Feon'ny finoana

Feon'ny finoana Contact information, map and directions, contact form, opening hours, services, ratings, photos, videos and announcements from Feon'ny finoana, Church, Ambomahintsy, Antananarivo.

14/05/2023

TONGA NIARAKA TAMIN'I JESOSY NY FAHASOAVANA SY FAHAMARINANA
"Fa ny lalàna dia nomena tamin'ny alalan'i Mosesy; [fa] ny fahasoavana sy ny fahamarinana kosa dia tonga tamin'ny alalan'i Jesoa Kristy". Jaona 1:17

Talohan'ny niavian'i Jesosy dia niaina tao anaty fanameloana sy ny fihezahana mitady sitraka amin'Andriamanitra tamin'ny alalan'ny asa ny olombelona, ny antony dia satria mbola tsy tonga teo anivon'ny olombelona ny tena hoe fahasoavana sy ny tena fahamarinana. Ny zava-mihafin'ny famonjen'i Kristy, dia maneho amintsika, fa ny fahasoavana dia naseho sy nomena rehefa nanome an'i Jesosy ho sorona ho antsika ny Ray, ary ny fahamarinana kosa dia tonga rehefa nanaiky hibaby ny otan'ny olombelona rehetra Izy, mba ho tonga fahamarinan'Andriamanitra ao aminy izay rehetra mino Azy. Ho Azy ny voninahitra mandrakizay. Amena.

Fantaro fa ivelan'i Jesosy dia tsy misy antsoina hoe tena fahasoavana sy fahamarinana. Izy irery ihany no ahafahan'ny olombelona rehetra mahazo famonjena. Izy no lalana, sy fahamarinana, ary fiainana. (Andry RANDRIAMAMPIANINA)

13/05/2023

EFA NOHAMASININA SY NOHAMARININA
"Ary efa mba toy izany ihany NY sasany aminareo, saingy efa voasasa ianareo, efa nohamasinina ianareo, efa nohamarinina ianareo, tamin'ny anaran'i Jesosy Tompo sy tamin'ny Fanahin'Andriamanitsika" IKor 6:11

Ny olombelona tsirairay avy dia samy isaina ho mpanota, nohon'ny tsy fankatoavan'i Adama, na ny nanota na ny tsy nanota tahaka ny nataony aza. Voapetraka ho eo ambanin'ny lalàn' ny ota sy ny fahafatesana ny olombelona noho io fahadisoan'i tokan'i Adama io, ary tsisy mendrika ny andray ny fiainan'Andriamanitra, raha tsy avy amin'ny fahasoavana noho'ny fitiavan'Andriamanitra ihany.

Maro ny olona no mbola mametraka fanotaniana ny amin'ny antony niavian'i Jesosy, sy ny nahafatesany, ary ny fitsanganany, izay fahalalana fototra ho antsika kristianina. Ny niavian'i Jesosy dia ny namafa ny asan'i Adama tamin'ny fankatoavana nasehony teo Kalvary. Nankatoa Izy, ary nanaiky ny ho faty nohon'ny fahotan'ny olombelona rehetra, mba ho isaina ho marina izay rehetra mino Azy noho'ny fanavotana nataony, na dia tsy marina amin'ny asa aza.

Na iza na iza mino ny asan'i Jesosy dia efa nohamarinina sy efa nohamasinina, ary efa mendrika ny handova ny fanjakan'Andriamanitra. Ny asan'i Jesosy teo Kalvary no misolo ny asatsika rehetra amin'izao. (Andry RANDRIAMAMPIANINA)

12/05/2023

FAHATOKIANA NY AMIN'NY FAMONJENA
"Izay mandeha tsy misy tsiny no mandeha tsy manana ahiahy, fa izay maniasia AMIN'NY alehany dia fantatra ihany" Ohabolana 10:9

Zava-dehibe ny fahafantara ny fitsipika mifehy sy ny fomba hitsaran'Andriamanitra antsika. Maty ho antsika Kristy mba ho tonga fahamarinan'Andriamanitra, ao aminy isika, ary efa nametraka lalàna ho an'izay ao aminy Izy; tsy ilay lalàna taloha fa didy vaovao.

Hoy Paoly Apostoly: "Tamin'ny Jiosy, dia tonga TOY ny Jiosy aho, mba hahazoako ny Jiosy; tamin'ny ambanin'ny lalàna, dia TONGA TOY IZAY AMBANIN'NY LALANA aho, mba hahazoako izay ambanin'ny lalàna; tamin'izay tsy manana lalàna, dia TOY izay tsy manana lalàna aho ( KANEFA TSY MBA OLONA TSY MANANA LALANA AMIN'ANDRIAMANITRA AHO, FA AMBANIN'NY LALAN'I KRISTY), mba hahazoako mamonjy izay tsy manana lalàna" I Korintianina 9:20-21

Hamarinina amin'ny finoana isika, ary nodidina mba hizotra amin'ny lalàn'i Kristy, dia ny fizorana amin'ny fitiavana izany, amin'ny fanantenana ny fiavian'i Jesosy Kristy hampody antsika ho amin'ny Rayà

12/05/2023

AOKA IANAO HANAIKY AMPIANARIN'ANDRIAMANITRA
"Andriamanitra o, efa nampianatra ahy hatry ny fahatanorako Ianao; ary mandraka ankehitriny dia manambara ny asanao mahagaga aho" Salamo 73:17

Raha maniry fitomboana amin'ny ara-panahy ianao dia mila mianatra manaiky ampianarin'Andriamanitra. Tsy ampianarin'ny mpitandrina na pasteranao fotsiny, fa mianatra mandray fahalalana mivantana amin'Andriamanitra isanandro.

