FJKM Ankadifotsy

FJKM Ankadifotsy Fampifandraisana ny olona amin'ny Tompo, fampifandraisana ny olona samy olona.

🌞 MARAIMBAOVAO🌞 💫 Alatsinainy 24 Aogositra 2026 💫 🎉 MAHATOKY AMIN'NY ASANY NY MPINO 🎉Ho aminareo anie ny fahasoavana sy ...
24/08/2026

🌞 MARAIMBAOVAO🌞

💫 Alatsinainy 24 Aogositra 2026 💫

🎉 MAHATOKY AMIN'NY ASANY NY MPINO 🎉

Ho aminareo anie ny fahasoavana sy ny fiadanana avy amin' Andriamanitra Ray sy Jesoa Kristy Tompo. Amena.

👧 Anjaran'ny ankizy👦

🎼 FFPM 759: 4

Ry Sakaizan'ny tanora!
Eny, sitrakay
Isan' andro, isan' ora
Ho Anao izahay
Tompo ô! Arovy
Ny madinikao
Aza afoy, fa mba tsarovy
Tano mafy ho Anao
Eny, aza afoy fa mba tsarovy
Tano mafy ho Anao

🙏 Hivavaka isika 🙏

Manaiky ho Anao izahay Jesoa mandritra ny androm-piainanay. Amena.

🛡️️Tsianjery🛡️

" Fa hoy ny reniny tamin'ny mpanompo: ataovy izay asainy ataonareo."
Jaona 2: 5

🗡 Ny Soratra Masina hovakintsika dia izay hita ao amin'ny bokin' ny Mpanjaka

📖 1 Mpanjaka 2: 1 - 4 📖

Amin'ny anaran'ny Tompo

1. Ary rehefa antomotra ny andro hahafatesan'i Davida, dia nandidy an'i Solomona zanani-lahy izy hoe: 2. Izaho efa handeha amin'ny làlan-kalehan' ny tany rehetra; koa mahereza hianao, ary misehoa ho lehilahy. 3. Ary tandremo izay asain'i Jehovah Andriamanitrao hotandremana handehananao amin'ny làlany, hitandremanao ny lalàny sy ny didiny sy ny fitsipiny ary ny teni-vavolombelony, araka ny voasoratra ao amin'ny lalàn' i Mosesy, mba hataonao lavorary avokoa izay rehetra hataonao sy izay rehetra halehanao, 4. mba hanatanterahan'i Jehovah ny teny izay nilazany ahy hoe: Raha ny taranakao hitandrina ny alehany ka handeha eo anatrehako amin'ny fahamarinana amin'ny fony rehetra sy amin'ny fanahiny rehetra ( hoy Izy), dia tsy ho diso zanakalahy ho eo amin'ny seza fiandrianan'ny Isiraely hianao.

🎀 Ray Masina ô, manamasina anay amin'ny fahamarinana ny teninao no fahamarinana. Amena. 🎀

🎶 FFPM 515: 3

Tsara vatsy, ry Jesoa ô
Ny mpandeha fahananao
Fa ny teninao soa
Mofon' aina tokoa
Iveloman'ny olonao
Ho amin' io tany io tokoa
No izoran'ny dianay
Jesoa Tompo no ao
Sady efa manao
Trano soa hipetrahanay

