Feon'ny Miantso Mafy any an'Efitra. Lioka 3:4

01/12/2024

SADY HAMONJY NY OLONY NO HANDRINGANA NY FAHAVALONY
Efa fomba fanaon’Andriamanitra hatramin’izay zany

1-TAO EGYPTA
Ny Fotoana dia mitovy: samy @ MAMATONALINA
Rehefa namonjy ny zanak’israely tao Egypta Andriamanitra dia t@ fotoana MAMATONALINA no nidinany,
tsy hamonjy fotsiny anefa fa sady handrigana ny fahavalony ihany koa.
Eksodosy 11:4-5
Ary hoy Mosesy: Izao no lazain'i Jehovah: Rehefa tokony ho MAMATONALINA Izaho hivoaka hankeo afovoan'i Egypta,
5 dia ho faty ny lahimatoa rehetra eto amin'ny tany Egypta,

Eksodosy12 : 27
dia holazainareo hoe: Izao dia famonoana ny Paskan'i Jehovah,
Izay nandalo ny tranon'ny Zanak'Israely tany Egypta, raha namely ny Egyptiana Izy,
fa namonjy ny tao an-tranontsika. Dia niondrika ny olona ka nivavaka.

Eksodosy 12:12-13 / 29
12 Fa handeha hamaky ny tany Egypta amin'izany alina izany Aho
ka hamono ny matoa rehetra amin'ny tany Egypta hatramin'ny olona ka hatramin'ny biby fiompy;
ary ny andriamanitry ny Egyptiana dia hotsaraiko avokoa: Izaho no Jehovah.
13 Ary ny ra dia ho famantarana ho anareo eo amin'ny trano izay itoeranareo;
ary raha mahita ny ra Aho, dia handalo anareo,
ka tsy hisy loza handringana anareo, raha mamely ny tany Egypta Aho.
29 Ary nony NAMATONALINA Jehovah namono ny lahimatoa rehetra tany amin'ny tany Egypta,
hatramin'ny lahimatoan'i Farao izay nipetraka teo ambonin'ny seza fiandrianany

2-TEO @ HAZOFIJALIANA
Lioka 23: 44-45
44 Ary rehefa tokony ho tamin'ny ora fahenina,
dia MAIZINA NY TANY REHETRA ka naharitra hatramin'ny ora fahasivy izany,
45 satria niha-maizina ny masoandro, ary triatra misasaka ny efitra lamba teo amin'ny tempoly.

Ny hevitr’io maizina maneran-tany tamin’ny fotoana nanombohana an’i Jesosy teo @ hazofijaliana io
dia tamin’io fotoana io Andriamanitra nidina nandringana ny fahavalo
ary namonjy ny olona tahaka ny tao egypta ihany. (Eks. 12:27 dia holazainareo hoe:
Izao dia famonoana ny Paskan'i Jehovah, Izay nandalo ny tranon'ny Zanak'Israely tany Egypta,
raha namely ny Egyptiana Izy, fa namonjy ny tao an-tranontsika. Dia niondrika ny olona ka nivavaka.)

Hoy koa ny voalazan’ny Hebreo 2 :14
14-Koa satria manana nofo aman-dra ny zaza, dia mba nandray izany koa Izy,
mba handringanany amin'ny fahafatesana ilay manana ny herin'ny fahafatesana, dia ny devoly.

3-AMIN’NY FIVERENAN’I JESOSY
Matio 25 : 1-13
Ary amin'izany ny fanjakan'ny lanitra dia ho tahaka ny virijina folo,
izay nitondra ny fanalany ka nivoaka hitsena ny mpampakatra.
2 Ary ny dimy tamin'ireo dia adala, fa ny dimy kosa hendry.
3 Fa ny adala nandray ny fanalany, nefa tsy nitondra solika fitaiza;
4 ary ny hendry kosa nitondra solika tao anatin'ny fitondrany sy ny fanalany.
5 Ary raha naharitra ela ny mpampakatra, dia samy rendrehana avy izy rehetra, ka dia natory.
6 ARY NONY MAMATONALINA, DIA NISY ANTSO HOE: INDRY NY MPAMPAKATRA! MIVOAHA MBA HITSENA AZY.