Mety anotany angamba ianao hoe amin'ny fomba ahoana no ahafahako ampianarin'Andriamanitra? Fantaro fa monina ao aminao ny Fanahiny, raha efa nofenohina tamin'ny Fanahy Masina ianao. Napetran'ny Ray ho monina ao anatinao ny Fanahiny mba ho eo aminao sy ampahafatatra anao ny zavatra rehetra. Koa mianara miaino ny feony manokana ianao. Manokana fotoana hifandraisana Aminy, sy handraisana fahalalana avy Aminy.

10/05/2023

TENA IRAY AMIN'I JESOSY
"Fa tsy mba misy olona tsy tia ny nofony, fa mamelona sy mitaiza azy, dia tahaka ny Tompo amin'ny fiangonana; Fa momban'ny tenany isika, dia momba ny nofony sy ny taolany" Efesiana 5:30 (Dika Jesosy Mamonjy)

Io Soratra Masina eo ambony io dia milaza amintsika fa momban'ny tenan'i Jesosy isika, dia momban'ny nofony sy ny taolany. Tsy olona tsotra intsony isika raha ao amin'i Kristy, fa efa olona vaovao, tsy olona manana natiora mitovy amin'ny natioran'ny olona tsotra, fa manana ny natioran'Andriamanitra ao anatitsika.

Paoly dia nilaza fa: "Ny olona voalohany avy amin'ny tany, dia tany; ny olona faharoa dia ny Tompo, avy any an-danitra. Izay an'ny tany dia tahaka ilay amin'ny tany; ary izay any an-danitra dia tahaka Ilay any an-danitra koa. Ary toy ny nitondratsika ny endriky ny avy amin'ny tany, no hitondrantsika ny endrik'Ilay any an-danitra koa" I Korintiana 15:47-49

Mitondra ny endrik'ilay avy any an-danitra ianao amin'izao fiainana izao. Solo-tenany ety ianao satria momba ny tenany, sy momba ny nofony, ary momba ny taolany. Ianao sy Izy dia iray ihany, tahaka Azy iray amin'ny Ray. Ny natiorany no ao anatinao. (Andry RANDRIAMAMPIANINA)

10/05/2023

AFAO NY TENANAO
Ho amin'ny fahafahana no nanafahan'i Kristy antsika; ka tomoera tsara, fa aza mety hohazonin'ny zioga— Galatiana 5 : 1 - 2

Afaka isika nohon'ny famonjena nataon'i Jesosy roa arivo taona lasa izay; Io fahafahana io dia mahakasika izay mety ho lafim-piainantsika iray manontolo mihintsy; ny ara-panahitsika, ny saintsika, ary ny nofotsika. Efa niady ny aditsika Kristy, ary efa nomeny antsika ny fandresena. Ny mety ahatonga antsika ho mbola ao ambanin'ny fanangejana dia satria isika mbola manaiky gejaina. Misafidiana ny ho afaka, amin'fampitomboana ny fahatakaranao ara-panahy, satria raha fantatrao ny marina dia ny marina no ampiainana anao ao amin'ny fahafahan'i Kristy

10/05/2023

FATATR'I JESOSY IANAO SY NY LALOVANAO
Ny ondriko mihaino ny feoko, ary Izaho mahalala azy, ary izy manaraka Ahy, — Jaona 10 : 27

Na dia maro aza ny isan'ny efa nino an'i Jesosy sy mpihaino ny teniny dia fantaro fa mbola liana sy mahafantatra ny mombanao rehetra Izy; Na ny momban'ny toe-batanao na ny fizotran'ny fiainanao, na ny fatorinao, na izay mety momban'ny fiainanao rehetra, dia fantaro fa fantany avokoa.

Mety hilaza angamba ianao hoe "koa maninona ary Izy no tsy mandamina an'izay mety ho ratsy eo amin'ny fiainako rehetra ?". Ny valiny dia efa nanao an'izany Izy, saingy miandry anao hino sy hanaiky ny teniny Izy mba ahafahany mamotsitra an'ireo zavatra efa vitany eo amin'ny fiainanao.

"Tsy varidimiventy* ihany va no vidin'ny tsintsina roa? nefa tsy misy na dia iray akory aza amin'ireny ho latsaka amin'ny tany, raha tsy avelan'ny Rainareo. Fa na dia ny volon-dohanareo aza dia voaisa avokoa" Matio 10 : 29-30

02/02/2023

Ny fahafatesan'i Jesosy no teboka famaranana ny fiainana taloha izay voaloto nohon'ny tsy fakatoavan'i Adama, izany no nahatonga an'i Jesosy niteny hoe "Vita" mialohan'ny nanolorany ny ainy. Ny fahafatesany no teboka farany ho an'ny fiainana taloha, ary ny fitsanganany no teboka fiandoana ho an'ilay fiainana vaovao. Raha misy olona ao amin'i Kristy dia olom-baovao izy.

Address

Ambomahintsy
Antananarivo

Telephone

+261329439821

Website

Alerts

Be the first to know and let us send you an email when Feon'ny finoana posts news and promotions. Your email address will not be used for any other purpose, and you can unsubscribe at any time.

Shortcuts

Share

Category