🙏 Hivavaka isika 🙏

Nahatratra izao maraina izao indray izahay Andriamanitra ô ka misaotra sy midera ny Anaranao. Misaotra fa mbola afaka mandray vatsy avy amin'ny teninao izahay ho batery fiarovana ny fanahinay, fanalahady idiranay ao amin'ny fanjakan' ny lanitra. Izay mahatoky dia hahatandrina ny lalàna sy fitsipika efa nomenao hatramin'ny andron'i Mosesy. Hahalavorary izay rehetra hatao sy haleha. Tsy ho diso anjara amin'ny valim-pitianao hatramin'ny taranaka fara mandimby. Misaotra Jesoa mampahafantra anay mandrakariva ny sitraponao. Tsy nahatakatra izany izahay, tsy nahatandrina ny didinao ka mamindrà fo aminay, mamelà ny helokay fa diso izahay. Aoka tsy hirehitra aminay ny fahatezeranao, koa sasao sy diovy amin'ny ranao izahay mba hadio sy ho afa-pahotana. Apetrakay eo am-pelatananao ny ho avinay manontolo fa Ianao no ekenay ho Tompo sy Mpamonjy. Misaotra tsy mahafoy na mahasaraka anay. Amin'ny anaranao Jesoa no anaovanay ny vavaka. Amena.

🍃 Izaho efa handeha amin'ny lalan-kalehan'ny tany rehetra; koa mahereza hianao, ary misehoa ho lehilahy.🍃

💥 Ho an' Andriamanitra irery ny voninahitra. Amin'ny anaran'ny Ray Zanaka Fanahy Masina. Amena.💥

🌿 Alahady 23 aogositra 2026 Tsara ny Tompo. Andeha apetratsika eo Aminy izao alina izao 👨‍👩‍👧‍👦 Anjaran'ny ankizy...
23/08/2026


🌿 Alahady 23 aogositra 2026



Tsara ny Tompo. Andeha apetratsika eo Aminy izao alina izao

👨‍👩‍👧‍👦 Anjaran'ny ankizy

🎶 Fihirana FFPM 212 : 1

Velona sy mahery
Ny Tenin'Andriamanitra ;
Ka na dorana aza
Dia tsy ho levona.
Ny Sekoly Alahady
Dia mivelona aminy.

🙏 Hivavaka isika

Tsara ny mivelona amin'ny Teninao ry Jesoa Tompo . Misaotra Jesoa ô. AMEN !

👨‍👩‍👧‍👦 Tsianjery

" Indro, voalazako aminareo rahateo izany. " Matio 24 : 25

📖 Raiso ny Baibolinao, Ny Soratra Masina hovakiantsika dia ao amin'ny

Jeremia 9 : 22 - 23

Amin'ny Anaran'ny Tompo

Izao no lazain'i Jehovah: Aoka ny hendry tsy hirehareha amin'ny fahendreny, ary aoka ny mahery tsy hirehareha amin'ny heriny, ary aoka ny manan-karena tsy hirehareha amin'ny hareny; Fa izay te-hirehareha dia aoka hirehareha amin'izao: Dia ny fahendreny sy ny fahalalany Ahy ho Jehovah, Izay manao famindram-po sy fitsarana marina ary fahamarinana ety ambonin'ny tany; fa izany no sitrako, hoy Jehovah.

💫 Ray Masina ô! Manamasina anay amin'ny fahamarinana, ny Teninao no fahamarinana. Amen 💫

🎶 Ataontsika ny

Fihirana Fanampiny 29 : 2

Tsy mba hisy fanorenako
Raha eto an-tany eto Raiko o!
Fa ny lanitrao noho fonenako
Izany no mba faniriako
He! izao tontolo izao tazaniko (tazaniko)
Rendrarendr'izay mamitaka avokoa (kanefa Ray o)
Fa ny eo anilanao, no mamiko
Ry Raiko raiso aho ho Anao.