II Tesaloniana 1 :3-10
7 ary ny hanome fitsaharana anareo izay ampahorina kosa mbamin'ny tenanay,
raha hiseho Jesosy Tompo, avy any an-danitra mbamin'ny anjelin'ny heriny,
8 amin'ny afo midedadeda, hamaly izay tsy mahalala an'Andriamanitra
sy izay tsy manaiky ny filazantsaran'i Jesosy Tompontsika,
9 dia olona izay hiharan'ny famaliana marina, dia fahaverezana mandrakizay,
avy amin'ny fanatrehan'ny Tompo sy ny voninahitry ny heriny,
10 raha tonga Izy mba HANKALAZAINA EO AMIN'NY OLONY MASINA
sy higagana eo amin'izay rehetra mino amin'izany andro izany,
satria ninoana ny fanambaranay taminareo.

06/11/2024

FIVERENAN’NY TOMPO
arakin'ny Eksodosy 32 :1-29

Mosesy = Yeshoua
Arona = Mpaminany sandoka / bibidia faharoa
Ombilahy kely volamena = Lehilah'ota / bibidia voalohany
Taranaky Levy =Fiangonana

➡️MOSESY = YESHOUA
-Mosesy naharitra ela (Eks.32:1) = Jesosy naharitra ela (Mat.25:5)
-Mosesy nifona t@ Andriamaitra (Eks.32:11-12) = Yeshoua mifona eo ankavanan'Andriamanitra (Rom.8:34)
-Tonga tampoka i Mosesy (Eks.32:7) = Tonga tampoka i Yeshoua (Mat.25:13)
-Rehefa nidina Mosesy sy Josoa dia nahita Ombilahy kely volamena izay niankohofan’ny zanak'israely,ka dia nalainy ilay ombilahy kely ka nodorany tamin'ny afo.(Eks.32:20) = Yeshoua rehefa hidina (II Tes.2:8)
-Tonga haka ny an'i YHVH i Mosesy (Eks.32:26) = Tonga haka ny azy i Yeshoua (2Tes.2:1)

➡️ARONA = MPAMINANY SANDOKA = BIBIDIA FAHAROA
Arona izay nitarika ny vahoaka hiankohoka sy hanompo an'ilay ombilahy kely.(Eks.32:2-6) = Mpaminany sandoka na ilay bibidia faharoa izay nitarika ny vahoaka hiankohoka sy hanompo an'ilay lehilahin'ota. (Apok.13:11-12)

➡️OMBILAHY KELY VOLAMENA = LEHILAH'OTA / BIBIDIA VOALOHANY
Avy amin’ny vahoaka no nipoiran’ilay ombilahy kely volamena.(Eks.32:2-4) = bibidia voalohany niakatra avy tamin’ny ranomasina (vahoaka).(Apok.13:11-12)

➡️TARANAKY LEVY = FIANGONANA
rehefa tonga i Mosesy dia niantso izay rehetra an'i Jehovah izy hanantona azy. (Eks. 32:26)
dia nijanona teo amin'ny vavahadin'ny toby Mosesy ka nanao hoe: Izay rehetra an'i Jehovah mankanesa ety amiko. Ary ny taranak'i Levy rehetra niangona teo aminy.
ireo taranak'i Levy dia tsy iza fa ireo taranaka mpisorona mitovy rà @ Mosesy, tamin'ny fotoana nahatongavan'i Mosesy vao nangonina teo aminy ireo.
fa tsy hoe nesorina mialoha mba tsy ho tratriny bibidia. Teo ihany izy ireo na dia teo aza ilay ombilahy kely volamena.Ny maha an’I Jehovah an’ireo taranaky Levy dia satria izy ireo mitovy rà amin’i Mosesy

II Tesaloniana 2:1
Ary mangataka aminareo izahay ry rahalahy, ny amin'ny fihavian'i Jesosy Kristy Tompontsika sy ny hanangonana antsika ho eo aminy.
Ny porofo amin’ny maha an’i Yeshoua ny fiangonana dia satria manana ny Fanahy Masina araka ny (Romana 8: 9)
Ny fiangonana dia mitovy amin’izany ihany koa, taranaka voafidy, fanjakam-pisorona,
ary mbola eo tsara mihitsy ny fiangonana amin’ny fotoana hanjakan'ilay lehilahin'ota mandritran'ny 3 taona sy tapany. (Dan. 7 : 21-22 /Apok.13 :7)

02/11/2024

Ilay LEHILAHIN'OTA

Raha hijery ny mombamomba an’ilay lehilahin’ota isika dia ny tantaran’i Jodasy no hijerevantsika azy

-Zanakin’ny fahaverezana no namaritan’i Paoly an’ilay lehilahin’ota. (II Tes 2 : 3)

