Ianao no Andriamanitra, ary marina ny teninao, ary Ianao efa nilaza izany zava-tsoa izany ny amin’ny mpanomponao, 29dia aoka ho sitrakao ny hitahy ny taranaky ny mpanomponao mba haharitra mandrakizay eo anatrehanao; fa efa niteny izany Ianao, RY TOMPO Andriamanitra ô; eny, aoka ny fitahianao no hitahianao ny taranaky ny mpanomponao mandrakizay.

04/06/2026

2Samoela 7:1-17
Ny hafatra nampitaina tamin’i Davida
1Tan 17.1-15
1Rehefa nipetraka tao an-tranony ny mpanjaka sady efa nampiadanin’NY TOMPO tamin’ny fahavalony rehetra manodidina azy 2dia hoy ny mpanjaka tamin’i Natana mpaminany: Endrey, izaho ity dia mitoetra amin’ny trano sedera, nefa ny vata misy ny faneken’Andriamanitra kosa mitoetra ao anaty tranolay! 3Dia hoy i Natana tamin’ny mpanjaka: Andeha, ataovy izay rehetra ao am-ponao, fa NY TOMPO no momba anao.
4Ny alin’iny ihany dia tonga tamin’i Natana ny tenin’NY TOMPO hoe: 5Andeha lazao amin’i Davida mpanompoko hoe: Izao no lazain’NY TOMPO: Ianao va no hanorina trano hitoerako? 6Tsy mbola nitoetra an-trano Aho hatramin’ny nitondrako ny Zanak’Israely niakatra avy tany Ejipta ka mandraka androany fa nifindrafindra tranolay sy nifindrafindra fonenana. 7Ary tamin’izay rehetra nifindrafindrako niaraka tamin’ny Zanak’Israely, moa nisy nitenenako akory va ny mpitsaran’ny Israely izay notendreko ho mpiandry ny Israely oloko ka nilazako hoe: Nahoana no tsy manorina trano sedera ho Ahy ianareo? 8Koa lazao amin’i Davida mpanompoko hoe: Izao no lazain’Andriamanitra, Tompon’izao rehetra izao: Izaho no naka anao avy tany an-tsaha dia avy tamin’ny fiandrasana ondry, mba ho mpanapaka ny Israely oloko. 9Ary nomba anao tamin’izay nalehanao rehetra Aho ka naringako tsy ho eo anoloanao ny fahavalonao rehetra ary homeko anarana malaza tahaka ny anaran’izay lehibe ambonin’ny tany ianao. 10Hifidy tany ho an’ny Israely oloko Aho sady hamponina azy ka handry fehizay ao amin’ny fonenany izy ary tsy hanana ahiahy intsony; ny ratsy fanahy dia tsy hampahory azy intsony tahaka ny taloha, 11tamin’ny nanendreko mpitsara ho mpifehy ny Israely oloko; ary hampiadana anao ho afaka amin’ny fahavalonao rehetra Aho. Nolazain’NY TOMPO taminao koa fa hanao trano ho anao Izy. 12Koa rehefa tapitra ny andronao ka hodimandry any amin’ny razanao ianao dia hatsangako handimby anao ny zanakao izay haterakao ary hampitoeriko ny fanjakany. 13Io no hanao trano ho an’ny anarako, ary Izaho kosa hampitoetra ny sezafiandrianan’ny fanjakany ho mandrakizay. 14Izaho ho rainy, ary izy dia ho zanako. Raha manao izay meloka izy dia hanariko amin’ny tsorakazon’ny olona sy ny kapoky ny zanak’olombelona; 15nefa ny famindrampoko dia tsy mba hiala aminy, tahaka ny nanesorako izany tamin’i Saoly izay nesoriko teo alohanao. 16Ary ny taranakao sy ny fanjakanao dia hitoetra eo anatrehanao mandrakizay; ny sezafiandriananao dia hitoetra mandrakizay.
17Araka izany teny rehetra izany sy araka izao fahitana rehetra izao no nolazain’i Natana tamin’i Davida.