🙏 Hivavaka isika

Asainao hahay manetry tena izahay ry Tompo, tsy hirehareha fa kosa hanana fitokiana Aminao Andriamanitra irery ihany. Misaotra Anao ihany koa izahay afaka nahazo hery hoentinay mamakivaky ity herinandro vaovao ity tamin'ny vatsim-panahy azonay izay mitaona anay ho tonga olona mahatoky amin'ny andraikitra, miavaka amin'ny maro, mandray ny toro-marika amin'ny asa tanterahiny, hianatra amin'i Jesoa, tsy hihemotra amin'ny iraka nanirahana, ho fantsom-pamonjena ho an'ny hafa, manome voninahitra an' Andriamanitra mandrakariva, miaina amin'ny fahasoavan'ny Tompo ary indrindra miasa mafy amin'ny finoana ny Tompo. Mifona Aminao anefa izahay fa tsy nahatanteraka izany fa niankina tamin'ny herinay sy ny fahalalanay koa mamelà ny fahadisoanay.
Mangataka fiarovana avy Aminao izahay raha hamakivaky ity alina maizina ity ka tsy hisy loza na tebiteby na ahiahy hahazo anay ary hilamina ny alinay.
Izay rehetra kasainay atao rahampitso koa dia efa apetrakay Aminao, Ianao no Andrirahona sy Andriafo ho anay ka hahatontosa izay rehetra ataonay izahay eo ambany Fitahiana sy Fiarovanao. Tianay ny hamarana izany amin'ilay Vavaka tsara indrindra nampianarinao Jesoa anay

🔶 Ry Rainay izay any an-danitra ô !
Hohamasinina anie ny Anaranao
Ho tonga anie ny Fanjakanao
Hatao anie ny Sitraponao
Ety an-tany tahaka ny any an-danitra
Omeo anay anio ny hanina sahaza anay
Avelao ny helokay tahaka ny namelanay izay meloka taminay
Aza mitondra anay amin'ny fakam-panahy
Fa manafaha anay amin'ilay ratsy .
Anao ny Fanjakana sy ny Hery
Anao ny Voninahitra mandrakizay. Amen !

🙌 Ho Voninahitr' Andriamanitra Ray Zanaka Fanahy Masina. Amen 🙌

Mijoroa ho mpanompo mahatoky , hanaiky ho iraky ny Tompo . Soava mandry

Ho amin'ny rahampitso indray 😇😊💖💖

23/08/2026

Fanompoam-pivavahana
Alahady 23 Aogositra 2026

Alahady_23_Aogositra_2026
23/08/2026


Alahady_23_Aogositra_2026

MOFONAINA anio Alahady 23 Aogositra 2026« Mahatoky amin'ny asany ny mpino »Jaona 17 : 1 – 5« 1 Rehefa nolazain'i Jesosy ...
23/08/2026

MOFONAINA anio Alahady 23 Aogositra 2026

« Mahatoky amin'ny asany ny mpino »

Jaona 17 : 1 – 5
« 1 Rehefa nolazain'i Jesosy izany teny izany, dia nanandratra ny masony ho amin'ny lanitra Izy ka nanao hoe: Ray ô, tonga ny fotoana; mankalazà ny Zanakao, mba hankalazan'ny Zanaka Anao,
2 araka ny nanomezanao Azy fahefana amin'ny nofo rehetra mba hanome fiainana mandrakizay ho an'izay rehetra nomenao Azy. 3 Ary izao no fiainana mandrakizay, dia ny mahafantatra Anao, Izay Andriamanitra tokana sady marina, sy Jesosy Kristy, Izay efa nirahinao. 4 Izaho efa nankalaza Anao tety ambonin'ny tany; vitako ny asa nomenao Ahy hataoko. 5 Ary ankehitriny, Ray ô, mankalazà Ahy amin'ny tenanao, dia amin'ny voninahitra hiarahako nanana taminao, fony tsy mbola ary izao tontolo izao. »

Mahatoky amin'ny asany ny mpino

Jesoa Kristy mivavaka no hitantsika eto. Ao anatin'izany vavaka izany no anambaran'i Jesoa sahady, fa tsy teo amin'ny hazofijaliana ihany, fa vitany ny iraka nampanaovina Azy.
Koa ny mpino mahatoky amin'ny asany dia:

1- Feno fiainam-bavaka
Ny vavaka dia fomba iray ifandraisantsika amin'Andriamanitra, ankoatra ny Soratra Masina na Tenin'Andriamanitra. Koa ny hoe: feno fiainam-bavaka dia midika fifandraisana tsy tapaka amin'Andriamanitra. Miantoka ny fahombiazana amin'ny asa atao io fifandraisana amin'Andriamanitra io, araka ny tenin'i Jesoa hoe: « raha misaraka amiko kosa hianareo, dia tsy mahay manao na inona na inona ». (Jao 15. 5). Ny modely omen'i Jesoa antsika eto dia tsy fanaovana vavaka mialohan'ny hanombohana asa ihany fa aorian'ny fahavitany koa.