-Zanakin’ny fahaverezana ihany koa no namaritan’i Jesosy an’i Jodasy. (Jaona 17 :12)

-Ilay lehilahin’ota dia olombelona nofo aman-drà kanefa i Satana no hiditra ao anatiny. (II Tes 2 : 9), i satana mantsy dia mpaka-tahaka an’Andriamanitra foana, i Jesosy Kristy dia olombelona nofo aman-drà fa Andriamanitra no tao Aminy

-Toy izany koa i Jodasy. (Lioka 22 :3 ) .3 Fa Satana NIDITRA tao anatin'i Jodasy

-Fampihavanana (oroka) (Daniela 9 :27) (Lioka 22 : 47-48)
Ilay zavatra misakana lazain’i Paoly

Ny famaritan’ny maro an’io dia hoe ny fiangonana sy ny Fanahy Masina, izany hoe tsy hiseho mihits ilay lehilahin’ota raha tsy esorina hiala eto aloha ny fiangonana sy ny Fanahy Masina.

Mampifanohitra amzay lazain’i Apostoly Paoly eo @ andininy 3-4 anefa izany, hoy i Paoly hoe : 3 Aza mety hofitahin'olona akory hianareo; fa tsy ho avy izany (ny fihavin’ny Tompo), raha tsy efa tonga aloha ny fihemorana, ka hiseho ilay lehilahin'ota, dia ilay zanaky ny fahaverezana, 4 ilay manohitra ka manandra-tena ho ambony noho izay rehetra atao hoe Andriamanitra, na izay ivavahana, ka dia mipetraka eo amin'ny tempolin'Andriamanitra izy ka manao ny tenany ho Andriamanitra.

Noho izany dia tsy fiangonana no tian’i Paoly Apostoly hambara amin’io misakana io fa VOALY manarona ny mason’ny fiangonana tsy hahalalany anlay lehilahin’ota, fa rehefa tonga ny fotoana dia esorin’i Jesosy io voaly io dia izay vao ho fantatra hoe iza ilay lehilahin’ota.

Porofo : 12 no isan’ny mpianatra nofidin’i Jesosy, ary anisan’izany I Jodasy izay efa fantatry Jesosy mialoha fa i Jodasy no hamadika azy, (Jaona 6 :64) kanefa tsy fantatr’izy 11 mirahalahy izany satria nasina voaly teo @ izy ireo tsy hahafantarany an’izany mialoha raha tsy efa @ fotoana ampisehona azy. Tes II 2:6

Ary ankehitriny fantatrareo ny zavatra misakana, mba hampisehoana azy amin'ny fotoan'androny.

Raha tamin’ny voalohany tokoa mantsy dia efa nampahafantarina azy ireo izany dia tsy isalasalana fa novonoin’ny mpianatra i Jodasy ka tsy ho tanteraka izay voalazan’ny soratra masina, Porofon’izany rehefa tonga ny lohan’ny mpisorona sy ny miaramila hisambotra an’i Jesosy dia nokapahin’i Petera ny sofon’ny mpanompon’ny mpisorona be.

Hisy mafana fo hamono koa lay lehilahin'ota raha fantatra mialoha hoe iza lay izy, dia atao ahoana ny hahatanteraka ny soratra masina?

Nomena fahefana ilay lehilahin’ota
Lioka 22 :52-53
52 Ary hoy Jesosy tamin'ny lohan'ny mpisorona sy ny lehiben'ny mpiambina ny tempoly ary ny loholona izay tonga hisambotra Azy: Mivoaka mitondra sabatra sy langilangy toy ny hisambotra jiolahy va hianareo? 53 Raha teo aminareo isan-andro Aho, dia tsy naninji-tànana tamiko hianareo; fa izao no fotoanareo sy herin'ny maizina.
Apo 13:5
Dia nomena lela miteny zavatra mihoapampana sy fitenenan-dratsy izy, ary nomena fahefana mba hiasa roa amby efa-polo volana.(Fotoana hanjakan’ny herin’ny maizina, eo izy lay tsy azo atao n’inona n’inona)

02/11/2024

FIHAVIAN'I JESOSY KRISTY

Indro, avy toy ny mpangalatra aho. Apok. 16:17

Koa raha tsy hiambina ianao, dia ho tonga toy ny fihavin'ny mpangalatra Aho, ka tsy ho fantatrao izay ora hiaviko aminao. Apok.3:3

Satria ianareo mahalala marimarina fa ho avy toy ny mpangalatra amin'ny alina ny andron'ny Tompo. I Tes. 5:2