03/06/2026

2Samoela 6
Ny fanapahan-kevitr’i Davida hitondra ny vata misy ny Fanekena ho any Jerosalema
1Tan 13.1-14
1Novorin’i Davida indray ny lehilahy voafantina rehetra tamin’ny Israely, telo alina no isany. 2Ary niainga i Davida sy ny olona rehetra izay nanaraka azy ka niala tany Baala-Joda mba hampiakatra ny vata misy ny faneken’Andriamanitra izay niantsoana ny anaran’Andriamanitra, Tompon’izao rehetra izao, izay mipetraka eo amin’ny kerobima. 3Nataony teo amin’ny sarety vaovao ny vata misy ny faneken’Andriamanitra ka noentiny avy tao an-tranon’i Abinadaba teo an-kavoana; i Oza sy i Ahio, zanak’i Abinadaba, no nampandeha ny sarety vaovao. 4Dia noentiny niala tao an-tranon’i Abinadaba teo an-kavoana niaraka tamin’ny vata misy ny faneken’Andriamanitra izany; i Ahio no nandeha teo alohan’ny vata misy ny Fanekena. 5I Davida sy ny taranak’Israely rehetra kosa dia nitsinjaka teo anatrehan’NY TOMPO tamin’ny karazan-javamaneno samihafa natao tamin’ny hazo kipreso, dia tamin’ny lokanga, ny valiha, ny ampongatapaka, ny korintsana ary ny kipantsona.
6Nony tonga teo amin’ny famoloanan’i Nakona izy ireo dia nanatsotra ny tanany tamin’ny vata misy ny faneken’Andriamanitra i Oza ka nihazona azy, satria nibolisatra ny omby. 7Dia nirehitra tamin’i Oza ny fahatezeran’NY TOMPO ka namely azy teo Andriamanitra noho ny fahadisoany. Maty teo anilan’ny vata misy ny faneken’Andriamanitra izy. 8Dia tezitra i Davida noho ny namelezan’NY TOMPO an’i Oza ka nataony hoe Pereza-Oza ny anaran’izany tany izany mandraka androany. 9Natahotra NY TOMPO i Davida tamin’izany andro izany ka niteny hoe: Nahoana no hoentina atỳ amiko ny vata misy ny faneken’NY TOMPO? 10Ary tsy nety namindra ny vata misy ny faneken’NY TOMPO ho ao aminy ao an-Tanànan’i Davida i Davida fa naviliny ho ao an-tranon’i Obeda-Edoma gatita izany. 11Nipetraka telo volana tao an-tranon’i Obeda-Edoma gatita ny vata misy ny faneken’NY TOMPO; dia notahin’NY TOMPO i Obeda-Edoma sy ny ankohonany rehetra.
Ny nahatongavan’ny vata misy ny Fanekena tao Jerosalema
1Tan 15.25–16.3
12Ary nambara tamin’i Davida mpanjaka hoe: NY TOMPO efa nitahy ny ankohonan’i Obeda-Edoma sy izay nananany rehetra noho ny vata misy ny faneken’Andriamanitra. Dia nandeha i Davida ka nampiakatra ny vata misy ny faneken’Andriamanitra tamim-pifaliana avy tao an-tranon’i Obeda-Edoma ho any an-Tanànan’i Davida. 13Rehefa namindra inenina ny mpitondra ny vata misy ny faneken’NY TOMPO dia namono omby sy zanak’omby mifahy izy hatao fanatitra. 14Ary nandihy tamin’ny heriny rehetra teo anatrehan’NY TOMPO i Davida sady nisalotra efoda vita tamin’ny lamba rongony. 15Dia nampiakatra ny vata misy ny faneken’NY TOMPO tamin’ny hoby sy ny feon’ny anjomara i Davida sy ny taranak’Israely rehetra.
16Nony tonga teo an-Tanànan’i Davida ny vata misy ny faneken’NY TOMPO dia nitsirika teo am-baravarankely i Mikala, zanakavavin’i Saoly, ka nahita an’i Davida mpanjaka nibitaka sy nandihy teo anatrehan’NY TOMPO. Dia nanabanty azy tao am-pony izy.
17Ary nampidirina ny vata misy ny faneken’NY TOMPO ka napetraka teo amin’ny fitoerany tao anatin’ny tranolay izay naorin’i Davida hitoerany; ary nanolotra fanatitra dorana manontolo sy fanati-pihavanana teo anatrehan’NY TOMPO i Davida. 18Nony voatolotr’i Davida ny fanatitra dorana manontolo sy ny fanati-pihavanana dia nitsodrano ny vahoaka tamin’ny anaran’Andriamanitra, Tompon’izao rehetra izao, izy. 19Nomeny m**o iray sy hena didiny iray ary m**o voaloboka iray avy ny olona rehetra, izany hoe ny Israely rehetra, na lahy na vavy. Dia samy nody tany an-tranony avy ny olona rehetra.
20Mba nody koa i Davida hitsodrano ny ankohonany. Fa tonga nitsena an’i Davida i Mikala, zanakavavin’i Saoly ary hoy izy: Akory ity voninahitry ny mpanjakan’ny Israely androany! Ilay nanary lamba anikeheo teo imason’ny zanakavavin’ny mpanompony, tahaka ny adala manary lamba ka tsy manan-kenatra. 21Hoy kosa i Davida tamin’i Mikala: Teo anatrehan’NY TOMPO, izay nifidy ahy fa tsy ny rainao sy ny ankohonany rehetra ka nanendry ahy ho mpanapaka ny Israely, olon’NY TOMPO, eny, teo anatrehan’NY TOMPO no nandihizako. 22Ary mbola hidina ambany kokoa noho izany aza aho ka hataoko tsinontsinona ny tenako; nefa hiaraka hanam-boninahitra amin’ireo tovovavy lazainao ireo kosa aho. 23Tsy nanan-janaka intsony i Mikala, zanakavavin’i Saoly, mandra-pahafatiny.