2- Mahavita izany an-tsakany sy an-davany
Anisan'ny toetra ananan'ny olo-mahatoky ny tsy fivadihana amin'ny teny na fanekena nataony, na dia iharan-java-manahirana noho ny amin'izany aza (miaritra sy maharitra).
Raha nanao ity vavaka ity ny Tompo dia mbola tsy niatrika ny hazofijaliana akory. Koa ny filazany hoe: « vitako ny asa nomenao Ahy hataoko » (and. 4d) dia filazana sahady ny hahatanterahan'izany na dia ho avy aza ny fotoana mahory sy hahafadiranovana indrindra. Tonga tamin'ny fahafenoany kosa izany teo amin'ny hazofijaliana ka nilazan'ny Tompo hoe: « Vita! » (Jao 19. 30).

Fanontaniana:
Inona no azo atao hanatsarana ny fiainam-bavaky ny mpino? Mahatoky ve ny mpino manao fametraham-pialana amin'ny asa fanompoany?

Hira FF 39 – Faniriako
2. Ray ô! mba faniriako
Raha toa ka sitrakao
Ny ho zanaka manoa
Feno fahendrena
Hilofo hatrany koa
Hamita ireo asanao
Ka tsy hirehareha
Fa hanetry tena.

Fiv : Endrey ny fiainanay anilan-dRay
Ny Tompo iray, Fanahy iray
Iraisana avokoa ‘reo asa soa
Iray ny fo, iray ny loha
Ray o! nahoana moa e!
Raha atomboka anio?

🌞 MARAIMBAOVAO 🌞⛅️ Alahady 23 Aogositra 2026 ⛅️Ampitomboina aminareo anie ny fahasoavana sy ny fiadanana avy amin'Andria...
23/08/2026

🌞 MARAIMBAOVAO 🌞

⛅️ Alahady 23 Aogositra 2026 ⛅️

Ampitomboina aminareo anie ny fahasoavana sy ny fiadanana avy amin'Andriamanitra Ray sy Jesoa Kristy Tompo. Amena.

🔥 MAHATOKY AMIN'NY ASANY NY MPINO 🔥

👬 Anjaran'ny ankizy 👬

🎼 Hira FFPM 786 : 3 🎼

Mamiratra indrindra
Ny masoandronay,
Milanto sy mirindra
Ny antom-piainanay.
Ny teninao ihany
No mahatonga izao,
He ! Sambatra ny tany,
Fa mahalala Anao.

🙏 Hivavaka isika 🙏

Sambatra izahay Jesoa manana ny teninao mampirindra ny fiainanay. Misaotra Jesoa. Amena.

🌺 Tsianjery 🌺

⚡️ Indro, voalazako aminareo rahateo izany. ⚡️ Mat 24 : 25

📖 MOFONAINA 📖

Filazantsara masina araka an'i Jaona, Jao 17 : 1-5

Amin'ny anaran'i Jesoa :

1. Rehefa nolazain'i Jesoa izany teny izany, dia nanandratra ny masony ho amin'ny lanitra Izy ka nanao hoe : Ray ô, tonga ny fotoana ; mankalazà ny Zanakao, mba hankalazan'ny Zanaka Anao, 2. araka ny nanomezanao Azy fahefana amin'ny nofo rehetra mba hanome fiainana mandrakizay ho an'izay rehetra nomenao Azy. 3. Ary izao no fiainana mandrakizay, dia ny mahafantatra Anao, Izay Andriamanitra tokana sady marina, sy Jesoa Kristy, Izay efa nirahinao. 4. Izaho efa nankalaza Anao tety ambonin'ny tany ; vitako ny asa nomenao Ahy hataoko. 5. Ary ankehitriny, Ray ô, mankalazà Ahy amin'ny tenanao, dia amin'ny voninahitra niarahako nanana taminao, fony tsy mbola ary izao tontolo izao.