Misy logique anakiroa (2) ny fihavian'ny mpangalatra :

1- Amin'ny ora tsy fantatra (Tonga tampoka)
2- Tsy hoavy raha tsy hangalatra sy hamono ary handringana (Jaona 10:10)

Nefa aoka ho fantatrareo izao: Raha fantatry ny tompon-trano ny fiambenana amin'ny alina izay hihavian'ny mpangalatra, dia ho niambina izy ka tsy namela ny tranony hotamina. 44. Koa miomana kosa ianareo; fa amin'izay ora tsy ampoizinareo no hihavian'ny Zanak'olona. Matio 24:43-44

Izany hoe raha miambina ny olona ka na Tonga aza n'y mpangalatra dia voavonjiny ny fananany sy ny Ainy.

Fa hoan'ny olona tsy miambina kosa dia fandringanana ny mahazo azy.

Dia toy izany ny FIHAVIAN'NY TOMPO
fandringanana ho an'izay tsy niambina FA famonjena kosa ho an'izay NIAMBINA.

Fa tahaka ny tamin'ny andro fony tsy mbola tonga ny Safo-drano, ka nihinana sy nisotro ny olona ary nampaka-bady sy namoaka ny ampakarina, mandra-pihavin'ny andro izay nidiran'i Noa tao amin'ny sambo-fiara, 39. ary tsy fantany mandra-pihavin'ny Safo-drano izay nandringana ny olona rehetra, dia ho tahaka izany ny fihavian'ny Zanak'olona. Matio 24:38

Ary izay lazaiko aminareo dia lazaiko amin'ny olona rehetra koa. MIAMBENA. Marka 13:37

Ny OLONA REHETRA NO ASAINY MIAMBINA satria FANDRINGANANA HO AN'IZAY TSY MIAMBINA NY FIHAVIAN'I JESOSY

25/09/2024

MIVERENA AMIN'NY TENA FILAZANTSARA MARINA
*Rehefa maty i Abrahama dia tonga ny fahavalony nanotitra ny lava-drano fatsakàna izay nohadiany,
*rehefa tonga anefa i Isaka zanany dia tsy niady lavaka vaovao izy fa ny lavaka fatsakàna izay nataon-dRainy ihany no nohadiany ary rehefa niady izy dia nahita rano velona teo.
Genesisy 26 :15-17 15 Ary ny lavaka fantsakana rehetra, izay efa nohadin'ny mpanompon-drainy fony fahavelon'i Abrahama rainy, dia efa novonoin'ny Filistina sy nototofany tany avokoa. 16 Ary hoy Abimeleka tamin'Isaka: Mialà aty aminay; fa hianao mahery lavitra noho izahay. 17 Ary lasa niala teo Isaka, dia nanorina ny lainy teo an-dohasahan'i Gerara ka nonina teo. 18 DIA NOLOARAN'ISAKA INDRAY NY LAVAKA FANTSAKANA IZAY VOAHADY FONY FAHAVELON'I ABRAHAMA RAINY, fa efa novonoin'ny Filistina ireny, rehefa maty Abrahama; ary dia nasiany anarana ireny araka ny anarana izay efa nanaovan-drainy azy ihany. 19 Dia nihady teo amin'ny lohasaha ny mpanompon'Isaka ka NAHITA LOHARANO VELONA TEO.
*Toy izany ihany koa ny fanoharana nataon’i Jesosy ny amin’ilay lehilahy namafy voa tsara teo an-tanimbariny, fa rehefa natory ny olona dia tonga ny fahavalony namafy voa ratsy.
Matio 13 :24-28
24 Ary nanao fanoharana hafa koa taminy Izy ka nanao hoe: Ny fanjakan'ny lanitra dia tahaka ny lehilahy anankiray izay namafy voa tsara tany an-tanimbariny; 25 fa raha natory ny olona, dia avy ny fahavalony ka namafy voan-tsimparifary teny amin'ny vary, dia lasa nandeha. 26 Ary rehefa naniry ny vary ka niteraka dia niposaka koa ny tsimparifary. 27 Dia avy ny mpanompon-dralehilahy ka nanao taminy hoe: Tompoko, tsy voa tsara va no nafafinao tany an-tanimbarinao? koa avy taiza kosa ny tsimparifary? Dia hoy izy taminy: 28 Fahavalo no nanao izany.
Rehefa nazavainy Jesosy lay fanoharana dia toy izao: ny andininy 37-39 Ary namaly Izy ka nanao hoe: Ny mpamafy ny voa tsara dia ny Zanak'olona; 38 ny tanimbary dia izao tontolo izao; ny voa tsara dia ny zanaky ny fanjakana; ny tsimparifary dia zanak'ilay ratsy; 39 ny fahavalo izay namafy izany dia ny devoly.

