FJKM Kristy Fehizoro Ambatolampy Tsimahafotsy

26/07/2025

Rahampitso amin'ny 2ora sy sasany ny fotoana iarahana amin'ny Tanora Masina Itaosy.📆
Misy tapak'ila amidy eny an-toerana ho an'ireo izay mbola tsy nahazo.

✨Iray volan'ny STK ✨✞

Ho fankalazana an'Andriamanitra sy ho fanohanana ny Sampana Tanora Kristiana eto amin'ny Kristy Fehizoro Ambatolampy Tsimahafotsy dia fifaliana ho anay ny manasa anareo hanatrika ny Antsampiderana goavana iarahana amin'ny "Tanora Masina Itaosy" ny Alahady faha 27Jolay 2025 amin'ny 2ora30.
Izany dia hotanterahina eto amin'ny FJKM Kristy Fehizoro Ambatolampy Tsimahafotsy ary ny tapak'ila dia efa afaka jifaina eny amin'ny mpikambana STK sy eny an-toerana amin'ny andron'ny fampisehoana.

Tapak'ila tsotra: 4.000Ar
Fanasana : 15.000Ar

Tongava maro🥰

28/06/2025

✨Iray volan'ny STK ✨✞

Ho fankalazana an'Andriamanitra sy ho fanohanana ny Sampana Tanora Kristiana eto amin'ny Kristy Fehizoro Ambatolampy Tsimahafotsy dia fifaliana ho anay ny manasa anareo hanatrika ny Antsampiderana goavana iarahana amin'ny "Tanora Masina Itaosy" ny Alahady faha 27Jolay 2025 amin'ny 2ora30.
Izany dia hotanterahina eto amin'ny FJKM Kristy Fehizoro Ambatolampy Tsimahafotsy ary ny tapak'ila dia efa afaka jifaina eny amin'ny mpikambana STK sy eny an-toerana amin'ny andron'ny fampisehoana.

Tapak'ila tsotra: 4.000Ar
Fanasana : 15.000Ar

Tongava maro🥰

28/09/2024

Fiadanan'ny Tompo ho aminareo !

Ampahatsiahivina isika taraky ny FJKM Kristy Fehizoro Ambatolampy Tsimahafotsy fa rahampitso Alahady 29 Septambra ny fetin'ny Taranaka, manomboka amin'ny 9ora sy sasany.
✝️Hisy fizarana mari-pankasitrahana ho an'ireo izay afa-panadinana ara-panjakana.
✝️Ny Taranaka rehetra kosa dia samy manao fanamiana hiraisany avy.
✝️Hisy ihany koa sakafo izay karakarain'ny Komity amin'ny vidiny 3.000Ar
Manantena ny fahatongavantsika hiaraka hanome Voninahitra an'Andriamanitra.

Indro ary ny tonon'ny hira fanevan'ny Faha 155 taonan'ny Fiangonana, 10taonan'ny Sekoly Fehizoro, 5taonan'ny AMiKri⛪

17/09/2024

Fiadanana o !
Ny FJKM KRISTY FEHIZORO dia faly manasa antsika taranaka rehetra mba samy ho tonga hiara-hanome voninahitra an'Andriamanitra noho ny FETIN'NY TARANAKA ny alahady 29 Septambra 2024 @ 9 ora sy 30 mn hoavy izao . AOKA HIFAM-PILAZA . MIFAMPIVAVAHA !✝️

11/12/2023

MAMPIASA NY TENANAO , AMIN' NY TOE- PANAHY ARAKA AN' ANDRIAMANITRA . " I TIM 4 / 7 B )

18/09/2022

FIADANANA hoanareo ! Ampifaliana no anasana antsika taranaky ny Fjkm Kristy Fehizoro tsy ankanavaka ,sy ny mpiaramiombona fanompoana rehetra, mba ho tonga hiara- hanome voninahitra an'Andriamanitra noho ny Fetin'ny Taranaka 2022. Ny fotoana dia hanomboka @ 9ora s'y 30mn.maraina . Aoka ny isan- Taranaka samy hanao fanamina irasana na marika famantarana . Misy ny fizarana Sertifika hoan'ny mpianatra aca- panadinana ara- panjakana .
- Misy fiantsoana ny Taranaka mba hiseho eo anatrehan'i Jéhovah ka hitondra fanatitra.
- Misy sakafo @ vidiny mirary .
- Ny Valopy adidy dia horaisinao eo ampahatongavana .
Ezaka iraisantsika hoamin'ny Hazakazaka Masina dia ny fanatserana ny tontolo manodidina ny Fiangonana .
AOKA SAMY HIFANENTANA NY ISAN- TARANAKA . Ny fotoana dia faranana @ Fandraisana n'y Fanasan'ny Tompo.