✨️Ray Masina ô, manamasìna anay amin'ny fahamarinana, ny Teninao no fahamarinana. ✨️

🎼 Hira FFif 205 : 4 🎼

Tonga Jesoa hamonjy ny maro,
'Zay mibebaka, ô ! Matokia,
Ny Fanahy nirahin'ny Tompo,
Hanadio ny ota ao am-po.

"Ranon'aina tsara loatra,
Mora azon'ny maniry azy re ;
Tsy mba eto, fa any an-koatra,
'Zay tafiditra ao dia tretrika tokoa."

🙏 Hivavaka isika 🙏

Andriamanitra Rainay ô, deraina miaraka amin'i Jesoa Kristy sy ny Fanahy Masina anie ny anaranao. Fa Andriamanitra tokana sady marina Hianao, Andriamanitra fitiavana ka naniraka an'i Jesoa Kristy Zanakao hamonjy izao tontolo izao. Ary nanome Azy ny fahefana rehetra any an-danitra sy ety an-tany, hamela heloka izay mino Azy mba hahazoany ny fiainana mandrakizay. Vita ny asany, maty nisolo heloka anay Izy, nandatsaka ny rany ho fanadiovana anay, nitsangana tamin'ny maty Izy ary mipetraka eo an-kavananao miandry ny hiverenanao hitsara izao tontolo izao. Izany no hankalazanay Anao Andriamanitra Ray sy Zanaka ary Fanahy Masina. Fa lehibe sy mahagaga ny asam-pamonjena nataonao ho anay. Izany no hideranay Anao fa tsy takatry ny sainay ny fitiavanao. Ho Anao irery anie ny dera aman-daza sy ny voninahitra ety an-tany ho tahaka ny any an-danitra, fa Hianao no hany Andriamanitra mendrika izany. Dia mamindrà fo amin'ny tsy fahatanterahanay. Mamelà anay raha naniasia izahay. Dia mba ho mahatoky amin'ny asanay rehetra izahay manomboka izao. Ho fantsom-piderana Anao ka hiezaka hatrany amin'ny asa tsara anirahanao anay. Mba hianatra Aminao Jesoa Kristy, hankato ny baikonao sy ny fandaharanao, hanananay fiainana be dia be ao Aminao. Amin'ny anaran'i Jesoa Mpamonjy no anaovanay ny vavaka. Amena.

💥 Ary izao no fiainana mandrakizay, dia ny mahafantatra Anao, Izay Andriamanitra tokana sady marina, sy Jesoa Kristy, Izay efa nirahinao. 💥

✨️ Ho an'Andriamanitra irery ny voninahitra. Amin'ny anaran'ny Ray, Zanaka, Fanahy Masina. Amena. ✨️

🌿 Sabotsy 22 aogositra 2026 Isaorana ny Tompo. Andeha apetratsika eo Aminy izao alina izao 👨‍👩‍👧‍👦 Anjaran'ny ank...
22/08/2026


🌿 Sabotsy 22 aogositra 2026



Isaorana ny Tompo. Andeha apetratsika eo Aminy izao alina izao

👨‍👩‍👧‍👦 Anjaran'ny ankizy

🎶 Fihirana FFPM 205 : 1

Ny teninao rehetra,
Ry Tompo tia anay !
No tsy mba manam-petra,
Fa tò mandrakizay;
Ho levona avokoa
Izao rehetra izao,
Haharitra tokoa
'zao teninao izao.

🙏 Hivavaka isika

Tsy mety levoba ny Teninao ry Jesoa Mpamonjy . Misaotra Jesoa ô. AMEN !