*I Jesosy Kristy no ilay mpamafy voa tsara tonga teto amin’izao tontolo izao, Izy no fahazavan’izao tontolo izao, Izy ilay tahaka ny masoandro be lohataona nanazava an’izao tontolo izao ary izay nanaraka azy tsy mba nandeha tamin’ny maizina fa nanana fahazavan’aina, toy ireo Apostoly izay nanaradia azy ary tonga fahazavana ihany koa araka ny tenin’i Jesosy hoe ianareo no fahazavan’izao tontolo izao.

*Ireo Apostoly ireo no nofoazin’i Jesosy ary NITONDRA NY FIFOHAZAM-PANAHY teto amin’izao tontolo izao, tsy nifangaroharo tamin’ny fanaon’izao tontolo izao, sarotiny ny amin’ny FAHAMASINANA, nitory ny teny tsy misy kilema dia NY TENY NY AMIN’NY HAZOFIJALIANA, nampianatra ny olona hanana TAHOTRA AN’ANDRIAMANITRA, nampahafantatra ny olona fa mpanota izy ary mila mpamonjy, dia tsy iza ny mpamonjy ny mpanota fa i Jesosy Kristy ilay lalana sy Fahamarinana ary Fiainana, tsy misy makany amin’ny Ray afa-tsy amin’ny alalany. Nitaona ny olona HIBEBAKA KA HIVERINA AMIN’ANDRIAMANITRA.

*Raha oharina tahaka NY MASOANDRO izay manazava an’izao tontolo izao ny FIANGONANA VOALOHANY izay tena nirehitra sy nazava, fa rehefa nandeha ny fotoana ka maty avokoa ireo Apostoly dia nitsolopilopy ilay fahazavana, ary dia natory ny fiangonana ka teo indrindra no nanararaotra i satana sy ny miaramilany namafy voa ratsy sy nanototra ny fahamarinana, ary nanitatra ny fanjakany.
Zara raha hita intsony ny fahazavan’ny fiangonana, tahaka NY VOLANA raha tazanina dia toa mazava nefa tsy hita taratra ny fiatraikany, ary raha dinihintsika tsara ny volana dia fotsy misy pentimpetina mainty.

*Lasa tahaka ny volana ny fiangonana ankehitriny izay lasa mifangaroharo amin’izao tontolo izao, lasa mandefitra sy milalao fahotana, lasa tsy sarotiny intsony amin’ny resaka fahamasinana, lasa manafosafo fahotana, ny mpitory filazantsara lasa variana amin’ny resaka fitahiana sy fahombiazana, lasa mampifantoka ny olona amin’ny zavatry ny tany, lasa tsy toriana intsony ny fibebahana, ny fahamasinana, ny hazo fijaliana, ny tahotra
an’Andriamanitra, ny fiverenan’i Jesosy Kristy.

*Lasa tsy misy hery ny fiangonana ary lasa ao anaty marimaritra iraisana, ka mahatonga ny Fanahy Masina tsy hiasa mahery vaika intsony eo amin’ny fiangonana.

*Tsy miova anefa i Jesosy Kristy, tsy miova ny heriny, tsy miova araka izany koa ny Fanahy Masina sy ny heriny fa ny fiangonana no niova lasa nanaraka ny fanaon’izao tontolo izao.

*Variana milalao, manao fifaninanana sy manao fety isakarazany ny akamaroan’ny fiangonana ka tsy miomana ny amin’ny fihavin’ny Tompo akory, lasa manompo sampy ka i mamôna no lasa atao andriamanitra, resa-bola sy ny zavatry ny tany foana no resahina ao am-piangonana, zara raha misy zava-panahy hahatonga ny olona hifantoka ny any an-danitra.