08/08/2022

Mofonaina Alatsinainy 08 Aogositra 2022
Matio 7. 7-20
KRISTIANINA MANANA FINOANA

Mangataha, dia homena hianareo; mitadiava, dia hahita hianareo; dòndòny, dia hovohana hianareo. 8 Fa izay rehetra mangataka no mahazo; ary izay mitady no mahita; ary izay mandòndòna no hovohana. 9 Ary iza moa aminareo, raha angatahan'ny zanany m**o, no hanome azy vato? 10 ary raha angatahany hazandrano, no hanome azy menarana? 11 Koa raha hianareo, na dia ratsy aza, mahalala hanome zava-tsoa ho an'ny zanakareo, tsy mainka va ny Rainareo Izay any an-danitra no hanome zava-tsoa ho an'izay mangataka aminy? 12 Koa amin'izany na inona na inona tianareo hataon'ny olona aminareo, dia mba ataovy aminy kosa tahaka izany fa izany no lalàna sy mpaminany. 13 Midira amin'ny vavahady èty hianareo; fa lehibe ny vavahady, ary malalaka ny làlana izay mankany amin'ny fahaverezana, ka maro ny miditra any. 14 Fa èty ny vavahady, ary tèry ny làlana izay mankany amin'ny fiainana, ka vitsy ny mahita azy. 15 Mitandrema hianareo, fandrao ho voafitaky ny mpaminany sandoka, izay mankao aminareo amin'ny fitafian'ny ondry, fa ao anatiny dia amboadia mitoha izy. 16 Ny voany no hahafantaranareo azy. Manoty voaloboka amin'ny tsilo va ny olona, na aviavy amin'ny songosongo? 17 Dia toy izany, ny hazo tsara rehetra dia mamoa voa tsara; fa ny hazo ratsy rehetra dia mamoa voa ratsy. 18 Ny hazo tsara tsy mety mamoa voa ratsy, ary ny hazo ratsy tsy mety mamoa voa tsara. 19 Ny hazo rehetra izay tsy mamoa voa tsara dia hokapaina ka hatsipy any anaty afo. 20 Ka dia ny voany no hahafantaranareo azy
---------------
Ny finoana no iray amin’izay maha-Kristianina antsika. Io no hamonjena antsika. Rehefa tena tonga amin’io finoana io ny olona dia sady manetsika an’Andriamanitra hiasa izy no mahazo sitraka Aminy. Ny mino marina tokoa

1. Mivavaka dia mahazo (and 7-11)
« Koa raha hianareo, na dia ratsy aza, mahalala hanome zava-tsoa ho an'ny zanakareo, tsy mainka va ny Rainareo Izay any an-danitra no hanome zava-tsoa ho an'izay mangataka aminy? »
Zavatra roa no mampiavaka ny Kristianina manana finoana ambaran’i Jesoa eto :
- Manao ezaka manokana : mitady aloha avy eo mandondona ary misisika miditra ao amin’izay misy an’Andriamanitra. Rehefa mahita an’Andriamanitra dia hangataka ka hahazo.
- Manam-pinoana fa rehefa manome zavatra ho azy Andriamanitra dia zava-tsoa mihoatra noho izay omen’ny ray aman-dreny ara-nofo ny zanaka izany.
Ny finoana arak’izany dia manosika ny mino hifandray amin’Andriamanitra, rehefa tonga amin’io fifandraisana amin’Andriamanitra io izy dia mangataka amin’Andriamanitra izay hany afaka manome zava-tsoa ho azy. Ivelan’Andriamanitra arak’izany dia tsy misy zava-tsoa mendrika azo antenaina. Ataovy arak’izao tenin’i Jesoa izao izay hifandraisana tsara amin’Andriamanitra dia mangataha izay mahasoa avy Aminy.

2. Mamoa voa tsara (and 18-20)
« Hazo tsara tsy mety mamoa voa ratsy, ary ny hazo ratsy tsy mety mamoa voa tsara. 19 Ny hazo rehetra izay tsy mamoa voa tsara dia hokapaina ka hatsipy any anaty afo. 20 Ka dia ny voany no hahafantaranareo azy »
Noho ny tenin’Andriamanitra dia tonga manam-pinoana ny Kristianina. Io finoana io no mampamoa voa mendrika azy, voa mendrika ny fibebahana hoy ny Soratra Masina. Amin’ny maha-Kristianina antsika dia tsy tokony hahitana voa ivelan’izay avy amin’ny filazantsara isika. Ny finoana an’i Jesoa dia mampamoa voa mendrika, voa tsara. Izay mino an’i Jesoa dia ny asa ataony tokoa no tanterahiny eo amin’ny fiarahamonina sy ny fiangonana. Raha mahita faharatsiana isika manodidina antsika dia midika izany fa mbola maro no tsy mamela an’i Jesoa hanapaka ny fony, tsy mbola mahavita mamoa voa tsara. Tsy maintsy atao arak’izany ny ezaka rehetra hitoriana ny filazantsaran’i Jesoa Kristy mba hamoa voa tsara izay rehetra mandre sy mandray izany.

© Mofonaina Isanandro