👨‍👩‍👧‍👦 Tsianjery

" Indro, voalazako aminareo rahateo izany. " Matio 24 : 25

📖 Raiso ny Baibolinao, Ny Soratra Masina hovakiantsika dia ao amin'ny

Romana 8 : 26 - 30

Amin'ny Anaran'ny Tompo

Ary toy izany koa, ny Fanahy no mamonjy ny fahalementsika: fa tsy fantatsika izay vavaka tokony hataontsika; fa ny Fanahy no mifona amin'ny fitarainana tsy azo tononina. Ary Izay mandinika ny fo no mahalala izay hevitry ny Fanahy, satria araka an'Andriamanitra ny fifonany ho an'ny olona masina. Ary fantatsika fa ny zavatra rehetra dia miara-miasa hahasoa izay tia an'Andriamanitra, dia izay voantso araka ny fikasany rahateo. satria izay fantany rahateo no notendreny koa hitovy endrika amin'ny Zanany, mba ho Lahimatoa amin'ny rahalahy maro Izy. Ary izay notendreny no nantsoiny koa; ary izay nantsoiny no nohamarininy koa; ary izay nohamarininy no nomeny voninahitra koa.

💫 Ray Masina ô! Manamasina anay amin'ny fahamarinana, ny Teninao no fahamarinana. Amen 💫

🎶 Ataontsika ny

Fihirana FFPM 461 : 3

Lefero kely, maneke
Izay sitrak'Andriamanitra,
Ny zavatra tinendriny
Tsy maintsy mahasoa anao;
Isika nofinidiny,
Ka tsy foiny indray.

🙏 Hivavaka isika

Misaotra Anao izahay ry Jesoa Tompo noho ny fampianarana nomenao anay fa hay ny Fanahy no mamonjy amin'ny fahalemenay ary rehefa nantsoinao izahay dia nohamarininao satria Ianao no mahatanteraka izany. Mifona izahay noho ny fahalemenay izay nahatonga anay nihodina Taminao, mamelà ny helokay. Ampitomboy ny finoanay Anao hanatanterahanay ny Irakao.
Hiatrika ny alina izahay, Ianao haniraka ny Anjelinao hitoby manodidina anay ka ho voaaro amin'ny zana-tsipika alefan'ilay ratsy izahay. Ny ampitsonay koa dia efa apetrakay Aminao ka hahatontosa izay rehetra kasainay atao satria Ianao no momba anay. Akambanay amin'ilay Vavaka nampianarinao Jesoa anay izany.

🔶 Ry Rainay izay any an-danitra ô!
Hohamasinina anie ny Anaranao
Ho tonga anie ny Fanjakanao
Hatao anie ny Sitraponao
Ety an-tany tahaka ny any an-danitra
Omeo anay anio ny hanina sahaza anay
Avelao ny helokay tahaka ny namelanay izay meloka taminay
Aza mitondra anay amin'ny fakam-panahy
Fa manafaha anay amin'ilay ratsy .
Anao ny Fanjakana sy ny Hery
Anao ny Voninahitra mandrakizay. Amen !

🙌 Ho Voninahitr' Andriamanitra Ray Zanaka Fanahy Masina. Amen 🙌

Maneke hotendren' Andriamanitra sy hantsoiny hanao ny asany. . Soava mandry

Ho amin'ny rahampitso indray 😇😊💖💖

Fandaharana Alahady 23 Aogositra 2026Fidirana :- voalohany : 7 ora maraina - faharoa : 10 ora maraina
22/08/2026

Fandaharana Alahady 23 Aogositra 2026
Fidirana :
- voalohany : 7 ora maraina
- faharoa : 10 ora maraina

Sabotsy_22_Aogositra_2026
22/08/2026


Sabotsy_22_Aogositra_2026

MOFONAINA anio Sabotsy 22 Aogositra 2026« Mahatoky amin'ny asany ny mpino »Joda 17 – 23« 17 Fa tsarovinareo, ry malala, ...
22/08/2026