*Tahaka ny tamin’ny andron’i Mosesy, rehefa handeha hiakatra tao an-tendrombohitra i Mosesy sy Josoa dia nanafatra ny loholona izy hoe miandrasa anay eto mandram-piverinay eto aminareo.
Rehefa hitan’ny olona fa naharitra ela i Mosesy ka tsy mbola nidina dia niangona ho eo amin’i Arona izy ka nanao taminy hoe: Misangàna, ka anaovy andriamanitra izahay hitarika antsika eo aloha ; fa ilay Mosesy iny, izay lehilahy nitondra antsika niakatra avy tany amin’ny tany Egypta dia tsy fantatray izay nanjo azy. 2 Ary hoy Arona taminy: Romboty ary ny kavim-bolamena, izay eny amin'ny sofin'ny vadinareo sy ny zanakareo-Iahy ary ny zanakareo-vavy, ka ento ety amiko. 3 Ary ny olona rehetra dia nandrombotra ny kavim-bolamena izay teny amin'ny sofiny ka nitondra azy ho eo amin'i Arona. 4 Ary izy nandray azy tamin'ny tànan'ny olona, dia namboatra azy tamin'ny fandraka ka nanao azy ho ombilahy kely anidina; dia niteny ny olona ka nanao hoe: Io no andriamanitrao, ry Isiraely, izay nitondra anao niakatra avy tany amin'ny tany Egypta. 5 Ary raha hitan'i Arona izany, dia nanao alitara teo anoloany izy; ary dia niantso Arona ka nanao hoe: Andro firavoravoana ho an'i Jehovah rahampitso. 6 Dia nifoha maraina koa ny olona ka nanatitra fanatitra dorana sy nitondra fanati-pihavanana; ary nipetraka hihinana sy hisotro ny olona, dia nitsangana hilalao. Eksodosy 32 :1-6

*NY VAOVAO MAHAFALY anefa dia tsy maintsy mbola hoavy hiverina indray ilay MASOANDRO izay lasa iny,
Hoy i Paoly Apostoly mampiomana hoe: Efa ho lasa ny alina, ka efa mby akaiky kokoa ny andro, koa aoka hariantsika ny asan'ny maizina ka hitafiantsika ny fiadian'ny mazava. Romana 13 :12
Izao no fotoana HIVERENANA AN-DOHARANO satria mby efa ho lasa ny alina ary efa manakaiky ny andro.
Fotoana fifohazana amin’ny torimaso, anarina ny asan’ny maizina ary hitafiana ny fiadin’ny mazava.

*II Mpanjaka 2 :19-22
19 Ary hoy ny mponina tao amin'izany tanàna izany tamin'i Elisa: Masìna hianao, indro, tsara toerana ity tanàna ity, tompoko, araka izao hitanao izao, saingy ratsy rano, ary ny tany tsy mampahavanon-anaka.20 Dia hoy izy : Itondray lovia vaovao aho, ka asio sira ao anatiny. Dia nentiny tany aminy izany. 21 ARY NIVOAKA NANKANY AMIN'ILAY NIANDOHAN'NY RANO IZY, DIA NANIPY SIRA TAO ka nanao hoe: Izao no lazain'i Jehovah : Efa nahatsara ity rano ity Aho; tsy hisy fahafatesana na tsi-fahavanonan-anaka intsony hiseho eto 22 Ka dia tsara ny rano mandraka androany araka ny teny nataon'i Elisa.

15/03/2023

23 Indro, Izaho haniraka an'i Elia mpaminany ho aminareo, dieny tsy mbola tonga ny andron'i Jehovah, ilay lehibe sady mahatahotra; 24 ary izy hampody ny fon'ny ray ho amin'ny zanaka, ary ny fon'ny zanaka ho amin'ny rainy, fandrao ho avy Aho hamely ny tany amin'ny fandringanana. Malakia 3:23-24

Send a message to learn more

02/01/2022

Misasà ianareo, diovy ny tenanareo, Esory tsy ho eo anoloan'ny masoko ny ratsy fanaonareo; Mitsahara, fa aza manao ratsy. Isaia 1: 16

30/12/2021

Fa tsy sitrako ny fahafatesan'izay maty, hoy Jehovah Tompo. Koa MIBEBAHA ianareo mba ho velona. Ezekiela 18:32

04/12/2021

Ho vahinin'i GASCAR Fenosoa anio Sabotsy 04 Desambra 2021 @ 9 ora alina ao @ Fandaharana ༺L’INVITE DU JOUR༻: Pasteur Tantely RATSIMBA | Mission Miomàna.

Arahanao mivantana ao @ Canal TV 30UHF/543.25Mhz, ny Onjampeo Real94 FM, ny WEB Radio Real FM ary eto @ Pejy Facebook Real TV Madagasikara aorian'ny fampahalalam-baovao.
Hanasàna anao hanaraka izany.