02/06/2026

II Samoela 5.17-25
FAHEFANA MIANTEHITRA AMIN’ANDRIAMANITRA

1⃣Andriamanitra no mampandresy (17-21)
📌Vao lasa mpanjakan’ny Israely Davida dia efa nananan’ny Filistina ady. Tsy niavonavona anefa ny fon’i Davida noho ny fahefana ananany, fa nanetritena ary niantehitra tamin’Andriamanitra izy ka nitady ny torolalan’Andriamanitra.

❔Nanontany ny Tompo izy dia namaly ny Tompo. Nihaino i Davida ka nanaraka tamim-pahatokiana izay nolazaina taminy, hany ka nomen’Andriamanitra azy ny fandresena.

Raha tsy niditra an-tsehatra, tahaka ny rano mamaky fefiloha (20) Andriamanitra dia tsy tafavoaka tamin’ny fandresena Davida.

🗡❎Resy ny fahavalo ka nadositra ary nilaozan’izy ireo ny sampiny. Tsy manan-kery ireo sampy. Ilay Andriamanitry ny Israely kosa ambonin’ny zavatra rehetra, ka ho menatra izay fahavalony.

⏩Tahaka an’i Davida, ny finoantsika an’i Kristy koa mitondra amin’ny fanetretena eo anatrehan’ny Tompo, ka mahatonga antsika hiaino izay lazaiNy, ary mamokatra fankatoavana mba ho tonga amin’ny fitoviana amin’i Kristy.

2⃣Andriamanitra no mitarika amin’ny ady (22-25)
⏩Mbola niverina ninady indray ny Filistina teo amin’ny toerana naharesy azy teo. Tsy tonga dia niady avy hatrany Davida satria efa nandresy, fa mbola nanontany ny Tompo ihany izy. Hainy fa tsy mitovy ny zava-mitranga rehetra. Tsy miantoka fandresena foana ny fomba fanao teo aloha. Ny azo antoka foana dia ny mihaino izay lazain’Andriamanitra.

⏩Nanome tetik’ady vaovao Andriamanitra : miodina avy aorian’ny fahavalo aloha, miandry fambara amin’ny TOMPO satria ny TOMPO no efa nialoha lalana niady. Mampianatra an’i Davida ny Tompo fa ny fianteherana Aminy mitaky faharetana sy fiandrasana Azy ampahatokiana. Fa ny lehibe indrindra dia ny Tompo no mialoha sahady amin’ny ady.

📖Ny “fingadongadon’ny olona eny amin’ny tendron’ny hazo balisama” (24) dia milaza fa eo Andriamanitra, miady miaraka amin’i Davida, ka mitondra azy ho amin’ny fandresena.

📖Kristy efa nandresy ny fahavalo (ota, fahafatesana, herin’ilay ratsy). Isika mpino kosa ankehitriny dia manoloana ireo fahavalo efa resy ireo. Andao hanao tahaka an’i Davida: mihaino ny Tenin’Andriamanitra, miaina izany, mahandry ny Tompo, mahatoky Azy, fa Izy eo foana (Mat 28.20b).

Manako isan'andro

17/06/2026

17/06/2026

13/06/2026

11/06/2026

10/06/2026

10/06/2026

05/06/2026

04/06/2026

03/06/2026

02/06/2026

Address

Telephone

Website

Alerts

Shortcuts

Share

Category

Listing takedown request