MOFONAINA anio Sabotsy 22 Aogositra 2026

« Mahatoky amin'ny asany ny mpino »

Joda 17 – 23
« 17 Fa tsarovinareo, ry malala, ny teny voalazan’ny Apostolin’i Jesosy Kristy Tompontsika fahiny; 18 fa efa nilaza taminareo hoe izy: Amin’ny andro farany dia hisy mpaniratsira, mandeha araka ny filan’ny haratsiam-panahiny. 19 Ireo no mahatonga fisarahana, dia olona araka ny nofo ihany, fa tsy mba manana ny Fanahy. 20 Fa hianareo kosa, ry malala, dia ataovy izay handrosoanareo amin’ny finoanareo masina indrindra, ka mivavaha ao amin’ny Fanahy Masina; 21 ary tehirizo ny tenanareo ao amin’ny fitiavan’Andriamanitra, miandry ny famindrampon’i Jesosy Kristy Tompontsika ho fiainana mandrakizay. 22 Ary amindrao fo ny sasany izay miahanahana; 23 ary ny sasany kosa sariho avy amin’ny afo no famonjy azy; ary ny sasany indray amindrao fo amin-tahotra, ka mankahalà na dia ny akanjo voapentimpentin’ny nofo aza. »

Ny Epistily nosoratan'i Joda dia mampitandrina fatratra noho ny fisian'ireo mpampianatra sandoka manao fampianaran-diso izay mitondra korontana sy fisaraham-bazana. Tsy nahatoky tamin'ny fampianarana sy ny fanompoana nomena azy izy ireny ka tonga mpaniratsira nentanin'ny haratsiam-panahy. Ho fisoronana izany amin'ny andro ankehitriny dia entanina isika mba:

1- Handroso amin'ny finoana masina indrindra (and. 20a)
Ny hoe « mandroso » dia miala eo amin'ny toerana misy ny tena ka manao dingana mankany aloha kokoa. Noho izany dia tena ilaintsika ny manao dingana « mandroso » ara-pinoana: ny vita batisa miroso ho katekomena, ny mpandray ny fanasan'ny Tompo miroso ho diakona... « fa isika tsy naman'izay mihemotra » (Heb 10. 39). Ny dingana ara-pinoana resahina eto, dia izay mampanakaiky antsika kokoa an'i Jesoa fa tsy fivilian-dalana tahaka ny an'ireo mpampianatra sandoka izay tonga mpaniratsira ny finoana.

2- Hivavaka ao amin'ny Fanahy Masina (and. 20b)
Hoy ny Dikanteny Iombonana (DIEM): « mivavaka omban'ny herin'ny Fanahy Masina ». Koa ny vavaka dia tokony ho tarihin'ny Fanahy Masina ka tonga mifanaraka amin'ny sitrapon'Andriamanitra, ary ny finoana dia ampaherezin'ny Fanahy Masina ka tena feno fahatokiana handray valim-bavaka. Fomba iray ifandraisana amin'Andriamanitra ny vavaka (miresaka amin'Andriamanitra). Amin'ny maha-olombelona marefo anefa dia tsy ho haintsika mihitsy ny hifandray am-pahamasinana amin'Andriamanitra. Izany no ilàna ny Fanahy Masina izay mamonjy ny fahalementsika (Rom 8. 26).

Fanontaniana:
Ahoana no hilazana fa « diso » ny fampianarana iray?

Hira FFPM 469 - Jeso ô, Mpitia anay
4. Jeso ô, Mpitia anay !
Aoka hotarihinao ;
Aza mba mandao anay,
Mandra-pahafatinay :
Mamy ry Jeso !,

Fiv : Mamy, ry Jeso ! (in-3)
Ny fitiavanao.

Address

Antananarivo
101

Website

,

Alerts

Be the first to know and let us send you an email when FJKM Ankadifotsy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category